<a href="https://kyzylorda-news.kz/">Kyzylorda-news.kz.</a> Бүгін республиканың басым бөлігінде өткінші жаңбыр жауады. Ал оңтүстік пен батыста күн ашық болады, деп хабарлайды Қазгидромет 
Қостанай, күндіз Ақмола, Солтүстік Қазақстан облыстарының кей жерлерінде күн күркірейді, жел 15-20 м/с күшейеді, бұршақ жаууы ықтимал. 
Алматы, Ақтөбе, күндіз Шығыс Қазақстан облыстарының кей жерлерінде күн күркірейді, желдің жылдамдығы 15-20 м/с жетеді. 
Қарағанды облысының кей жерлерінде найзағай ойнап, дауыл күтіледі, бұршақ жаууы ықтимал, күндіз кей жерлерінде жел 15-20, екпіні 23 м/с. 
Павлодар облысының күндіз солтүстігінде найзағай күтіледі, жел 18 м/с күшейеді, бұршақ жаууы ықтимал. 
Жамбыл облысының кей жерлерінде желдің жылдамдығы 15-20 м/с жетеді, күндіз кей жерлерінде күн күркіреп, дауыл тұруы мүмкін. 
Түркістан облысының күндіз кей жерлерінде найзағай, шаңды дауыл күтіледі, жел 15-20 м/с күшейеді. 
Қызылорда облысының кей жерлерінде жел тұрып, жылдамдығы 15-20 м/с жетеді. 
Күндіз Ақмола, Қостанай, Алматы, Жамбыл, Түркістан, Қызылорда, Шығыс Қазақстан облыстарында, Қарағанды облысының оңтүстігінде қатты ыстық сақталады. 
Атырау, Батыс Қазақстан, Ақтөбе, Маңғыстау облысында аптап ыстық жалғасады. 
Атырау, Ақтөбе, Қызылорда облыстарында, Батыс Қазақстан, Жамбыл облыстарының басым бөлігінде, Түркістан, Қарағанды облыстарының кей жерлерінде, Алматы облысының батысында жоғары өрт қаупі сақталады.

Бүгін аптап ыстық болады

Халықаралық шахмат күні
Халықаралық шахмат федерациясының құрылуына орай 1966 жылдан бастап атап өтіледі. Бүгінгі таңда аталған ұйымға әлемнің 200-ге жуық елі мүше. Федерацияның өз туы, әнұраны және «Біз барлығымыз бір отбасымыз» атты ұраны бар.
Ойынның атауы парсы сөздерінен шыққан: шах мат – «билеуші қайтыс болды» дегенді білдіреді. Шахматтың отаны – Үндістан. Онда V ғасырда чатуранга ойыны пайда болған. Шахмат – 64 тордан тұратын тақтаның үстіне 32 (16 ақ және 16 қара фигура) фигураны орналастыру арқылы ойналатын ойын. Ойынның мақсаты – қарсыласыңның короліне мат қою. Халықаралық шахмат күнінде сайыстар, ойын-сауық шаралары өтеді.
1969 жылы&nbsp;Дінмұхамед Қонаев Қапшағай ГЭС-інің іргетасының символдық плитасын қойды.
1993 жылы&nbsp;ҚР Президенті Нұрсұлтан Назарбаев Таиландқа алғаш рет ресми сапармен барды.
2014 жылы&nbsp;Бейжіңде алғаш рет домбыра курсы ашылды. Сабақты аптасына үш рет, 2 сағаттан қандасымыз Мұрал Бимұратұлы жүргізді. Үш топта 50 шақты адам болды, бірінші топта – тек қазақтар, екіншісінде – қытайлықтар, үшінші топ – аралас.
2017 жылы&nbsp;бұрынғы Оңтүстік Қазақстан облысының Бәйдібек ауданында, Арыс өзеніне жақын маңнан көне заманның теңгесі, астық сақтайтын құмыра, жазулар жазылған тақтайша және топтастыра жерленген адамдардың сүйегі табылды. Ол заттар бұл жерде біздің заманымыздың бірінші ғасырында Қаңлы мемлекетіне қараған гүлденген қала болғанын айғақтайды. Қаланың жасын анықтауға монетаның септігі тиді.

