<a href="https://kyzylorda-news.kz/">Kyzylorda-news.kz.</a> 2020 жылғы 1 сәуірде еліміздегі халық саны 18 690,2 мың адамды құрады. Бұл туралы ҚР ҰЭМ Статистика комитетінен мәліметті, деп хабарлайды <a href="https://www.inform.kz/kz/statistika-komiteti-el-halkynyn-sanyn-zhariya-etti_a3650414">ҚазАқпарат</a>.
«2020 жылғы 1 сәуірге еліміздегі халық саны 18 690,2 мың адамды құрады, оның ішінде қалалықтар – 10 991,5 мың (58,8%), ауылдықтар – 7698,7 мың адам (41,2%) болды», – делінген комитет ақпаратында.
Ведомство мәліметінше, 2019 жылғы 1 сәуірмен салыстырғанда халық саны 241,6 мың адамға немесе 1,3 пайызға өсті. Қарастырылып отырған кезеңде ең көп жалпы өсімі еліміздің 3 өңірінде: Алматы қаласы (66,3 мың адам), Нұр-Сұлтан қаласы (57,9 мың адам) және Түркістан облысында (29,9 мың адам) тіркелді.

Қазақстан халқының саны қаншаға жетті?

<a href="https://kyzylorda-news.kz/">Kyzylorda-news.kz.</a> 16-18 мамыр аралығында Қазақстанның барлық аймағында тұрақсыз ауа райы сақталады, деп хабарлайды «Қазгидромет» РМК.
Кей жерлерде найзағай ойнап, жауын жауады, елдің батыс, орталық және оңтүстігіндегі кей аудандарда жауын мөлшері көп болады. Кей жерлерде дауыл, желдің күшеюі, сонымен бірге бұршақ жаууы мүмкін. Кезең соңында оңтүстік-батыс тропосфералық ағыны келіп, батыстан өзге аймақтарда ауа температурасы жоғарылайды.

