<a href="https://kyzylorda-news.kz/">Kyzylorda-news.kz.</a> Бүгінгі таңда инфекциялық және провизорлық стационарларда 1750 науқас бақылауда. Оның ішінде инфекциялық стационарда – 381 және провизорлық стационарда – 1 369 науқас ем алуда. Бұл туралы облыстық денсаулық сақтау басқармасының басшысы Сәбит Пазылов мәлімдеді.
<blockquote>
 Облыс аумағында коронавирус инфекциясымен ауырғандарды және қарым-қатынаста болғандарды бақылау мақсатында барлығы 760 төсек орын ашылған болатын. Бүгінде барлығы 2410 төсек-орын ұйымдастырылды. Оның ішінде инфекциялық төсек саны 620 орынды құраса, провизорлық төсек орын саны – 1 790 құрайды,-дейді басқарма басшысы.
</blockquote>
<img src="https://kyzylorda-news.kz/wp-content/uploads/2020/07/brifing.jpg" alt="" />
Облыстың бас дәрігері қазіргі таңда 76 жасанды өкпені желдету аппараты (ӨЖЖ) жұмыс істейтінін, 12 аппарат істен шыққанын мәлімдеді.
<blockquote>
 “Бүгінгі күні облыс бойынша 64 ИВЛ аппараты жұмыс жасап тұр. Бұдан басқа, Қазақстан Республикасы Денсаулық сақтау министрлігіне 63 ИВЛ аппаратына өтінім берілді”,-деді басқарма басшысы.
</blockquote>

Қызылордаға 63 ИВЛ аппараты алынады

<a href="https://kyzylorda-news.kz/">Kyzylorda-news.kz.</a> Республиканың басым бөлігі әлі де антициклоның ықпалында болғандықтан, 15 шілде күні жауын-шашынсыз, ыстық ауа райы сақталады. Елдің тек батысы мен шығысында найзағай ойнап, жаңбыр жауады, батыста бұршақ күтіледі. Кей жерлерде екпінді жел соғады, оңтүстікте және батыста шаңды дауыл тұрады, деп хабарлайды Қазгидромет.
Қызылорда облысының түнде кей жерлерінде, күндіз басым бөлігінде жел 15-23 м/с күшейеді, шаңды дауыл тұрады.
Батыс Қазақстан облысының кей жерлерінде жел 15-20 м/с артады, дауыл, бұршақ болжанады.
Жамбыл, Түркістан, Маңғыстау облыстарының кей жерлерінде шаңды дауыл тұрып, желдің күші 15-20 м/с күшейеді.
Қарағаңды облысының кей жерлерінде жел 15-23 м/с артады.
Күндіз Атырау, Ақтөбе облыстарында 18 м/с екпінде жел күтіледі.
Күндіз Түркістан, Қызылорда, Маңғыстау, Ақмола, Қостанай, Солтүстік Қазақстан облыстарында, Қарағанды облысының оңтүстігінде қатты ыстық күтіледі.
Атырау, Батыс Қазақстан, Ақтөбе облыстарында қатты, кей жерлерде өте қатты ыстық болады.
Сондай-ақ Атырау облысында, Батыс Қазақстан, Қызылорда, Қарағанды, Жамбыл, Алматы облыстарының кей жерлерінде, Ақтөбе облысының оңтүстігінде, Түркістан облысының оңтүстік-шығысында жоғары өрт қаупі сақталады.

Қызылордада күн ыстық, шаңды дауыл тұрады

1992 жылы Қазақстан Республикасы мен Румыния арасында дипломатиялық қарым-қатынас орнады.
1997 жылы «Қоршаған ортаны қорғау туралы» Қазақстан Республикасының Заңы қабылданды.
1999 жылы Қазақстан Республикасы Президенті Нұрсұлтан Назарбаев Алматы облысының Талғар қаласын аудандық маңыздағы қалалар санатына енгізу туралы Жарлыққа қол қойды.
1999 жылы Третьяков галереясында (Мәскеу) қазақстандық суретші, Сальвадор Дали атындағы халықаралық сыйлықтың иегері Ерболат Төлепбаевтың жеке көрмесі болып өтті.