20 шілде: Атаулы күндер мен оқиғалар

Kyzylorda-news.kz&nbsp;ақпараттық агенттігінің 20 шілдеге арналған жұлдыз-жорамалы.
Тоқты
Сұлулығыңызға тамсанатындар көп. Біраз адам сізге ғашық болып, өз ұсыныстарын да жасайтындар бар. Ал сіздің ойыңыз басқада болмақ.&nbsp;
Торпақ
Сезімдеріңізді жасырын ұстайсыз. Ешкіммен бөлісуді жөн көрмейсіз. Дегенмен ой бөлісетін, кеңес алатын жанға жолығыңыз.
Егіздер
Қиын мәселе туындайды. Алайда оны елемеуге тырысасыз. Көңіл күйіңізді түсіргіңіз жоқ. Сізге жақындарыңыздың көмегі қажет.
Шаян
Қаржылық мәселеңіз қиындай түседі. Бұл жұмысқа енжарлық танытып, ақшаны босқа шашқанның салдарынан болуы мүмкін.
Арыстан
Айналаңызда болып жатқан оқиғалар сізге ұнамайды. Бірақ еш алаңдамаңыз. Барлығы өз орнына келеді.
Бикеш
Бір құпияның сырын ашасыз. Бірақ оны басқаларға айтудың қажеті бар ма, жоқ па оны өзіңіз шешіңіз. Ешкімді ренжітіп алмаңыз.
Таразы
Үйде отырғанды қаламайсыз. Көпшілік жерде достармен басқосуды ұйымдастырып, көңіл көтеретін боласыз.
Сарышаян
Туыстан жақын ешкім жоқ. Сізге жанашырлық танытатын да солар. Тек солармен ғана көңілді кеш өткізе аласыз.
Мерген
Бүгін мәселе де туындайды. Оның шешілуіне көмек көрсететін жаңа танысты да қоса жолдайды. Жаңашылдыққа бет бұрасыз.
Тауешкі
Барлық істі өз қолыңызға алғыңыз келеді. Тау қопарардай күшіңіз бар. Алайда барлық шаруаны өз мойныңызға ала бергеніңіз жөн емес.
Суқұйғыш
Өте еңбекқорсыз. Қолыңыздан барлығы келеді. Берілген тапсырманы жауапкершілікпен атқара аласыз.
Балықтар
Көптен бері мазаңызды алып жүрген адам бар. Мүмкін бұл сізге ғашық жан болар. Сіз оның үмітін арттыра бермей, бірден жауап бергеніңіз жөн.

Жұлдыздар не дейді?

Kyzylorda-news.kz. Бүгін облыс әкімі Гүлшара Әбдіқалықова Қызылорда қаласындағы «Жұмыспен қамту жол картасы» мемлекеттік бағдарламасы аясында жөндеу жұмыстары жүргізіліп жатқан бірқатар нысандарды аралады.
Алдымен өңір басшысы Ж.Қизатов атындағы №23 мектеп-лицейінде жүргізіліп жатқан күрделі жөндеу жұмыстарын көрді. Білім ұясының жөндеу жұмыстарына «Жұмыспен қамту жол картасы» мемлекеттік бағдарламасы аясында қаржы бөлініп, 100 адам жұмыспен қамтылуда. Оның ішінде 50 азамат қалалық жұмыспен қамту және әлеуметтік бағдарламалар бөлімі арқылы алынған. Жөндеу жұмыстары 15 мамырдан басталаған және үстіміздегі жылдың соңына дейін бітеді деп жоспарлануда. Облыс әкімі тиісті жұмыстарды сапалы жүргізіп, уақытында бітіруді тапсырды. 
Мұнан соң өңір басшысы Гүлшара Әбдіқалықова М.Мәметова атындағы Қызылорда педагогикалық жоғары колледжінде жүргізіліп жатқан күрделі жөндеу жұмыстарымен танысты. Бұл нысанның жөндеу жұмыстары 4 мамырда басталған. Бүгінгі күні 74 тұрғын жұмыспен қамтылса, оның 37 қалалық жұмыспен қамту және әлеуметтік бағдарламалар бөлімінде жұмыссыз ретінде тіркеліп тұрған азаматтар. Облыс әкімі қала әкіміне жөндеу жұмыстарын жылдың аяғына дейін бітіруді тапсырды.
<blockquote>
 «Карантин экономикамыздың дамуына әсер етуде. Эпидемиологиялық ахуал мен қатар жұмыссыздық мәселесі де күн тәртібінен түспей тұр. Сол себепті мемлекеттік бағдарламаларды тиімді пайдаланып, жұмыссыздық мәселесін шешіңіздер. Атақарылып жатқан жұмыстардың сапасына аса мән беріңіздер. Колледждің жөндеу жұмысын жыл соңына дейін аяқтау қажет», – деді облыс әкімі Г.Әбдіқалықова.
</blockquote>
Сонымен қатар, Гүлшара Әбдіқалықова Қазыбек би, И.Журба көшелерінде жүргізіліп жатқан орташа жол жөндеу және «Тағзым» алаңы мен теміржол паркінде жүргізіліп жатқан абаттандыру жұмыстарын көрді. 
Қазбек би, И.Журба көшелерін жөндеу мақсатында жалпы 58 жаңа жұмыс орны ашылған.
«Тағзым» алаңын абатттандыру жұмыстары 8 шілдеді басталды. 45 адам жұмыспен қамтылуда. Ал, теміржол паркінде атқарылатын жұмыстарға 60 жұмыс орны ашылды. Өңір басшысы қала әкіміне бөлінген қаржының мақсатты жұмсалуын бақылап, жұмыстарды белгіленген уақытта бітіруді тапсырды.
Әрі қарай облыс әкімі мемлекеттік бағдарлама аясында күрделі жөндеу жұмыстары жүргізіліп жатқан Ә.Молдағұлова атындағы №173 және Н.Ахмадеева атындағы №112 орта мектептеріне барды. 
№ 173 мектебіндегі жөндеу жұмыстарын жүргізуге 35 тұрғын жұмыспен қамтылуда. 11 маусымда басталған жұмыс жыл соңына дейін бітеді деп жоспарлануда. Ал, №112 білім ұясының күрделі жөндеу жұмыстары 14 мамырда бастлаған. 23 азамат жұмыспен қамтылды. Облыс әкімі Гүлшара Әбдіқалықова білім мекемелеріндегі жөндеу жұмыстары уақытында бітіп, сапалы болуын тапсырды. 
Айта кетейік, «Жұмыспен қамту жол картасы» мемлекеттік бағдарламасы аясында Қызылорда қаласына 18 млрд. астам тенге бөлініп, 98 жоба жүзеге асырылуда.
<img src="https://kyzylorda-news.kz/wp-content/uploads/2020/07/fb_img_1595150379909.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595150370144.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595150376222.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595150383625.jpg" alt="" />

