<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков «Жұмыспен қамтудың жол картасы» бағдарламасы аясында Байқоңыр қаласы мен Төретам кенті және Ақай ауылдық округтеріндегі құрылысы жүргізіліп жатқан нысандарды аралады.
Сапар барысында аудан әкімі Мұса Оспанұлы Байқоңыр қаласындағы №275 мектептің ағымдағы жөндеу жұмыстарымен, Төретам кентіндегі №80 мектеп-гимназиясының ағымдағы жөндеу жұмыстарымен, Төретам кентіндегі №22 35/10 кВ қосалқы стансасын кеңейту және қайта құрылымдау жұмысымен, Нұртуған жырау, А. Құнанбайұлы, Құлқашев, Ы.Жақаев көшелеріндегі орташа жөндеу жұмыстарымен және №27, №29 көпқабатты тұрғын үй ауласын абаттандыру жұмыстарын арнайы аралап көрді. Сонымен бірге Төретам кентіндегі спорткешені ғимараты жанынан жаңадан салынатын стритбол ойын алаңының орналасатын жерін және Ақай ауылдық округінде орналасқан №13 «Балбөбек» бөбекжай-бақшасының ғимаратына жүргізіліп жатырған ағымдағы жөндеу жұмыстарының барысымен танысты.
Аудан әкімі Мұса Оспанұлы «Жұмыспен қамтудың жол картасы» бағдарламасы аясында көптеген игі бастамаларды жүзеге асырғалы отырмыз. Ауданымыздың тұрғындары жұмыспен қамтылып, әлеуметтік нысандар жаңғыртылудан өткізілуде. Атап айтқанда бағдарлама шеңберінде ауданымызды абаттандыру, көшелерді орташа жөндеу мен жарықтандыру, әлеуметтік нысандарды ағымдағы жөндеуден өткізу жұмыстары атқарылатын болады» деп атап өтті. Сонымен қатар аудан басшысы мемлекет тарапынан бөлінген қаржының уақтылы игерілуін, әлеуметтік нысандарда жасалып жатқан жұмыстардың сапалы болуын және белгіленген уақытта халық игілігіне берілуін бақылау басты назарда болатынын жеткізді. Жұмыс сапары барысында Төретам кентінің ақсақалдар кеңесінің төрағасы Аралбаев Смағұл және кент тұрғыны Әділбек Өтебаевпен нысандарды бірге аралап, ұсыныс пікірлерімен бөлісті.
<img src="https://kyzylorda-news.kz/wp-content/uploads/2020/06/fb_img_1592588483222-2.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592588490722-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592588488217-1.jpg" alt="" />

Қармақшы ауданының әкімі құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Биыл Тереңөзек кентінде 42 пәтерлі 2 тұрғын үй құрылысы жүргізілуде.
Құрылыстың бас мердігері «НұрТалап и К» ЖШС болып табылады. Ал жобалаушы мердігер «Қызылорда ЖобаҚұрылыс» ЖШС болса, техникалық қадағалаушы «Қызылорда НұрСтрой Инженеринг» ЖШС көмегімен іске асырылуда.
Құрылыс жұмыстары «Жұмыспен қамту жол картасы» мемлекеттік бағдарламасы аясында жүргізілуде. Осы орайда, ауданда 116 адам жұмыспен қамтылады деп жоспарлануда. Оның 58-і жұмыспен қамту бөлімі арқылы жұмысқа орналастырылады.
Бүгінде жерді қазып құм араласқан қиыршық тас төсеу жұмыстары басталды. Жалпы құрылыс 7 айға жоспарланған. Жұмыс уақытылы орындалса, желтоқсан айының 15-не пайдалануға беріледі.
<hr />
<img src="https://kyzylorda-news.kz/wp-content/uploads/2020/06/fb_img_1592579864705-1.jpg" alt="" />

