Kyzylorda-news.kz. Облыс әкімі Қ.Ысқақов «Q-med» емдеу мекемесінің жаңа орталығының ашылу салтанатына қатысты.
«Q-MED» медициналық орталығы 2016 жылдың мамыр айында Новосибирск қаласындағы Ашот Папикович Хачатрянның «Халықаралық Денсаулық Академиясы» клиникасының аналогы бойынша ашылған. 2018 жылдың қаңтарынан бастап атауы «Q-MED» Медициналық Орталығы болып өзгерген.
Аталмыш емдеу мекемесінде ересектер мен балаларға бірегей емдеу-сауықтыру бағдарламалары қолданылады. Орталық ем алушылардың иммунитетін табиғи қалпына келтіруге негізделген бағдарлама арқылы жұмыс істейді. Соңғы төрт жылдың ішінде орталықта 4600 адам кеңес алып, 3600 науқас кешенді емдеуден өткен.
Орталықтың ашылуымен құттықтаған аймақ басшысы қажетті кеңес пен дертіне шипа іздеген азаматтарға қызметін ұсынып отырған емдеу мекемесінің жұмысына сәттілік тіледі.
«Бірінші байлық – денсаулық» дейді халқымыз. Ұлт пен ұрпақ саулығын алдыңғы орынға қойған мемлекетімізде медицина саласына барынша қолдау жасалған. Облыс бюджетінің де басым бөлігі денсаулық сақтау саласына жұмсалады. Бүгінде халыққа сапалы қызметін ұсынатын жеке клиникалар да көбейіп келеді. Соның бір дәлелі “Q-MED” медициналық орталығы екінші жаңа ғимаратының ашылуы. Бұл бастаманың тек медицина жағынан ғана емес, әлеуметтік жағынан да тиімділігін айту керек. Яғни, орталық бүгінгі күні 25 адамды жұмысқа тартса, оның ішінде жастар практикасымен келіп орналасқан 14 жас маман және 4 мүмкіндігі шектеулі азаматты тұрақты жұмыспен қамтуда. Сонымен қатар, өңірдегі мемлекеттік және жеке медициналық колледждер студенттері практикадан осы орталықта өтуде» -, деді облыс әкімі Қ.Ысқақов.
<img src="https://kyzylorda-news.kz/wp-content/uploads/2019/12/23akimat2.jpg" alt="" />
<img src="https://kyzylorda-news.kz/wp-content/uploads/2019/12/23akimat3.jpg" alt="" />
<img src="https://kyzylorda-news.kz/wp-content/uploads/2019/12/23akimat4.jpg" alt="" />

