<a href="https://kyzylorda-news.kz/">Kyzylorda-news.kz</a> Қазақстанда 12 қаңтардан бастап біржолғы зейнетақы төлемі есебінен медициналық қызмет алу үшін өтінім қабылдау уақытша тоқтатылды. Олардың қашан қайта қабылдануы мүмкін екенін «Отбасы банк» түсіндірді.<a href="https://kaz.inform.kz/news/zeynetaki-karzhisina-emdelu-kashan-kaytadan-otnm-beruge-boladi-df103a/">Kazinform </a>агенттігіне берген жауабында банктің баспасөз қызметі зейнетақы қаржысы есебінен емделуге өтінім қабылдау 6-9 айға дейінгі мерзімге тоқтатылуы жоспарланып отырғанын айтты.<blockquote>– Бұл уақытша шара екенін айрықша атап өтеміз. Қазақстандықтар біржолғы зейнетақы төлемдері есебінен емделуге қайта өтінім бере аларда міндетті түрде хабарлаймыз. 2026 жылғы 12 қаңтарға дейін берілген барлық өтінімдер әдеттегі тәртіппен қаралады, – деп атап өтті банк өкілдері.</blockquote>Қазіргі таңда банктің радиохирургия бағыты бойынша 7 666 өтінім қаралып жатыр. Уақытша шектеу дәл осы ем түріне өтінімдердің күрт көбеюіне байланысты енгізілген.<blockquote>– Бұл рәсімдер — аясы тар әрі жоғары мамандандырылған сала болғандықтан, стандартты операция жасау мүмкін емес немесе тым қауіпті болған жағдайда ғана қолданылады. Біз өтінімдер саны аз болады деп күткен едік, бірақ қателестік. 2025 жылғы қазанда радиохирургия бойынша 45 өтінім түсті. Қарашада – 113 өтінім. Ал 1 желтоқсаннан 8 қаңтарға дейін – 168 өтінім түскен, – деп түсіндірді банк.</blockquote>Айта кетейік, бұған дейін бір айдың ішінде қазақстандықтар радиохирургиялық ем алуға 5,6 млрд теңге көлемінде зейнетақы төлемін алғаны хабарланған болатын.Сондай-ақ өткен жылы азаматтарға зейнетақы жинақтарын пластикалық операцияларға пайдалануға тыйым салынғаны белгілі.БЖЗҚ зейнетақы жинағының ең төменгі жеткіліктілік шегін 10 пайыз көтерді.Фото: Нұрболат Нұржаубай

Медициналық қызмет алу үшін өтінім қабылдау уақытша тоқтатылды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов шаруашылық төрағаларымен кездесу өткізді. Жиында алдағы вегетациялық кезеңге дайындық, егінді әртараптандыру және цифрлық технологияларды енгізу мәселелері талқыланды.2025 жылы вегетациялық кезеңде су тапшылығы орын алғанына қарамастан, аудан бойынша жоғары өнімге қол жеткізілді. 193 су пайдаланушымен «Жалағашсушар» өндірістік учаскесі арасында келісімшарт жасалып, 591,8 млн текше метр су жеткізілді.Аудан әкімі ротация тәртібін сақтамаған және егін көлемін белгіленген межеден артық еккен шаруашылықтарға вегетациялық кезеңде су берілмейтінін қатаң ескертті.Сонымен қатар, су тапшылығы жағдайында су үнемдеу технологияларын кеңінен енгізу және суды аз қажет ететін дақылдардың егіс көлемін арттыру қажеттігі атап өтілді.Өткен жылы су ресурстарын тиімді пайдалану және егін өнімділігін арттыру мақсатында инженерлік жүйедегі жерлерге лазерлік жер тегістеу жұмыстары жүргізілді.Ауданда суды үнемдеу және цифрлық технологияларды енгізу аясында күріш алқаптарын оңтайландыру жұмыстарын жалғастыру жоспарлануда. Сондай-ақ, тамшылатып суару әдісі арқылы картоп, көкөніс және бақша дақылдары көлемін ұлғайту көзделіп отыр.Мәжіліс қорытындысымен аудан әкімі күн тәртібінде қаралған мәселелер бойынша жауапты сала басшыларына, ауылдық округ әкімдеріне, шаруашылық құрылымдарына нақты міндеттер жүктеді.