Ауа райы: Жел тұрып, жауын мен бұршақ жауады

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықованың жұмыс сапары Қазалы ауданында жалғасты.
Негізгі мақсат — елді мекендердің жағдайын көріп, аймақтағы карантин уақытының созылуына байланысты ауданның экономикасын қалыпқа келтіру, кәсіпорындарды жұмысқа қосу және мемлекеттік бағдарламалар бойынша атқарылып жатқан жұмыстардың барысымен танысу.
<img src="https://kyzylorda-news.kz/wp-content/uploads/2020/05/fb_img_1589567546956.jpg" alt="" />
Алдымен өңір басшысы Майдакөл ауылдық округіне қарасты Бекарыстан би ауылында болып, «Ауыл – Ел бесігі» жобасы аясында атқарылып жатқан жұмыстармен танысты. Жоба аясында Бекарыстан би ауылының әлеуметтік және инженерлік инфрақұрылымын дамытуға республикалық және облыстық бюджеттен 930 млн. теңге көлемінде қаржы бөлінген. Нәтижесінде ауылдағы мектеп ғимаратын күрделі жөндеу, тұрғын үйлерге сервистік су желілерін жүргізу және 7 көшені орташа жөндеу жоспарлануда. Сонымен қатар, ауылдағы 8 көшені жарықтандырып, 20 азамат уақытша жұмыспен қамтылатын болады. Облыс әкімі бөлінген қаржының мақсатты жұмсалып, атқарылған жұмыстардың сапалы болуын тапсырды.
<img src="https://kyzylorda-news.kz/wp-content/uploads/2020/05/fb_img_1589567562124.jpg" alt="" />
Мұнан кейін облыс әкімі «Әлсейіт» учаскесіндегі көпірге барды. Екі жолақты бұл көпірдің жалпы ұзындығы 219 метр, ені 12 метрді құрайды. Алдағы уақытта көпірдің екі жағынан жаяу жүргіншілер жолын салу қарастырылған. Көпірдегі қосымша құрылыс жұмыстары туралы облыстық жолаушылар көлігі және автомобиль жолдары басқармасының басшысы М.Тілеуімбетов баяндады. Аталған көпірде дамба салу және кірме жолдардың су басу аймақтарын бетондау жұмыстары жүргізілуде. Өңір басшысы аудан әкімі мен басқарма басшысына көпірдің қосымша құрылыс жұмыстарын сапалы жүргізуді және уақтылы аяқтауды тапсырды.
<img src="https://kyzylorda-news.kz/wp-content/uploads/2020/05/fb_img_1589567564864.jpg" alt="" />
Мұнан соң облыс әкімі Гүлшара Әбдіқалықованың төрағалығымен ауданның әлеуметтік-экономикалық дамуына қатысты мәжіліс өтті. Аудан әкімі М.Ергешбаев ауданда атқарылып жатқан жұмыстар барысын баяндады. Жиын соңында өңір басшысы бірқатар тапсырмалар берді.
<blockquote>
 «Өздеріңіз білетіндей, қазіргі уақытта әлемдік экономикадағы ахуал күрделі. Бұл ел экономикасына кері әсерін тигізуде. Осыған орай, Мемлекет басшысының шешімімен халықтың әл-ауқатын арттыру мақсатында мемлекеттік «Жұмыспен қамту жол карта» бағдарламасы қабылданып отыр. Аталған бағдарлама аясында республикалық және облыстық бюджеттен қаражат бөлініп, ауданда инфрақұрылымды және тұрғын-үй коммуналдық шаруашылықты дамыту, елді мекендерді абаттандыру мақсатында 42 инфрақұрылымдық жоба бойынша жұмыстар жүргізілуде. Жобалардың іске асырылуын басты назарда ұстап, қаржының тиімді игерілуін қамтамасыз ету қажет», – деп тапсырды облыс әкімі Гүлшара Әбдіқалықова.
</blockquote>
Содан соң өңір басшысы жаңадан салынып жатқан 600 орындық мәдениет үйінің құрылысымен танысып, тиісті жұмыстарды уақытылы әрі сапалы аяқтауды тапсырды.
<img src="https://kyzylorda-news.kz/wp-content/uploads/2020/05/fb_img_1589567567671.jpg" alt="" />
Сонымен қатар, «Жанқожа батыр» кесенесінде ардагерлер кеңесінің өкілдерімен кездесті. Кездесуде ауыл ақсақалдары Қазалы қаласына табиғи газ тартуды мәселесін көтерді. Облыс әкімі бұл мәселенің кезең кезеңімен шешілетіні атап өтті.
Жұмыс сапары барысында Гүлшара Әбдіқалықова «Дәмді» сауда белгісімен пастерленген сүт өнімдерін шығаратын «РЗА» акционерлік қоғамының, темір-бетон зауытының жұмыстарымен танысты. Кәсіпорындарға өнім түрін көбейтіп, болашақта экспортқа шығу мүмкіндігін қарастыруды тапсырды. 
Әрі қарай өңір басшысы Майлыбас ауылдық округіндегі Ақсуат елді мекенінде апатты деп танылған клуб пен балабақша орындарында салынып жатқан нысандарында болып, тамыз айында пайдалануға беруді тапсырды. Айта кетейік, бұл ауылда шағын кәсіпкерлікті дамыту қолға алынған. Бүгінгі күні 52 кәсіпкерлік субъектісі бар. Мал шаруашылығы саласын дамыту мақсатында округ көлемінде 4 жоба бойынша несие алуға жұмыс жүргізіліп, 60 адам жұмыспен қамтылған.
Қазалы ауданынан кейін облыс әкімі Гүлшара Әбдіқалықованың жұмыс сапары Байқоңыр қаласы мен Қармақшы ауданында жалғасады.

