<a href="https://kyzylorda-news.kz/">Kyzylorda-news.kz.</a> Президент Жарлығына сәйкес Қазақстанда төтенше жағдай 15 сәуірге дейін жалғасады.
<blockquote>
 «Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы 16 наурыздағы 08 сағат 00 минут пен 2020 жылғы 15 сәуірдегі 07 сағат 00 минут кезеңінде төтенше жағдай енгізілсін» делінген Президенттің Жарлығында.
</blockquote>
Айта кетсек, бүгін Қазақстан Республикасында&nbsp;<a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">төтенше жағдай енгізілді</a>.&nbsp;Бұл туралы Жарлыққа ҚР Президенті қол қойды.

Қазақстанда төтенше режимі жағдай қашанға дейін созылады?

Kyzylorda-news.kz. Қазақстанда Президенттің Жарлыққа қол қоюуымен енгізілген төтенше жағдайға байланысты отбасылық, салт-дәстүр іс-шараларын өткізуге тыйым салынды.
<blockquote>
 «Ойын-сауық, спорттық және басқа да бұқаралық іс-шараларды, сондай-ақ отбасылық, салт-дәстүр іс-шараларын өткізуге тыйым салынсын», – делінген Президенттің жарлығында.
</blockquote>
Сонымен қатар Жарлық бойынша сауда ойын-сауық орталықтарының, кинотеатрлардың, театрлардың, көрмелердің және адамдар көп жиналатын басқа да объектілердің қызметін тоқтатылатын болды.

Қазақстанда тойлар мен салт-дәстүр шараларын өткізуге тыйым салынды

<a href="https://kyzylorda-news.kz/">Kyzylorda-news.kz.</a> Қазақстан Республикасына келетін халықаралық ұйымдар делегацияларының мүшелерін қоспағанда ел аумағына көліктің барлық түрлерімен кіруге, сондай-ақ оның аумағынан шығуға шектеулер белгіленді.
<blockquote>
 «Карантин енгізілсін. Санитариялық-эпидемияға қарсы ауқымды іс-шараларды, оның ішінде Қазақстан Республикасы Қорғаныс министрлігінің және ішкі істер органдарының халықтың санитариялық-эпидемиологиялық саламаттылығы саласындағы қызметті жүзеге асыратын құрылымдық бөлімшелерінің қатысуымен жүзеге асырсын. Ойын-сауық, спорттық және басқа да бұқаралық іс-шараларды, сондай-ақ отбасылық, салт-дәстүр іс-шараларын өткізуге тыйым салынсын», – делінген Президенттің Жарлығында.
</blockquote>
Сондай-ақ, Жарлыққа сәйкес Қазақстан Республикасының және шет мемлекеттердің дипломатиялық қызметінің персоналын, сондай-ақ Қазақстан Республикасы Сыртқы істер министрлігінің шақыруымен Қазақстан Республикасына келетін халықаралық ұйымдар делегацияларының мүшелерін қоспағанда, Қазақстан Республикасының аумағына көліктің барлық түрлерімен кіруге, сондай-ақ оның аумағынан шығуға шектеулер белгіленді.

Төтенше жағдай: Қазақстан аумағына көліктің барлық түрін кіргізуге тыйым салынды

<a href="https://kyzylorda-news.kz/">Kyzylorda-news.kz.</a> Қазақстанда Президенттің Жарлыққа қол қоюуымен енгізілген төтенше жағдайға байланысты ірі сауда нысандардың жұмысына шектеу қойылды.
<blockquote>
 «Қоғамдық тәртіптің сақталуы, аса маңызды мемлекеттік және стратегиялық, ерекше режимдік, режимдік және ерекше қорғалатын объектілердің, сондай-ақ халықтың тыныс-тіршілігін және көлік қызметінің жұмыс істеуін қамтамасыз ететін объектілердің күзетілуі күшейтілсін. Ірі сауда объектілерінің жұмыс істеуіне шектеу қойылсын», – делінген Президенттің Жарлығында.
</blockquote>
Сонымен қатар Жарлық бойынша сауда ойын-сауық орталықтарының, кинотеатрлардың, театрлардың, көрмелердің және адамдар көп жиналатын басқа да объектілердің қызметін тоқтатылатын болды.

