<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев жылу-электр орталығында алдағы жылу маусымына дайындық мәселелері бойынша көшпелі мәжіліс өткізіп, мекемеге 9 арнайы техниканың кілтін табыстады.&nbsp;Аймақ басшысы кәсіпорын қызметкерлерінің қажырлы еңбегін атап өтіп, саланың дамуына алдағы уақытта да қолдау көрсетілетінін жеткізді.«Мемлекет басшысы мен Үкіметтің қолдауының арқасында Сыр өңірінде соңғы жылдары мақсатты бастамалар қолға алынды. Экономиканың барлық негізгі көрсеткіштерінде өсім бар. Қаңтар-тамыз айларындағы әлеуметтік-экономикалық даму көрсеткіштері бойынша Қызылорда облысы өңірлер арасында алғашқы орыннан көрінді. Облыстың биылғы бюджеті 744 млрд. теңгеден асты. Бұл ауқымды қаражат бірінші кезекте аймақтың өзекті мәселелерін шешуге, облыс тұрғындарының өмір сүру сапасын арттыруға бағытталуда.&nbsp;Тұрғындарды жылумен үздіксіз қамту мақсатында жылу нысандарын жаңғыртуға 12 млрд. теңге қаржы қаралды. Оның ішінде 9,5 шақырым жылу желілерін жаңғыртудың 6 жобасын жүзеге асыруға 6 млрд. 900 млн. теңге қаржы бағытталды. Үкімет резервінен «Оңтүстік» қазандығының «Bono Energy» маркалы үш бу қазандығын жаңғыртуға 2 млрд. 700 млн. теңге бөлініп, жұмыстар жүргізілуде. Жергілікті бюджет және кәсіпорын қаржысы есебінен мекеменің негізгі қондырғылары мен жылу қазандықтары жөндеуден өткізілуде. Жұмыс жылу беру маусымына дейін толық аяқталады.&nbsp;Мемлекет басшысының тапсырмасына сәйкес Қызылорда қаласында қуаттылығы 240 мегаваттық жаңа жылу-электр орталығының құрылысы қарқынды жүруде. Нысан 2025 жылғы тамыз айында ел игілігіне табысталады.&nbsp;Бүгін орталық қызметкерлерінің халыққа қызмет көрсету сапасын арттыру үшін облыстық бюджеттен 521 млн. теңгеге сатып алынған 9 жаңа заманауи арнайы техниканың кілтін табыстаймыз. Жаңа техникалар ел игілігі үшін қызмет етеді деп сенеміз», – деді Нұрлыбек Машбекұлы.Іс-шарада «Құрмет» орденінің иегері, Қызылорда қаласы және Арал ауданының Құрметті азаматы Имамадин Оңғарбаев орталық ұжымын құттықтап, бата берді.&nbsp;Жылу-электр орталығына жұмысқа ең қажетті арнайы техникалар, атап айтқанда, экскаватор, манипулятор, автокран, жүк тасығыш табысталды.Айта кетейік, соңғы жылдары өңірде барлық саланың материалдық-техникалық базасын нығайтуға басымдық берілуде. Қоғамдық көліктің мәселесін түбегейлі шешу үшін 300, мектеп оқушыларына 30 автобус, денсаулық сақтау саласына 70 жедел жәрдем көлігі, орманшыларға 95 арнайы техника, ветеринария саласының мамандарына 59, құқық қорғау органдарына 92 қызметтік автокөлік алынды.&nbsp;Коммуналдық салаға да жан-жақты қолдау көсетілуде. «Қызылорда тазалығы», КРЭК, «Қызылорда су жүйесі» мекемелеріне 42 арнайы техника табысталып, тұрғындар игілігі үшін қызмет етуде. Алдағы уақытта «Қызылорда су жүйесі» мекемесіне 5, «Жасыл Қызылорда» мекемесіне 23, «Қызылорда тазалығы» мекемесіне 24 жаңа арнайы техниканың кілті табысталмақ. Мұнан бөлек, «Үлгілі елді мекен» облыстық байқауының жеңімпаздарына күнделікті ел тұрмысына қажетті, заманауи үлгідегі 48 арнайы техника берілді.&nbsp;Биыл облыс тұрғындарының сұранысына сәйкес өңірдің барлық елді мекеніндегі денсаулық сақтау мекемелеріне 200 санитарлық автокөлік алынуда. Оның 126-сы қолданыста, қалған 74-і жақын күндері табысталады.<img src="https://knadmin.beoblood.kz/uploads/zhylu_4_707ceee672.jpg" alt="жылу 4.jpg"><img src="https://knadmin.beoblood.kz/uploads/zhylu_2_c8ce1e1b55.jpg" alt="жылу 2.jpg"><img src="https://knadmin.beoblood.kz/uploads/zhylu_3_0274fe04da.jpg" alt="жылу 3.jpg"><img src="https://knadmin.beoblood.kz/uploads/zhylu_10ba93307f.jpg" alt="жылу.jpg">Фото: Қызылорда облысы әкімінің баспасөз қызметі