Облыс әкімі Гүлшара Әбдіқалықова Қызылорда қаласындағы бірқатар нысандарды аралады

Kyzylorda-news.kz. Облыс әкімінің орынбасары Бақыт Жаханов ауданға жасаған сапары барысында «Жұмыспен қамтудың жол картасы» мемлекеттік бағдарламасы аясында жүзеге асырылып жатқан жұмыстармен танысты.
Алдымен Бақыт Дүйсенұлы аудандық сот ғимаратының аумағы мен Абай көшесінің абаттандыру жұмыстарын көрді. 
Аралда аталған бағдарлама аясында 16 жоба жүргізілуде. Барлығы да халықтың игілігіне бағытталған әлеуметтік жобалар.
Аудан әкімі Мұхтар Оразбаев құрылыс жұмыстарының жайы туралы түсіндіріп өтті. Қазіргі таңда сот ғимаратының ауласына брусчатка төселген, қоршаулары ауыстырылып, сырлау жұмыстары жүргізілуде. Ал Абай көшесінің бойына бардюрлер мен жол жиегіне қоршаулар қойылуда. 
Одан соң Бақыт Дүйсенұлы күрделі жөндеуден өткізіліп жатқан «Арал индустриалды-техникалық және «Арал көпсалалы колледждеріне барды. Аудан орталығында орналасқан екі колледждің де жастарды қажетті маман ретінде дайындап шығаруда маңызы зор. 
«Арал индустриалды-техникалық колледжінің» ғимараты екі қабаттан тұрады. Қазіргі таңда жеңімпаз ретінде танылған Қызылорда қаласының «Самат-Мұнай» ЖШС құрылыс жұмыстарын жүргізуде. Жөндеу жұмыстарын барысында жергілікті жерден 60 адамды жұмыспен қамту жоспарланса, бұл меже қазір толықтай орындалып отыр, 
Арал көпсалалы колледжінің оқу ғимараты 3 қабатты, 1980 жылы салынған. Ғимараттың жобалық қуаттылығы 360 оқушыға арналған. 
Күрделі жөндеу барысында аталған білім беру нысандары заман талабына сәйкес жаңғыртылып, білім алушылар үшін қолайлы жағдай жасалмақ. 
Екі бірдей білім беру нысанындағы құрылыс жұмысьтарының жай-күйін бақылап өткен облыс әкімінің орынбасары жөндеу жұмыстарына жауапты мердігерлермен кездесу барысында жұмыстың сапалы атқарылуын қатаң назарға алуды тапсырды. 
Мұнан кейін, Бақыт Дүйсенұлы ауданның индустриалды аймағында «Qazaq Camel» ЖШС-нің түйе сүтін өңдеп, одан құрғақ сүт өндіретін цехының құрылыс алаңында болды. «Qazaq Camel» ЖШС-нің директоры, жобасы жетекшісі Нұғырбек Абулғазин аймағымызда алғашқы рет қолға алынып отырған жоба жайын таныстырып өтті. 
Атап айтқанда, жылына 130 тоннадан астам түйе сүтінен құрғақ қоспалар өндіруге қауқарлы цехтың құрылыс жұмыстары ағымдағы жылдың соңында аяқталады деп жоспарлануда. Жоба іске қосылғанда 25 адам жұмыспен қамтылатын болады. Мұнда әзірленген дайын өнімдер республика нарығынан бөлек, алыс-жақын шет елдерге экспортталады деп жоспарлануда. 
Атап өтейік, ауданда «Жұмыспен қамтудың жол картасы» мемлекеттік бағдарламасы аясында бүгінгі таңда 410 адам жұмыспен қамтылып отыр.
<img src="https://kyzylorda-news.kz/wp-content/uploads/2020/07/fb_img_1595147056891.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595147047949.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595147043559.jpg" alt="" />