Еліміздегі ойын-сауық орталықтарының жұмысы тоқтатылды

<a href="https://kyzylorda-news.kz/">Kyzylorda-news.kz.</a> Қазақстан Республикасында төтенше жағдай енгізілді. Бұл туралы Жарлыққа ҚР Президенті қол қойды, деп хабарлайды Ақорданың&nbsp;баспасөз қызметі.
Kyzylorda-news.kz ақпарат агенттігі оқырман назарына құжаттың толық мәтінін ұсынады.
***
Қазақстан Республикасында төтенше жағдайды енгізу туралы
Қазақстан Республикасы халқының қауіпсіздігін қамтамасыз ету мақсатында Қазақстан Республикасы Конституциясының 44-бабының 16) тармақшасына және «Төтенше жағдай туралы» Қазақстан Республикасы Заңының 4, 5, 6-баптарына сәйкес ҚАУЛЫ ЕТЕМІН:
1. Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы 16 наурыздағы 08 сағат 00 минут пен 2020 жылғы 15 сәуірдегі 07 сағат 00 минут кезеңінде төтенше жағдай енгізілсін.
2. Төтенше жағдайдың кезеңінде Қазақстан Республикасының Президенті жанындағы Төтенше жағдай режимін қамтамасыз ету жөніндегі мемлекеттік комиссия осы Жарлыққа қосымшаға сәйкес құрамда құрылсын және оған «Төтенше жағдай туралы» Қазақстан Республикасының Заңында көзделген өкілеттіктер берілсін.
3. Төтенше жағдайдың күшінде болу кезеңінде мынадай шаралар және уақытша шектеулер енгізілсін:
1) қоғамдық тәртіптің сақталуы, аса маңызды мемлекеттік және стратегиялық, ерекше режимдік, режимдік және ерекше қорғалатын объектілердің, сондай-ақ халықтың тыныс-тіршілігін және көлік қызметінің жұмыс істеуін қамтамасыз ететін объектілердің күзетілуі күшейтілсін;
2) ірі сауда объектілерінің жұмыс істеуіне шектеу қойылсын;
3) сауда ойын-сауық орталықтарының, кинотеатрлардың, театрлардың, көрмелердің және адамдар көп жиналатын басқа да объектілердің қызметін тоқтата тұрсын;
4) карантин енгізсін, санитариялық-эпидемияға қарсы ауқымды іс-шараларды, оның ішінде Қазақстан Республикасы Қорғаныс министрлігінің және ішкі істер органдарының халықтың санитариялық-эпидемиологиялық саламаттылығы саласындағы қызметті жүзеге асыратын құрылымдық бөлімшелерінің қатысуымен жүзеге асырсын;
5) ойын-сауық, спорттық және басқа да бұқаралық іс-шараларды, сондай-ақ отбасылық, салт-дәстүр іс-шараларын өткізуге тыйым салынсын;
6) Қазақстан Республикасының және шет мемлекеттердің дипломатиялық қызметінің персоналын, сондай-ақ Қазақстан Республикасы Сыртқы істер министрлігінің шақыруымен Қазақстан Республикасына келетін халықаралық ұйымдар делегацияларының мүшелерін қоспағанда, Қазақстан Республикасының аумағына көліктің барлық түрлерімен кіруге, сондай-ақ оның аумағынан шығуға шектеулер белгіленсін.
4. Төтенше жағдай режимі кезінде қолданылатын шаралардың іске асырылуына жауапты болып Қазақстан Республикасының Президенті жанындағы Төтенше жағдай режимін қамтамасыз ету жөніндегі мемлекеттік комиссия, Қазақстан Республикасының Ішкі істер министрлігі, Қазақстан Республикасының Ұлттық қауіпсіздік комитеті, Қазақстан Республикасының Қорғаныс министрлігі, Қазақстан Республикасының Денсаулық сақтау министрлігі, Қазақстан Республикасының Индустрия және инфрақұрылымдық даму министрлігі, Қазақстан Республикасының Қаржы министрлігі, Нұр-Сұлтан, Алматы, Шымкент қалаларының және облыстардың әкімдері айқындалсын.
5. Қазақстан Республикасының Бас Прокуроры осы Жарлықта белгіленген шаралар мен уақытша шектеулерді іске асыру кезінде заңдылықтың сақталуын қамтамасыз етсін.
6. Қазақстан Республикасының Үкіметі:
1) төтенше жағдай режимін қамтамасыз ету үшін Қазақстан Республикасының Үкіметі резервінен қажетті қаражаттарды бөлсін;
2) медициналық тексеруден және емделуден, карантиндік режимді сақтаудан бас тартатын, эпидемиологиялық жағдайды айқындау үшін маңызы бар деректерді жасыратын адамдарға бақылау, сондай-ақ аталған адамдардың жауаптылығының шаралары күшейтілсін;
3) орталық және жергілікті мемлекеттік органдармен бірлесіп, Қазақстан Республикасының аумағында COVID-19 коронавирусының таралуын болдырмау мақсатында осы Жарлықты іске асыру жөнінде өзге де шараларды қабылдасын.
7. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Қ.Тоқаев
Нұр-Сұлтан, Ақорда, 2020 жылғы 15 наурыз
№ 285

