<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сексеуіл – біздің ұлттық мінезімізді танытатын ағаш. Бұл туралы ҚР Ақпарат және қоғамдық даму министрі Дәурен Абаев айтты, деп хабарлайды <a href="http://lenta.inform.kz/kz/ministr-sekseuil-bizdin-ulttyk-brendimiz_a3585479">ҚазАқпарат</a>.
<blockquote>
 «Ақпарат көздерінен сексеуілді сақтау туралы қызықты материал оқыдым. Өкінішке қарай, шөл даланың осынау қазынасына браконьерлік шабу салдарынан жылына 700 млн доллар шығын келтіріледі. Мұның арты тұтас ауылдардың шөл далаға айналуына әкеп соғады. Адамдар ақыры жайылым жерсіз де қалады. Яғни, экологияға да, ауыл шаруашылығына да зиян келеді. Осының салдарынан адамдардың денсаулығы да нашарлайды. Мемлекеттік деңгейде сексеуілді шабуға тыйым салынған. Айыппұл бар. Бірақ, тәжірибе көрсетіп отырғандай, өкінішке қарай бұл шектеулердің әлі де жеткіліксіз екенін көрсетуде», – деді Д.Абаев «Ашық диалог» бағдарламасында.
</blockquote>
ҚР Ақпарат және қоғамдық даму министрі осыған байланысты мемлекет БҰҰ-ның қолдауымен сексевіл сақтап қалу бағытында бірнеше жобаны қолға алғанын еске салды.
<blockquote>
 «Арал теңізінің түбіне сексеуіл егіліп жатыр. Көшет бақтары құрылуда. Сондай-ақ, сексеуілді өсімдіктерден қорғау жұмыстары да бар. Ұмытпасам, 2019 жылы 10 мың гектар аумаққа сексеуіл талы егілген. 2020 жылы бұл жұмыс жалғасын табады. Бұл қадам ұлттық құндылығымызды сақтап қалуда дұрыс әрі қажетті бастама. Сексеуілді – біздің ұлттық бренд деуге болады. Мәселен, біздің ел оның өсу ауқымы бойынша біз әлемде бірінші орындамыз. Екіншіден, сексеуіл біздің ұлттық мінезімізді танытатын ағаш. Ол шөлді өзгертуге қауқарлы. Ол қатты әрі майыспайды. Оны балтаның көмегімен сындыру оңай емес. Сондықтан, қазақ ежелден бұл қатты ағашты қастерлейді», – деді министр.
</blockquote>

Министр: Аралдағы 10 мың гектар аумаққа сексеуіл егілді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақов ҚР Ұлттық Банкінің облыстық филиалына барып, банк филиалдарының басшыларымен кездесті. Өңір басшысы қаржы саласының қызметкерлерін кәсіби мерекемен құттықтап, сала үздіктерін Алғыс хаттармен марапаттады.
Ұлттық валюта – Теңге күні мен еліміздің қаржы жүйесі қызметкерлерінің кәсіби мерекесі Қазақстанда «Қазақстан Республикасындағы мерекелер туралы» Заңға сәйкес жыл сайын 15 қарашада атап өтіледі.
<blockquote>
 «Тәуелсіздіктің алғашқы сәтінде еліміздің өз қаржы қоры мен валюталық сақтық қорлары мүлдем болмады деп айтуға болады. Өз бетімізше қаржы-несиелік саясатын жүзеге асыруға да мүмкіндік болмаған кезең еді. Осы тұста тура 26 жыл бұрын Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевтың бастамасымен өз валютамыз – төл Теңгемізді енгізу сол кезеңдегі экономикалық қиындықтарға төтеп беруге және егемендігімізді нық қалыптастыруға мүмкіндік берді. Бүгінгі таңда Қазақстанның банк секторы жүргізілген жүйелі реформалардың нәтижесінде бүкіл посткеңестік кеңістіктегі алдыңғы қатарда тұр деуге болады.Сондай-ақ, ТМД елдерінің ішіндегі ең жақсы төлем жүйесінің бірін құрғанымызды да айта кеткен жөн» деді, – аймақ басшысы.
</blockquote>
Облыс әкімі кездесу барысында Ұлттық валюта күніне орай ұйымдастырылған көрмемен танысып, сала қызметкерлерімен сұқбаттасты.
<img src="https://kyzylorda-news.kz/wp-content/uploads/2019/11/15akimkarzhy2.jpg" alt="" />
<img src="https://kyzylorda-news.kz/wp-content/uploads/2019/11/15akimkarzhy3.jpg" alt="" />
<img src="https://kyzylorda-news.kz/wp-content/uploads/2019/11/15akimkarzhy4.jpg" alt="" />