Гүлшара Әбдіқалықова: «Мемлекеттік бағдарламалардың орындалуы жеке бақылауымда болады»

16 мамыр: Атаулы күндер мен оқиғалар
Халықаралық бейбіт қатар өмір сүру күні
2017 жылдың 8 желтоқсанында Біріккен Ұлттар Ұйымы Бас Ассамблеясы 16 мамырды Халықаралық бейбіт қатар өмір сүру күні деп бекітті. Оның мақсаты – халықаралық қоғамдастықтың бейбітшілік, төзімділік, бірлік, өзара түсіністік пен Жер халқының ынтымағын нығайтуға бағытталған күш-жігерін үнемі мобилизациялау.
Биографтар күні
Биография сөзінің өзіекі ежелгі грек сөздерінен шыққан,ол «өмір» және «жазамын» деген мағынаны білдіреді. Биографтардың талмайжасаған еңбектерінің арқасындақазіргі таңдаұлыадамдардыңөткенөмірітуралы,олардыңсолдәуірдегідәстүрлеріменәдет-ғұрыптарытуралымағлұматаламыз.
1907 жылы Әбілқайыр ханның ұрпағы, ІІ Мемлекеттік думаның Орал облысынан сайланған депутаты Бақытжан Қаратаев Мемлекеттік думада сөйлеген өткір сөзінде аграрлық және ұлттық мәселелерді қозғап, Қазақстан жеріне орыс және украин крестьяндарын көшіру жөніндегі Столыпин жоспарларының халыққа қарсы екенін ашық айтып, әшкереледі.
2012 жылы ҚР Тәуелсіздігінің 20 жылдығына арнап шығарылған 10 000 теңгелік қазақстандық естелік банкнотасы Халықаралық банкноталар бірлестігі (IBNS) өткізген байқау қорытындылары бойынша «2011 жылдың үздік банкнотасы» атанды.

16 мамыр: Атаулы күндер мен оқиғалар Халықаралық бейбіт қатар өмір сүру күні

<a href="https://kyzylorda-news.kz/">Kyzylorda-news.kz</a> ақпараттық агенттігінің 16 мамырға арналған жұлдыз-жорамалы.
Тоқты 
Кәсіби тұрғыда біліктілігіңіз артады. Жұмыста өз құзыретіңізді толық пайдаланасыз. Бүгін тіл табыса алмай жүрген адаммен ымыраға келесіз. Өзіңіз ақылға қонымды мінез-құлық танытсаңыз, жолыңыз әркез болады.
Торпақ 
Жұмысыңыз бірқалыпты. Жақындарыңызбен қарым-қатынасыңыз жақсарады. Жоспарланған барлық істі атқаруға мүмкіндігіңіз артады. Әріптесіңізбен қарым-қатынасты бұзып алмаңыз.
Егіздер 
Өз ісіңізге мығымсыз. Сондықтан жұмыста қысқарып қаламын деген ойдан аулақ болыңыз. Егер басыңыз бос болса, екінші жартыңызды жолықтырасыз. Ал отбасылы болсаңыз бүгін өмірлік серігіңіз таңқалдыратын болады.
Шаян 
Арманыңызға жетуге бірнеше ғана қадам қалды. Сәттілік серігіңізге айналғалы тұр. Сондықтан тез шешім қабылдағаныңыз жөн. Нағыз бақытты күндерге қарай жақындап келесіз.
Арыстан 
Болмашыға бола мазаңызды қашырғыңыз келмейді. Алайда барлығы сіз қалағандай болмайтыны анық. Көңіл-күйіңіздің жоқтығынан жаныңыздағыларды ренжітіп алмаңыз. Бүгін отбасыңыздың жанында болыңыз.
Бикеш 
Мақсатқа жетуге деген құлшынысыңыздың, еңбекқорлығыңыздың арқасында көп жетістікке жетесіз. Материалдық жағдайыңыз жақсарады. Сондықтан қайырымдылықпен айналысқаныңыз жөн.
Таразы 
Мақсатқа жету оңай емес, бірақ табандылық танытар болсаңыз ойыңыздағы орындалады. Есіңізде болсын, бүгін тек өзіңіз сенетін адамдарға ғана сенім артыңыз. Әйтпесе, әлдекімдер алдап кетуі мүмкін.
Сарышаян 
Қосымша табыс тауып, материалдық жағдайыңызды жақсартасыз. Маңызды шаруаларға білек сыбана кірісіңіз. Тез шешім қабылдауға тырысыңыз. Бүгін сіз көп еңбектенуіңіз қажет.
Мерген 
Табысыңыз артады. Бірақ бұл айлық жалақыңызға еш қатысы жоқ. Яғни, сіз қосымша табыс табатын боласыз. Жол сапарға шығыңыз, сонда сіздің үй шаруасы мен жұмыстан шаршағаныңыз басылады.
Тауешкі 
Достарыңыздың арқасында үмітіңіз ақталады. Серіктестермен бірігіп жұмыс жасау өз пайдасын әкеледі. Өз күшіңізге сеніп, өзіңізді жоғары бағалаудан сақтаныңыз. Бұл мақсатқа жетуге кедергісін келтіруі мүмкін.
Суқұйғыш 
Бұрын атқарған жұмыстарыңыздың жемісін көресіз. Үй салу немесе отбасын құруды жоспарласаңыз, барлығына мұқият болыңыз. Мақсатқа жетуге нық қадам бассаңыз, өзгелердің қызғанышын тудыратындай әрекет етпеңіз.
Балықтар 
Бүгін өміріңізді жаңа бағытқа бұрасыз. Өткенді артқа тастап, барлығын ұмытуға тырысасыз. Сізді көп өзгеріс күтіп тұр. Ең алдымен өзіңізге не қажет екенін айқындап алыңыз. Сонда ғана қайта қателікке бой алдырмайсыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Аймақ басшысы Гүлшара Әбдіқалықова мереке қарсаңында 4 баланың анасы Гүлнар Қалибаеваға баспана кілтін табыстап, отбасын қуанышқа бөледі.
Гүлнар осыдан бірнеше жыл бұрын отағасынан айрылып, 4 баламен жалғыз қалған. Асыраушысынан айрылған отбасының тұрақты баспанасы болмағандықтан пәтер жалдап тұрып келген. Соңғы кезде шарасыздықтан вагонды паналаған. 
Осы жанұя туралы алғаш болып жергілікті журналистер мен қайырымды жандар БАҚ беттерінде және әлеуметтік желіде мәселе көтеріп, көпшіліктен көмек сұраған. 
Осы жағдайдан кейін, облыс әкімінің тапсырмасымен бұл отбасы әлеуметтік қолдау орталығына уақытша орналастырылса, бүгін тұрақты да жайлы баспананың кілтіне ие болды.
Отбасы мерекесі қарсаңында баспана бақытына бөленген Гүлнар мен балалары аймақ басшысына шексіз алғысын білдірді.