15  шілде: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a>&nbsp;ақпараттық агенттігінің 15 шілдеге арналған жұлдыз-жорамалы.
Тоқты
Бүгін жұмысқа қатысты бірнеше ұсыныстар түседі. Пайдасы жоқ жұмыстарға босқа уақыт жоғалтпаңыз. Балаларыңызбен қарым-қатынасыңыз қиындық тудырады. Жақындарыңызбен әңгімелескенде сабырлы болыңыз.
Торпақ
Белсенділігіңіз тым жоғары. Басшылық көп еңбектенгеніңізді қалайды. Жеке өміріңізде барлығы жақсы. Бірақ ішкі түйсіктің айтқанына бағынғыңыз келмейді. Алайда іштей тынып қалмаңыз. Алдағы күндерге көп жоспар құрмаңыз.
Егіздер
Денсаулығыңызды күтіңіз. Өзге адамдармен араңызда мәселелер туындауы мүмкін. Достарыңызбен де жағдай мәз емес. Эмоцияға берілмегеніңіз жөн. Газды сусындардан бас тартып, еттен жасалған тағамдарды тұтынбаңыз.
Шаян
Жақындарыңызбен маңызды мәселе жайында сөйлесуге қолайлы күн. Сонымен қатар бүгінгі күн көптен күткен кездесуді ұйымдастыруға да болады. Жұмысқа қатысты өзгерістер орын алуы мүмкін. Қызықты іспен айналысуыңыз мүмкін.
Арыстан
Жаңа жұмыс табасыз немесе жаңа серіктестермен жолығасыз. Мұндай белсенділігіңізді кейбір жандар дұрыс түсінбей, сізге «өзіне тым сенімді» деп баға беруі мүмкін. Бүгін жеке өміріңізде қызықты жайттар көп болады.
Бикеш
Жұмысқа қатысты ұсыныс түсуі мүмкін. Қабыл алмас бұрын жақсылап ойланыңыз. Себебі бұл ұсыныс сізге пайда әкелмейді. Барлығы жақсы деп ойлағаныңызбен, әріптестеріңізбен немесе басшылықпен келіспеушіліктер орын алуы мүмкін. Абай болыңыз.
Таразы
Қазіргі орын алып жатқан жағдай өте қиын болғанымен сіз жетістікке жете аласыз. Сондай-ақ бүгін көптен күткен жағымды жаңалықты естіп, қуанып қаласыз. Жоспарларыңызды өзгертіп, өзгеше іс бастауға ұмтыласыз.
Сарышаян
Өте сақ болыңыз. Тіпті ұсақ-түйек тірліктің өзін назардан тыс қалдырмаңыз. Күнделікті атқарып жүрген жұмысқа көп уақыт жоғалтуыңыз мүмкін. Соның салдарынан келіскен кездесуді де кейінге қалдырып, жоспарды өзгертуге тура келеді.
Мерген
Бүгін сіздің атқаратын жұмыстарыңыздың біразы қиын болады. Барлығы сіз ойлағандай жүзеге аспайды. Өз ісіңізді асықпай атқарыңыз. Сонда ғана қателіктерге бой алдырмайсыз.
Тауешкі
Күніңіз сәтті өтеді. Қиын да болса жаңа жұмысқа білек сыбана кірісесіз. Бұл белсенділігіңіз жетістікке жеткізіп қана қоймайды, айналаңыздағыларға да ұнап, беделіңіз артатын болады. Бүгін жаңа достар тауып, олардың қолдауына ие боласыз.
Суқұйғыш
Іскерлік кездесулер өткізуге қолайлы күн. Жұмысыңыз бір бағыттағы жандармен немесе шығармашылық байланысыңыз бар адамдармен тіл табысу оңай болады. Сонымен қатар бүгін отбасыңызға қатысты жағымды жаңалық естейсіз.
Балықтар
Қарбалас күн. Көп еңбектенесіз, соның арқасында айтарлықтай жетістікке де жетесіз. Күннің екінші жартысында достарыңызбен демалыңыз. Косметикалық бұйымдар пайдаланғанда абай болыңыз.
Бүгін жұмысқа қатысты бірнеше ұсыныстар түседі. Пайдасы жоқ жұмыстарға босқа уақыт жоғалтпаңыз. Балаларыңызбен қарым-қатынасыңыз қиындық тудырады. Жақындарыңызбен әңгімелескенде сабырлы болыңыз.