Аралда  «Жұмыспен қамтудың жол картасы» бағдарламасы аясында 16 жоба іске асуда

Kyzylorda-news.kz. Білім және ғылым министрі Асхат Аймағамбетов аудандық білім бөлімдері, облыстық, қалалық білім басқармалары басшыларын тағайындау және жұмыстан босату ережелерін өзгерту керектігін мәлім етті.
<blockquote>
 «Министрлік пен білім басқармалары арасындағы өзара байланыста да бірқатар мәселелер бар екені жасырын емес. Бұл да – әкімшілік және ұйымдастырушылық бағыныстылықтың болмауының әсері. Білім және ғылым министрлігі тарапынан басқармалар қызметін әдістемелік үйлестіру жөніндегі «Білім туралы» Заңда көрсетілген құзырет – бұл мәселелерді шешуге мүмкіндік бермейтіні анық. Бұл ретте қолданыстағы ұйымдастырушылық және қаржы жүйесі бойынша министрліктің 20 мыңға жуық ұйымды тиімді басқаруы әзірше мүмкін емес екенін түсінуіміз керек», – деп жазды министр&nbsp;<a href="https://web.facebook.com/askhat.aimagambetov/posts/10216713721931685">Facebook</a>&nbsp;парақшасында.
</blockquote>
Министрдің хабарлауынша, бұл жағдай жан басына қаржыландыруды кезең-кезеңмен енгізіп, бухгалтерия, сатып алу және тағы басқа жұмысты цифрландырғаннан, білім беру ұйымдары жанындағы корпоративтік басқару органдарын кіріктіріп, басқа да шараларды қолданғаннан кейін ғана өзгереді.
<blockquote>
 «Әзірге бізге білім бөлімдерін облыстық басқармаларға беруді дұрыс ұйымдастыру, тиімді конфигурация мен олардың өзара іс-қимыл жүйесін ретке келтіру қажет. Біз облыстық басқармалар мен қалалық, аудандық білім бөлімдерінің басшыларын тағайындау барысында Білім және ғылым министрлігімен келісу бойынша нормаларды енгізуге бастама жасадық. Сондай-ақ лауазымды тұлғаларға қойылатын біліктілік талаптарын да қалыптастырамыз. Білім бөлімдері мен басқармаларының басшысы қызметіне білім саласында тәжірибесі бар және құзыреті жеткілікті адамдар тағайындалатындай етуіміз керек. Соңғы жылдары бұл лауазымдарға білім саласына қатысы жоқ адамдарды тағайындау фактілері жиі кездесті, оған жол бермеуіміз керек», – деді ол.
</blockquote>
Асхат Аймағамбетов өз жазбасында аудандық білім бөлімдері мен қалалық білім басқармалары басшыларын тағайындау және жұмыстан босату мәселелерінің БҒМ-мен келісілуі жөніндегі нормасы туралы сөз қозғады. Атап айтқанда бірыңғай біліктілік талаптарын қалыптастыру және қалалық білім басқармалары мен аудандық білім бөлімдерінің басшылығына тәжірибелі мамандарды тарту, директорларды тағайындау жүйесін өзгерту, оларды аттестаттау және ротациялау институтын енгізу, дербестендірілген және жан басына шаққандағы қаржыландыру жүйесіне ауыстыру, басқару жүйесін өзгерту және білім беру бөлімдерін мектептер мен балабақшаларымен қоса облыстық деңгейге беру жұмыстары жүргізілмек. Осылайша, жалпы жүйенің тиімділігін арттыруға болады

Асхат Аймағамбетов: &#8220;Білім беру саласын басқару жүйесі өзгереді&#8221;

