<a href="https://kyzylorda-news.kz/">Kyzylorda-news.kz.</a> Сейсенбі күні еліміздің басым бөлігінде күн райы ашық болады.
Антициклон шоғырына байланысты еліміздің басым бөлігінде жауын-шашынсыз ауа райы күтіледі, тек солтүстік-батыс және шығыс өңірде қар және жаңбыр жауады. Кей жерлерде жел күшейеді, көктайғақ болады, тұман түседі, тек шығыста жаяу бұрқасын соғуы ықтимал.
&nbsp;Ақмола, Қостанай, Солүстік Қазақстан облыстарының кей жерлерінде тұман, көктайғақ күтіледі, жел 15-20 м/с күшейеді
Шығыс Қазақстан облысының кей жерлерінде жаяу бұрқасын, тұман, көктайғақ күтіледі, күндіз жел 15-20 м/с күшейеді.
Жамбыл, Маңғыстау, Павлодар облыстарының кей жерлерінде тұман, Түркістан, күндіз Жамбыл, Павлодар, Қарағанды, түнде Маңғыстау облыстарының кей жерлерінде жел 15-20 м/с күшейеді.
Алматы, Қызылорда, Атырау, Батыс Қазақстан, Ақтөбе облыстарының кей жерлерінде тұман күтіледі.

Көктайғақ, тұман, жел – сейсенбіге арналған ауа райы болжамы

Табиғи газ – адамға берілген ұлы игілік. Бұл ыңғайлы әрі үнемді. Газ біздің үйлеріміздегі жылулық пен жайлылық көзі болып табылады. Алайда, табиғи газ ұқыпты және жауапкершілікпен қарауды талап етеді. Газ қайғылы салдарға әкеп соқтырмас үшін газ жабдықтарына ұқыпты қарап, күнделікті өмірде газды қауіпсіз пайдалану ережелерін сақтау қажет.
**1.Газ құрылғыларын қалай дұрыс пайдалануға болады? 
**Тек жұмыс істейтін газ жабдықтарын пайдаланыңыз. Жалынның түсін бақылаңыз, егер ол қызғылт сары болса – бұл құрылғының ақауы бар екенін білдіреді, газ мамандарын шақыруыңыз керек. Жұмыс істеп тұрған газ плиталар мен су жылытқыштарды қараусыз қалдырмаңыз және жалынға сұйықтықтар құйылуын немесе желдетуіне жол бермеңіз. Кішкентай балаларға, өздерінің іс-әрекеттерін бақыламайтын тұлғаларға газ жабдықтарын пайдалануға рұқсат бермеңіз. 
Есіңізде болсын! Газдың жануы үшін тұрақты ауа ағыны қажет. Газ плитасын (су жылытқыш) жаққан кезде, терезе әрдайым ашық болуы керек! 
Егер газ беру кенеттен тоқтап қалса, газ құрылғыларының қыздырғыштарындағы шүмектерді дереу сөндіріп, авариялық газ қызметіне 104 телефоны арқылы хабарлаңыз.
**2.Не үшін тартымды тексеру қажет? 
**Түтіннің және желдету түтіктерінде тартымның болмауы газдың жану өнімдерімен улануға әкелуі мүмкін. Газ су жылытқыштарын және жану өнімдерін мұржаларға шығаратын басқа құрылғыларды әр қолданар алдында, мұржада тартымның болуын тексеру қажет.Түтін және желдету жүйелерінің құрылғыларын өзгертуге болмайды, желдету каналдарын желімдеуге болмайды,газбен қолданылатын жабдықтардың түтін тартқыштарын желдету каналдарына қосуға болмайды,мұржаларды тазалауға арналған «қалталар» мен люктарды бітеп тастауға және желімдеуге болмайды.Мұржаларда және су жылытқыштардан түтін шығаратын құбырларда қосымша шиберлерді өз бетімен орнатуға болмайды. Жеке тұрғын үйлердің иелері қыста мұздату мен бітелудің алдын алу үшін мұржалардың ұштарын, сондай-ақ қысымның төмендеуіне байланысты көбінесе күз-қыс мезгілінде болатын «кері тарту» әсерінің пайда болуына байланысты мерзімді тексеріп отыруы керек. 
Есіңізде болсын! Тартым болмаған кезде газ құрылғыларын пайдалануға тыйым салынады.
**3. Неліктен газ жабдықтарына техникалық қызмет көрсетуді үнемі жүргізу қажет? 
**Күнделікті өмірде газды қауіпсіз пайдалану үшін ережелерді білу ғана емес, сонымен бірге пайдаланылатын газ жабдықтарының жарамдылығы да маңызды рөл атқарады.Қайғылы жағдайдың болмауы үшін пәтер ішілік және үйішілік газ жабдықтарына мезгіл-мезгіл техникалық қызмет көрсету қажет.Ол үшін газ құрылғыларының әр иесі мамандандырылған ұйыммен техникалық қызмет көрсету туралы келісімшарт жасауы керек.
**4. Табиғи газдың иісі пайда болғанда не істеу керек? 
**Газ құрылғыларын пайдалануды дереу тоқтатыңыз. Құрылғылардағы және құрылғылардың алдындағы шүмектерді жабыңыз.Бөлмені желдету үшін терезенің жел көздері мен терезелерді ашыңыз.Ашық отты жақпаңыз, темекі шекпеңіз, электр жарығы мен электр құрылғыларын қоспаңыз және өшірмеңіз, электр қоңырауларын қолданбаңыз. 
Апаттық қызметіне «04» немесе «104» телефондары арқылы (ұялы байланыс құрылғылары үшін) газдалмаған бөлмеден қоңырау шалып, шақырыңыз.
**5. Қауіпсіздік. 
**ГАЗ ТЕК ОНЫМЕН ДҰРЫС ПАЙДАЛАНҒАНДА ҒАНА ҚАУІПСІЗ. 
ТҰРМЫСТА ГАЗДЫ ПАЙДАЛАНУ ЕРЕЖЕЛЕРІН САҚТАҢЫЗ.
«ҚазТрансГаз Аймақ» АҚ ҚӨФ Әкімшілігі

