<a href="https://kyzylorda-news.kz/">Kyzylorda-news.kz.</a> 2019 жылы полиция өкілдері интернет-алаяқтықтың 1 мыңнан астам фактісін әшкерелеген, деп хабарлайды <a href="https://baq.kz/news/othernews/internet-alayaqtyq/">BAQ.KZ</a>.&nbsp;
Биыл интернет-алаяқтықтың 7 мыңнан астам фактісі анықталып, оның 1 мыңынан астамы әшкереленді, деп хабарлады Криминалдық полиция департаментінің киберқылмыспен күрес орталығы бастығының орынбасары Рүстем Дүйсетаев.&nbsp;
<blockquote>
 Соңғы бірнеше жылда Интернет желісін пайдалану арқылы жасалған қылмыстар күрт көбейді. Бұл, әсіресе, интернет-алаяқтыққа қатысты. Мысалы, биыл мұндай 7 мың қылмыс тіркеліп, 1 мыңнан көбі әшкереленді. Қылмыстың бұл түрі бойынша 388 адам ұсталды, олардың 160-ы бірнеше интернет-алаяқтық жасаған, – деді Дүйсетаев.
</blockquote>
Оның айтуынша, қылмыстың бұл түрі интернет арқылы жүзеге асатындықтан, ол трансшекаралық сипатқа ие. Яғни, құқық бұзушылар көбіне басқа аймақта немесе елде отырып қылмыс жасайды.&nbsp;
Полиция өкілінің мәліметінше, интернет-алаяқтықты екі түрге бөлуге болады. Біріншісі, қылмыскер әлеуметтік инженерия әдістерін пайдаланып, ақша ұрлайды. Екінші жағдайда, қылмыскерлердің мақсаты – жеке басқа қатысты дербес деректерді қолға түсіру. Яғни, олар түрлі әдістерді қолданып, жеке куәлік пен есеп шоттардағы мәліметтерді, логин мен парольдерді ұрлайды.&nbsp;&nbsp;
Ал ең көп қылмыс тұрғын үй, көлік немесе тауар сату барысында және қызмет көрсету кезінде жасалады. Биыл оның саны 4,5 мыңға жеткен.&nbsp;
<blockquote>
 Мұндай жағдайда алаяқтар сататын затын немесе көрсететін қызметін арзан етіп қояды. Олар тауар үшін ақшаны адамдардан алдын ала төлеуді сұрап, оны электрондық әмиянға немесе банк картасына аударуды өтінеді. Ал бұл банк карталары көбіне үшінші тұлғаларға тіркелген болып шығады, – деді орталық орынбасары.&nbsp;
</blockquote>
Рүстем Дүйсетаевтың сөзінше, 2019 жылы Алматыда “Колеса” сайтына көлік сату туралы хабарландыру орналастырған екі алаяқ ұсталды.&nbsp;
<blockquote>
 Олар алдын ала төлем алғаннан кейін өздерінің абонент нөмірлерін өшіріп тастап отырған. Қазіргі кезде олардың 30 фактіге қатысы бар екені дәлелденді. Енді бұл екі азаматтың басқа да қылмысқа осындай қылмысқа қатысы анықталып жатыр, – деді Рүстем Дүйсетаев.
</blockquote>

ІІМ интернет-алаяқтықтың ең кең таралған түрін атады

<a href="https://kyzylorda-news.kz/">Kyzylorda-news.kz.</a> Атырау қаласында орналасқан «Тенгиз-Шевройл» ЖШС-на түрлі мамандықтар бойынша жұмысқа орналастырып беремін деп бірнеше қала тұрғындарын алдап, алаяқтық жолмен ақшаларын иемденген қызылордалық ұсталды.
<blockquote>
 «Оның жәбірленушілерге келтірілген жалпы шығын көлемі 3&nbsp;454&nbsp;200 тенгені құрады. Жедел-іздестіру шараларының нәтижесінде Қызылорда қаласының 34 жастағы тұрғыны тұтқындалып, кінәсін толығымен мойындады. Қызылорда қалалық сотының үкімі негізінде айыпталушыға 2 жыл мерзімге бас бостандығынан айыру жазасы тағайындалды. Сонымен қатар, сот жәбірленушіге келтірілген шығынды заңмен белгіленген тәртіппен өтеуді міндеттеді», – деп хабарлады облыстық Полиция департаментінің бапсасөз қызметі.
</blockquote>