Қызылордадағы «Q-MED» клиникасының жаңа орталығы ашылды (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Instagram әлеуметтік желісі осыдан бірнеше уақыт бұрын бірқатар елде “лайк” санын жасыратын пилоттық жобаның жүзеге асырылатынын хабарлаған. Бұл туралы Instagram өзінің Twitter парақшасында мәлімдеген еді. Әлеуметтік желіден қарапайым ғана фунцияның алынуына маңызды себеп бар. Желі басшылығы бұл қадам интернеттегі қысымды, бәсекелестікті азайтады деген пікірде.
“Лайк” әлеуметтік бәсекеге әсер ете ме?
<blockquote>
 “Біз тестілік режимді барлық елде жүзеге асыра бастаймыз. Егер сіз біздің тарапымыздан таңдалып алған акаунт қатарына кірсеңіз сізде лүпіл мен көрсетілім саны көрінбейтін болады”, – делінген хабарламада.
</blockquote>
Канада елінде басталған бұл жоба кейін Аустралия, Бразилия, Италия, Ирландия, Жаңа Зеландия және Жапония елдерінде қолданысқа енгізілді. Жыл соңына қарай көршілес Ресей аумағындағы Instagram қолданушылары да “лайк” санын көре алмайды.
Әлеуметтік желінің басшысы Адам Моссери аталған шешім әлеуметтік қысымды азайту, бәсекелестікті жою сондай-ақ оқырмандардың басты назарын контенттің сапасына аудару мақсатында жүзеге асырып жатқанымен түсіндірді.
Instagram басшылығының пікірінше, бұл бастама кибербуллингті, яғни интернетте біреуді мазаққа айналдыруды азайтады. Себебі әлеуметтік желілерде бүгінде “лайк” үшін кез келген қадамға барып, өзіне шектеу қоймайтындар көбейген.
“Бұл шешім вайнерлер мен блогерлерге тиімсіз”
Әзірге қазақстандықтар арасында “лайк” саны көрінбей, пилоттық жобаның “құрбанына” айналғандар жоқ. Дегенмен алдағы уақытта Қазақстан территориясын да бұл үрдіс қамтыйтыны түсінікті. Бірінші кезекте бұл Instagram желісін табыс көзіне айналдырған блогерлер мен вайнерлерге, өнер жұлдыздарына әсер ететіні белгілі.
Мысалы, вайнер Хаким Мукарам енді “лайк” болмайтыны инста-блогерлерге коммерциялық тұрғыда қиын болатынын айтады.
<blockquote>
 “Жалпы, жалпақ жұрт үшін бұл өте тамаша жоба деп ойлаймын. Ал “лайк” санап өмір сүретін блогерлер мен вайнерлер үшін тиімсіз. Себебі біздің жасаған жобамыздың бағасы лайк санымен өлшенеді. Коммерциялық жағынан бізге қиын соқпақ. Жарнама берушілердің барлығы дерлік “лайк” санына қарайды. Бір сөзбен айтқанда контент өндіретін адамдар үшін қолайсыз, ал контент тұтынушыларға өте жақсы”, – дейді ол
</blockquote>
Скетчтерімен танылған Мукарам бұл жаңа бастаманың Қазақстанға әлі келмегені үшін нақты кемшіліктерін айта алмайтынын тілге тиек етті.
<blockquote>
 “Бұл әлі нақты шешім деп ойламаймын. Аудиторияның пікірімен де санасатын болар. Қазақстанға әлі жете қойған жоқ. Бізде жүзеге асқан кезде нақты кемшіліктері мен артықшылықтарын көре жатармыз”, – дейді вайнер.
</blockquote>
Ал Instagram желісіне коммерция тұрғысында қарамай, тек тұтынушы болатындарға бұл функцияның алынуы аса қорқынышты емес. Еркін күрестен әлем чемпионатының күміс және қола жүлдегері Нұрислам Санаев осындай пікірде.
<blockquote>
 “Өз басым “лайк” санап өмір сүретіндер қатарынан емеспін. Сол себепті аса бір қиындық тудырады деп ойламаймын. “Лайк” өмірдің өлшемі дегенге мүлдем келіспеймін. Адамдар да ақымақ емес. Өзіне ұнағанына лүпіл басады, ұнамасы ары қарай парақтай береді. Дегенмен танымал адамдарға салған суреттерің видеоларың ұнап жатса, қуанып қалатыным жасырын емес”, – дейді спортшы.
</blockquote>
<a href="https://kaz.tengrinews.kz/internet/jumyisyimyiz-layk-sanyimen-olshened-instagram-nyin-jana-303552/">Tengrinews.kz</a>

«Жұмысымыз лайк санымен өлшенеді». Instagram-ның жаңа жобасы бәсекені азайта ма?

<a href="https://kyzylorda-news.kz/">Kyzylorda-news.kz.</a> Қызылордада бес қабатты тұрғын үйден өрт шығып, 73 адам эвакуацияланды.
Өрт түнгі уақытта Қызылорда қаласы Әлихан Бөкейханов көшесі 74 үйдегі тұрғын үйде болған. Оқиға орнына қала әкімі Нұрлыбек Нәлібаев, қала прокуроры, облыстық төтенше жағдайлар департаменті және облыстық полиция департаментінің басшылары келіп, келеңсіз жағдайдың мән-жайымен танысты.
Қала әкімдігінің хабарлауынша, өрт оқиғасы орын алған бесінші қабаттағы тұрғындар қауіпсіз орындарға уақытша орналастырылды. Өрт салдарынан көмірқышқыл газына улану жағдайымен 6 тұрғын облыстық медицина орталығына жеткізілді. Олардың жағдайы дәрігерлердің жіті бақылауына алынды. Облыстық полиция департаменті баспасөз қызметінің хабарлауынша, облыстық полиция және төтенше жағдайлар департаментінің қызметкерлері өрт ішінен 28 адамды сыртқа аман алып шықты.
<blockquote>
 «Оның ішінде кәмелеттік жасқа толмаған 7 бала бар. Полицейлер құтқарушылармен бірге жалпы аталмыш тұрғын үйден 73 адамды эвакуациялады. Өрт шыққан үйден жалпы 15 газ баллоны алынды. Тілсіз жауды ауыздықтауға 40-қа жуық полиция қызметкері, 10 қызметтік автокөлік және төтенше жағдай саласының мамандары, жедел жәрдем дәрігерлері жұмылдырылды», – деп мәлім етті Қызылорда облыстық полиция департаментінің баспасөз қызметі.
</blockquote>
<img src="https://kyzylorda-news.kz/wp-content/uploads/2019/12/23uiortendi2.jpg" alt="" />

