<a href="https://kyzylorda-news.kz/">Kyzylorda-news.kz.</a> Президент 28 желтоқсанды жалпыұлттық аза тұту күні деп жариялады. Бұл туралы президенттің баспасөз хатшысы Берік Уәли&nbsp;<a href="https://www.facebook.com/profile.php?id=100003403233694">Facebook</a>-тегі парақшасында жазды.&nbsp;
<blockquote>
 «Президент Қасым-Жомарт Тоқаев Алматы маңында ұшақ апатынан адамдардың қаза болуына байланысты 2019 жылдың 28 желтоқсанын жалпыұлттық аза тұту күні деп жариялады», – делінген хабарламада.
</blockquote>

28 желтоқсан – жалпыұлттық аза тұту күні деп жариялады

<a href="https://kyzylorda-news.kz/">Kyzylorda-news.kz.</a> Алматы маңында&nbsp;Fokker 100 әуе кемесінің апатқа ұшырауына байланысты қазақстандық Bek Air әуекомпаниясының қызметі оқиғаның мән-жайы анықталғанға дейін тоқтатылды. Бұл туралы еліміздің Индустрия және инфрақұрылымдық даму министрлігінің баспасөз қызметі мәлімдеді.
<blockquote>
 “Әуе кемесінің ұшуға жарамдылығы сертификаты 2019 жылы мамырда берілді. Борттың шығарылған мерзімі – 1996 жылдың сәуір айы. Қазақстандық тізілімге 2016 жылғы 26 тамызда тіркелді (куәлік нөмірі 940). Bek air әуекомпаниясында 9 ұшақ тіркелген. Оқиғаның&nbsp;анық-қанығы жағдайлары мен себептері анықталады. Қазіргі уақытта пайдаланушы сертификатын және Bek air авиакомпаниясының ұшу жарамдылығын Қазақстанның авиациялық әкімшілігі тоқтатты”, – делінген хабарламада.
</blockquote>
Бүгін&nbsp;сағат 07:22-де Bek Air әуе компаниясының № Z2100 Алматы – Нұр-Сұлтан бағытындағы рейсі ұшу кезінде биіктікті жоғалтып, бетон қоршауға соғылған. Нәтижесінде екі қабатты ғимаратпен соқтығысқан. Бірден құтқару жұмыстары басталды, өрт шыққан жоқ.&nbsp;
Қаза тапқандардың саны – 15.&nbsp;Премьер-министрдің тапсырмасымен Үкімет комиссиясы құрылды, оны вице-премьер басқарады. Комиссия құрамына индустрия және инфрақұрылымды дамыту министрі және басқа мемлекеттік органдардың өкілдері кіреді. Комиссия оқиға орнына барады. Оқиғаның нақты мән-жайы мен себептері анықталады. Апат жағдайлары анықталғанға дейін осы типтегі әуе рейстері уақытша тоқтатылады.&nbsp;
<a href="https://kyzylorda-news.kz/kogam/almatyda-ushaq-apatqa-ushyrap-9-adam-qaza-tapty-video-38480/">Еске салайық,</a> бүгін таңда Алматыдан елордаға ұшып шыққан&nbsp;Bek Air ұшағы биіктік жоғалтып, әуежайдан ұшып шыққан бетте&nbsp;құлаған.&nbsp;Бортта 93 жолаушы және экипаждың бес мүшесі болған. Индустрия және инфрақұрылымдық даму министрлігі әуе апаты салдарынан&nbsp;7 адам&nbsp;қаза тапқанын&nbsp;мәлімдеген. Кейін желіде&nbsp;құлаған ұшақтың&nbsp;суреттері&nbsp;тарала бастады. Артынша Ішкі істер министрлігі Төтенше жағдайлар комитеті&nbsp;ұшағы құлағаннан кейін&nbsp;шұғыл желі&nbsp;ашылғанын хабарлаған.&nbsp; Тоқаев әуе апатынан қаза тапқандардың отбасына&nbsp;көңіл айтқан&nbsp;болатын.

