1990 жылы&nbsp;Алматыда Қазақстан кәрістерінің құрылтайы өтті. Онда республикалық кәріс мәдениеті орталықтарының қауымдастығы құрылды.
1994 жылы&nbsp;Қазақстан Республикасының Сыртқы істер министрлігі Бұрынғы Югославия Республикасы Македонияның тәуелсіздігін мойындау туралы нота жіберді.
1995 жылы&nbsp;Қазақстан Республикасы Президенті Нұрсұлтан Назарбаевтың Жарлығымен Қазақстан Республикасының Орталық сайлау комиссиясы құрылды.
1995 жылы&nbsp;журналистика саласының «Алтын жұлдыз» Жалпыұлттық сыйлығы тағайындалды. 2001 жылдан бастап «Алтын Жұлдыз» Қазақстан Журналистика академиясының ресми сыйлығы. Сыйлық – шығармашылық табыстарды және қазақстандық бұқаралық ақпарат құралдарының бәсекеге түсе алатындығын кәсіби және қоғамдық танудың жоғары белгісі. Қазіргі таңда Қазақстан журналистикасының дамуына өз үлестерін қосқан 100-ден астам тұлға осы сыйлықпен марапатталған.
1997 жылы&nbsp;офицерлерге жоғары әскери-арнайы білім беру үшін Қазақстан Республикасы Ішкі істер министрлігі Ішкі әскер жоғары әскери училищесі (Петропавл қаласы) құрылды.
2005 жылы&nbsp;Қазақстан Республикасы Президентінің Жарлығымен, ҚР Үкіметінің қаулысымен бекітілген «2005-2007 жылдарға арналған Қазақстан Республикасында ғарыш қызметін дамыту» мемлекеттік бағдарламасына сәйкес «Қазғарыш» Ұлттық компаниясы» АҚ құрылды.

17 наурыз: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 17 наурызға арналған жұлдыз-жорамалы.
Тоқты
Кез келген тапсырманы орындай аласыз. Сонымен қатар тығырыққа тіреген мәселені оңай шешіп, арам ниеттілерге өз сыбағасын бересіз.
Торпақ
Ұсақ-түйекке бола алаңдамаңыз. Бұл күнгі жұмыс өзіңіз ойлағандай аса күрделі болмайды. Жаныңызда ақыл-кеңес беретін жақындарыңыз болғаны дұрыс.
Егіздер
Керемет күн. Табысқа жетуге болады. Бірақ ол үшін өзіңіз құлшыныс танытуыңыз керек. Кешке романтикалық кездесу күтіп тұр.
Шаян
Мақсатқа жету үшін табандылық таныта біліңіз. Жұмыстың барлығы сіз ойлағандай жеңіл болмайды. Қаржылық мәселені ойға алмаңыз.
Арыстан
Бүгін барлығы тек өзіңізге байланысты. Егер көптен бері басшылықпен қарым-қатынасты жақсартуды көздесеңіз, бүгінгі күн сәтті болмақ.
Бикеш
Махаббаттық қарым-қатынаста тосынсыйға ие боласыз. Сондықтан кешкі мезгілге жоспар құрмаңыз. Себебі романтикалық кешке шақырту алуыңыз мүмкін. &nbsp;
Таразы
Бүгін маңызды мәселелердің шешімін табуға тырысасыз. Сонымен қатар қоғамда орын алып жатқан жағдайларға мойынсұнасыз.
Сарышаян
Махаббатқа толы күн. Сүйіктіңізбен шаңырақ құруды жоспарлап, туғандарыңызға тосынсый жасауыңыз да ғажап емес.
Мерген
Бүгін жалғыз өзіңіз серуендеңіз. Бұл айналаңыздағы жандардың жағымсыз энергиясынан қорғануға көмектеседі. Біраз сергіп қаласыз.
Тауешкі
Егер қызметте өрлеуді қаласаңыз, көп армандаңыз, көп еңбектеніңіз. Алдыңызға мақсат қойыңыз. Мұның өзі аздық етуі мүмкін. Тәуекелшіл болыңыз.
Суқұйғыш
Күндіз аздаған келіспеушіліктер орын алады. Өзіңізді ұстамды етіп көрсетіңіз. Ашуға берілмей, ісіңізге тиянақты болыңыз.
Балықтар
Бүгін жалқаулығыңыз басым. Жұлдыздар жұмысты ғана ойлауға кеңес береді. Ең бастысы бүгін ешкімге уәде бермеңіз және сөз таластырмаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Әлеуметтік маңызы бар тауарлардың бағалары тұрақтандырылады. Бұл туралы бүгін Орталық коммуникациялар қызметіндегі брифингте ҚР Сауда және интеграция министрі Бақыт Сұлтанов айтты, деп хабарлайды <a href="https://lenta.inform.kz/kz/azyk-tuliktin-shekti-bagasyn-kotergen-kasipkerge-ayyppul-salynady-bakyt-sultanov_a3625636">ҚазАқпарат</a>.
<blockquote>
 «Төтенше жағдай кезінде Үкімет азық-түлік қауіпсіздігін қамтамасыз ету бойынша барлық шараларды қабылдап жатыр. Әлеуметтік маңызы бар тауарлардың бағалары тұрақтандырылатын болады. Төтенше жағдай режімінде барлық ел болып, ортақ қауіп-қатерге қарсы бірігуге тиіспіз. Біз тамақ өнімінің бағаларын көтеруге, алыпсатарлыққа салынуға жол бермеу үшін барлық күш-жігерімізді салатын боламыз. Ол үшін тиісті құқықтар мен тетіктер жеткілікті», – деді министр.
</blockquote>
Оның айтуынша, қазіргі уақытта әлеуметтік маңызы бар азық-түлік тауарларының шекті бағаларын енгізу тетігі жеңілдетіліп жатыр.
<blockquote>
 «Бұл әкімдіктерге бағалардың ауытқуына жедел ден қоюға мүмкіндік береді. Жергілікті атқарушы органдардың шекті бағаларды көтерген кәсіпкерлерге айыппұл салу құқықтары бар. Бұл қағидат қолданылады», – деді Бақт Сұлтанов.
</blockquote>
Айта кетейік, ҚР Президенті Қасым-Жомарт Тоқаев Әлеуметтік-экономикалық тұрақтылықты қамтамасыз ету жөніндегі шаралар туралы Жарлыққа қол қойды. Онда шекті тарифтерді және халықтың және экономиканың үздіксіз тыныс-тіршілігін қамтамасыз ету үшін қажетті азық-түлік пен басқа да тауарларға бағаларды белгілеу тапсырылды.