Қызылордада бес қабатты тұрғын үй өртеніп, 73 адам эвакуацияланды

<a href="https://kyzylorda-news.kz/">Kyzylorda-news.kz.</a> 23 желтоқсанда елімізде жел күшейіп, көктайғақ болады, тұман түсіп солтүстік өңірлерде боран соғады, деп хабарлайды Қазгидромет.
<blockquote>
 &nbsp;«23 желтоқсанда Атлант мұхитынан келген циклон әлі күнге дейін республиканың көп бөлігінде өз ықпалын сақтап келеді. Осыған байланысты кей жерлерде қар жауады, тек батыста және оңтүстік-батыста құрғақ ауа массалары жететіндіктен жауын-шашын тоқтайды. Еліміздің кей жерлерінде тұман түсіп, көктайғақ болады, бұрқасын соғуы мүмкін, жел күшейеді», делінген хабарламада.
</blockquote>
Маңғыстау облысында шаңды дауыл күтіледі.
Шығыс Қазақстан облысының кей жерлерінде бұрқасын, тұман, көктайғақ күтіледі, жел 15-20, екпіні 23 м/с күшейеді.
Түркістан, Қарағанды облыстарының кей жерлерінде бұрқасын, тұман, көктайғақ күтіледі, жел 15-20 м/с күшейеді.
Жамбыл облысының кей жерлерінде бұрқасын, тұман, көктайғақ күтіледі, түнде және таңертең жел 15-20 м/с күшейеді.
Ақмола, Қостанай облыстарының кей жерлерінде бұрқасын, тұман күтіледі, Ақмола облысында жел 15-20 м/с күшейеді.
Атырау, Батыс Қазақстан облыстарының күндіз кей жерлерінде жел 15-20 м/с күшейеді, Батыс Қазақстан облысында тұман күтіледі.
Солтүстік Қазақстан, Павлодар облыстарында бұрқасын күтіледі, күндіз Солтүстік Қазақстан, тәүлік бойынша Павлодар облыстарында жел 15-20 м/с күшейеді.
Маңғыстау облысының кей жерлерінде шанды дауыл күтіледі, жел 15-20 м/с күшейеді.
Алматы, Қызылорда, Актөбе облыстарының тұман түседі, Алматы облысында көктайғақ болуы ықтимал.

Дүйсенбіге арналған ауа райы болжамы

1994 жылы&nbsp;Бішкекте Қазақстан Республикасының Елшілігі ресми ашылды. 
1994 жылы&nbsp;Алматыдағы №12 қазақ орта мектебіне Шоқан Уәлихановтың есімі берілді.
1995 жылы&nbsp;Елбасы Н.Ә.Назарбаевтың заң күші бар «Жекешелендіру туралы» Жарлығы жарық көрді.
2002 жылы&nbsp;Қазақстан мен Қытай арасында көршілік қарым-қатынас, достастық және серіктестік туралы Келісімге қол қойылды.
2015 жылы&nbsp;ҚР Сыртқы істер министрлігі қазақ, орыс және ағылшын тілдерінде «Қазақстан – Ұлы Дала елі» мультимедиялық қосымшасын шығарды. Бұл қосымшада көптеген суреттер, роликтер, бейнесюжеттер, біздің тарихымыз, мәдениетіміз туралы ақпараттар бар.

