<a href="https://kyzylorda-news.kz/">Kyzylorda-news.kz</a> ақпараттық агенттігінің 16 желтоқсанға арналған жұлдыз-жорамалы.
Тоқты
Жаңашылдыққа ұмтылудың қажеті жоқ. Мұндай өзгерістерді келер жылдың еншісіне қалдырғаныңыз жөн. Биыл бастаған шаруаларыңызды тиянақты етіп бітіргеніңіз жөн.
Торпақ
Бүгінгі күн жолға шығуға қолайлы. Барлық уақытыңызды отбасыңызға, балаларыңызға арнаңыз. Яғни, отбасыңызбен бірге жолға шығыңыз. Оларды қыдыртып, көңіл көтеріңіздер.
Егіздер
Айналаңыздағы адамдар сіздің іс-әрекетіңізді ерсі көруі мүмкін. Сондықтан өзіңізді ортада қалай ұстау керектігін ұмытпаңыз. Түстен кейін романтикалық кездесуге барасыз.
Шаян
Өзгерісті қалап жүрсіз. Алайда дәл қазір әлденені өзгертуге ерте. Маңызды мәселелерді де кейінге қалдырғандарыңыз жөн. Оның орнына үйдегі құжаттардың түзейтіндерін ретке келтіріңіз. &nbsp;
Арыстан
Өзіңіздің күшіңізді жоғары бағалап, серіктестеріңізді қорқытып алмаңыз. Олар сіздің бұл әрекетіңізді дұрыс түсінбей қалуы мүмкін. Сондықтан бүгінгі күн қандайда бір мәселені шешуге арналмаған.
Бикеш
Бүгін белсенділігіңіз төмендейді. Алайда еш қорықпаңыз. Барлық шаруаны дер кезінде орындап үлгеретін боласыз. Жұмыстағы тапсырмаларды да, үй ішіндегі тіршілікті де өз уақытында бітіресіз. &nbsp;
Таразы
Маңызды сауалдарға жауап табамын деп әуре болмаңыз. Өйткені жауап тапқаныңызбен оны іске пайдалануға еш мүмкіндігіңіз жоқ. Оның орнына үй шаруасымен айналысқаныңыз жөн.
СарышаянБүгінгі күн серуендеуге, байланыс орнатуға және саяхатқа шығуға қолайлы болмақ. Болашағыңызға тікелей қатысы болатын жандармен таныс боласыз. Сонымен қатар бүгін өзіңізді ұрыс-керістен аулақ ұстаңыз.
Мерген
Керемет күн. Барлық туындаған мәселені оңай шеше аласыз. Сонымен қатар жыл соңына дейін жоспар құрмаңыз. Сондай-ақ бүгін жақын адамыңыздан сый алып, жақсы жаңалық естейсіз.
Тауешкі
Белсенділігіңіз төмендеп кетеді. Оған себеп денсаулығыңыздың сыр беруі болмақ. Шаршаңқысыз, сондай-ақ жүйкеңізде сыр берген секілді. Сырқатыңыз асқынбай тұрғанда, ем алғаныңыз жөн.
Суқұйғыш
Бүгін жұмыстың «астында» қаласыз. Шаруа шаш етектен болғандықтан, біраз шаршап та қалуыңыз мүмкін. Бірақ сіз аз уақыт демалыстан соң қайта қалыпқа келіп, ісіңізді жалғастыратын боласыз.
Балықтар
Айналаңыздағылармен тіл табысуыңыз қиындайды. Алайда өзіңізді дер кезінде ұстасаңыз барлығы орнына келеді. Маңызды мәселелерде мұқият болыңыз. Өйткені шешімді өзіңіз шығарасыз.

Жұлдыздар не дейді?

