<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Ұлттық ақпараттық технологиялар» АҚ ұйымы <a href="https://www.facebook.com/nitec.kz/photos/a.1604804569805697/2571753789777432/?type=3&theater">Facebook</a> желісінде&nbsp; электр энергиясын берудегі іркілістерге байланысты egov.kz электрондық үкімет порталының және «ХҚКО» ақпараттық жүйесінің жұмысында ақаулар болуы мүмкін екендігін хабарлайды.
<blockquote>
 «Инженерлер жүйенің дұрыс жұмысын қамтамасыз ету мақсатында қолдарынан келгенінің бәрін жасауда. Келтірілген қолайсыздықтар үшін кешірім сұраймыз!», – делінген хабарламада.
</blockquote>

Egov.kz электронды үкімет порталы неге жұмыс жасамай тұр?

<a href="https://kyzylorda-news.kz/">Kyzylorda-news.kz.</a> Облыстық Қазақстан халқы ассамблеясының ұйымдастыруымен Қоғамдық келісім кеңесінің мүшелері аймақта жүргізіліп жатқан әлеуметтік маңызы бар 4 құрылыс нысанының жұмыс сапасына қоғамдық бақылау жүргізді.
Облыстық Қазақстан халқы ассамблеясы жанынан құрылған Қоғамдық келісім кеңесі облыс әкімі бекіткен Жол картасын жүзеге асыру мақсатында аймақтағы жүргізіліп жатқан әлеуметтік маңызы бар құрылыс нысандарына тиісті бағасын берді.
Кеңес мүшелері құрылысы қарқынды түрде жүріп жатқан облыстық ішкі істер департаментінің әскери және арнайы дайындығы бойынша оқу-жаттығу полигонына ат басын тіреді.
Одан кейін Жаппасбай батыр көшесіндегі 600 орындық мектепке барды. Аталған екі нысан да осы жылдың желтоқсан айына дейін пайдалануға беріледі. Облыстық құрылыс, сәулет және қала құрылысы басқармасының маманы Болат Доспанов &nbsp;жұмыс барысымен таныстырды.&nbsp; 600 орынға арналған мектеп нысанының бөлмелері кең әрі жарық, қолданылған құрылыс материалдары да сапалы. Білек сыбана еңбек етіп жатқан құрылысшылардың әрқайсысы өз жұмысын сапалы орындап жатыр. Білім шаңырағы соңғы құрылыс талаптарына сай жаңа жобамен салынуда.
Кеңес мүшелері үшінші нысан теннис орталығына барды. Теннис орталығындағы қарқынды жүріп жатқан жұмыстарға да оң бағасын беріп, ел игілігі үшін жасап жатқан жұмыстарына сәттілік тіледі.
Осыдан кейін кеңес мүшелері Сырдарияның сол жағалауында бой көтеріп жатқан тұрғын үйлермен танысты.
Қоғамдық келісім кеңесінің мүшелері алдағы уақытта да осы бағытта ықпалды да пәрменді жұмыс жүргізетін болады.
<img src="http://kyzylorda-news.kz/wp-content/uploads/2019/11/11exkursiya2.jpg" alt="" />
<img src="http://kyzylorda-news.kz/wp-content/uploads/2019/11/11exkursiya3.jpg" alt="" />

Қоғамдық келісім кеңесінің мүшелері қоғамдық бақылау жүргізді

<a href="https://kyzylorda-news.kz/">Kyzylorda-news.kz.</a> Қызылорда қаласының мамандандырылған әкімшілік сотының төраға міндетін атқарушы Гүлмира Ысқақованың төрағалығымен «Қызылорда облысының адвокаттар алқасының адвокаттарымен көрсеткен заң көмегіне ақы төлеу және қорғау мен өкілдік ету бойынша қабылданған сот актілері» және «Жаңа Әкімшілік рәсімдік-процестік кодексі» тақырыбында дөңгелек үстел өтті.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Оған Қазақстан Республикасы Энергетика министрлігі Атомдық және энергетикалық қадағалау мен бақылау комитеті Қызылорда облысы бойынша аумақтық департаменті басшысы Саламат Қалжанов қатысты.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кеңес барысында Гүлмира Ысқақова Қызылорда облысының адвокаттар алқасының адвокаттарымен көрсеткен заң көмегіне ақы төлеу және қорғау мен өкілдік ету, жаңа әкімшілік рәсімдік-процестік кодексіне енгізілген толықтырулар мен өзгерістер туралы түсіндірді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кеңес соңында қатысушылар сұрақтарына жауап алып, пікір алмасты.

