<a href="https://kyzylorda-news.kz/">Kyzylorda-news.kz</a> 12-14 қыркүйек күндері Қызылордада еліміздің ең ірі республикалық офлайн-хакатоны – Decentrathon 4.0 өтті.Ауқымды шара Қазақстанның 20 қаласында бір мезетте ұйымдастырылып, жас мамандар мен IT-әуесқойларды біріктірді.&nbsp;Хакатонның басты ұйымдастырушылары – Astana Hub пен Blockchain &amp; AI Technology Center (BAITC), ал шара ҚР Цифрлық даму, инновациялар және аэроғарыш өнеркәсібі министрлігінің қолдауымен өтті. Қызылорда өңірінде хакатон ұйымдастырушылары - &nbsp;Kyzylorda Hub бизнес-инкубаторы және Қорқыт ата атындағы Қызылорда университетінің Жасанды интеллект институты.<img src="https://knadmin.beoblood.kz/uploads/1_zdik_sheshimder_iske_asyrylyp_ke_ejtuge_m_mkindik_alady_9583ffaa8f.jpg" alt="1 үздік шешімдер іске асырылып, кеңейтуге мүмкіндік алады.jpg">Decentrathon 4.0-дің негізгі мақсаты – жастарды жаңа технологияларға тарту, Web3.0, Blockchain және жасанды интеллект (AI) бағыттарында тың идеяларды қолдау және болашақ цифрлық шешімдерді әзірлеуге мүмкіндік жасау. Бұл алаңда қатысушылар тек қана бәсекеге түсіп қана қоймай, сонымен қатар тәжірибелі менторлардан кеңес алып, өз жобаларын салалық сарапшыларға ұсынды.<img src="https://knadmin.beoblood.kz/uploads/2_zdik_sheshimder_iske_asyrylyp_ke_ejtuge_m_mkindik_alady_86be20c596.jpg" alt="2 үздік шешімдер іске асырылып, кеңейтуге мүмкіндік алады.jpg">Қызылордадағы алғашқы күн – Solana Day powered by Decentrathon&nbsp;ерекше форматта өтті. Solana – әлемдегі ең жылдам әрі тез дамыған блокчейн желілерінің бірі. Ол әзірлеушілерге, стартаптарға және компанияларға шексіз мүмкіндіктер ашып отыр. Жоғары өткізу қабілеті мен төмен комиссияларының арқасында Solana децентрализденген қосымшалардан бастап DeFi мен NFT платформаларына дейін жаңа буын өнімдерін жасауға мүмкіндік береді.<img src="https://knadmin.beoblood.kz/uploads/3_zdik_sheshimder_iske_asyrylyp_ke_ejtuge_m_mkindik_alady_eb06d02325.jpg" alt="3 үздік шешімдер іске асырылып, кеңейтуге мүмкіндік алады.jpg">Solana Day қатысушылар үшін blockchain саласындағы бірегей тәжірибе болды:Blockchain трегі бойынша нақты тапсырмаларды шешу, Сарапшылар мен комьюнити қолдауы, Өз идеялары мен шешімдерін көрсету мүмкіндігі.Бұл күні 19 команда, яғни 63 қатысушы өз жобаларын ұсынып, Solana платформасының мүмкіндіктерін пайдаланып, жаңа шешімдер әзірледі.Ал жалпы Decentrathon 4.0 аясында Қызылордада 40 топ, 109 қатысушы бақ сынады. Хакатон қатысушылары 2 трек бойынша&nbsp;өз идеяларын жобалап, дайын өнімге дейін жеткізуге тырысты.inDrive трегінің тапсырмасы – суреттерді талдау арқылы сервистің сапасы мен сенімділігін арттыруға көмектесетін шешім әзірлеу. Жүлде қоры – 10 000 000 ₸. BCC-HUB AI трегінің тапсырмалары – банк үшін жасанды интеллект шешімдерін дайындау. Қатысушылар клиенттермен өзара әрекеттесуді жақсартуға, процестерді жеделдетіп, оңайлатуға және қызметкерлерді рутиналық жұмыстан босатуға арналған жобалар әзірледі. Жүлде қоры – 5 000 000 ₸.Қатысушыларға жетекші мамандар бағыт-бағдар беріп, үздік жобалардың алдағы уақытта инвесторлар мен ірі IT-компаниялар назарына ұсынылуына жол ашылды.Decentrathon – бұл жай ғана хакатон емес, ол елдің цифрлық трансформациясына үлес қосатын, таланттарды танытатын, жаңа идеяларды қолдайтын ерекше платформа. Бұған дейін үш маусымда мыңдаған жастардың басын қосқан жоба төртінші кезеңінде де өз маңызын айқын көрсетті.Финалға өткен үздік жобалар қазан айында өтетін халықаралық Digital Bridge 2025 конференциясында ұсынылады. Бұл – жас командаларға өз идеяларын жаһандық деңгейдегі сарапшыларға, инвесторларға және бизнес өкілдеріне таныстыруға үлкен мүмкіндік.Қорытындылай келе, Қызылордадағы Decentrathon 4.0 жас таланттар мен технологияға қызығушылығы бар жастар үшін жаңа мүмкіндіктер ашып, қаланың инновациялық әлеуетін айқындай түсті.&nbsp;Салтанат СЕЙТЖАН,Kyzylorda Hub бизнес-инкубаторының менеджері