23 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a>. ақпарат агенттігінің 23 желтоқсанға арналған жұлдыз-жорамалы
Тоқты
Жолдарыңыз бен әріптестіріңіз тындырған тірліктеріңізге қатты қуанады. Сіз жаныңыздағы жандардың қолдауын сезінбей жүрсіз, бірақ қолдау мен демеу көп.
Торпақ
Махаббат қызығына бөлену үшін ең оңтайлы күннің бірі. Сүйіктіңізбен уақытты көп өткізгеніңіз абзал.
Егіздер
Туысқандарыңыздың біреуіне сіздің көмегіңіз керек болады. Қолыңыздан келгенше аянып қалмай, көмек көрсетіңіз.
Шаян
Ерлі-зайыпты жандарға бүгін қолайлы күн. Жарыңызбен бірге үйдің көп тірлігін тындыра аласыз.
Арыстан
Егер де ата-анаңызбен арада кикілжің туса, татуласуға өзіңіз бірінші қадам жасаңыз. Олар сізді міндетті түрде кешіреді.
&nbsp;Бикеш
Жүйкеңізді тоздырмағаныңыз абзал, көп ұзамай бәрі өз орнына келеді. Ал әзірше сүйікті кино немесе сериалыңызды көріңіз.
Таразы
Құмар ойындарынан алшақ болыңыз, өйткені жолыңыз болмауы мүмкін. Жақын адамдарыңызға көбірек жылы шырай танытып, әңгіме-дүкен құрыңыз.
Сарышаян
Үйде жөндеу жұмыстарын уақытша тоқтата тұрғаныңыз жөн. Құрал-жабдықтарға аса сақтықпенқараңыз, әйтпесе түрлі «тосын сый» орын алуы мүмкін.
Мерген
Үйіңіздегі қарым-қатынаста қиындықтар тууы мүмкін, сол үшін сабыр сақтаңыз. Әр сөзіңізге абай болып, байыппен жауап беріңіз.
Тауешкі
Сіз араласып жүрген адамыңызбен қатынасыңыздың жойылу қаупі бар. Есесіне жұмысты немесе бизнесті жаңа адаммен сөзсіз бастауға болады.
Суқұйғыш
Сізге өзіңізге қарама-қарсы жыныстағы адам назар аударады. Шашыңыздың түсін басқаша бояп, киім үлгіңізді өзгертуіңіз мүмкін.
Балықтар
Бұл күні аздап қаржылай қиындықтар туады. Керек емес заттарға шығынданудан сақтанғаныңыз абзал. Ақшаңызды қолайлы жеріңізде ұстауға тырысыңыз, әйтпесе оңай жоғалтып алуыңыз мүмкін.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Тышқан жылы елімізде жағымды өзгерістер аз емес. 2020 жылдың басты жағымды жаңалығы көпбалалы отбасыларға табысына қарамастан төленетін жаңа мемлекеттік жәрдемақы болмақ.
Келер жылы қазақстандықтарды қандай өзгерістер күтіп тұр?
<h3 id="">Жаңа жәрдемақы мен атаулы әлеуметтік көмек</h3>
2020 жылдың 1 қаңтарынан бастап еліміздегі барлық көпбалалы отбасыға табысына қарамастан мемлекеттік жәрдемақы төленеді. Ай сайынғы&nbsp; жәрдемақы кәмелетке толмаған төрт және одан көп немесе 23 жасқа дейінгі күндізгі бөлімде оқитын студенттері бар көпбалалы отбасыларға беріледі.
Мемлекеттік жәрдемақы бала санына қарай сараланады:
<ul>
<li>төрт баласы бар отбасыларға –&nbsp; 42 496 теңге;</li>
<li>бес балаға – 53 127 теңге;</li>
<li>алты балаға – 63 757 теңге;</li>
<li>жеті және одан да көп балаларға – 74 388 теңге.</li>
</ul>
Сонымен қатар, жаңа жылдан бастап атаулы әлеуметтік көмекті төлеу жүйесі өзгереді.
Атаулы әлеуметтік көмек бұрынғыдай алты немесе он екі айға емес, тоқсан сайын тағайындалады. Егер отбасының еңбекке жарамды мүшесі мемлекет ұсынған жұмыстан бас тартса, атаулы әлеуметтік көмек бүкіл отбасыға тоқтатылады.
Бұған қоса, атаулы әлеуметтік көмек алып жүрген отбасылардың балаларына кепілдендірілген әлеуметтік пакет беріледі. Яғни, мектеп жасына дейінгі балалар азық-түлік және гигиеналық құралдармен қамтылса, мектеп жасындағыларына тегін ыстық тамақ, мектеп формасы мен оқу-құралдары беріледі, күнделікті мектепке барып-келуге жұмсалатын жол шығыны өтеледі.
<h3 id="-1">Кімдердің жалақысы өседі?</h3>
Қазақстанның еңбек заңнамасы бойынша, елімізде тек ең төменгі жалақының мөлшері ғана реттеледі. Қалғаны – жұмыс берушінің қалауына қарай.
2019 жылдың басынан бері әлеуметтік жауапкершілік аясында 203 мың кәсіпорын 1,2 миллион жұмысшының жалақысын 32%-ке – 46 мың теңгеден 61 мың теңгеге дейін көтерді.
1 шілдеден бюджет қызметкерлерінің айлығы 30%-ке ұлғайды.