Kyzylorda-news.kz. Облыс әкімі Қуанышбек Ысқақовтың қатысуымен Н.Бекежанов атындағы қазақ музыкалық драма театрында Қазақстан Республикасының Тәуелсіздігі күніне арналған “Тәуелсіздік – тұмарым, Мәңгілік ел – тұрағым!”&nbsp; атты мерекелік шара ұйымдастырылды.
&nbsp;Биыл еліміздің Тәуелсіздік алғанына 28 жыл толып отыр. Осы жылдар ішінде Тәуелсіз Қазақстан етек-жеңін жинап, әлем картасында өз орнын қалыптастырды. Елбасының саясатымен еліміз этносаралық, конфессияаралық келісімдер мен толеранттылықтың ерекше үлгісін жасай біліп, бейбітшілік ордасына айналды.&nbsp;
Салтанатты шарада аймақ басшысы облыстың&nbsp; бірқатар азаматтарына мемлекеттік наградалар тапсырды. Сонымен қатар, Қазақстан Республикасының мемлекеттік хатшысы, мемлекет және қоғам қайраткері Қырымбек Көшербаевқа, режиссер, Қазақстан Республикасының еңбек сіңірген қайраткері Хұсейін Әмір-Темірге және еңбек ардагері, Қазақстанның еңбек сіңірген қайраткері Қорғанбек Қайруллаевқа «Қызылорда облысының құрметті азаматы» атағы берілді.
&nbsp;“Қазіргі таңда әлемде 252 ел бар, оның 195 &nbsp;ғана тәуелсіз, дербес мемлекет ретінде өмір сүруде. 1991 жылдың 16 желтоқсанында Қазақстан тәуелсіз, демократиялық, зайырлы және құқықтық мемлекет мәртебесіне ие болды және әлемдік аренадағы ұстанымын берік бекітіп, бірлік пен гүлденудің символына айналды.Тәуелсіздік жылдарында төл Конституциямызды қабылдап, шекарамызды шегендедік. Арқа төсіне Елордамызды көшіріп, Мемлекеттік Рәміздерімізді бекіттік, төл теңгеміз айналымға түсті. Сонымен қатар, Тұңғыш Президентіміз – Елбасы Нұрсұлтан Әбішұлы Назарбаев «Алаштың анасына» балаған қасиетті Сыр өңірі де экономикасының құрылымын өзгертіп, қарқынды дамуға бет алды. Биыл ақпан айында Қауіпсіздік Кеңесінің отырысында аймағымыздың даму мәселелері арнайы қаралып, Қызылорда облысының кешенді дамуына қатысты бірқатар мәселелер Қазақстан Республикасы Үкіметінің қаулысымен бекітілген 2019-2022 жылдарға арналған облыстың әлеуметтік-экономикалық дамуының кешенді жоспарына енгізілді. Кешенді жоспар нәтижесінде өңіріміздің даму қарқыны артып, халқымыздың әлеуметтік-экономикалық жағдайы жақсаратын болады. “,- деді облыс әкімі Қ.Ысқақов.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Салтанатты жиын жергілікті&nbsp; өнерпаздардың қатысуымен мерекелік концертке ұласты.
<img src="https://kyzylorda-news.kz/wp-content/uploads/2019/12/bek_8841.jpg" alt="" />
<img src="https://kyzylorda-news.kz/wp-content/uploads/2019/12/bek_8774.jpg" alt="" />
<img src="https://kyzylorda-news.kz/wp-content/uploads/2019/12/bek_8238.jpg" alt="" />