Егінді әртараптандыру және цифрлық технологияларды енгізу мәселелерін талқылады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаев өз Жолдауларында бірнеше мәрте цифрландыру мен жасанды интеллектті &nbsp;дамыту – елдің бәсекеге қабілеттілігінің негізгі факторы екенін атап өтті. Бұл үдерістің ең маңызды буыны – мектеп және мұғалім. Осы орайда Қызылордада «AMANAT» партиясы мен ҚР Жасанды интеллект және цифрлық даму министрлігінің бірлескен «Әлеуеттік әмиян» жобасы аясында облыстық білім беру ұйымдарының педагог қызметкерлері мен ата-аналарға арналған оқу семинары өтті.&nbsp;Оқу семинарына «AMANAT» партиясы облыстық филиалының төрағасы Жандос Базартай қатысып, жобаны жүзеге асыру аясында өңірде атқарылып жатқан жұмыстарды атап өтті.&nbsp;<blockquote>«Бүгінгі таңда еліміздегі барлық жалпы білім беретін мектептер аппараттық-бағдарламалық кешендермен 100 пайыз қамтамасыз етілген. Алайда «AMANAT» партиясының Саяси менеджмент академиясы, ҚР Жасанды интеллект және цифрлық даму министрлігінің Мемлекеттік қызметтер &nbsp;Комитеті, ҚР Оқу-ағарту министрлігі бірлесіп, жобаны жүзеге асыру мақсатында арнайы талдау жүргізген. Нәтижесінде, &nbsp;білім басқармалары мен жалпы білім беретін мектептердің педагогикалық ұжымы тарапынан ата-аналарға түсіндірме жұмыстарын күшейту қажеттілігі анықталған. Ата-аналардың бір бөлігі «Әлеуметтік әмиян» сервисінің жұмыс істеу қағидаттары туралы жеткілікті деңгейде хабардар емес, ал мектептердің жекелеген қызметкерлерінде 1–4 сынып оқушыларына арналған тегін және жеңілдетілген тамақтану ваучерлерін автоматты түрде есептеу тәртібі, сондай-ақ мәртебені тексеру &nbsp;тетіктері бойынша толық түсінік қалыптаспағаны анықталған. &nbsp;Осының нәтижесінде министрлік пен білім басқармаларына түсетін азаматтардың өтініштері мен шағымдарының санының өсуі байқалуда. Бүгінгі білім басқармасы мен бірлесіп ұйымдастырылып отырған &nbsp;оқу семинары - осы маңызды міндеттерді жойып, мұғалімдер мен ата-аналарға «Әлеуметтік әмиян» жүйесінің мүмкіндіктерін түсіндіру, оны тиімді әрі дұрыс қолдануға үйрету, сондай-ақ әлеуметтік көмектің нақты иесіне тікелей жетуін қамтамасыз етуге бағытталып отыр»,- деді Жандос Базартай.&nbsp;</blockquote>Жалпы өңірде жобаны жүзеге асыру мақсатында «AMANAT» партиясының облыстық филиалының төрағасы, аудандық, қалалық филиалдарының атқарушы хатшылары, облыстық білім басқармасы, Қызылорда облысы әкімі аппаратының цифрландыру және мемлекеттік көрсетілетін қызметтердің мониторингі бөлімі, аудандық, қалалық білім бөлімдерінің басшыларын қамтитын облыстық және білім беру ұйымдарының педагог қызметкерлері мен ата-аналарға оқыту жүргізетін 8 жұмысшы топ құрылды. &nbsp; Алдағы уақытта бүгінгі оқусеминарынан өткен жұмысшы топ өкілдері &nbsp;өз аудандарында кестеге сәйкес оқу жүргізетін болды.<img src="https://knadmin.beoblood.kz/uploads/Amanat_o_u_seminary_2_f51511a96d.jpg" alt="Аманат оқу семинары 2.jpg">