Жұлдыздар не дейді?

Kyzylorda-news.kz. Бүгін облыс әкімі Гүлшара Әбдіқалықованың төрағалығымен кеңейтілген мәжіліс өтті. Күн тәртібінде аймақтағы короновирус індетімен күресу бағытындағы атқарылып отырған жұмыстар, өңір экономикасының көрсеткіші мен «Жұмыспен қамту жол картасы» мемлекеттік бағдарламасында жаңа жұмыс орындарын ашу мәселесіне тоқталды.
Облыстық денсаулық сақтау басқармасы басшысының баяндамасын тыңдаған облыс әкімі Гүлшара Әбдіқалықова короновирус індетімен күресу бағытында арнайы жоспар жасап, 3 күн мерзімде бекітуге ұсынуды тапсырды.
Мемлекет басшысы Қасым-Жомарт Тоқаев Үкіметтің кеңейтілген отырысында ел экономикасының жалпы 1,8%-ға төмендегенін атады. Облыста жартыжылдықтың қорытындысымен негізгі 6 көрсеткіштің 5-еуі бойынша төмендеу тенденциясы орын алған. Құрылыс жұмыстары-68,2%, инвестиция тарту-49,5% төмендеген. Сондай-ақ, әлеуметтік маңызы бар азық түлік тауарлары бағасы жыл басымен салыстырғанда республикалық көрсеткіштен жоғарылаған.
Аймақ басшысы әлеуметтік маңызы бар азық-түлік тауарлары бағасы бойынша жыл басынан бері 19 азық-түліктің 13-не баға жоғарылағанын атады.
<blockquote>
 “Картоп-63, сәбіз бен пияз-50 пайызға қымбаттаған. Қыс немесе көктемгі тапшылық кезең емес, нағыз көкөністердің пісіп жатқан мерзімінде не деген сұмдық? Барлық аудандарда бағалардын артық өсуіне жол берілсе, соның ішінде Жаңақорғанда-7, Арал мен Қызылорда қаласында – 6 түрлі азық-түліктің бағасы көтерілген”,- деді облыс әкімі Гүлшара Әбдіқалықова.
</blockquote>
Жиында бағаны тұрақтандыру бағытында жіберілген кемшіліктері үшін Жаңақорған мен Арал ауданы әкімдеріне қатаң ескерту жарияланды. Сондай-ақ, аймақ басшысы Қызылорда қаласы мен аудан әкімдеріне көкөніс және басқа да әлеуметтік азық-түлік бағаларын тұрақтандыруды,негізсіз баға өсімі фактілері бойынша шаралар қабылдауды тапсырды. Сонымен қатар, көршілес облыстарға шығып, халықты қолжетімді бағадағы арзан өнімдермен қамтамасыз ету үшін 3 күн уақыт берді. 
Статистикалық есеп бойынша облыста 89 623 га күріш егілген. Оның 8 492 га көлемі артық. Шиелі ауданы 12 200 га жерге күріш еккендігі туралы есеп бергенімен, нақты 14 353 га сыр маржаның орналастырып 2000 гектардан астам жерге артық күріш еккен. Осыған орай, қазіргі уақытта Шиелі ауданындағы 3 шаруашылықтың 720 гектардан астам егілген күрішіне су жетпей, күйіп кеткен.
Өңір басшысы берілген тапсырманы мерзімінде орындамай, күріш көлемін қолдан ұлғайтып, су тапшылығына әкеп соқтырғаны үшін Шиелі ауданының әкіміне “сөгіс” жариялады. 
Кеңейтілген Үкімет отырысында ішкі нарықты қамтамасыз ету үшін іске қосылған «Қарапайым заттар экономикасы» бағдарламасының жүзеге асырылуы сынға алынды. Соңғы 6 айда облыста бағдарлама аясында құны 788,6 млн.теңгені құрайтын 37 жоба мақұлданған.
Облыс әкімі жобаның басым бөлігі Жаңақорған ауданында жүзеге асып отырғанын айтты. Кейбір аудандарда әлі күнге бір жобаның жоқтығын сынға алды.
<blockquote>