Министр: Азық-түліктің шекті бағасын көтерген кәсіпкерге айыппұл салынады

<a href="https://kyzylorda-news.kz/">Kyzylorda-news.kz.</a> Қызылордалық полицейлер «Берік&nbsp; отбасы – есірткіден&nbsp; алыс!» тақырыбында&nbsp; отбасылар&nbsp; арасында&nbsp; сайыс&nbsp; ұйымдастырды.
Сайыстың&nbsp; негізгі&nbsp; мақсаты – отбасы&nbsp; институтының&nbsp; маңыздылығын&nbsp; алға&nbsp; тартып,&nbsp; тиісті&nbsp; тәлім – тәрбие&nbsp; беру&nbsp; мен&nbsp; есірткі&nbsp; мәселесін&nbsp; түсіндіру&nbsp; деңгейін&nbsp; кеңітіп,&nbsp; сайыскерлердің&nbsp; жеке&nbsp; ойын&nbsp; білдіру&nbsp; мүмкіндігін&nbsp; айқындау&nbsp;&nbsp; болып&nbsp; табылды.
Сайысқа&nbsp; 23&nbsp; отбасы&nbsp; қатысып,&nbsp; өздерінің&nbsp; есірткі&nbsp; мәселесіне&nbsp; байланысты&nbsp; ой – пікірлерімен жазған эсселерімен бөлісті.&nbsp; Сайыскерлер&nbsp; осы&nbsp; бағытта&nbsp; ізденіп,&nbsp; есірткі&nbsp; мәселесіне&nbsp; кеңінен&nbsp; тоқталып,&nbsp; әлеуметтік желілер мен баспасөз басылымдарында өз туындыларын жариялады.
Құрылған&nbsp; сайыстық&nbsp; комиссия шешіміне&nbsp; байланысты&nbsp; 23&nbsp; отбасының&nbsp; 20-сы құлшыныс танытып, сайыста алға шықты.
Атап айтар болсақ, Қармақшы ауданынан Ерімбетовтер, Көшербаевтар, Қолқанатовтар, Жақсылықовтар, Амангелдиевтер, Аймбетовтар,&nbsp; Басбаевтар,&nbsp; Сәрсенбаевтар отбасы,&nbsp; Жалағаш ауданынан Мырзашевтар және Амангелді отбасы, Қызылорда қаласынан Нұрғалиевтер отбасы, Сырдария ауданынан Сәбитовтар, Аманқосовтар, Омаровтар отбасы, Қазалы ауданынан – Шахан және Советовтар отбасы, Жаңақорған ауданынан Досжановтар отбасы, Арал ауданынан Наукеевтер мен Сүйіндіковтар отбасы, сондай-ақ Шиелі ауданы Молдабаевтар отбасы белсенділік танытты.
Сайыс қорытындысы бойынша І орынды қармақшылық Оразовтар отбасы иеленді. Ал ІІ орын Қызылорда қаласынан келген Гафаровтар отбасыға бұйырды. ІІІ орынды қызылордалық Серікбаевтар&nbsp; отбасы иеленді.