Облыс әкімі қаржы саласының қызметкерлерін кәсіби мерекесімен құттықтады (ФОТО)

<a href="https://kyzylorda-news.kz/">Kyzylorda-news.kz.</a> 2020 жылы Жапония астанасы Токиода өтетін Жазғы Олимпиада ойындары бойынша ұлттық құрама еншісінде әзірге 14 түрінен 25 лицензия бар, деп хабарлайды <a href="http://lenta.inform.kz/kz/tokio-olimpiadasy-kazakstanda-kansha-licenziya-bar_a3585322">ҚазАқпарат</a>.
<blockquote>
 «Ұлттық құраманы 2020 жылы Токиода өтетін Олимпиада ойындарына дайындау бойынша кешенді жоспар жасалды. Басты мақсат – төртжылдықтың басты додасы үшін Олимпиада жолдамаларына қол жеткізу», – деді ОКҚ-да өткен баспасөз мәслихатында Мәдениет және спорт министрлігінің Спорт және дене шынықтыру істері комитеті төрағасы Серік Сәпиев.
</blockquote>
Оның айтуынша, осы жылдың соңына дейін ұлттық құрама 28 лицензиялық Әлем чемпионаты, 19 Азия біріншілігі мен 12 әлемдік іріктеу турниріне қатысады. 2020 жылы 3 Әлем чемпионаты, 19 Азия және 18 Әлемдік турнирлерінде өнер көрсетеді. Жоспарланған жарыстардың қорытындысы бойынша, 2016 жылғы Олимпиада ойындарынан кем болмайтын лицензия алу жоспарланып (32 спорт түрінен 105 лицензия) отыр.
<blockquote>
 «Бүгін де Ұлттық құрама еншісінде 14 спорт түрінен 25 лицензия бар», – деді Серік Сәпиев.
</blockquote>

Токио Олимпиадасы: Қазақстанда қанша лицензия бар?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Қазақстанның ұлттық валютасы – теңгенің туған күні. 1993 жылғы 15 қарашада елміз үшін тарихи оқиға орын алып, ұлттық валютамыз – теңге айналымға енді. Бұл жаңалықты сол кездері отандық БАҚ өкілдері қалай баяндады?
Елбасы Нұрсұлтан Назарбаев 12 қарашада Ұлттық валютаны енгізу туралы жарлыққа қол қойды. Сол күні кешке телевидение арқылы осы мәселемен Қазақстан халқына үндеу жолдады. Президенттің үндеуі мен сәйкес жарлықтар, қаулылар мен теңгені айналымға енгізу туралы нұсқаулар ресми баспасөз құралдарында 13 қарашада жарық көрді.
Назарбаев өз үнеуінде бұндай оқиғаның әр елдің тарихында бір-ақ рет болатынын мәлімдеді.
<blockquote>
 “Ұлттық валютаны енгізу қажеттілігін барлығымыз түсінуіміз қажет. Біз үшін бұл оқиғаның тек экономикалық емес, сондай-ақ саяси мәні де теңдессіз”, – деді ол.
</blockquote>
Ары қарай Елбасы жеке ұлттық валютаны енгізу себебінің мән-жайын айтып берді. Төменде оның мәлімдемесінен үзінді келтіреміз.
<blockquote>
 “Біз жағдайды мұқият таразылап, жеке валютамызды енгізу туралы шешім қабылдадық. Бұл экономикалық одақ жөніндегі келісімшарттың негізгі ережелеріне қайшы келмейді. Біз ашықтық қағидаларын басшылыққа ала отырып, Ресей мен өзге де Достастық мемлекеттерін бұндай қадам жөнінде уақытында ескерттік.
 Өкінішке орай, бүгінде стратегиялық мүдделер екінші орынға түсіп қалды, және қалыптасқан жағдайларға байланысты барлығымызға міндетті межелеу мен жеке валюталарымызды енгізу кезеңі арқылы интеграцияға беттеуімізге тура келеді.
 Сондықтан да ұлттық валютаны енгізу туралы қабылдаған шешімім – қалыпртасқан жағдайдан шығудың жалғыз жолы”, – деді Назарбаев.
</blockquote>
Осылайша, 1993 жылдың 15 қарашасында таңғы сағат 8:00-де Қазақстан аумағында өз ұлттық валютасы – теңге айналымға шығарылды. Валюта бағамы да белгіленді: 4,75 теңге = 1 доллар немесе 1 теңге = 500 рубль.
<a href="https://kaz.nur.kz/1827366-nazarbaev-kazakstanda-lttyk-valutany-kalaj-engizdi-foto-video.html">Nur.kz</a>
<img src="https://kyzylorda-news.kz/wp-content/uploads/2019/11/15nazarbayevvaluta2.jpg" alt="" />
<img src="https://kyzylorda-news.kz/wp-content/uploads/2019/11/15nazarbayevvaluta3.jpg" alt="" />
<img src="https://kyzylorda-news.kz/wp-content/uploads/2019/11/15nazarbayevvaluta4.jpg" alt="" />