«Әлеуметтік әмиян» цифрлық платформасын енгізу бойынша оқу семинары өтті

<a href="https://kyzylorda-news.kz/">Kyzylorda-news.kz</a> «AMANAT» партиясының бастамасымен дәстүрлі түрде өткізіліп келе жатқан «Таза бейсенбі» экологиялық акциясы Қазалы ауданында кезекті рет ұйымдастырылды. Қоғамдық маңызы зор шараға аудандық мәслихат депутаттары, бастауыш партия ұйымдарының мүшелері, партия филиалының қызметкерлері және белсенді азаматтар қатысып, жалпы саны 30-дан астам адам жұмылдырылды.Акция барысында қатысушылар Әйтеке би кентінде орналасқан Жанқожа батыр кесенесінің аумағын қардан тазартты. Нәтижесінде жарты тоннадан аса қар шығарылып, келушілерге арналған жолдар ашылды.&nbsp;Шара барысында «AMANAT» партиясы фракциясының мүшесі, аудандық мәслихат депутаты Күншығар Әбілов экологиялық мәдениетті қалыптастырудың маңыздылығына тоқталып, белсенділік танытқан азаматтарға ризашылығын білдірді.<blockquote>«Тазалық – тек бір күндік акция емес, ол әрбір азаматтың өмірлік ұстанымына айналуы тиіс. Қоршаған ортаға жанашырлықпен қарау арқылы біз болашақ ұрпаққа таза әрі қауіпсіз мекен қалдырамыз. Осындай игі істерде бір жағадан бас, бір жеңнен қол шығарып жүрген партияластарымыздың еңбегі зор. Ортақ іске деген ұйымшылдық пен жауапкершілік нақты нәтижеге жол ашады», – деді ол.</blockquote>Айта кетейік, Мемлекет басшысының «Таза Қазақстан» жалпыұлттық бастамасын қолдау мақсатында қолға алынған «Таза бейсенбі» акциясы 2024 жылы бастау алды. Осы уақыт аралығында Қазалы ауданында аталған акция 11 рет ұйымдастырылып, 500-ден астам адам қатысқан. Нәтижесінде 15 тонна тұрмыстық қалдық арнайы орынға шығарылды.<img src="https://knadmin.beoblood.kz/uploads/Amanat_tazaly_zh_mystary_3_3394a91b41.jpg" alt="Аманат тазалық жұмыстары 3.jpg">