Адвокаттар көмегіне ақы төлеу мәселесі түсіндірілді

<a href="https://kyzylorda-news.kz/">Kyzylorda-news.kz.</a> Қызылорда қаласында қазақ күресінен ерлер және әйелдер арасында Қазақстан Республикасының Чемпионаты басталды.
Ұлттық күрестің бас додасын ҚР ақпарат және қоғамдық даму министрі, ҚР қазақ күресі федерациясының президенті Дәурен Абаев құттықтау сөзімен ашты.
Чемпионат Республикада қазақ күресін бұқаралық негізде дамыту және оны халықаралық жарыстың деңгейіне дейін жеткізу, қазақ күресі арқылы салауатты өмірді насихаттау және адамдардың денсаулығын нығайту, қазақ күресі негізінде басқа спорт түрлеріне лайықты ізбасарлар дайындау мақсатында өтіп жатыр. 
Аталған шараны ҚР мәдениет және спорт министрілігінің Спорт және дене шынықтыру комитеті, ҚР қазақ күресі федерациясы, Қызылорда облыстық Спорт және дене шынықтыру басқармасы ұйымдастырып жатыр.
Чемпионатқа еліміздің барлық өңірінен келген 500-ге жуық балуан жекелей және командалық негізде күш сынасады.
Бүгін 90, 100, +100 келі салмақ дәрежесіндегі балуандар өзара күш сынасады. Айбек Нұғымаров, Мұхит Тұрсынов, Мақсат Исағабылов, Асыл Барменовтар өнер көрсетеді.
<img src="http://kyzylorda-news.kz/wp-content/uploads/2019/11/11kures2.jpg" alt="" />
<img src="http://kyzylorda-news.kz/wp-content/uploads/2019/11/11kures3.jpg" alt="" />
<img src="http://kyzylorda-news.kz/wp-content/uploads/2019/11/11kures4.jpg" alt="" />

Қызылордада қазақ күресінен ел чемпионаты басталды

<a href="https://kyzylorda-news.kz/">Kyzylorda-news.kz.</a> Металл зат суға түскенде, оның айналасында ауа көпіршіктері пайда болып, оны бетіне шығарады. Зат тесілген немесе бүлінген болса да суға батпайды.
Рочестер университетінің (АҚШ) ғалымдары қытайлық әріптестерімен бірлесіп, фемтосекунд лазерді қолдана отырып, металл базасын өңдеу технологиясын жасады. Бұл өңдеуден кейін металл өте гидрофобты және одан жасалған өнімдер суға батпайтын қасиетке ие болады, деп хабарлайды&nbsp;<a href="https://sn.kz/sn-akparat-agyny/61792-galymdar-suga-batpaityn-metall-oilap-tapty-video">Sn.kz</a>.
Металл зат суға түскенде, оның айналасында ауа көпіршіктері пайда болып, оны бетіне шығарады. Зат тесілген немесе бүлінген болса да суға батпайды.
Ғалымдар мұндай ерекше металлды денесінде қоршаған су қабығының көмегімен су бетінде ұзақ уақыт тұра алатын су өрмекшілерін мұқият зерттеуден кейін ойлап тапты. Solenopsis құмырсқалары да осындай әдісті қолданады. Олар бір топ болып бірлесіп, жасанды ауа көмегімен суға батпайды.

