1940 жылы академик Қаныш Сәтбаев атындағы Геологиялық зерттеулер институты құрылды.
1994 жылы ҚР Министрлер Кабинетінің қаулысымен Ақмола, Атырау, Павлодар, Талдықорған облыстарында аймақтық университеттер құрылды.
1995 жылы «Абай» энциклопедиясы жарық көрді.
1999 жылы ақын Мұхтар Шахановқа халықаралық «Руханият» сыйлығы берілді.
2013 жылы Елбасы Нұрсұлтан Назарбаев зейнетақы жүйесін жаңғырту, оның қаржылық орнықтылығын қамтамасыз ету, зейнетақы жинақталымын сақтау және оның өсуі, сондай-ақ зейнетақы активтерін басқарудың ашықтығы үшін жағдай жасауға бағытталған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» және «Қазақстан Республикасында зейнетақымен қамсыздандыру туралы» заңдарға қол қойды.
2016 жылы «Қазақстан – Ұлы дала елі» цифрлық қосымшасы жасалды.
2017 жылы Нұр-Сұлтан халықаралық әуежайының аты «Нұрсұлтан Назарбаев Халықаралық әуежайы» деп өзгертілді. &nbsp;Нұрсұлтан Назарбаев Халықаралық әуежайы халықаралық азаматтық авиация қауымдастығының ІІІА санатына ие. Ол барлық типтегі әуе кемелерін қабылдай алады.

21 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 21 маусымға арналған жұлдыз-жорамалы.
Тоқты
Жан-жағыңызды байқап, бақылап жүріңіз. Ойланбастан шешім шығармаңыз. Егер барлығын сақтықпен жасайтын болсаңыз, барлық ісіңіз сәтті болмақ. Кейде өзіңізге-өзіңіз мәселе тудырып аласыз. Көбіне бұған ақкөңіл, адамға сенгіш мінезіңіз себеп болады. &nbsp;
Торпақ
Күн сәтті басталмайды. Аздаған қиындықтар туындап, түсінбестік орын алуы мүмкін. Оқиға желісін өзгертуге талпынасыз, алайда барлығы сіз ойлағандай болмайды. Сондықтан жаныңыздағы адамдарға ашуланасыз. Олар сізден бойын аулақ ұстауға тырысады.
Егіздер
Жемісті күн. Барлық ісіңіз сәтімен басталады. Олардың нәтижелі аяқталатынына сеніміңіз мол. Сондықтан шаршау дегенді білмей, тынбай еңбек етесіз. Бастаған шаруалардың барлығын соңына дейін жеткізуге тырысасыз. Жақындарыңыз көмекке келетін болады.
Шаян
Түске дейінгі уақытыңызды тиімді пайдалануға тырысыңыз. Дәл осы уақытта тапсырмаларды орындауға мүмкіндік көп. Сондай-ақ өзекті мәселелерді шешуге де болады. Жұмысқа қатысты түскен ұсыныстарға көп ойланбай, тез жауап беруге тырысыңыз.
Арыстан
Күніңіз қызықты оқиғаларға толы болмақ. Бірақ оларды қабылдау сізге аздаған қиындық туғызады. Мәселенің анық-қанығына жеткеннен кейін барлығы өз орнына келеді. Жақын тұтатын адамыңызбен ашық әңгімелесіңіз. Сонда барлық мәселе шешімін тауып, бір жеңілдеп қаласыз.
Бикеш
Асықпаңыз. Сіздің басыңыздағы оқиғалар сәтімен аяқталатын болады. Айналаңыздағы адамдарға жақсы қырыңызды таныта біліңіз. Жолыңызда бірінші кездескен кедергіге бола кері шегінбеңіз. Табандылық сізді мақсатыңызға жетуге көмектеседі. Бүгін тәжірибесімен бөлісетін жандармен таныс боласыз.
Таразы
Қарбалас күн. Бірден мақсатқа жетуге асығасыз. Бірақ барлық ұсақ-түйек тірліктің өзіне зор еңбек қажет екенін естен шығармаңыз. Сенгіз, аңғал адамдар өзгелердің құрған қақпанына тез түседі. Сондықтан әр қадамыңызға абай болыңыз. Кейін өкінетін тірлік жасамаңыз.
Сарышаян
Қандай істі қолға алсаңызда «жеңіс менікі» деуден аулақ болыңыз. Кез келген мақсатқа жету үшін көп тер төгу қажет. Бүгін көп уақытыңызды болмайтын істерге жұмсап, шаршап қалуыңыз мүмкін. сонымен қатар бүгін қуантарлық жаңалықтар да орын алады.
Мерген
Бүгінгі күніңіз жай күндердің бірі емес. Бұл күн жақсылығымен есте қалады немесе барлығы керісінше болуы мүмкін. Достарыңызбен немесе әріптестеріңізбен сөзге келіп қалуыңыз ғажап емес. Сіз өте сезімталсыз, сондықтан айналаңыздағы жандарға тез ашуланып, ренжіп қаласыз.
Тауешкі
Алаңдамаңыз. Сіз сабырлық сақтасаңыз, барлық мәселе оң шешімін табатын болады. Егер ашуға булықсаңыз, барлығы керісінше болатынына күмәніңіз болмасын. Барлық шаруаңызды назардын тыс қалдырмай, ұсақ-түйектерге мән беріп қарайсыз. Сондықтан қателікке бой алдырмайсыз.
Суқұйғыш
Өте жақсы күн. Жалқау адамдардың өзі бүгін біраз шаруаны тындырып, қиындықты еңсере алады. Сонымен қатар бүгін кез келген маңызды сұрақтарға жауап тауып, көптен алаңдатып жүрген мәселенің мән-жайын анықтауға болады. Жақындарыңызбен келіспеушіліктер артта қалады.
Балықтар
Күніңіз сәтті өтеді. Бірақ сіз бұған қанағаттанбайсыз. Көп үміт артқан адамыңыз сеніміңізді ақтамайды. Әлбетте, бұл сізге ұнамайды. Өзіңізге деген сеніміңіз де жоғалып, іс-әрекетіңізге сырт көзбен қарайсыз. Кейбір шаруаларға бас қатырудың да қажеті жоқ екенін естен шығармаңыз. Өзіңізді көп шаршатпаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Канадалық ғалымдар көздің шырышты қабатының қабынуы коронавирустық инфекцияның алғашқы белгілерінің бірі болуы мүмкін екенін айтты. 
Конъюнктивит – көз бен қабақтың артқы жағын жабатын жұқа, мөлдір тіндердің қабынуы. Ол көзге бактериялар немесе вирустардың түсуінен пайда болады. 
Канадалық офтальмология қоғамының журналында жарияланған зерттеуде ғалымдар 29 жастағы науқастың жағдайын сипаттады. Науқас наурыз айында көзінің қызаруына байланысты ауруханаға түскен. Дәрігерлер оған конъюнктивит диагнозын қойды, бірақ емдеу шаралары сәтсіз аяқталды. Кейін оның коронавирусқа тапсырған тесті оң нәтиже көрсеткен. 
<blockquote>
 «Науқаста жөтел немесе дене қызуы болмады, сондықтан коронавирус деп ойламаған едік. Инфекцияның алғашқы белгілері өкпеден емес, көзден де пайда болатынын білмедік», – деді Альберт 
</blockquote>
Карлос университетінің офтальмология кафедрасының доценті.
<a href="https://24.kz/kz/zha-aly-tar/bylu-manyzdy/item/403796-koronavirusty-ta-y-bir-bastap-y-simptomy-belgili-boldy">“Хабар 24”</a>