«Тенгиз-Шевройлға» жұмысқа тұрғызамын деп миллиондаған ақша жымқырған қызылордалық ұсталды

<a href="https://kyzylorda-news.kz/">Kyzylorda-news.kz.</a> 31 желтоқсан – 2019 жылғы көлік салығын төлейтін соңғы күн. Үлгермеген жағдайда, өсімпұл төлеуге тура келеді.
Жеке тұлғалар көлік салығын көлікті тіркеу, қайта тіркеу кезінде және жол полициясы органдарында көлік құралдарын есептен шығару кезінде не әр есептік жылдың 31 желтоқсанына (қоса алғанда) дейін төлеуі тиіс.
Салықты төлем терминалы,&nbsp;egov.kz&nbsp;порталы, интернет-банкинг жүйесі не кез келген банк бөлімшесінде, сонымен бірге “Қазпошта” АҚ-ның бөлімшелері мен Мемлекеттік кірістер басқармасының аймақтық кассаларында төлеуге болады. Ол үшін көлік құралының VIN-коды мен автокөлік иесінің ЖСН-ін білу қажет.
Егер сақтандыру арқылы өзгенің көлігін тізгіндеп жүрген жағдайда көлік пен оның қожайыны тіркелген ауданды да білу қажет болады.
Салық сомасы қалай есептеледі?
Салық көлемін білу үшін Қаржы министрлігі&nbsp;Мемлекеттік кірістер комитетінің&nbsp;сайтында не&nbsp;egov.kz&nbsp;порталында орналасқан салық есептегішінің көмегіне жүгінуге болады. Соңғысы бірден төлем жасауға мүмкіндік береді.
Салық сомасы көлік қозғалтқышының көлеміне қарай есептеледі:
<ul>
<li>1,1 мың см3-ге дейін – 1 АЕК;</li>
<li>1,5 мың см3-ге дейін – 2 АЕК;</li>
<li>2 мың см3-ге дейін – 3 АЕК;</li>
<li>2,5 мың см3-ге дейін – 6 АЕК;</li>
<li>3 мың см3-ге дейін – 9 АЕК;</li>
<li>4 мың см3-ге дейін – 15 АЕК;</li>
<li>4 мың см3-тен жоғары – 117 АЕК.</li>
</ul>
2019 жылы 1 АЕК – 2525 теңге.
Егер автокөлік жыл ішінде сатып алынған болса, онда салық толық бір жыл үшін емес, тек техникаға іс жүзінде иелік ету мерзіміне төленеді.
Көлік салығынан кім&nbsp;босатылады?
<ul>
<li>Ұлы Отан соғысының қатысушылары мен мүгедектері және жеңілдіктер мен кепілдіктер бойынша оларға теңестірілген адамдар;</li>
<li>Ұлы Отан соғысы жылдарында тылдағы қажырлы еңбегі және мінсіз әскери қызметі үшін бұрынғы КСРО ордендерімен және медальдерімен марапатталған адамдар;</li>
<li>1941 жылғы 22 маусым – 1945 жылғы 9 мамыр аралығында кемінде алты ай жұмыс істеген (әскери қызмет өткерген) және Ұлы Отан соғысы жылдарында тылдағы жанқиярлық еңбегі мен мінсіз әскери қызметі үшін бұрынғы КСРО ордендерімен және медальдерімен марапатталмаған адамдар;</li>
<li>Кеңес Одағының батырлары мен Социалистік Еңбек Ерлері, “Халық қаһарманы”, “Қазақстанның Еңбек Ері” атақтарына ие болған, Даңқ орденінің үш дәрежесімен және “Отан” орденімен марапатталған адамдар;</li>
<li>“Батыр Ана” атағына ие болған немесе “Алтын алқа” немесе “Күміс алқамен” марапатталған көп балалы аналар;</li>
<li>мүгедектер.</li>
</ul>
Бұл санатқа жататын көлік иелері бір жыл ішінде тұрғылықты жері бойынша орналасқан мемлекеттік кірістер басқармасына жеңілдік алу құқығын растайтын құжаттардың түпнұсқасы мен көшірмелерін өткізу керек.
<a href="https://informburo.kz/kaz/klk-salyyn-alay-tleuge-bolady.html">Informburo</a>

Көлік салығын қалай төлеуге болады?