Назарбаев Қазақстанда ұлттық валютаны қалай енгізді? (ФОТО, ВИДЕО)

<a href="https://kyzylorda-news.kz/">Kyzylorda-news.kz.</a> Қазақстанда 15 қарашада Ұлттық валюта күні аталып өтеді. Дәл осы күн қаржыгерлердің кәсіби мерекесі саналады, деп хабарлайды <a href="http://lenta.inform.kz/kz/26-zhylda-tenge-kalay-ozgerdi_a3585572">ҚазАқпарат</a>.
Бүгін Ұлттық валютамыз теңгеге 26 жыл толды. 1993 жылы 12 қарашада ҚР Президентінің 15 қарашадан бастап Қазақстан Республикасының ұлттық валютасы – теңгені айналымға шығару туралы Жарлығы жарық көрді. Дәл осы күні Президент халыққа үндеу жариялады.
<blockquote>
 «Осы уақыттан бастап Қазақстанның шынайы тәуелсіздігінің маңызды кезеңі басталады. Бұндай тарихи сәттер ел өмірінде бір-ақ рет болатын ірі оқиға», – деді Н.Назарбаев.
</blockquote>
26 жылда теңгенің 4 сериясы шықты. Бірінші ақшамыз Ұлыбританияда басылып шықты. 1995 жылы өз банкнот фабрикамыз ашылды.
Ұлттық валютаның алғашқы легінде «Портреттік серия» қолданылған. Авторлар банкнот беттерінде қазақтың ұлы тұлғаларының суреттерін жариялады.
Осылайша тұңғыш рет ақша бетінде әл-Фараби, Сүйінбай, Құрманғазы, Шоқан Уәлиханов, Абай, Әбілқайыр хан, Абылай хан бейнелері жарық көрді.
<img src="https://kyzylorda-news.kz/wp-content/uploads/2019/11/15tenge2.jpg" alt="" />
Ұлттық валютаның екінші легі Қазақстанда басылып шықты. Жаңа серия «Әл-фараби» деп аталды.
Шығыс ойшылының бейнесі 200-10000 теңгеге дейінгі банкноттарға басылды. Бұл ақша айналымда көп болған жоқ. Адам бейнесі салынған банкноттар тез жыртылып, мыжылатындықтан суретшілер портреттік суреттерден бас тарта бастады.
<img src="https://kyzylorda-news.kz/wp-content/uploads/2019/11/15tenge3.jpg" alt="" />
Ұлттық валютамыздың үшінші буыны 2006 жылы Бәйтерек бейнесімен жарық көрді.
Бұл жолы дизайнерлер ақша бетінде тек Қазақстанның тарихын ғана емес, сәулеті мен табиғатын да сыйғызуға тырысты. Теңгенің бетінде ашық алақан, Тұңғыш Президенттің қолы, әнұранның ноталары басылды.
«2011 жылдан бастап қазақстандықтардың қолында жаңа валюта айналымға шыға бастады. «Самұрық» сериясындағы номиналы 500, 1 000, 2 000, 5 000, 10 000 және 20 000 теңге болатын ақша пайда болды. Бір жақ бетінде «Қазақ Елі» монументі мен ұшып бара жатқан кептерлер жарияланды. Екінші жақ бетіне суретшілер Алматы қаласының, Ертіс өзенінің,Үстірт жазығының панорамасын бейнеледі» – деді Ұлттық банктен.
<img src="https://kyzylorda-news.kz/wp-content/uploads/2019/11/15tenge5.jpg" alt="" />
Монеталардың бірінші партиясы Германияда басылды. Ал қазір монеталар Қазақстан монета сарайында шығарылады. Монета сарайында инвестициялық, коллекциялық шақалар шығарылды.
<img src="https://kyzylorda-news.kz/wp-content/uploads/2019/11/15tenge6.jpg" alt="" />
Қазір айналымда номиналы 1, 2, 5, 10, 20, 50 және 100 теңге болатын монеталар бар. Келер жылы номиналы 200 теңге болатын монета шығады. ҚР Ұлттық банкі Коллекциялық монеталарды шығаруды 1995 жылдан бастап жолға қойған. Инвестициялық монеталар – Аu 999,9 бағалы металдардан соғылған.
<img src="https://kyzylorda-news.kz/wp-content/uploads/2019/11/15tenge7.jpg" alt="" />
Теңге өз тарихында 3 рет девальвацияға ұшырады. 1993 жылдың қарашасында $1 құны 4,7 теңге болатын. 1994 жылдың қарашасында $1 құны 50 теңгеден асты.
1999 жылы тұңғыш рет теңге әлсіреді. Жыл соңында $1 құны 138 теңгеге жетті.
Екінші девальвация салқыны 2009 жылдың соңында соқты. $1 құны 148 теңгеге жетті.
2014 жылдың қаңтарында үшінші құнсыздану толқыны келіп, $1 құны 181 теңгеге жетті.
2015 жылдың тамызында Қазақстан теңге бағамының еркін тербелісіне көшті. Бүгінде теңгенің ресми бағамы $1 – 388 теңге.