Коронавирустың тағы бір бастапқы симптомы белгілі болды

<a href="https://kyzylorda-news.kz/">Kyzylorda-news.kz.</a> Коронавирусқа қарсы иммунитет пайда болмауы мүмкін, себебі онымен байланысты антиденелер тұрақсыз.
Бұл – коронавирустан жазылып шыққандар оны қайтадан жұқтыруы мүмкін деген сөз. Мұндай шешімге қытайлық және америкалық ғалымдар келді. 
Ғалымдар жүргізген зерттеу бойынша, инфекция енді пайда болған кезеңде Уханда науқастармен байланыста болған дәрігерлер антидене қалыптастырғанын не қалыптастырмағанын анықтаған.
<a href="https://massaget.kz/layfstayl/Zdorove/62490/">massaget.kz</a>

Адамдарда коронавирусқа қарсы иммунитет пайда болмауы мүмкін

<a href="https://kyzylorda-news.kz/">Kyzylorda-news.kz.</a> Жастық кезеңнің капиталы – ақша емес, тәжірибе. Ақша жұмсалып кетеді, тәжірибе тек толыса түседі. 
Психологтардың айтуынша, адамның 20-30 жас аралығында жасаған істері мен қалыптастырған дағдылары бүкіл өміріне ықпал етеді. Сондықтан, бұл ерекше маңызға ие жылдарда әр адам өзін тәрбиелеуге көп көңіл бөлгені абзал. Осы тақырыпта Wedmeeting шарасында дәріс оқыған психоаналитик, терапевт Софья Инкарованың көпке пайдасы тиетін өзекті ойлары мен кеңестерін ұсынамыз.
20-30 жастың артықшылығы не? 
20-30 жас аралығындағы жандар әлі «табиғи бонусқа» ие. Табиғи бонус деп отырғанымыз – бұл кезеңде кез келген қабілеттің жоғары болуы. Адамдарда жас кезде 100 мыңнан 100 миллионға дейін бос нейрон болады. Оларды іске қосып, жұмсамаса, уақыт өте келе жойылып кетеді. Бұл нейрондар қайта қалпына келмейді. 
Мәселен, адамның миы дамуының бірінші кезеңінде тіл және қозғалыс мүшелері қалыптасады. Екінші даму кезеңі 19-20 жастан бастап 30 жасқа дейін жалғасады. Ол кезде бас миының көлемі ересек адамдыкіндей болғанымен нейрон байланыстары толық қалыптаспайды. Күн сайын ол осы нейрон байланыстарын жинайды. Бос жасушалардың көптігінен оларды толықтыруға болады. Міне, бұл – сіздің капиталыңыз. 30 жастан асқан соң адам түрлі дағдыларды дәл бұлай жеңіл меңгере алмайды. Тіл, білім, ғылым, жаңа мамандық меңгеру де бұрынғыша оңай болмайды. Сондықтан капиталды уақытында пайдалана білу керек. 30 жасқа дейін қалыптасқан дағды өмір бойы серік болады. 
20-30 жаста адам жақсы жоспарлайды, жақсы жұмыс істейді, жақсы есте сақтайды. Себебі, адам жадысы – сана қақпасы. Біз көп нәрсе біліп, есте сақтағанымызбен оның бәрін қолдана бермейміз. 
20-30 жас аралығындағылар эмоциясымен дұрыс жұмыс істей алмайды. Тәжірибе жинауға мүмкіндік беретін жұмысыңыз болса, не студент болсаңыз, ресурстарыңызды интеллектуалды капиталыңызға жұмсап, салауатты өмір салтын ұстануға тырыссаңыз, ерте ме, кеш пе, өнімді нәтижеге жетесіз. 
Осы жаста нейрондардың көп бөлігін эмоция нейрондары құрайды. Бір нәрсені алғаш рет жасағанда ағзада эндорфин бөлінеді. Адамды ол рақатқа бөлейді. Сол үшін адам жаңа нәрсені бастағанда тәжірибе жинап, үйрену оңайға түседі. 20-30 жастың артықшылығы да осыда.
Кризис. Өзіңізді іздеуден қорықпаңыз 
Нейрондардың көп болуы – әрі мүмкіндіктер, әрі эмоцияға көп берілу. Осы жаста адамда өзін іздеу кризисі болады. «Мен кіммін?», «Өмірдің мәні не?», «Әрі қарай қалай өмір сүру керек?» деген сұрақтарға жауап іздейді. 
Барлық адам өзін іздейді және іздей бермек. Басқа буында да солай болады. Неге? Себебі, нейрон көп, олар көптеген гормон бөледі: эндорфин, адреналин, дофамин. Оларды қалай және қайда жұмсайтыныңды білмегенде кризис басталады. Осы кризисті игеріп үйрену керек. 
Мысалы, бір адам жыл сайын оқуға түседі де, оқу жылының аяғында оқығысы келмей қалады. Өзіңді іздеу мен сәйкестендіру капиталы қатар жүреді. Мұнымен өмір сүресіз. Бір нәтижеге жеткіңіз келсе, сізге өз капиталыңызды жинау керек. Сол үшін өзіңізді іздеуден қорықпаңыз. 
Студент балаңызда өзін іздеп табу кризисі басталса, сабақ оқымай, тіпті оқуын тастап кетуі мүмкін. Мұндайда оны жалғыз қалдырмаңыз. Жағдайды қадағалап, қолдау білдіріңіз. Кішкентай болса да жетістіктерін айтып, мақтап, тыңдап, сөйлесіп көріңіз. Қолыңыздан келсе қабілетін дамытуға көмектесіңіз.
Капитал. Не үшін көп дағды үйрену керек? 
Капитал – өзімізге жасаған инвестициямыз. Біздің қолымыздан жақсы келетін, ұзақ уақыт бойы істеген, бір бөлшегімізге айналған нәрсе – капитал. Біз оны сата аламыз. Көп дағды үйренсек жақсы өмір сүріп, жақсы ақша табамыз. Адамда капитал болса кез келген уақытта жұмыс табады. 
