<a href="https://kyzylorda-news.kz/">Kyzylorda-news.kz</a> Қармақшы ауданында құзырлы мемлекеттік органдардың қатысуымен этносаралық қатынастар саласындағы алгоритмдерді қолдану және алдын алу шараларын жетілдіруге бағытталған семинар-тренинг өтті. Іс-шараға ҚР ҰҚК Қызылорда облысы және Байқоңыр қаласы бойынша департаментінің өкілі, аудандық полиция бөлімінің экстремизмге қарсы іс-қимыл тобы, облыстық Қазақстан халқы Ассамблеясы хатшылығының мамандары және облыс прокуратурасының өкілі қатысты.Жиын барысында ұлттық экстремизмнің алдын алу, этносаралық қатынастар саласындағы алгоритмдер кешенін қолдану, мемлекеттік органдардың өзара іс-қимылы, қоғамдық тәртіпті қамтамасыз ету, сондай-ақ этностардың қатысуымен орын алатын инциденттерге құқықтық баға беру мәселелері қаралды.Спикерлер сала бойынша өз тәжірибелерімен бөлісіп, аудан деңгейінде тәуекелдерді дер кезінде анықтау, алдын алу шараларын тиімді ұйымдастыру және этносаралық тұрақтылықты сақтау бағытында ұсыныстарын жеткізді.

Этносаралық қатынастар жөнінде семинар-тренинг ұйымдастырылды

<a href="https://kyzylorda-news.kz/">Kyzylorda-news.kz</a> Қызылорда облыстық жастар ресурстық орталығының ұйымдастыруымен аймақ жастары арасында нашақорлықтың алдын алу, зиянды әдеттерден алшақ болуға үндеу және салауатты өмір салтын кеңінен насихаттау мақсатында «Есірткіге қарсы – Әзіл» атты облыстық «Jaіdarman» жастар фестивалі өтті.Шараға жоғары оқу орындарының студенттері, колледж және мектеп оқушылары қатысып, әзіл арқылы қоғамдағы өзекті мәселеге назар аударды. Командалар үш кезең бойынша бақ сынады:<ul><li style="text-align:justify;">«Сәлемдесу»;</li><li style="text-align:justify;">«Сұрақ-жауап»;</li><li style="text-align:justify;">Есірткіге қарсы арнайы тақырыптық бөлім.</li></ul><img src="https://knadmin.beoblood.kz/uploads/Zhajdarman_4_3b12d58a3c.webp" alt="Жайдарман 4.webp">Фестиваль жастардың креативті ойлауын дамытып, әлеуметтік жауапкершілігін арттыруға бағытталды. Бағалау үдерісі арнайы құрылған әділқазылар алқасының сараптауымен жүргізілді.&nbsp;Құрамында:<ul><li style="text-align:justify;">ҚР Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша департамент бастығы Асхат Абилдаев;</li><li style="text-align:justify;">Департамент бастығының орынбасары Фархат Иманғалиев;</li><li style="text-align:justify;">Азаматтық қоғам институттарымен жұмыс және жастар бөлімінің басшысы Ернұр Бихожаев;</li><li style="text-align:justify;">Ардагер жайдарманшы, «Қорқыт» құрамасының ойыншысы Асылхан Дүкенбаев;</li><li style="text-align:justify;">КВН Одағы РЖҚБ Қызылорда филиалының директоры Нұрлан Сипанов бар.</li></ul><img src="https://knadmin.beoblood.kz/uploads/Zhajdarman_3_791f266614.webp" alt="Жайдарман 3.webp">Фестиваль қорытындысы бойынша жүлдегерлер анықталды:<ul><li style="text-align:justify;">III орын — BRAND командасы (еркін құрама), 100 000 теңге;</li><li style="text-align:justify;">II орын — AMG командасы (Айым өнер мектебі), 150 000 теңге;</li><li style="text-align:justify;">Үздік ойыншылар — Бағымжан мен Әмина;I орын — «Матриархат» командасы (Қорқыт ата атындағы Қызылорда университеті), 200 000 теңге.</li></ul>Жастардың әзіл арқылы салмақты мәселеге ой салған бұл шарасы тәрбиелік мәнімен ерекшеленіп, қатысушылар мен көрермендерге жағымды әсер қалдырды.