<a href="https://kyzylorda-news.kz/">Kyzylorda-news.kz.</a> Қызылорда &nbsp;облысы әкімінің орынбасары Бақыт Жаханов жұмыс сапарымен Арал ауданында болды. Алдымен аудандағы эпидемиологиялық жағдаймен танысып, «А.Байтұрсынов» ауылдық емханасына барды. Емхана ғимаратының бір бөлігі алдағы уақытта ахуал күрделеніп, індетке шалдыққан тұрғындар саны көбейген жағдайда қосымша 100 орындық провизорлық стационар етіп ашуға бейімделуде.
Одан соң облыс әкімінің орынбасары провизорлық стационарда ем қабылдап жатқан науқастармен арнайы кездесіп, хал-жағдайларын біліп, тезірек сауығып шығуларын тіледі.
<img src="https://kyzylorda-news.kz/wp-content/uploads/2020/07/109580848_2713798298948539_5711779939806481621_o.jpg" alt="" />
Орталық жұмысымен танысқан соң дәрігерлерге індетпен күресті күшейту қажеттігін, дәрілік заттар жетіспеушілігін болдырмау, емделушілердің дұрыс тамақтануы сынды қажетті жағдайлардың жасалуы керек екендігін айтып өтті.
Атап өтейік, бүгінде ауданда қауіпті індетке шалдыққан 112 тұрғын нақтыланған болса оның 88-і жазылып шыққан , 16 адам жүйке аурулары диспансерінде емделіп жатса, 8 адам үй жағдайында ем қабылдауда. Ал плевмония бойынша провизорлық режимде 66 тұрғын ем алуда.
<img src="https://kyzylorda-news.kz/wp-content/uploads/2020/07/109627507_2713798402281862_8586940461869747565_o.jpg" alt="" />
Мұнан соң, Евро-фарм» , «Берік», «Қуаныш» медициналық орталығындағы дәріханаларда болып, дәрі-дәрмек қорының жасақталуын сұрады. Дәріханадағы фармацевт мамандар қазіргі таңдағы сұранысқа ие дәрі-дәрмектер мен антибиотиктер қолжетімді бағада сатылып жатқандығын, кезектіліктің азайғандығын мәлімдеді. Сондай-ақ, кейбір дәрі түрлеріне тапсырыс беріліп, жақын күндері жеткізілетінін айтты.
<img src="https://kyzylorda-news.kz/wp-content/uploads/2020/07/109685886_2713798218948547_1987655187648379230_o.jpg" alt="" />

Облыс әкімінің орынбасары Бақыт Жаханов Арал ауданында болды

<a href="https://kyzylorda-news.kz/">Kyzylorda-news.kz.</a> Коронавирус әсерінен медициналық маска тағып жүру «жаңа әдетке» енеді деген болжам бар. Әрине, бұған бәрі бірдей қуана бермейді. Себебі медициналық масканы ұзақ уақыт тағып жүру әсерінен бетте түрлі бөртпе пайда болуы мүмкін.
Медициналық масканың теріге әсері қандай?
Егер оны 1-2 сағат қана тағып жүрсеңіз ешқандай кері әсері болмайды. Бірақ ұзақ қорғаныс кезінде жанама әсерді байқауға болады. Ұлыбританиядағы Хаддерсфилд университетінің зерттеушілері солардың тізімін жасады.
Механикалық тітіркену
Медициналық маска бетке мықтап жабысып тұруы керек. Нәтижесінде бет терісі қажалады. Егер қорғаныс маскасы бірнеше сағат тағылса, қан айналымы бұзылады. Тері нашар қан айналымынан тітіркене бастайды.
Терлеу
Медициналық масканы ұзақ уақыт тағып жүрген адамның беті жиі терлейді. Жоғары ылғал микробтың өсуіне тамаша жағдай жасайды. Микробтар қажалған, жырылған бет терісінен қанға оңай өтіп кетеді. Бұл қабынуды тудырады.
Аллергиялық реакциялар
Бір реттік пайдаланатын медициналық маскалар гипоаллергенді материалдардан жасалған. Синтетикалық матадан жасалған медициналық маска аллергиялық реакция тудыруы мүмкін.
Егер сіз медициналық масканы әр түрлі химиялық тазартқышпен жусаңыз тері бөртпесі пайда болады.
Кейбір адам медициналық масканы химиялық қоспамен жуып, кейін қайтадан тағады. Бұл әдіс сізді коронавирустан толық қорғай алмайды, керісінше бет терісінде аллергиялық реакция тудырады.
Медициналық маска таққанда бет терісінде бөртпе пайда болмауы үшін не істеу керек?
Біріншіден, бетті жиі жуыңыз. Әсіресе, медициналық маска тақпас бұрын бетті тазалап жуған абзал. Тері неғұрлым таза болса, микробтың қабыну қаупі соғұрлым төмен болады.
Екіншіден, медициналық масканы үйге келіп шешкеннен кейін тер мен жиналған кірді кетіру үшін бетті қайтадан жуу керек. Жеңіл гипоаллергенді сабын, көбік немесе гель қолдануыңызға болады.
Үшіншіден, бетті жуғаннан кейін ылғалдандырғышты қолданыңыз. Жеңіл ылғалдандырғыш немесе гель тері бөрпесін азайтуға септігін тигізеді.
Төртіншіден, медициналық масканы киер алдында бетіңізге қорғаныс кремін жағыңыз. Британдық тері күтімі мамандарының айтуынша, ұзақ күнгі медициналық маска тағып жүруден жарты сағат бұрын қорғаныс кремін жағу керек.
Бесіншіден, безеуді емдеу өнімдері кез келген дәріханада бар. Сондай-ақ, бөртпені хлоргексидин сияқты алкогольсіз антисептикпен сүртуге болады. Бұл терінің инфекциямен тезірек күресуіне мүмкіндік береді.
Алтыншыдан, медициналық масканы үнемі ауыстырып тұрыңыз. Ең дұрысы, ол тыныс алу салдарынан ылғалданады (әдетте бұл 2-3 сағаттан кейін байқалады). Медициналық масканы жиі ауыстыру микробтың көбеюін тежейді.
Егер сіз бірнеше рет қолданылатын медициналық масканы қаласаңыз, дұрыс матаны таңдаңыз. Теріге зақым келтірмейтін материал келесідей болуы керек:
– Ауа өткізгіш. Ауа өткізгіш матадан бет аз терлейді;
– Жұмсақ. Бұл механикалық зақымдану қаупін азайтады;
Жетіншіден, медициналық масканы әр қолданғаннан кейін мұқият жуыңыз. Гипоаллергенді сабынды қолданып қайнаған суға шайыңыз. Кепкеннен кейін үтіктеу міндетті емес.
<a href="https://massaget.kz/layfstayl/Zdorove/62318/">Massaget</a>