20-30 жастағы капитал дегеніміз ол біртіндеп жинаған дағдыларымыз, қабілеттеріміз. Капитал толыса береді. Ол әрдайым өзіңмен болады және жоғалмайды. Бұл кәсіби дағдылар ғана емес, толық дамыған жеке дағды-қабілет те болуы мүмкін. 
Өмір капиталды жинаудан ғана тұрмайды. Өзіңді табу үшін бәрібір кризис болады. Екеуі тең болуы керек. Кризис болғанда өзін іздеп тауып, жинаған капиталын пайдаланады. 
Адам өзін табуға көп уақыт пен резерв жұмсамауы керек. Ресурсты капитал толықтыратын нәрсеге пайдалану қажет. Әр күн – жаңа өмір. Жас кезде аз ақша табуға ұялмай, тәжірибе жинауға тырысқан жөн.
Кәсіпке бағдарлану не үшін қажет? 
Жастарға өзін дамыту үшін табиғат берген нейрондарын босқа жұмсамай, оларды дамытып, капитал жинауы керек. Ол үшін алдымен не істеу керегін, немен айналысуға болатынын анықтап алған жөн. Ата-анаңыз бала кезден сізге инвестиция салса, 3-4 тіл білсеңіз, спорт не музыкалық жетістіктеріңіз болса өте жақсы. Олай болмаса әр адам не керегін өзі білуі тиіс. Жұрттың баласына қараудың қажеті жоқ. Балалық шақта орындай алмаған нәрселерді қазір жасауға болады. Сізде нейрондар қоры жеткілікті. Бала кезде үйренгіңіз келгенді меңгере аласыз. 
Адам бір кәсіпке бағдарлану арқылы өмір сапасын жақсартып, кәсіби дағдыларын дамыта алады. Бухгалтер болсаңыз, түрлі курстарға қатысып, біліктілігіңізді арттырып, мықты бухгалтер бола аласыз. Көп нәрсе білсеңіз – көп нәрсе жасайсыз. Бір нәрсені 10 мың рет қайталасаңыз – бәсекеге қабілеттісіз. 
Кейде қолынан ештеңе келмесе де, жұмыс іздейтіндер бар. Дағдыңды, біліміңді көтеруге болатын білім алу курстары өте көп. Барлық адамда өмір сүру үшін көптеген қабілет болады. Сізге тапсырма: қағазға қабілеттеріңізді жазып шығыңыз. Солардың арасынан рақаттанатын, қуанышқа бөлейтінін таңдап алыңыз. Қабілеттеріңізді тұрмыстық және әлеуметтік деп екі бағанға бөліп жазыңыз. Әлеуметтік – қоғамда жасай алатын кәсіби қабілеттеріңіз, тұрмыстық – үйде қажетіңізге жарайтын қабілеттер. Әлеуметтік қабілеттеріңіз – сіздің кәсіби дағдыларыңыз. Сол дағдылармен қалай ақша табуға болатынына жоспар құрып көріңіз.
Әлсіз байланыстар деген не? 
Ол – сіздің өміріңізді жақсартуға дәл қазір көмектесетін адамдар. Олар отбасы, ата-ана, жақын туыс секілді жақын танитын адамдар емес, аса танымайтын адамдар. Қазақстан өзге елдермен салыстырғанда «әлсіз байланыстар мекені» деуге болады. Мұны қолдана білу керек. 
Таныс арқылы жұмыс табатындар көп. Әлсіз байланысты пайдаланудан ұялмау керек. Ұят нәрсе емес. Бұл кәдімгі қоғамда бар әлеуметтік құрылым. Дәл осы 20-30 жастағылар әлсіз байланыстарды пайдалануға ұялауы мүмкін. Өзіңізге мұндай кедергі қоймаңыз. Сізге қажет болса, мақсатыңызға жетуге көмектессе кез келген мүмкіндікті қолданыңыз.
Капитал – бізге ұнайтын іс болмауы мүмкін 
Жастар арасында тудент кезде кризис болса, оқуды тастап кететін әдет бар. Кризис университетті бітірер тұста, яғни 3-4 курста басталса, диплом алып, содан кейін өзін іздеу керек. Оқудан шығамын деп шешсеңіз, «капиталыңыз бар, сіз не ұсына аласыз?» деген сұраққа жауап беріп көріңіз. Сізде бар қабілеттер мамандығыңызбен сай келсе ештеңе өзгертпей әрі қарай дамытып, кәсіпке бағдарлану керек шығар. Егер қабілеттеріңіз сәйкес келмесе онда өзіңді іздеп, дәлелдеңіз. Мысалы медицинаның 6-курсында оқитын қыз актерлікке, тілге қызығады. Оқудан шығып, өзіне ұнайтын іспен айналысқысы келеді. Бірақ ол алты жылын оқуға жұмсады. Қанша энергия кетті. Бір нәрсеге жақын қалғанда оны тастап кеткеннен гөрі оны аяқтаған дұрыс. Медицина тым үлкен сала болғандықтан, кейін адамдарды емдеумен ғана емес, студенттерге дәріс беріп, ғылыммен айналысып, медицина туризміне ауысуға болады. Сүйікті ісің мен өмірде қажет істі қатар алып жүруге болады. Кейін қай бағытта дамығыңыз келеді, соған қарай ойысасыз. 
Капитал – біз жақсы көретін қабілеттер ғана емес. Өзімізге ұнайтын іспен ғана айналысу керек деген дұрыс емес. Ұнамайтын істің өзі кейін кәдеге жарауы мүмкін. Бәрін бірге алып жүру керек. 
Мысалы балаға бірнәрсе жасатсаң «маған ұнамайды» деп шығады. Ұнамаса да оған жасату керек. Өзіңе ұнайтын іспен айналыс десеңіз не компьютер ойнайды, не қытырлақ картоп жейді. Адам өзі өте жақсы білетін іспен айналысқанды жақсы көреді. Сол үшін білмейтін нәрсені байқап көріңіз, мүмкін сізге ұнап қалар. 
Өзі қалайтын істі тауып, бірақ оны бастауға үрейленетіндер бар. Үрейді қалай жеңу керек деп сұрайды. Оны жеңудің қажеті жоқ. Істі бастап кетіңіз. «Көз – қорқақ, қол – батыр». Бір істі бастап, өз жолыңызбен жүрсеңіз, нәтижесін көресіз.
<a href="https://informburo.kz/">informburo.kz</a>

