<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстандық күзет фирмасының жұмысшылары Байқоңыр ғарыш айлағында үлкен ұрлық жасаған деп күдіктелуде, деп хабарлады кешен прокуратурасының баспасөз қызметінен.&nbsp;
<blockquote>
 «Тергеумен белгілі болғандай, ағымдағы жылдың 15-нен 16 қазанға қараған түні қаскөйлер алдын-ала қылмыстық сөз байласып, қазақстандық күзет компаниясының қызметкерлері бола тұра, Қазақстан Республикасына тиесілі «Байқоңыр» ғарыш айлағының алаңында орналасқан нысандардың бірін күзету кезінде қоймаға заңсыз кіру арқылы жалпы сомасы 1,85 млн рубль болатын кабель өнімін ұрлаған», – делінген бейсенбідегі хабарда.&nbsp;
</blockquote>
Хабарда атап өтілгендей, айыпталушылардың бірі ізін суытпай ұсталып, қазіргі таңда қамауға алынды.&nbsp;
<blockquote>
 «Қолға алынған тергеу амалдарымен аса ірі көлемде ұрлық жасаған азаматтардың кінәсі толық расталып, дәлелденді, олар күзет мекемесінен қуылды. Айыпталушылардың Қазақстан Республикасының азаматтары болуына байланысты оларға қатысты қылмыстық істі прокуратура ары қарай қылмыстық қудалауды жүргізу үшін қазақстандық құқыққорғау органдарына жолдады», – деді кешен прокуратурасынан.&nbsp;
</blockquote>
Ресейлік тарап тергеу амалдарын РФ ҚК 158 бабы 4 бөлімі «б» тармақшасы (алдын-ала сөз байласқан адамдар тобының қоймаға заңсыз кіру арқылы аса ірі көлемде ұрлық жасауы) бойынша жүргізілген.
1 рубль = Т6,05.

Қазақстандық күзет фирмасының жұмысшылары Байқоңыр ғарыш айлағында үлкен ұрлық жасаған деп күдіктелуде

<a href="https://kyzylorda-news.kz/">Kyzylorda-news.kz.</a> Көлік құралының иесі көлігін&nbsp; сенімхат негізінде басқа адамға сатса,&nbsp; жаңа иеленуші бұл көлік құралын өз атына тіркеген сәтке дейін салықты төлеу жөніндегі барлық міндеттер &nbsp;мен жауапкершілік бұрынғы меншік иесінде&nbsp; &nbsp;сақталады.
Сенімхат және сатып алу-сату шарты екі түрлі ұғымдар. ҚР Азаматтық кодексінің &nbsp;167-бабының 1-тармағына сәйкес, бір адамның (сенім білдірушінің) атынан өкілдік ету үшін басқа адамға (сенім білдірілген адамға) берілетін жазбаша уәкілдігі сенімхат деп танылады” делінген.
Ал, &nbsp;&nbsp;ҚР АК &nbsp;235-бабының 2-тармағына сәйкес, меншiк иесi бар мүлiкке меншiк құқығына басқа адам сатып алу-сату, айырбастау, сыйға тарту немесе осы мүлiктi иелiктен айыру туралы өзге мәмiленiң негiзiнде ие болуы мүмкiн.
Осылайша, меншік иесі сенімхат бойынша сатылған көлік құралынан салық салу объектісі&nbsp; бойынша салық міндеттемелерін &nbsp;орындаудан босатылмайды.
Айта кетейік, 31 желтоқсанда 2019 жылға жеке тұлғалардың көлік құралдарына салық төлеу мерзімі аяқталады.

Көлікті сенімхат арқылы сатса, салықты кім төлейді?

<a href="https://kyzylorda-news.kz/">Kyzylorda-news.kz.</a> “Мұз айдыны” спорт кешенінде гір көтеру жəне қол күресінен ересектер арасында ҚР кубогы өтуде.
Жарысқа еліміздің барлық өңірлерінен 300-дей спортшы 30 салмақ дəрежесінде күш сынасуда.
Ел кубогының ашылу салтанатына облыс əкімінің орынбасары Наурызбай Байқадамов пен гір көтеру жəне қол күресінен ҚР мемлекеттік жаттықтырушысы Серік Ерішұлы қатысып, қатысушыларға сəттілік тіледі.
Жарыстың жеңімпаздары мен жүлдегерлері ҚР Дене шынықтыру жəне спорт комитетінің диплом, медаль, кубогымен марапатталады.
Бүгін гір спорты сайысы жеңімпаздарының есімі белгілі болады.
<img src="https://kyzylorda-news.kz/wp-content/uploads/2019/12/6girkubok2.jpg" alt="" />
<img src="https://kyzylorda-news.kz/wp-content/uploads/2019/12/6girkubok3.jpg" alt="" />

