<a href="https://kyzylorda-news.kz/">Kyzylorda-news.kz</a> Бүгін Қызылордада Қала күні мен «Алтын күз-2024» дәстүрлі мерекесі аясында ұлттық ат спорты бәйгесі ұйымдастырылды. Дүбірлі бәйгені облыс әкімі Нұрлыбек Нәлібаев, Парламент Сенаты мен Мәжілісінің депутаттары тамашалады.Аймақ басшысы жарысқа қатысушыларды құттықтап, сәттілік тіледі.<blockquote>"Берекесімен, молшылығымен келетін күз мезгілінде халқымыз егінін жинап, қамбасын толтырып, мәре-сәре болып, бір жасап қалады. Егінім бітік шықты деп, қуаныш тойын тойлап, ат шаптырып, бәйге береді.Ертеден жеткен осы дәстүрімізді біз де жалғастырып келеміз.Баршаңызды «Алтын дән-2024» ұлттық ат спорты бәйгесінен облыстық жарыстың ашылуымен құттықтаймын!Қыркүйек айында Мемлекет басшысының бастамасымен өткен V Дүниежүзілік көшпенділер ойындарында 4 саңлағымыз бақ сынап 2 алтын, 1 қола медаль жеңіп алды. Осылайша Сыр спортының жылнамасын жаңартты, этноспорттың дамуына үлес қосты.Бүгінгі бәйге Сыр өңірінің мерейін асырып, ұлттық спорттың өркендеуіне мол мүмкіндік береді деп сенемін!Төзім мен жігер, қайрат пен мінез сынға түскен бәйгеде тұлпарлардың тұяғы талмасын, арғымақтар аламанда арындасын! Шабандоздардың тақымы тастай болсын!", - деді Нұрлыбек Нәлібаев.</blockquote>Жарысқа қатысушыларға ауыл шаруашылығы саласының ардагері Нұрлыбай Ұлықпанұлы ақ батасын берді.Бәйге жеңімпаздарына қаржылай сыйлықтар тағайындалған.Аламан бәйге, 25 шақырым:І орын – 3 000 000 теңге,ІІ орын – 2 000 000 теңге,ІІІ орын – 1 000 000 теңге.Тоқ бәйге, 15 шақырым:&nbsp;І орын – 1 500 000 теңге,ІІ орын – 1 000 000 теңге,ІІІ орын - 500 000 теңге.Құнан бәйге, 11 шақырым:І орын - 1 200 000 теңге,ІІ орын – 800 000 теңге,ІІІ орын - 500 000 теңге.Тай жарыс, 5 шақырым:І орын – 500 000 теңге,ІІ орын – 300 000 теңге,ІІІ орын – 200 000 теңге.<img src="https://knadmin.beoblood.kz/uploads/bajge_1_13cf791c16.jpg" alt="байге 1.jpg"><img src="https://knadmin.beoblood.kz/uploads/bajge_2_b3edd62317.jpg" alt="байге 2.jpg">Фото: Қызылорда облысы әкімінің баспасөз қызметі