Газды қауіпсіз пайдалану ережелері

<a href="https://kyzylorda-news.kz/">Kyzylorda-news.kz.</a> ҚМДБ «Зекет» қайырымдылық қорының «Ел үлесі пәтерге» республикалық жобасы аясында 145-ші пәтер кілті Қармақшылық отбасыға бұйырды.
Мүбарак Мәуліт айының құрметіне орай, ҚМДБ-ның Қызылорда облысы бойынша өкілдігі, Қармақшы аудандық “Қармақшы ата” мешітінің ұйымдастыруымен өткен рухани кеште «Зекет» қайырымдылық қорының облыстағы жауапты өкілі О.Жидебаев аудан халқының алдында Қаракөзиевтер отбасына пәтер кілтін табыстады.
Айта кетейік, бұған дейін аталған жоба аясында аудан бойынша 3 пәтер табыс етілген.

«Зекет» қайырымдылық қоры қармақшылық отбасыға пәтер кілтін табыстады

<a href="https://kyzylorda-news.kz/">Kyzylorda-news.kz.</a> Қаржы министрлігінің мобильді қосымшалардың көмегімен жүргізілетін қазақстандықтардың ақша аударымдарын тексеруге қатысты жасаған мәлімдемесі дүкен иелерін қорқытып қойды деп хабарлайды&nbsp;<a href="https://kaz.nur.kz/1826645-aksa-audarymyn-tekseremiz-seneunikterdi-szi-dken-ielerin-sosytty.html">KAZ.NUR.KZ</a>.
Бүгінгі таңда еліміздің көптеген тұрғындары кез-келген қызмет үшін дүкендерде төлемдерді карта немесе телефон нөмірі арқылы жүзеге асырады. Жақында ғана қаржы министрлігі бөтен адамдардан кімге жиі ақша түсетінін тексеру туралы жоспарымен бөліскен еді.
Мұндай жаңалық сауда орындарына бірден әсерін тигізген. Facebook қолданушысының бірі Алматыдағы дүкендердің бірінде түсірілген фотоны жариялады. Суреттегі кадрда картаның көмегімен төлем жасауға болмайтыны туралы хабарлама жазылған.
<blockquote>
 “Біздің халқымызды қорқыту өте оңай болып шықты. Ұлттық банк пен Қаржы министрлігі өкілдерінің бір-екі сөзі жетеді. Бұрын ол жерден жемістер алатынмын, терминал жоқ, кетіп қалдым.&nbsp;@kaspi.kz бекем бол!”, – деп жазды алматылық.
</blockquote>
Жазба талқыға түсіп, әлеуметтік желі арқылы тарап кетті.
<blockquote>
 “Шенеуніктер мәлімдемесі адамдарды қорқытатынының айқын көрінісі. Алдымен бір шешімін ұсынып, сосын барып мәлімдеу керек қой”, – деді желі қолданушысы.
</blockquote>
Басқа комментаторлар да енгізілгелі отырған жаңашылдыққа қатысты наразылықтарын білдірді.
<blockquote>
 “Егер барлық салық ашық болғанда ғой – не нәрсеге жұмсалып жатыр, қайда кетіп жатыр, бәрі қуана төлеуші еді. Егер біздің салықтарымыз&nbsp;100% мектептерге, ауруханаларға, жолға және т.б. – бұл бөлек, былайынша адамдардың неге салық төлегісі келмейтінін түсінуге болады”, – деді фолловерлер.
</blockquote>
Пікір жазушылар қатарында мемлекеттік бақылауды жақтаушылар да табылған. Олардың ойынша, дүкендер сатып алу үшін чек беруге міндетті болғандықтан, мұндай операциялар заңсыз.
<blockquote>
 “Әңгіме салықты төлегісі келмейтіндерде… Каспи аударымдар үшін сонша уайымдайдынтарды түсінбеймін. Банктік терминал болмаған жағдайда қолма-қол ақшасыз есеп айырысу үшін көптеген шешімдер бар, сол&nbsp;QR. Бұл жағдайда салықтар төленеді, фискалдық чек беріледі, барлығы дұрыс”, – деді комментаторлардың бірі.
</blockquote>
Еске сала кетейік, бұған дейін қаржы министрлігі Kaspi банкімен бірлесе отырып, қолма-қол&nbsp;ақшасыз аударым жасауды заңдастыру&nbsp;жолын қарастырып жатқанын хабарлаған болатынбыз.
Сондай-ақ Қаржы вице-министрі Берік Шолпанқұлов сенат кулуарында банк картасы арқылы аударылатын төлемдердің&nbsp;тексерілетінін мәлімдеген.
<img src="http://kyzylorda-news.kz/wp-content/uploads/2019/11/11magaziny2.jpg" alt="" />

Kaspi.kz қосымшасын тексереміз дегенді естіген дүкен иелері одан жаппай бас тартып жатыр