26 жылда теңге қалай өзгерді? (ФОТО)

<a href="https://kyzylorda-news.kz/">Kyzylorda-news.kz.</a> Ішкі істер министрлігі жүргізуші куәлігінің және көлік құралын тіркеу туралы куәліктің жаңа үлгісін енгізуде, деп хабарлайды <a href="https://24.kz/kz/zha-aly-tar/o-am/item/354780-2020-zhyldan-bastap-zh-rgizushi-ku-ligi-zgeredi">«Хабар 24»</a>.
<blockquote>
 «Тиісті бұйрыққа Ішкі істер министрі 2019 жылғы 2 қарашада қол қойып, ол 2019 жылғы 4 қарашада Әділет министрлігінде тіркелді. Көрсетілген құжаттардағы электрондық чип келесі бетіне көшіріліп, чип жадының көлемі ұлғайтылады», – делінген ҚР ІІМ баспасөз қызметінің хабарламасында.
</blockquote>
Аталған шаралар жүргізуші куәлігін және көлік құралын тіркеу туралы куәлікті жеке басын куәландыратын құжаттармен сәйкестендіру үшін қажет және құжаттарды дайындаудың бірыңғай өндірістік стандартына көшуге мүмкіндік береді.
Сонымен қатар аталған құжаттарды қолдан жасауды болдырмау мақсатында штрих-код түрінде қосымша қорғау енгізіледі, сондай-ақ көлік құралын тіркеу туралы куәліктің түсі өзгереді.
Бұл ретте бұрын берілген жүргізуші куәліктері мен көлік құралын тіркеу туралы куәліктерді ауыстырудың қажеті жоқ екенін атап өткен жөн. Олар қызмет мерзімінің уақытында жарамды бола береді.
Аталған құжаттарды беру үшін мемлекеттік баж мөлшері өзгермейді және ол бұрынғыша 1,25 АЕК-ті құрайды.
<img src="https://kyzylorda-news.kz/wp-content/uploads/2019/11/15pravakaz2.jpg" alt="" />