Орта жас кризисі. Оны бастан кешпес үшін 30 жасқа дейін не жасап үлгеру керек?

<a href="https://kyzylorda-news.kz/">Kyzylorda-news.kz.</a> Қазақстандық әнші Димаш Құдайберген Латын Америкада екі концерт өткізуді жоспарлап отыр. Әнші тікелей эфир кезінде осындай жаңалықпен бөлісті, деп жазады dimashnews.com сайты бразилиялық “Extra” газетіне сілтеме жасап. Қазақстандық жас музыкант фанаттармен тікелей эфир кезінде Бразилия туралы тілге тиек еткен. Димаштың әкесі Қанат Айтбаев та Латын Америкада концерттің алдағы уақытта өту мүмкіндігін айтқан. 
<blockquote>
 _«Осыған дейін Латын Америкада концерт беру жөнінде ұсыныс алдық. Алайда, коронавирус пандемиясына байланысты кейінге қалдыруға тура келді. Карантин аяқталған кезде ұйымдастырушылар бізге нақты ұсынысымен шығуы мүмкін. Біз әрине, мұны ескереміз. Латын Америкада концерттер беру біз үшін қызықты», – деді әншінің әкесі. 
 _
</blockquote>
Бразилиялық жанкүйерлер Димаштың келесі турына Латын Америка енетініне нық сенімді. Себебі, мұндағы фан-клубтың танымалдығы күн санап артып келеді. Тіпті, қазақстандық орындаушының әлемдегі фан-клубтар арасында да танымал болып үлгерген. 
Аталған елдегі фан-клуб (DKFCB) 24 мамырда Бразилия қаласында әншінің туған күнін атап өту мақсатында кездеспек болған. Арнайы бағдарлама да жасалған екен. Мүмкіндігі шектеулі балаларды музыкаға оқыту үшін қаржы жинауды да жоспарлапты. Алайда, COVID-19 пандемиясына байланысты қайырымдылық акциясын кейінге қалдыруға тура келген. 
Фан-клуб Шығыс Еуропадан әкелінген Димаштың қолтаңбасы бар заттарды сату арқылы 3.100,00 бразилия реалын (250 мың теңге) жинаған. Ол қаражат аз қамтылған отбасыларға бір тонна азық-түлік және тазалық құралдарын алуға жұмсалды. 
<blockquote>
 «Біз қайырымдылық акциясын Димаштың туған күні қарсаңында өткізгіміз келді. Өйткені, Димаш махаббаттың, достықтың, тілектестік білдірудің және ынтымақтастықтың белгісі іспетті. Димаш үшін бұл бағалы сыйлық болатынына сенімдіміз», – дейді бразилиялық фан-клубтың әкімшісі Татьяна Рибейро. 
</blockquote>
«DKFCB» фан-клубы 2018 жылы құрылған.
<a href="https://massaget.kz/">massaget.kz</a>
<img src="https://kyzylorda-news.kz/wp-content/uploads/2020/06/2006171300199339g-1.jpg" alt="" />