 “Арал ауданында бірде-бір жоба жоқ. Бұл мемлекеттік бағдарламаның орындалмағанын білдіреді. Мұхтар Әуесұлы жоғарыда аталған қатаң ескертуді ескере келе, сізге сөгіс жариялаймын. Келесіде көрсеткіш төмендеген жағдайда бұдан да қатаң тәртіптік жауапкершілігіңіз қаралатын болады. Бұл барлық басқарма басшылары мен қала, аудан әкімдеріне қатысты. Сондай-ақ, «қарапайым заттар экономикасы» бағдарламасы аясында жеңілдетілген несиелендіру бойынша жұмыстар күшейтілсін. Қызылорда қаласы 10 млрд. теңге, ал барлық аудан әкімдіктері 2 млрд. теңгеге жуық межені игеру бойынша жұмыстарды жалғастыруы тиіс.”,- деді облыс әкімі.
</blockquote>
Мемлекет басшысы «Жұмыспен қамту жол картасының» жүзеге асырылу барысында да көптеген мәселе бар екенін және тұрақты жұмыс орындарын көбейтуді тапсырды. «Жұмыспен қамту Жол картасы» аясында облысқа 276 жобаны жүзеге асыруға 37 млрд-қа жуық қаржы бөлінген. Бұл қыруар қаражат пандемия уақытында 9300 жаңа жұмыс орындарын ашып, халықтың әлеуметтік жағдайын жақсартуға бағытталып отыр. Бүгінгі таңда 276 жобаның 270-сі бойынша жұмыстар басталған. Жол картасы аясында жұмыс орнын құру көрсеткішкері Қызылорда қаласында 39,4 және Арал ауданына 46,1 пайыз.
Өңір басшысы барлық аудан және қала әкіміне осы айдың соңына дейін ашылған жаңа жұмыс орындарын 50 пайыздан асыруды тапсырды.
<blockquote>
 «Еңбек» мемлекеттік бағдарламасы аясында халықты тұрақты жұмыспен қамтудың көзі – бос жұмыс орындар. Бірінші жартыжылдықта 4058 ғана адам жұмысқа орналасқан, ал жылдық жоспар 13 900 адам болса, бұл жоспардың үштен бірі де орындалмаған. Ең төмен көрсеткіштер Қазалы, Қармақшы және Сырдария аудандарында болып отыр. Сонымен қатар, жаңадан ашылған жұмыс орындарының саны жылдық жоспар бойынша 12602 болса, одан 7080 ғана орын ашылған. Ең төменгі көрсеткіш Қызылорда қаласында 23 пайыз. Нұрлыбек Машбекұлы Қызылорда қаласы әрқашан алдыңғы қатарда болуы тиіс, жұмыс жасаңыз”,- деді облыс әкімі Гүлшара Әбдіқалықова.
</blockquote>
Президент Қасым-Жомарт Тоқаев мемлекеттік-жекеменшік серіктестік жобаларының жүзеге асырылу барысында мемлекеттің міндеттемелеріне қатысты мәселесін жан-жақты зерттеуді тапсырған болатын. Аймақта 
мемлекеттік-жекешелік әріптестік аясында 57 жобаның 38-і толықтай іске қосылған. Бүгінгі таңда жобалар бойынша қабылданған мемлекеттік міндеттемелердің сомасы 16,5 млрд. теңгені құрайды.
Аймақ басшысы бюджет шығыстарын оңтайландыру мәселесі Президенттің тікелей бақылауында болатынын ескертті. Сонымен қатар, «Цифрлық Қазақстан» бағдарламасындағы барлық кемшіліктер түзеліп, жыл соңына дейін 250-ден астам тұрғыны бар елді мекендер сапалы интернетпен қамтылуы қажеттігін тапсырды.
<blockquote>
 “Қызылорда облысында жер қатынастары бойынша геопорталды толықтыру жұмыстары 10 пайызға орындалған. «Өңірлік геоақпараттық жүйені» құру цифрлық технологиялар басқармасына тапсырылған болатын. Жұмыстарды бастауға бюджеттен тиісті қаржы да 35 млн. теңге бөлінген. Геопорталды құруға мемлекеттік сатып алу конкурсы жарияланғанымен әлі нақты тиісті жұмыстар басталмаған. Осыған байланысты, цифрлық технологиялар басқармасына конкурс нәтижесімен мердігерді анықтап, жыл соңына дейін геопорталды құру жұмыстарын тапсырамын. ҚР Цифрлық даму, инновациялар және аэроғарыш өнеркәсібі министрлігімен бірлесіп жаңа оқу жылы басталар алдында 25 тамызға дейін тиісті шаралар қабылдауға тиіспіз”,- деді облыс әкімі Гүлшара Әбдіқалықова.
</blockquote>

