<a href="https://kyzylorda-news.kz/">Kyzylorda-news.kz.</a> Байқоңыр қаласының тұрғыны Қаламқас Ералиева зейнетке бір ғана SMS-тің көмегімен шықты.
<blockquote>
 «Зейнетке шығудың қуанышымен қатар құжат рәсімдеу машақаты қатар жүретінін естіп-білетінмін. Бірақ қазір цифрлық жаңашылдықтың заманы ғой. Зейнеткерлікке шығу қызметінің бір ғана SMS арқылы шешілгені қуанышымды еселеді. Бұл жаңалықты талай жылғы еңбегімізге деген құрмет деп қабылдаймын. Енді бұдан былай зейнетақы төлемдерін тағайындау қызметін алу үшін халыққа қызмет көрсету орталығына барудың еш қажеті жоқ», – дейді “Азаматтарға арналған үкімет” мемлекеттік корпорациясы” КЕ АҚ Қызылорда облысы бойынша филиалы Байқоңыр қалалық әлеуметтік қамсыздандыру бөлімінің басшысы Қаламқас Ералиева.
</blockquote>
Айта кетейік, «Азаматтарға арналған үкімет» мемлекеттік корпорациясының зейнеткерлікті проактивті тәсілмен рәсімдеу бойынша пилоттық жобаны іске қосқан болатын. Аталған әдіс әзірге мемлекеттік корпорацияның қызметкерлері үшін жүзеге асырылуда. Бүгінгі күнге дейін 30-дан аса қызметкер зейнеткерлікті проактивті түрде рәсімдеп үлгерді.
Жоба бойынша зейнет жасына толғанға дейін 10 күн бұрын болашақ зейнеткерге қызметті проактивті түрде рәсімдеуге ұсыныс білдіретін SMS хабарлама жолданады. Келісім берілген жағдайда, кадр бөліміне алдын ала тапсырылған құжаттар электронды түрде жауапты мемлекеттік органның мақұлдауына жіберіледі.
Сонымен қатар, зейнеткер жұмыс берушісінің кадр бөліміне алдын ала еңбек өтілі, зейнеткерлік жүйеге қатысуы сияқты мәліметтерді ұсынады, бұл ақпарат, өз кезегінде, еңбек келісімдерін есепке алу бірыңғай жүйесіне енгізіледі.
<img src="https://kyzylorda-news.kz/wp-content/uploads/2020/01/sms1.jpg" alt="" />

Қызылордалық тұрғын зейнетке SMS арқылы шықты

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында пәтер ұрлығының алдын алу, жолын кесу және ашу бағытында 2020 жылдың қаңтар айының алғашқы он күндігінде «Пәтер» жедел-профилактикалық іс-шарасы ұйымдастырылуда.
Іс-шара аясында облыс бойынша 2 пәтер ұрлығы және 4 пәтер ұрлығына оқталу қылмыстары ашылды.
Бүгінгі таңда облыс және қала аумағында барлық алтын бұйымдар және құнды заттарды қабылдайтын орындар, дүкендер тексерілуде. Бұл бағыттағы жұмыстар жалғасын табады.

Қызылордада жыл басынан бері 6 пәтер ұрлығы қылмысы ашылды

Мемлекет басшысы Қасым-Жомарт Тоқаев «Абай және XXI ғасырдағы Қазақстан» мақаласында Абай қалдырған бай мұрамен жаңғыруды көздейді. Қазағын, халқын төрге сүйрелеуді мақсат тұтқан ұлы ақынның ой-тұжырымдамаларын негізге ала отырып, бейбіт кезеңде елдің дамуы мен одан әрі өркендеуіне ерекше назар аударады. Ұлт бірлігін биіктете отырып, еліміздің әлауқатын еселі еңбекпен еңсеруді алға қояды.
Шынында, Абай өз бойындаға талантын ұлтының рухани игілігіне қызмет етуге жұмылдырған. Мақсатқа жетудің нақты жолы – еңбек деп түсіндірген. «Мен де жоқ қажу деген, ашу деген, тарығып болымсызға жасу деген» деп жастарды қажырлы еңбекке, әдептілікке, шыдамдылыққа шақырған.
Міне, бүгінгі Президентіміздің жариялаған маңызды мақаласы&nbsp; Абай аманатын ардақтап, ұлы мақсаттарды бағындыруды &nbsp;насихаттайды.
Уалихан ИБРАЕВ,
«Қоғамдық келісім» КММ директоры