Қызылордада Тәуелсіздік күні аталып өтті

<a href="https://kyzylorda-news.kz/">Kyzylorda-news.kz.</a> Тауық жұмыртқасы зерттелген сайын , оның пайдалы қасиеттері анықтала бермек. Жуырда ғана америкалық ғалымдар жұмыртқаны толығымыен зерттей келе, жұмыртқаның пісірілген түрі бала денсаулығына өте пайдалы екеніне көз жеткізген.
Балалардың арасында ақыл-ой кемтарлығына ұшырау қаупі азайып, ағзаның дамуы жеделдете түскен, онымен қоса сүйек аурулары да азайған.&nbsp;
Бұған дейін жұмыртқа қабыршағының да пайдасы бары анықталған еді. Қабыршықтан жасалған ұнтақ сүйектің берік болуына, тірек-қимылдарының ауруларының алдын-алуға көмектеседі.
Теорияны&nbsp;растау үшін ғалымдар ғылыми сынақ&nbsp;өткізді. Практикалық сынақ 6-9 айлық сәбилердің арасында жүргізілді. Қатысушылар екі топқа бөлініп, бірі күнделікті жұмыртқа жеді. Ал екінші топ мүлдем жұмыртқа жемеді. Сынақ нәтижесі көрсеткендей, жұмыртқа қолданған топтағы балалардың өсу қарқыны әлдеқайда жақсы болды.
Алайда бұған қарап, жұмыртқаны шамадан тыс қолдануға болады дегенді білдірмейді. Оның пайдасы қалыпты мөлшерді сақтанғанда ғана сезіледі.&nbsp;
<a href="https://stan.kz/zhymirtkanin-zhana-kasieti-aniktaldi-325159/">Stan.kz</a>

Жұмыртқаның жаңа қасиеті анықталды

<a href="https://kyzylorda-news.kz/">Kyzylorda-news.kz.</a> Әлемдегі алғашқы шошқа-маймыл химерасы Қытайдағы зертханада дүниеге келді. Ол үшін тұжырымдамадан кейін эмбриондарға жасанды түрде өсірілген маймыл жасушалары енгізілді. Бұл туралы New Scientist журналының эксклюзивті материалында айтылған, деп хабарлайды&nbsp;<a href="https://stan.kz/alemde-algash-ret-maymil-zhasushali-shoshka-tuildi-325080/">Stan.kz</a>.
Діңгек жасушалар мен репродуктивті биологияның мемлекеттік зертханасының меңгерушісі Тянь Хайдың айтуынша, бұл толыққанды шошқа мен маймыл химераларының&nbsp;алғашқы туылуы. Оларды құру үшін зерттеушілер маймылдардың жасушалық мәдениетін өсіріп, олардың жасушаларын тұжырымдамадан кейінгі төртінші күні шошқа эмбриондарына имплантациялады.
Жалпы алғанда, маймыл жасушалары төрт мыңнан астам эмбриондарды енгізді, олардың 10-ы дүниеге келді, бірақ олардың тек екеуін химералар деп санауға болады. Сонымен қатар, маймыл жасушаларының концентрациясы өте төмен болды.
Биологиядағы химерлерді генетикалық гетерогенді жасушалардан тұратын организмдер деп атайды. Мұндай зерттеудің соңғы мақсаты – жануарлардың ішінде шошқа сияқты адам ағзаларын өсіру. Алайда, бұл әлі ұзақ жол: шошқалар мен маймылдардың алғашқы химералары туғаннан кейін бір аптадан кейін белгісіз себептермен қайтыс болды.
Калифорния университетінің діңгек жасушаларын зерттеуші биолог Пол Кнопфлер атап өткендей, қытай ғалымдарының жасаған тәжірибесі сәтті деп санауға болмайды. Оның айтуынша, «тым төмен» жасуша концентрациясы мен жануарлардың өлімін ескере отырып, нәтижелер «көңілсіз» болды.

Әлемде алғаш рет маймыл мен доңыздың қосындысынан торай туылды

<a href="https://kyzylorda-news.kz/">Kyzylorda-news.kz.</a> WhatsApp мессенджерінің өкілдері смартфондар қуатының тез таусылу проблемасын шешті, деп хабарлайды <a href="https://kaz.tengrinews.kz/internet/whatsapp-smartfondar-kuatyinyin-tez-tausyilu-problemasyin-303294/">Tengrinews.kz</a>.&nbsp;
Басылымның мәліметінше, WhatsApp-тың&nbsp;2.19.352 нұсқасы&nbsp;Android қосымшаларында қуаттың тез таусылуына себепші болған.
Қарашада&nbsp;Google Pixel, Samsung&nbsp;және&nbsp;OnePlus смартфондарының қолданушылары мессенджердің қуат көзін көп жейтінін айтып шағымданған еді.&nbsp;WhatsApp өкілдерінің айтуынша, таяуда&nbsp;Android смартфондарында қуат көзін аз жұмсайтын функция пайда болады.
Еске салайық, мұның алдында&nbsp;WhatsApp мессенджерінде жаңа функция пайда болатыны хабарланған еді.&nbsp;&nbsp;Енді оның арқасында тапсырмалар құрап, қажетті уақытта сол туралы ескерту алуға мүмкіндік береді.