Қызылорда: Бірқатар басшыларға қатаң ескерту жасалып, сөгіс жарияланды

Kyzylorda-news.kz. Сыбайлас жемқорлыққа қарсы қызмет өкілдері медициналық сақтандыру қорының қаражаты жымқырылғанын мәлімдеді, деп хабарлайды&nbsp;<a href="https://sn.kz/">Skifnews.</a>kz.
Сыбайлас жемқорлыққа қарсы қызмет “әлеуметтік медициналық сақтандыру қоры” КЕАҚ қаражатын ұрлау фактілері бойынша сотқа дейінгі тергеуді бастады. Хабарланғандай, сатып алынатын қызметтердің құнын көтеру арқылы ақша жымқырылған.&nbsp;
Сондай-ақ, ведомство өкілдері Қазақстанда гуманитарлық көмекті тарату бойынша тексеріс басталғанын атап өтті.
Бұған дейін Президент медициналық сақтандыру қорының қызметін тексеруді тапсырған болатын.
<blockquote>
 “Соңғы уақытта міндетті медициналық сақтандыру қорының айналасында әңгіме өте көп. Менің ойымша, бұл қордың айналасында әр түрлі қауесеттер мен әр түрлі өсек болмауы үшін онда іскер адамды қою керек. Әрине, жалпы алғанда, үкімет тарапынан қордың қызметіне талдау жасалуы тиіс. Ол қаншалықты табысты, қаншалықты тиімді”, – деді Тоқаев үкіметтің кеңейтілген отырысында.
</blockquote>