Абай аманатын ардақтауға насихаттайды

Қазақтың ұлы ақыны, ойшыл, қазақ жазба әдебиетінің негізін қалаушы Абайдың туғанына 175 жыл толуына орай жарық көрген Мемлекет басшысы Қасым-Жомарт Тоқаевтың «Абай және ХХІ ғасырдағы Қазақстан» атты мақаласы тың ойларды көтерген. Президент мақалада Абайды Қазақстанның бренді ретінде әлем жұртшылығына кеңінен таныстыру қажет екендігін атап өтті.
Қазақ халқы ұлы ақынның мұрасы арқылы толысып өсті, Абайдың дана ойлары қазақ елінің арқасында айдай әлемге таралды. Ақынның шығармалары барлық бояуын сақтай отырып, он тілге аударылады.
Ұлы Абай шығармаларынан қазақ баласының салауатты тәрбие алып, ұлттық өсіп-өнуіне қажетті көптеген өсиет сөздерді табуға болады. Оның шығармалары мен қара сөздері қазақ халқын ғана емес, жалпы адамзат баласын екі ғасырдан бері рухани құндылықтарға жетелеуде.
Мемлекет басшысы халқымыздың ұлы перзентінің мерейтойын лайықты атап өту үшін атқарылатын маңызды жұмыстарды да атап көрсеткен. Биылғы жылы Абайдың 175 жылдығына орай халықаралық, республикалық және аймақтық деңгейде 500-ден астам іс-шара ұйымдастырылады.
Қызылорда облыс кітапханаларында Абайдың 175 жылдығына орай көптеген шараларды ұйымдастыру жоспарланып отыр. Биыл республикалық «Бір ел – бір кітап» акциясы аясында М.Әуезовтың «Абай жолы» романы жалпы ұлттық оқуға ұсынылды. Кітапханаларда «Кемеңгерліктің биік шыңы – Абай» кітап көрмесі, «Құлақтан кіріп, бойды алар…» әдеби сазды кеш, «Асыл сөзді іздесең, Абайды оқы ерінбе» поэзия кеші, «Адамзаттың шамшырағы – Абай» Абай оқулары т.б. мәдени шаралар ұйымдастырылады.
Әбділда Тәжібаев атындағы облыстық әмбебап ғылыми кітапханасында қаңтар айында «Кемеңгерліктің биік шыңы – Абай» атты кең көлемді кітап көрмесінің ашылуы өтеді. Кітап көрмесінің мақсаты – тереңдеп таныған сайын жаңа қырларымен, өзгеше сипатымен ашыла түсетін ақын поэзиясын зерделеп оқуға, ұлы ақынның сан салалы ақыл-ойын, өнер өрісін жүйелеп тануға ықпал ету, насихаттау. Кітап көрмесі «Мен жазбаймын өлеңді ермек үшін», «Әлем классиктері – Абай аудармаларында», «Абайдың философиялық дүниетанымы», «Үңілсең көзің жете ме, теңізден терең сыры бар…» атты бөлімдерден тұрады. Көрмеге ақынның өмірі мен шығармашылығына арналған басылымдар оқырмандардың назарына ұсынылатын болады.
Нұржамал МЫРЗАМҰРАТОВА,
Ә.Тәжібаев атындағы Қызылорда облыстық әмбебап ғылыми кітапханасының директоры