<a href="https://kyzylorda-news.kz/">Kyzylorda-news.kz.</a> Арал ауданына қарасты Шөмішкөл елді мекенінде жаңа медициналық бекет пайдалануға берілді.
Нысанның ашылу салтанатына аудан әкімі Мұхтар Оразбаев қатысып, тұрғындарды жаңа ғимараттың ашылуымен құттықтады. Аудан басшысы өз сөзінде аудандағы денсаулық сақтау саласындағы жетістіктерге тоқталып, медициналық бекет халықтың дертіне шипа табатын жайлы орталық болуына тілектестігін білдірді.
Одан соң ауылдық ардагерлер кеңесінің төрағасы Серік Айтуғанов сөз алып, тұрғындардың қажеттілігіне сәйкес жаңа ғимараттың салынуына атсалысқан азаматтарға ризашылығын білдіріп, ақ батасын берді.
Тұрғындарға дәрігерлік көмек түрлері бұрын ескі ғимаратта көрсетіліп келген болса, алдағы уақытта медициналық қызметтер мен тиісті ем-дом жасау шаралары жаңа орталықта жүргізілетін болады.
Заманауи талапқа сай салынған медициналық бекетте қабылдау бөлмесі, балаларды қарау бөлмесі, егу және екпе бөлмесі, медициналық қалдықтарды сақтау бөлмелері қарастырылған.
<img src="https://kyzylorda-news.kz/wp-content/uploads/2019/12/24aralmed2.jpg" alt="" />
<img src="https://kyzylorda-news.kz/wp-content/uploads/2019/12/24aralmed3.jpg" alt="" />

Арал ауданында медициналық бекет пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> ҚР Кәсіподақ федерациясының өкілдері «Педагог мәртебесі туралы» заң жобасына қатысты пікір білдірді, деп хабарлайды <a href="https://www.inform.kz/kz/pedagog-martebesi-ustazdardyn-aptalyk-zhumys-zhuktemesi-kyskarady_a3597510?fbclid=IwAR1uVz40MgsJ-vvwrVgJtGt8I9UDlEwjJMG4JVO7t1OQmU3PRHHQ327BsPA">ҚазАқпарат</a>.
<blockquote>
 «Ұсыныстарымыздың көбі заң жобасына енгізілді. Біз өз ұсынысымызда ұстаздардың оқу жүктемесін азайту мәселесін көтердік. Жоба бойынша, орта мектептерде ұстаздардың бір апталық оқу жүктемесі 18 сағаттан 16 сағатқа азайды. Ұстаздардың кәсібі жұмысына араласпау туралы, ұстаздарды көптеген тексерістерден, қағазбастылықтан босату туралы ұсыныс айттық. Мектепте жұмыс істейтін магистр дәрежесі бар ұстаздарға 10 айлық есептік көрсеткіш көлемінде қосымша төлемақы төлеуге ұсыныстар айттық», – дейді Қазақстан білім және ғылым саласы қызметкерлерінің кәсіподақ ұйымы төрағасының орынбасары Айгүл Мұқашева Орталық коммуникациялар қызметінде өткен брифингте.
</blockquote>

«Педагог мәртебесі»: Ұстаздардың апталық жұмыс жүктемесі қысқарады

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>ҚР Экология, геология және табиғи ресурстар министрі Мағзұм Мырзағалиев сексеуілді сақтап қалу мәселесі өзекті екенін мәлім етті, деп хабарлайды <a href="https://www.inform.kz/kz/magzum-myrzagaliev-sekseuil-kauap-pisiretin-agash-emes_a3597781">ҚазАқпарат</a>.
<blockquote>
 &nbsp;«Сексеуілді сақтап қалу мәселесіне ерекше тоқталғым келеді. Әлем бойынша сексеуілдің негізгі бөлігі біздің жерде өсетіндіктен, оны ұрпаққа аманат ету ісінің маңызы зор», – деді министр ОКҚ-да өткен баспасөз мәслихатында.
</blockquote>
Министр 2023 жылға дейін сексеуілдің барлық түрін шабуға тыйым салынғанын еске салды. 2017 жылдан бастап республиканың сауда нүктелерінде сексеуілді сатуға шектеу қойылған.
<blockquote>
 «Бұл іске басымдық беруіміз керек. Оның негізгі екі себебі бар: біріншісі – даланың шөлге айналып кетпеуімен күрес. Екіншісі, топырақтың тұзданып кетуінің алдын алу керек. Сол себепті, сексеуілді сақтап қалу үшін жеке бағдарлама даярладық. Осы ретте мейрамханалар мен дәмханалардың иелерін сексеуілді жақпауға шақырамын. Себебі, ол – ұлттық құндылығымыз. Өкінішке қарай, ол қасиетті ағашты брендіміз деп білмей, кәуап пысыруға пайдаланатындар бар. Бұл мәселеге келгенде түпкілікті ой-пайымдарымызды өзгертуіміз керек», – деді ол.
</blockquote>