"Алтын күздің" ұлттық ат спорты бәйгесі тартысты өтті

<a href="https://kyzylorda-news.kz/">Kyzylorda-news.kz</a> &nbsp; Өтініш 50 мың қолдау дауысын жинап, тіркелген. Өтінішті қарау ҚР сауда және интеграция министрлігіне (Министрлік) тапсырылған.Уақытты қайтару туралы өтінішті қарау нәтижесін сот заңды деп таныды.&nbsp;Талап қоюшы Л. "Уақытты кері қайтару" петициясын қарау нәтижесін заңсыз деп тану туралы талаппен сотқа жүгініп, онда петицияны қарау мен шешім қабылдауда рәсім бұзылғаны көрсетілген, деп хабарлайды <a href="http://skifnews.kz/">Skifnews.kz </a>ақпарат порталы.Сот іс құжаттарын зерделеп, келесіні анықтады.Қазақстан Республикасы Әкімшілік рәсімдік-процестік кодексінің (ӘРПК) талаптарына сәйкес "Уақытты кері қайтару" петициясы тіркелді.Өтініш 50 мың қолдау дауысын жинап, тіркелген. Өтінішті қарау ҚР сауда және интеграция министрлігіне (Министрлік) тапсырылған.Жұмыс тобын қалыптастыру үшін Министрлік өтініш берушіге, Қазақстан Республикасының Парламентіне, мүдделі мемлекеттік органдарға, қоғамдық бірлестікке жұмыс тобының құрамына енгізу үшін кандидатуралар жіберуді сұрап, хаттар жолдаған.Қазақстан Республикасы Парламенті Мәжілісінің 2024 жылғы 14 маусымдағы хатымен жұмыс тобына қатысу үшін кандидаттар Е.А.Әбіл мен М.А.Әбенов ұсынылды.Министрдің 2024 жылғы 21 маусымдағы бұйрығымен петицияны қарау жөніндегі жұмыс тобының құрамы бекітіліп, депутат Е.А.Әбіл жұмыс тобы басшысының орынбасары болып тағайындалған.Жұмыс тобының жұмысы аясында 2024 жылғы 21 маусымда, 16 шілдеде және 2 тамызда 3 отырыс өткен. 2024 жылғы 2 тамызда өтінішті қарау нәтижелері бойынша өтінішті қанағаттандырудан бас тарту туралы шешім қабылданған.Өтініштерді тіркеу, есепке алу мемлекет пен азаматтық қоғамның өзара іс-қимылы саласындағы уәкілетті орган белгілеген тәртіппен жүзеге асырылады.ӘРПК-нің 90-6-бабына сәйкес өтінішті қарау нәтижелері бойынша орталық мемлекеттік немесе жергілікті атқарушы органның бірінші басшысы, жергілікті өкілді органның төрағасы мынадай шешімдердің бірін қабылдайды:<ol><li style="text-align:justify;">өтінішті толық немесе ішінара қанағаттандыру туралы;</li><li style="text-align:justify;">өтінішті қанағаттандырудан бас тарту туралы.</li></ol>Петицияны қарау және ол бойынша шешім қабылдау рәсімі ӘРПК нормаларымен регламенттелген.Петицияны қарау нәтижелері бойынша шешімге дау айту туралы талаптарды қарау кезінде сот оны қарау тәртібі мен мерзімдерінің сақталуына ғана баға береді.Петицияны қарау кезінде рәсімнің бұзылмауына байланысты, сот талап қоюды қанағаттандырудан бас тартты.Талап қоюшының белгіленген тәртіпті бұза отырып, отырыстың төрағасы Қазақстан Республикасы Мәжілісінің депутаты Е.А.Әбілдің болғандығы туралы дәлелдері сотпен қабылданбады. Себебі Е.А.Әбіл жұмыс тобы басшысының орынбасары болғаны анықталды. Комиссия құрамын қалыптастыру кезінде қандай да бір бұзушылықтарға жол берілмеген.Сот шағымдалған шешім мен петицияны қарау жөніндегі әрекеттер заңды, мемлекеттік органның құзыреті шегінде жасалған және рәсімдік бұзушылықтар анықталмаған деген қорытындыға келді.Шешім заңды күшіне енген жоқ.Фото: pixabay.com

Уақытты қайтару туралы петиция: сот шешімі шықты

<a href="https://kyzylorda-news.kz/ru">Kyzylorda-news.kz</a> Ведомство осындай қоңыраулар мен хабарламаларды алғанда құқық қорғау органдарына дереу хабарлауды ескертті.Антикор мессенджерлерде (WhatsApp, Telegram және т.б.) Сыбайлас жемқорлыққа қарсы іс-қимыл агенттігінің басшылығы мен қызметкерлерінің атынан жалған аккаунттар құрған және жалған ақпарат тарататын алаяқтар туралы тағы да ескерту жасады, деп хабарлайды&nbsp;<a href="http://sn.kz/">Skifnews.kz</a>&nbsp;ақпарат порталы.<blockquote>"Алаяқтар Антикор символикасы бар жалған құжаттарды, хабарламаларды және файлдарды жасап және жолдап жатыр. Жалған ақпараттық таратуларға сенбеу, күмәнді сілтемелерге өтпеуді, сондай-ақ қолма-қол ақша аудармауды сұраймыз", - делінген&nbsp;Сыбайлас жемқорлыққа қарсы іс-қимыл агенттігінің хабарламасында.</blockquote>Ведомство осындай қоңыраулар мен хабарламаларды алғанда құқық қорғау органдарына дереу хабарлауды ескертті.Фото: pixabay