Кемеңгерліктің  биік  шыңы – Абай

<a href="https://kyzylorda-news.kz/">Kyzylorda-news.kz.</a> Мың жылда адамның көзқарасы, білімі өзгергенімен мүддесі өзгерген жоқ.&nbsp; Сондықтан Президент Қасым-Жомарт Тоқаевтың «Абай және ХХІ ғасырдағы Қазақстан» атты мақаласында көтерілген мәселелер қай уақытта да өзектілігін жоғалтпайды.
Президент бұл мақала арқылы Абай Құнанбаевтың шығармашылығына ел назарын аудартып, әлемдік биік тұлғаның туындылары арқылы қоғамның рухани интеллектуалдық деңгейін көтеруді көздейді.
Мемлекет басшысының бүгін жарияланған мақаласы Абайдың тұлғасы мен бүгінгі заманның өзекті мәселелерін, бүгінгі заманның сұранысын,&nbsp; бүгінгі заманның қажеттіліктерін терең сабақтастырады. Себебі Абай сияқты тұлғалар бір заманның ғана жыршысы, суреткері емес. Ол әр заманда өз замандасын табатын, өз сырласын табатын, керек болатын болса өз мұңдасын табатын тұлға.
Ербол ТІЛЕШЕВ,
Ш.Шаяхметов атындағы «Тіл – қазына» ұлттық орталығының атқарушы директоры

Президент мақаласы бүгінгі заманның қажеттіліктерін терең сабақтастырады

<a href="https://kyzylorda-news.kz/">Kyzylorda-news.kz.</a> Еске сала кетсек, Ай былтыр да қаңтар айында тұтылған болатын.
Жылдың астрономиялық күнтізбесіне сәйкес, 2020 жылдың алғашқы Ай тұтылуы қаңтардың 10-ынан 11-іне қараған түні болады, деп хабарлайды&nbsp;<a href="https://sn.kz/">Skifnews.kz</a>&nbsp;ақпарат порталы.
Ай тұтылуының максималды фазасы – 089. Жер көлеңкесі Айдың оңтүстік бөлігіне енеді. Сондықтан қараңғылық шамалы болатынын айтады астрономдар.
Айдың Жер көлеңкесіне алғашқы жақындауы Нұр-Сұлтан уақытымен 17:07-де болады. Ал тұтылудың максималды фазасы Нұр-Сұлтан уақытымен 19:11-де пайда болса, 21:12-де Ай Жер көлеңкесінен толығымен шығады.
Айдың тұтылуы Ресей, Украина, Беларусь, Молдова, Балтық теңізі, Кавказ бен Орталық Азия елдерінде көрінетін болады. Жалпы алғанда, 2020 жылы астрономиялық күнтізбеге сәйкес, Күннің екі және Айдың төрт тұтылуы күтіледі.
2020 жылдың ең үлкен астрономиялық оқиғалары толық және сақиналы Күн тұтылуы болмақ.
Еске сала кетсек, Ай былтыр да қаңтар айында&nbsp;тұтылған болатын. Бірақ, 11-інде емес, 21-і күні.