<a href="https://kyzylorda-news.kz/">Kyzylorda-news.kz.</a> Енді оқырманы көп аккаунтты бір емес, бірнеше адамға сатып, алаяқтық жасайтындар да пайда болыпты.
Бүгінде «Іnstagram» әлеуметтік желісін тек өзгелердің өмірін бақылау үшін ғана емес, танымалдылық немесе табыс табу мақсатында да пайдалануға болатынын көпшілік түсіне бастады. Тіпті, осы арқылы кәсібін дөңгелетіп отырғандар да бар, деп хабарлайды&nbsp;<a href="http://www.zamana.kz/">“Замана”</a>&nbsp;басылымы.
Мұнда бастысы – оқырман саны көп болса бол­ғаны. Бұл көп оқырман оқыған сайын сен немесе сенің кәсібің туралы соғұрлым көп адам біледі деген сөз. Сондықтан инстаграмшылар қашан да оқырман санының көп болғанын қалайды. Осыны пайдаланған кей адамдар бұл тұста та ақша жасап қалып жатқан көрінеді. Енді оқырманы көп аккаунтты бір емес, бірнеше адамға сатып, алаяқтық жасайтындар да пайда болыпты. (Аккаунт дегеніміз – адамның «Іnstagram» желісіндегі қандай да бір атпен тіркелген атауы. Тіркелуші ак­каунтты жаңадан ашқанда өзі ғана білуі тиіс пароль қояды, сол арқылы желіге өз атынан кіре алады).
Небәрі оншақты күн бұрын осындай жолмен алданып қалғандардың қатарында алматылық Динара Маханбет есімді келіншек те бар. «SMM» саласын өздігінше үйренуді жоспарлаған ол алдымен «Іnstagram»-нан аккаунт ашып, соны дамытпақшы болады. Сөйтіп жүргенде 14 мыңнан астам оқырманы бар аккаунттың қолжетімді бағада сатылатынын біліп, қуанып қалады. Себебі «Іnstagram» саласын жетік білмейтін жандарға мұндай көлемдегі оқырман жинау үшін ұзақ уақыт керек екені белгілі.
Динара басынан өткен оқиғаны өз аузынан бізге былай деп баяндады:&nbsp;
<blockquote>
 «Құрбыма әлеуметтік желі арқылы бір келіншек шығып, баласының ауырып жатқанын, соған тез арада ақша керек екенін айтып, өз аккаунтының сатылатыны туралы желіде хабарлауын өтініпті. Құрбым да оның ондайын қайдан білсін, өзі намаз оқитын болған соң бетін қайтара алмаған. Сол хабарландыруды көрген мен оны әлгі келіншектен 10 мың теңгеге сатып алмақ болдым. Ақшаны ертеңге дейін аударуымды сұрап асықтырған соң апыл-ғұпыл уақытта қаражат тауып, салдым. Ол маған аккаунтын, кіретін паролін жіберді. Мен оны сол сатып алған күні қолданып үлгермедім, ертеңіне желіге сурет, видео қояйын десем, әлгі аккаунтпен «Іnstagram»-ға мүлде кіре алмаймын. Бір сөзбен айт­қанда, аккаунт жоқ.
</blockquote>
Содан соң ол келіншекпен қайта хабарласуға тырыстық, алғашында «мен саттым, басқа ештеңе білмеймін» деп басын ала қашты, ақыры аяғында мүлдем жауапсыз, үн-түнсіз қалды. Сөйтсем, ол мен сатып алған аккаунтты тағы біреуге сатып жіберген екен. Осылайша ол оны бір емес, бірнеше адамға сатқан көрінеді. Қазір сол аккаунт бойынша басқа қыз отыр, онымен де байланысып көрдік. Ол «мен де сатып алғанмын» деп ағынан жарылуда.