Сырдария ауданында 2 тұрғын үй қолданысқа беріледі

Бүкіләлемдік босқындар күні. 
БҰҰ-ның 2000 жылғы 4 желтоқсандағы шешімі бойынша Африка босқындарының күнімен қатар атап өтіледі.
1992 жылы Елбасы Нұрсұлтан Назарбаевтың қатысуымен Қазақстан кәсіпкерлерінің алғашқы форумы өтті.
2003 жылы еліміздегі жер реформасының маңызды актісі Қазақстан Республикасының жаңа Жер кодексі қабылданды.
2014 жылы «KazEOSat-2» қазақстандық жер серігі орбитадан алғаш рет телеметрикалық ақпарат берді.
2016 жылы Анкарада ҚР Тәуелсіздігінің 25 жылдығына арналған Түркиядағы Қазақстан күндері өтті.
2017 жылы режиссер Ақан Сатаевтың «Анаға апарар жол» фильмі Нью-Йорктегі кинофестивальде үздік көркем фильм атанды. Фильмнің продюсері Әлия Назарбаева «Кинодағы еуразиялық әйелдер» наградасын алса, Алтынай Нөгербек үздік актриса деп танылды.

20 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 20 маусымға арналған жұлдыз-жорамалы.
Тоқты
Қызметіңізді жоғарылатуға немесе қаржылай қолдайтын жандардардан көмек алуға толық мүмкіндігіңіз бар. Тамақты талғап жеңіз.
Торпақ
Бүгін ұсақ-түйек тірліктің барлығын бітіресіз. Сізді біреулер алдап соққысы келеді. Майда-шүйденің барлығына мән беріңіз.
Егіздер
Әріптестеріңізбен және достарыңызбен дауласпаңыз. Бұл жақсы әдет емес. Бүгін өте ашушаң боласыз. Ол сөзіңізден де, ісіңізден де байқалады.
Шаян
Бүгін күш-қуатыңыз мол. Белсенділік таныту өз пайдасын әкелмесе, зиянын тигізбейді. Көлік жүргізетін болсаңыз, жолда абай болыңыз.
Арыстан
Өз кемшіліктеріңізді ойлап бас қатырмаңыз, өз-өзіңізге сенімді болыңыз. Сонда ғана жұмысыңыз да, жеке кәсібіңіз де алға қарай жылжиды.
Бикеш
Серіктестермен немесе басқа да кездесулер сіз үшін тиімді болмақ. Бұл кездесуге таянақты түрде дайындалар болсаңыз, көп жетістікке жетесіз.
Таразы
Қолдан келер іспен айналысыңыз. Аспандағы айға қол созудың қажеті жоқ. Үйде ұсақ-түйек істі атқарып, қаржылық мәселені біржақты етіңіз.
Сарышаян
Бүгінгі күн махаббатыңызды мойындап, романтикалық кеш ұйымдастыруға өте ыңғайлы. Балаларыңыздың тәрбиесіне мән беріп, көңіл бөліңіз.
Мерген
Бүгін өзіңізге толық демалыс сыйлаңыз. Бассейнге барыңыз, массаж қабылдаңыз. Салқын су ағзаңызды жақсартып, денсаулығыңызға оң әсерін тигізеді.
Тауешкі
Өзгелерден қулығыңызды асырамын деп ойламаңыз. Өйткені оның барлығы өзіңізге зиянын тигізуі мүмкін. Бұл сіздің беделіңізге сын болады.
Суқұйғыш
Бүгін орын алатын оқиғалардың барлығы сізге оң әсерін тигізетін болады. Сіз бүгін лауазымды тұлғалардың немесе әріптестеріңіздің көмегіне жүгіне аласыз.
Балықтар
Бүгін сіз шынайысыз. Сондай-ақ кез келген қиын тапсырманы оңай орындай аласыз. Достарыңызға көмек көрсетуден қашпаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Елбасы бастамасымен қолға алынған «Біз біргеміз» акциясы аясында 12 мыңнан астам қызылордалық отбасы азық-түлікпен қамтылды.