Қазақстан Республикасында төтенше жағдай енгізілді

Оқыған: Фариза ОМАРОВА
Кімде-кім жақсы-жаман ғибадат қылып жүрсе, оны ол ғибадаттан тыюға аузымыз бармайды, әйтеуір жақсылыққа қылған ниеттің жамандығы жоқ қой дейміз. Ләкин, сондай адамдар толымды ғибадатқа ғылымы жетпесе де, қылса екен. Бірақ оның екі шарты бар, соны білсе екен. Әуелі – иманның иғтиқатын махкамлемек керек, екінші – үйреніп жеткенше осы да болады ғой демей, үйрене берсе керек. Кімде-кім үйреніп жетпей жатып, үйренгенін қойса, оны құдай ұрды, ғибадаты ғибадат болмайды. Уа-ләкин, кімде-кім иманның неше нәрсе бірлән кәмәләт табатұғынын білмей, қанша жерден бұзылатұғынын білмей, басына шалма орап, бірәдар атын көтеріп, оразашыл, намазшыл болып жүрген көңілге қалың бермей тұрып, жыртысын салғанға ұқсайды. Күзетшісіз, ескерусіз иман тұрмайды, ықыласыменен өзін-өзі аңдып, шын діни шыншылдап жаны ашып тұрмаса, салғырттың иманы бар деп болмайды.
1892

Абай Құнанбайұлының он екінші қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Қытай ғалымдары COVID-19 вирусы ауада қанша уақыт тіршілік ететінін анықтады.
Ғалымдар жүргізген зерттеуге сәйкес, коронавирусты жұқтырмау үшін 4 метр қашықтықты сақтау қажет. Оған қоса, ғалымдар ауру адам түшкірген не жөтелген жерде коронавирус бірнеше күн сақталуы мүмкін екенін анықтаған. Сол үшін де мүмкіндігінше барлық жерде арнайы тазарту жұмыстарын жүргізу керек.&nbsp;
Коронавирус жұқтырған автобус жолаушысын зерттеген ғалымдар осындай қорытындыға келген. Оған қоса ғалымдар видеобақылау арқылы автобусты бірнеше күні бақылауда ұстаған. Коронавирус жұқтырған ауру медициналық маска тақпағандықтан ол автобустан түссе де одан кейін вирус бірнеше күн тіршілік етуі мүмкін.
Нәтижесінде ауру адамнан төрт метр алшақ отырған жолаушылардың өзі вирусты жұқтырған. Өйткені олар медициналық маска тақпай, вирустың ағзаға тез енуіне ықпал еткен.&nbsp;
Коронавирустан қорғану жаднамасы
Ғалымдар айтуынша, вируста ауада қанша уақыт тіршілік ететіні қоршаған ортаға мен ауа температурасына байланысты. Мысалы, Цельсий бойынша 37 градус ауа температурасында коронавирус екі не үш күн бойы әйнекте, матада, теміде, пластикте және қағазда тіршілік ете алады екен. Ал вирус жабық кеңістікте екі-үш есе тез таралады.&nbsp;
Коронавирус жұқтырған адаммен жақын қарым-қатынаста болған жағдайда жөтел немесе түшкіру кезінде, яғни ауа арқылы құрамында вирусы бар сілекей арқылы жұғады. Бұл тамшылар кісінің жанында тұрған адамға жетіп, қасындағы адам оны жұтып қоюы мүмкін.&nbsp;Сонымен бірге, вирусты тамшылар әртүрлі заттардың бетіне де, мәселен автобустың орындығына, кітап пен клавиатураға, тінтуірге шашырауы ықтимал. Сол үшін әрдайым қолды таза сумен жуып отырған жөн. Алақанды ысқылай жуып, буынның сыртқы бөлігінде, саусақтар мен тырнақ ішін де тазалап отыру керек. Қолды шамамен 20 секундтан артық жуу керек. Жөтелген немесе түшкірген кезде мұрые бен ауызды&nbsp; қол орамалмен жабу керек.
Медициналық маска кішкентай аэрозольды бөліктерден сақтай алмайды. Сонымен қатар маска көзді де қорғай алмайды. Көз арқылы да вирус ағзаға еніп кетуі ықтимал. Басқаша айтқанда маскалар коронавирус инфекциясынан жеткілікті дәрежеде қорғай алмайды.** 
<a href="https://massaget.kz/layfstayl/Zdorove/61223/">Massaget.kz</a>**