Димаш Латын Америкада екі концерт өткізеді

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясының облыстық филиалы мен Қалалық жастар ресурстық орталығы және «Golden Qazaqstan» жастар қоғамдық бірлестігімен бірлесе үш жақты келісім-шарт жасалынды. 
Меморандумның мақсаты жастар арасында волонтерлік қызметті қолдау және дамыту, қала жастарына мемлекеттік қызметтерді цифрлық нысанда пайдалануды үйрету болып табылады.
Үш жақты келісім аясында еріктілер тұрғындарға мобильді азаматтар базасында өз бетінше тіркелуге, ЭЦҚ алуға, халыққа қызмет көрсету орталығына кезекті брондауға, талапкерлерге оқу орындарына құжат тапсыруға, сондай-ақ, egov.kz порталында электрондық қызметтерді алуға көмек көрсететін болады.
<blockquote>
 «Волонтерлар қазіргі таңда бізге үлкен қолдау көрсетіп жатыр. Бұл цифрлық нысанда азаматтар egov.kz порталындағы қолжетімді қызметтерді өз беттерінше жастардың, мамандардың көмегімен алатын болады. Еріктілерге, жастар ұйымдарының басшыларына осы ретте өз алғысымызды білдіреміз», – деді Айдын Бөкенбайұлы.
</blockquote>
Жоба аясында Халыққа қызмет көрсету орталығының мамандары алғашқы 5 күндігінде волонтерларға мемлекеттік қызметті онлайн режимінде алу дағдылары бойынша оқу курстарын жүргізетін болады.
Айта кетейік, цифрлы нысан Қалалық жастар ресурстық орталығында орналасқан. Онда еріктілер азаматтарға дүйсенбі-жұма күндері 9:00-13:00 уақыт аралығында электронды қызметтерді алуға көмектесетін болады.
<img src="https://kyzylorda-news.kz/wp-content/uploads/2020/06/fb_img_1592631991876-3.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592631994517-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592631997221-1.jpg" alt="" />

Қызылордада &#8220;Цифрлық волонтер&#8221; жобасы аясында үш жақты меморандумға қол қойылды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 551, ал симптомсыз – 215 азамат.Ал індеттен айығып шыққандар саны 481-ге жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Симптомды жаңа жағдайдың 14-і де скринингтен болса, симптомсыз коронавирус инфекциясының 7 дерегі анықталды. Оның 6-ы скринингтен, , 1-і індет жұқтырған науқаспен байланыста болғаннан анықталды»,- деді Жақсылық Әбілқасымұлы.
</blockquote>
Сондай-ақ, вирус жұқтырғандармен байланыста болған 6096 азамат анықталды. Оның ішінде, 3721-і тікелей қарым-қатынаста, 2375-і жанама байланыста болған.
Құрметті облыс тұрғындары, карантиндік шараларды қатаң сақтап және бетперде киюді жалғастыра беруге шақырамыз.

COVID-19: Симптомды 14, симптомсыз 7 жағдай тіркелді

<a href="https://kyzylorda-news.kz/">Kyzylorda-news.kz.</a> Дәрігер мамандығы бүкіл адамзат жан дүниесінің өшпес абзал құбылыстарын бақылау мен бағалау – адамға деген шексіз сүйіспеншілік, қайырымдылық, өзгенің қамы деп соғатын ыстық жүректі ізгі ниет пен адамгершілікті талап ететіні сөзсіз.
Осы талап үдесінен абыроймен шығып келе жатқан ақ халатты абзал жанның бірі әрі бірегейі №3 қалалық емханасы бас дәрігерінің емдеу ісі жөніндегі орынбасары Ахмет Ләйлә Кенжебайқызы.