Қызылордада гір спорты жəне қол күресінен ел кубогы басталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов облыстық көпбейінді ауруханасында болып, кардиохирургиялық орталықтың ашылғынына 10 жыл толуына орай, облыс тұрғындарына көрсетіліп жатырған медициналық көмектің сапасымен танысты. Бұл туралы облыс әкімінің баспасөз қызметі хабарлады.
Оның ішінде жүрек қан тамырлары ауруларына, жедел инфаркті анықтауда компьютерлік тамограф және қан тамырларын рентген сәулелері арқылы тексеріп, жүрек ауруларын анықтауда шұғыл және жоспарланған жоғары технологиялық көмекке қол жетімділігін қамтамасыз ететін ангиограф аппаратының жұмыс нәтижесін көрді.
Облыстық көпбейінді ауруханасына жаңадан қойылған компьютерлі тамограф қондырғысына жергілікті бюджеттен 440 млн теңге қаралса, қан тамырларын рентген сәулелері арқылы тексеріп, жүрек ауруларын анықтайтын ангиографиялық аппараты мемлекеттік-жекеменшік әріптестік негізінде алынған. Дүниежүзілік Денсаулық ұйымының көрсеткіші бойынша, жүрек қан тамырлары ауруларынан болатын өлім-жітімді азайту үшін 1 млн халыққа 1000 ота жасалуы қажет деп көрсетілген. Облысымыздың 800 мың тұрғынына есептегенде жыл сайын 800 ота жасалуы қажет. Ол үшін әрбір 250 мың тұрғынға шаққанда 1 ангиографиялық аппарат қажет етіледі. Биыл мемлекеттік-жекеменшік әріптестік негізінде алынған 2 ангиографиялық аппараттың көмегімен халыққа көрсетілетін медициналық көмектің сапасы артады деп күтілуде. Ангиограф аппаратының бірі облыс орталығында, бірі Қазалы ауданында жұмыс істеуде.
<blockquote>
 “Елбасы және Мемлекет басшысы тапсырмаларына сәйкес халықтың денсаулығы басты назарда болу қажет. Бұндай құрал бұрын біздің өңірімізде болмаған. Жаңадан алынған аппараттар аймақ тұрғындары үшін қызмет ету керек. Алдағы уақытта да бюджет қаражатынан осындай заман талабына сай келетін құралдарды сатып алуды қарастырамыз.”,- деді облыс әкімі Қ.Ысқақов.
</blockquote>
2007-2009 жылдары Қазақстан Республикасында кардиологиялық және кардиохирургиялық көмектi дамытуға арналған мемлекеттік бағдарламасы қабылданды. Осы бағдарлама аясында 2009 жылдың 6 желтоқсанында облыстық медицина орталығының құрамында кардиологиялық орталық ашылды. Дәл сол күні Қызылорда облысының туа бітті жүрек ақауымен туылған 13 жасар тұрғынына алғашқы рет ота жасалған. 2009-2011 жылдар аралығында облысқа алыс-жақын шет елдердің, республикалық орталықтартың профессорлары, доценттері, арнайы мамандары келіп түрлі мастер-кластар ұйымдастырып, түрлі оталар жасаған. Сонымен қатар, аймақ дәрігерлері де шет мемлекеттерге, республикалық арнайы орталықтарға барып білімдерін жетілдіріп, 2011 жылдан бастап ота жасауға кіріскен.
<img src="https://kyzylorda-news.kz/wp-content/uploads/2019/12/6akimatoms2.jpg" alt="" />
<img src="https://kyzylorda-news.kz/wp-content/uploads/2019/12/6akimatoms3.jpg" alt="" />

Облыс әкімі көп бейінді ауруханада жаңадан алынған кардиологиялық аппараттармен танысты (ФОТО)