Ал 2020 жылдың 1 қаңтарынан мұғалімдердің жалақысы 25%-ке, мәдениет саласы қызметкерлерінің айлығы 35-50%, әлеуметтік сала қызметкерлерінікі 30-60%-ке өседі деп жоспарланып отыр.
<h3 id="-2">Зейнетақы, күнкөріс деңгейі және АЕК</h3>
2020 жылы ең төменгі базалық зейнетақы 800 теңгеге ұлғайып, 16 839 теңгені құрайды.
Биыл ең төменгі зейнетақының мөлшері 36 108 теңге болса, келесі жылы 38 636 теңгеге жетеді. 2020 жылдың басынан қазақстандықтардың зейнетақысы инфляция деңгейіне қарай өседі.
<ul>
<li>ең төменгі күнкөріс деңгейі – &nbsp;31 183 теңге;</li>
<li>ең төменгі жалақы – 42 500 теңге;</li>
<li>айлық есептік көрсеткіш – 2 651 теңге.</li>
</ul>
Жыл сайын айлық есептік көрсеткіштің өсіп отыруына байланысты, мемлекеттен балаларға төленетін жәрдемақы да көбейеді. 2020 жылы 1 АЕК 2 651 теңгеге тең болады.
<h3 id="-3">Бала туғанда берілетін біржолғы жәрдемақы</h3>
Бала туғанда берілетін біржолғы мемлекеттік жәрдемақы республикалық бюджет есебінен жұмыс істейтін және жұмыс істемейтін әйелдерге төленеді.
бірінші, екінші, үшінші балаға – 38 АЕК немесе 100 738 теңге;
төртінші және одан кейінгі балаларға – 63 АЕК немесе 167 013 теңге;
Ал отбасында егіз, үшем, төртем дүниеге келсе, біржолғы мемлекеттік жәрдемақы әр сәбиге жеке төленеді.
<h3 id="-4">Бір жасқа дейінгі ай сайынғы жәрдемақы</h3>
Бір жасқа дейінгі баланың күтіміне байланысты төленетін жәрдемақының мөлшері отбасындағы балалар санына қарай сараланады.
<h3 id="-5">Жұмыс істемейтін әйелдерге:</h3>
<ul>
<li>бірінші балаға – 5,76 АЕК немесе 15 270 теңге;</li>
<li>екінші балаға – 6,81 АЕК немесе 18 054 теңге;</li>
<li>үшінші балаға – 7,85 АЕК немесе 20 811 теңге;</li>
<li>төртінші және одан да көп балаға – 8,90 АЕК немесе 23 594 теңге.</li>
</ul>
Декретке дейін жұмыс істеген әйелдерге бала күтіміне байланысты төленетін ай сайынғы төлем былай есептеледі:
Соңғы 2 жыл ішіндегі жалпы табысты 24 айға бөліп, мемлекет бекіткен 0,4 коэффициентіне көбейтіп, одан шыққан сомадан 10% зейнетақы жарнасын алып тастайсыз.
Мәселен, әйел босанғанға дейін екі жыл ішінде 3 000 000 теңге табыс тапты делік. 
Осы соманы 24 айға бөлеміз: 3 000 000/24= 125 000 теңге. 
125 000 теңге – орташа айлық жалақы. 
125 000*0,4 = 50 000.
50 мың теңгенің 10%, яғни 5 мыңы – ай сайынғы зейнетақы жарнасы. 
Сонда жұмыс істейтін әйел бала күтімі үшін ай сайын 45 000 теңге алып отырады.
<h3 id="-6">Жүктілікке және босануға байланысты төлем</h3>
Жұмыс істейтін әйелдерге жүктілікке және босануға байланысты төленетін біржолғы әлеуметтік төлемнің мөлшері былай есептеледі:
орташа айлық табысты жұмысқа қабілетсіздік күндер санының тиісті коэффициентіне көбейтіп, кейін шыққан сомадан 10 процент зейнетақы жарнасын алып тастайсыз. Коэффициент 4,2-ге тең.
Мысалы, соңғы бір жыл ішінде табысыңыз 1 800 000 теңге болды. Осы соманы он екі айға бөлген кезде, орташа жалақы шығады.
1 800 000/12 = 150 000 теңге;
150 000 теңге * 4,2 = 630 000 теңге;
Осы сомадан 10% зейнетақы жарнасын шегересіз. 630 000 – 63 000 = 567 000 теңге. 
Яғни, жүктілікке және босануға байланысты біржолғы төлем 567 000 теңгеге тең болды.
<h3 id="-7">Көпбалалы аналар</h3>
“Алтын алқа”, “Күміс алқа” алқаларымен марапатталған немесе бұрын “Батыр ана” атағын алған, І және ІІ дәрежелі “Ана даңқы” ордендерімен марапатталған көпбалалы аналарға табысына қарамастан төленетін ай сайынғы жәрдемақы 16 мың теңгеден асады.
<h3 id="-8">Паспорт пен жеке куәлік қымбаттайды</h3>
Келесі жылдан төлқұжат пен жеке куәлік алу қымбаттайды.
<ul>
<li>паспорт алуға мемлекеттік баж салығы – 8 АЕК немесе 21 208 теңге;</li>
<li>жеке куәлік – 0,2 АЕК немесе 530 теңге.</li>
</ul>
Егер азамат жеке куәлікті ауыстыруға уақытылы өтініш бермесе, онда оған 7 АЕК немесе 18 557 теңге айыппұл салынады.