WhatsApp смартфондар қуатының тез таусылу проблемасын шешті

<a href="https://kyzylorda-news.kz/">Kyzylorda-news.kz.</a> Жер бетіндегі ересек тұрғындардың 5%-ы мен балалардың &nbsp;10%-ы зардап шегетін, кең таралған созылмалы аурулардың бірі – бронх демікпесі, деп жазады&nbsp;<a href="https://sn.kz/densaulyk/63413-bronkh-demikpesin-askyndyrmau-maksatynda-ustanatyn-kagidalar">Skifnews.kz</a>.&nbsp;&nbsp;
ҚР ДСМ Қоғамдық денсаулық сақтау ұлттық орталығы Инфекциялық емес аурулардың алдын алу департаментінің (бұдан әрі – ҚДСҰО ИЕААД) скринингтік бағдарламаларды &nbsp;мониторингілеу бөлімінің бас маманы Гүлжан Конуршина айтуынша, Дүниежүзілік демікпеге қарсы күн алғаш рет 1988 жылы атап өтілген.
Өткізу мақсаты – осы ауру туралы пациенттердің, дәрігерлер мен халықтың ақпарат алуын арттыру, бронх демікпесі бар пациенттердің мәселесін шешуге және оларға көрсетілетін медициналық көмек сапасын жақсартуға қоғам назарын аударту.
<blockquote>
 «Бронх демікпесі – бұл қабыну, ісіну және қақырық пайда болу салдарынан дұрыс тыныс алуға кедергі келтіретін, соның нәтижесінде өкпеге апаратын тыныс алу жолдарын тарылтатын күрделі ауру», – деді ол.&nbsp;
</blockquote>
Гүлжан Конуршинаның айтуынша, статистикалық деректерге сәйкес 2018 жылы Қазақстанда бронх демікпесінің 105365 жағдайы тіркелген, оның ішінде 17766-сы алғаш анықталғандар.&nbsp;
<blockquote>
 «Диспансерлік есепте 79668 адам тұрады, оның ішінен 17 жасқа дейінгі бронх демікпесі бар балалардың үлесі 23,5 %-ды құрайды», – деп хабарлады &nbsp;ол.
</blockquote>
Маман деректері бойынша, ауру, әдетте, жас кезден басталады. Шамамен балалардың 50%-ы оны дұрыс емдеген жағдайда есейген уақытында демікпе ауруынан арылып жатады. Гүлжан Конуршина бронх демікпесі кезінде асқынулардың алдын алу үшін келесідей белгілі қағидаларды ұстануға кеңес береді:&nbsp;
Демікпе кезінде не жеуге болмайды:&nbsp;балық тағамдары, теңіз тағамдары, уылдырық, майла ет сұрыптары (үй құсы, шошқа еті), қақталған тағамдар, майлы тамақтар, жұмыртқа, бұршақтар, дәндер, шоколад, бал, &nbsp;қызанақтар (томат), қызанақтан жасалған соустар, ашытқыдан жасалатын тамақтар, цитрустар (апельсин,&nbsp;лимон, мандарин, помело, грейпфрут), құлпынай, таңқурай, қарақат, өрік, шабдалы, қауын, алкоголь.