11 қаңтарда Ай тұтылады

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Мәжілісінің депутаттары, «Nur Otan» партиясы депутаттық фракциясының мүшелері Балайым Кесебаева, Абзал Ералиев, Геннадий Шиповских және Бақытбек Смағұл Сыр өңіріндегі жұмыс сапарлары барысында Арал ауданында болып, аудан орталығынан шалғай орналасқан Атанши ауылдық округі, Жіңішкеқұм елді мекені тұрғындарымен кездесті.
Ең алдымен іс-сапар барысында Мәжіліс&nbsp;депутаттары Жіңішкеқұм елді мекеніндегі №230 орта мектебінің жағдайымен танысып, мектеп ұжымымен кездесті. Қазіргі таңда аталмыш мектепте 119 оқушыға 26 мұғалім білім беруде.
Мектеп ұжымымен болған кездесуде депутаттар «Педагог мәртебесі» туралы Заңдағы жаңалықтарды баяндады.
Өз кезегінде мектеп ұжымы педагог мәртебесіне қатысты жаңа заңды ризашылықпен қабылдады. Алайда, оқулықтарға, кадрлар даярлауға, сондай-ақ, мемлекеттік тілдің мәртебесін көтеруге қатысты министрлік тарапынан көптеп жұмыстар жасалса дейді олар.
Жалпы мәжіліс депутаттарымен кездесуге ауыл ақсақалдары, ұстаздар, медицина саласының мамандары, жастар, кәсіпкерлер қатысты.
Әңгіме барысында Мәжіліс депутаты Бақытбек Смағұл бұл кездесудің негізгі мақсаты елдегі азаматтардың жағдайын көзбен көру, ауылдық елді мемекендерді дамыту, азаматтарды әлеуметтік қолдау бағытында мемелкет тарапынан жасалып отырған жұмыстардың жүзеге асырылуын, сонымен бірге ашық пікір алмасу арқылы жергілікті жерлердегі негізгі проблеммалық мәселелерді анықтап, оларды заңнамалық тұрғыда жүзеге асуына қолдау білдіру екенін айтты.
Сондай-ақ халық қалаулылары жиында Президент Жолдауындағы әлеуметтік мәселелер, көпбалалы отбасыларға берілетін жәрдемақы, міндетті әлеуметтік медициналық сақтандыру, атаулы әлеуметтік көмек жүйесіне енгізілген өзгерістер мен мал ұрлығы, зорлық-зомбылық, орта және шағын кәсіпкерлікті дамыту, ауылшаруашылығы саласы бойынша заңға енгізілген толықтырулар жөнінде кеңінен баяндап өтті.
Мал шаруашылығын кәсіп еткен елді мекеннің негізгі өзекті мәселесі – аудан орталығына жету жолының қиындығы, мен ғаламтор мәселесі екен. Осыған орай, ауыл тұрғындары депутаттардан жол қатынасы мен интернет желісін реттеп беруді сұрады.
<img src="https://kyzylorda-news.kz/wp-content/uploads/2020/01/maezhilis-depwtattary-awyl-zhurtshylyghymen-kezdesti-2.jpg" alt="" />
<img src="https://kyzylorda-news.kz/wp-content/uploads/2020/01/maezhilis-depwtattary-awyl-zhurtshylyghymen-kezdesti-1.jpg" alt="" />

Мәжіліс депутаттары ауыл жұртшылығымен кездесті

<a href="https://kyzylorda-news.kz/">Kyzylorda-news.kz.</a> Биыл Абай Құнанбайұлының туғанына 175 жыл толады. Халқымыздың ұлы перзентінің мерейтойын лайықты атап өту үшін арнайы құрылған комиссия дайындық жұмыстарын бастап кетті.
Бұл туралы өзінің «Абай және ХХІ ғасырдағы Қазақстан» атты мақаласында Қазақстан Президенті Қасым-Жомарт Тоқаев жазды.
Мақалада Президент ұлы Абайдың 175 жылдығы аясында мемлекет көлемінде және халықаралық деңгейде ауқымды іс-шаралар ұйымдастыру жоспарланып отырғандығын атап өтті.
<blockquote>
 «Бірақ мұның бәрі той тойлау үшін емес, ой-өрісімізді кеңейтіп, рухани тұрғыдан дамуымыз үшін өткізілмек. Абай Құнанбайұлы ғұлама, ойшыл, ақын, ағартушы, ұлттың жаңа әдебиетінің негізін қалаушы, аудармашы, композитор ретінде ел тарихында өшпес із қалдырғаны сөзсіз. Оның өлеңдері мен қара сөздерінде ұлт болмысы, бітімі, тұрмысы, тіршілігі, дүниетанымы, мінезі, жаны, діні, ділі, тілі, рухы көрініс тауып, кейін Абай әлемі деген бірегей құбылыс ретінде бағаланды. Өткен жылы Абайдың шығармаларынан үзінді оқу эстафетасы өтті. Ләйлім атты оқушы қыз ұсынған бұл елдік шараға мен де қатысып, қолдау көрсеттім. Мектеп оқушыларынан ел азаматтарына, тіпті, әлемдік деңгейдегі танымал тұлғаларға дейін зор қызығушылық танытып, лезде іліп әкеткен бұл бастама бірнеше айға ұласты»,-деп жазды Қасым-Жомарт Тоқаев.
</blockquote>
Соның арқасында бүкіл Қазақстан Абай мұрасын тағы бір зерделеп шықты.
<blockquote>
 «Бұл – Абайға деген құрмет әрі ұрпақты тәрбиелеудің тиімді тәсілі. Абай жырларын оқу челленджі биыл, ақын мерейтойы тұсында жаңаша жанданады деп сенемін»,-деп жазады Мемлекет басшысы.
</blockquote>