«Bek Air» әуекомпаниясының қызметі тоқтатылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордада «Жастар жылының» басты тартуы саналатын Сырдария өзенінің сол жағалауында орналасқан «Жастар орталығының» ғимаратында қала әкімі Нұрлыбек Нәлібаевтың қатысуымен «Жастар балы» өтті.
Бұл шара қала жастарының «Жастар жылының» қорытынды шарасы ретінде ұйымдастырылған.
Салтанатты шараға арнайы қатысқан қала әкімі Н.Нәлібаев «Жастар балында» барша жастарды әлем халықтарының ортақ қуанышына айналған Жаңа жыл мерекесімен құттықтап, жыл көлеміндегі айтулы жетістіктеріне тоқталып өтті.
Ең бастысы – 2019 жылдың қорытындысымен Сыр елінің абыройын сан түрлі саладағы зор жетістіктерімен асқақтатып, бүгінде өңірдің дамуына жастық жігері мен күш-қайратын аямай еңбек етіп жүрген жалынды жастарға арналған қала әкімінің дәстүрлі «Самғау» сыйлығы табысталды.
Қала жастарына арналған бұл сыйлық биыл 8-ші жыл үзіліссіз ұйымдастырылып келеді.
Биыл «Самғау» сыйлығы иегері атануға ниетті 39 үміткерден құжаттар қабылданып, арнайы комиссияның қорытындысымен іріктелген 10 жалынды жасқа қала әкімінің «Самғау» сыйлығы және 100 мың теңге көлеміндегі сыйақы табысталса, әр салада жетістіктерімен көзге түскен 12 жас арнайы номинациялар мен алғыс хаттармен марапатталды.
Өңір жастары үшін тағы бір жағымды жаңалық «Жастар жылына» тарту және шығармашылық пен руханияттың көшін жалғап келе жатқан жастарға деген аға буынның алғысы мен шынайы ризашылығы ретінде «Жастар жырлайды» атты жыр жинағының тұсауы кесілді.
Мың дана болып басылған бұл жинаққа қаладағы 20 жас ақынның ең таңдаулы деген өлеңдері енген.
<img src="https://kyzylorda-news.kz/wp-content/uploads/2019/12/27zhastarzhyly2.jpg" alt="" />
<img src="https://kyzylorda-news.kz/wp-content/uploads/2019/12/27zhastarzhyly3.jpg" alt="" />
<img src="https://kyzylorda-news.kz/wp-content/uploads/2019/12/27zhastarzhyly4.jpg" alt="" />

Қызылордада «Жастар жылы» қорытындыланды (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Арал ауданының әкімі Мұхтар Оразбаев әлемдік додада ел намысын қорғап, Ақтөбеде қазақ күресінен өткен Əлем чемпионатында табысты өнер көрсетіп, әлем чемпионы атанып, алтыннан алқа тағынған жерлесіміз Нұрым Сəлімгерейұлын арнайы қабылдады.
<blockquote>
 «Сыр елінің ғана емес, тұтас елдің абыройын асқақтатып, көк туымызды көкке көтергеніңіз үшін өз атымнан және аудан халқының атынан алғысымды білдіремін. Байрақты доданың ақтық сынында ұлттық күресіміздің әдіс-тәсілдерін шебер қолдану арқылы боз кілемнің шаңын қағып, әлемнің төрт дүркін чемпионын тізе бүктіріп, жеңіс тұғырынан көріндіңіз. Біз үшін Сіздің айқын жеңісіңіз – үлкен абырой, зор мақтаныш. Алдағы уақытта да спорттағы шеберлігіңіз бен ерік-жігеріңізді ел намысын қорғау жолында жұмсайды деп сенемін. Еліміздің абыройын асқақтатар жеңісті күндеріңіз көп болғай», – деп аудан басшысы барша жерлестерінің ыстық ықыласын жеткізді.
</blockquote>
Елдің атын шығарып, әлемдік бәсекеде мемлекет мерейін асырған жерлес спортшымыздың бұл жеңісі Тәуелсіздік мерекесіне орай үлкен сый болғанын атап өтті. Сонымен қатар, биылғы жыл жалпы аудан спорты мен мәдениеті саласы үшін ерекше жемісті жыл болғанын да тілге тиек етті. Одан әрі, ізгі лебіз арасында аудан басшысы жеңімпаз спортшыға арнайы сый сияпатын табыс етті.
Айта кету керек, Нұрым Сәлімгерейұлы құт қонған киелі Қарақұм топырағынан түлеп ұшып, ауылдағы қазақ күресі бөлімшесінен тәлім-тәрбие алып, қазақ күресімен қатар, Самбо, Дзюдо күресін жетік меңгерген спорт саңлағы. Спорттық шеберлігіңнің арқасында ел үмітін ақтап, қазақ күресінен өткізілген республикалық «Жас барыс», облыстық «Сыр барысы» турнирлерінде жеңімпаз атанған. Бірнеше мәрте Республикалық «Қазақстан барысы» турнирінде боз кілемде мықты балуандармен белдесіп, «Көрермен көзайымы» номинациясына ие болған. Қазіргі таңда жас спортшының бұл жеңісі 15 желтоқсан күні Ақтөбе қаласында қазақ күресінен өткен Əлем чемпионатындағы айқын жеңісімен толықты. Әлем чемпионатына төрткүл дүниенің 42 мемлекетінен спортшылар қатысқан.
<img src="https://kyzylorda-news.kz/wp-content/uploads/2019/12/27aralchempion2.jpg" alt="" />
<img src="https://kyzylorda-news.kz/wp-content/uploads/2019/12/27aralchempion3.jpg" alt="" />