Нені қолдануды шектеу қажет:&nbsp;жоғары сұрыпты ұннан жасалған нан-тоқаш өнімдері, тоқаштар, қант пен тұз, сүт өнімдері (сүт, қаймақ, сүзбе).
Демікпе кезінде не жеуге болады:&nbsp;ботқалар (маймен), сорпалар &nbsp;(қатты майлы емес), тауқы еті, майлы емес шұжықтар мен сосискалар (докторский), қарабидай наны, кебектен жасалған нан, сұлыдан немесе галеттен жасалған печенье, көкөністен және жемістерден жасалған салаттар, &nbsp;компот, минералды су, шәй, кофе (құрамында кофеин болса).
Тамақтану режимі&nbsp;– қатты тоймай, күніне 4-5 рет. Асты буда пісірген жөн, бірақ қайнатуға, бұқтыруға және қыздырып пісіруге де болады. Тек жылы күйінде жеу қажет.&nbsp;
Демікпенің асқынулары&nbsp;&nbsp; &nbsp;
пневмоторакс&nbsp;(өкпеқап қуысына ауаның түсуі)
жіті тыныс алу жеткіліксіздігі
өкпенің эмфизематозды бұзылысы
Бронх демікпесінің алдын алу
Бронх демікпесі созылмалы ауру екендігіне қарамастан, оны толығымен бақылауда ұстауға болады.
Демікпені жақсы бақылау сізге ауру белгілерін жойып, асқынулардың пайда болу қаупін төмендетіп қана қоймай, өмір сапасын жақсартуға және қалаған нәрсеңізді істеуге мүмкіндік береді.&nbsp;
Аурудың алдын алу үшін маман кеңестері:&nbsp;
– ұстамаларды тоқтату үшін өзіңізбен бірге үнемі ингаляторды алып жүріңіз,
– басталып келе жатқан ұстама белгілерін біліп, оны тоқтатуды үйреніңіз,
– ауру қоздыратын факторлардан аулақ болыңыз,
– міндетті түрде дәрігердің ем бойынша берген кеңестерін орындаңыз,
– жағдайыңыз жақсы болса да дәрігерге жылына кемінде 2 рет барыңыз,&nbsp;
– үйде тазалық сақтаңыз және кез-келген аллергендерді жойыңыз: шаң-тозаң, жануарлардың жүні, атауыз және т.б.&nbsp;
– темекі түтінінен, газ түтінінен аулақ жүріңіз. Шылым шегетін болсаңыз, оны тастаңыз.&nbsp;
– ұстамалар жиілігін қысқарту үшін барлық тағайындалған препараттарды қабылдаңыз.
– жүрек пен өкпе жағдайын жақсарту үшін спортпен шұғылданыңыз.&nbsp;
Гүлжан Конуршина бронх демікпесін емдеу кезіндегі болжам оң нәтижелі болатынын, алайда ол көп жағдайда аурудың анықталған сатысына, диагностикаға, пациенттің дәрігер берген барлық ұйғарымдарын орындауына және аталған ауру ұстамасын тудыратын факторларды шектеуге байланысты екендігін атап өтті.