Үш айдан астам уақыт аянбай тер төккен еріктілердің бірқатары бүгін еліміздің Тұңғыш Президенті Нұрсұлтан Назарбаевтың қолы қойылған Алғыс хатпен марапатталды. Партияның облыстық филиалында өткен салтанатты шарада партия филиалының төрағасы, облыс әкімі Гүлшара Әбдіқалықова еріктілерді құттықтап, алғыс хаттарды табыстады.
<img src="https://kyzylorda-news.kz/wp-content/uploads/2020/06/nurn6024-scaled.jpg" alt="" />
Өңірде «Біз біргеміз» республикалық акциясы аясында 12 мыңнан астам көмекке мұқтаж отбасыға 130 млн теңгеге жуық қаражатқа азық-түлік көмегі берілген. Сонымен қатар, еріктілер Мақтарал ауданының тұрғындарына қажетті заттарды жеткізуге де атсалысқан.
Жиында Гүлшара Әбдіқалықова Төтенше жағдай кезінде республикалық «Birgemiz» қоры арқылы Қызылорда қаласының 14 мыңнан астам тұрғыны 50 мың теңгеден бір реттік қаржылай көмек алғандығын айтты.
<blockquote>
 «Сәуір-мамыр айларында «Біргеміз» қоры арқылы Қызылорда қаласының 14109 тұрғынына 1-ші және 2-ші толқынмен 50 мың теңге көлемінде барлығы 705 млн. 450 мың теңгеге бір жолғы қаржылай қолдау жасалды. Мұндай қаржылай көмек маусым айында 3-ші толқынмен облыстың Арал, Қазалы, Қармақшы, Шиелі, Жаңақорған аудандары мен Байқоңыр қаласының 6491 тұрғынына көрсетілсе, шілде айындағы 4-ші толқында осындай көмекпен Сырдария және Жалағаш аудандарының 3430 тұрғыны да қамтылатын болады. Мұның барлығы Елбасы тарапынан көмекке мұқтаж болған азаматтарымызға жасалып отырған көмек», – деді филиал төрағасы, облыс әкімі Гүлшара Әбдіқалықова.
</blockquote>
Карантин кезінде ұйымшылдық танытып, көмектерін аямаған еріктілер еңбектерінің елеусіз қалмағанына дән риза. Олар қоғам игілігі үшін әрқашан қызмет етуге дайын екендерін жеткізді. Солардың бірі көмекке тікелей араласып қана қоймай, ізгілікті шараны насихаттау жұмыстарына да белсене ат салысқан облыстық «Qyzylorda» телеарнасының тілшісі Тәжімұрат Әлжанов. Ол жабыққанды жарылқап, зарыққанды жұбату – қашаннан қанымызға сіңген ата салтымыз. Тек адал ниет болса болды, дейді.
<blockquote>
 «Тұңғыш Президентіміз, Елбасы бастамасымен жүзеге асқан «Біз біргеміз акциясы» аясында өңірімізде төтенше жағдай кезінде қаншама отбасына қолдау көрсетілді. Ұлықты істі ұлттың жанашырына айналған «Nur Otan» партиясы үйлестірді. Көмек алушылар алғаусыз алғыстарын білдіріп жатты. Қамкөңіл жандардың жүзіне күлкі сыйлау үшін бай болуың міндетті емес. Бастысы, адал ниет, ақ пейілің болса болғаны.Қайырымды іс рухани кемелдікке жетелеп, бірлікте болудың берекесін көрсетеді», – деді Тәжімұрат Әлжанов.
</blockquote>
Елбасы алғыс хатымен марапатталған еріктілер қатарында спортшылар, өнер жұлдыздары блогрлер мен жайдарманшылар да бар.
<img src="https://kyzylorda-news.kz/wp-content/uploads/2020/06/whatsapp-image-2020-06-19-at-18.10.31.jpeg" alt="" />
<img src="https://kyzylorda-news.kz/wp-content/uploads/2020/06/whatsapp-image-2020-06-19-at-18.10.32.jpeg" alt="" />
<img src="https://kyzylorda-news.kz/wp-content/uploads/2020/06/nurn6147-scaled.jpg" alt="" />