Адам өмірін ұзартуға септігін тигізіп, ажалдан арашалаушы дәрігер мамандығын халқымыз ежелден қастерлеп, құрметтеген. Бүгінгі таңда Қазақстандықтардың денсаулығын жақсарту – еліміздің мемлекеттік саясатының басым бағыттарының бірі. Елімізде денсаулық саласын дамыту, тұрғындарға заман талабына сай, қолжетімді және сапалы медициналық қызмет көрсету жолында бар мүмкіндіктер жасалуда.
Осындай жауапты қызметте ұзақ жылдардан бері еңбек етіп келе жатқан дәрігердің бүгін мерейі үстем болды.
Ләйлә Кенжебайқызы Қазақстан Республикасы Денсаулық сақтау министрлігінің «Денсаулық сақтау ісінің үздігі» төсбелгісімен марапатталды.
Айтулы марапатты медицина қызметкерлерінің төл мерекесіне арналған шарада облыс әкімінің орынбасары Н.Байқадамов салтанатты түрде табыстады.
Ахмет Ләйлә Кенжебайқызы 1969 жылы Қызылорда облысы, Арал ауданында дүниеге келген. 1992 жылы Алматы мемлекеттік медицина институтының «Емдеу ісі» факультетін бітірген. 1992 – 1993 жылдар аралығында Қызылорда қалалық ауруханасында интернатурадан өткен. Еңбек жолын 1993 жылы Қызылорда қалалық №1 емханасында аймақтық терапевт дәрігері қызметінен бастаған. Жұмыс жасау барысында Қазалы аудандық емханасында аймақтық терапевт, кардиолог дәрігері, Қазалы аудандық психоневрологиялық интернатының директорының орынбасары, Қазалы ауданының «Жалаңтөс» дәрігерлік амбулаториясының аға дәрігері, «Болат жолы» ауылдық емханасының бөлім меңгерушісі, Қазалы аудандық ауруханасының бас дәрігерінің орынбасары, Қызылорда облыстық денсаулық сақтау басқармасының бас маманы, бастапқы медициналық санитарлық қөмек көрсету бөлімінің басшысы қызметтерін атқарған. 2017 жылдың мамыр айынан бастап емхананың алдын алу және әлеуметтік-психологиялық көмек көрсету бөлімінің меңгерушісі қызметін атқарады. 
Жоғарғы санатты денсаулық сақтауды ұйымдастырушы дәрігердің еңбек өтілі 27 жылдан асады.
«Қоғамдық денсаулық сақтау», «Денсаулық сақтау менеджменті» тақырыбында қайта даярлаудан өткен. «Менеджмент и экономика в здравоохранении», «Амбулаторлық-емханалық деңгейде кешенді адам басына шаққандағы нормативті енгізу», «Халыққа амбулаторлық-емханалық көмек көрсетудің өзекті мәселелері», «Қазақстан Республикасында міндетті әлеуметтік медициналық сақтандыру жүйесінің негіздері», 2016 жылы «Менеджмент и экономика в здравоохранении. Польша мемлекетінің Люблин қаласында» біліктілігін жетілдірген.
Облыстық денсаулық сақтау басқармасының, аудан, облыс әкімдерінің Алғыс хатымен, ҚР денсаулық сақтау министрінің Құрмет грамотасымен, «Нұр Отан» партиясы Қызылорда облыстық, қалалық филиалдарының Құрмет грамотасымен марапатталған.
Денсаулық сақтау ісінің үздігі Ләйлә Кенжебайқызы сізді төл мерекемен және мәртебелі марапатыңызбен құттықтаймыз! Ерен еңбегіңізге, мейірімді жүрегіңізге алғысымыз шексіз. Еңбегіңіз халыққа қуаныш сыйлай берсін. Отбасына амандық, деніңізге саулық, күш – жігер, баянды бақыт пен жаңа табыстар тілей отырып, кәсіби біліктілігіңіздің арқасында биік асулардан көріне беріңіз.
<img src="https://kyzylorda-news.kz/wp-content/uploads/2020/06/fb_img_1592579939506-1.jpg" alt="" />