Бронх демікпесін асқындырмау мақсатында ұстанатын қағидаларды білесіз бе?

<a href="https://kyzylorda-news.kz/">Kyzylorda-news.kz.</a> Халық арасында емізулі баласы бар ана көп тамақ жеуі керек деген түсінік бар. Алайда оның себебін әркім әрқалай түсінеді. Көбі анасы не жесе, балаға да сол тамақ сүт арқылы барады дейді, бұл қаншалықты шындыққа жанасады? 1991 жылы АҚШ ғалымдары осы сұрақ төңірегінде тереңірек зерттеп, мынадай қорытынды шығарды.
Ана қандай жағдайда болса да, қандай тамақ жесе де, ағзасы сүт бөлуге қабілетті. Тіпті анасы белгілі бір диета ұстанып, көп тамақтан шектелсе де, баласы дені сау, қалыпты деңгейде өсуге мүмкіндік бар. Пайдалы тағамдарды молырақ жеуі бала үшін емес, ананың өз денсаулығы үшін ғана қажет. Сүті қою не сұйық, сапалы болуы жеген тағамдарына байланысты емес.
Гамбия, Эфиопия секілді елдерде күн көріс қиын, азық аз екені белгілі, осы жерде де аналар баласын омырау сүтімен асырай алады. Олар тамақ құнарлылығын қанша арттырса да, ол сүттің сапасын өзгертпейтіні анықталған. Көбірек тамақтану сүтті молайтпайды, ана ағзасындағы май үлесін көбейтіп, тері асты майларына айналады екен.
Бұл нені көрсетеді? Демек баланы тамақтандыру үшін ешқандай диетологтың, дәрігердің көмегіне жүгінудің қажеті жоқ. Ағзаңыз қандай сүт бөлуге қабілетті, сондай сүт қана шығады. Жүктіліктен бала емізу кезеңіне өту ешқандай артық мәселе, қиындық туғызбауы керек. Тек тәбетіңіз ашылып, жиі-жиі шөлдеп, қарныңыз ашқанын байқауыңыз мүмкін. Бұл жағдай балаға ешқандай әсер етпейді, тек ананың өз денсаулығы үшін ғана дұрыс тамақтануы қажет. Бала мен не жесем, соны қабылдайды деп, өзіңізді белгілі бір тамақтардан шектеудің не көңіліңіз қаламаған асты өзіңізді қинап ішудің қажеті жоқ.
<a href="https://massaget.kz/layfstayl/Zdorove/60032/">Massaget.kz</a>

Анасы жеген тамақ балаға сүт арқылы барады деген рас па?

<a href="https://kyzylorda-news.kz/">Kyzylorda-news.kz.</a> Жартылай жалаңаш 2 жігіт сәукеле&nbsp;киіп, би биледі. Мұны көрген желі қолданушылары намыстанып, түрлі пікір қалдырды, деп жазады&nbsp;<a href="https://sn.kz/sn-akparat-agyny/63385-bailap-koiyp-sabasa-zhartylai-zhalanash-s-ukele-kigen-2-zhigit-zhelidegilerdin-ashuyna-tidi-video">Skifnews.kz</a>.
Видео Facebook әлеуметтік желісіндегі «Ғашықтар әлемі» тобында жарияланды.
<blockquote>
 «Ұят-ай, апаларымыздың, қыз-келіншектердің кимешектерін қорлады. Намыс қайда?», – деді видеоны бөліскен Айко Дархан есімді Facebook әлеуметтік желісінің қолданушысы.
</blockquote>
Желі қолданушылары «Не мынау қатын ұқсап? Намыс қайда?», «Мігіттер, арттарыңды ойлаңдар!», «Оңбай таяқ жейін деп жүр ғой. Тауып алып сабар маңқаларды, «Байлап қойып, сабаса», – деп жазды.
Арасында «Осы жартылай жалаңаш 2 жігітке іздеу жариялаймын» дегендер де болған.
<img src="https://kyzylorda-news.kz/wp-content/uploads/2019/12/saewkele-1.png" alt="" />

Жартылай жалаңаш сәукеле киген 2 жігітке іздеу жарияланды (ВИДЕО)

