<a href="https://kyzylorda-news.kz/">Kyzylorda-news.kz</a>&nbsp; Бүгін Амал күнінде облыс әкімі Нұрлыбек Нәлібаев Қызылорда қаласы Жаппасбай батыр көшесіндегі 60 пәтерлік тұрғын үйдің кілтін табыстады. Салтанатты рәсімге зиялы қауым өкілдері, жауапты сала басшылары мен қала тұрғындары қатысты. Аймақ басшысы жаңа қоныс иелерін Амал күнімен және алдағы Наурыз мейрамымен құттықтап, өңірдегі ауқымды жобаларға тоқталып өтті.<blockquote>«Мемлекет басшысы Қасым-Жомарт Кемелұлының қатысуымен Бурабайда Ұлттық құрылтай өтуде. Алқалы жиында құрылтайдың бесінші отырысын келер жылы Сыр елінде өткізу туралы шешім қабылданды. Бұл – біздің аймағымыз үшін тарихи сәт. Өйткені алты Алаштың астанасы болған, тоғыз жолдың торабында орналасқан өңіріміз ел болашағы үшін маңызды шешімдер қабылданатын орталыққа айналады. Оған қоса, бүгін көктемнің келгенін айқын сездіретін Амал күнінде, Наурыз мейрамы қарсаңында жаңа пәтер кілттері табысталуда.Мемлекет басшысы Қасым-Жомарт Кемелұлы халықты тұрғын үймен қамтамасыз ету мемлекеттің әлеуметтік саясатының басым бағыты екенін атап өтті. Президентіміздің, Үкіметтің ерекше қолдауының арқасында бүгінде облысымыздың бюджеті 750 млрд теңгеге жетті. Өздеріңіз білесіздер, осыдан үш жылдай уақыт бұрын аймақ бюджеті 364 млрд теңге болатын. Өсім 206 пайызды құрады. Бұл қомақты қаражат аймақтағы ең өзекті деген мәселелерді шешуге, тұрғындардың өмір сүру сапасын жақсартуға және ауқымды инфрақұрылымдық жобаларды іске асыруға жұмсалуда.Мемлекеттің қолдауын сезініп, баспаналы болуға ниет еткен әрбір отбасы үшін бүгін айтулы күн! Баспаналы болу отбасын, әсіресе балаларды қуанышқа кенелтеді. Қоныс тойларыңыз құтты болсын! Шаңырақтарыңыз шаттыққа бөленіп, ішінен балалардың әсем күлкісі мен үлкендердің қуанышты үні естілсін! Ұлтымыздың мерейін өсіріп, бар болмысымызды айшықтайтын қасиетті Наурыз мерекесі елімізге, әрбір отбасына бірлік пен қуаныш, құт-береке, бақыт пен молшылық әкелсін! Ұлыс оң болсын, ақ мол болсын!»,– деді Нұрлыбек Машбекұлы.</blockquote>Іс-шарада ел ағаларына, жаңа тұрғын үйді салған құрылысшыларға облыс әкімінің Алғыс хаты табысталып, Қызылорда қаласы және Арал ауданының құрметті азаматы Имамадин Оңғарбаев батасын берді.Фото: Қызылорда облысы әкімінің баспасөз қызметі