Қасым-Жомарт Тоқаев: Абайдың 175 жылдығын атап өту рухани дамуымыз үшін қажет

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы «Бизнестің жол картасы 2025» мемлекеттік бағдарламасының «Кәсіпкерлікті қолдаудың қаржылай емес шаралары» төртінші бағыты бойынша қызмет көрсетуге Қазақстан Республикасы азаматтарынан іріктеуге өтініш қабылдау басталғандығын хабарлайды.
Өтініштер 2020 жылдың 16 қаңтар сағат 18.00 дейін қабылданады. Өтінішке қосымша:
1) жеке куәлік көшірмесі;
2) жұмыс өтілін растайтын құжат көшірмесі;
3)Сауалнама бойынша үміткер құжаттары, растайтын қосымша құжаттарымен бірге (диплом көшірмесі,&nbsp; аттестат,&nbsp; куәлік, қызмет көрсетілгендігі туралы акт және т.б.).
Іріктеуге қатысуға өтініш үлгісі мен шарттарын Қызылорда облысының кәсіпкерлер палатасы кеңсесінен алуға болады: Желтоқсан көшесі,12 немесе gu.kurmantayeva@atameken.kz&nbsp; электрондық поштасы арқылы алуға болады.Байланысатын тұлға: Қызылорда облысының Кәсіпкерлер палатасының сарапшысы- Құрмантаева Гүлнұр Жаңабергенқызы.
Тел. 8/7242/400874&nbsp;&nbsp;&nbsp;&nbsp;&nbsp;&nbsp;&nbsp;
Сервистік қызмет көрсету бойынша:
<ol>
<li>Қызылорда қаласының Кәсіпкерлерге қызмет көрсету орталығына отандық тауар өндірушіге өнімдерін өткізуге қатысты сұрақтар бойынша менеджер-кеңесші – 1адам;</li>
<li>Қызылорда қаласының Кәсіпкерлерге қызмет көрсету орталығына электронды-цифрлық қызметтер бойынша менеджер-кеңесші – 1 адам;</li>
</ol>
Менеджер-консультанттарға жалпы қойылатын талаптар:
1. Жоғары&nbsp; білім;
2. мамандандырылған қызмет бойынша кеңес көрсетуден 1 жылдан кем емес еңбек өтілінің болуы немесе кәсіпкерлікті қолдау саласында 2 жылдан кем емес;
3. Мемлекеттік және орыс тілдерін білуі;
4. Компьютерлік сауатының болуы.
Ескерту: барлық менеджер-кеңесшілер шағын және орта кәсіпкерлікті қолдауға бағытталған барлық мемлекеттік бағдарламалар (Бизнестің жол картасы Мемлекеттік бағдарламасы – 2020, Нәтижелі жұмыспен қамту және жаппай кәсіпкерлікті дамыту Бағдарламасы, Агробизнес – 2020, Өнімділік – 2020, Экспорт – 2020, Қарапайым заттар экономикасы) бойынша кеңес беруге&nbsp; білікті болуы тиіс.
Үміткерлердің кандидатурасы Қазақстан Республикасының Ұлттық экономика Министрлігімен келісіледі.