Медициналық маска бөртпе туындатпас үшін не істеу керек?

<a href="https://kyzylorda-news.kz/">Kyzylorda-news.kz.</a> Қолға дұрыс жағылған, себілген антисептик қана коронавирусты өлтіре алады. Ал дұрыс жағылмаған жағдайда, оның пайдасы аз.
Спирт қосылған антисептик 30 секундта вирусты өлтіреді. Сондықтан оны сепкен кезде тез әрі дұрыс жағудың маңызы зор.
Мамандардың айтуынша, құрамында 80 пайыз этанол немесе 75 пайыз изопропил спирті бар антисептикті сатып алған жөн. Ал қолға сепкен кезде ең алдымен алақанға сеуіп, содан кейін саусақтың асты-үсті мен қолдың алды-артына жаққан дұрыс. Медиктердің айтуынша, спирт алғашқы 30 секундта өте уытты болады, сондықтан сол уақыт ішінде қолға, білектің асты мен үстіне, саусақтың ара-арасына жағып үлгеру керек.
Ал кір, май жұққан қолға себілген антисептиктен пайда азырақ. Антисептик пестицид, ауыр металл сынды химиялық заттарды ыдырата алмайды. Сондықтан қолды жуып барып, антисептик себеміз.&nbsp;
Ал дәрігерлердің бір ауыздан келетін нәрсесі – ол вирус пен микробтан сақтанудың оңай әрі тиімді жолы қол жуу екендігі. Қолды 20 секундт бойы сабындап жуу жеткілікті. Содан кейін шайып тастауға болады.
– Қолды таза ұстау – коронавируспен күресудің ең маңызды жолы – делінген хабарламада.
<a href="https://massaget.kz/layfstayl/Zdorove/62498/">Massaget</a>