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қ.Ысқақовтың қатысуымен «Smart Qyzylorda: Аймақтың цифрлық трансформациясы» тақырыбында бірінші облыстық IT форумы өтуде. Аталған шараға ҚР Цифрлық даму, инновациялар және аэроғарыш өнеркәсібі вице-министрі А.Оспанов, шетелдік және отандық ІТ қауымдастықтары мен жергілікті атқарушы органдарының өкілдері қатысты.
IT форумның мақсаты – мемлекеттік сектор мен елдің бизнес-қауымдастық өкілдерінің арасында цифрландыру бойынша тәжірибелерімен бөлісіп, идеялармен алмасуға арналған бірыңғай алаң құру. Форум аясында Малайзия, Татарстан елдерінен келген спикерлер цифрландыру саласында өздерінің тәжірибелері туралы айтты. Сонымен қатар, ІТ форум алаңында Қызылорда облысындағы «Цифрлық Қазақстан» мемлекеттік бағдарламасы аясында цифрландыру жобаларының тұсаукесері мен көрмесі ұйымдастырылып, «Ақылды қаланы» қалыптастыру бойынша шетелдік, отандық IT компаниялардың үздік тәжірибесі бойынша арнайы бағдарлама ұсынылды.
<blockquote>
 “Бүгінгі “Smart Qyzylorda: Аймақтың цифрлық трансформациясы ” тақырыбындағы форум ” адами капиталды дамытуға, аймақта жүзеге асырылған жобаларды тұрғындарға таныстыруға, ТМД мемлекеттерімен тәжірибе алмасуға, жобаларға кәсіпкерлерді, инвесторларды тартуға және де Стартап жобаларды қолдауға бағытталатын болады. Форум барлығымыз үшін нәтижелі және пайдалы болатынына сенімдімін “,- деді облыс әкімі Қ.Ысқақов.
</blockquote>
Форум аясында облыс әкімі Қ.Ысқақов «Smart Qyzylorda» мобильдік қосымшасын іске қосты. «Smart Qyzylorda» біріктірілген ақпараттық жүйесі – қаланың тұрғындары мен қонақтарын біртұтас біріктірілген жүйе арқылы түрлі салалардағы қызметтерді пайдалануға мүмкіндік береді.
Сондай-ақ, форумда өңірде ауыл шаруашылығын цифрландыру бағыты бойынша жүзеге асырылған Қазақстандағы тұңғыш цифрлы күріш ақтау зауытының және «Акмауа Smart Farm» фермасының жұмыстары таныстырылды.
«Мағжан и К» ЖШС цифрлы күріш ақтау зауыты сағатына 5 тонна күрішті өндеуге қуатты және кәсіпорында Оңтүстік Кореяның «DAEWON GSI» күріш өндірудегі цифрлы технологиясы пайдаланылады, барлық процестер автоматтандырылған жүйе арқылы басқарылады. Шиелі ауданындағы «Ақмая» шаруа қожалығы FMIS – «ақылды ферма» зияткерлік геоақпараттық форманы қолданатын пилоттық шаруашылық. Ол жедел навигацияны, өріс деректерін толық талдауды және өндірістік процестердің мониторингін қамтиды. Аталған форум шеңберінде ағымдағы жылдың 30 қарашасында өткен «SMART QYZYLORDA HACKATHON» байқауының жеңімпаздарын ҚР Цифрлық даму, инновациялар және аэроғарыш өнеркәсібі вице-министрі А.Оспанов марапаттады.
<img src="https://kyzylorda-news.kz/wp-content/uploads/2019/12/6akimatforum2.jpg" alt="" />
<img src="https://kyzylorda-news.kz/wp-content/uploads/2019/12/6akimatforum3.jpg" alt="" />