Денсаулық сақтау ісінің үздігі &#8211; Ләйлә Ахмет

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков «Жұмыспен қамтудың жол картасы» бағдарламасы аясында Байқоңыр қаласы мен Төретам кенті және Ақай ауылдық округтеріндегі құрылысы жүргізіліп жатқан нысандарды аралады.
Сапар барысында аудан әкімі Мұса Оспанұлы Байқоңыр қаласындағы №275 мектептің ағымдағы жөндеу жұмыстарымен, Төретам кентіндегі №80 мектеп-гимназиясының ағымдағы жөндеу жұмыстарымен, Төретам кентіндегі №22 35/10 кВ қосалқы стансасын кеңейту және қайта құрылымдау жұмысымен, Нұртуған жырау, А. Құнанбайұлы, Құлқашев, Ы.Жақаев көшелеріндегі орташа жөндеу жұмыстарымен және №27, №29 көпқабатты тұрғын үй ауласын абаттандыру жұмыстарын арнайы аралап көрді. Сонымен бірге Төретам кентіндегі спорткешені ғимараты жанынан жаңадан салынатын стритбол ойын алаңының орналасатын жерін және Ақай ауылдық округінде орналасқан №13 «Балбөбек» бөбекжай-бақшасының ғимаратына жүргізіліп жатырған ағымдағы жөндеу жұмыстарының барысымен танысты.
Аудан әкімі Мұса Оспанұлы «Жұмыспен қамтудың жол картасы» бағдарламасы аясында көптеген игі бастамаларды жүзеге асырғалы отырмыз. Ауданымыздың тұрғындары жұмыспен қамтылып, әлеуметтік нысандар жаңғыртылудан өткізілуде. Атап айтқанда бағдарлама шеңберінде ауданымызды абаттандыру, көшелерді орташа жөндеу мен жарықтандыру, әлеуметтік нысандарды ағымдағы жөндеуден өткізу жұмыстары атқарылатын болады» деп атап өтті. Сонымен қатар аудан басшысы мемлекет тарапынан бөлінген қаржының уақтылы игерілуін, әлеуметтік нысандарда жасалып жатқан жұмыстардың сапалы болуын және белгіленген уақытта халық игілігіне берілуін бақылау басты назарда болатынын жеткізді. Жұмыс сапары барысында Төретам кентінің ақсақалдар кеңесінің төрағасы Аралбаев Смағұл және кент тұрғыны Әділбек Өтебаевпен нысандарды бірге аралап, ұсыныс пікірлерімен бөлісті.
<img src="https://kyzylorda-news.kz/wp-content/uploads/2020/06/fb_img_1592588483222-2.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592588490722-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592588488217-1.jpg" alt="" />