Антисептикті дұрыс қолданудың амалы

<a href="https://kyzylorda-news.kz/">Kyzylorda-news.kz.</a> Облыстағы 16 құрылыс компаниясы мен Сыр бойынан шыққан азаматтың аударған қаржысынан барлығы 16 млн.теңгеден астам қаржы жиналып, 32 оттегі концентраты алынатын болып шешім қабылданды. Бұл туралы қоғам қайраткері, құрылысшы Қожахмет Баймаханов өзінің әлеуметтік желідегі парақшасында жазды.
Сонымен бірге, елімізде қалыптасқан эпидемиологиялық ахуал барысында азаматтар бір-біріне көмек қолын созып, жұмыла қайырымдылық шараларын жүргізуде. Қызылордалықтардың жасап жатқан қайырымдылық шаралары туралы қызылордалық кәсіпкер, белсенді еріктілердің бірі София Абдуразаковадан сұраған болатынбыз.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Қазір бізде барлығы ауруханаларға қажетті аппараттармен көмек көрсетуде. Оттегі балондарын толтырып беріп, редукторлар, ылғалдандырғыш құралдарын алып беріп жатыр. Біз көрсетіліп жатқан көмектің есебін жасап үлгермей жатырмыз. Әзірге қолда бар ақпарат бойынша мынаны айта аламын. Кәсіпкерлер, жалпы қайырымды азаматтар 2000 оттегі балондарын толтырып берді. Одан өзге Қызылорда қаласындағы мейрамхана иелері «Рахмет, дәрігер» қорын ұйымдастырып, провизорлық стационарларда жұмыс жасайтын медицина қызметкерлерін тегін аспен қамтамасыз етуде. Атап айтқанда, 12 шілдеден бері мыңға жуық медицина қызметкерлеріне түскі және кешкі ас ұйымдастырды», – дейді София Абдуразакова.
</blockquote>
Қоғам белсендісінің айтуынша, қайырымдылық шараларында кәсіпкерлер өздерінің аттары аталғанын қаламайды екен. Дегенмен, кейбір кәсіп иелерін атап өтті. Мәселен, «Уралогия және андрология орталығы» 400 мың теңге қаржы берген. Аталмыш ақшаның үстіне қаржы қосып оттегі конценраторы алынған. Одан өзге өздерінің аты аталғанын қаламаған меценаттар 3 оттегі аппаратын алып берген.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Мұнан өзге, кәсіпкерлердің, өзге де қаржысын ұсынған азаматтардың арқасында тағы да 3 оттегі аппаратын алдық. Сонымен барлығы 12 оттегі аппараты алынды. Тағы да тапсырыс беріп қойдық. &nbsp;Сонымен бірге, облыс кәсіпкерлері 3 правизорлық стационарды өздері шығаратын «Ағжан су», «Safia», «Аквалайн» ауыз суларымен тегін қамтамасыз етуде», – дейді кәсіпкер София Теңізбаева.
</blockquote>
Қызылордалық кәсіп иелері облыс орталығындағы ауруханалармен бірге ауылдық елді мекендердегі емханаларды да тегін дәрі-дәрмекпен қамтамасыз етуде. Мәселен, «Абай-Дәулет» ЖШС-і Қармақшы ауданындағы ІІІ Интернационал ауылындағы, Сырдария ауданындағы Бесарық және А. Тоқмағамбетов ауылдарындағы емханаларды дәрі-дәрмекпен, медициналық қамтамасыз етуге, Қызылорда қаласындағы ауруханаларды оттегі балондарымен толтырып беруге барлығы 3 млн.теңгеден астам қаржы бөлді. Мұнан өзге, ағайынды кәсіпкер Сәрсенбаевтар Қызылорда қаласы мен аудандардағы ауруханалардағы емделушілердің тамағына деп 6 бас малды құрбандыққа шалған. &nbsp;
Сырдария ауданына қажетті медициналық қажеттіліктер үшін үшін кәсіпкер Расул Есенов 1 млн. теңге, «Мағжан және К» ЖШС-і 1,1 млн.теңге қаржы аударған. «Абзал және К» ТС-і Нағи Ілиясов ауылының емханасын дәрі-дәрмекпен, «Мәді-Қажы» ЖШС төрағасы Сейіткамал Сұлтанов Шіркейлі ауылындағы істен шыққан жедел-жәрдем көлігін қайта жабдықтап, медицина қызметкерлерін тағы бір автокөлікпен қамтамасыз еткен.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Қазір қоғамдық өмірдің қай саласына болса да жеңіл болып тұрған жоқ. Бизнес өкілдері шаш-етектен шығынға батқанына қарамастан тұрғындарға көмек қолын созып жатыр. Соның бір айғағы, біздің өңірімізде соңғы айда «Абай-Дәулет» ЖШС, «Абзал және К» ТС, «Ақтөбе и К»ЖШС, «Шыңғыс ЛТД» ЖШС, «КВАНТ» ЖШС және өзге де аттары аталмаған әріптестеріміз сұраныс берген өңір тұрғындары мен медицина мекемелерін тегін дәрі-дәрмекпен, қажетті оттегі құралдарымен, оны таситын көлікпен, азық-түлікпен қамтамасыз етіп жатыр. «Қызылорда», «Бәйтерек» қонақүйлерінде медицина қызметкерлері тегін жатын орын мен тамақпен қамтамасыз етілуде. Кей кәсіпкерлеріміз аты-жөндерін атағанын қаламай, десе де қаржы аударып, өздері де ерікті болып қиын кезеңде халыққа демеу болуда. Бір ғана «Абзал және К» ТС-і өкпені жасанды желдету аппаратының (ИВЛ) 5-еуіне тапсырыс бергенін естіп тәнті болып отырмыз», – дейді Қызылорда облысы кәсіпкерлер палатасы директорының орынбасары Пірмұхаммед Сыздықов.
</blockquote>
&nbsp;&nbsp;Айта кету керек, «Менің Атамекенім» қоғамдық бірлестігі Ұлттық кәсіпкерлер палатасымен бірлесіп, қаражат, дәрі-дәрмек, сондай-ақ коронавирус індетіне қарсы күреске жұмылған медициналық мекемелерге қажетті жабдық алу мақсатында «Жаңалық жаршысы» республикалық акциясын іске қосты. &nbsp;«Жақсылық жаршысы» акциясының негізгі міндеті мұқтаж жандар, медициналық мекемелер, сондай-ақ көмектескісі келетін азаматтар арасындағы байланыстырушы көпір болу. Көмек беру үшін&nbsp;<a href="https://atamekenim.kz/ru/">atamekenim.kz</a>&nbsp;сайтына өту керек.
<img src="https://kyzylorda-news.kz/wp-content/uploads/2020/07/108343871_758012955002362_5903174127852609099_n.jpg" alt="" />
<img src="https://kyzylorda-news.kz/wp-content/uploads/2020/07/109338891_2621312894786137_6165342575153696233_o.jpg" alt="" />