<a href="https://kyzylorda-news.kz/">Kyzylorda-news.kz.</a> Өлімге апаратын қауіпті бактериялар! Түрлі герпес, стафилококк және ішек аурулары. Дәл осындай микробтар әйелдердің косметика ұстайтын сөмкелерінен шығып жатыр. Бұл туралы&nbsp;<a href="https://1tv.kz/"></a><a href="https://1tv.kz/kz/">Евразия</a>&nbsp;арнасы айтады. &nbsp;
Британияның ғалымдары түрлі опа-далаптарды жағатын заттарды зерттеп, осындай мәлімдеме жасап отыр.
Миллиардтаған бактерия мен микроб! Бұрымдылардың сөмкесінде осындай көзге көрінбейтін бактериялар өріп жүр! Салдарынан, қыз-келіншектер бетке шығатын түрлі тері ауруларына шалдығып, тіпті герпестің ең қауіпті түрін жұқтыруда дейді косметологтер!
<blockquote>
 «Сіз келіп тұрсыз макияж жағуға, сіздің алдыңызда ол макияжды безеу ауруымен шалдыққан адамға жасады дейік. Бетінде&nbsp;іріңдер бар не болмаса &nbsp;басқа да микоздар, яғни,&nbsp;грипковые заболевание, сондай ауруға шалдыққан адам болса, ол келесі адамға сол кисточка арқылы ана адамға науқасқа жұғады», – деді косметолог-дерматолог Динара Маликова.
</blockquote>
Ғалымдар косметиканың ең қауіпті бес түрін анықтаған! Олар ерін далабы, ерін жылтыратқыш, көз контурын реттейітіндер, кірпік бояғыш және губкалар. Бактериялардың ең көп шоғырланғаны жері де осы заттарға тиесілі.&nbsp;Мәселен, аса көзге түспейтін спонждың өзінде миллионнан астам бактерия тіркелген. Ең сорақысы, дәл осы сауалнамаға қатысқан &nbsp;93% арулардың губкаларын жумайтындарын айтыпты.
<blockquote>
 «Грим жағамыз, тойымыз бар, басқа да іс-шараларымыз бар. Сол себептен ол жерде барлық спонжиктар немесе кисточкаларды &nbsp;залалсыздандырмайды. Яғни, бір клиенттен екінші клиентке &nbsp;сол инструмент арқылы қаншамалықты бактериялар не болмаса аурулар жұқтыруы көп кездесіп жатады», – дейді косметолог.
</blockquote>
Осы ретте арулардың өздері макияж жасауға арналған құралдарын тазалай&nbsp;ма деген сұрақты қойып көрдік. Нәтижесі әркімді де шошытады.
<blockquote>
 «3 ай, 4 ай. Бірақ кисточкаларды ұзақ қолдана беруге болады», «Ай сайын ауыстырып отырамын. Кейде болады тональный крем біткен кезде ауыстырамын. Жоқ, қарамаймын», «Мен де ауыстырамын. Бірақ, жиі емес. Шамамен &nbsp;3 айда, 2 айда», – дейді олар.
</blockquote>
Осылайша стафилокок, ішек таяқшаларын, герпес жұқтырып алғыңыз келмесе қазірден бастап тазалық шарттарын сақтаңыз&nbsp;дейді мамандар.

Өзгенің безеуі сізге жұғады: Сұлулық салонындағы боянатын құралдар бактерияға толы болып шықты

<a href="https://kyzylorda-news.kz/">Kyzylorda-news.kz.</a> АҚШ-тың Стэнфорд университетінің ғалымдары адамның қартаю процесі бірнеше кезеңге бөлінетінін анықтады, деп&nbsp;Sputnik Қазақстан.
Мамандар 18 және 95 жас аралығындағы 4263 адамның қан плазмасының ақуызын зерттеген. Жасқа байланысты оның құрылымы өзгеретіні белгілі болды.
Зерттеушілер қан плазмасы ақуызындағы негізгі өзгеріс үш кезеңге бөлінетінін анықтады: 34, 60 және 78 жас.
Мамандар бұл зерттеу жасқа байланысты ағзадағы өзгеріспен әлдеқайда тиімді күресуге жол ашатынын айтады

Ғалымдар қартаюдың үш кезеңін анықтады

Халықаралық шай күні
Халықаралық шай күнін атап өту шешімі 2004 жылы Мумбайда (Үндістан) және 2005 жылы Порту Алегриде (Бразилия) өткен Дүниежүзілік қоғамдық форумда қабылданды. Мереке шай өндіру кең тараған елдерде атап өтіледі, бұлар – Үндістан, Шри-Ланка, Бангладеш, Непал, Қытай, Вьетнам, Индонезия, Кения, Малайзия, Уганда, Танзания.
1995 жылы Жамбыл қаласында Қазақстан, Өзбекстан, Қырғызстан Республикалары басшыларының Мемлекетаралық кеңесі өтті. Кеңес ұйғарымымен Қорғаныс министрлері кеңесі туралы ереже бекітіліп, ол аймақтың қауіпсіздігі, әскери ынтымақтастық саласындағы бүкіл мәселелерді қарайтын болып шешілді.
1999 жылы Президент Н.Ә.Назарбаев Қазақстан Республикасы ұлттық қауіпсіздігінің стратегиясын бекітті. 2001 жылы Қазақстан Республикасының «Азаматтық авиацияны мемлекеттік реттеу туралы» Заңы жарық көрді.
2017 жылы «Цифрлық Қазақстан» мемлекеттік бағдарламасы бекітілді, оның басты мақсаты – цифрлық технологияларды пайдалану және дамыту арқылы тұрғындардың өмір сүру сапасын жақсарту және ел экономикасының бәсекеге қабілеттілігін арттыру.