«Таза бейсенбі»: Акция аясында тазалық шарасы ұйымдастырылды

<a href="https://kyzylorda-news.kz/">Kyzylorda-news.kz</a> Сыр өңіріне Ақтөбе облысының ресми делегациясы іссапармен келді. Сапардың мақсаты – өңіраралық әріптестікті нығайту, тәжірибе алмасу және өзара тиімді байланыс орнату.Қонақтарды облыс әкімі Нұрлыбек Нәлібаев &nbsp;қабылдады. Онда тараптар әлеуметтік және экономикалық бағыттар бойынша пікір алмасып, бірлескен жобаларды жүзеге асыру мүмкіндіктерін талқылады.Сапар аясында ақтөбеліктер өңірдегі жаңа нысандармен танысты. Ең алдымен халықаралық стандарттарға және УЕФА талаптарына сәйкес келетін 11 мың орындық Орталық стадионды көрді. Аумағы 20 мың шаршы метр ғимараттың жасыл алаңнан бөлек, бокс, дзюдо, грек-рим, еркін күрес, фитнес, спорттық гимнастика, таеквондо және ауыр атлетика залдары бар. Спорт залдар келушілерге үздіксіз әрі сапалы қызмет етеді.Ақтөбелік делегация Президент саябағын, сол жағалаудағы тарихи-өлкетану музейін де көрді. Саябақты қайта жаңғыртуды Alem Qurylys AQ серіктестігі қолға алған. Қайта жаңғырту жобасына түзету енгізіліп, мұндағы құрылыстар қатарына 300 орындық балалар лагері мен қысқы бақ қосылды.Жоба аясында бірнеше нысан мен қоғамдық кеңістіктер салу көзделген. Атап айтқанда, аллея, субұрқақ, амфитеатр, спорт және би алаңдары, балалар ойын алаңдары, workout пен демалыс аймақтары қарастырылған. Сонымен қатар фудкорт, теннис үстелдері, айналмалы дөңгелек аттракцион, тамақтану орындары, велосипед және жүгіру жолақтары салынады.Бұдан бөлек сахна, сарқырама каналдары мен олардың үстінен өтетін көпірлер, сондай-ақ шахмат, баскетбол және футбол алаңдары жоспарланған.Ботаникалық бақ аумағында абаттандыру жұмыстары жүргізілуде. Абаттандырылатын жалпы аумақ 2,41 гектар, бақ ішіне Оңтүстік Африка, Оңтүстік және Орталық Америка, Қытай, Жапония, Мадагаскарда өсетін жасыл желек отырғызылады.Балалар лагерінің құрылысына 6,02 гектар жер бөлінген, бұл аумақта әкімшілік ғимарат, іс-шараларға арналған ивент-аймақ, 4 тұрғын корпус, қонақүй үлгісіндегі шағын ғимарат, 5 дәстүрлі киіз үй, ашық бассейн, стадион, футбол алаңы, сахна, өзге де демалыс және техникалық нысандар салу жоспарланған.<img src="https://knadmin.beoblood.kz/uploads/A_t_be_oblysyny_delegacziyasy_2_3030db2b23.jpg" alt="Ақтөбе облысының делегациясы 2.jpg">

Ақтөбе облысының делегациясы Сыр өңіріне келді

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов аудан орталығындағы бірқатар сауда орындарын аралап, әлеуметтік маңызы бар азық-түлік тауарларының бағасына мониторинг жүргізді.Мониторинг облыс әкімінің «Әлеуметтік маңызы бар азық-түлік тауарларына бағаларды тұрақтандыру тетіктерін іске асыру үшін сатып алынатын азық-түлік тауарларының шекті сауда үстемесін және тізбесін бекіту туралы» қаулысына сәйкес ұйымдастырылды.Аудан әкімі кәсіпкерлерге әлеуметтік маңызы бар азық-түлік тауарларының бағасын белгіленген шекті деңгейден асырмау, әр тауардың бағасын нақты әрі көрнекі түрде көрсету, сондай-ақ өнімнің жарамдылық мерзімі мен сақтау талаптарын қатаң сақтау қажеттігін ескертті.<blockquote>«Әлеуметтік маңызы бар азық-түлік тауарларының бағасын шекті деңгейден асырмау – тұрғындардың әл-ауқатын қамтамасыз етудің маңызды тетігі. Бұл бағыттағы талаптар қатаң сақталуы тиіс», – деді А.Ибраимов.</blockquote>Бүгінгі таңда аудан бойынша ірі және шағын сауда нысандарында жалпы көлемі 572 тонна азық-түлік өнімдерінің қоры бар. Сонымен қатар әлеуметтік маңызы бар азық-түлік өнімдерінің бағасын тұрақтандыру мақсатында ауыл шаруашылығы өнімдерінің жәрмеңкелері тұрақты түрде ұйымдастырылып келеді. Тұрақтандыру қорында жинақталған азық-түлік өнімдері де аудан тұрғындарына қолжетімді, төмен бағамен ұсынылуда.«Байқоңыр» ӘКК» АҚ тұрақтандыру қоры арқылы сатып алынған ауыл шаруашылығы өнімдері аудан тұрғындарына жеңілдетілген бағамен сатылуда.Алдағы уақытта да облыс әкімінің тапсырмасына сәйкес әлеуметтік маңызы бар азық-түлік тауарларының бағасын тұрақтандыру және бағаға бақылау жүргізу жұмыстары тұрақты түрде жалғасатын болады.