Қызылордада бірінші аймақтық ІТ форум өтуде

<a href="https://kyzylorda-news.kz/">Kyzylorda-news.kz.</a> Әртүрлі елдердің халық санағы және шежіре порталдарынан алынған мәліметтер жарияланды.
Ресейдегі ең танымал фамилия – Иванов, ал АҚШ-та және басқа да ағылшын тілді елдерде (Канада, Ұлыбритания, Австралия және Жаңа Зеландия) Смит (Смит) фамилиясының иелері. Бұған NetCredit қаржылық блогының сарапшылары жүргізген зерттеу нәтижелері дәлел бола алады.
Айта кетерлігі, Ивановтар Беларусь, Болгарияда да басым. Германия мен Швейцарияда&nbsp;Мюллерлер көп (неміс тілінен аударғанда «диірмен»), Австрияда – Грубер (неміс gruobe сөзінен шыққан, «шұңқыр» дегенді білдіреді).
Азиядағы фамилияларға келетін болсақ, олар әдетте әулеттік өткенді білдіреді. Осылайша, Сингапур мен Малайзияда Тан атты тек&nbsp;ең көп кездеседі. Бұл «Чэнь» – Қытай тарихының Чуньцю кезеңіндегі Чжоу династиясының күйінен шыққан.
Ким – Солтүстік және Оңтүстік Кореяда, сондай-ақ Қазақстан мен Өзбекстанда жиі кездесетін фамилия. Қытайда Ван фамилиясы шамамен он үшінші тұрғында.
Сарапшылар атаулардың бір бөлігі ата-аналар атынан, ал екіншісі отбасы жетекшісінің мамандығына байланысты жасалады дейді. Олардың шығу тегінің географиясы, жеке ерекшеліктері, сондай-ақ адамның меценатының жеке басы атаулардың этимологиясында маңызды рөл атқарды.
<a href="https://stan.kz/alemdegi-en-tanimal-familiya-belgili-boldi-324978/">stan.kz</a>

Әлемдегі ең танымал фамилия белгілі болды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 2020 жылы “Нұрлы жер” бағдарламасы бойынша 1 172 пәтер беріледі.
<blockquote>
 “Үй үшінші және төртінші класс жайлылығы бойынша таза әрленген. Пәтер шаршы метрінің құны 180 000 теңгеден аспайды, бұл елордада жаңа тұрғын үйдің орташа құнынан екі есе төмен”, – деп түсіндірді банктің орталық филиалының директоры Жансұлтан Матаев.
</blockquote>
Әкімдіктің тұрғын үйге мұқтаждар тізімінде 47 312 адам кезекте тұр.
“Нұрлы жер” бағдарламасы аясында тұрғын үй конкурстық негізде 50/50 қағидаты бойынша бөлінеді. Яғни пәтерлердің 50 пайызы әкімдік кезегінде тұрғандар арасында, қалған 50 пайызы банктің басқа салымшылары арасында бөлінеді.
Бұл ретте, мемлекеттік бағдарламаға қатысу үшін әкімдіктің кезегінде тұрғандар Тұрғынүйқұрылысжинақбанкінің салымшысы болуы шарт.
Барлық үміткерлерге талап бірдей:
<ul>
<li>Республика азаматтығы немесе оралман мәртебесінің болуы;</li>
<li>ҚР аумағында меншік құқығында тұрғын үйдің болмауы (үміткердің өзі де, онымен бірге тұрақты тұратын отбасы мүшелері де);</li>
<li>Cоңғы 2 жыл ішінде Нұр-сұлтан қаласында тұрақты тіркеуінің болуы қажет.</li>
</ul>
Ағымдағы жылдың басынан бастап&nbsp;729 пәтер&nbsp;берілсе, оның ішінде&nbsp;547 пәтер&nbsp;әкімдікте кезекте тұрғандарға үлестірілді.
Тұрғын үй жинаған баллға сәйкес бөлінеді. Балл депозитті толықтыру жүйелігінен және ТҚЖБ-ндегі депозит мерзімінен құралады.
Екі жыл ішінде “Нұрлы жер” бағдарламасы бойынша 984 отбасы өз баспанасын алды. Тағы 250 салымшы жаңа жыл қарсаңында қоныс тойын тойлайды, ал 403 отбасы өз пәтеріне 2020 жылдың басында ие болады.
Елордада тұрғын үйге деген сұраныс жоғары. Бірақ соңғы уақытта екінші деңгейлі банктер тұрғын үй құрылысы саласына кредит беруге құлықсыз. Сондықтан Тұрғын үй құрылысына кепілдік беру қоры мен Тұрғынүйқұрылысжинақбанкі ынтымақтастығы шеңберінде үлестік қатысуды күшті мемлекеттік қолдау мен бақылау мәселені шешеді деп күтіліп отыр.
Қор үлескерлер қаражатының сақталуына және мақсатты пайдаланылуына, сапасын бақылауға және мерзімдердің сақталуына кепілдік береді.
“Тұрғынүйқұрылысжинақбанкі салымшыларға пәтер сатып алуға көмектеседі. Ал несие бойынша кепіл ретінде салынып жатқан нысанда тұрғын үй болады. Қордың кепілдігімен қамтамасыз етілген үлестік құрылыс салымын жоғалтпай, құрылыс кезінде төмен баға бойынша тұрғын үй сатып алуға жол ашады”, – деді “Тұрғын үй құрылысына кепілдік беру қоры” АҚ кепілдік беру департаментінің директоры Жаңыл Саяқова.
Елордада халықты тұрғын үймен қамтамасыз ету көрсеткіші республика бойынша ең жоғары болып табылады. Адам басына шаққанда 30 шаршы метрді құраса, бұл қазірдің өзінде БҰҰ-ның әлеуметтік стандарттарына сәйкес келеді.
Салымшы қала тұрғындары жинақтамасының жалпы сомасы&nbsp;143,6 млрд теңгені&nbsp;құрайды.
Жыл басынан бері Нұр-сұлтан қаласында&nbsp;12 960 адам&nbsp;қолжетімді несие алып, тұрғын үй мәселесін шешті.
Естеріңізге сала кетейік, 20 пайыз мөлшеріндегі мемлекеттің жыл сайынғы сыйақысы 200 АЕК немесе 505 000 теңгеден аспайтын сомаға есептеледі.
Осы бонусты мемлекеттен алу үшін ТҚЖБ клиенттері ағымдағы жылдың 31 желтоқсанына дейін өз депозиттерін толықтыруы тиіс. Мемлекет сыйлығы 2020 жылдың бірінші тоқсанында есептелетін болады.
<a href="https://informburo.kz/kaz/2020-zhyly-trynyrylyszhinabanknen-km-y-ala-alady-.html">Informburo</a>