Арал ауданының әкімі Әлем чемпионын қабылдады (ФОТО)

<a href="https://kyzylorda-news.kz/">Kyzylorda-news.kz.</a> Жолдың жабылғаны туралы ақпаратты жергілікті жұрт 5 минутта алады. Оны Қазавтожол компаниясы жедел түрде әлеуметтік желілер мен мессенджерлер арқылы таратады, деп хабарлайды “<a href="https://24.kz/kz/zha-aly-tar/o-am/item/363712-azavtozhol-alys-zhol-a-shy-ar-aldynda-1403-n-mirine-khabarlasu-a-ke-es-beredi">Хабар-24</a>“.
Бұған қоса, компания өкілдері алыс жолға шығарда 14-03 нөміріне алдын ала хабарласып, қажетті мәліметтерді біліп алуға кеңес береді.
Байланыс орталығындағы диспечерлер күні-түні жұмыс істейді. Олар жолдағы жағдай туралы ақпарат берумен қатар қиындыққа тап болған жолаушыларға да қажетті көмек көрсете алады.
<blockquote>
 «Олар төтенше жағдайлар не жедел жәрдем сияқты қызметтермен байланыстырып, қауіптің бетін қайтаруға барын салады. Барлық автожүргізушілердің қолайлығы үшін бізде қысқа 1403 нөмірі бойынша байланыс орталығы бар. Біздің диспечерлер келіп түскен сұрақтарға жауап дайындап, автожолдағы өзекті ақпарат туралы мәлімет береді және жүргізушілер жолда қалып қойған жағдайлар болса, осы нөмір бойынша хабарласа алады», – дейді Ақылы автомибиль жолдары дирекциясы баспасөз қызметінің басшысы Айдана Айдынқызы.
</blockquote>

Қыстың күндері алыс жолға шығар алдында 1403 нөміріне хабарласу керек

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Нұрлыбек Нәлібаев «Құқық қорғау қызметтері орталығында» ай сайын дәстүрлі түрде ұйымдастырылатын қоғамдық қабылдауын өткізді.
Түскі үзіліссіз өткізілген бұл қабылдауға&nbsp;300-ге&nbsp;жуық қала тұрғындары келіп, өздерін толғандырып жүрген өзекті мәселелері мен өтініш-тілектерін жеткізді.
Қала әкімі&nbsp;әр тұрғынның&nbsp;мәселелерін жеке тыңдап, әр мәселе бойынша жауапты сала басшыларына тиісті тапсырма берсе, қабылдауға келген азаматтардың&nbsp;70 пайыздан астамының&nbsp;мәселелері дер кезінде шешімін тапты.
Жалпы, қала әкімі Н.Нәлібаев жыл басынан бері&nbsp;5 мыңға жуық қала тұрғындарын қабылдаған.
Қабылдауға келген тұрғындардың ішінде Аманжол Садықов есімді қария жетім қалған немерелерінің баспана мәселесін айта келген.
Қала әкімі Н.Нәлібаев мәселені жедел зерттеп, нәтижесінде «Жетім және ата-анасының қамқорлығынсыз қалған балалар» санаты бойынша кезекте тұрған қарияның немересі&nbsp;Садықов Ғафурдың&nbsp;кезегі келгендігі анықталып, бұл отбасына сол жағалаудағы жаңа тұрғын үйден&nbsp;2 бөлмелі&nbsp;пәтердің кілтін табыстады.
Сонымен бірге, Тасбөгет кентінің тұрғыны&nbsp;Даңбаева Мәншүк&nbsp;2006 жылдан бері «Оралман отбасы» ретінде тұрғын үй кезегінде болса, бүгінгі қабылдау барысында бұл азаматшаның да кезегі келуіне байланысты&nbsp;3 бөлмелі&nbsp;пәтерге ие болды.
<img src="https://kyzylorda-news.kz/wp-content/uploads/2019/12/27kabyldaugakelgen2.jpg" alt="" />
<img src="https://kyzylorda-news.kz/wp-content/uploads/2019/12/27kabyldaugakelgen3.jpg" alt="" />
<img src="https://kyzylorda-news.kz/wp-content/uploads/2019/12/27kabyldaugakelgen4.jpg" alt="" />