Әлеуметтік маңызы бар азық-түлік бағасы бақылауда

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен &nbsp;"Ұрпақ тәрбиесі- ұлт болашағы" тақырыбында кеңейтілген мәжіліс өтті. Мәжіліске аудандық мәслихат төрағасы Ержан Әжікенов, аудан прокуроры Абай Алимбаев, ардагерлер және қоғамдық кеңес төрағалары, әйелдер кеңесінің төрайымдары, депутаттар, кент және ауылдық округ әкімдері, мекеме басшылары, зиялы қауым өкілдері, ата-аналар, құқық қорғау және білім саласының қызметкерлері қатысты.<blockquote>«Президентіміз Қасым-Жомарт Кемелұлы: «Тәртіп жалпыға ортақ құндылыққа, ал заңға бағыну әркімнің өмір салтына айналуы тиіс. Ол үшін өскелең ұрпақтың бойына осы бастан жасампаздық қасиеттерді сіңіріп, оларды тәртіпке баулу қажет», – деп, балаларға терең әрі тағылымды тәрбие берудің маңыздылығын атап өтті.Бұл тұрғыда қоғамда «Заң мен тәртіп»қағидатын орнықтыру, балалардың мүддесін, құқығы мен бостандығын қорғау – баршамыздың міндетіміз. Біздің ең бірінші міндетіміз – балаларымыздың жан-жақты, сапалы білім және саналы тәрбие алуына қолайлы жағдай жасап, жайлы орта қалыптастыру. Аймағымыздың білім беру саласына 2022-2025 жылдары 1 трлн. 159 млрд. теңге бөлінді. 2022 жылдан бері 42 заманауи білім беру нысаны салынып, пайдалануға берілді. «Келешек мектептері» ұлттық жобасы аясында 10 жаңа мектеп салынса, 9 мектеп жанынан қосымша ғимарат бой көтерді және 15 мектеп ғимаратына күрделі жөндеу жұмыстары жүргізілді. Нәтижесінде, өңірімізде үш ауысымдық мектептер мәселесі түбегейлі шешімін тапты. &nbsp;Аймақ басшысының қолдауымен Нағи Ілиясов ауылындағы №132 орта мектеп және Сәкен Сейфуллин ауылындағы №137 орта мектеп күрделі жөндеуден өткізілді. Өткен жылы 240 млн. теңгеге 7 мектепке ағымдағы жөндеу жұмыстары жүргізілсе, аудан орталығындағы №36 мектеп-лицейіне «Қазақстан Ұлттық қорынан» 250 млн. теңге бөлініп, модификациялық кабинеттер жасақталды.Ауданда балаларға саналы тәрбие беру мақсатында зиялы қауым өкілдері және құқық қорғау, медицина, басқа да сала қызметкерлерінің қатысуларымен тәрбиелік мәні бар іс-шаралар тұрақты өткізіліп келеді. Құқық бұзушылықты болдырмау үшін арнайы жұмысшы топпен елді мекендерді аралап, жастарға түсіндірме жұмыстары жүргізілуде. Бүгінде бағдарлама «Заң мен тәртіп», «Еңбек адамы», «Таза Қазақстан» ұстанымдары аясына топтастырылды. Бұл – ұрпақ тәрбиесін жоғары қоятын еліміз үшін ең басты құндылықтар. Сондықтан біз балалардың тәрбиесіне аса жауапкершілікпен қарауымыз керек деді,- Берік Әбдіғаппарұлы.</blockquote>Алғаш сөз алған аудан прокуроры Абай Алимбаев құқық бұзушылықтың алдын алу, өсім алған қылмыстар бойынша жұмысты күшейту керектігін атап өтті.&nbsp;Жиында &nbsp;аудан прокурорының орынбасары Ғалымжан Дүйсенбаев, аудандық полиция бөлімі бастығының орынбасары Қасымхан Асанұлы, аудандық білім бөлімінің басшысы &nbsp;Жақып Еркебұлан баяндама жасады. Ата-аналар атынан Жантемір Айсин бала тәрбиесі жайында сөз сөйледі.Мәжілісте көтерілген мәселелер бойынша жауапты сала басшыларына бірқатар тапсырма жүктелді. Аудан әкімі &nbsp;мектеп оқушыларын &nbsp;үйірмелерге тарту, &nbsp; шығармашылық және спорттық секцияларға қатыстыру жұмысын жалғастыру керек екенін атап айтты.Учаскелік полиция инспекторларына жастар арасындағы құқықбұзушылықтың, кибербуллингтің және заңсыз ойынның алдын алу және &nbsp;қатаң бақылауда ұстау жүктелді.Вейп өнімдерін пайдалануға және сатуға толық тыйым салу өте маңызды. Заңға қайшы әрекеттердің алдын алу үшін мектептердегі келеңсіз жағдайларға дер кезінде назар аударып, тәртіп бұзушылықтың алдын алуға уақытылы мән беру қажеттігі атап өтілді.<img src="https://knadmin.beoblood.kz/uploads/Syrdariya_ke_ejtilgen_otyrys_2_b47d5ce99d.jpg" alt="Сырдария кеңейтілген отырыс 2.jpg">