Қармақшы ауданының әкімі құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Биыл Тереңөзек кентінде 42 пәтерлі 2 тұрғын үй құрылысы жүргізілуде.
Құрылыстың бас мердігері «НұрТалап и К» ЖШС болып табылады. Ал жобалаушы мердігер «Қызылорда ЖобаҚұрылыс» ЖШС болса, техникалық қадағалаушы «Қызылорда НұрСтрой Инженеринг» ЖШС көмегімен іске асырылуда.
Құрылыс жұмыстары «Жұмыспен қамту жол картасы» мемлекеттік бағдарламасы аясында жүргізілуде. Осы орайда, ауданда 116 адам жұмыспен қамтылады деп жоспарлануда. Оның 58-і жұмыспен қамту бөлімі арқылы жұмысқа орналастырылады.
Бүгінде жерді қазып құм араласқан қиыршық тас төсеу жұмыстары басталды. Жалпы құрылыс 7 айға жоспарланған. Жұмыс уақытылы орындалса, желтоқсан айының 15-не пайдалануға беріледі.
<hr />
<img src="https://kyzylorda-news.kz/wp-content/uploads/2020/06/fb_img_1592579864705-1.jpg" alt="" />

Сырдария ауданында 2 тұрғын үй қолданысқа беріледі

Бүкіләлемдік босқындар күні. 
БҰҰ-ның 2000 жылғы 4 желтоқсандағы шешімі бойынша Африка босқындарының күнімен қатар атап өтіледі.
1992 жылы Елбасы Нұрсұлтан Назарбаевтың қатысуымен Қазақстан кәсіпкерлерінің алғашқы форумы өтті.
2003 жылы еліміздегі жер реформасының маңызды актісі Қазақстан Республикасының жаңа Жер кодексі қабылданды.
2014 жылы «KazEOSat-2» қазақстандық жер серігі орбитадан алғаш рет телеметрикалық ақпарат берді.
2016 жылы Анкарада ҚР Тәуелсіздігінің 25 жылдығына арналған Түркиядағы Қазақстан күндері өтті.
2017 жылы режиссер Ақан Сатаевтың «Анаға апарар жол» фильмі Нью-Йорктегі кинофестивальде үздік көркем фильм атанды. Фильмнің продюсері Әлия Назарбаева «Кинодағы еуразиялық әйелдер» наградасын алса, Алтынай Нөгербек үздік актриса деп танылды.

Қазақстан және Қызылорда облысының жаңалықтары

21 маусым: Атаулы күндер мен оқиғалар

Жұлдыздар не дейді?

Коронавирустың тағы бір бастапқы симптомы белгілі болды

Адамдарда коронавирусқа қарсы иммунитет пайда болмауы мүмкін

Орта жас кризисі. Оны бастан кешпес үшін 30 жасқа дейін не жасап үлгеру керек?

Димаш Латын Америкада екі концерт өткізеді

Қызылордада “Цифрлық волонтер” жобасы аясында үш жақты меморандумға қол қойылды

COVID-19: Симптомды 14, симптомсыз 7 жағдай тіркелді

Денсаулық сақтау ісінің үздігі – Ләйлә Ахмет

Қармақшы ауданының әкімі құрылыс нысандарын аралады

Сырдария ауданында 2 тұрғын үй қолданысқа беріледі

20 маусым: Атаулы күндер мен оқиғалар

Қазақстан және Қызылорда облысының жаңалықтары

21 маусым: Атаулы күндер мен оқиғалар

Жұлдыздар не дейді?

Коронавирустың тағы бір бастапқы симптомы белгілі болды

Адамдарда коронавирусқа қарсы иммунитет пайда болмауы мүмкін

Орта жас кризисі. Оны бастан кешпес үшін 30 жасқа дейін не жасап үлгеру керек?

Димаш Латын Америкада екі концерт өткізеді

Қызылордада &#8220;Цифрлық волонтер&#8221; жобасы аясында үш жақты меморандумға қол қойылды

COVID-19: Симптомды 14, симптомсыз 7 жағдай тіркелді

Денсаулық сақтау ісінің үздігі &#8211; Ләйлә Ахмет

Қармақшы ауданының әкімі құрылыс нысандарын аралады

Сырдария ауданында 2 тұрғын үй қолданысқа беріледі

20 маусым: Атаулы күндер мен оқиғалар

Қызылордада “Цифрлық волонтер” жобасы аясында үш жақты меморандумға қол қойылды

Денсаулық сақтау ісінің үздігі – Ләйлә Ахмет