Қызылордалық полицей отбасылары арасында сайыс өтті

<a href="https://kyzylorda-news.kz/">Kyzylorda-news.kz.</a> Қызылордалық полицейлер жергілікті тұрғындармен бірлескен жұмысының арқасында жоғалған балықшыны тапты.
Ағымдағы жылдың 6 наурыз күні Шиелі ауданының тұрғыны кезекші бөліміне өз танысын іздестіру туралы арыз түсірген. Онда 5 наурыз күні кешкі сағат 17:00 уақыт шамасында Қызылорда қаласынан Жезқазған тас жолымен шамамен 60-70 шақырымында орналасқан Телікөл көліне балық аулауға кеткен азамат Қызылорда қаласына қарай жаяулатып кеткені, осы уақытқа дейін үйіне оралмағандығы жөнінде көрсеткен.
<blockquote>
 «Туысқандарының ұсынған фотосы, мәліметтеріне сәйкес бағыт-бағдар жасалып, кешенді іздестіру&nbsp; жұмыстары жүргізілді. Жедел-іздестіру іс-шараларын тез арада жүргізу қажет болғандықтан, жоғалған азаматты анықтау мақсатында Төтенше жағдай департаменті, волонтерлар, тұрғындардың көмегін алуға шешім қабылданды», – делінген Қызылорда облыстық Полиция департаментінің баспасөз қызметінің хабарламасында.
</blockquote>
Полиция қызметкерлері тұрғындармен бірлескен іздестіру іс-шараларының нәтижесінде жоғалып кеткен азаматтың қайда екендігі 12 наурыз күні анықталды. Іс-шаралар нәтижесінде Шиелі ауданы, Балаби ауылының тұрғыны Бақытжан Палымбетов Сұлутөбе ауылына қарасты Барша көлінің аумағында бір орыс азаматты көргендігі жайлы ұялы хабар берген.
Полиция қызметкерлері және тұрғындардың арқасында жоғалған тұрғын үйіне оралды. Оның денсаулығында ешқандай қауіп жоқ.

Қызылордада жоғалған балықшы табылды

<a href="https://kyzylorda-news.kz/">Kyzylorda-news.kz.</a> Қазақстандағы жұмыс берушілер қысқартылған жұмыс режиміне өздерінің жеке бұйрығымен көшуге құқылы. Бұл туралы ҚР Еңбек және халықты әлеуметтік қорғау министрі Біржан Нұрымбетов Орталық коммуникациялар қызметіндегі брифингте айтты.
<blockquote>
 «Егер де жұмыс көлемі шектелетін болса, жұмыс берушілер өздерінің бұйрығымен қысқартылған жұмыс режиміне көшуге құқылы. Мұнда аптадағы жұмыс күндерінің саны немесе бір күндегі атқарылатын жұмыс сағаты азаюы мүмкін. Немесе жұмыс күнімен бірге, сағат та азаюы ықтимал.
</blockquote>
Бұл жағдайда жұмыс істеп жүрген азаматтар сағатына қарай еңбекақы алатын болады.
<blockquote>
 Яғни, мысалы аптасына жұмыс күні бес күннен үш күнге қысқартылса, аптасына үш күндік жалақыны алады. Немесе бір күнде сегіз сағаттың орнына төрт сағат жұмыс атқарылса, төрт сағаттың жалақысы міндетті түрде төленетін болады. Толық емес жұмыс күні Еңбек кодексінің 70-бабымен реттеледі», – деді Б. Нұрымбетов.
</blockquote>
Бұған дейін министр қашықтықтан жұмыс істеу мүмкіндігі бар барлық кәсіпорындар мен мекемелер <a href="https://kyzylorda-news.kz/kogam/elimizdegi-muemkindigi-bar-barlyq-kaesiporyndar-qashyqtyqtan-zhumys-istewge-mindetteledi-50021/">осы режимге&nbsp;ауысуға міндетті екенін</a>&nbsp;мәлімдеген еді.