Decentrathon 4.0: үздік шешімдер іске асырылып, кеңейтуге мүмкіндік алады

<a href="https://kyzylorda-news.kz/">Kyzylorda-news.kz</a> Қазақстандық боксшы (48 келі) финалда үндістандық Минакши Минакшиді есе жіберіп, күміс медаль еншіледі. <a href="https://kaz.inform.kz/news/nazim-kizaybay-liverpuldeg-alem-chempionatinin-kums-zhuldesn-ielend-26c2a1/">KAZINFORM&nbsp;</a>Алғашқы раундта Минакши 4:1 есебімен басым түсті. Екінші кезең 3:2 есебімен Назым Қызайбайдың пайдасына аяқталды. Дегенмен төрешілердің шешімі бойынша үндістандық боксшы жеңіске жетті.Осылайша отандасымыз 4 дүркін әлем чемпионатының жүлдегері атанды.Айта кетейік, Назым Қызайбайдың бүгін туған күні. Әлемнің үш дүркін чемпионы, Париж Олимпиадасының қола жүлдегері 32 жасқа толды.

Назым Қызайбай Ливерпульдегі әлем чемпионатының күміс жүлдесін иеленді

<a href="https://kyzylorda-news.kz/">Kyzylorda-news.kz</a> Бокстан Қазақстан әйелдер құрамасының өкілі Алуа Балқыбекова Ливерпульде (Ұлыбритания) өтіп жатқан әлем чемпионатында алтын медальға қол жеткізді, деп хабарлайды&nbsp;<a href="https://kaz.zakon.kz/sport/6067912-alua-balybekova-bokstan-lem-chempionatynda-top-zhardy.html">Zakon.kz.</a>51 келіге дейінгі салмақта Алуа Балқыбекова қарсылас шақ келтірмеді.&nbsp;Отандасымыз ақтық сында түркиялық Бусе Наз Чакыроглумен кездесті.Тартысты жекпе-жектің қорытындысы бойынша Алуа Балқыбекова екі дүркін әлем чемпионы атанды. Қорытынды есеп: 5:0.Осылайша, Қазақстан құрамасының қоржынында үш алтын бар. Бұған дейін Санжар Тәшкенбай (50 келіге дейін) және Махмұд Сабырхан (55 келіге дейін) алтыннан алқа таққан еді.Сурет: olympic.kz

Алуа Балқыбекова бокстан әлем чемпионатында топ жарды

<a href="https://kyzylorda-news.kz/">Kyzylorda-news.kz</a> &nbsp;Қазақстандық былғары қолғап шебері Төрехан Сабырхан Ливерпульде (Ұлыбритания) өтіп жатқан әлем біріншілігінде алтын медальға ие болды, деп хабарлайды&nbsp;<a href="https://kaz.zakon.kz/sport/6067916-trekhan-sabyrkhan-eresekter-arasynday-alashy-lem-brnshlgnde-chempion-atandy.html">Zakon.kz.</a>Отандасымыз 70 келіге дейінгі салмақта үздік атанды.&nbsp;Төрехан ақтық жекпе-жегінде жапониялық Сэвон Окадзавамен қолғап түйістірді.&nbsp;Жекпе-жек тең дәрежеде өтті. Дегенмен Төрехан Сабырхан үшінші раундта қарсыласынан айласын асырып, жеңісті суырып алды.Осылайша, 19 жастағы Төрехан Сабырхан (70 келіге дейін) алғаш рет ересектер арасындағы әлем чемпионатында алтын медаль жеңіп алды.Сурет: olympic.kz

Төрехан Сабырхан ересектер арасындағы алғашқы әлем біріншілігінде чемпион атанды

<a href="https://kyzylorda-news.kz/">Kyzylorda-news.kz</a><blockquote>«Ливерпульде өткен бокстан Әлем чемпионатында ұлттық құраманың жеңіс жолын Алуа Балқыбекова, Аида Әбікеева, Төрехан Сабырхан, Наталья Богданова, Айбек Оралбай жалғастырды. Қазақ боксшылары әлем біріншілігінде керемет нәтиже көрсетті. Әйтсе де алдымызда АҚШ-та өтетін Олимпиада ойындары күтіп тұр. Соған қазірден бастап дайындалу қажет. Қазақ бокс мектебінің мерейі әрдайым үстем болсын!» – деп жазды Президент Instagram парақшасында.</blockquote><a href="https://t.me/aqorda_resmi">t.me/aqorda_resmi</a>