Коронавирус ауада қанша уақыт тіршілік етеді?

<a href="https://kyzylorda-news.kz/">Kyzylorda-news.kz.</a> Азық-түлікті дұрыс сақтау ретіне аса мән беру керек. Себебі негізгі ережелерді ұстанбасаңыз, тамақ тез бұзылып кетуі мүмкін. Әсіресе, тоңазытқыштың ішіне азық-түлікті ретсіз сала салмау керек. Мысалы, тоңазытқыштың есігі ондағы ең жылы жер болып табылады. Сондықтан тоңазытқыштың есігіне нақты өнімді саларда бұл фактті ескермеуге болмайды. Ендеше, назарларыңызға тоңазытқыштың есіге сақтауға болатын 5 азық-түлікті ұсынамыз.
<ol>
<li>Су</li>
</ol>
Тоңазытқыш есігіне суы бар бөтелкені қоюға болады. Орташа температураның арқасында сұйықтық қатты суып кетпейді. Ол бірден мұздай су ішуге болмайтын адамдарға жақсы. Алайда тоңазытқыш есігіне өте ауыр бөтелкелер қою ұсынылмайды.
<ul>
<li>Өсімдік майы</li>
</ul>
Ас үй ханшайымдарының көпшілігі сұйық майды шкафқа салады. Алайда бұл өнім жылуды нашар “көтереді” екен, сондықтан оны тоңазытқыштың есігінде сақтау ұсынылады. Бұл ереже зәйтүн майына ғана жүрмейді, себебі зәйтүн майы суықта өзінің дәмдік қасиеттерін жоғалтады.
<ul>
<li>Тұздықтар</li>
</ul>
Қыша, майонез, кетчуп және басқа да тұздықтарды тоңазытқыштың есігінде сақтау ыңғайлы. Сондай-ақ бұл өнімдер үнемі жылы ауа кіріп тұратын жерде де бұзылмайды. Бірақ жарамдылық мерзімін тексеріп тұруды ұмытпаңыз: оларды ашқаннан кейін нақты күндерден соң жеуге болмайды.
<ul>
<li>Консервіленген өнімдер</li>
</ul>
Тоңазытқыштың есігіне шағын құтылардағы консервіленген өнімдерді сақтауға болады. Олар шпроттар, паштет, томат пастасы, бұршақ немесе жүгері болуы мүмкін. Бастысы, олар есікке еш қиындықсыз сыйса болғаны, ал олардың сақталуы жайлы уайымдамасаңыз болады. Температуралар өзгерісі консервіленген құтылардың сақталуына кедергі келтірмейді.
<ul>
<li>Ірімшік пен кілегей майы</li>
</ul>
Бұл өнімдерді сақтау кезінде бірнеше ереже жайлы ұмытпау керек. Біріншіден, ірімшікті полиэтилен пакетке немесе аспаздық қабықшаға орап сақтауға болмайды. Әйтпесе, ол “тұншығып”, зеңмен қапталады. Сондықтан оның кесілген жері кеуіп кетпес үшін ол жерге кілегей майын жағып, оны пергамент қағазға орап сақтау керек. Ал майды алдымен бірнеше бөлікке бөліп, жақын күндері қолданатыныңызды май салатын ыдсқа салып, тоңазытқыштың есігіне қойыңыз. Сол кезде май қолдануға ыңғайлы жұмсақ күйінде тұрады. Ал қалғанын мұздатқышта сақтаған жөн.
<a href="https://massaget.kz/kyizdarga/kulinariya/61192">Massaget.kz</a>