2020 жылдан бастап жүргізуші куәлігі өзгереді

<a href="https://kyzylorda-news.kz/">Kyzylorda-news.kz.</a> 14 қараша – Дүниежүзілік диабетпен күресу күні. «Әлеуметтік медициналық сақтандыру қоры» облыстық филиалының мәліметіне сәйкес, бүгінгі күнге Қызылорда облысында қант диабетімен ауыратын 12 мың 334 науқас тіркелген, оның ішінде 147 – балалар.
Мамандардың пікірінше, қант диабетінен емделу – бұл адамның денсаулығына жауапкершілігінің деңгейіне тікелей байланысты ауруы. Диабетпен өмір сүруге болады. Бірақ ол тәртіп пен өзін-өзі бақылауды талап етеді. Қант диабетімен өмір сүруді үйрену үшін «Диабет мектептері» құрылған. Бұл мектептер алғашқы медико-санитарлық көмек көрсететін барлық мекемелерде жұмыс жасайды.
Көбіне қант диабеті скринингтен өту барысында анықталады. Осыған байланысты, дәрігерлер немқұрайлық танытпауды ескертеді. Биылғы жылдың 9 айында скринингтен өткен 56&nbsp;337 облыс тұрғындарының 4&nbsp;973-де «тәтті ауру» анықталған.
<blockquote>
 «Диабетті диетаның, жаттығулар мен дәрі-дәрмектің көмегімен емдеуге, сол арқылы оның асқынуына жол бермеуге болады. Ең алдымен әр пациент өз денсаулығы үшін өзі жауапты: ол арнайы күнделік ашып, күн сайы қан мен несептегі қант деңгейін, несептегі ацетон мөлшерін, салмағы мен қан қысымын жазып жүруі тиіс. Бұл науқастың ахуалын анықтап, емдеу схемасын ауыстыруға, терапияны, диета мен физикалық жаттығулар бағытын реттеп отыруға көмектеседі», – дейді мамандар.
</blockquote>
Қазақстанда қант диабеті тегін емделеді. Кепілдендірілген тегін медициналық көмек пакеті шеңберінде диабетке шалдыққан пациенттерге түрлі дәрі мен медицина бұйымдары беріледі. Оның ішінде шприц, тест-жолақша, глюкометр, инсулин помпалары мен инсулин де бар.
<blockquote>
 «2020 жылдан бастап МӘМС жүйесіне қосылуымен қант диабетімен ауыратын науқастарға мемлекеттің есебінен профилді мамандардың қызметі, лабораторлық диагностика, күндізгі және тәуліктік стационарлардағы жоспарлы көмек көрсетіледі және дәрі-дәрмекпен тегін қамтамасыз етіледі», – дейді Қор сарапшылары бізбен әңгімесінде.
</blockquote>
Еске салсақ, 2020 жылдың басынан бастап Қазақстанның тұрғындарына медициналық көмек екі пакетпен көрсетіледі. Біріншісі – ол тегін медициналық қызметтер, ТМККК. Екіншісі – міндетті әлеуметтік медициналық сақтандыру жүйесінде сақтандырылған қатысушыларға арналған пакеттер.