Антикор қазақстандықтарға мессенджерлердегі алаяқтар туралы ескертті

<a href="https://kyzylorda-news.kz/ru">Kyzylorda-news.kz</a> Қазақстанда жұмыртқа 11 пайызға қымбаттады. Бұл туралы <a href="https://stan.kz/kazakstanda-zhymirtka-kimbattadi-407771/">Stan.kz </a>ақпарат агенттігі КТК телеарнасына сілтеме жасап&nbsp;хабарлайды.Қыркүйектің соңғы аптасында бағаның күрт көтерілгенін тұтынушылар да байқаған. &nbsp;Ұлттық статистика бюросының мәліметінше, әлеуметтік маңызы бар азық-түліктің бұл түрі, әсіресе Ақтөбе қаласында қымбат.Алматыдағы ең ірі супермаркетте жұмыртқаның неше түрі бар. Он данасының бағасы 629 теңгеден басталып, 945 теңгеге дейін. Мәселен, сұрпы мен салмағы үлкен түрінің бағасы да 975 теңге. Қазірдің өзінде жұмыртқаның бір данасының бағасы 50 теңгеден асып түскен.Ұлттық статистика бюросы сарапшылары соңғы бір айда елімізде&nbsp;жұмыртқа құнының орташа есеппен 11,6 пайызға өскенін айтады. Ең қымбат жұмыртқа Ақтөбе, Ақтау, Павлодар, Шымкент пен Қарағанды қалаларында сатылып жтыр.<blockquote>“Ұлттық статистика бюросы әлеуметтік маңызы бар азық-түлік тауарының тізбесіне кіретін бірінші санаттағы жұмыртқаларды ғана тіркейді. Жұмыртқа бағасы орташа есеппен 11,6 пайызға өскен. Ақтөбеде 29,3 пайыз, Павлодарда 20,9 пайыз, Шымкентте 20,6 пайыз, Ақтауда 19,6 пайыз, Қарағандыда 19,5 пайыз өскені тіркелді. Бағасы төмені: Қонаев, Астана, Өскемен”, –&nbsp;дейді тұтыну бағалары статистикасы басқармасының сарапшысы Таңшолпан Кереева.</blockquote>Қазір елімізде 58 құс фабрикасы жұмыс істеп тұр. Оның ішінде 29 фабрика&nbsp;жұмыртқа өндіреді. Мамандар бағаның күрт өсуін биылғы сапасыз жиын-терін науқанымен байланыстырады. Оған қоса, делдалдар да бағасының үстіне өз пайызын қосуы мүмкін.<blockquote>“Жұмыртқа мен құс еті құнының 70 пайызы жемге кетеді. Биыл жақсы егін жинағанымызбен, астықтың көбі сапасыз болды. Сондықтан Ресейден жоғары сапалы жем сатып алдық. Құс фабрикалары сауда министрлігімен келісілген меморандумды ұстанады. Олар 50 теңгеден жоғары баға қоймайды. Біз бар болғаны 40 теңгеден сатамыз. Оның үстіне делдалдар 15 пайыз, саудагерлер тағы 15 пайыз қосады. Мұндай жағдай тек Қазақстанда ғана емес, сондай-ақ Ресейде, Қырғызстанда, Беларусьте те бар”,&nbsp;–&nbsp;дейді&nbsp;Қазақстан құс өсірушілер одағаның президенті Руслан Шәріпов.</blockquote>Фото: pixabay.com