2020 жылы «Тұрғынүйқұрылысжинақ банкінен» кім үй ала алады?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Құрылыс және тұрғын үй-коммуналдық шаруашылық саласында көрсетілетін мемлекеттік қызметтер электронды форматқа көшіріледі.
ҚР Индустрия және инфрақұрылымдық даму министрлігінің құрылыс және тұрғын үй-коммуналдық шаруашылық істері комитеті мемлекеттік қызметтің 3 түрін көрсетеді:
– бірінші және екінші жауапкершілік деңгейіндегі объектілер бойынша техникалық қадағалау және техникалық зерттеп-қарауды жүзеге асыратын заңды тұлғаларды аккредиттеу;
– объектілердің құрылыс жобаларына ведомстводан тыс кешенді сараптама жүргізуге үміткер заңды тұлғаларды аккредиттеу;
– жобалау және құрылыс салу процесіне қатысушы инженер-техник жұмыскерлерді аттестаттау жөніндегі мемлекеттік емес аттестаттау орталықтарын аккредиттеу.
Қазіргі таңда бұл қызметтер қағаз жүзінде іске асырылып, мынадай тетіктерді қарастырады:
<blockquote>
 «Қызмет көрсету барысында сыбайлас жемқорлық тәуекелдерінің алдын алу және процестердің ашықтығын қамтамасыз ету мақсатында комитет көрсететін мемлекеттік қызметтің екі түрі жыл соңына дейін электрондық форматқакөшіріліп, Электрондық үкімет порталы арқылы&nbsp;көрсетіле бастамақ. Бұл – бірінші және екінші жауапкершілік деңгейіндегі объектілер бойынша техникалық қадағалауды және техникалық зерттеп-қарауды жүзеге асыратын заңды тұлғаларды аккредиттеу және жобалау және құрылыс салу процесіне қатысушы инженер-техник жұмыскерлерді аттестаттау жөніндегі мемлекеттік емес аттестаттау орталықтарын аккредиттеу мемлекеттік қызметтері. Осылайша қызметкерлер мен қызмет алушылар арасындағы байланыста адами фактор жойылады. Қарастыру мерзімі 15 жұмыс күнінен 20-40 минутқа дейін қысқарады» делінген хабарламада.
</blockquote>
Қазіргі уақытта нормативтік-құқықтық актілерге тиісті өзгерістер енгізіліп, ақпараттық жүйелердің техникалық даярлығы пысықталуда.
Сонымен бірге сараптамалық қызметтің өзін-өзі реттеу жүйесін енгізу (енгізу мерзімі – 2020 жыл)&nbsp;бойынша жұмыстар жүріп жатыр. Ол бойынша жеке сараптамалық ұйымдарды аккредиттеу мен жобалардың жеке сараптамасы бойынша сарапшыларды аттестаттау нарықтық ортаға беріледі. Аталған шара сараптама нарығы субъектілеріне кәсіби бақылау жүргізіп, сақтандыруды енгізу жолымен олардың жауапкершілігін күшейтеді.