Ғалымдар суға батпайтын металл ойлап тапты (ВИДЕО)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазалы аудандық мәдениет орталығында күйші, қобызшы, музыкант Махамбет және Романқұл Әуезовтер атындағы облыстық байқауы өтті. Байқауға Қызылорда қаласы мен Арал, Шиелі, Жаңақорған, Сырдария аудандарынан келген халықтық отбасылық ансамбльдері қатысты.
Байқаудың ашылу салтанатында аудан әкімі Мұрат Ергешбаев құттықтау сөз сөйлеп, қатысушыларға сәттілік тіледі. Сондай-ақ, Ресейдің Туапсе қаласында өткен халықаралық байқаудың Гран Приін ұтып алған жас әнші Мадияр Серікті жеңісімен құттықтады.
Талантты отбасылардың өнерін Қазақстан Композиторлар Одағының мүшесі, ҚР «Мәдениет қайраткері» белгісінің иегері Сәукен Әліш, Қазанғап атындағы жоғары колледжінің оқытушысы Талғат Кәденов, Қызылорда облысының мәдениет, архивтер және құжаттама басқармасының бөлім меңгерушісі Қарлығаш Жүсіповалар сарапқа салды.
Облыстық байқаудың бас жүлдесін Сырдария ауданынан келген «Сәдуақасовтар» отбасылық ансамблі иеленді.
Бірінші, екінші орындарды Жаңақорған ауданының «Айсыновтар» мен аралдық «Сыдықовтар» халықтық отбасылық ансамблі өзара бөліссе, сырдариялық «Сарыбаевтар» ансамблі үшінші орынға табан тіреді.
Ал, «Ноғайбаевтар», «Қожабековтер», «Бидашевтар» ансамбльдері «Алғыс хатпен» марапатталды.
<img src="http://kyzylorda-news.kz/wp-content/uploads/2019/11/11auezov2.jpg" alt="" />
<img src="http://kyzylorda-news.kz/wp-content/uploads/2019/11/11auezov3.jpg" alt="" />
<img src="http://kyzylorda-news.kz/wp-content/uploads/2019/11/11auezov4.jpg" alt="" />

Қазалыда отбасылық ансамбльдердің облыстық байқауы өтті

<a href="https://kyzylorda-news.kz/">Kyzylorda-news.kz.</a> Қолданыстағы зейнетақы жүйесі қазақстандықтардың баспана мәселесін шеше алмайды. Себебі, халықтың 70%-інің жинағы 1 млн теңгеге де жетпейді. Бұл туралы стратегиялық бастамалар орталығының мамандары мәлімдеді, деп хабарлайды <a href="https://24.kz/kz/zha-aly-tar/basty-zha-aly-tar/item/353827-sarapshylar-aza-standa-zejneta-y-zh-jesin-reformalaudy-s-rap-otyr">«Хабар 24»</a>.
Күні ертең баспана мәселесін зейнетақы қоры арқылы шешеміз деп үмітін үкілеп жүрген тұрғындарға қайтпек керек енді? Сарапшылар зейнетақы жүйесін реформалауды сұрап отыр. «Мысалы, сингапурлық әдіске жүгіну ұтымды», – дейді олар. Ол қандай әдіс?
Қазақстанда орталық жинақтау қоры құрылу керек. Стратегиялық бастамалар орталығының мамандары осындай пікірде. Сарапшылар зейнетақы жүйесін толықтай реформалауда сингапурлық әдісті тиімді санайды.
Жоба 20 қарашада еңбек және халықты әлеуметтік қорғау министрлігінің қатысуымен өтетін стратегиялық бастамалардың екінші форумында пысықталмақ. Оның негізінде мемлекетте жұмыс беруші мен жұмысшы ай сайынғы салым жасайды. Кейін бұл қаражат әдеттегі арнайы және медициналық есепшоттарға бөлінеді. Алғашқысын салымшы тұрғын үй алуға не өзі, болмаса отбасы мүшелерін оқытуға жұмсайды. Сондай-ақ осы ақшаны еңбекке жарамсыз болып қалған жағдайда алдын ала шешіп алуға құқылы. Өз кезегінде арнайы есепшоттағы қаражат зейнетақы қоры ретінде сақталады. Медициналық шоттағы қаржыны салымшы денсаулығын түзеуге жұмсай алады. Қолданыстағы бірыңғай жинақтаушы зейнетақы қоры соңғы кезде сынға көп ілігуде. Демек, мемлекет те жүйені жетілдіруге мүдделі болуы керек.