«Есірткіге қарсы – Әзіл» тақырыбында облыстық «Jaіdarman» жастар фестивалі өтті

<a href="https://kyzylorda-news.kz/">Kyzylorda-news.kz</a> Қызылорда облысы әкімі аппаратының Әдеп жөніндегі уәкілі Бағдат Әбдіқадыр мен ҚР Адам құқықтары жөніндегі уәкілдің Қызылорда облысы бойынша өкілі Берікбол Байхожаев Қазалы ауданына жұмыс сапарымен келіп, мемлекеттік орган қызметкерлерімен көшпелі семинар өткізді.Алдымен аудан әкімдігінің мәжіліс залында аудан әкімі аппаратының басшысы Ринад Тілептің төрағалығымен кездесу өтті. Жиында ҚР Адам құқықтары жөніндегі уәкілдің Қызылорда облысы бойынша өкілі Берікбол Байхожаев ел азаматтарыңының құықтары мен бостандығы және қоғамдағы құқықтық негізін айқындайтын маңызды ұғымдар жайында ал, Қызылорда облысы әкімі аппаратының Әдеп жөніндегі уәкілі Бағдат Әбдіқадыр мемлекеттік қызметшінің негізгі әдеп нормалары мен қызметтік тәртібі төңірегінде баяндама жасады.Жиында мемлекеттік қызметшілерге ҚР мемлекеттік қызмет пен сыбайлас жемқорлыққа қарсы іс-қимыл заңнамаларының және Әдеп кодексінің нормаларына қатысты ақпарат беріліп, мемлекеттік қызметшілердің құқықтары мен әлеуметтік кепілдіктер жөнінде және мемлекеттік қызмет сапасына байланысты мәселелер түсіндірілді. Сондай-ақ мемлекеттік қызметті атқару мемлекеттік қызметшілердің адамгершілігіне, этикасына және моральдық бейнесіне жоғары талаптар қоя отырып, қоғам мен мемлекет тарапынан ерекше сенім білдіру екендігі айтылды.Дәл осындай кездесу ауданға қарасты Басықара ауылдық округінде де жалғасып, мемлекеттік қызмет саласында өзекті мәселелердің қатарындағы сыбайлас жемқорлықтың алдын алу, мемлекеттік қызметшілердің Әдеп Кодексінің талаптарын қатаң сақталуы жөнінде түсіндірме жұмыстары жүргізілді.Аудан әкімдігі мен Басықара ауылында өткен &nbsp;кездесулерден кейін Әдеп жөніндегі уәкіл Бағдат Әбдіқадыр жеке қабылдау өткізіп, қабылдауға келген мемлекеттік қызметкерлердің өтініштері мен ұсыныстарын тыңдады. Сонымен қатар мемлекеттік қызмет көрсету сапасын арттыру, әдеп нормаларын сақтау, сыбайлас жемқорлықтың алдын алу мәселелері бойынша кеңінен түсіндіріп өтті.<img src="https://knadmin.beoblood.kz/uploads/K_shpel_seminar_2_33cc9567c2.jpg" alt="Көшпелі семинар 2.jpg">

Мемлекеттік орган қызметкерлерінің қатысуымен көшпелі семинар өтті

<a href="https://kyzylorda-news.kz/">Kyzylorda-news.kz</a> 20 қараша, сағат 16:30-да «Қыс-2025» командалық-штабтық оқу-жаттығу аясында Арал ауданының тұсынан өтетін «КАZ-06» «Қарабұтақ – Қызылорда – Шымкент» тас жолының бойында орналасқан «ҚАЖсервис» ЖШС Қызылорда облыстық филиалы №49 жол пайдалану учаскесінің ауласында облыстағы азаматтық қорғау қызметтерінің техникаларының саптық қарауы өтті.&nbsp;Аталған іс-шараға аудан әкімінің орынбасары Н.Бохаев және Қызылорда облысы ТЖД бастығының орынбасары, полковник Б.Әбдіқадыров арнайы қатысып, азаматтық қорғау саласының қыс мезгіліндегі ауданның күрт континенттік климатына, қыстағы боран, үскірік, қатты аяз, қарлы жаңбыр секілді табиғи құбылыстардың жиі болуы, техногендік және табиғи сипаттағы төтенше жағдайлардың алдын алудығы күштік және техникалық құрылымын бақылады.Онда сала мекемелері техникаларының жай-күйі, сапасы, жарамдылығы сыннан өтті, азаматтық қорғау қызметтерінің дайындығы тексерілді. Жалпы, мұнда облыстың азаматтық қорғау қызметтерінің 185 адамы мен 46 техникасы қамтылды.<img src="https://knadmin.beoblood.kz/uploads/Aral_azamatty_or_au_salasy_2_6e133332e2.jpg" alt="Арал азаматтық қорғау саласы 2.jpg">