Құрылыс саласындағы мемлекеттік қызметтер электронды форматқа көшіріледі

<a href="https://kyzylorda-news.kz/">Kyzylorda-news.kz.</a> <a href="https://24.kz/kz/">«Хабар 24»</a>-тің хабарлауынша, 2020 жылдан бастап теміржол билеттерін тікелей сату жүйесін енгізу жоспарланып отыр. Қазақстан темір жолы компаниясы электронды билет сату жүйесіне жаңалықтар енгізеді.
Сондай-ақ, 2020 жылдан бастап теміржол билеттерін төте сату жүйесі енгізілмек. Яғни, жүйе бір бағытқа бірнеше пойыздың көмегімен жету жолдарын ұсынады. Сондай-ақ «Жолаушылар тасымалы» қызметі мүмкіндігі шектеулі жандарға интернет-сайттар мен өзіне өзі қызмет көрсету автоматтары арқылы билет рәсімдеу мәселесін нақтылап жатыр.
<blockquote>
 «Жолаушылар тасымалы» АҚ бас директорының корпоративтік мәселелер жөніндегі орынбасары Асылхан Қалдыкөзов: «2020 жылы «Мобиус» жүйесі негізінде билет сататын мобильді қосымшаны және билеттерді тікелей сату жүйесін енгізу жоспарланып отыр. Яғни, тікелей маршрут болмаса, жолаушы діттеген жеріне жету үшін бірнеше орын ауыстыру арқылы билеттерді рәсімдей алады. Ал орындар бір пойызда болмаған жағдайда, басқа келісілген пойыздарға билет ұсынылады», – деді.
</blockquote>

Пойыз билеті: Енді бос орындарға бірнеше рет ауыса отырып, жетіп алуға жағдай жасалады