Әдетте құжаттарды алу мерзімі 15 күнге дейін уақыт алады. Десе де қосымша ақы төлеп, құжаттарды жедел алуға болады.
Нұр-Сұлтан, Алматы, Шымкент қалалары үшін:
<ul>
<li>Жеделдіктің бірінші санаты – бір жұмыс күніне дейін – 4 983 теңге;</li>
<li>Жеделдіктің екінші санаты – үш жұмыс күніне дейін – 2 752 теңге.</li>
</ul>
Облыс орталықтары үшін:
<ul>
<li>Жеделдіктің бірінші санаты – үш жұмыс күніне дейін – 4 983 теңге;</li>
<li>Жеделдіктің екінші санаты – бес жұмыс күніне дейін – 2 752 теңге.</li>
</ul>
Облыстардың аудандары мен қалалары үшін:
<ul>
<li>Жеделдіктің үшінші санаты – жеті жұмыс күніне дейін – 1 166 теңге.</li>
</ul>
Ал&nbsp;жүргізуші куәлігін&nbsp;алу үшін мемлекеттік баж салығы – 1,25 АЕК немесе 3 314 теңге.
<h3 id="-9">Стипендия көтеріледі</h3>
Қазақстан президенті Қасым-Жомарт Тоқаев 2020 жылдың 1 қаңтарынан студенттердің шәкіртақысын 25%-ке ұлғайтуды тапсырды. Мемлекет басшысы бұл туралы Жастар жылының жабылу салтанатында мәлімдеген еді.
Келер жылдан бастап студенттердің стипендиясы былай өзгереді:
<ul>
<li>бакалавриатта – 20 949 теңгеден 26 186 теңгеге дейін;</li>
<li>магистратурада – 53 530 теңгеден 66 913 теңгеге дейін;</li>
<li>докторантурада – 81 998 теңгеден 102 498 теңгеге дейін.</li>
</ul>
<h3 id="-10">Міндетті әлеуметтік медициналық сақтандыру</h3>
2020 жылдан бастап елімізде пациенттерді қабылдау мен емдеу жаңаша жүргізіледі. Оған себеп – Қазақстан міндетті әлеуметтік медициналық сақтандыру жүйесіне көшкелі жатыр.
МӘМЖ аясында мемлекет тегін медициналық көмектің кепілдендірілген көлемін сақтайды.
1 қаңтардан бастап жұмыс берушілер мен өзін-өзі жұмыспен қамтушылар медициналық сақтандыру қорына жарна аударуға міндеттеледі:
<ul>
<li>жұмыс берушілер үшін – жалақы қорының 2%-і;</li>
<li>жұмысшылар үшін – еңбекақының 1%-і;</li>
<li>жеке кәсіпкерлер, шаруа қожалықтары, жеке практикамен айналысатын тұлғалар – 1,4 ЕТЖ-нің (ең төменгі жалақы) 5%-і;</li>
<li>азаматтық-құқықтық сипаттағы келісімшартпен жұмыс істейтіндер – табысының 1%-і;</li>
<li>өздігінен төлеушілер – 1 ЕТЖ-нің (ең төменгі жалақы) 5%-і.</li>
</ul>
Ал жеңілдікке ие азаматтардың 15 санатына мемлекет жарнаны қорға өзі аударады.
<h3 id="-11">Кредит берілмейді</h3>
Жаңа жылдан бастап кірісі күнкөріс деңгейінен төмен қазақстандықтарға кепілсіз кредит берілмейді. 2020 жылы ең төменгі күнкөріс деңгейі 31 183 теңгеге тең болады.
Бұған қоса, жұмыссыздар да кредит ала алмайды. Өйткені банктен қарыз алу үшін соңғы 3-12 айдағы ресми табысты көрсету қажет.
Сонымен қатар, банктерге азаматтардың кредит бойынша берешегі 90 күннен асып кеткен жағдайда, комиссия есептеуге тыйым салынды.
<h3 id="-12">Табыс салығынан кімдер босатылады?</h3>
2020 жылдың басынан бастап арнайы салық режимін қолданатын микро және шағын бизнес субъектілері табысқа салынатын салықтан үш жылға босатылады. Бұл президент Қасым-Жомарт Тоқаевтың тапсырмасы.
Алайда бұл өзгеріс жер қойнауын пайдаланушылар, акциздік өнім өндірушілер, ойын бизнесі, сыртқы экономикалық қызмет қатысушыларына қатысты емес.
Бұдан бөлек, шағын және орта бизнеске үш жылға тексеріс жүргізуге мораторий жарияланды. Бірақ бұл тексеріс мүлде жүргізілмейді деген сөз емес.
Кедендік тексеріс, кезікпе салық тексерісі, қылмыстық іс аясында және салық төлеушінің өтініші бойынша өз қызметіне қатысты жүргізіліп жатқан тексерістер қала береді.
<h3 id="-13">Бензин бағасы өседі</h3>
2020 жылдың 1 қаңтарынан бензин акцизі екі есеге дейін көтеріледі – тоннасына 10 500 теңгеден 24 435 теңгеге дейін. Бұл өз кезегінде бензин бағасына әсер етеді.
Бензин бағасы литріне 10 теңгеге өседі. Яғни, бір литр үшін акциз 8 теңгеден 18 теңгеге дейін ұлғаяды. 
<a href="https://sputniknews.kz/spravka/20191219/12322961/2020-Qazaqstan-ozgerister.html">Sputniknews.kz</a>