Тоңазытқыш есігінде сақтау керек 5 азық-түлік

Денсаулық сақтау министрі Елжан Біртанов қазіргі уақытта ел аумағында 1400-ден астам азамат стационарлық карантинде, ал 545 азамат үй карантинінде жатқанын мәлім етті, деп хабарлайды <a href="http://lenta.inform.kz/kz/koronavirus-kazakstanda-stacionarlyk-karantinde-zhatkandardyn-sany-1400-den-asty_a3625132">ҚазАқпарат.</a>
<blockquote>
 «Жалпы ел бойынша қазіргі таңда 1400-ден астам азамат стационарлық карантинде, ал 545 азамат үй карантинінде жатыр. Тағы басқа мемлекеттен келіп жатқан азаматтар үш санат бойынша бақылауда немесе жалпы есепте тұрады. Осы жағдайға байланысты қажетті іс-шаралар мемлекеттік деңгейде ведомствоаралық комиссияның шешімімен қабылдануда. Өздеріңізге мәлім, жалпы үлкен шараларға тыйым салынып, олар тоқтатылды. Қазір қажетті санитарлық-эпидемиологиялық шаралар енгізілуде. Әрине, біздің негізгі мақсатымыз – осы коронавирус инфекциясының таратылуын тоқтату. Бұл бағытта санитарлық-эпидемиологиялық қызмет қажетті барлық шараны қабылдауда», – деді Елжан Біртанов «Хабар 24» арнасынан тікелей эфирде.
</blockquote>
Оның айтуынша халық көп жиналатын орындарда арнайы шаралар күшейтілген. Алматы және Нұр-Сұлтан қалаларында тіркелген азаматтарға байланысты барлық бақылау шарасы енгізілді.
Айта кетсек бірер минут бұрын ғана Елжан Біртанов Қазақстанда коронавирус жұқтырғандардың саны&nbsp;<a href="https://kyzylorda-news.kz/kogam/qazaqstanda-taghy-eki-adamnan-koronavirws-tabyldy-49674/">8-ге жеткенін</a>,&nbsp;жаңадан жұқтырғандардың бірі&nbsp;Сеулден ұшып келгенін&nbsp;хабарлаған еді.

Коронавирус: Қазақстанда стационарлық карантинде жатқандардың саны 1400-ден асты

<a href="https://kyzylorda-news.kz/">Kyzylorda-news.kz.</a> Қазақстанда коронавирус жұқтырудың тағы екі жағдайы тіркелді. Қазіргі таңда Қазақстанда аталған инфекцияны жұқтырған 8 науқас бар.
<blockquote>
 «Бүгінгі таңда қосымша тағы екі адам тіркелді. Бірінші науқас – әйел адам. Біздің инфекциялық стационарда оқшаулауда жатқан пациент. Бұрын күйеуінде диагноз анықталып, жақын байланыстағы адам ретінде оқшаулауда жатқан. Қосымша диагностиканың нәтижесінде коронавирус инфекциясы анықталды. Оның отбасындағы жақындарының бәрі оқшаулауда», – деді Денсаулық сақтау министрі Елжан Біртанов «Хабар 24» арнасынан тікелей эфирде.
</blockquote>
Министр екінші адам ер кісі екенін, кеше «Сеул-Алматы» ұшағымен келгенін атап өтті.
<blockquote>
 «Ұшақтан келген 130 жолаушының ішінде трансфермен кеткені бар. Бәрі де 100 пайыз инфекциялық ауруханаға және стационарға жатқызылды. Сонымен қалаға ешкім кірген жоқ. Ішінде бір пациентті анықтадық», – деді ол.
</blockquote>