Қызылорда қаласының әкімі қабылдауына келген қарияға пәтер кілтін табыстады (ФОТО)

<a href="https://kyzylorda-news.kz/">Kyzylorda-news.kz.</a> Әнші әрі актриса Айгүл Иманбаева&nbsp;Алматы&nbsp;маңында құлаған «Bek Air» ұшағының бортында өнер жұлдыздары болғанын хабарлады. Ол шоу-бизнестегі әріптестерімен таңертең әуежайда қауышып, кешке елордада концертте кездеспек болғанын <a href="https://www.instagram.com/p/B6j78D6AlSn/">Instagram</a>&nbsp;парақшасында жазған.
Бүгін таңертең басқа әуе компаниясымен Нұр-Сұлтан қаласына ұшып кеткен әнші «Bek Air» ұшағына мінген шоу-бизнес өкілдерімен әуежайда қауышқанын айтады.
Өнер адамдары кешке елордадағы концертте кездесуге уәделескен.
А. Иманбаеваның айтуынша, актриса астанаға ұшу үшін дәл осы рейсті қарастырған. Алайда, бұл ұшаққа билет болмаған.
<blockquote>
 «Бір Алла жар болсын. Ажал айтып келмейді. Барша апатқа ұшыраған жандардың туғандарына қайғырып көңіл айтамын. Алла сабыр берсін. Ішінде біздің өнер адамдары да бар. Жаңа әуежайда кездесіп, кешке концертте кездесеміз деп қоштасып кетіп едік. Бүгін Алматыдан мен де ұштым астанаға. Билет таба алмай осы Бэк Эйрге де қарадым. Билет болмады. Көретін дәм-тұзым бар екен. Еліміз аман болсыншы. Бір-бірімізге жақсы тілек тілейікші. Сіздерді жақсы көремін, достар», – деп жазды Айгүл Иманбаева.
</blockquote>
<a href="https://kyzylorda-news.kz/kogam/almatyda-ushaq-apatqa-ushyrap-9-adam-qaza-tapty-video-38480/">Еске сала кетсек,</a> бұған дейін Алматыдан Нұр-Сұлтанға бағыт алған «Bek Air» әуе компаниясының рейсі&nbsp;апатқа ұшырағаны хабарлаған болатынбыз.

Алматыда апатқа ұшыраған «Bek Air» ұшағында өнер адамдары да болған

Оқушы педагогтың ар-намысын таптап, балағаттаса, ата-анасы 75 мың теңге айыппұл төлейді. Тіпті, түрмеге де қамалуы мүмкін деп хабарлайды&nbsp;&nbsp;<a href="https://www.ktk.kz/kz/news/video/2019/12/26/136502/">КТК телеарнасы</a>.
Мұғалімнің мәртебесін көтеретін жаңа заң жобасы сенатта мақұлданды. Енді президент қол қойған соң, заң күшіне енеді. &nbsp;
<blockquote>
 “Мұғалімді балағаттап, құқын бұзғандарға Әкімшілік кодексте арнайы талап қарастырылған. Мұндай әрекеттерге барғандарға ең төмені 30 айлық есептік көрсеткіш, яғни 75&nbsp;750 теңгеден бастап айыппұл салынады, тіпті әкімшілік қамауға алынады”, – дейді Білім және ғылым министрі Асхат Аймағамбетов.
</blockquote>
Шенеуніктердің пайымынша, мұндай шара талай ата-ананы баласын жөнге алуына түрткі болмақ. Сондай-ақ, педагогтың жұмысына негізсіз араласқан, жөнсіз есеп тапсыртқан білім беру мекемелері де жазасыз қалмайды.
Министрдің сөзінше, бұндай дерек дәлелденсе, кінәлілер 50 мыңнан 250 мың теңгеге дейін айыппұл арқаламақ. Жалпы мұғалім мәртебесі туралы заң жобасы алғаш маусым айында ұсынылған еді. Ал заңды жүзеге асыруға 2024 жылға дейін 5,3 триллион теңге қажет.
<a href="https://kyzylorda-news.kz/bilim/parlament-pedagog-maertebesine-arnalghan-zangdy-qabyldady-38422/">Еске сала кетсек</a>, күні кеше қазақстандық сенаторлар Қылмыстық кодексті, Қылмыстық іс жүргізу кодексін, сондай-ақ жеке тұлғалардың құқықтарын қорғау саласындағы заңнаманы жетілдіруге бағытталған&nbsp;заң жобасын мақұлдаған еді.
Атап айтқанда, түзетулер кез келген жыныстық қылмыс үшін, оның ішінде балаларға қатысты, сондай-ақ браконьерлік, есірткі айналымы, мас күйінде көлік жүргізу және басқаларына енгізіліп, жаза қатаңдатылады. Жалпы алғанда, бұл жоба бес кодекске және он бес заңға түзетулер енгізеді.