Қызылордалық көпбалалы отбасы баспаналы болды

<a href="https://kyzylorda-news.kz/">Kyzylorda-news.kz.</a> ҚР Мемлекеттік қызмет істері агенттігінің төрағасы Анар Жайылғанова әлеуметтік желідегі <a href="https://www.facebook.com/2640550569365430/posts/3380243158729497/?d=n">парақшасында</a> мемлекеттік қызметке орналасу ережелеріне енгізілген өзгерістер туралы ақпарат берді. 
Азаматтардың мемлекеттік қызметке орналасу үдерісін жеңілдету үшін және конкурстарды барынша ашық өткізу үшін Агенттіктің бастамасымен «Мемлекеттік қызметке орналасу ережелеріне» бір қатар өзгерістер енгізілді.
Біріншіден,&nbsp;қолданыстағы ережелер бойынша үміткерлер байқауларға қажеттілік бойынша үйден шықпай-ақ қатыса алады. Ол үшін құжаттарды электрондық пошта арқылы тапсыруға мүмкіндік берілді, яғни бұрын талап етілгендей, мемлекеттік органға құжаттардың қағаз нұсқаларын әкелу қажеттілігі жойылды. 
Сонымен қатар, әңгімелесуден өту үшін кандидаттың мемлекеттік органға келуі қажет емес. Осылайша, түзетулерге сәйкес әңгімелесу қашықтықтан бейне байланыс құралдары арқылы жүргізілуі мүмкін.
Екіншіден,&nbsp;бұрын мемлекеттік қызметке орналасу бойынша конкурсқа қатысу үшін үміткерлер конкурс қорытындысына қарамастан толық құжаттар тізімін дайындау қажет болатын. 
Енді конкурсқа қатысу үшін үміткерлер өз өтінішіне тек екі құжатты:дипломның көшірмесін және қызметтік тізімнің көшірмесін қоса ұсынады. 
Қалған талап етілетін құжаттарды конкурстық комиссияның оң шешімін алған кандидат ғана тапсырады.
Үшіншіден,&nbsp;Агенттік конкурстық рәсімдердің ашықтығын одан әрі арттыруға бағытталған түзетулер қабылдады. 
Осылайша, соңғы түзетулерге сәйкес, конкурсқа қатыса алатын әлеуетті бақылаушылар қатары барынша кеңейтілді. Бұған дейін бақылаушылар тобына депутаттар, БАҚ, қоғамдық бірлестіктердің, саяси партиялардың өкілдері, Агенттік және өзге де мемлекеттік органдардың қызметкерлері кірді. 
Енді әрбір кәмелет жасқа толған әрекетке қабілетті азамат бақылаушы бола алады. Бұл үміткерлерге конкурстық комиссияның хатшысын алдын ала хабардар ете отырып, өзінің байқаушысын әңгімелесуге шақыруға мүмкіндік береді.
Төртіншіден,&nbsp;бұрын Комиссия шешімі дауыс беру жолымен қабылданатын. Мәселен, комиссияның кейбір мүшелері конкурстық комиссия мүшелерінің бағалауы бойынша басқа кандидаттардан аз балл жинаған кандидатқа дауыс бере алатын. 
Соңғы түзетулерге сәйкес, комиссия мүшелері дауыс беру арқылы лауазымға кандидатты таңдамайды. Конкурстық комиссияның шешімі бойынша бос лауазымға ең көп балл жинаған кандидат ие бола алады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Бұл ретте, ұпайлар үміткердің жауаптарының дұрыстығы мен толықтығын, оның эссесінің бағасын, оның тәжірибесін, білімі мен коммуникативтік дағдыларын, лауазымның ерекшелігіне байланысты қойылатын критерийлерді ескере отырып қойылады.
Бесіншіден,&nbsp;әңгімелесу конкурс жеңімпазын таңдау кезінде жалғыз өлшем болып табылмайды. 
Сонымен, конкурсқа дейін үміткерлер мемлекеттік тілді және заңнаманы білуге тестілеуден, сондай-ақ жеке қасиеттерін бағалаудан өтеді.&nbsp; Ал «Б»&nbsp; корпусының басшы лауазымына кандидаттар (басқарма басшысы лауазымынан және одан жоғары) бұдан бөлек эссе тапсырады.
Сондай-ақ конкурстық комиссияның мүшелеріне лауазымның ерекшелігіне байланысты тиісті жұмыс дағдылары мен құзыреттілігі бар ең үздік кандидатты таңдау үшін қосымша іріктеу құралдарын қолдану құқығы берілген. Мысалы, конкурстық комиссия үміткерлерден тиісті саладағы проблемалар мен оларды шешу мүмкіндіктері бойынша презентация жасауды, кейстік немесе практикалық тапсырмаларды шешуді және т.б. сұрай алады.
«Б» корпусының бос мемлекеттік әкімшілік лауазымдарына орналасуға барлық конкурстар қатаң түрде көрсетілген талаптарға сәйкес өтуі тиіс.Аталған өзгертулер біздің азаматтарымыз үшін мемлекеттік қызметке орналасу рәсімін жеңілдететінін, сондай-ақ іріктеу тетіктерінің транспаренттілігін арттыратынын атап өтемін.