Қызылорда облысында қант диабетімен 12 мың адам ауырады

&nbsp;&nbsp;&nbsp;&nbsp;&nbsp;&nbsp;&nbsp; <a href="https://kyzylorda-news.kz/">Kyzylorda-news.kz.</a> Қазіргі уақытта Қызылорда облысының Полиция департаменті Жергілікті полиция қызметі басқармасының және Қызылорда қаласы Полиция басқармасының қызметкерлері жол-көлік оқиғаларының алдын алу бойынша ұйымдастыру жұмыстарын және де облыс аумағында мас жүргізушілермен белсенді күрес жүргізуде.
&nbsp;&nbsp;&nbsp;&nbsp;&nbsp;&nbsp; Жыл басынан бері жол-көлік оқиғаларының алдын алу мақсатында «Қауіпсіз жол», «Автобус», «Жаяу жүргінші», «Абайлаңыз – балалар!» және т. б. іс-шаралары жүйелі түрде жүргізілуде.
Облысымызда 10 ай көлемінде атқарылған&nbsp; жұмыстар&nbsp; нәтижесінде ҚР ӘҚБтК-нің 608-бабымен (автокөлікті масаң күйде басқарудың) – 1288 дерегі, ҚР ӘҚБтК-нің- 596-бабымен (қарсы&nbsp; бағытқа&nbsp; шығудың) – 360 дерегі анықталды.
Сонымен қатар, қазіргі таңда жүргізу құқығы жоқ бола тұра автокөлікті масаң күйде басқару деректері жиілеп орын алуда. Осыған дәлел жыл басынан ҚР ҚК-нің 346-бабымен басқару құқығынан айырылған адамның масаң күйде көлік басқарудың 360 дерегі анықталды.
&nbsp;&nbsp; &nbsp;&nbsp;&nbsp;&nbsp;&nbsp;&nbsp;Мысалы, ағымдағы жылдың 3 қыркүйегінде Хон Бен До көшесінде облыс орталығының 24 жастағы көлік жүргізушісі соттың шешімімен көлік құралын жүргізу құқығынан 3 жылға айырылғанына қарамастан автокөлікті алкогольдік масаң күйде қайта басқарған.&nbsp;&nbsp;
&nbsp;&nbsp;&nbsp;&nbsp;&nbsp; &nbsp;&nbsp;&nbsp;Оған қатысты Қазақстан Республикасы Қылмыстық кодексінің 346-бабының 1-бөлігімен, яғни көлік құралын басқару құқығынан айырылған, алкогольдік масаң күйдегі адамның көлік құралын басқаруы дерегі бойынша сотқа дейінгі тергеп-тексеру басталды.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Жол-көлік оқиғаларының алдын алу мақсатында полицейлер облыс тұрғындарын жолда ерекше жауапкершілік туралы ескертеді.

Қызылордада көлік жүргізу құқығынан айрылған 360 жүргізуші масаң күйде көлік жүргізіп келген

<a href="https://kyzylorda-news.kz/">Kyzylorda-news.kz.</a> Осыдан тура 26 жыл бұрын Қазақстанның төл теңгесі айналымға енді.
1993 жылдың 12 қарашасында ҚР Тұңғыш Президенті – Елбасы Нұрсұлтан Назарбаев ұлттық валютаны енгізу туралы жарлыққа қол қойды. Араға үш күн салып, теңге айналымға шықты. Бірақ Ұлттық валютаның алғашқы партиясы Қазақстанға Ұлыбританиядан жасырын әкелінген.&nbsp; Қазақстанда ұлттық валютаны енгізу жұмыстары 1992 жылы басталған. Сол жылдың 27 тамызында Ұлттық банк теңге купюрасының үлгілерін бекітті. Алайда Қазақстанда өз банкнотасын шығаратын жеке фабрикасы мен Монета сарайы жоқ еді. Сондықтан ұлттық валютаны әзірлеуге кіріскен арнайы топ өкілдері Англияға аттанды. Тұманды Альбион елінен ұлттық валютаны Қазақстанға жеткізу құпия жолмен жүргізілді. Теңге алғаш рет айналымға енген күні 1 доллар 4,75 теңге болып бекітілген еді. Содан бері ұлттық валюта бірнеше рет құлдырады.

15 қараша – Ұлттық валюта күні

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстан премьер-министрі Асқар Мәмин «Бәйтерек» зымыран кешенін дамытуға бюджеттен шамамен 330 миллион доллар бөлінетінін айтты,&nbsp;деп хабарлайды&nbsp;<a href="https://www.centralasian.org/a/30267436.html">Centralasian.org</a>.
Қыркүйек айында Ресейдің ақпарат құралдары кешен атауын Қазақстанның бұрынғы президенті Нұрсұлтан Назарбаевтың құрметіне өзгерту бастамасы туралы жазған.
<blockquote>
 «Биыл сәуір айында Қазақстан президенті Қасым-Жомарт Тоқаев пен Ресей президенті Владимир Путин Байқоңыр ғарыш айлағындағы ауқымды жоба – «Бәйтерек» экологиялық қауіпсіз ғарыш зымыран кешенін дамытуды тапсырды» деді Асқар Мамин.
</blockquote>
Айта кетейік, &nbsp;«Назарбаев старты» деп атау жөнінде Ресей бастама көтергенін атап өткен.
Қыркүйек айында Қазақстанның бұрынғы президенті Нұрсұлтан Назарбаев Ресей президенті Владимир Путиннің «Бәйтерек» зымыран кешенінің атауын «Назарбаевқа» өзгерту ұсынысын қабылдаған.