Мұндайды сатып алғанда электронды адресімен, тағы да басқа нәрселерімен қоса алу керек екен ғой. Мен оны қайдан білейін. Аккаунт жоғалып кетеді деп те ойламаппын. Балам ауырып жатыр деген соң сендік қой. Құдайдан қорықпайды екен. Енді сол әйелді тауып, ақшамды қайтарып алсам деген ойым бар».
Динара осылай деп ашынады. Иә, осылайша жеңіл жолмен ақша табатындар көбейген заман болды ғой. Сондықтан не нәрседе де абай болайықшы, ағайын!

Елімізде оқырманы көп Instagram аккаунт сататын алаяқтар көбейді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Жеке тұлғалар арасындағы салықтар бойынша 65 млн&nbsp;сомасындағы ең үлкен қарыз Асқар Нәбиевке тиесілі, оның 28 млн&nbsp;теңгесі – айыппұлдар. Бұл туралы <a href="https://kursiv.kz/">Kursiv.kz</a> хабарлады.
Нәбиев Қарағанды облысы, Бұқар Жырау ауданы әкімдігінде бас маман болып қызмет етеді, кезінде Қарағандының жер қатынастары бөлімін басқарыпты.
<blockquote>
 Осыдан бірнеше жыл бұрын ол жер учаскесін сатып алған. Қаланың әкімшілік шекарасы кеңейтілгеннен кейін, салықтық мөлшерлеме күрт өскен. Қазір қарыз мәжбүрлеп қайтарылуда – шендінің еңбекақысының бір бөлігі берешекті өтеуге ұсталуда. Бұдан бөлек, сатылымға борышкердің меншігіндегі екі автокөлік пен жер учаскесінің өзі шығарылған. Бірақ бұлардың соңғысын сату мүмкін болмады: екі ретте де сатып алушылардың болмауы салдарынан, аукцион өткізілмей қалды, – дейді Қарағанды облысы Мелекеттік кірістер департаментінің бас маманы Гүлнар Бекенова.
</blockquote>
МКД мәліметтері бойынша, 22 мыңнан астам жеке тұлғаларға салық рақымшылығы жасалыпты, ал борышкерелер тізімінде барлығы 88,7 адам бар екен.
<blockquote>
 2019 жылғы бірінші қарашаға дейін 22,1 мың жеке тұлға 173,9 млн теңге сомасындағы салық қарыздарын өтеді. Соның нәтижесінде, олардың мойнындағы 66,8 млн теңге сомасындағы айыппұлдардың күші жойылды. Барлығы 88,7 мың салық төлеушінің өтелмеген борышының сомасы 1 млрд теңгені құрайды, оның ішінде, 332,2 млн – айыппұл, – деді сөзін нақтылаған мемкірістер департаментінің қызметкері.
</blockquote>
Сонымен қатар, жеке кәсіпкер болып табылмайтын 57 жеке тұлғаның 15 жыл бұрын кәсіпкерлік қызметке қатысы болған 974 мың тенге қарызы анықталған, олардың 400 мың теңгесі – айыппұлдар, салық рақымшылығы аясында солардың күші жойылыпты.&nbsp;
Не салық төлеуші дұрыс есеп бермеген, не бір жүйеден екінші жүйеге көшкенде қате жіберілген, – деді жағдайды түсіндірген Бекенова. Естеріңізге салсақ, жеке тұлғалар үшін Қазақстандағы салық рақымшылығы 2019 жылғы 16 маусымда басталған болатын. Жеке тұлғалар үшін айыппұлдардың күшін жоюдың жалғыз шарты мүлік, жер және көлік салығының негізгі қарызын өтеу болып табылады. Рақымшылық 2019 жылғы 31 желтоқсанға дейін созылады.