Мемлекеттік қызметке орналасу ережелеріне өзгерістер енгізілді

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Шиелі ауданында 66 науқас тіркелсе, Төңкеріс ауылдық округінен 46 науқас анықталды. Қазіргі таңда ауылда вирус әлі де сақталған. Сондықтан кіре беріс блок – посты алып тастауға әлі ерте. Бұл туралы Өңірлік коммуникациялар қызметінің ақпарат алаңында өткен брифингте облыс әкімінің орынбасары Наурызбай Сейтқалиұлы баяндады.
<blockquote>
 “Төңкеріс халқының 1,4 пайызы коронавирус инфекциясын жұқтырған. 12 мамыр күні «Евразия» телеарнасы мен «Информбюро» 31-каналдың кешкі жаңалықтарынан Төңкеріс ауылдық округінің тұрғындарының төтенше жағдайға байланысты қойылған блок – пост жұмысын тоқтату туралы талабы көрсетілді. Сондай – ақ , сұхбат берген тұрғындар азық – түлік бағалары көтерілгендігін, карантин талабына сәйкес ауылдан шыға алмай қалғандығын айтқан.
 Бірақ барлық қолдау шаралары жасалды. Ауылдық округ тұрғындарының сұраныстары бойынша азық–түлік тауарлары, 300 газ баллоны, 20 тонна жем кідіріссіз жеткізілді. Азық–түлік сататын кәсіпкерлерге арнайы хат беріліп, шекті бағаның тұрақтылығын сақтау тапсырылып, жергілікті билік өкілдері, қоғамдық ұйымдар тарапынан бақыланды. Күнделікті қолданыстағы 9 азық – түлік тауарларының белгіленген бағасы өскен жоқ. Халық тұтынатын тауарлардың бағасына тек жол шығыны ғана қосылды”, – деді облыс әкімінің орынбасары.
</blockquote>
<img src="https://kyzylorda-news.kz/wp-content/uploads/2020/05/fb_img_1589544659621.jpg" alt="" />
Төңкеріс ауылдық округінің кіре беріс блок – посты 30 наурызда қойылған болатын. Облыс әкімі орынбасарының айтуынша, карантиндік шектеулер эпидемиологиялық жағдайға сәйкес біртіндеп алынады.

Қызылорда: Пандемия қаупі сейілген жоқ

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықованың жұмыс сапары Байқоңыр қаласындағы №277 мектеп-лицейінде жалғасын тапты. Мұнда ол мектептің жұмысымен танысты. Сондай-ақ, жаңадан салынған көп қабатты 5 тұрғын үйге барып, оның құрылыс жұмысын жалғастыру мәселелерін талқылады. Содан соң Байқоңыр қаласының көпбейінді ауруханасына жол жүрді. Мұндағы атқарылып жатқан қызметпен танысып, медицина қызметкерлерімен кездесті. Сапар Жеңіс саябағына аяңдады.
Еске салайық, былтыр Байқоңыр қаласында «Нұрлы жер» мемлекеттік бағдарламасы аясында 50 пәтерлік 5 үй пайдалануға берілді. Бұл соңғы 30 жылда алғаш рет орын алған игі іс болды. Сонымен қатар өткен жылдың қазан айында қаланың барлық көппәтерлі үйлерін (20427 пәтер) табиғи газға көшіру аяқталған. Бұл іс тұрғындар үшін газ төлемін 16 есеге төмендетуге мүмкіндік туғызды.
COVID-19 инфекциясын алдын алуға бойынша қандай жұмыстар атқарылып жатыр?
ШЖҚ КМК «Байқоңыр қаласының көп бейінді ауруханасына» қарасты Төретам ауылдық ауруханасында карантиндік – 30 төсек орынды және провизорлық – 15 төсек орынды бөлімшелер және 
1 төсек орынды интенсивті-реанимациялық палата ұйымдастырылды. Бөлімшелерде медициналық қызметкерлер саны (дәрігерлер – 6, мейірбикелер – 13, кіші буын қызметкерлері – 14) штаттық нормативке сәйкес құрылып, қызмет атқаруда.
Сонымен қатар, «Батыс Еуропа – Батыс Қытай» халықаралық трассасынан Байқоңыр қаласы мен Ақай ауылдық округіне, Төретам кентіне кіре беріс жол айрықтарында (Солтүстік және Оңтүстік) 2 блок бекет ұйымдастырылып, онда жалпы саны 16 мейірбикелер 24/7 қағидатымен жұмыс атқаруда.
Осы күнге дейін карантиндік стационарда 61, провизорлық стационарда 23 адам бақылауда болып, жатып шықты. Қазіргі уақытта, карантиндік бөлімшеде – 8 адам, провизорлық бөлімшеде – 2 адам бақылау үстінде. «Үй карантинінде» барлығы 125 адам оқшаулануда, оның ішінде Байқоңыр қаласы бойынша – 83, Ақай ауылдық округі бойынша – 10, Төретам кенті бойынша – 32 адам бақылануда.