Қазақстанда жұмыртқа қымбаттады

Блогер Айсәуле Бақытбек тұрмыс құрмаған қыздарға кеңес беріп, жар таңдауда қателеспеуге үндеді. Бұл туралы <a href="https://stan.kz/baskasha-kalay-aytatinimdi-bilmeymin-aysaule-bakitbek-z-407709/">Stan.kz</a> ақпарат агенттігі хабарлайды.&nbsp;Блогер оқырман қыздарымен сырласып, бірнеше сұрағына жауап берді. “Қандай жігіттерді таңдаған дұрыс?” деген сауалға кеңінен тоқталды.&nbsp;<blockquote>“Өздеріңізге интеллектісі жоғары жігітті таңдаңыздар. “Мал” жігіттер көп. Оларды басқаша қалай айтатынымды білмеймін. Ондай жігіттердің түрінен-ақ көрініп тұрады. Бірақ соларға қыздар мүмкіндік береді. Ой-пиғылдары таза жігітпен танысыңдар. “Таза” сөзінің ішіне бәрі кіреді. Көкірек емес жігіттермен қарым-қатынас құрыңдар. Екі сөйлемейтін, сөздерін аяқасты етпейтін жар жолықсын. Басқаның көзінше сені жақсы көретінін мойындайтын, үнемі жылы сөз айтатын жігітке қараңдар. Болашақ жардың мінезі мен болмысы да өте маңызды. Мейірімді болуы керек. Егер жігіттің біреуді алдағанын көрсеңіз, кетіңіз”, – деп кеңес айтты Айсәуле.&nbsp;</blockquote>Одан кейін желі жұлдызы өзінің күйеуіне де қатысты ақпаратты бөлісті.&nbsp;<blockquote>“Күйеуімнің Шығыс Қазақстан облысына қатысы бар. Түп-тамыры – Семей өңірі. Бірақ Алматыда туып, осы қалада өскен. Бәрі жолдасымды найман руынан деп ойлайды екен, ол – арғын. Қос фамилияны алып жүрмін. Айсәуле Бақытбек-Қайдарова”, – деп жауап берді блогер.&nbsp;</blockquote><img src="https://knadmin.beoblood.kz/uploads/ajs_816488fc84.webp" alt="ajs.webp">&nbsp;

Айсәуле Бақытбек жігіттерді «малға» теңеді

<a href="https://kyzylorda-news.kz/ru">Kyzylorda-news.kz</a> &nbsp;Жақында екі мәрте ана атанған Баян Мақсатқызы екі қызының қалай дүниеге келгенін айтып берді.&nbsp;Бұл туралы&nbsp;<a href="https://stan.kz/tort-zhilda-eki-ret-tusik-tastadi-bayan-maksatkizi-eki-407776/">Stan.kz</a>&nbsp;ақпарат агенттігі хабарлайды.&nbsp;Продюсер блогер Айсәуле Бақытбекке&nbsp;сұхбат&nbsp;беріп, 50 жасында ана болу бақытына қалай қол жеткізгенін жасырмады.&nbsp;<blockquote>“Сегіз жыл бұрын сүйікті адамыма тұрмысқа шыққаннан кейін балалы болуды қаладым. Соңғы бес жылда үнемі ойлап жүрдім. Одан кейін денсаулығымды&nbsp;жақсартуға уақыт кетті. Көп ота жасалып, физикалық тұрғыда шаршап қалдым. Тұрмыс құрған алғаш кезеңде ол туралы ойламадым. Бір күні Тұрсен екеуміз балаға қатысты тақырыпты талқыладық. Ол: «Онсыз да сенің денсаулығың көп сынақтан өтті, саған қиын болғанын қаламаймын» деді. Бір жағынан жас ерекшелігімді де еске салды. Ол кезде менің жасым 45-те еді. Тұрсен маған бірден: «Баланы өзің көтергеніңді қаламаймын» деді. Қазір заман дамыған. Басқа да жолдары бар. Осы жаста бұл нәрсені басқа жолмен жасауға болады» деді. Содан балалы болу жолында түрлі қадамды іздедік, – деп бастады әңгімесін Баян Мақсатқызы.&nbsp;</blockquote>Арада көп уақыт өтпей продюсер ЭҚҰ дәрігері Салтанат Байқошқарованың&nbsp;алдына барғанын айтты.&nbsp;<blockquote>“ТВ-да істеп жүргенімде бірнеше рет Салтанат Берденқызымен сұхбаттасқанмын. Бір күні соған хабарластым. Ол кісіге жоспарымызды айтып, бәрін кеңсесінде талқыладық. Мен өте көп анализ тапсырдым. Үш ай бойы менің денсаулығымды бақылады. Қорытындысы өте жақсы шықты. Маған табиғи жолмен бала көтере алатынымды айтты. Бірақ мен қарсы болдым. Себебі табиғи жолмен ана болуға дайын болмадым. Суррогат ананың көмегіне жүгінуді ұсынды. Оған қатысты да бірнеше ақпаратты түсіндірді. Біз келісіп, енді сол бағытта жұмыс істей бастадық. Тұрсеннің биоматериалын сақтап қойдық. Төрт жыл бұрын алғашқы қадам сәтсіз болды. Ұрықты орналастырғаннан кейін екі апта өткен соң дамымай қалып, түсік тастады. Тұрсен “Онда тұрған ештеңе жоқ, демек уақыты әлі келмеді” деді. “Тағы бір рет талпынып көрейік” деген ой айтты. Сәтсіз оқиғаға екі жылдан кейін тағы тап болдық. Ол кезде де ұрық дамымай қалып, түсік тастады. Бізге орталық мамандары хабарласып, жағдайды айтып берді. Ұл&nbsp;бала дамып келе жатыр еді. Тұрсен де екі рет сәтсіз болса да, күлімдеп “Тағы да көрейік” деді. Сол кісінің қолдауымен екі қыздың ата-анасы атандық – деді танымал продюсер.</blockquote>Фото: Подкастан скриншот