Қызылордалықтар Амал күнінде қоныс той тойлады

<a href="https://kyzylorda-news.kz/">Kyzylorda-news.kz</a> Мәжіліс депутаты, Ұлттық құрылтай мүшесі Еділ Жаңбыршин Ұлттық құрылтай аясында өткен секцияда фонограммаға тыйым салу керегін айтты, деп хабарлайды <a href="https://baq.kz/deputat-fonogrammaga-tyyym-bolsa-dimash-siyaqty-talanttar-kobeyetinin-aytty-200009607/">BAQ.KZ тілшісі.</a><blockquote>Біз фонограммаға тыйым салуымыз керек. Халықты алдамауымыз керек. Халықтың алдына шыққан әнші, әртіс жан дауысымен айтуы қажет. Себебі халық оған ақша төлеп, оның дауысын тыңдауға келіп отыр. Сондықтан әнші айтатын әнін жанды дауыспен айтқаны дұрыс, - дейді депутат.</blockquote>Сонымен қатар Жаңбыршын әншілер жанды дауыспен ән айтса, шынайы таланттар табылатынын қоса кетті.<blockquote>Фонограммасыз ән айтса, онда біз шынайы таланттарды таба аламыз. Димаш сияқты дауысы бар, әртүрлі тембрде айтатын, компьютермен әрленбеген шынайы дауыспен айтатын таланттарды шығара аламыз. Осылайша дәстүрлі әртістерді сахнаға шығара аламыз, оларға сұраныс та артады. Себебі олар әрқашан жанды дауыста айтады, - деп атап өтті Мәжіліс депутаты.</blockquote>Оның сөзінше, депутаттар фонограммаға тыйым салу бойынша министрлікке норма берген.Фото: pixabay.com

Депутат фонограммаға тыйым болса, Димаш сияқты таланттар көбейетінін айтты

<a href="https://kyzylorda-news.kz/">Kyzylorda-news.kz</a> Қазақстандық боксшы, 2016 жылғы Олимпиада чемпионы UFC басшысы Дана Уайтпен келісімшартқа қол қойды – ол Уайттың жаңа бокс лигасында өнер көрсетеді, деп хабарлайды <a href="https://kaz.nur.kz/sport/boxing/2227907-olimpiada-chempiony-daniiar-eleusinov-ufc-basshysymen-kelisimshartqa-qol-qoidy/">KAZ.NUR.KZ.</a>Тиісті мәлімдемені бірнеше бокс паблигі Instagram желісінде жария етті, ал Елеусінов жазбаларды өз парақшасында бөлісті.<blockquote>"Данияр Елеусінов — Дана Уайттың жаңа бокс промоушеніндегі алғашқы қазақстандық боксшы" – делінген жазбада.</blockquote>Бұл жаңалыққа қатысты Батыс Қазақстан облысының дене шынықтыру және спорт басқармасы да жазба жариялады. Ведомствоның Instagram желісіндегі парақшасында басқарма өкілдері спортшыға сәттілік тілеген.<blockquote>"Данияр Елеусінов Дана Уайттың бокс лигасында бақ сынайды. Олимпиада чемпионы Данияр Елеусінов UFC басшысы Дана Уайт пен Турки Аль Аш-Шейх құрған TKO промоушнымен келісімшартқа қол қойды. “Биыл америкалық аренада жұдырықтасамын. Онда жұлдыз болу оңай, бірақ жарқырап тұру қиын. Өзімді дәлелдеуге дайынмын!” – деді боксшы. Жерлесімізге сәттілік тілейміз", - делінген басқарма жазбасында.</blockquote>Фото: Данияр Елеусінов инстаграм парақшасынан