Министр: 2023 жылға дейін сексеуілдің барлық түрін шабуға тыйым салынған

<a href="https://kyzylorda-news.kz/">Kyzylorda-news.kz.</a> Президент шыршасына бүкіл облыстан оқу озаттары, аз қамтылған және көп балалы отбасылардың балалары мен «Атамекен» балалар ауылының тәрбиеленушілері қатысты. Шыршаға барлығы 200 бала шақырылған.
Аудандардан арнайы келген 110 бала үшін ертеңгіліктер ұйымдастырылып, мерекелік дастархан жайылды.
Шарада облыс әкімі Қ.Ысқақов Мемлекет басшысының бүлдіршіндерге арналған жаңажылдық құттықтауын жеткізді.
<blockquote>
 «Осы сәтте өздеріңіздей Сыр елінің дарынды да талантты, өнегелі де өнерлі бүлдіршіндеріне Мемлекет басшысы Қасым-Жомарт Кемелұлы Тоқаевтың жаңажылдық құттықтауын жеткізіп отырғаныма қуаныштымын. Бүгін Сіздер ерекше бір әлемге еніп, ертегілердің түрлі кейіпкерлерімен кездесіп, ойын-сауық құрып, шат-шадыман күй кешесіздер. Осындай сән-салтанаты жарасқан Жаңа жылдық мерекемен Сіздерді шын жүректен құттықтаймын! Сіздер «Қазақстан» деп мақтаныш сезіммен айта аталатын Тәуелсіз Елде дүниеге келген бақытты ұрпақсыздар! Қасиетті Сыр өңірін әлемге танытып, өсіп-өркендеуіне аянбай үлес қосатын, азамат болып өсетіндеріңізге сенемін»,- деді облыс әкімі.
</blockquote>
Іс-шара соңында мерекелік концерт ұйымдастырылып, балаларға Абай Құнанбаевтың «Қара сөздері» кітабы, Президенттің құттықтау хаты, «Bilimbook» шағын сенсорлы экранды планшеті, ойыншықтар мен тәттілер таратылды.
<img src="https://kyzylorda-news.kz/wp-content/uploads/2019/12/24shyrsha2.jpg" alt="" />
<img src="https://kyzylorda-news.kz/wp-content/uploads/2019/12/24shyrsha3.jpg" alt="" />
<img src="https://kyzylorda-news.kz/wp-content/uploads/2019/12/24shyrsha4.jpg" alt="" />