Зейнетақы жүйесі баспана мәселесін шеше алмайды

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Нұрлыбек Нәлібаев “Хрустальная магнолия” халықаралық жас орындаушылар фестивалінің жеңімпаздары мен Корей елінде өткен дүбірлі додада Азия чемпионы атанған Рахат Бекболатты арнайы құттықтады.
Ресей Федерациясының Қара теңіз жағалауындағы Туапсе қаласында өткен XХXV “Хрустальная магнолия” Халықаралық жас орындаушылардың фестивалінде өнер көрсеткен қызылордалық өнерпаздар Қарақат Базарбай бас жүлде иегері атанса, фестивальде Саят Сарманбек ІІ орын иегері және Көркемсөз жанры бойынша Хорлан Саин І орын иемденді.
Бас жүлде иегері Қарақат Базарбай 9 жасынан бастап халықаралық байқауларда бақ сынап, жеңіс туын желбіретіп келеді. Балалар мен жасөспірімдердің шығармашылығына арналған І халықаралық “Дарын” конкурсында І орын, І Халықаралық “Жас толқын” балалар мен жасөспірімдер байқауында бас жүлде, Болгарияда өткен халықаралық байқауда әлемдік Хит әндері мен фольклор номинациясынан Алтын медаль, Киркоровтың әндерінен күміс медаль иегері атанған.
Сонымен қатар Сыр спортшысы, Корей елінде өткен ауыр атлетикадан жасөспірімдер арасында 96 келі салмақ дəрежесінде Сыр елінің өнер көрсеткен зілтеміршісі Рахат Бекболат Азия чемпионы атанды.
Он бес жастағы Рахат бүгіннің өзінде ауыр атлетикадан Қазақстан Респубикасының “Спорт шебері” атағына ие болған. Ол Ауыр атлетикадан жасөспірімдер арасында Әлем чемпионы. 2019 жылдың наурыз айында Лас-Вегас қаласында өткен жасөспірімдер арасында Әлем чемпионатында жұлқа, серпе және қоссайыс нәтижесінде 2 алтын және 1 күміс медалының иегері.
Қала әкімі салтанатты кездесу барысында ел абыройын еселеп жүрген жеңімпаздарды жеңістерімен құттықтап, марапат төріне шығарды.
Сонымен қатар, қала әкімі қазақ эстрадасының жас жұлдыздарын әлемге танылуына жол ашып жүрген А.Тоқмағамбетов атындағы қалалық мәдениет үйі жанынан құрылған “Сыр сандуғаштары” ән үйірмесінің жетекшісі Есмұрзаева Бағдагүл Саинқызы және Ауыр атлетикадан ҚР еңбек сіңірген жаттықтырушысы, Қазақстанның құрметті спорт қайраткері Пак Вилорик Викторович пен Ауыр атлетикадан облыстың аға жаттықтырушысы, Қазақстанның еңбек сіңірген жаттықтырушысы Смаханов Нұржан Дәуренбекұлының еңбегін ерекше бағалап, Қызылорда қаласының ең жоғарғы наградасы “Құрмет” Грамотасын табыстады.
Қала әкімі жеңімпаз жастарға алғысын жеткізіп, бұдан да биік жетістікке жетулеріне шын тілектестігін білдірді.
<img src="http://kyzylorda-news.kz/wp-content/uploads/2019/11/11nalibayev2.jpg" alt="" />
<img src="http://kyzylorda-news.kz/wp-content/uploads/2019/11/11nalibayev3.jpg" alt="" />
<img src="http://kyzylorda-news.kz/wp-content/uploads/2019/11/11nalibayev4.jpg" alt="" />