Баян Мақсатқызы екі қызының дүниеге келуіне қатысты құпияны ашты

<a href="https://kyzylorda-news.kz/ru">Kyzylorda-news.kz</a> &nbsp;Жақында «Dauletten» қайырымдылық қоры жүрегі мейірімге толы азаматтардың қолдауымен тағы бір мұқтаж отбасыға баспана сыйлады. &nbsp;Бұл туралы «Dauletten» қайырымдылық қорының баспасөз қызметі хабарлады.&nbsp;Көпбалалы ана Айгүл биыл өмірлік жарынан айырылып, қайғыдан қара жамылды. Әкенің ізін бағып артында төрт бірдей бала қалды. Бұл отбасы Алматы облысы Жамбыл ауданы Көкқайнар ауылында қирауға шақ қалған үйде тұрып келген. Үйдің үлкені 7-сыныпта оқиды, кенжесі – 6 жаста. Енді бұл отбасының көпшілік сыйлаған құтты үйі бар.&nbsp;Қор бір айдың ішінде осы отбасы тұрған ауылдан 8 млн теңгеге 20 соттық жері бар 6 бөлмелі баспананы алды. Моншасы, арнайы жаздық асханасы бар. Сондай-ақ 1 млн теңгеге үйді тұрмыстық техника, құрал-жабдықтар және басқа да қажетті заттармен толықтырды.Айта кетейік, ауыл әкімінің қолдауымен енді бұл баспанаға газ кіргізіледі. Ал жергілікті белсенді азаматтар баспаналы болған отбасыға АСП алу бойынша құжаттарды жинап, көмек беріп жатыр.«Осындай үй алуды армандап едік. Өте қуаныштымын. Арманым орындалды. Үлкен үйге кіріп жатырмыз. Рақмет сіздерге», – деді көпбалалы ана.«Dauletten» қайырымдылық қоры 2019 жылдан бері мейірімді жандармен бірлесе мұқтаж отбасыларды баспаналы етіп келеді.Фото: Қайырымдылық қоры

«Dauletten»қоры 73 баспананың кілтін көпбалалы анаға табыстады

<a href="https://kyzylorda-news.kz/">Kyzylorda-news.kz</a> ҚР премьер-министрінің бірінші орынбасары Роман Скляр барлық артықшылық пен кемшілкті таразылау қажет екенін айтты.Уақыт белдеуін кері қайтару мәселесі жуырда қаралмайды. Премьер Олжас Бектенов бастаған Министрлер кабинеті бұл реформаның халықтың тұрмысына тигізер пайдасы мен зияныны білу&nbsp;үшін кемі үш жылдай уақыт қажет деп отыр, деп хабарлайды <a href="https://kyn.kz/36895/sh-zhyl-azhet-ua-yt-beldeuin-keri-aytaru-m-selesi-zhuyrda-aralmaydy">KYN.KZ&nbsp;</a>Тіпті азаматтардың өтінішімен депутаттар қолқа салса да, Үкімет жұмысының күн тәрбінде бұл мәселе тұрған жоқ.<blockquote>«Егер нақты менен сұрасаңыздар, жылдар бойы ерте ұйықтауға дағдыланғанмын, бұл өзгеріс маған жақсы. Менің кейбір достарым мұны ұнатпайды. Яғни біз барлық артықшылық пен кемшілікті таразылауымыз қажет. Бұл іс жүзінде қалай болатынын күту, тыңдау және көру керек», - деді ҚР премьер-министрінің бірінші орынбасары, Роман Скляр.</blockquote>Фото: kyn.kz