Қызылордада Президент шыршасы өтті (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қ.Ысқақовтың қатысуымен мемлекет және қоғам қайраткері Сейілбек Шаухаманұлының 80 жылдығына арналған «Қарымды қайраткер. Талантты тұлға. Абыз ақсақал» тақырыбында облыстық ғылыми-танымдық конференцияға ұйымдастырылды.
Еліміз өз тәуелсіздігін алғаннан кейін Сыр өңірінің алғашқы әкімі болған мемлекет және қоғам қайраткері Сейілбек Шаухамановтың 80 жылдығына орай еске алу мақсатында туған жері Жаңақорған мен Шиелі аудандарында шаралар ұйымдастырылып, облыс орталығында облыстық ғылыми-танымдық конференциямен жалғасты.
Конференцияда аймақ басшысы Қызылорда облысының дамуына ерекше еңбек сіңірген тұлға, асыл азамат, көрнекті қайраткер Сейілбек Шаухамановты еске алып, сөз сөйледі.
<blockquote>
 «Сейілбек Шаухаманұлы тек ірі деңгейдегі басшы, мемлекет қайраткері ғана емес, ұлт жоқшысы да бола білген қабырғалы қайраткер. Ғибратты ғұмыр иесі Сыр елінің өркендеуіне, жас ұрпақты елжандылыққа тәрбиелеуге зор үлес қосып, өзі ғана емес, ардагерлерді де осыған жұмылдырып, қоғамдық жұмыстарға белсене араласқан еді. Сейілбек Шаухаманұлы еңбек жолын қатардағы инженерден бастап облыстың бірінші басшысына дейінгі жауапты қызметтерді абыроймен атқарған тау тұлға. Бүгінгі мәртебелі жиында Сыр елінің кемеңгер ұлы, қажырлы қайраткер Сейілбек Шаухаманұлының тұлғалық тұрпаты, болымды болмысының сан қырлары кеңінен ашылып айтылады деп сенемін», – деді облыс әкімі Қ.Ысқақов.
</blockquote>
Сонымен қатар, шараға республикалық «Ардагерлер ұйымы» қоғамдық бірлестігі төрағасының бірінші орынбасары, тарих ғылымдарының докторы, профессор Өмірзақ Озғанбаев, Сейілбек Шаухаманұлымен қатар жүріп, қызметтес болған замандастары, облыс ардагерлері, жұбайы Жұпаргүл Сматқызы және балалары, қалалық, аудандық ардагарлер кеңестерінің төрағалары, сала басшылары, кәсіпкерлер қатысып, көрнекті тұлға туралы естеліктерімен бөлісті.
<img src="https://kyzylorda-news.kz/wp-content/uploads/2019/12/24shaukhamanov2.jpg" alt="" />
<img src="https://kyzylorda-news.kz/wp-content/uploads/2019/12/24shaukhamanov3.jpg" alt="" />
<img src="https://kyzylorda-news.kz/wp-content/uploads/2019/12/24shaukhamanov4.jpg" alt="" />
<img src="https://kyzylorda-news.kz/wp-content/uploads/2019/12/24shaukhamanov5.jpg" alt="" />

Қызылордада мемлекет және қоғам қайраткері Сейілбек Шаухамановты еске алуға арналған конференция өтті (ФОТО)

<a href="https://kyzylorda-news.kz/">Kyzylorda-news.kz.</a> Қазақстан Республикасы мәслихаттарының құрылғанына биыл ширек ғасыр болды. Мәслихат – халық пен билік арасын берік жалғап, әлеуметтік бағыттағы жұмыстарды келісе атқаруға арналған ашық алаңға айналды. Бүгін тарихи датаға орай аудан әкімдігінің мәжіліс залында салтанатты жиын өткізіліп, табысты еңбек еткен халық қалаулылары мен бірқатар азаматтарға құрмет көрсетілді.
Басқосуда аудан әкімі Мұрат Ергешбаев алдымен көпшілікке Әйтеке би кентінің әкімі болып жаңадан тағайындалған Қайрақбай Орынбасаровты таныстырды.
Мұнан соң жиынға қатысушыларды Қазақстан Республикасы мәслихаттарына 25 жыл толуымен құттықтады.
<blockquote>
 «Ел тағдыры жолында қандайда бір маңызды қызмет болмасын оның өмірлік өлшемі, жеткен жетістігі таразыға түсіп отыратын кезең болады. Бүгін біз тағы бір айтулы белестің куәсі болып отырмыз. Бұл – Қазақстан Республикасының жергілікті өкілетті органдары – мәслихаттарға 25 жыл толып отыр. Мәслихат құзыретіне заңмен жатқызылған міндеттерді талап деңгейінде орындай отырып, халықтың сенімі мен үмітін адал ақтауда және елдің әлеуметтік-экономикалық, саяси тұрғыдан жан-жақты дамуы жолында қоғамды барынша жұмылдыруда халық қалаулылары беделді күшке айналды. Әрине, халықтың өзі сенім білдіріп, аманат артқан көптеген депутат бүгінде халықтың сыйлы азаматтары. Нағыз халық қалаулысына айналу оңай емес, бұл – елге деген шексіз мейірім, білім мен тәжірибе, іскерлік қабілетпен келетін абырой», – деген Мұрат Нәлхожаұлы ауданның әлеуметтік-экономикалық дамуына қосқан үлестері үшін барлық шақырылым депутаттарына ризашылығын білдірді.
</blockquote>
Салтанатты шарада Қазақстан Республикасы мәслихаттарына 25 жыл толуына орай бірқатар депутаттар мен азаматтар Қазақстан Республикасы Парламенті Сенатының «Құрмет Грамотасымен», Қазақстан Халқы Ассамблеясының, Қазақстан Республикасы Парламенті Сенаты төрағасының, облыс әкімінің, облыстық мәслихат хатшысының, аудан әкімінің «Алғыс хаттарымен» марапатталды. Марапаттарды аудан әкімі Мұрат Ергешбаев пен аудандық мәслихаттың хатшысы Күнтілес Назымбеков тапсырды.
Аудандық мәслихат депутаттарының ширек ғасырда атқарған жұмыстары туралы аудандық мәслихат хатшысы Күнтілес Назымбеков айтып берсе, облыстық мәслихат депутаты Ібайдулла Тілеп пен «Сыр маржаны» ЖШС директорының орынбасары Талайлы Бөріқұлақов мерекелік құттықтауларын жеткізді.
<img src="https://kyzylorda-news.kz/wp-content/uploads/2019/12/24kazalymaslikhat2.jpg" alt="" />
<img src="https://kyzylorda-news.kz/wp-content/uploads/2019/12/24kazalymaslikhat3.jpg" alt="" />
<img src="https://kyzylorda-news.kz/wp-content/uploads/2019/12/24kazalymaslikhat4.jpg" alt="" />