Медициналық сақтандыру қорынан ақша жымқырылғаны мәлім болды

**<a href="https://kyzylorda-news.kz/">Kyzylorda-news.kz</a>. Сыр өңірінде медициналық мекемелер мен дәріханалар желісін дәрі-дәрмектермен қамтамасыз ету үшін тиісті шаралар қабылдануда. 
**
Дәрілік заттармен қамтамасыз етуді жақсарту мақсатында көрші мемлекеттермен қарым-қатынас орнатылып, Өзбекстан елінен жақын арада 150 млн теңге шамасында дәрілік заттарға келісім шарт жасалуда. Ресей және Катар елінен келген дәрі-дәрмектер жуық арада ауруханаларға және қала мен аудан орталықтарындағы дәріханаларға жеткізіледі. 
Облыс төңірегінде ашылған инфекциялық және провизорлық стационарларға қажетті дәрілік заттар «СК-Фармация» тарапынан берілген өтінімге сәйкес қамтамасыз етілуде. 
Амбулаторлық жағдайдағы дәрілік заттарға аурудың көбеюіне байланысты барлық емханалар қосымша өтінім берді. Аталған дәрілік заттар (ҚР ДСМ бекітілген емдеу және диагностикалау хаттамаларына сәйкес антибиотиктер) амбулаторлы жағдайда нақтыланған пневмония диагнозы қойылған науқастарға тегін берілетін болады.

Сыр еліне дәрілік заттар көршілес мемлекеттерден де жеткізілмек

Kyzylorda-news.kz. Жалағаштағы 5 мектептен тұрғындарға тегін көмек көрсететін ем-шара кабинеттері ашылды.
Жалағаш кентіндегі №31 мектеп-гимназия, Т.Жүргенов атындағы №123 мектеп-лицей, №201 мектеп-лицей, З.Жарқынбаев атындағы №202 орта мектеп, Ш.Ермағанбетова атындағы №246 орта мектептеріндегі ем-шара кабинеттері қажет болған жағдайда дәрігердің тағайындауы бойынша тұрғындарға тегін көмек көрсетеді.
<blockquote>
 “Аумақтық дәрігердің арнайы тағайындауы бойынша берілген рецептісі арқылы дәрі егу қажеттілігі туындаса, жоғарыда көрсетілген мектептердегі медбикелер дүйсенбі-жұма күндері сағат 9.00-ден 12.00-ге дейін және 14.00-ден 18.00-ге дейін тұрғындарға дәрі егетін болады”,- делінген аудан әкімдігі таратқан хабарламада.
</blockquote>

Жалағашта ем-шара кабинеттері тұрғындарға тегін көмек көрсетеді

Kyzylorda-news.kz. 42500.enbek.kz порталы қайта жұмысын бастайды. Бұл туралы ҚР Еңбек және халықты әлеуметтік қорғау министрі Біржан Нұрымбетов айтты.
Орталық коммуникациялар қызметіндегі брифинг барысында министр шілде айына берілетін 42 500 теңге әлеуметтік төлемді тағайындау үшін қандай порталдар жұмыс істейтіндігін айтып берді.
<blockquote>
 «Өткендегідей 42500.enbek.kz порталы, электронды үкімет порталы жұмыс істейді. Өзін-өзі жұмыспен қамтыған жеке тұлғаларға телеграм-боттар да қызмет көрсетеді. Бұлардың барлығы жұма күннен бастап іске қосылады. Оған қосымша Каспи банк пен Халық банк те біздің портал секілді интернет-ресурсты іске қосып, халықтан өтініш қабылдауға ниет білдірді. Оны да іске асырсақ, сіздерге ол туралы бейсенбі күні жария етеміз», – деді Біржан Нұрымбетов.
</blockquote>

42500.enbek.kz порталы осы жұмадан бастап қайта іске қосылады

<a href="https://kyzylorda-news.kz/">Kyzylorda-news.kz</a>.2020 жылғы 15 шілдеде сағат 09.00-16.00 аралығында Қызылорда облысының әкімі Г.Н. Әбдіқалықованың қатысуымен интернет-конференция өтеді.
«Шағын және орта кәсіпкерлік саласының тоқыраудан кейін жандану барысы туралы» тақырыбында интернет-конференция өтеді. 
Онлайн режимде өтетін конференция барысында облыс әкіміне тақырып аясында қоятын сауалдарыңыз бен ұсыныстарыңызды <a href="https://dialog.egov.kz/">https://dialog.egov.kz/</a> сілтемесі арқылы жолдауға болатындығын хабарлаймыз. 
Сонымен қатар, сауалдарыңыз бен ұсыныстарыңызды жолдау үшін электронды цифрлық қолтаңба (ЭЦҚ) қажет екендігін ескертеміз.