Азаматтық қорғау саласының қысқа дайындығы пысықталды

<a href="https://kyzylorda-news.kz/">Kyzylorda-news.kz</a> Соңғы үш жылда Қызылорда облысының әлеуметтік-экономикалық даму қарқыны артты: 766,7 мың шаршы метр тұрғын үй пайдалануға беріліп, ауыл шаруашылығы мен өнеркәсіп көлемі өсті, сондай-ақ 64,5 мың гектар жер мемлекет меншігіне қайтарылды. Бұл туралы «AMANAT» партиясы облыстық филиалының кезектен тыс XXXV конференциясында баяндалды.Басқосуға «AMANAT» партиясының Атқарушы хатшысы Дәулет Кәрібек, мәслихат депутаттары, облыстық және аумақтық филиал өкілдері, Саяси кеңес мүшелері, бастауыш партия ұйымдарының төрағалары және қоғам белсенділері қатысты.&nbsp;Жиын барысында партияның облыстық филиалының төрағасы сайланып, Саяси кеңес құрамына өзгерістер енгізілді. Ашық дауыс беру арқылы облыстық филиалдың жаңа төрағасы лауазымына Жандос Базартай сайланды.Партияның Атқарушы хатшысы Дәулет Кәрібек жаңа төрағаның қызметіне табыс тілеп, оның өңір дамуына тың серпін беретініне сенім білдірді. Сондай-ақ ол партияның сайлауалды бағдарламасының орындалу барысына тоқталды.<blockquote>«Партиялық жобаларымыз халық арасында зор қолдауға ие болып отыр. Мұны Мемлекет басшысының биылғы Жолдауында және Үкімет отырысында арнайы атап өтуі – біздің ортақ еңбегімізге берілген лайықты баға. «AMANAT» партиясы – елді ортақ құндылықтар жолында ұйыстыратын, ұлттық мүддені биік қоятын саяси күш. Біздің басты миссиямыз – халықтың үміті мен сенімін ақтап, қоғамды бір мақсатқа жұмылдырып, елдің жарқын болашағы үшін бірлесіп еңбек ету», – деді ол.</blockquote>«AMANAT» партиясының «Ауыл аманаты», «Жер аманаты», «Қарызсыз қоғам», «Цифрлық қоғам» жобалары нақты нәтиже беруде. Мәселен, «Жер аманаты» өңірлік комиссиясы облыс аумағында 64,5 мың гектар жерді мемлекет меншігіне қайтарды. Ал «Қарызсыз қоғам» жобасы аясында аймақта 15896 адам оқудан өтті.Өз кезегінде облыстық партия филиалының Атқарушы хатшысы Ләйлә Төрешова өңірдің әлеуметтік-экономикалық даму барысына тоқталып, соңғы 10 айдың көрсеткішін баяндады.<blockquote>«Партияның сайлауалды бағдарламасын жүзеге асыру аясында облыстың өнеркәсіп өндірісінің нақты көлем индексі 98,6%-ға жетті, ал өңдеу өнеркәсібі бойынша 110,7%-ды көрсетті. Негізгі капиталға салынған инвестициялар көлемі 602,8 млрд. теңгені құрап, 116%-ға жетті. Құрылыс жұмыстарының көлемі 17,6%-ға артып, 766,7 мың шаршы метр тұрғын үй пайдалануға берілді. Ауыл шаруашылығы өнімдерінің жалпы көлемі 2024 жылдың тиісті кезеңімен салыстырғанда 101,9% болды. Сонымен қатар өңірде 38 923 адам жұмыспен қамтылып, орташа айлық жалақы 353,2 мың теңгені құрады. Мемлекеттік бюджетке 356,4 млрд. теңге түсім түсті» – деді ол.</blockquote>Өз кезегінде Қызылорда облыстық мәслихатының депутаты, «AMANAT» партиясы фракциясының мүшесі Жұмабек Ембергенов партияның сайлауалды бағдарламасындағы жоспарлы жұмыстар кезең-кезеңімен сапалы жүзеге асып отырғанын атап өтті. Оның айтуынша, айқын көрінісі бүгінгі Қызылорда облысының даму серпінінен анық байқалады.<blockquote>«Әділетті Қазақстанды құру жолында «AMANAT» партиясының мүшелері бекем бірліктің, ерен еңбектің үлгісін көрсетуде. Бірлесе атқарған жұмыстарымыздың нәтижесінде аймақта негізгі макроэкономикалық көрсеткіштердің өсімі қамтамасыз етілді. Ортақ абырой жолындағы жарқын жетістіктерде «AMANAT» партиясының үлесі зор. «AMANAT» партиясының Қызылорда облыстық филиалы іргелі істердің ұйытқысы болып, партия активімен бірге облыстың дамуына лайықты үлес қосуда», – деді ол. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;</blockquote>Конференция соңында бірқатар партия белсенділері мен бастауыш ұйым өкілдері марапатталды.