Елімізде салыққа 65 млн теңге қарызы бар шенеунік анықталды

<a href="https://kyzylorda-news.kz/">Kyzylorda-news.kz.</a>&nbsp;&nbsp;<a href="https://kyzylorda-news.kz/"></a>&nbsp;&nbsp;&nbsp;&nbsp;&nbsp;&nbsp;&nbsp; Кәсіпкерлер палатасының Өңірлік кеңесінде аймақта «Бастау» және «Жас кәсіпкер» жобаларының жүзеге асырылу барысы қаралды. Отырыста Палатаның Кәсіпкерлерді қаржылай емес қолдау бөлімінің бастығы Фархад Әбжаппаров пен аудандық филиал директорлары аталмыш жобалардың Қызылорда қаласы мен аудандарда орындалуына жеке-жеке тоқталып өтті.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Фархад Әбжаппаров хабарламасында «Бастау» жобасы бойынша биылғы жылы 3140 азаматты оқыту көзделіп отырғандығын, бүгінгі күнге дейін оның 2368-і білімін жетілдіргендігін жеткізді. Қазір өңірде «Бастаудың» биылғы жылдағы соңғы легі бойынша оқыту жүргізіліп жатыр екен.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Оқыған азаматтардың 2093-іне «оқуды аяқтағандығы» туралы, 275-іне «оқуға қатысқаны» үшін сертификат табысталды. Бұл сертификаттардың айырмашылығы – «оқуды аяқтағандығы» жөніндегі құжат тек жобаны сәтті қорғай алғандарға ғана беріледі. Жоспар бойынша жыл соңына дейін ең кемі 628 азаматтың жобасы қаржыландырылуы қажет. Қазірдің өзінде ол жоспарымызды артығымен орындап, 756 «бастаулық» әр түрлі қаржы көздерінен қаржы алып, ісін бастап кетті», – дейді Палата маманы.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Өңірлік кеңес отырысында Фархад Әбжаппаров «Жастар жылында» еліміз бойынша пилоттық негізде қолға алынған «Жас кәсіпкер» жобасына да тоқталып кетті.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Жас кәсіпкер» жобасы бойынша өңірімізде 1100 жас оқытылған. Олардың ішінде бүгінгі күнге дейін жалпы құны 252,4 млн.теңгені құрайтын 495 жоба қаржыландырылып, жас кәсіпкерлер жеке істерін бастап кеткен.