Мәжілісте бала тәрбиесі, құқықбұзушылық мәселелері қаралды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Әйтеке би кентіндегі «Ауыл аманаты» бағдарламасы аясында жеңілдетілген несие алып, кәсібін дамытып отырған кәсіпкерлермен кездесіп, жұмыс нысандарын аралады.Алдымен 2023 жылы бағдарлама аясында несие алып, кәсібін бастаған жеке кәсіпкер Толқын Бижанованың «Кондитерлік өнімдер» шығаратын цехымен танысты. Жеке кәсіпкер «Ауыл аманаты» бағдарламасы аясында 6 509 000 теңге несие алып, бүгінде аудан тұрғындарын кондитерлік өнімдермен қамтамасыз етуде. Жалпы цехта 3 адам тұрақты жұмыспен қамтылған.&nbsp;Аудан басшысы мұнан бөлек фаст фуд өнімдерін өндіру, темір бұйымдарын, пластик бөтелкелер дайындау, автокөлік жөндеу, кондитерлік өнімдер шығару бағытында жұмыс жасап жатқан кәсіпкерлердің жұмыс барысын көріп, ұсыныс-пікірлерін тыңдады. Бүгінде әрбір нысанда 3-4 адамнан тұрақты жұмыспен қамтылған.Аудан әкімі кәсіпкерлермен кездесу барысында атқарылып жатқан жұмыстарға оң бағасын беріп, тұрғындардың өз кәсібін ашуға деген белсенділігін ерекше атап өтті. «Ауыл аманаты» бағдарламасының басты мақсаты – ауыл тұрғындарының табысын арттырып, кәсіпкерлікке бейімді азаматтарға нақты қолдау көрсету екенін айтып, бұл бағыттағы жұмыстардың алдағы уақытта да жалғасын табатынын жеткізді.Сондай-ақ, кәсіп иелеріне өнім сапасын арттырып, кәсібін одан әрі кеңейту қажеттігін айтып, жергілікті жерден өнім шығарып, жаңа жұмыс орындарын ашуға шақырды. Өз кезегінде кәсіпкерлер мемлекет тарапынан көрсетіліп жатқан қолдауларға ризашылықтарын білдіріп, алдағы уақытта кәсібін кеңейту бойынша жоспарларымен бөлісті.Мұндай қолдаулар тұрғындардың өз кәсібін ашуға деген сенімін арттырып, аудандағы шағын және орта кәсіпкерліктің дамуына үлкен серпін беретіні сөзсіз. Елімізде 2023 жылдан бастап «Ауыл аманаты» бағдарламасы жүзеге асқалы бері бағдарлама аясында аудан бойынша 170-тен астам азамат өз ісін бастап, ауыл экономикасының дамуына өзіндік үлесін қосып келеді.<img src="https://knadmin.beoblood.kz/uploads/azaly_k_sipkerlikti_oldau_4_ea3b137002.jpg" alt="Қазалы кәсіпкерлікті қолдау 4.jpg">