Қазақстандағы жұмыс берушілер қысқартылған жұмыс режиміне көшуге құқылы

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрі Біржан Нұрымбетов қашықтықтан жұмыс істейтіндердің еңбекақысы туралы пікір білдірді.
Оның айтуынша, қашықтықтан жұмыс істеу мүмкіндігі бар барлық кәсіпорындар мен мекемелер осы режимге ауысуға міндетті. Бұл Еңбек кодексінің 138-бабымен реттеледі.
<blockquote>
 «Қашықтықтан жұмысқа көшкенде, еңбекақы төлеу тәртібі өзгермейді. Бұл жерде азамат өзінің жұмыс орнында емес, үйден жұмыс атқару мүмкіндік алады. Еңбек кодексі бойынша, оған жұмыс беруші тиісті жағдай жасауға міндетті және жалақысы ай сайынғы алып жүрген көлемде төленетін болады», – деді Б. Нұрымбетов.
</blockquote>
Еске сала кетсек, ҚР Президентінің Жарлығымен Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы 16 наурыз 08 сағат 00 минут пен 2020 жылғы 15 сәуір 07 сағат 00 минут аралығында төтенше жағдай енгізілді.

Төтенше жағдай: Қашықтықтан жұмыс істейтіндердің еңбекақысы сол күйінде сақталуы тиіс

<a href="https://kyzylorda-news.kz/">Kyzylorda-news.kz.</a> Қазақстанда қашықтықтан жұмыс істеу мүмкіндігі бар барлық кәсіпорындар мен мекемелер осы режимге ауысуға міндетті.
Бұл туралы ҚР Еңбек және халықты әлеуметтік қорғау министрі Біржан Нұрымбетов Орталық коммуникациялар қызметіндегі брифингте айтып берді.
<blockquote>
 «Елдегі төтенше жағдайға байланысты бірқатар қызметкерлердің жұмыс режимі өзгеруде. Осы орайда жұмыс берушілерге үлкен әлеуметтік жауапкерішілік танытып, еңбек заңнамасын толық сақтауға шақырамын. Және де жұмысшылар өз еңбек құқықтарын білуі өте қажет», – деп атап өтті министр.
</blockquote>
Оның айтуынша, бүгінгі таңда барлық кәсіпорындар, мекемелер қашықтықтан жұмыс істеуге мүмкіндігі болса, онда қашықтықтан жұмыс істеу режиміне көшуге міндетті. Бұл Еңбек кодексінің 138-бабымен реттеледі.
<blockquote>
 «Қашықтықтан жұмысқа көшкенде, еңбекақы төлеу тәіртібі өзгермейді. Бұл жерде азамат өзінің жұмыс орнында емес, үйден жұмыс атқару мүмкіндігі болады. Еңбек кодексі бойынша, оған жұмыс беруші тиісті жағдай жасауға міндетті және жалақысы ай сайынғы алып жүрген көлемде төленетін болады», – деді Б. Нұрымбетов.
</blockquote>

Еліміздегі мүмкіндігі бар барлық кәсіпорындар қашықтықтан жұмыс істеуге міндеттеледі

<a href="https://kyzylorda-news.kz/">Kyzylorda-news.kz.</a> Ірі сауда нысандарына азаматтар маскамен ғана кіргізілетін болды. Бұл туралы бүгін Орталық коммуникациялар қызметіндегі брифингте ҚР Сауда және интеграция министрі Бақыт Сұлтанов айтты.
<blockquote>
 «Ірі сауда нысандары мынадай талаптарды сақтауы тиіс: өз аумақтарына келушілерді тек маскамен ғана жіберулері тиіс. Келушілерде маска болмаса тегін маска ұсынып, коронавирустың алдын алу бойынша жадынама таратулары қажет. Барлық кіріп-шығатын есіктерге тепловизорлар орнатулары керек», – деді Бақыт Сұлтанов.
</blockquote>
Оның атап өтуінше, ірі сауда нысандары, оның ішінде азық-түлік базарлары сағат 10-нан 18-ге дейін, азық-түлік емес тауарлар сататын базарлар сағат 11-ден 17-ге дейін жұмыс істейді.