2020 жыл: Жаңақорған курортының ашылғанына 100 жыл

Қазақстанда, нотариустың атқарушлық жазба жасау тәжіриебесі кеңінен қолданысқа енгігізілуде. Дегенмен, көптеген азаматтар мен заңды тұлғалар, оның ішінде мемлекеттік мекемелер де қолданысқа енгізілген атқарушылық жазба туралы аз&nbsp; мәліметтер алғандықтан&nbsp; түсінбей жататын жағдайлар кездесуде. Содан олар уақыттарын жоғалтып, орын алған жағдайларды қалай шешетінін білмей адвокаттар мен заң кеңесшілеріне жүгініп жатады.
Атқару жазбасы қандай институт және оның қандай артықшылықтары бар?
Атқарушылық жазба немесе тиісті қаулы – даусыз талаптар бойынша борышкерден берешекті өндіріп алу үшін жасалатын әрекет.
2019 жылдың 21 қаңтарында «Қазақстан Республикасының кейбір заңнамалық актілеріне меншік құқығын қорғауды күшейту, төрелік, сот жүктемесін оңтайландыру және қылмыстық заңнаманы одан әрі ізгілендіру мәселелері бойынша өзгерістер мен толықтырулар енгізу туралы» Қазақстан Республикасының Заңы қабылданды.
Сот жүктемесін оңтайландыру мақсатында заңмен сот бұйрығы шығарылатын тоғыз даусыз талаптардың атқару жазбасын жасау үшін нотариусқа беруді көздейтін өзгерістер мен толықтырулар енгізілді.
Атқарушылық жазбаны жасау рәсімін енгізу нотариаттық актіге атқарушылық күш беру мүмкіндігін қамтамасыз етуге мүмкіндік берді, бұл өз кезегінде мәжбүрлеп орындату рәсімін едәуір жеңілдетуде.
Рәсімнің мәні – өндіріп алушы борышкер тиісті азаматтық-құқықтық қатынастардан туындайтын талаптар бойынша өз міндеттемелерін орындамаған жағдайда, өзінің талаптарын негіздейтін құжаттарды ұсына отырып, атқарушылық жазба жасау үшін нотариусқа жүгінуге құқық берілді.
Қарастырылып отырған нотариаттық іс-әрекеттің негізі болатын талаптар тізбесі даусыз және талап етушілік қасиеттеріне қарай шектеледі. «Нотариат туралы «Қазақстан Республикасы Заңының 92-1-бабының 2-тармағына сәйкес орындау атқарушылық жазба немесе тиісті қаулы негізінде мынадай даусыз талаптар бойынша берешекті өндіріп алу жүргізілуі мүмкін:
1) &nbsp;нотариат куәландырған мәмілеге негізделген міндеттемені орындау туралы;
2) орындау мерзімі басталған және міндеттеменің орындалмауын борышкер мойындаған, оның ішінде дауды сотқа дейін реттеу тәртібімен өндіріп алушыға жіберілген наразылыққа жауапта мойындаған, жазбаша мәмілеге негізделген міндеттемені орындау туралы;
3) нотариус жасаған, төлем жасалмауына, акцептінің болмауына және акцепт күнінің белгіленбеуіне вексель наразылығына негізделген міндеттемені орындау туралы;
4) лизинг шартына немесе Қазақстан Республикасының заңдарына сәйкес лизинг нысанасын талап ету туралы;
5) ломбард кепіл беруші-борышкерге қойған, кредитті қайтару мерзімі өткен соң кепіл нысанасына өндіріп алуды қолдану туралы;
6) қосымша шығыстарды өндіріп алу туралы талаптарды қоспағанда, «Тұрғын үй қатынастары туралы» Қазақстан Республикасының Заңында бекітілген кондоминиум объектісінің ортақ мүлкін күтіп-ұстауға арналған міндетті шығыстарға қатысудан жалтаратын үй-жайлар (пәтерлер) меншік иелерінен берешекті өндіріп алу туралы;
7) төлеу мерзімі басталған, жария шарттар негізінде нақты тұтынылған көрсетілетін қызметтер (электрмен, газбен, жылумен, сумен жабдықтау және басқалары) үшін, сондай-ақ өзге де шарттар негізінде белгіленген тарифтерге сәйкес көрсетілетін қызметтер үшін берешекті өндіріп алу туралы;
8) жалдау төлемдерін жалдау шартында белгіленген мерзімдерде төленбеуіне байланысты өндіріп алу туралы;
9) жұмыскерге есепке жазылған, бірақ төленбеген жалақы мен өзге де төлемдерді өндіріп алу туралы.
Атқарушылық жазба бойынша одан әрі өндіріп алу Қазақстан Республикасының Атқарушылық іс жүргізу туралы заңнамасында белгіленген тәртіппен жүргізіледі, өйткені «Атқарушылық іс жүргізу және сот орындаушыларының мәртебесі туралы» Қазақстан Республикасы Заңының 9-бабының 11-тармағына сәйкес атқарушылық жазба сот орындаушысына орындауға ұсынылатын атқарушылық құжат болып табылады.
Осы рәсімнің елеулі артықшылығын атап өту маңызды, ол өндіріп алушыға борышкердің өз міндеттемелерін мәжбүрлеп орындату процесін жеңілдетеді. Өйткені, нотариус атқару жазбасын жасау рәсімін енгізу өндіріп алушыны борышкер мен өндіріп алушыны сот өндірісіне тартумен байланысты артық сөзбе-сөз сөйлеуден босатады, ол тиісті процессуалдық мерзімдерді сақтай отырып жүргізіледі, атап айтқанда: сот бұйрығын сотқа шығару туралы арыз беру, мемлекеттік баж төлеу, сот бұйрығы түрінде сот актісін шығаруды күту, осы сот актісінің заңды күшіне енуін күту және атқарушылық іс жүргізуді қозғау үшін сот орындаушысына орындауға жіберу.
Атқарушылық жазбаны жасау рәсімін қолдану өндіріп алушыға жоғарыда көрсетілген барлық әрекеттерді «айналып өтуге» және атқарушылық іс жүргізуге, яғни борышкерлердің өз міндеттемелерін орындауы жөніндегі нақты шараларға дереу көшуге мүмкіндік береді.
Атқарушылық жазба негізінде тұрақсыздық айыптарын (өсімпұлдарды), пайыздарды өндіріп алу, егер бұлар тиесілі болса, жүргізілмейді.
Атқарушылық жазба, егер заңнамада өзге мерзімдер белгіленбесе, ол жасалған күннен бастап үш жыл ішінде мәжбүрлеп орындатуға ұсынылуы мүмкін.
«Нотариат туралы» Қазақстан Республикасының Заңының 92-6 бабының 1 тармақшасына сәйкес атқарушылық жазба жасағаннан кейін немесе тиісті қаулы шығарғаннан кейін нотариус келесі жұмыс күнінен кешіктірмей борышкерге олардың көшірмесін табыс етеді немесе жеткізілгенін тіркеуді қамтамасыз ететін байланыс құралдарын пайдалана отырып, борышкердің электрондық пошта мекенжайы бойынша немесе белгілі тұрғылықты (тұрған) немесе тіркелген жері бойынша жібереді.
Егер атқарушылық жазбаның немесе тиісті қаулының көшірмесі борышкерге:
1. тараптар арасында жасалған шартта көрсетілген электрондық пошта мекенжайына;
2. соңғы белгілі тұрғылықты жері бойынша табыс етілгені туралы хабарламасы бар тапсырысты хатпен жіберілген болса, оның ішінде кәмелетке толған отбасы мүшелерінің бірі, көрсетілген мекенжай бойынша адаммен тұрып жатқан басқа адам алған болса;
3. жеткізілгенін тіркеуді қамтамасыз ететін өзге де байланыс құралдары пайдаланыла отырып жіберілген болса, ол алынды деп есептеледі.
Хабарламаны қабылдаудан бас тартуға байланысты адресатқа, алушыға оны табыс ету мүмкін болмағаны туралы белгісімен хабарлама қайтарылған жағдайда, атқарушылық жазбаның немесе тиісті қаулының көшірмесі тиісті түрде жіберілді деп есептеледі.
Аталмыш баптың 2 тармақшасына сәйкес борышкер атқарушылық жазбаның немесе тиісті қаулының көшірмесін алған күннен бастап 10 жұмыс күні ішінде атқарушылық жазбаны жасаған немесе тиісті қаулыны шығарған нотариусқа хабарламасы бар мәлімделген талапқа қарсы қарсылығын жазбаша түрде жіберуге құқылы. Борышкердің қарсылығында мәлімделген талаппен келіспеу себептері қамтылуға тиіс.
Егер қарсылық келіп түссе, нотариус «Нотариат туралы» Қазақстан Республикасының Заңының 92-8 бабының 1 тармақшасына сәйкес үш жұмыс күнінен кешіктірмей атқарушылық жазбаның күшін жою туралы қаулы шығарады. Бұл ретте, өндіріп алушы да, борышкер де Қазақстан Республикасы Азаматтық іс жүргізу кодексінің 45-тарауының тәртібінде атқарушылық жазбаға дау айту үшін сотқа жүгіну құқығынан айырылмайтынын атап өткен жөн.
Көріп отырғанымыздай, атқару жазбасының даусыз сипаттағы талаптарды тез және тиімді шешудегі елеулі артықшылығы. Осылайша, азаматтар мен заңды тұлғалардың нотариустардың әлеуетін пайдалануы азаматтық айналымға қатысушылардың бұзылған құқықтарын қалпына келтіру мерзімін едәуір қысқартады.
Ерлан БАЛИБАЕВ,
Қызылорда қаласының жеке&nbsp; нотариусы