«Ауыл аманаты»: Кәсіпкерлікті қолдау – нақты нәтижесін беруде

Мәулен Әшімбаев: Ықпалды Парламент – Әділетті Қазақстанның кепілі

<a href="https://kyzylorda-news.kz/">Kyzylorda-news.kz</a> Өткен жылы облыста жұқпалы аурулар бойынша тұрақты эпидемиологиялық ахуал қалыптасты. Бақылауда тұрған 102 назологияның 52 түрі бойынша ауру дерегі тіркелген жоқ. Бұл туралы бүгін Өңірлік коммуникациялар қызметінің ақпарат алаңында облыстық санитарлық эпидемиологиялық бақылау департаментінің басшысы Гүлмира Сыздықова мәлімдеді.<blockquote>- Соңғы 15 жыл ішінде вакцинамен басқарылатын жұқпалы аурулар, оның ішінде құрөзек, сіреспе, гемофильді инфекция, полиомиелит, паротит және пневмококк инфекциялары анықталған жоқ. Ұлттық егу күнтізбесіне сәйкес, профилактикалық екпелермен қамту деңгейі есепті мерзімде 96,8 пайызды құрады. Аса қауіпті инфекциялық ауруларларға тоқталсақ, өткен жылы Конго-Қырым геморрагиялық қызбасына қатысты облыста эпидемиологиялық ахуал күрделі болды. 1 281 адам кене шағуына байланысты медициналық көмекке жүгініп, барлығы 14 күнге дәрігерлік бақылауда болды. Туберкулез ауруы бойынша 355 жаңа жағдай тіркеліп, 2024 жылмен салыстырғанда аурушаңдық көрсеткіші 7,1-ге төмендеді,- деді Гүлмира Жамбылқызы.</blockquote>Департаменттің маңызды бағыттарының бірі - ішкі сауда нарығындағы өнімдердің қауіпсіздігін бақылау. Осы мақсатта 2025 жылы сауда орындарынан 1 766 өнім сынамасы сатып алынды. Оның 69,7 пайызы - тағам өнімдері болса, ал 30,3 пайызы - тамақ емес өнімдер. Сараптама нәтижесінде 317 өнім үлгісі техникалық регламент талаптарына сай келмеді.&nbsp;<blockquote>- Сәйкес келмеген өнімдерге байланысты 100 сауда объектісіне жедел ден қою шаралары қолданылып, жалпы құны 1 241 539 теңгені құрайтын 818 келі өнім сатылымнан алынды. Оның ішінде құрамында қолдануға тыйым салынған “сары күн бату” және “тартразин” бояғыштары анықталған 70 келі шай өнімі бар. Осыған байланысты Қазақстан Республикасының Бас мемлекеттік санитариялық дәрігерінің қаулысымен Кения елінен әкелінген және Қазақстанда қапталған бірқатар шай өнімдерін әкелуге және сатуға тыйым салынды. Балалар ойыншықтарына да мониторинг жүргізілді. Қытай және Өзбекстан елдерінде өндірілген физикалық факторлар мен қауіпсіздік талаптарына сай келмеген 120 ойыншық сатылымнан алынды,- деді Гүлмира Сыздықова.</blockquote>Сондай-ақ, 2025 жылы енгізілген тамақтану стандартына сәйкес балабақша мен мектеп, колледжерде тұз мөлшері 5 есеге, қант мөлшері 3,6 есеге азайтылып, көкөністер, жемістер мен сүт өнімдерінің үлесі артты.<img src="https://knadmin.beoblood.kz/uploads/Gulmira_Syzdykova_b5a965b325.jpg" alt="Гульмира Сыздыкова.jpg">Фото: pixabay.com