Облыс әкімі Байқоңыр қаласына барды

<a href="https://kyzylorda-news.kz/">Kyzylorda-news.kz.</a> Соңғы тәулікте облыс бойынша коронавирус инфекциясымен анықталған 13 науқас тіркелді. Қазіргі кезде індет жұқтырғандар 245-ке жетті. Бұл туралы Өңірлік коммуникациялар қызметінің ақпарат алаңында өткен брифингте облыс әкімінің орынбасары Наурызбай Байқадамов мәлімдеді.
<blockquote>
 “Бүгін коронавирус инфекциясымен 13 адам анықталды. Оның 2-уі Қызылорда қаласы, 2-уі Арал, 2-уі Қазалы, 2-уі Шиелі, 3-уі Жаңақорған, 2-уі Қармашы ауданынан. Бұл анықталған азаматтардың барлығы Атырау облысында мұнай-газ саласында жұмыс істейтін облысымыздың тұрғындары. Бүгінгі таңда барлығының жағдайы бақылау барысында бірқалыпты”, – деді Наурызбай Байқадамов.
</blockquote>
Облыс әкімінің орынбасары өз сөзінде сақтық шараларын қатаң сақтауға шақырды. Сонымен қатар, сырт өңірлерден әртүрлі жолдармен келген азаматтар болса, жергілікті медициналық мекемеге хабарласуын сұраймыз.