Үш жыл қажет: Уақыт белдеуін кері қайтару мәселесі жуырда қаралмайды

<a href="https://kyzylorda-news.kz/">Kyzylorda-news.kz</a> Орталық стадионда облыс әкімі Нұрлыбек Нәлібаевтың қатысуымен Қала күніне орай мерекелік іс-шара өтті. Оған мемлекет және қоғам қайраткерлері, Парламент депутаттары, қала, аудан әкімдері, зиялы қауым өкілдері, еңбек ардагерлері мен қала тұрғындары жиналды.Аймақ басшысы жұртшылықты мерекемен құттықтап, өңірдің әлеуметтік-экономикалық жетістіктеріне тоқталды.<blockquote>"Президентіміз Қасым-Жомарт Кемелұлы бірлік пен берекенің, өнер мен мәдениеттің құтты ұясы Сыр өңіріне келген сапарында облысымызға дамудың үлкен перспективалары бар стратегиялық маңызды аймақ деп оң бағасын берді. Биыл Қызылорда қаласының бюджеті 50 млрд. теңгеге артып, 107,9 млрд.теңгеге жетті.Қала күні қарсаңында тұрғындар асыға күткен жайлы мектеп, Оқушылар сарайы, Теннис орталығы ел игілігіне табысталды.Сол жағалаудағы №2 шағын ауданға салынған 470 пәтерлік10 көпқабатты тұрғын үйде қоныстой тойланды.Осы уақытқа дейін қаламыздың ең басты коммуналдық мәселесі болып келген көпқабатты тұрғын үйлерді ыстық сумен қамтамасыз ету оң шешімін тапты.Биыл 187 үй, алдағы жылы тағы 237 үй ыстық суға қосылады.Соңғы екі жылда біз барлық саланың материалдық-техникалық базасын нығайтуға басымдық бердік. Ең алдымен облыс орталығындағы қоғамдық көлікке қатысты түйткілді түбегейлі шешу үшін 300 жаңа автобус сатып алынды. Жаңа қоғамдық көліктер жолаушыларға қызмет көрсетуде.Тұрғындар сұранысына сәйкес алынған 200 санитарлық автокөліктің60-ы Қызылорда қаласындағы денсаулық сақтау мекемелеріне табысталды.Сүйікті қаламыздың самаладай жарқырауына, көркейіп, гүлденуіне бірге атсалысайық!Жаңа белестерді бағындырып, асқақ армандарға бірге жетейік! Әр шаңыраққа шаттық, береке-бірлік тілеймін!", - деді Н.Нәлібаев.</blockquote>Салтанатты іс-шарада қаланы әлеуметтік-экономикалық, қоғамдық-саяси тұрғыдан өркендетуде ерен еңбектің үлгісін көрсеткен 9 азаматқа «Қызылорда қаласының Құрметті азаматы» атағы берілді. Сан салада қызмет ететін 3 азаматқа облыстың ең жоғары марапаты - Қызылорда облысының Құрмет грамотасы, 9 азаматқа облыс әкімінің Алғыс хаты табысталды.Қала күніне арналған мереке отандық эстрада жұлдыздарының концертіне және отшашуға ұласты.<img src="https://knadmin.beoblood.kz/uploads/konczert_f2beac8574.jpg" alt="концерт.jpg"><img src="https://knadmin.beoblood.kz/uploads/konczert_1_c505d164d8.jpg" alt="концерт 1.jpg">Фото: Қызылорда облысы әкімінің баспасөз қызметі

Архив