Мәслихат мерейтойы: Қазалыда депутаттар марапатталды (ФОТО)

<a href="https://kyzylorda-news.kz/">Kyzylorda-news.kz.</a> Биыл Байқоңыр қалалық пробация қызметі бөлімімен пробациялық бақылауға алынған 11 сотталушының жаза өтеу тәртібін орындамағаны үшін&nbsp; жазалары бас бостандығынан айыру жазасымен ауыстырылған. Бұл туралы Байқоңыр қалалық пробация қызметі бөлімі мәлімдеді.
Мәселен, Байқоңыр қалалық сотында Қарағанды облысы &nbsp;Жезқазған қалалық сотының үкімімен Қазақстан Республикасы ҚК-тің 106-бабының 1-бөлігі бойынша 3 жыл мерзімге бас бостандығын шектеу жазасы тағайындалып, пробациялық бақылау белгіленген сотталушының жаза өтеу тәртібін қаскөйлікпен бұзған дерегі қаралған.
<blockquote>
 «Жаза өтеу тәртібін қаскөйлікпен бұзушылық деп сотталушының пробация қызметіне хабарламай әкімшілік аумақтан шығуы, өзімен тәрбие жұмысын жүргізу үшін және тіркелуге бірнеше рет келмеуі, қылмыстық құқық бұзушылық жасауы, қоғамдық тәртіп пен имандылыққа қол сұғатын әкімшілік құқық бұзушылық жасауы танылады. Осыған орай, сотталушының бас бостандығын шектеу жазасының өтелмеген бөлігі нақ сол мерзімге бас бостандығынан айыру жазасына ауыстырылды. Сотпен жүктелген міндеттерді орындау және жаза өтеу шарттарын сақтау әр сотталушының міндеті болып табылады. Егер, бұл талаптар орындалмаған жағдайда, заң талаптарына сәйкес қатаң шаралар қолданылатындығын ескерген жөн», – дейді Байқоңыр қалалық пробация қызметі бөлімінің бастығы, әділет капитаны А.Танбаев.
</blockquote>