Қызылордада 756 «бастаулық» өз кәсібін бастады

<a href="https://kyzylorda-news.kz/">Kyzylorda-news.kz.</a> Қызылорда облысы Төтенше жағдайлар департаменті ҚР ІІМ Төтенше жағдайлар комитетінің Көкшетау техникалық институтына оқуға шақырады.
Оқуға түскен талапкерлер курсант атанып, республикалық бюджет есебінен оқытылады. Курсанттар барлық оқу кезеңіне киім-кешекпен, тамақтану жəне мемлекеттік шəкіртақымен қамтамасыз етіледі.
Сонымен қатар каникулярлық демалыс кезіндегі жол ақысы төленеді. Институттың күндізгі оқу түрінің толық курсын бітірген, 4 жыл оқыған тұлғалардың білім алу уақыты əскери қызметті өтеу уақытына теңеледі.
Институтқа түсуге ынта білдірген тұлғалар, тұрғылықты мекен-жайы бойынша аумақтық Төтенше жағдайлар департаменттерінің кадр жұмысы бөлімшелеріне өтініш (ерікті түрде) береді.
Құжаттар үміткерлерден қаңтар мамыр айлары аралығында қабылданады (үміткерлердің қызметке жарамдылығынанықтау үшін əскери-дəрігерлік комиссияларда медициналық жəне психофизиологиялық куəландырудан, оның ішінде полиграфологиялық зерттеуден, сондай-ақ міндетті арнайы тексеруден өтеді);
11 маусым – үміткерлер Институтқа оқуға тіркелу жəне кешенді тестілеуге құжаттар тапсыру үшін келеді (жалпы орта білім беру ұйымдарын, техникалық жəне кəсіптік (бастапқы жəне орта кəсіптік, орта білімнен кейінгі) білім беру ұйымдарын өткен жылғы бітіргендер үшін).
16 шілде – Институтқа оқуға ҰБТ сертификаттарымен үміткерлердің келуі;
17-24 шілде – əскери-дəрігерлік комиссиядан өту ;
24-26 шілде – дене шынықтыру дайындығы бойынша сынақтар тапсыру;
27 шілде – күндізгі оқу факультетіне қабылдау.
Оқуға түсуге ниет білдірушілер мына мекенжайға хабарласуларына болады:
Қызылорда қаласы, Ә. Бөкейхан көшесі, 69.
Байланыс телефондары:
8 (7242) 70-03-26; 55-10-75.

Төтенше жағдайлар департаменті жастарға тегін оқу мен тұрақты жұмыс ұсынады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Ұлттық ақпараттық технологиялар» АҚ ұйымы <a href="https://www.facebook.com/nitec.kz/photos/a.1604804569805697/2571753789777432/?type=3&theater">Facebook</a> желісінде&nbsp; электр энергиясын берудегі іркілістерге байланысты egov.kz электрондық үкімет порталының және «ХҚКО» ақпараттық жүйесінің жұмысында ақаулар болуы мүмкін екендігін хабарлайды.
<blockquote>
 «Инженерлер жүйенің дұрыс жұмысын қамтамасыз ету мақсатында қолдарынан келгенінің бәрін жасауда. Келтірілген қолайсыздықтар үшін кешірім сұраймыз!», – делінген хабарламада.
</blockquote>

Egov.kz электронды үкімет порталы неге жұмыс жасамай тұр?

<a href="https://kyzylorda-news.kz/">Kyzylorda-news.kz.</a> Облыстық Қазақстан халқы ассамблеясының ұйымдастыруымен Қоғамдық келісім кеңесінің мүшелері аймақта жүргізіліп жатқан әлеуметтік маңызы бар 4 құрылыс нысанының жұмыс сапасына қоғамдық бақылау жүргізді.
Облыстық Қазақстан халқы ассамблеясы жанынан құрылған Қоғамдық келісім кеңесі облыс әкімі бекіткен Жол картасын жүзеге асыру мақсатында аймақтағы жүргізіліп жатқан әлеуметтік маңызы бар құрылыс нысандарына тиісті бағасын берді.
Кеңес мүшелері құрылысы қарқынды түрде жүріп жатқан облыстық ішкі істер департаментінің әскери және арнайы дайындығы бойынша оқу-жаттығу полигонына ат басын тіреді.
Одан кейін Жаппасбай батыр көшесіндегі 600 орындық мектепке барды. Аталған екі нысан да осы жылдың желтоқсан айына дейін пайдалануға беріледі. Облыстық құрылыс, сәулет және қала құрылысы басқармасының маманы Болат Доспанов &nbsp;жұмыс барысымен таныстырды.&nbsp; 600 орынға арналған мектеп нысанының бөлмелері кең әрі жарық, қолданылған құрылыс материалдары да сапалы. Білек сыбана еңбек етіп жатқан құрылысшылардың әрқайсысы өз жұмысын сапалы орындап жатыр. Білім шаңырағы соңғы құрылыс талаптарына сай жаңа жобамен салынуда.
Кеңес мүшелері үшінші нысан теннис орталығына барды. Теннис орталығындағы қарқынды жүріп жатқан жұмыстарға да оң бағасын беріп, ел игілігі үшін жасап жатқан жұмыстарына сәттілік тіледі.
Осыдан кейін кеңес мүшелері Сырдарияның сол жағалауында бой көтеріп жатқан тұрғын үйлермен танысты.
Қоғамдық келісім кеңесінің мүшелері алдағы уақытта да осы бағытта ықпалды да пәрменді жұмыс жүргізетін болады.
<img src="http://kyzylorda-news.kz/wp-content/uploads/2019/11/11exkursiya2.jpg" alt="" />
<img src="http://kyzylorda-news.kz/wp-content/uploads/2019/11/11exkursiya3.jpg" alt="" />