Қызылордалық еріктілер марапатталды

<a href="https://kyzylorda-news.kz/">Kyzylorda-news.kz.</a> ҚР ІІМ-нің “Ұрлыққа қарыс іс-қимыл жөніндегі 2019-2020 жылдарға арналған бағдарламасы” аясында қалта ұрлықтарының алдын алу, ашу және жолын кесу мақсатында Қызылорда қалалық Полиция басқармасы бастығының тапсырмасына сәйкес, 2020 жылдың маусым айының 13-20 күндері аралығында “Қалта ұрысынан сақтан!” жедел-профилактикалық іс-шарасы жүргізіліп жатыр.​ 
Аталған іс-шараға Қызылорда қалалық Полиция басқармасының 50 қызметкері жұмылдырылды. Іс-шара барысында қала тұрғындары көп шоғырланатын орындарда, яғни Жаңа базар, “Сыбаға” базары, “Қорқыт”, “Айтбек”, “Отырар”, “Жайна”, “Мирас” ірі сауда үйлері, “Автовокзал” маңында, сонымен қатар қала аумағындағы аялдамалар жанында дыбыс күшейткіш құралдарымен қалта ұрлықтары бойынша сақтық шаралары халыққа ескертіліп, түсіндірме жұмыстары жүргізілді. Яғни, халық көп шоғырланатын орындарда, оның ішінде қоғамдық көліктерде қолсөмкелер мен әмияндар, сыртқы қалталарға салынған ұялы телефондарды ұрлатып алудан сақ болу керектігі, сонымен қатар ұрлықтың шарттары мен себептерін, сондай-ақ қылмыстық қол сұғушылықтан мүлікті қорғаудың ықтимал тәсілдерін халыққа түсіндіре отырып, сауда орындары, базар аумақтары, қоғамдық автокөлік, аялдамаларға учаскелік полиция инспекторларымен үндеу парақшалары ілініп, тұрғындарға таратылды.​Сонымен қатар қала орталығында қоғамдық көліктердегі қалта ұрлығының алдын алу мақсатында “автобустар” мен “газель” автокөліктеріне сыйымдылығынан артық адамдарды мінгізуіне тосқауыл қойылып, патрульдік полиция батальонының қызметкерлерімен 30 қоғамдық автокөліктердің құжаттары тексеріліп, сыйымдылығынан артық адам тасымалдағаны үшін 9 жүргізушіге ҚР ӘҚБтК-нің 593–бабының 1-бөлігімен әкімшілік хаттамалар толтырылып, жалпы 62 505 теңге айыппұл салынды. Қылмыстардың алдын алу және ашу мақсатында тиісті жұмыстар жалғасын табатын болады.
<img src="https://kyzylorda-news.kz/wp-content/uploads/2020/06/img-20200619-wa0036-1.jpg" alt="" />

Қызылордалық полицейлер тұрғындарды қалта ұрыларынан сақтануға кеңес береді

<a href="https://kyzylorda-news.kz/">Kyzylorda-news.kz.</a> Биыл Жаңақорғанда «Жұмыспен қамту жол картасы-2020» шеңберінде 14 жоба іске асырылады.
Атап айтар болсақ, аудан көшелеріндегі жолдарды орташа жөндеуге 352 адам жұмыспен қамтылып, оның 111-і жұмыспен қамту орталығы арқылы орналасты.
Бұдан бөлек, «Ауыл – ел бесігі» бағдарламасы аясында 4 жоба жүзеге асыралады.
Айта кетейік, «Жұмыспен қамту жол картасы -2020» және «Ауыл-ел бесігі» бағдарламасындағы жобаларға мемлекеттік сатып тәсілімен конкурс жариялануда.
<img src="https://kyzylorda-news.kz/wp-content/uploads/2020/06/fb_img_1592566522076-1.jpg" alt="" />

Жаңақорғанда мемлекеттік бағдарламалар қарқынды жүзеге асуда

<a href="https://kyzylorda-news.kz/">Kyzylorda-news.kz.</a> “Қазгидромет” РМК Қызылорда облысы бойынша филиалының хабарлауынша 20 маусымда Қызылорда облысында солтүстік-шығыстан, шығыстан жел соғады, күші кей жерлерде 15-20 м/с, екпіні 23 м/с, шаңды дауылмен сақталады. 
Қызылорда қ.: 20 маусымда солтүстік-шығыстан жел соғады, екпіні 15-20 м/с, шаңды дауыл сақталады. 
Дабылды ескертудің ықтималдылығы90-100%.