Қызылордада коронавирус індетін жұқтырған тағы 8 науқас тіркелді

<a href="https://kyzylorda-news.kz/">Kyzylorda-news.kz.</a> Қызылорда қаласының әкімдігі карантиндік аймақ шекарасынан өтуге рұсат етілетін азаматтар мен көліктер тізімін жариялады.
Олар:
<ol>
<li>Медициналық көмек және санитариялық-эпидемиологиялық қызмет, ветеринариялық қызмет, сондай-ақ медициналық персоналдар (дәрігерлер, медбикелер, санитарлар, жүргізушілер).</li>
<li>Мемлекеттік органдардың қызметкерлері қызметтік куәліктерімен (Қызылорда облысының әкімдігі, Қызылорда қаласының әкімдігі, аудан әкімдіктері, облыстық/қалалық сот, прокуратура, ҰҚК, ІІМ органдары департаменті, өзге де арнаулы құқық қорғау органдарының қызметкерлері көліктерімен) және облыстық кәсіпкерлік палатасының қызметкерлері.</li>
<li>Коммуналдық, авариялық қызметтердің қызметкерлері: (электрмен, газбен, сумен, жылумен жабдықтау, қоқысты жинау, жанар-жағар май, сондай-ақ байланыс және коммуникация саласының (пошта) қызметкерлері, инкассаторлық көліктер (мемлекеттік нөмірлік белгілері бойынша автокөлік)</li>
<li>Қызылорда қаласындағы перзентханалардан шыққан жаңа туған сәбиі бар әйелдер (Қызылорда қаласындағы перзентхананың үзіндісі (выписка) болуы тиіс).</li>
<li>Карантиндік стационардан шыққандығы туралы үзіндісі (выписка) бар тұлғалар (шығарудың мерзімі бір күннен аспауы керек).</li>
<li>Қызылорда қаласына емделуге келген / шыққан азаматтар, егер:</li>
</ol>
<ul>
<li>жеке басын куәландыратын құжат;</li>
<li>035-1/У нысаны бойынша диагнозды және емдеудің өзектілігін растау туралы аумақтық амбулаториялық-емханалық ұйымның медициналық-консультативтік комиссиясының қорытындысы;</li>
<li>бірінші басшының қолы қойылған және мөрмен куәландырылған, диагнозы мен жеделдігі туралы карантиндік аймақта орналасқан медициналық ұйымның шақыру хаттары;</li>
<li>карантиндік аймақта орналасқан стационардағы аурудың қағаз түріндегі медициналық анықтамасынан үзінді көшірмесі (міндетті түрде сол күні шығуы тиіс).Ескерту: егер науқас өздігінен қозғала алмайтын болса, жеке басын куәландыратын құжаттары бар 2 адаммен сүйемелдеуге болады.</li>
</ul>
<ol>
<li>Қазақстан Республикасы Ішкі істер министрлігінің Қылмыстық атқару жүйесі мекемелерінде (КУИС) жазасын өтеген және Қызылорда қаласынан тыс жерде тұратын тұлғалар (егер бас бостандығынан айыру орындарынан босатылғандығы туралы анықтамасы және аурудың жоқтығын растайтын медициналық анықтамасы немесе ДККБТУ (СЭС) анықтамасы болса).</li>
<li>Патрульдік полицияның сүйемелдеуінсіз, жерлеу мақсатында карантиндік аймақты кесіп өтетін азаматтар.Міндетті шарттар:</li>