Нұрлыбек Нәлібаев халықаралық бәсекеде топ жарған жастарды қабылдады

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Мәжілісінің депутаттары Қызылорда облысында болды.
Қазақстан Республикасы Парламенті Мәжілісінің әлеуметтік-мәдени даму комитетінің депутаттар Сырдария ауданында бірқатар әлеуметтік нысандар жұмысымен танысты.
Сондай-ақ, мекеме қызметкерлері және жергілікті тұрғындармен жүздесті. Мәжіліс депутаттары аудандық халықты жұмыспен қамту орталығы жұмысымен танысты. Орталық мамандарымен пікірлесіп, LED экраннан «Е-халық» ақпараттық жүйесі және бірқатар көп балалы аналардың әлеуметтік паспорты жұмысына зер салды. Депутаттар ақпараттық жүйеге байланысты сала мамандарына өз сауалдарын қойып, оны жетілдіру жөнінде ұсыныстарын білдірді.
Сырдария ауданында 17 459 экономикалық белсенді тұрғын тіркелген. Жыл басынан бері жұмыспен қамту орталығына 1480 адам хабарласқан. Оның ішінде 1148 тұрғын жұмыспен қамтудың белсенді шараларымен қамтылса, 331 адам тұрақты жұмысқа орналасқан.
Сырдария ауданында халықтың әлеуметтік осал тобынан шыққан көп балалы және аз қамтамасыз етілген отбасыларды қолдау, төмендетілген бағада азық-түліктермен қамтамасыз ету бағытындағы ашылған «Әлеуметтік дүкен» бар.
Мәжіліс депутаты Гүлшара Әбдіхалықова аталмыш жоба халықтың осал топтарына үлкен қолдау екеніне тоқталды. Депутаттар дұрыс үйлестірілген бұл жұмысқа оң бағасын берді. Бұл дүкен қызметін 86 отбасы пайдаланады. Дүкенде алғашқы кезекте азық-түлік өнімдері тұрғындарға жеткізіледі. Атап айтқанда, күріш, қант, ет, ұн, өсімдік майы 30-50 пайыз деңгейінде жеңілдікпен сатылады.
Бұдан кейінгі кезекте депутаттар бірнеше топқа бөлініп, аудандағы әлеуметтік нысандарды аралады. ҚР Парламенті Мәжілісінің депутаттары Г.Әбдіхалықова, Н.Әлімжанов, Б.Смағұл «Nur Otan» партиясы Сырдария аудандық филиалында азаматтарды жеке мәселелері бойынша қабылдады. Қабылдауда кент тұрғыны, аудандық ардагерлер кеңесінің төрағасы Х.Әбенов аудан орталығындағы тұрғын үй кварталында салынуы жоспарланған 4 көп қабатты тұрғын үй құрылысын қаржыландыру мәселесін көтерді. Қабылдауда «Шаған-Жер» ЖШС төрағасы Б.Қадіров «Батыс Еуропа-Батыс Қытай» халықаралық автожолының бойындағы Шаған ауылының тұсынан айналма жол салу және аталған жолдың аймақтағы бөлінісін төрт жолақты ету жөнінде ұсынысын білдірді.
Кент тұрғыны А.Сапарова мен К.Әбибуллаева жұмыс қызметін бір жыл мерзімге ұзарту және тұрақты жұмысқа орналасу бойынша өз сауалдарын жолдады.
Іссапарда мәжілісмендер К.Әбсатиров, Н.Жұмаділдаева, Ф.Каратаев №11 Сырдария ауданының олимпиадалық резервтің мамандандырылған балалар-жасөспірімдер мектебі мен №36 Ә.Тәжібаев атындағы мектеп-лицейде болды. Депутаттар мектеп-лицей базасындағы «Балапан» шағын орталығының жұмысымен танысып, тәрбиеленушілердің өнерін тамашалады.
Ал Мәжіліс депутаттары З.Аманжолова, Г.Шиповских аудандық ауруханада дәрігерлермен кездесті. Аурухананың қабылдау бөліміндегі «Триаж» жүйесінің және жүкті әйелдер мен ұрпақ өрбіту жасындағы әйелдерге шұғыл жағдайларда медициналық көмек көрсету бөлмесі, оңалту және мейіргерлік күтім бөлімше жұмысы жөнінде мәлімет берілді.
Халық қалаулылары К.Мұсырман, А.Нуркина, Ж.Омарбекова көп балалы ана Ж.Махамбетова мен Шаған ауылының тұрғыны, көп балалы ана Ә.Келдібаевамен жүздесіп, әлеуметтік тұрмыстық жағдайымен танысты. Көп балалы аналар мемлекет тарапынан көмек алып жатқанын айтып, алғыс білдірді.
Іссапар аясында депутаттар Н.Ілиясов ауылындағы №132 Т.Айтбаев атындағы орта мектеп, ауыл мешіті, спорт кешені және ауыл әкімшілігінде болды. Ауылдық мәдениет үйінде ҚР Мәжілісінің әлеуметтік-мәдени даму комитетінің депутаттарының көшпелі отырысы өтті.
Жиында әлеуметтік осал топтағы жандар мен аз қамтылған отбасындағы балалардың мәселесі талқыланды. Халық қалаулылары балаларға кез келген әлеуметтік көмек бірдей көрсетілуі тиістігі жөнінде нақты жұмыстар жасалу керектігін жеткізді. Сондай-ақ атаулы әлеуметтік көмектің жаңа шарты бойынша тұрғындарға түсіндіру жұмыстарын жүргізу қажеттігін атады.
Сонымен бірге, отбасылардың біріңғай әлеуметтік картасын тағы да қайта жасақтау жөнінде тапсырма берді.