Ертең шаңды дауыл болады

<a href="https://kyzylorda-news.kz/">Kyzylorda-news.kz.</a> Жалағашта карантин режимі кезіндегі талаптардың сақталуын қадағалау мақсатында құрылған жұмысшы топ мүшелері түнгі рейд шарасын күнделікті жалғастыруда.
Рейд барысында карантин талаптарын бұзған кәсіпкерлік нысандар анықталып, ескертулер жасалуда.
Облыстағы эпидемиологиялық ахуал әзірге күрделі. Сондықтан да, барша аудан тұрғындарын коронавирус инфекциясының таралуының алдын алуда зор жауапкершілік танытып, енгізілген шектеулерді қатаң сақтауға шақырамыз. Бұл – баршаға ортақ міндет.
<img src="https://kyzylorda-news.kz/wp-content/uploads/2020/06/fb_img_1592560671141.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592560676408-1.jpg" alt="" />

Жалағашта түнгі рейд жұмыстары жүргізілуде

**<a href="https://kyzylorda-news.kz/">Kyzylorda-news.kz</a>. Биыл ҰБТ-ның алғашқы күні 21 маусым, жексенбі күнге түсіп отыр. 
**
Бірінші күні тек 6,5 мың талапкер емтихан тапсырады. ҰБТ-ның алғашқы күні 161 пунктің 51-і ғана істейді, оның 44-і ауылдық жерлерде орналасқан. Орташа есеппен бір ҰБТ тапсыру пунктіне 120 адамнан келеді. 
21 маусым мен 5 шілде аралығында тестілеу тапсырылатын ағындардың жалпы саны 15-ті құрайды, деп мәлімдеді ҚР БҒМ баспасөз қызметі. 
ҰБТ өткізілетін әрбір пункте медициналық-санитарлық сипаттағы күшейтілген шаралар қабылданады: дезинфекциялық тоннельден өту, арнайы дезинфекцияланған кілемшеде аяқ киімдерді зарарсыздандыру, дене қызуын өлшеу, қолды зарарсыздандыру сұйықтығымен өңдеу, медициналық маскалар беру. 
Тестілеуге кіргізу және отырғызу кезінде тестіленушілер арасындағы арақашықтықтың кемінде 2 метр болуы қамтамасыз етіледі, сондай-ақ әрбір аудитория бактерицидтік құралдармен және ауа рециркуляторларымен кезең-кезеңмен желдетіліп, өңделетін болады. 
Санитарлық талаптар қатаң сақталады, сондықтан аудиторияны тек 50%-ға дейін толтыруға болады. Сәйкесінше, жобалық қуаттылық ҰБТ-ны 6 күннің ішінде өткізуге мүмкіндік бергенімен, түлектерді аз-аздан жинау үшін тестілеу 15 күннің ішінде жүргізіледі. 
Естеріңізге сала кетейік, биыл тестіленушілер үшін бұрын-соңды болмаған жағдай жасалды. Мәселен, алғаш рет калькулятор пайдалануға рұқсат етіліп, талапкерлер үшін тегін байқау сынақтары қолжетімді болды. Сонымен қатар тестілеуді өткізу уақыты 4 сағатқа дейін ұзартылып, түлектер мемлекеттік емтиханнан босатылды.
<a href="https://24.kz/kz/zha-aly-tar/bilim-zh-ne-ylym/item/403733-ltty-biry-aj-testileu-21-mausym-k-ni-bastalady">24.kz</a>