Жалақы, жәрдемақы және кредит: Қазақстанда 2020 жылдан бастап не өзгереді?

<a href="https://kyzylorda-news.kz/">Kyzylorda-news.kz.</a> Келесі жылдан бастап елімізде мүмкіндігі шектеулі жандар жоғары лауазымды қызметке ие бола алады, деп хабарлады&nbsp;[Елорда Инфо](http:// https://old.elorda.info/kk).
<blockquote>
 «Жаңа жылдан бастап мүгедектігі бар жандарды мемлекеттік органдарға оның ішінде жетекшілік қызметтерге тағайындай бастаймыз. Бұл жөнінде премьер-министрмен келістім. Мысалыға алсақ, егер ол құрылысшы болып, бірақ мүгедектігі болса, демек ол маман деген сөз. Демек ол құрылыс саласына қатысты департамент директоры немесе басқарма басшысы бола ала деген сөз. Мұндай практика бүкіл әлем елдерінде бар. Яғни мүгедектігі бар министр немесе депутат. Осындай кешенді шара арқылы азаматтарымыздың экономикалық белсенділікке тартпақпыз», – деді ҚР Еңбек және халықты қорғау министрі Біржан Нұрымбетов.
</blockquote>

2020 жылдан бастап мүгедек жандар жетекшілік қызметке тағайындалады

<a href="https://kyzylorda-news.kz/">Kyzylorda-news.kz.</a> Ұялы телефондағы түнгі режим ағзаның циркадты ритміне кері әсерін тигізеді. Манчестер университетінің ғалымдары осындай ақпаратпен бөлісті. Олардың зерттеуінің қорытындысы оқу орнының сайтында жарияланған.&nbsp;
Мамандар түнгі режимді қосқан кезде телефон экранында сары түс басым болатынын айтады. Ал бұл адамның биологиялық сағатына зиян келтіреді.&nbsp;
Тышқандармен жүргізілген зерттеу түнгі режимде қолданылатын түстердің күндізгі жарыққа ұқсас екенін көрсетті. Бұл ағза қателесіп, түн мен күнді ауыстырып алуы мүмкін деген сөз. Сондықтан мұндай түстердің пайдасынан гөрі зияны көп болады. Адамның ұйқысы бұзылады.
Ал телефонда әдетте қолданылатын көгілдір түсті спектр ағза үшін әлдеқайда үйреншікті. Ғалымдардың айтуынша, бұл түстің ұйқыға айтарлықтай кері әсері жоқ.&nbsp;
“Негізі, көк түстер қараңғы уақытпен байланыстырылады. Ал ақ пен сары түс, керісінше, күндізгі уақытқа тән”, — дейді зерттеу авторларының бірі Тим Браун.
[SputnikҚазақстан](http:// https://sputniknews.kz/society/20191220/12336026/galymdar-telefon-qauip.html)