Қызылордада арнайы дүкенде азық-түлік 50 пайыз жеңілдікпен сатылады

<a href="https://kyzylorda-news.kz/">Kyzylorda-news.kz.</a> Дүйсенбіде Қазақстанның басым бөлігінде ауа райы құбылмалы болады.
Атмосфералық фронттардың өтуіне байланысты республиканың басым бөлігінде тұрақсыз ауа райы сақталады. Жауын-шашын жауады.
Шығыста жел күшейеді, бұрқасын, көктайғақ болады. Тек республиканың оңтүстік-батысы мен батысында күн ашық болады. Кей жерлерде тұман түседі.
Шығыс Қазақстан облысының кей жерлерінде тұман, көктайғақ, бұрқасын күтіледі. Жел екпіні 15-20 м/с дейін күшейеді.
&nbsp;Қарағанды, Павлодар облыстарының кей жерлерінде тұман, көктайғақ, жаяу бұрқасын күтіледі, жел жылдамдығы секундына 15-20 метр шамасында болады.
Ақмола облысының кей жерлерінде тұман, көктайғақ, жаяу бұрқасын болады. Түнде және таңертең жел 15-20 м/с дейін жетеді. Қостанай облысының кей жерлерінде тұман түсіп, көктайғақ болады. Түнде жаяу бұрқасын күтіледі, жел екпіні – 15-20 м/с.
&nbsp;Ақтөбе, Солтүстік Қазақстан облыстарының кей жерлерінде тұман, көктайғақ күтіледі.
Алматы облысының кей жерлеріне түнде және таңертең тұман түсіп, көктайғақ болады.
Батыс Қазақстан, Атырау, Маңғыстау облыстарының кей жерлерінде тұман күтіледі, Маңғыстау облысында күндіз жел 15-20 м/с дейін күшейеді.
Қызылорда, таңертең және күндіз Түркістан, Жамбыл облыстарының кей жерлерінде жел екпіні 15-20 м/с жетеді, Жамбыл облысының кей жерлеріне тұман түседі.

Дүйсенбіде ауа райы қандай болады

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Жастар орталығы» ғимаратында алғашқы буккроссинг-аймағы ашылды.
Салтанатты шараға Қызылорда облысының жастар саясаты мәселелері басқармасының басшысы Қуаныш Жанұзақов,&nbsp; Қазақстан телерадио академиясының «Алтын жұлдыз» белгісінің иегері, Қазақстан Жазушылар одағы Қызылорда облыстық филиалының директоры Қаршыға Есімсейітова және Жастар ресурстық орталығының директоры Бауыржан Мастеков қатысты.
Буккроссинг – кітаптармен алмасу үрдісі. Оны жүзеге асыру үшін бұрын оқыған кітапты ашық буккроссинг-аймағына апарып, оның орнына басқа, оқымаған&nbsp; кітаптарды алуға болады.
Буккроссинг-аймағына тиесілі тағы 2 шкаф «КазПочта» АҚ Қызылорда облыстық филиалы және «Ақмешіт» институтына қойылды.
Шара барысында бірнеше кітаптың авторы, Халықаралық Жазушылар одағының мүшесі, ақын қаламгер, тележурналист ҚаршығаЕсімсейітова жастармен кездесу өткізді.
Айта кетейік, бүгінде руспубликаның барлық аймағында «Social Development Center»&nbsp; Қоғамдық қорының қолдауымен буккроссинг-аймақтары ашылып келеді. Бұл аймақ ҚР Ақпарат және қоғамдық даму министрлігінің қолдауымен «Азаматтық бастамаларды қолдау» коммерциялық емес АҚ-ның гранттық қаржыландыруы аясында жүзеге асуда.
<img src="http://kyzylorda-news.kz/wp-content/uploads/2019/11/8book2.jpg" alt="" />
<img src="http://kyzylorda-news.kz/wp-content/uploads/2019/11/8book3.jpg" alt="" />
<img src="http://kyzylorda-news.kz/wp-content/uploads/2019/11/8book4.jpg" alt="" />
<img src="http://kyzylorda-news.kz/wp-content/uploads/2019/11/8book5.jpg" alt="" />
<img src="http://kyzylorda-news.kz/wp-content/uploads/2019/11/8book6.jpg" alt="" />