</ol>
<ul>
<li>қайтыс болғаны туралы медициналық анықтаманың болуы;</li>
<li>шараға қатысушы адамдардың саны 10 адамнан аспауы тиіс;</li>
<li>автокөліктердің саны 3-тен артық емес (оның ішінде, катафалка);</li>
<li>барлық шараға қатысушы тұлғалардың жеке басын куәландыратын құжаттардың болуы.</li>
</ul>
<ol>
<li>Азық-түлік (тамақтану) тауарлары, азық-түлік емес тауарлары, дәрі-дәрмек өнімдері, инватакси, құрылыс материалдарын тасымалдаушы, ритуалдық қызметтер көрсететін көліктер, газ баллондары тиелген арнаулы көліктер*:Міндетті шарттар:</li>
</ol>
<ul>
<li>ілесіп жүрген адамның жеке куәлігі немесе паспорты;</li>
<li>тауарларға арналған жүкқұжаты (накладной лист);</li>
<li>жеке санитарлық қорғаныс құралдарының болуы (қосалқы маскалар, резеңке қолғаптар);*- қалада болу уақыты 12 сағаттан аспауы тиіс.</li>
</ul>
<ol>
<li>Транзиттік жүк және жеңіл автокөліктер:</li>
</ol>
<ul>
<li>жол полициясының қызметкерлері 20-ға дейін автокөліктен тұратын құрама (колонна) жинақтап, оларды ілестіре отырып карантин аймағынан тыс айналып өтуін қамтамасыз ету;</li>
</ul>
<ol>
<li>Минералды тыңайтқыштар, жем-шөп, тұқымдық материалдар, ауылшаруашылық жануарлар, қосалқы бөлшектер тасымалдайтын көліктер мен ауылшаруашылық техникалар.</li>
<li>Зертханалық қызметтерге талдамалар жасау үшін биоматериалдар мен биоқалдықтарды, сонымен қатар арнайы рұқсат қағаздар мен құжаттарды (тасымалдаушы автокөліктердің қалаға кіруі мен қаладан шығу құқығынсыз) өткізу пункттері арқылы беруге рұқсат етіледі.</li>
<li>Мұнай-сервис компания қызметкерлері көліктерімен (жұмыс орнынан анықтама, жеке куәлік).</li>
</ol>
Өзге де ерекше жағдайлар жедел штабпен жеке тәртіпте қарастырылады.

Карантин: Қызылорда шекарасынан кімдер кіріп-шыға алады?

<a href="https://kyzylorda-news.kz/">Kyzylorda-news.kz.</a> Бүгін, яғни 15.05.2020 ж. сағат 13:00 уақыты бойынша аймағымызда коронавирус індетінен тағы 5 науқас емделіп шықты.
Емделушілердің емі толық аяқталған соң, 2 рет тест сынамасы алынды. Сынама нәтижесі теріс көрсеткіш көрсетуіне орай, яғни науқастар “Covid-19” вирусынан айығуына байланысты ауруханадан үйлеріне қайтарылды.
Індетті жеңген 5 науқас Қызылорда қаласынан емделіп шықты.
Емделушілер алдағы уақытта 14 күн бойы аймақтық дәрігерлер бақылауында болады.
Осы күнге дейін өңірімізде індеттен айығып шыққандар саны – 188. 
(Кызылорда қаласы – 53, Арал ауданы – 4, Қазалы ауданы – 3, Қармақшы ауданы – 5, Сырдария ауданы – 26, Шиелі ауданы – 66, Жанакорған ауданы – 31).

Қазақстан және Қызылорда облысының жаңалықтары