Жандос Базартай – жаңа қызметте

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев мемлекет және қоғам қайраткері Икрам Адырбековпен бірге қаладағы нысандарды аралап, жұмысымен таныстырды. Атап айтсақ, Өнер орталығына, «Сыр жұлдыздары» шығармашылық-инновациялық академиясына, жаңа жылу-электр орталығына барды.Өнер орталығы – Қызылордада кейінгі жылдары салынған сәулетті ғимараттың бірі, мұнда симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізіледі.<img src="https://knadmin.beoblood.kz/uploads/Oblys_kimi_nysandardy_aralady_bbc2c5e24f.jpg" alt="Облыс әкімі нысандарды аралады.jpg">Балалар мен жасөспірімдерге арналған «Сыр жұлдыздары» шығармашылық-инновациялық академиясы бір мезетте 500, тәулігіне 3 мың оқушыға дейін қабылдайды. Бассейн, топтық жаттығу, көркем гимнастика және фитнес, үстел ойындарына арналған, жекпе-жек залдары бар. Кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, киберспорт және математика кабинеттері жұмыс істейді.«Акса Энерджи» түрік компаниясы салған жаңа жылу-электр орталығы 240 мегаватт электр қуатын, 277 гигакалория жылу энергиясын өндіреді. Жобаның жалпы құны – 215 млрд. теңге. Бюджет есебінен 15 млрд. теңгеге 45 шақырым газ құбыры жүргізілді. Бұл – Тәуелсіздік жылдарындағы инвестор қаржысына салынған теңдессіз жоба.Икрам Адырбеков Сыр өңірі серпінді даму жолына түскенін, әлеуметтік-экономикалық, инфрақұрылымдық жобалардың сәтті жүзеге асқанын атап өтіп, алдағы &nbsp;бастамалардың да табысты болуына тілектестігін білдірді.<img src="https://knadmin.beoblood.kz/uploads/Oblys_kimi_kezdesu_21_11_c00e867f79.jpg" alt="Облыс әкімі кездесу 21.11.jpg">

Архив

Этносаралық қатынастар жөнінде семинар-тренинг ұйымдастырылды

«Есірткіге қарсы – Әзіл» тақырыбында облыстық «Jaіdarman» жастар фестивалі өтті

Мемлекеттік орган қызметкерлерінің қатысуымен көшпелі семинар өтті

Азаматтық қорғау саласының қысқа дайындығы пысықталды

Жандос Базартай – жаңа қызметте

Облыс әкімі мемлекет және қоғам қайраткері Икрам Адырбековпен бірге жаңа нысандарды аралады