Жылу-электр орталығына арнайы техникалар табысталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев медицина мекемелерін аралау кезінде облыстық онкология орталығына арнайы барып, емделушілердің хал-жағдайын сұрады.&nbsp;Орталық ғимараты 2021 жылы салынған. Бос тұрған денсаулық сақтау саласы ғимараттарын тиімді пайдалану мақсатында 185 төсек-орынға арналған бұрынғы модульдік-инфекциялық аурухана былтыр материалдық-техникалық жабдықтарымен бірге облыстық онкология орталығына берілді. Мұнда 350 қызметкер жұмыс істейді.Аймақ басшысы емделушілерге барлық жағдай жасалу керектігін, орнатылған құрал-жабдықтарды тиімді пайдалануды ескертті.<blockquote>«Онкологиялық ауруларды ерте сатысында анықтау, тиімді әдіс-тәсілдер арқылы емдеу, ауыр халдегі науқастарға барынша қолдау көрсету – орталық қызметкерлерінің басты міндеті. Осындағы медициналық құрал-жабдықтар халыққа толыққанды қызмет көрсетуі тиіс. Олар сатып алынғандағы басты мақсатына сай пайдаланылуы керек, – деді Нұрлыбек Машбекұлы.</blockquote>&nbsp;<img src="https://knadmin.beoblood.kz/uploads/onkologiya_2_fa9387769e.jpg" alt="онкология 2.jpg"><img src="https://knadmin.beoblood.kz/uploads/onkologiya_1_8e7d9730f5.jpg" alt="онкология 1.jpg"><img src="https://knadmin.beoblood.kz/uploads/onkologiya_4_e7f53de495.jpg" alt="онкология 4.jpg">Фото: Қызылорда облысы әкімінің баспасөз қызметі

Аймақ басшысы онкология орталығына барды

<a href="https://kyzylorda-news.kz/">Kyzylorda-news.kz</a> ​«Қала күні» мерекесі аясында «Кітап қала - 2024» кітап жәрмеңкесі өтті. Қоғамның интеллектуалды әлеуеті мен мәдени құндылықтарын арттыру, оқырман мәдениетін қалыптастыру, жазушылар мен оқырманға бірыңғай алаң ұсыну мақсатын мұраттаған жәрмеңке "Қаламгерлер аллеясына" жиылған жұртшылыққа ғажайып әсер сыйлады.​Қала әкімі Нұржан Ахатов, ҚР Парламенті Сенатының депутаттары Руслан Рүстемов, Наурызбай Байқадамов және қалалық мәслихат төрағасы Ибадулла Құттықожаев бастаған іс-шара қонақтары алдымен Ы.Жахаев көшесінің бойына жағалай орналасқан кітап көрмесін тамашалады.​Көрмені аралау барысында қала әкімі Нұржан Сәбитұлы жергілікті кітапханалар қорын молайту бағытында жан-жақты қолдау жалғаса беретіндігін жеткізді.​Кітап мерекесі театрландырылған қойылыммен, концерттік бағдарламамен жалғасып, шаһар басшысы Нұржан Сәбитұлы және сенатор Руслан Рүстемұлы қала тұрғындары мен барша кітапсүйер оқырманды шаһардың төл мерекесімен құттықтады.​«Бүгінгі күні қаламызда 21 кітапхана желісі болса, онда 650 мыңға жуық кітап қоры сақталған. Шаһар тұрғындары үшін кітапханалардың есігі әрқашан ашық. Сондықтан да жастарымыздың кітапқа деген қызығушылығын арттыру, рухани құндылықтарымызды сақтай отырып келер ұрпаққа аманаттау - баршамыздың борышымыз" деген қала әкімі кітап көрмесіне қазақ және әлем әдебиетінің байлықтарын ала келіп, мереке көрігін қыздырған, елімізде кітап оқу насихатын жоғары деңгейде жүргізіп жүрген барша кітапханашыларға алғысын білдірді.​Шара барысында қаламыздың үздік оқырмандары мен бірқатар кітапханашылар қала әкімінің арнайы алғыс хатымен марапатталды.​Елімізге оқитын және білімді жастар қажет. Сондықтан мұндай іс-шараларды өткізу өте маңызды. Кітап оқитын адам сана көкжиегін кеңейтеді, логикасын, ойлауын дамытады, есте сақтау қабілетін жақсартады. Осы ретте, кітап жәрмеңкесі көптеген адамдарды біріктіріп қана қоймай, жаңа мүмкіндіктерге жол аша бермек.​Айта кету керек, іс-шара аясында қала мектептерінің оқушылары арасында шахмат пен тоғызқұмалақтан сайыстар өтті.&nbsp;Сайыстың жеңімпаздарына мадақтамалар мен медальдар табысталды.<img src="https://knadmin.beoblood.kz/uploads/kitap_41f9905f6b.jpg" alt="китап.jpg"><img src="https://knadmin.beoblood.kz/uploads/kitap_3_013ef7507f.jpg" alt="китап 3.jpg"><img src="https://knadmin.beoblood.kz/uploads/kitap_4_2b3f754520.jpg" alt="китап 4.jpg"><img src="https://knadmin.beoblood.kz/uploads/kitap_1_43a85cd3cd.jpg" alt="китап 1.jpg">

Архив

Жылу-электр орталығына арнайы техникалар табысталды

Аймақ басшысы онкология орталығына барды

«Кітап қала - 2024» кітап жәрмеңкесі өтті