15 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 15 желтоқсанға арналған жұлдыз-жорамалы.
Тоқты
Шығармашылықпен айналысуға, белсенділік танытуға қолайлы күн. Сондай-ақ қаржы мәселесін жақсартуға жол ашылады.
Торпақ
Бүгін достарыңызбен кездесесіз. Бірақ өзіңізді байсалды қалыпта ұстаңыз. Ешкімге ақыл айтып, олардың өміріне араласудың қажеті жоқ.
Егіздер
Керемет күн. Саяхатқа шығуға немесе досыңызбен бірлесіп жаңа жұмыс бастауға қолайлы күн. Жаңашылдыққа бет бұрасыз.
Шаян
Жұмысқа қатысты біраз мәселелерден арыласыз. Сізге көмек көрсететіндер табылады. Жаңа тапсырма алуға қорықпаңыз.
Арыстан
Бүгін қоғаммен тығыз қарым-қатынас орнатқан мекемеден көмек аласыз. Ескі проблемалардан арылған соң, жаңасына жол бермеңіз.
Бикеш
Жұмысқа қатысты мәселелер өз шешімін табатын болады. Сол арқылы материалдық жағдайыңыз да жақсаратынына сеніңіз.
Таразы
Құжаттарды дайындауға, жаңа іс бастауға қолайлы күн. Кез келген істе шешімді өзіңіз қабылдағаныңыз жөн.
Сарышаян
Айналаңыздағы адамдардың мейірімсіздігінен сіздің де жүрегіңіз ештеңеге елжіремейді. Бастысы эмоцияға берілмеңіз.
Мерген
Бүгін өзіңізге демалыс жариялаңыз. Үй шаруасында кейінге қалдырыңыз. Бүгін тек жақсылық ойлап, жай ғана демалыңыз.
Тауешкі
Бүгін ішкі түйсігіңіз біраз мәселенің алдын алуға көмектеседі. Сонымен қатар бүгін жұмысқа қатысты біраз сауалға жауап табасыз.
Суқұйғыш
Бүгін ата-анаңызбен немесе достарыңызбен әңгіме-дүкен құрып, олардың көмегін қабыл аласыз. Осы арқылы арманыңызды жүзеге асырасыз.
Балықтар
Қарама-қайшылыққа толы күн. Осыған орай, көңіл-күйіңіз де құбылмалы. Соның салдарынан кикілжіңдер де орын алуы мүмкін.

Қазақстан және Қызылорда облысының жаңалықтары

Жұлдыздар не дейді?

Қызылордада Тәуелсіздік күні аталып өтті

Жұмыртқаның жаңа қасиеті анықталды

Әлемде алғаш рет маймыл мен доңыздың қосындысынан торай туылды

WhatsApp смартфондар қуатының тез таусылу проблемасын шешті

Бронх демікпесін асқындырмау мақсатында ұстанатын қағидаларды білесіз бе?

Анасы жеген тамақ балаға сүт арқылы барады деген рас па?

Жартылай жалаңаш сәукеле киген 2 жігітке іздеу жарияланды (ВИДЕО)

Өзгенің безеуі сізге жұғады: Сұлулық салонындағы боянатын құралдар бактерияға толы болып шықты

Ғалымдар қартаюдың үш кезеңін анықтады

15 желтоқсан: Ел тарихында орын алған оқиғалар

Жұлдыздар не дейді?