Қазақстандықтар ірі сауда нысандарына маскамен ғана кіргізіледі

<a href="https://kyzylorda-news.kz/">Kyzylorda-news.kz.</a> Төтенше жағдайға байланысты өз жұмысын тоқтатуға мәжбүр болған мекемелер ең төменгі жалақыдан кем болмайтын еңбекақы төлеуі тиіс. Бұл туралы ҚР Еңбек және халықты әлеуметтік қорғау министрі Біржан Нұрымбетов Орталық коммуникациялар қызметіндегі брифингте айтты.
<blockquote>
 «Төтенше жағдайға байланысты өз жұмысын тоқтатуға мәжбүр болған мекемелерге Еңбек Кодексінің 112-бабы тарайтын болады. Бұл – мәжбүрлі жұмыс тоқтату деп аталады. Бұл жерде жұмыс беруші тарапынан жұмысшыларға кемінде елімізде бекітілген ең төменгі жалақыдан кем емес көлемде еңбекақы төленуі тиіс», – деді министр Орталық коммуникациялар қызметінде өткен брифингте.
</blockquote>
Оның айтуынша, біздің еліміздегі ең төменгі жалақы мөлшері – 42500 теңге.
<blockquote>
 «Бірақ, егер де, Еңбек шартында немесе Ұжымдық шартта осындай мәжбүрлі тоқтату жағдайына төменгі жалақыдан жоғары жалақы қарастырылған болса, онда жоғары жалақы төленеді. Бұл шекті сома ең төменгі жалақы мөлшерінен кем болмауы тиіс», – деді Б. Нұрымбетов.
</blockquote>
Бұған дейін министр қашықтықтан жұмыс істеу мүмкіндігі бар барлық кәсіпорындар мен мекемелер осы режимге ауысуға міндетті екенін мәлімдеген еді.
Сондай-ақ, жұмыс көлемі шектелетін болса, жұмыс берушілер өздерінің бұйрығымен қысқартылған жұмыс режиміне көшуге құқылы.

Жұмысын тоқтатуға мәжбүр мекемелер жалақыны қалай төлейді?

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Aray city mall» ойын-сауда орталығы елімізде төтенше жағдайдың енгізілуіне байланысты 16 наурыздан бастап 15 сәуірге дейін жұмысын тоқтататындығын хабарлады.
Айта кетейік, «Aray city mall» ойын-сауда орталығының ғимаратында орналасқан «Magnum» гипермаркеті мен «Europharma» дәріханасы әдеттегі режимде жұмыс жасай береді.