Нотариустармен жасалатын атқарушылық  жазбаның артықшылықтары

<a href="https://kyzylorda-news.kz/">Kyzylorda-news.kz.</a> Сырдария ауданы Асқар Тоқмағанбетов ауылында мемлекеттік-жекеменшік әріптестік аясында дәрігерлік амбулатория құрылысын салу жоспарлануда. Сонымен қатар, ағымдағы жылы облыстық бюджеттен қаржы бөлініп, 17 бірлік медициналық құрал-жабдықтар алынды.
Бұл туралы Өңірлік коммуникациялар қызметінің ақпарат алаңында өткен баспасөз конференциясында Сырдария ауданының әкімі Руслан Рүстемов мәлімдеді.
<blockquote>
 «Биыл дәрігерлер тапшылығын төмендету мақсатында 9 дәрігер ауданға жұмысқа шақыртылып, 3-не қызметтік пәтер берілді.Сондай-ақ, кезекті электронды басқару жүйесін енгізу мақсатында электронды терминалдар іске қосылса, тіркеу бөлімі жұмысын модернизациялау үшін цифрлы пост құрылып, CALL-орталығы жаңадан өз жұмысын бастады. Бұл дәрігерлер кабинетіндегі кезекті азайтуға мүмкіндік береді», – деді Руслан Рүстемов.
</blockquote>
Мұнан өзге, үстіміздегі жылдың 10 айында аудан бойынша 615 нәресте дүниеге келіп, өткен жылмен салыстырғанда 16,9 пайызға өсті. Сонымен қатар, биыл аудан бойынша бала өлімі тіркелмеген.

Қазақстан және Қызылорда облысының жаңалықтары