Енді мұғалімнің ар-намысын таптағандар айыппұл төлеп, түрмеге қамалады

<a href="https://kyzylorda-news.kz/">Kyzylorda-news.kz.</a> Алматы қаласы маңында ұшақ апатынан қаза тапқандардың саны 14 адамға жетті. Бұл туралы Орталық коммуникациялар қызметінің ресми өкілі Әлібек Әбділов айтты.
<blockquote>
 «Өкінішке орай қазіргі уақытта қаза тапқандардың саны 14 адамға жетті. Мұндай ақпаратта жедел штаб өкілдері берді», – деді ол.
</blockquote>
Қазіргі таңда Алматыдағы&nbsp;ұшақ құлаған&nbsp;аумаққа арнайы комиссия жұмыс жасап жатыр.
Азаматтық авиация комитеті таратқан ақпараттарға қарағанда, бүгін, 2019 жылғы 27 желтоқсанда сағат 07:22 – де Алматы-Нұр-Сұлтан бағыты бойынша «Бэк Эйр» әуе компаниясының №Z2100 рейсі ұшып көтерілу кезінде биіктіктен айырылып, бетонды қоршауды сындырған.
Ұшақ екі қабатты құрылыс нысанына соғылған. Дереу құтқару жұмыстары басталды, өрт болған жоқ. Жолаушыларды және әуе кемесінің экипажын эвакуациялау жұмыстары жүзеге асырылуда. Қазіргі уақытта қаза болғандардың саны 7 адамды құрайды.
Алматыда құлаған ұшақ ісіна қатысты ҚР Премьер-Министрінің тапсырмасы бойынша үкіметтік комиссия құрылды. Комиссия құрамында ҚР Индустрия және инфрақұрылымдық даму министрі және басқа да мемлекеттік органдардың өкілдері бар.
<img src="https://kyzylorda-news.kz/wp-content/uploads/2019/12/27vyroslo002.jpg" alt="" />

Алматыдағы ұшақ апаты: Қаза болғандардың саны 14 адамға жетті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Twitter» әлеуметтік желісіндегі жазбасынан кейін Қызылорда облысында жаңа мектеп салуға уәде берілді, деп хабарлайды&nbsp;<a href="https://sn.kz/sn-gylym-bilim/64161-prezidenttin-tvitterdegi-zhazbasynan-keiin-kyzylorda-oblysynda-zhana-mektep-salynatyn-boldy">Skifnews.kz</a>.
<blockquote>
 «2017 жылы 300 орындық жаңа мектеп құрылысы үшін жобалық-сметалық құжаттама әзірлеуге Т16,1 млн бөлінді. Мемлекеттік сараптама қорытындысы алынды. Облыстық әкімдік Білім және ғылым министрлігіне республикалық бюджеттен 300 орындық жаңа мектеп салуға өтінім беріп, ол өтінім қабылданды. 2020 жылы 300 орындық мектеп құрылысы үшін Арал ауданының Сексеуіл ауылына мүмкіндігінше облыстық бюджетті нақтылау барысында қаржы бөлінетін болады», деп хабарлады Қызылорда облыстық білім басқармасының баспасөз қызметі.
</blockquote>
Сондай-ақ, басқармада атап өткендей, балалар қауіпсіздігін сақтау үшін мектеп әкімшілігінен кезекшілік ұйымдастырылған.
Еске сала кетсек, 11 желтоқсанда президент Қасым-Жомарт Тоқаев&nbsp;<a href="https://twitter.com/TokayevKZ/status/1204775721790513152">Twitter</a>-ге Egemen Qazaqstan газетіндегі «Темір жолды жағалап топ бала жүр» атты мақалада Сексеуіл ауылдық округіндегі 360 бала туралы айтылғанын жазған болатын. Олар күн сайын мектепке бару үшін 13 теміржол жолдарын кесіп өтулеріне тура укеледі екен.
<blockquote>
 «Бұл – өзекті мәселе. Оны шешу үшін үкімет нақты шара қабылдауы керек», – деп атап өткен еді сол кезде Президент.
</blockquote>