Қызылордалық құрылысшылар ауруханаларды 32 оттегі концентратымен қамтамасыз етеді

Kyzylorda-news.kz. Қазақстандағы 18 шілде сағат 23:59-дағы эпидемиологиялық жағдайға сәйкес, коронавирус індетін жұқтырған адамдар саны 1636-ны құрады. Бұл туралы &nbsp;<a href="https://www.coronavirus2020.kz/kz/kazakstandagy-koronavirus-boyynsha-18-shilde-23-59-dagy-epidemiologiyalyk-zhagday_a3674245">www.coronavirus2020.kz/kz</a>&nbsp;сайты жариялады.
Оның ішінде&nbsp;728&nbsp;адам клиникалық белгілері жоқ тасымалдаушы тіркелді.
Өңірлер бойынша (жалпы/симптомсыз): 
Нұр-Сұлтан қаласы –&nbsp;258&nbsp;/ 90 
Алматы қаласы –&nbsp;220&nbsp;/ 63 
Шымкент қаласы –&nbsp;47&nbsp;/ 33 
Ақмола облысы –&nbsp;50&nbsp;/ 27 
Ақтөбе облысы –&nbsp;23&nbsp;/ 11 
Алматы облысы –&nbsp;78&nbsp;/ 52 
Атырау облысы –&nbsp;184&nbsp;/ 129 
Шығыс Қазақстан облысы –&nbsp;133&nbsp;/ 60 
Жамбыл облысы –&nbsp;121&nbsp;/ 43 
Батыс Қазақстан облысы –&nbsp;103&nbsp;/ 58 
Қарағанды облысы –&nbsp;118&nbsp;/ 41 
Қостанай облысы –&nbsp;55&nbsp;/ 31 
Қызылорда облысы –&nbsp;49&nbsp;/ 9 
Маңғыстау облысы –&nbsp;2&nbsp;/ 2 
Павлодар облысы –&nbsp;92&nbsp;/ 45 
Солтүстік Қазақстан облысы –&nbsp;63&nbsp;/ 15 
Түркістан облысы –&nbsp;40&nbsp;/ 19
Жалпы ел бойынша ауырғандар саны&nbsp;70339.

Қызылордада өткен тәулікте 49 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> 19 шілдеде республиканың басым бөлігінде атмосфералық ауа ағындарының әсерінен күн күркіреп, өткінші жаңбыр жауады. Тек оңтүстікте және солтүстік шығыста және еліміздің батысында күн ашық, деп хабарлайды Қазгидромет.
Қызылорда облысында таңертең және күндіз кей жерлерде шаңды дауыл мен жел 15-20 м/с күшейеді.
Батыс Қазақстан, Қызылорда, Ақтөбе облыстарында, Жамбыл облысының басым бөлігінде, Түркістан, Қарағанды облыстарының кей жерлерінде, Алматы облысының батысында жоғары өрт қаупі сақталады.

Қазақстан және Қызылорда облысының жаңалықтары

Бүгін аптап ыстық болады

20 шілде: Атаулы күндер мен оқиғалар

Жұлдыздар не дейді?

Облыс әкімі Гүлшара Әбдіқалықова Қызылорда қаласындағы бірқатар нысандарды аралады

Аралда «Жұмыспен қамтудың жол картасы» бағдарламасы аясында 16 жоба іске асуда

Асхат Аймағамбетов: “Білім беру саласын басқару жүйесі өзгереді”

Облыс әкімінің орынбасары Бақыт Жаханов Арал ауданында болды

Медициналық маска бөртпе туындатпас үшін не істеу керек?

Антисептикті дұрыс қолданудың амалы

Қызылордалық құрылысшылар ауруханаларды 32 оттегі концентратымен қамтамасыз етеді

Қызылордада өткен тәулікте 49 адам коронавирус жұқтырды

19 шілдеге арналған ауа райы болжамы

Қазақстан және Қызылорда облысының жаңалықтары

Бүгін аптап ыстық болады

20 шілде: Атаулы күндер мен оқиғалар

Жұлдыздар не дейді?

Облыс әкімі Гүлшара Әбдіқалықова Қызылорда қаласындағы бірқатар нысандарды аралады

Аралда «Жұмыспен қамтудың жол картасы» бағдарламасы аясында 16 жоба іске асуда

Асхат Аймағамбетов: &#8220;Білім беру саласын басқару жүйесі өзгереді&#8221;

Облыс әкімінің орынбасары Бақыт Жаханов Арал ауданында болды

Медициналық маска бөртпе туындатпас үшін не істеу керек?

Антисептикті дұрыс қолданудың амалы

Қызылордалық құрылысшылар ауруханаларды 32 оттегі концентратымен қамтамасыз етеді

Қызылордада өткен тәулікте 49 адам коронавирус жұқтырды

19 шілдеге арналған ауа райы болжамы

Асхат Аймағамбетов: “Білім беру саласын басқару жүйесі өзгереді”