Қазақстанда тағы екі адамнан коронавирус табылды

<a href="https://kyzylorda-news.kz/">Kyzylorda-news.kz.</a> 14 наурыз күні сағат 12:00-де полиция кезекші бөлімшесіне Қызылорда облысы Арал қаласының тұрғынынан үй жанында белгісіз ит оның 7 жастағы ұлын қауып, тістеп алғандығы туралы хабарлама келіп түседі.
Хабарлама бойынша оқиға орнына күндізгі наряд қызметкерлері, учаскелік полиция инспекторының көмекшісі, полиция аға лейтенанты Алтынтас Нұрпейісов және полиция аға сержанты Нұркен Ермағанбетов келеді.
Оқиға орнына келген кезде полиция қызметкерлері үйдің қасында аузы қан қабаған «Алабай» тұқымды ит адамдарға шабуыл жасап, жарақат алған жасөспірімді ауруханаға жеткізу үшін шақырылған «Жедел жәрдем» қызметкерлері үйден шыға алмай тұрғандықтарын көреді.
<blockquote>
 «Босап жүрген ит көше бойында өтіп бара жатқан адамдарға, балаларға қауіп төндіргендіктен учаскелік полиция инспекторының көмекшісі, аға лейтенант А. Нұрпейісов қабаған итті адам жүрмейтін жерге апарды. Ал оның әріптесі, аға сержант Н. Ермағанбетов азаматтардың қауіпсіздігін қамтамасыз ету мақсатында итке қарсы табельдік қаруды қолдануға мәжбүр болды. Нәтижесінде, итті атып тастады», – деп хабарлады Қызылорда облысы Полиция департаментінің баспасөз қызметі.
</blockquote>
Жарақат алаған бала шұғыл аурухананың травмотология бөліміне жеткізілген. Бүгінгі таңда оның денсаулығына ешқандай қауіп төніп тұрған жоқ.
Қазіргі уақытта аталған факті бойынша ит иесін анықтау үшін тексеру шаралары жүргізілуде. Сараптама тағайындалған.
Сонымен қатар, табельдік қаруды қолдану фактісі бойынша жүргізілген тексеру қорытындысы полиция қызметкері азаматтардың өміріне немесе денсаулығына тікелей қауіп төндіретін жануарды залалсыздандыру үшін заң шеңберінде әрекет еткенін көрсетті.

Қызылордада 7 жастағы баланы қабаған ит талап тастай жаздады

<a href="https://kyzylorda-news.kz/">Kyzylorda-news.kz.</a> Халықаралық мамандар коронавирустың алдын алу үшін ұялы телефондарды үнемі заларсыздандырып тұруға кеңес берді.
Ұялы телефон тұмау мен басқа респираторлық инфекциялардың, соның ішінде коронавирус қоздырғыштарын тасымалдауы мүмкін. Көптеген адамдар телефонды зақымдап алудан қорқып, заларсыздандыру туралы ойламайды.
<blockquote>
 «Ұялы телефондарды үнемі антисептикалық құралдармен тазартып отыру керек. Әсіресе қоғамдық орындарға, қоғамдық көліктерге және тағы басқа көпшілік жерлерге барғаннан кейін, жұмыс күні аяқталғаннан кейін міндетті түрде телефондарды дезинфекциялаған жөн», – дейді мамандар.
</blockquote>
Сондай-ақ қоғамдық орындарға барғаннан кейін қолды мұқият жуып, бір реттік қағаз сүлгімен құрғатуға кеңес берді. Вирустармен күресу үшін құрамында спирті бар майлықтар мен гельдерді, тіпті болмаса хлоргексидинді қолданған дұрыс. 
<a href="https://24.kz/kz/zha-aly-tar/bylu-manyzdy/item/380201-mamandar-yaly-telefondardy-dezinfektsiyalau-a-ke-es-berdi">24.kz</a>

Қазақстан және Қызылорда облысының жаңалықтары