Президент жазбасынан кейін Аралда жаңа мектеп салынатын болды

&nbsp;<a href="https://kyzylorda-news.kz/"></a><a href="https://kyzylorda-news.kz/">Kyzylorda-news.kz.</a> Синоптиктердің болжауынша жұмада еліміздің кей жерлерінде тұман түсіп, жел күшейеді, деп хабарлайды Қазгидромет.
Қазақстан аумағының батыс бөлігіне Қара теңіз аймақтарынан ауысатын циклон әсер етеді, сондықтан батыс пен солтүстік-батыстың кей жерлеріңде жаңбыр, қар жауады. Қалған өңірлерде атмосфералық қысым жоғары болады, сондықтан ауа райы жауын-шашынсыз. Кей жерлерде тұман, көктайғақ, бұрқасын болып, жел күшейеді.
Түркістан, Жамбыл, Қызылорда, Қарағанды облыстарының кей жерлерінде тұман түседі, күндіз желдің жылдамдығы 15-20 м/с жетеді.
Шығыс Қазақстан облысының кей жерлерінде тұман, жаяу бұрқасын болады, желдің жылдамдығы 15-20 м/с.
Ақмола облысының кей жерлерінде жаяу бұрқасын күтіледі, күндіз жел 15-20 м/с күшейеді.
&nbsp;Солтүстік Қазақстан облысының кей жерлерінде жаяу бұрқасын болуы ықтимал, жел тұрып, жылдамдығы 15-20 м/с жетеді.
Ақтөбе облысының кей жерлерінде тұман, көктайғақ күтіледі, Муғалжар ауданында желдің екпіні 18 м/с күшейеді.
Қостанай облысының кей жерлерінде тұман, күндіз бұрқасын, көктайғақ, жел тұрады, жылдамдығы 18 м/с.
&nbsp;Алматы облысының түнде кей жерлерінде тұман күтіледі, Жалаңашкөл ауданында жел 15-20 м/с күшейеді.
Атырау, Маңғыстау, Батыс Қазақстан облыстарының кей жерлерінде тұман түседі, Атырау облысында көктайғақ болады.

Тұман, көктайғақ, екпінді жел: 27 желтоқсан күнгі ауа райы

<a href="https://kyzylorda-news.kz/">Kyzylorda-news.kz.</a>&nbsp; Бүгін таңда Алматыдан Нұр-Сұлтан қаласына ұшып шыққан ұшақ радардан жоғалып кеткен болатын. Артынша радардан жоғалып кеткен «Бек Эйр» әуе компаниясының ұшағы апатқа ұшырағаны мәлім болды,.
«Бек Эйр» әуе компаниясының ұшағы әуежайдың сыртқы аумағына құлады. Тірі қалғандар бар. Оқиға орнында шұғыл қызметтер жұмыс жүргізіп жатыр. Айта кетейік, бұған дейін бортта 95 жолаушы және 5 экипаж мүшесі болғаны туралы хабарлаған болатынбыз. Әуежай штаттық жағдайда жұмыс істеп жатыр, барлық рейстер кесте бойынша орындалуда» деп мәлімдеді Төтенше жағдайлар комитетінің баспасөз қызметі.
«Алдын ала деректерге сәйкес, 9 адам қаза тапты. Жарақат алғандардың саны 9 адам, оның алтауы – бала» делінген хабарламада.
Төтенше жағдайлар комитеті қаза тапқан адамдардың саны артуы мүмкін екендігін жасырмайды.
<img src="https://kyzylorda-news.kz/wp-content/uploads/2019/12/27samolet002.jpg" alt="" />

Қазақстан және Қызылорда облысының жаңалықтары