Қызылордадағы «Aray city mall» ойын-сауда орталығы жұмысын тоқтатты

<a href="https://kyzylorda-news.kz/">Kyzylorda-news.kz.</a> «Атамекен» ортақ мәселелерді анықтап, ұсыныстарды шоғырландыру мақсатында бизнес-қоғамдастық арасында сауалнаманы іске қосты. Бұл Ұлттық кәсіпкерлер палатасына ҚР Үкіметі алдында&nbsp;қазақстандық бизнеске келтірілетін залалды мейлінше азайтуға бағытталған тиімді шараларды ұсынуға көмектеседі.
12 наурыздан бастап отандық телеарналардан жүргізілген сауалнамаға және колл-орталық, әлеуметтік желілерде 3 мыңнан астам кәсіпкер сауал жолдаған. Өтінім жасағандардың басым бөлігі (86%) шағын және орта бизнес өкілдері. Қатысушылардың 69%-ы қызмет көрсету саласында жұмыс істейді. Атап айтқанда 25%-ы туризм саласы болып отыр.
<img src="https://kyzylorda-news.kz/wp-content/uploads/2020/03/001.png" alt="" />
<img src="https://kyzylorda-news.kz/wp-content/uploads/2020/03/002-2.jpg" alt="" />
Өкінішке қарай, сауалнамаға қатысушылардың 52%-дан астамы коронавирустың таралуы салдарынан оларға келісімшарттық міндеттемелерді бұзуға тура келгенін айтты. Кәсіпкерлер міндеттемелерді орындамау себепті айыппұлдық санкцияларды төлеуге мәжбүр болғандарын айтуда.
Барлық кәсіпкерлерде дерлік сұраныс төмендеп жатыр, сәйкесінше, компания айналымы да төмендеген. Алайда тұрақты шығындар көп. &nbsp;Сауалнамаға қатысушылардың 34%-ы «орынжайды жалға алуды» ағымдағы жағдайда компанияларына қаржылық ауыртпалық ретінде көрсеткен. Еңбекақыны төлеу қоры (30%) – бизнеске анағұрлым әсер ететін екінші жағдай. Коммуналдық қызметтерді төлеуді респонденттердің 13%-ы таңдаған.
<img src="https://kyzylorda-news.kz/wp-content/uploads/2020/03/003-2.jpg" alt="" />
Кәсіпкерлердің көбі кадрларға қатысты сұрақтар қойып жатыр.
Еске салсақ, қызметкерлерді қашықтықтан жұмыс істеу режиміне ауыстыру ұсынылуда. Ал егер бұл мүмкін болмаса, онда өндірістің тұрып қалуына байланысты мерзімсіз демалыс жариялау ұйымдастыруға болады. Өндірістің тұрып қалу кезеңінде еңбекақыны төлеу тәртібі қызметкер және жұмыс беруші арасындағы келісім бойынша&nbsp; реттеледі. Төлем мөлшері ең төменгі еңбеакқы көлемінен төмен болмауы керек.
Сауалнамаға қатысушылардың 34%-дан астамы қызметкерлерді мерзімсіз демалысқа жібереміз деп жауап берді. Ал 19%-ы – толық емес жұмыс күніне ауысатындарын белгіледі.
<img src="https://kyzylorda-news.kz/wp-content/uploads/2020/03/004-2.jpg" alt="" />
Кәсіпкерлер зардапты төмендету бойынша қандай шараларды күтеді?
Респонденттердің 30%-ы салықтық жеңілдіктер айтарлықтай қолдау болады деп санайды. Ал 27%-ы – несиелік міндеттемелер бойынша шегерімді, 23%-ы – ситуацияны форс-мажорлық деп тануды, 20%-ы – компанияның еңбек ресурстарын қолдау қажет деп санайды.
<img src="https://kyzylorda-news.kz/wp-content/uploads/2020/03/005-1.jpg" alt="" />
Орын алған ситуацияда «Атамекен» ҰКП бизнеске түсетін залалды азайту үшін келесі шараларды қабылдайды:
<ul>
<li>біріншіден, Ұлттық палата бүгіннен бастап (16 наурыз) Қазақстан қаржыгерлері қауымдастығы және екінші деңгейлі банктермен несиелік міндеттемелер бойынша төлемдерді кейінге қалдыру немесе басқа да жеңілдіктерді қарастыру бойынша кеңесуді бастайды;</li>
<li>екіншіден, аталған зерттеулер Ұлттық экономика министрлігіне жіберіледі, онда пандемия экономикалық салдары туралы ақпарат жинақталуда. Ұлттық палата өндірістің мәжбүрлі тұрып қалуы кезеңінде жеке компаниялардың қызметкерлеріне өтемақы төлеу шарасын ұсынатын болады;</li>
<li>сондай-ақ, шағын және микро бизнеске салықтық демалыс енгізілгендіктен, ҰКП салықтық демалысты орта бизнеске енгізу мүмкіндігін талқылауда.</li>
</ul>
Айта кетелік, «Атамекен» ҰКП&nbsp;ҚР Үкіметімен бірлесіп, қазақстандық бизнеске келтірілетін залалды мейлінше азайтуға бағытталған тиімді шараларды қолға алу үшін ақпаратты жинау және талдау бойынша жұмысты жалғастырып жатыр. Ертең, Үкімет отырысында алғашқы шешімдер айтылады деп күтілуде.
Ұлттық палата жанынан көмек берудің жедел штабы жұмыс істейді. Коронавирус салдарынан кәсібіне залал көрген кез келген отандық кәсіпкер 1432 Сall-орталығына хабарласа алады.

Қазақстан және Қызылорда облысының жаңалықтары