Мемлекет басшысы бокстан Әлем чемпионатында топ жарған боксшыларды құттықтады

<a href="https://kyzylorda-news.kz/">Kyzylorda-news.kz</a> Қазақстандық боксшы Наталья Богданова Ливерпульдегі (Ұлыбритания) әлем чемпионатының алтын жүлдегері атанды, деп хабарлайды&nbsp;<a href="https://kaz.zakon.kz/sport/6067917-natalya-bogdanova-bokstan-lybritaniyaday-lem-chempionatynda-zhempaz-atandy.html">Zakon.kz.</a>70 келіге дейінгі салмақта Наталья Богданова қарсылас шақ келтірмеді.Отандасымыз ақтық сында Лекеиша Перголитимен Аустралия) өзара мықтыны анықтады.Нәтижесінде Наталья Богданова еш қиындықсыз қарсыласынан басым түсіп, жеңімпаз атанды.Сурет: olympic.kz

Наталья Богданова бокстан Ұлыбританиядағы әлем чемпионатында жеңімпаз атанды

<a href="https://kyzylorda-news.kz/">Kyzylorda-news.kz</a> &nbsp;Қазақстандық боксшы Махмұд Сабырхан Ливерпульдегі әлем біріншілігінің алтын медалін иеленді. <a href="https://kaz.inform.kz/news/mahmud-sabirhan-ek-durkn-alem-chempioni-atandi-9929d8/">KAZINFORM</a>Қазақстандық боксшы 55 келіге дейінгі салмақта үздік атанды.&nbsp;Махмұд ақтық сында Рафаэль Лосано Серраномен (Испания) алтын жүлдені сарапқа салды.Отандасымыз үш раунд бойы басымдық танытты. Нәтижесінде Махмұд Сабырхан еш қиындықсыз жеңіске жетті.Осылайша, Қазақстан құрамасының қоржынында екі алтын, бір күміс медаль бар. Бұған дейін Санжар Тәшкенбай (50 келіге дейін) алтын медаль иеленсе, Назым Қызайбай (48 келіге дейін) күміске қол жеткізген болатын.Фото: ҰОК

Махмұд Сабырхан екі дүркін әлем чемпионы атанды

<a href="https://kyzylorda-news.kz/">Kyzylorda-news.kz</a> &nbsp;Қазақстандық былғары қолғап шебері Санжар Тәшкенбай Ливерпульдегі (Ұлыбритания) әлем біріншілігінде жеңіс тұғырынан көрінді. <a href="https://kaz.inform.kz/news/sanzhar-tashkenbay-alem-chempionatinda-top-zhardi-147f12/">KAZINFORM&nbsp;</a>Жерлесіміз 50 келіге дейінгі салмақтың финалында Алдарқхишиг Баттулгамен (Моңғолия) өзара мықтыны анықтады.Санжар Тәшкенбай жекпе-жектің бірінші кезеңінен бастап тізгінді қолына алды. Толық үш раунд бойы басымдығын сақтап қалған жерлесіміз төрешілердің шешімімен жеңіске жетті.Осылайша, Санжар Тәшкенбай (50 келіге дейін) әлем чемпионатында Қазақстан құрамасының қоржынына алғашқы алтын медальді салды.Фото: ҰОК

Санжар Тәшкенбай әлем біріншілігінде топ жарды

<a href="https://kyzylorda-news.kz/">Kyzylorda-news.kz</a> &nbsp;Қазақстандық боксшы Аида Әбікеева Ливерпульдегі (Ұлыбритания) әлем чемпионатының финалында жеңіске жетті, деп хабарлайды&nbsp;<a href="https://kaz.zakon.kz/sport/6067914-aida-bkeeva-bokstan-ek-drkn-lem-chempiony-atandy.html">Zakon.kz.</a>Қазақстандық боксшы 65 келіге дейінгі салмақтың ақтық жекпе-жегінде өзбекстандық Навбахор Хамидованы жеңді.Алғашқы екі раунд өзбек қызының пайдасына аяқталды. Дегенмен Аида үшінші раундта жоғары деңгейдегі бокс үлгісін көрсетіп, жеңісті суырып алды. Нәтижесінде екі дүркін әлем чемпионы атанды.Осылайша, Қазақстанның қоржынында төрт алтын медаль бар.Сурет: olympic.kz

Архив