Кәсіпкерлер палатасы жұмысқа шақырады

<a href="https://kyzylorda-news.kz/">Kyzylorda-news.kz.</a> Қызылорда облысында былтыр заңсыз айналымнан барлығы 703 кг. есірткі заты алынған. Бұл туралы полиция департаментінің баспасөз қызметі хабарлады. &nbsp;
<blockquote>
 «Есірткінің заңсыз айналымына байланысты сотқа дейінгі тергеп тексерудің бірынғай тізіліміне 429 қылмыстық іс құжаттары тіркелген, оның 12 есірткі затын сату, 20 есірткі затын аса ірі мөлшерде заңсыз сақтау және 67 құрамында заңмен тыйым салынған есірткі құралы бар сора өсімдігін егу дерегі. Сонымен қатар, ҚР ҚК-нің 296-бабында (Есірткі, психотроптық заттармен, сол тектестермен, прекурсорлармен өткізу мақсатынсыз заңсыз жұмыс істеу) көзделген қылмыстық теріс қылықтың 328 дерегі анықталған», делінген хабарламада. &nbsp;
</blockquote>
Нашақорлық&nbsp; пен&nbsp; есірткі&nbsp; қылмыстарының&nbsp; алдын&nbsp; алу&nbsp; мақсатында&nbsp; есірткі қылмысына қарсы іс-қимыл басқармасы&nbsp; тарапынан&nbsp; алдын&nbsp; алу&nbsp; жұмыстары&nbsp; іске&nbsp; асырылуда.
<blockquote>
 «Облыс&nbsp; көлемінде&nbsp; жалпы&nbsp; 405 іс-шара&nbsp; өткізіліп,&nbsp; олардың&nbsp; 8&nbsp; – акция,&nbsp; 251 – лекция,&nbsp; 8 – дөңгелек&nbsp; үстел,&nbsp;&nbsp; 24 – кездесулер, 24 – спорттық&nbsp; іс-шаралар,&nbsp; 93 – сайыстар. Атқарылған&nbsp; іс-шаралардың&nbsp; 140- үкіметтік&nbsp; емес&nbsp; ұйымдармен,&nbsp; 287 –&nbsp; мектеп&nbsp; инспекторларымен,&nbsp; ал&nbsp; 24 – жоғарғы&nbsp; және&nbsp; арнаулы&nbsp; орта&nbsp; оқу&nbsp; орындарында&nbsp; ұйымдастырылды.&nbsp; Жалпы&nbsp; ұйымдастырылған&nbsp; барлық&nbsp; іс-шараларға&nbsp; 17804&nbsp;&nbsp; адам&nbsp; қатысты», – деп хабарлайды полиция департаментінің баспасөз қызметі.
</blockquote>
&nbsp;Есірткі&nbsp; сату&nbsp; және&nbsp; тағыда&nbsp; басқа&nbsp; есірткі&nbsp; заттарына&nbsp; байланысты&nbsp; жасалып&nbsp; жатқан&nbsp; қылмыстар&nbsp; мен&nbsp; құқық&nbsp; бұзушылықатар&nbsp; жайлы&nbsp; хабарламаларды&nbsp; қабылдау&nbsp; үшін Қызылорда&nbsp; ОІІД&nbsp; Есірткі қылмысына қарсы іс-қимыл басқармасында &nbsp;&nbsp;27-55-42&nbsp; «Сенім&nbsp; телефоны»&nbsp; номері жұмыс атқарады.