Ұлттық бірыңғай тестілеу 21 маусым күні басталады

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің тестілеу пунктінде кемінде 2 метр радиуста әлеуметтік қашықтықты ескере отырып 48 тест тапсыру аудиториялары дайындалды. Мектеп аумағында және ғимарат ішінде үміткерлердің қауіпсіз қозғалысы үшін еденде арнайы бөлу белгілері орнатылған.
Мектепке үміткерлер ата-аналарысыз кіреді. Кіре беріс аумағында топтасып, кептеліс тудырмау үшін мектеп территориясында төрт өткізу пункті жұмыс істейтін болады.
Үміткерлер ғимарат ішіне тек бетпердемен жіберіледі. Әр қатысушы аяқкиім табандарын және қолдарын дезинфекциялап, байланыссыз термометриядан өтуі керек. 
Тіркеу орнында үміткерлер масканы шешіп, оны арнайы қарастырылған контейнерге тастап, сәйкестендіруден өткен соң жаңа маска киіп, қолды антисептикпен қайта өндеуі тиіс.
Дәліздегі және аудитория кезекшілері үміткерді аудиторияға жеткізеді. Тестілеу бастамас бұрын емтихан тапсыру, жауап парақтарын толтыру және тапсырманы орындау ережелері бойынша нұсқаулық жүргізіледі.
Конкурстық іріктеуге қатысатын барлық жауапты мектеп қызметкерлері жеке қорғаныс құралдарымен қамтамасыз етіледі.
Мектеп ғимаратына антисептик сепкіштері қарастырылған. Сынақ басында және аяқталған соң бөлмелерді үнемі желдету, дезинфекциялық заттарды пайдалана отырып тазалау жұмыстары жүргізіліп, әр күннің соңында кварц жасалады.
Айта кету керек, термометрия нәтижесі бойынша жоғары дене температурасы анықталған үміткерлер алгоритмге сәйкес қосымша медициналық тексеруге жіберіліп, қажет болған жағдайда бөлек резервті аудиторияға тест тапсыруға орналастырылады.
Сондай-ақ, карантиндік шаралардың күшеюіне байланысты ата-аналарды түсіністікпен қарап, мектеп жанында жаппай кептеліс тудырмауға және әлеуметтік қашықтық пен бетперде режимін қатаң сақтауға шақырамыз. Балаларды мектепке алып келген соң, мүмкіндігінше үйге қайтуға кеңес береміз. Емтихан процесін ата-аналар YouTube арнасында онлайн режімінде көруге болатынын естеріңізге саламыз.
<img src="https://kyzylorda-news.kz/wp-content/uploads/2020/06/fb_img_1592555443935-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592555446545-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592555449195-1.jpg" alt="" />

Қызылордада Назарбаев зияткерлік мектебінде тест тапсыру аудиториялары дайындалды