Ғалымдар ұялы телефонның қауіпті функциясын анықтады

<a href="https://kyzylorda-news.kz/">Kyzylorda-news.kz.</a> Салық төлеушілер алдағы төлемдерді SMS және PUSH-хабарлама арқылы біле алады, деп хабарлайды Мемлекеттік кірістер комитетінің баспасөз қызметі.
ҚР ҚМ Мемлекеттік кірістер комитеті ақпараттық жүйесінің «жергілікті салықтар» кіші жүйесін әзірледі.
Екінші деңгейдегі банктердің мобильдік қосымшасында «Каспи банк» АҚ және «Халық банк» АҚ алдағы төлемдер сервисі іске асырылды.
Енді осы банктердің мобильді қосымшасын пайдаланушылардың барлығы 2019 жылға көлік құралдарына салынатын салық бойынша салық органы есептеген алдағы төлемдердің сомасын көре алады және осы қосымша арқылы бірден төлем жасай алады.
Алдағы төлемдер бойынша ақпаратты қосымша арқылы пайдаланушыларға SMS және PUSH-хабарлама түрінде жіберіледі.
Хабарламада 2019 жылға көлік құралдарына салынатын салықтың есептелген сомасы туралы ақпарат көрсетілген, оны ағымдағы жылдың 31 желтоқсанына дейін төлеу қажет.
Бұл ретте, есептелген көлік құралдарына салынатын салығы аладғы төлемдер банктердің мобильдік қосымшасындағы алдағы төлемдер сервисінде салық төлеушінің есеп бетінде қалыптасқан төлемін (артық төлемін) есепке ала отырып көрсетілген.
Бұл ретте SMS және PUSH-хабарламаларындағы көлік құралдарына салынатын салық сомалары салық берешегі саналмайтынын хабарлаймыз, сондықтан, аталған көлік құралдарына салынатын салық сомасы ҚР ҚМ Мемлекеттік кірістер комитетінің порталындағы « Есебі мемлекеттік кірістер органдарында жүргізілетін берешегінің жоқ (бар) екендігі туралы мәлімет» сервисінде көрінбейді.
Ескере кетсек, есептеу кезінде көлік құралдарына салынатын салық бойынша алдағы төлемдердің мәліметтерін ҚР Ішкі істер министрлігінің Әкімшілік полиция комитетінен (ІІМ ӘПК) алынды.
Ағымдағы жылдың желтоқсан айына тіркеу есебіне қойылған көлік құралдары бойынша алдағы төлемдер туралы ақпарат ІІМ ӘПК мәліметтерді берілуіне қарай жаңартылады.
Көлік құралдарына салынатын салық салық кезеңінің соңына дейін меншік құқығы сатып алынған айдың 1 күнінен бастап, яғни ағымдағы жылдың соңына дейін не меншік құқығы берілген айдың 1 күніне дейін нақты иелену кезеңі үшін есептеледі. Бұл ретте салық кезеңі ішінде көлік құралына меншік (сату) құқығын берген жағдайда, нақты иелену кезеңі үшін төлеуге жататын сома көлік құралын тіркеу есебінен шығарғанға дейін бюджетке енгізілуге тиіс.
Жеке тұлғалар үшін салықтық рақымшылық жүргізу шеңберінде салық берешегі болған жағдайда жеке тұлғалар ағымдағы жылдың соңына дейін борыштың негізгі сомасын өтеген жағдайда есептелген өсімпұлды есептен шығаруға құқылы екендігін қосымша хабарлаймыз.
Бұл акция 2018 жылғы мүлік салығы мен жер салығы бойынша берешекке қолданылмайды.
Жеке тұлғалар салықты басқа да тәсілдермен төлей алады: екінші деңгейдегі банктер бөлімшелерінде немесе төлем терминалдарында қолма-қол ақша қаражатымен, банкоматтар мен төлем терминалдарында банктік карталар көмегімен немесе ҚР ҚМ МКК сайтында электрондық сервистер көмегімен іске асыра алсыз.
Анықтамалық ақпаратты алу үшін жеке тұлғалар бірыңғай байланыс орталығының 1414 тегін телефон нөмірі бойынша жүгіне алады.
Сонымен қатар салық берешегін мемлекеттік кірістер комитетінің www.kgd.gov.kz ресми сайтының «Салық берешегінің болуы/болмауы туралы мәліметтер» бөлімінде тексеруге болады. Салық төлеуші тек өзінің ЖСН-ін енгізуі қажет. Содан кейін, ол өзінің салық берешегінің деректеріне қол жеткізеді. Есептіліктің барлық папкаларын ашуды ұсынамыз.

Қазақстандықтар төленетін салығын SMS және PUSH-хабарлама арқылы біле алады

<a href="https://kyzylorda-news.kz/">Kyzylorda-news.kz.</a> MDb сайты 2020 жылы жарыққа шығатын көптен күткен фильмер тізімін жариялады, деп хабарлайды <a href="https://24.kz/kz/zha-aly-tar/bylu-manyzdy/item/362306-2020-zhyly-shy-atyn-k-pten-k-tken-filmder-tizimi-zhariyalandy">«Хабар 24»</a>.
Алғашқы үштікте «Жыртқыш құстар», «Кинодағы Соник» және «Топ Ган: Маверик» тұр.
Төртінші және бесінші орындарға «Өлетін уақыт емес» және «Қара жесір» фильмдері жайғасқан. Сондай-ақ тізімде «Мулан», «Ғажайып әйел: 1984», «Дюна», «Патша адамы: Басы», «Форсаж 9» фильмдері бар.

2020 жылы шығатын көптен күткен фильмдер тізімі жарияланды

<a href="https://kyzylorda-news.kz/">Kyzylorda-news.kz.</a> Өткен айдың қорытындысы бойынша жарияланған [FIFA](http:// http://kff.kz/kk/news/22960) рейтингісінде Қазақстан Ұлттық құрамасы 118-орынға жайғасты, деп хабарлайды Қазақстан футбол федерациясы.
Қазақстан құрамасы 2019 жылы ЕУРО-2020 іріктеу турнирінің ойындарына қатысты. Михал Билек командасы 10 ойында 10 ұпай жинады.
FIFA рейтингі:
1. Бельгия – 1765
2. Франция – 1733
3. Бразилия – 1712
4. Англия – 1661
5. Уругвай – 1645
6. Хорватия – 1642
7. Португалия – 1639
8. Испания – 1636
9. Аргентина – 1623
10. Колумбия – 1622
… 38. Ресей – 1470
50. Шотландия – 1422
95. Кипр – 1251
118. Қазақстан – 1155
209. Сан-Марино – 824.

Қазақстан және Қызылорда облысының жаңалықтары