Байқоңырдағы «Назарбаев» атындағы зымыран кешеніне 330 миллион доллар бөлінеді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>15 қарашада еліміздің басым бөлігінде ауа райы құбылмалы болады, деп хабарлайды Қазгидромет.
Атмосфералық ауа ағындарының өтуіне байланысты республиканың басым бөлігінде құбылмалы ауа райы күтіледі. Оңтүстікте, оңтүстік-шығыста кей жерлерде жаңбыр және қар, солтүстік-шығыста, солтүстік-батыста және орталық өңірлерде қар жауады. Кей жерлерде тұман түсуі ықтимал, жел күшейеді, көктайғақ, бұрқасын болады.
Ақмола, Қарағанды облыстарының кей жерлерінде тұман, көктайғақ, бұрқасын күтіледі, жел 15-20 м/с күшейеді.
Шығыс Қазақстан облысының кей жерлерінде көктайғақ, бұрқасын, кей жерлерде желдің жылдамдығы 15-20 м/с жетеді.
Қостанай облысының кей жерлерінде тұман, көктайғақ, жаяу бұрқасын күтіледі, түнде кей жерлерде жел 15-20 м/с күшейеді.
Жамбыл облысының кей жерлерінде тұман түседі, күндіз кей жерлерде жел тұрып, жылдамдығы 15-20 м/с жетеді.
Алматы облысының кей жерлерінде түнде және таңертең тұман күтіледі, Жалаңашкөл ауданында жел 17-22 м/с күшейеді. Түркістан, Қызылорда, Маңғыстау, Батыс Қазақстан, Ақтөбе, Солтүстік Қазақстан облыстарының кей жерлерінде тұман түсуі ықтимал, Түркістан облысында, күндіз Жамбыл облысының кей жерлерінде желдің жылдамдығы 15-20 м/с жетеді.

15 қарашада ел аумағының басым бөлігінде қар жауып,  бұрқасын болады

Қазақстан Республикасының Ұлттық валюта күні
Теңгенің айналымға енген күні. Қазақстан Республикасы Президентінің 1997 жылғы 13 қарашадағы Жарлығымен 15 қараша – Ұлттық валюта күні, еліміздегі қаржы жүйесі қызметкерлерінің кәсіби мерекесі болып жарияланды. Ұлттық валютаны теңге деп атауды ұсынған – Халықаралық Инженерлер академиясының академигі, Қазақстанның белгілі ғалымы, КСРО Мемлекеттік сыйлығының иегері, «Құрмет» орденінің кавалері Сауық Тәкежанов еді.
Темекіден бас тарту күні
Әлемнің бірқатар батыс елдерінде жыл сайын қарашаның үшінші бейсенбісінде атап өтіледі. 1977 жылы Америка онкология қоғамы (American Cancer Society) бекіткен. 
1993 жылы Қазақстан Республикасының ұлттық валютасы енгізілді.
2013 жылы М.Қозыбаев атындағы Солтүстік Қазақстан мемлекеттік университетінің аға оқытушысы, еңбек сіңірген спорт шебері Виктор Сайко есімі Гиннестің рекордтар кітабына енгізілді. Әлем, Еуропа, Азия чемпионаттарында В. Сайко 20 алтын медаль жеңіп алды, екі мәрте Әлем, Еуропа, Азия және Еуразия рекордтарын орнатты.
2013 жылы Ерлан Ыдырысов Қазақстан Республикасының Африка одағындағы тұрақты өкілі болып тағайындалды.
2016 жылы ҚР Ұлттық банкі 5 мың теңгелік мерекелік күміс монета шығарды. Монетада «Қазақ елі» монументі мен ұлттық киім киген түрлі ұлттардың өкілдері бейнеленген. Монета шығып келе жатқан күннің бейнесімен безендірілген. Оның салмағы 777,5 грамм.

Қазақстан және Қызылорда облысының жаңалықтары