<a href="https://kyzylorda-news.kz/">Kyzylorda-news.kz.</a> Қазақстан Республикасының Тұңғыш Президенті – Елбасы Нұрсұлтан Назарбаевтан сынама алу барысында коронавирус анықталуына байланысты Сыр елінің жұртшылығы зор алаңдаушылық білдіруде.
Тәуелсіз мемлекетіміздің негізін қалап, қазақ халқын дүние жүзіне танытқан әлемдік деңгейдегі көшбасшының дерттен айығып, тезірек сауығып кетуіне ниеттестік білдірген хаттар мен жеделхаттар легі елордаға үздіксіз жолдануда. Сыр бойының беделді азаматтары, соғыс және еңбек ардагерлері, спорт пен өнер тарландары, бизнес және жастар өкілдері Елбасыға ыстық ықыластарын арнап, мықты денсаулық тілеп, шынайы лебіздерін жеткізуде. 
Ұлы Отан соғысының ардагері, Қызылорда облысының Құрметті азаматы, ғасыр жасаған ақсақал Бөрібай Құлманов:«Сіз әлем елдерін жайлаған індеттің алдын алып, алғашқы болып жедел шешім шығарып, тиісті шаралардың қабылдануына зор ықпал еттіңіз. Өзіңіз Алаштың анасына балаған Сыр жұртшылығы пандемия кезінде Сіздің халыққа жасаған қамқорлығыңызбен жанашырлығыңызды ерекше сезінді» деп ризашылығын білдіреді.
Даңқты жырау, Қазақстанның еңбек сіңірген қайраткері Алмас Алматов «Бабам қазақ: «Ауырып тұрдың – аунап тұрдың» дегендей, дертке шипа тілеймін! Аты жаман науқас артта қалып, жақсы күнге жетіп, еліміздің бұдан әрі дамуын қара орман халқыңыздың Елбасымен бірге көруіне нәсіп етсін!» деп ағынан жарылып, тілек айтады. Қазақстанның Еңбек Ері Абзал Ералиев Сыр дихандарының атынан: «Бұл сынақты жеңіл еңсереді деп сенеміз және әрқашан деніңізге саулық тілейміз» деп шынайы ниеттестік танытса, мемлекет және қоғам қайраткері, ҚР ҰҒА академигі Бақберген Досманбетов: «Сіз салған сара жол арқылы халқымыз кез-келген қиындықты еңсеретініне сенімім мол!» жылы лебізін арнаған.
Мәнерлеп сырғанаудан әлем чемпионатының күміс жүлдегері, еліміздің еңбек сіңірген спорт шебері Элизабет Тұрсынбаева: «Бүгінгі күні әлемді шарпыған індеттің Өзіңізге де жеткені туралы хабар мені де бей-жай қалдырмады» деп жанашырлық білдіреді. Ал ауыр атлетикадан әлемнің төрт дүркін чемпионы Илья Ильин: «Өзіңізді арқаңызда Қазақстан өсіп-өркендеп келеді» ризашылығын аңғартса, Қазақстанның еңбек сіңірген өнер қайраткері, композитор Кеңес Дүйсекеев: «Ел үшін жасап жүрген ұлан-ғайыр еңбегіңізді, шекарамызды бекітудегі тынымсыз тірлігіңізді жоғары бағалайтын әр қазақ Сіздің сауығып шығуыңызға тілектес» деп ой толғайды. 
Сондай-ақ, Арал өңірінің балықшылары атынан Қазақстанның бұрынғы Балық шаруашылығы министрі, мемлекет қайраткері Құдайберген Саржанов,денсаулық сақтау саласының ардагері Тұрғанбай Маханов Тұңғыш Президентке жанашырлық танытып, тілектерін арнаған. Елімізге танымал өнер саңлақтары – әнші-композитор Жеңіс Сейдуллаұлы, айтыскер ақын, композитор Елена Әбдіқалықова, «Алтын домбыра» жүлдесін екі мәрте иеленген айтыскер ақын Мұхтар Ниязов руханият саласын үнемі қолдап келе жатқан Нұрсұлтан Назарбаевқа аман-саулық тілеген. Сонымен қатар, өңір құрылысшыларының атынан «Бақ-Береке» ЖШС директоры Қайрат Ерназаров, осыдан отыз төрт жыл бұрын Тұңғыш Президент Сыр еліне сапармен келген күні өмірге есік ашқан Нұрсұлтан Әбілдаев ақжарқын ой-пікірлерін арнаған. Елбасынан тезірек сауығып кетуіне «ПетроҚазақстан Құмкөл Ресорсиз» акционерлік қоғамы, Қорқыт Ата атындағы Қызылорда мемлекеттік университеті, Қазалы аудандық теміржол саласы ұжымдары да шын көңілден ниеттестік білдірген. 
«Ол – рухы мықты адам. Оның бүкіл өмірі күреске толы, сондықтан, бұл сынақты да жеңіл еңсереді деп сенемін» деп Мемлекет басшысы Қасым-Жомарт Кемелұлы Тоқаев айтқандай, Сыр елі үнемі сергектікті серік етіп келе жатқан Елбасының бұл сынақтан да аман-есен өтетіне еш күмәнданбайды. Бір кезде күллі қазақ жұртының астанасы болған өңірді «Сыр – Алаштың анасы»деп атаған Нұрсұлтан Әбішұлының денсаулығы мықты болуына халқымыз әрдайым тілектес.

Қазақстан және Қызылорда облысының жаңалықтары