Олимпиада чемпионы Данияр Елеусінов UFC басшысымен келісімшартқа қол қойды

<a href="https://kyzylorda-news.kz/">Kyzylorda-news.kz</a> Жетісуда наурызнама онкүндігін мерекелеу кең көлемде аталып өтеді. Өңірде 300-ге жуық іс-шара жоспарланған, деп хабарлайды <a href="https://baq.kz/zhetisuda-300-balanyn-tusauy-kesiledi-200009610/">BAQ.KZ тілшісі.</a>Көктем мезгілі қазақ халқы үшін жаңа жылдың бастауы саналады. Соңғы жылдары республика көлемінде айтулы мерекені дүйім жұрт ерекше атап өтіп жүр. Бұл қатарда Жетісу тұрғындары да бар. Облыс әкімі баспасөз қызметіне сүйенсек, 300-ге тарта іс-шара өткізу көзделген. Ондағы ерекшелік ұлттық ғұрып пен дәстүрді қайта жаңғырту болып отыр.<blockquote>Қазақ танымында наурыз мерекесі ең ұлы мейрамдардың бірі саналады. Биыл былтырғыдан қарағанда ауқымды іс-шаралар өткізгелі отырмыз. Мәселен, 300 баланың тұсауы кесіліп, жүздеген отбасы қоныс тойын тойлайды. Одан бөлек мыңдаған көшет отырғызылып, қазақтың ұлттық ойындары ұйымдастырылады. Үлкен-кішісі бар барлығы қазақы киім киіп, ұлттық күйімізді тыңдап, бір жадырап қалады. Қазірдің өзінде мерекеге деген дайындық қызып жатыр, - деді облыстық халық шығармашылығы орталығының бас маманы Жангелді Немеребаев.</blockquote>Оның айтуынша, Наурызнама онкүндігіне барлық өңірдегі мекемелер қатысады. Бұл басты мереке Талдықорған қаласының "Жастар" саябағында мерекеленіп, биылғы жылдың мерейтойлық даталарына арналған тақырыптық көрмелер қойылған 20-дан астам киіз үй тігіледі. Тегін наурыз көже де таратылады.<blockquote>Қыстың көбесі сөгіліп, күннің мерейі төгіледі. Көріскен жұрт, табысқан ағайын қыстың қытымыр мінезінен жалыққан тұрғындар көшеге шығып, мейрамды қарсы алуға асық отыр. Жетісу жерінде жылда дәстүрлі түрде кең көлемде аталып өтеді. Биыл да ерекше өтетініне сенімдімін. Балаларымыз қазақы шапанын киіп, қазақы ою-өрнекке толы тақиясын киіп, көшеге шығуға дайын отыр, - деді Талдықорған қаласының тұрғыны Ерәділ Жансықбаев.</blockquote>Фото: anamenbala.kz

Наурызнама: Онкүндікте 300 баланың тұсауы кесіледі

<a href="https://kyzylorda-news.kz/">Kyzylorda-news.kz</a> Алдағы күндері Қазақстандағы ауа райына екі қарама-қарсы атмосфералық ағындар ықпал етеді, деп хабарлайды <a href="https://kaz.inform.kz/news/aldagi-taulkterde-kun-zhilina-tused-554141/">Қазақпарат</a>Елдің шығыс, орталық және солтүстік шығыс өңірлерін қамтитын антициклон құрғақ әрі тұрақты және жауын-шашынсыз ауа райының қалыптасуына ықпал етеді.Сондай-ақ батыс, солтүстік және оңтүстік облыстар солтүстік батыс жырасының ықпалында болады. Өз кезегінде ол қар мен жауын-шашынның жаууына, жел күшейіп, көктайғақтың қалыптасуына ықпал етеді. Жекелеген аймақтарда тұман түсіп, көрініс қиындайды.Температуралық фон елдің батысында түнде 2-7 градус, күндіз 12-20 градус жылы болады. Солтүстік облыстарда түнде 1-10 және 3-2 градусқа дейін аяз болады, күндіз 1-6 градус түнде 5-10 градус жылы болады, елдің шығысында түнгі температура 12-22 градустан 5-12 градусқа дейін аяз болады, күндізгі температура 2 градус аяздан 6 градусқа дейін жылиды, 1-8 градус жылы.Елдің оңтүстігінде негізгі фон түнде 2-7 жылы, күндіз 13-18-ден 18-23-ке дейін жылиды, елдің оңтүстік-шығысында негізгі фон 2 градус суық, 3 градус жылы, тауларда 8-13 аяз, күндіз 10-15-тен 15-20-ға дейін жылиды.<blockquote>- Күтілетін жауын-шашын, тұман және көктайғақ жол жағдайын қиындатуы мүмкін, сондықтан жүргізушілерге сақ болу ұсынылады, -делінген хабарламада.</blockquote>Фото: freepik.com

Архив

Қызылордалықтар Амал күнінде қоныс той тойлады

Депутат фонограммаға тыйым болса, Димаш сияқты таланттар көбейетінін айтты

Олимпиада чемпионы Данияр Елеусінов UFC басшысымен келісімшартқа қол қойды

Наурызнама: Онкүндікте 300 баланың тұсауы кесіледі

Алдағы күндері күн жылынады