Қоғамдық келісім кеңесінің мүшелері қоғамдық бақылау жүргізді

<a href="https://kyzylorda-news.kz/">Kyzylorda-news.kz.</a> Қызылорда қаласының мамандандырылған әкімшілік сотының төраға міндетін атқарушы Гүлмира Ысқақованың төрағалығымен «Қызылорда облысының адвокаттар алқасының адвокаттарымен көрсеткен заң көмегіне ақы төлеу және қорғау мен өкілдік ету бойынша қабылданған сот актілері» және «Жаңа Әкімшілік рәсімдік-процестік кодексі» тақырыбында дөңгелек үстел өтті.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Оған Қазақстан Республикасы Энергетика министрлігі Атомдық және энергетикалық қадағалау мен бақылау комитеті Қызылорда облысы бойынша аумақтық департаменті басшысы Саламат Қалжанов қатысты.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кеңес барысында Гүлмира Ысқақова Қызылорда облысының адвокаттар алқасының адвокаттарымен көрсеткен заң көмегіне ақы төлеу және қорғау мен өкілдік ету, жаңа әкімшілік рәсімдік-процестік кодексіне енгізілген толықтырулар мен өзгерістер туралы түсіндірді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кеңес соңында қатысушылар сұрақтарына жауап алып, пікір алмасты.

Адвокаттар көмегіне ақы төлеу мәселесі түсіндірілді

<a href="https://kyzylorda-news.kz/">Kyzylorda-news.kz.</a> Қызылорда қаласында қазақ күресінен ерлер және әйелдер арасында Қазақстан Республикасының Чемпионаты басталды.
Ұлттық күрестің бас додасын ҚР ақпарат және қоғамдық даму министрі, ҚР қазақ күресі федерациясының президенті Дәурен Абаев құттықтау сөзімен ашты.
Чемпионат Республикада қазақ күресін бұқаралық негізде дамыту және оны халықаралық жарыстың деңгейіне дейін жеткізу, қазақ күресі арқылы салауатты өмірді насихаттау және адамдардың денсаулығын нығайту, қазақ күресі негізінде басқа спорт түрлеріне лайықты ізбасарлар дайындау мақсатында өтіп жатыр. 
Аталған шараны ҚР мәдениет және спорт министрілігінің Спорт және дене шынықтыру комитеті, ҚР қазақ күресі федерациясы, Қызылорда облыстық Спорт және дене шынықтыру басқармасы ұйымдастырып жатыр.
Чемпионатқа еліміздің барлық өңірінен келген 500-ге жуық балуан жекелей және командалық негізде күш сынасады.
Бүгін 90, 100, +100 келі салмақ дәрежесіндегі балуандар өзара күш сынасады. Айбек Нұғымаров, Мұхит Тұрсынов, Мақсат Исағабылов, Асыл Барменовтар өнер көрсетеді.
<img src="http://kyzylorda-news.kz/wp-content/uploads/2019/11/11kures2.jpg" alt="" />
<img src="http://kyzylorda-news.kz/wp-content/uploads/2019/11/11kures3.jpg" alt="" />
<img src="http://kyzylorda-news.kz/wp-content/uploads/2019/11/11kures4.jpg" alt="" />

Қазақстан және Қызылорда облысының жаңалықтары