Байқоңырда пробациялық бақылаудағы сотталушылардың құқық бұзуы көбейген

<a href="https://kyzylorda-news.kz/">Kyzylorda-news.kz.</a> Қызылорда облысы бойынша 151 дәрігер маман жетіспейді. Бұл туралы Өңірлік комуникациялар орталығында өткен баспасөз конференциясында Қызылорда облыстық денсаулық сақтау басқармасы басшысының орынбасары Олжас Ысқақов айтты.
Өткен жылдың дәл осы кезеңінде аймақта 205 дәрігер маман жетіспейтіндігі анықталған. Қазіргі таңда бұл көрсеткіш 151-ге төмендеді.
<blockquote>
 «Біз бала күтіміне байланысты демалыста отырған мамандарды есептеп отырған жоқпыз. Ең алдымен аймақтық дәрігерлер жетіспейді. Сыр өңірінде тар буынды мамандардың жеткіліксіздігі орын алуда. Былтырғы жылы реаниматолог дәрігерлер жоқтың қасы болатын. Осы мәселені жою мақсатында облыс әкімінің гранты бөлініп, мамандар даярланды. Қазіргі таңда олардың алғашқы легі де өз туған жерлерінде жұмыс жасауда. Нақтырақ айтсақ,&nbsp; 15 реаниматолог дәрігер өз жұмыстарына кірісті», – дейді Олжас Ысқақов.
</blockquote>
Басқарма басшысы орынбасарының айтуынша, былтырғы жылдан бастап арнайы бакалавр мамандығы бойынша дәрігерлер оқытылуда. Былтыр 30 адам, биыл 40 адам оқуға түскен.
Сонымен қатар биыл 73 дәрігер маман оқуларын аяқтап, олардың 43-і ауыл-аймаққа жіберілген.
<blockquote>
 «Қазіргі таңда аудан мен ауылдарда аймақтық дәрігерлер біршама қамтылды. Ауылдардың дәрігерлермен қамтылу көрсеткіш 80 пайыздан жоғары. Ал облыс орталығында дәрігерлердің жетіспеушілігі байқалады», – дейді Олжас Ысқақов.
</blockquote>
Дәрігер мамандардың жетіспеушілігін сезініп отырған медициналық ұйымның бірі №3 қалалық емхана. Бұл медициналық ұйымда 37 участке бар болса, онда 20-дан аса жалпы практикалық дәрігер халыққа қызмет көрсетуде.
<blockquote>
 «№3&nbsp; емханада 11 дәрігер бала күтімімен үйінде отыр. Олардың жұмысқа шыққысы жоқ. Олар да өз құқықтарын сақтап баланың жанында үш жасқа дейін отыруды ұйғарған. Дәрігерлердің жұмысқа шығуға ынтасының болмауына келушілермен болатын түсініспеушіліктер, олардың тарапынан айтылатын сын ескертпелер әсер етіп отыр. Мен олардың құқығын таптап, орнына басқа маман ала алмаймын», ­- дейді №3 қалалық емхананың бас дәрігері Гүлстан Мақсұтова.
</blockquote>
Орайы келгенде басқарма басшысының орынбасары Олжас Ысқақов та халықтың дәрігерлерге қолдау білдіруі қажет екенін айтып қалды.
<blockquote>
 «Халықтың бірінші кездесетіні аймақтық дәрігерлер. Сондықтан да сын ескертпелерді де еститін, келушілерден сөз еститіндер де сол мамандар», – дейді ол.
</blockquote>
№3 емхананың бас дәрігер маман тапшылығын барынша оңтайлы шешіп жатқанын да атап өтті.
<blockquote>
 «Емханаға келушілер елеусіз қалып, дәрігердің қабылдауына кіре алмай қалып жатқан жоқ. Келушілерден келіп түсетін шағымның басым бөлігі олар үнемі бір дәрігердің қадағалауында болуды қалайды», – дейді Гүлстан Мақсұтова.
</blockquote>
<a href="https://kyzylorda-news.kz/kogam/qyzylordada-obyrdyng-alghashqy-satylaryn-anyqtaw-koersetkishi-artyp-keledi-37789/">Айта кетейік,</a> бұған дейін облыстағы обыр дертінің көрсеткіші туралы хабарлаған болатынбыз.
Динара МАХАНОВА
<img src="https://kyzylorda-news.kz/wp-content/uploads/2019/12/24densaulyk2.jpg" alt="" />

Қызылордада дәрігерлер жетіспейді: №3 емхананың бала күтімінде отырған 11 дәрігері жұмысқа неге шыққысы келмейді?