Қызылордада өткен жылы айналымнан 700 килограммнан астам  есірткі тәркіленді

<a href="https://kyzylorda-news.kz/">Kyzylorda-news.kz.</a> Статистикалық мәліметтерге сүйенсек, ұшақ әлемдегі ең қауіпсіз көлік құралдарына жатқызылады. Алайда, әдетте ұшақ апатынан жолаушылардың аман қалуы екіталай. Оны бүгінгі Иранда болған әуе апаты да айғақтайды. Дегенмен, ұшақта орынды дұрыс таңдау арқылы апат болған жағдайда аман қалуға мүмкіндігіңізді арттыра аласыз деп хабарлайды&nbsp;<a href="https://kaz.nur.kz/">KAZ.NUR.KZ</a>.
Мамандар көп жағдайда әуе апаты болған кезде ұшақтың құйрығы сау қалатынын мәлімдейді. Бұл сәйкесінше, лайнердің артқы жағында отырғандардың апат кезінде аман қалуға мүмкіндігі артады деген сөз. Ұшақтың бұл бөлігінде жанармай болмайды, сондай-ақ шығатын есіктер де жақын орналасқан.
Егер әуе апаттарының суреттеріне мән берсек, қирандылар арасында ұшақтың құйрығы сау, кейде тіпті, зақымдалмаған күйде қалатынын жиі байқауға болады. Себебі, көп жағдайда ұшақ құлаған кезде оның құйрығы жерге соңғы болып тиеді.
Сонымен қатар, ұшақтың көлеміне де мән беру қажет. Мамандардың айтуынша, әуе кемесі неғұрлым үлкен болса, соғұрлым қауіпсіз болатын көрінеді.
Бұған қоса, апаттық шығу есіктеріне жақын отырған жолаушылардың ұшақтан бірінші болып шығатынын ескерген жөн.
Ұшақтағы неғұрлым қауіпсіз орындарды білу үшін, төмендегі сызбаға назар аударуды ұсынамыз.
<img src="https://kyzylorda-news.kz/wp-content/uploads/2020/01/ushaq-bortyndaghy-eng-qawipsiz-oryndar-qandaj-2.png" alt="" />
Айта кетейік, әуе кемелерінің бортында төтенше жағдайларда не істеу керектігі жазылған нақты нұсқаулар бар. Сол нұсқауларды орындау өміріңізді аман алып қалуға септігін тигізеді.

Ұшақ бортындағы ең қауіпсіз орындар қандай?

<a href="https://kyzylorda-news.kz/">Kyzylorda-news.kz.</a> Әр ана баласын шексіз жақсы көреді, оның болашағы үшін алаңдайды, алайда байқамай кей сөздерді айтып қалғанда, оның болашағына қалай әсер ететінін ойламауы мүмкін.
Әр ана баласын шексіз жақсы көреді, оның болашағы үшін алаңдайды, алайда байқамай кей сөздерді айтып қалғанда, оның болашағына қалай әсер ететінін ойламауы мүмкін. Балаға мынадай сөздерді айтпауға тырысыңыз.&nbsp;
Барлығы саған қарап тұр&nbsp;
Бұл сөзден бала көпшіліктің пікіріне тәуелді бола бастайды. Қоғамда қалыптасқан қатып қалған қағидалармен ғана өмір сүріп, өз еркімен әрекет ете алмайтын бала осы сөзді жиі естіп өседі.&nbsp;
Басымды ауыртып жібердің&nbsp;
Бұл сөз «мені өлтіріп тынарсың» дегендей боп естіледі. Балалар кішкене кезінде барлық сөзді тура мағынасында қабылдайды. Сондықтан олар шынында да анам менің кесірімнен өліп қалуы не ауырып қалуы мүмкін деп ойлайды. Бұл сөзді жиі естіп өскен бала өзіне сенімсіз, үреймен өмір сүретін адам болуы ықтимал.&nbsp;
Болмайды&nbsp;
Психологтар 9 рет «иә», 1 рет «жоқ» деу формуласын ұсынады. Балаға анау да болмайды, мынау да болмайды деп шектеулермен өсірсе, ол өзі шешім қабылдайтын жасқа жеткен кезде де өзін әр нәрседен шектеп, өзі қалаған бақытты өмірді сүре алмайды.&nbsp;
Барлығының баласы бала сияқты, ал сен…&nbsp;
Ата-ана көбіне өзі байқамайды, сонда да баласын үнемі біреумен салыстырумен болады. Ешкім идеал болуға міндетті емес. Салыстыру сөздерінен бала өзін бар болмысымен қабылдай алмайды, үнемі өзін өзгелерден төмен санап тұрады.&nbsp;
Сен болмағанда…&nbsp;
Ішкі комплекс пен тұйық болу қасиетін оятатын тағы бір сөз. Мұндай сөзді көп естіген бала өзін кінәлі сезініп, әлдекімге қарыздар адамдай боп жүреді. Олар ата-анасының әр сәтсіздігіне, тағдырына өзін кінәлаумен өтеді.
<a href="https://massaget.kz/">Massaget</a>

Қазақстан және Қызылорда облысының жаңалықтары