Өңірде эпидемиологиялық ахуал тұрақты сақталуда

<a href="https://kyzylorda-news.kz/">Kyzylorda-news.kz</a> “AMANAT” партиясының облыстық филиалының төрағасы Жандос Базартай тұрғындарға жеке қабылдау өткізді.Қабылдау барысында Қызылорда қаласы, Әл-Фараби мөлтек ауданындағы А.Төлебаев көшесінің тұрғындары ауыз су мәселесін көтерді. Аталған көшедегі 8 үй кешеден бері ауыз сусыз отырғанын, «Су жүйесі» мекемесінің қызметкерлері көшеден өтіп тұрған су құбырын кесіп кету салдарынан тұрғындарға қиындық туындағанын жеткізді.Тұрғындар көшенің бойымен өтіп жатқан 300 қуаттағы негізгі су құбырына қайта қосып беру мәселесіне ықпал етуді сұрады.Мәселе бойынша төраға Қызылорда қаласы әкімінің орынбасарымен тікелей байланысқа шығып, қалалық «Су жүйесі» мекемесінің жауапты мамандарына мәселені жедел әрі заң аясында шешу бағытында нақты тапсырмалар беруді ұсынды.Қабылдау қорытындысы бойынша тұрғындарға қосымша жазбаша өтініш жолдау қажеттігі түсіндіріліп, көтерілген мәселе толық шешімін тапқанға дейін партияның облыстық филиалының бақылауында болатыны хабарланды.

"AMANAT": Тұрғындардың өтініш-тілектерін тыңдады

<a href="https://kyzylorda-news.kz/">Kyzylorda-news.kz</a> Қармақшы ауданының «Руханият» орталығында аудандық ардагерлер ұйымының кезекті есеп беру, сайлау конференциясы өтті.Конференцияға аудан әкімі Жандос Еркінбек, аудандық мәслихат төрағасы Әділ Қошалақов, Қызылорда облыстық ардагерлер кеңесінің төрағасы Серік Дүйсенбаев, 80-нен аса аудан ардагерлері, кент және ауылдық округ әкімдері мен БАҚ өкілдері қатысты.Конференцияда алғашқы болып сөз сөйлеген аудан әкімі Жандос Еркінбек ардагерлер ұйымының аудан өміріндегі орнын ерекше атап өтті. Сондай-ақ аудан дамуы жолында атқарылып жатқан жұмыстарға қысқаша тоқталып, ардагерлерге өз алғысын білдірді.Күн тәртібіне екі мәселе шығарылды. Алғашқы мәселе бойынша аудандық ардагерлер кеңесінің төрағасы Асқар Мереков 2021–2025 жылдары атқарылған жұмыстар туралы баяндама жасады. Баяндамада ардагерлер ұйымының қоғамдық-саяси өмірге белсенді араласуы, жастарға өнеге көрсету, бірлік пен тұрақтылықты нығайту бағытында атқарылған жұмыстар кеңінен айтылды.Есептік баяндаманы талқылау барысында ауданның Құрметті азаматы, «Ерен еңбегі үшін» медалінің иегері Әбдірахман Құлдүйсенов, аудандық білім саласы ардагерлер ұйымының төрайымы Талмаш Жұмабаева, Қармақшы ауылы ардагерлер ұйымының төрағасы, ауданның Құрметті азаматы Мұхтар Таңбаев сөз сөйлеп, ұйымның жұмысына оң баға беріп, бірқатар ұсыныстарын ортаға салды.Күн тәртібіндегі екінші мәселе бойынша ұйымның Пленум және Алқа құрамдары сайланды. Алқа мүшелерінің дауыс беруі нәтижесінде Қармақшы аудандық ардагерлер кеңесінің төрағасы болып Мереков Асқар Ермағанбетұлы, ал орынбасары болып Таңбаев Кенжебек Ерманұлы бірауыздан сайланды.Конференцияны қорытындылаған Қызылорда облыстық ардагерлер кеңесінің төрағасы Серік Әбішұлы аудан ардагерлерінің белсенділігіне жоғары баға беріп өтті.Сондай-ақ қоғамдық-саяси өмірде белсенділік танытып жүрген бірқатар ардагерлерге аудан әкімі атынан және облыстық ардагерлер кеңесі тарапынан Алғыс хаттар, Құрмет грамотасы мен «Қызылорда облысының Құрметті ардагері» төсбелгісі тапсырылды.<img src="https://knadmin.beoblood.kz/uploads/arma_shy_ardagerler_ke_esi_2_a637a8eaa5.jpg" alt="Қармақшы ардагерлер кеңесі 2.jpg">

Архив