<a href="https://kyzylorda-news.kz/">Kyzylorda-news.kz.</a> Әлемде жүрек-қан тамырлары сырқаты алғашқы орында тұр. Қызылорда облысында да бұл дертке шалдыққандардың саны азайған емес. Тиісінше, аталған ауру бірінші орында. Сырқаттың алдын алу мақсатында атқарылып жатқан жұмыстар аз емес. Мәселен, жуырда ғана аймаққа жүрек-қан тамырларының алдын алуға септігін тигізетін «Ангиограф» аппараты әкелінген болатын.
Айта кетейік, мұндай құрылғының бір данасы облыстық көпбейінді ауруханасында бар. Дегенмен жалғыз аппарат халықтың сұранысын толық қанағаттандыра алмайды. Бұл туралы Өңірлік коммуникациялар орталығында өткен баспасөз конференциясында облыстық денсаулық сақтау басқармасы басшысының орынбасары Олжас Ысқақов айтып берді.
Бүгінде облыстық денсаулық сақтау басқармасының бұйрығымен жүрек-қан тамырлары аурулары бойынша қауіпті аурулар жүрек ауруларымен ауырған, инсульт немесе инфаркт алған науқастарды қосымша тексеру, жүректің бір тәуліктік қан қысымын өлшеу, мойынтұсты зерттеу арқылы бас ми тартысының алдын алуға жұмыс жасалуда. Қазіргі таңда бұл мақсатты топ бойынша аймақта 21 мыңнан астам науқас тіркелген. Бұл сырқат бойынша жыл сайын науқастардың саны артып келеді.
<blockquote>
 «Өздеріңізге белгілі, жүрек-қан тамырлары аурушаңдығы әлем бойынша алдыңғы орында. Тиісінше, бұл сырқат Қызылорда облысында да бірінші орында тұр. Бұл дерт бойынша жыл санап анықталу көрсеткіші жоғарылаған сайын, сырқатанушылардың да саны көбеюде. Дегенмен өлім жітім саны азайған», – дейді Олжас Ысқақов.
</blockquote>
Аталған сырқаттың алдын алу мақсатында биыл мемлекеттік жекешелік әріптестік аясында Қазалы аудандық ауруханасына «Ангиограф» аппараты қойылды. Сонымен қатар мұндай құрал жабдық облыстық көпбейінді ауруханаға да қосымша алынды.
<blockquote>
 «Осы уақытқа дейін облыста жүрек-қан тамырларының өткізгіштігін тексеретін бір ғана құрылғы болатын. Біріккен ұлттар денсаулық сақтау ұйымының&nbsp; мәліметі бойынша 250 мың халыққа бір «Ангиограф» құрылғысы болуы қажет деп есептелінеді. Бұған дейін аймақта халыққа бір бір құрылғы қызмет етсе, қазіргі таңда үш ангиограф бар. Оның бірі Қазалы аудандық ауруханасына қойылды. Арал, Қазалы және Қармақшы ауданының тұрғындары осы құрылғының көмегіне жүгіне алады. Ал қалған екі құрылғы облыс орталығындағы көпбейінді ауруханада орналасқан. Сонымен қатар бұл ауруханаға тағы бір жаңа томографиялық аппарат алынды. Бүгінгі күні бұл орталықта екі томографиялық аппарат жұмыс жасауда», – дейді аймақтағы бас дәрігердің орынбасары.
</blockquote>
Ал онкологиялық аурушаңдық деңгейі өткен жылмен салыстырғанда айтарлықтай өзгеріс жоқ. Қазіргі таңда аймақта 4200-ден астам адам осы сырқатпен тіркеуге алынған.
<blockquote>
 «Онкологиялық дерт бойынша соңғы уақытта қуантарлық жағдай, бүгінде бұл сырқаттың бірінші, екінші сатысын анықтау көрсеткіші 6,9 пайызға жоғарылаған. Яғни, аурушаңдық деңгейін ерте анықтау көрсеткіші көбейіп, науқастың өмір сүру жасын ұзартуға мүмкіндік туып отыр. Осыған сәйкес сырқаттың кеш сатысын анықтау төмендеді. Осыған орай аталған дерт бойынша өлім жітім көрсеткіші де азайған», – дейді Олжас Ысқақов.
</blockquote>
Оның айтуынша, онкологиялық дертке шалдыққандардың өмір сүру ұзақтығы 5 жыл деп көрсетілсе, қазіргі таңда сырқатты ерте анықтау нәтижесінде 5 жылдан аса өмір сүруге қол жеткізілген.
Баспасөз конференциясында обыр дертіне берілетін тегін дәрі-дәрмек мәселесі де сөз болды. Олжас Ысқақовтың айтуынша, бүгінде дәріге мұқтаждық жоқ. Жыл басында 4,5 млрд теңгеге дәрі-дәрмек сатып алынған.&nbsp;
<a href="https://kyzylorda-news.kz/kogam/qyzylordada-bir-zhasqa-dejingi-naerestelerding-shetinew-deregi-koep-37760/">Айта кетейік,</a> бұған дейін облыста бір жасқа дейінгі нәрестелердің шетінеу дерегі азаймай тұрғанын хабарлаған болатынбыз.
Динара МАХАНОВА
<img src="https://kyzylorda-news.kz/wp-content/uploads/2019/12/24obyr2.jpg" alt="" />

Қазақстан және Қызылорда облысының жаңалықтары