Облыс әкімінің қатысуымен интернет-конференция өтеді

Kyzylorda-news.kz. Биылғы жылы облыста барлығы 8 мың гектардан астам жерге бақша (қауын, қарбыз) дақылдары орналастырылды.
Аймақтың климаттық ерекшелігіне сәйкес, егілген бақша дақылдарының басым бөлігі Жаңақорған және Шиелі аудандарының үлесінде.
Атап өту қажет, қазіргі таңда елімізде қалыптасқан төтенше жағдайға байланысты, облыс көлемінде өндірілетін бақша және көкөніс өнімдерінің сатылымын қамтамасыз ету мақсатында облыс әкімдігі тарапынан еліміздің солтүстік және батыс өңірлерінің барлық әкімдіктеріне арнайы ұсыныс хат жолданған болатын.
Бүгінде Жаңақорған ауданында 70-ке жуық шаруашылық пен агроөнеркәсіп кешенін дамыту және өзін-өзі жұмыспен қамту бағытында ашылған агроаймақтардың дихандары ерте егілген қарбыздың алғашқы өнімдерін шығарды. Еліміздің солтүстік облыстарына таратылып, қарбыздың алғашқы легі көрші Ресей мемлекетіне экспортталды.
Сонымен қатар, шаруашылық құрылымдары үшін Қызылорда қаласынан бақша өнімдерін сатуға арналған арнайы орындар белгіленген. 
Қазіргі таңда, еткен еңбектің арқасында қарбыздың әр гектарынан 400-500 центнерден өнім алынуда. Нәтижесінде, бүгінгі күні облыс шаруалары 1000 тоннаға жуық қарбыз өнімін сатылымға шығарды.

Қызылорда облысынан Ресейге қарбыз жөнелтілді

Kyzylorda-news.kz. Қызылорда облысы әкімінің орынбасары 
Б. Жаханов пен облыстық ауыл шаруашылығы басқармасының басшысы С. Нұрымбетов жұмыс сапарымен Қармақшы ауданына барды.
Жұмыс барысында Сырдария өзеніндегі су мөлшерінің төмен болуына байланысты Қармақшы ауданын суармалы сумен қамтамасыз ететін «Сол жаға» магистральды каналының 420-бекетінде болды. Облыстық су шаруашылығы мекемесіне каналдағы судың жоспарлы көлемде берілуін қамтамасыз етуді тапсырды.
<img src="https://kyzylorda-news.kz/wp-content/uploads/2020/07/fb_img_1594720487169.jpg" alt="" />
Одан әрі Құрайлы каналы бойынан су алатын «Тұрмағамбет» ЖШС-ның егістіктерінде болып, егістің судан қалу қаупі бар жерлерімен танысып, суды тиімді әрі ысырапсыз пайдаланумен қатар қашыртқы суға насос қондырғыларын орнату жұмыстарына баса назар аудару қажеттігін атап өтті.
Сондай-ақ, аудан әкімі мен су шаруашылығы мекемесіне қашыртқы суын қайта пайдалану мақсатында Батыс-Қармақшы қашыртқысын Қурайлы каналына қосу жөнінде зерттеу жұмыстарын жүргізіп, жұмыс көлемін анықтап, тез арада дайындауды тапсырды.
<img src="https://kyzylorda-news.kz/wp-content/uploads/2020/07/fb_img_1594720497462.jpg" alt="" />

Қазақстан және Қызылорда облысының жаңалықтары