Қызылордада буккроссинг-аймағы ашылды

<a href="https://kyzylorda-news.kz/">Kyzylorda-news.kz.</a> ҚР Премьер-Министрдің орынбасары Бердібек Сапарбаевтың төрағалығымен Екінші дүниежүзілік соғыстағы Жеңістің 75 жылдығын Қазақстан Республикасында атап өту және оған дайындықты ұйымдастыру жөніндегі Ведомствоаралық комиссияның отырысы өтті, деп хабарлайды Үкімет басшысының&nbsp;ресми&nbsp;сайты.
Қорғаныс министрінің бірінші орынбасары – Қарулы Күштердің Бас штабының бастығы Мұрат Бектанов тиісті шаралар Жоспарының жобасы туралы ақпаратты ұсынды. Атап айтқанда, Жеңістің мерейтолық жылында мынадай іс-шаралар жоспарланған:
әскери шеру өткізу;
ЕДС жылдары қаза тапқан қазақстандық жауынгерлердің ескерілмей қалған молаларын және көмілмей қалған қалдықтарын анықтау бойынша іздеу жұмыстарын жүргізу;
ардагерлердің ТМД елдерінің аумағында өткізілетін шараларға қатысуы;
ардагерлерге әлеуметтік көмек көрсету;
мерейтойлық медальдар тапсыру, мәдени-бұқаралық шаралар ұйымдастыру.
Жоспар жобасында барлығы 67 іс-шара қарастырылған.
Бердібек Сапарбаев әрбір облыста Жеңістің мерейтойлық жылын атап өтуге дайындық жөніндегі өңірлік комиссиялардың жұмысын ұйымдастыру қажеттігін айтты.
Сонымен қатар, вице-премьер Еңбек және халықты әлеуметтік қорғау министрлігіне әкімдіктермен және «ҚР Ардагерлер ұйымы» РҚБ Орталық кеңесімен бірге Жеңістің 75 жылдығына орай соғыс ардагерлері мен мүгедектеріне бірдей бір реттік төлем сомасын белгілеу мәселесін пысықтауды тапсырды.
<blockquote>
 «ҰОС ардагерлерін, тыл еңбеккерлерін, тарихи миссияны орындап, фашизмді жеңуге үлес қосқан қазақстандықтарды ардақтау жалпы мемлекеттік ауқымдағы шара. Біз күш-жігерімізді оларды жан-жақты қолдауға бағыттауымыз қажет. Ешбір ардагер назардан тыс, қамқорлықсыз қалмауы тиіс», – деді Бердібек Сапарбаев.
</blockquote>
Кеңесті қорытындылаған вице-премьер Жеңістің мерейтойлық жылын атап өту бойынша барлық шаралар еліміздегі қоғамдық-саяси тұрақтылықты қамтамасыз етуге, қоғамның ҚР Тұңғыш Президенті – Елбасы мен Мемлекет басшысының саясатына бағытталуына, жас ұрпақтың бойында ұлтжандылық сезімді нығайтуға бағытталуы тиіс екенін жеткізді.
ВАК отырысына сонымен қатар қорғаныс, ішкі істер, қаржы, еңбек және халықты әлеуметтік қорғау министрліктерінің, «ҚР Ардагерлер ұйымы» РҚБ Орталық кеңесінің және басқа да мүдделі мемлекеттік органдардың өкілдері, сондай-ақ облыс әкімдерінің, Нұр-Сұлтан, Алматы, Шымкент қалалары әкімдерінің орынбасарлары қатысты.

Қазақстан және Қызылорда облысының жаңалықтары