Kyzylorda-news.kz. Қызылорда облыстық мәслихатындағы «Nur Otan» партиясы депутаттық фракциясы жаңа құрамының алғашқы отырысы өтті.
«Nur Otan» партиясы Қызылорда облыстық филиалының төрағасы, облыс әкімі Гүлшара Әбдіқалықованың төрағалығымен өткен фракция жиынында Қызылорда облыстық мәслихатындағы «Nur Otan» партиясы депутаттық фракциясының жетекшісі, Қызылорда облыстық мәслихатының хатшысы, сессия төрағасы, тұрақты комиссиялар төрағалары кандидатуралары ұсынылып, нақты шешімдер қабылданды. Сонымен қатар «Nur Otan» партиясы депутаттық фракциясы алдындағы негізгі міндеттер талқыланды.
Жиынды ашқан филиал төрағасы, облыс әкімі Гүлшара Әбдіқалықова жаңа құрамды депутаттық мандаттарымен құттықтап, халықтың сенім артқан партиясының атынан облыстық мәслихатта халықтың мүдделері үшін абыроймен қызмет атқаруға сенім білдірді.
Фракция мүшелерінің қолдауымен VІІ шақырылымдағы Қызылорда облыстық мәслихатындағы «Nur Otan» партиясы депутаттық фракциясының жетекшісі болып, облыстық партия филиалы төрағасының бірінші орынбасары Ләйлә Төрешова сайланды.
Облыстық мәслихаттағы «Nur Otan» партиясы депутаттық фракциясының құрамы 59,3%-ға жаңарды. Олардың орташа жасы -50, яғни 7 жылға жасарды. Депутаттардың 19-ы – праймериз жеңімпаздары, 8-і Саяси кеңес Бюросының квотасы бойынша бекітілген.
<img src="https://kyzylorda-news.kz/wp-content/uploads/2021/01/fb_img_1610633371010.jpg" alt="" />
<img src="https://kyzylorda-news.kz/wp-content/uploads/2021/01/fb_img_1610633360822.jpg" alt="" />

Қызылорда: Жаңа фракцияның алғашқы отырысы өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова өкілеттілігі аяқталған VI шақырылымдағы облыстық мәслихат депутаттарымен кездесті. Аймақ басшысы өңірдің әлеуметтік-экономикалық дамуына қажетті оң бастамаларды қабылдауда депутаттардың еңбегі жоғары екенін атап өтіп, жауапты қызметте бірлесе жұмыс атқарғаны үшін алғысын білдірді.
<blockquote>
 “Бір жылға жуық уақыт ішінде бірлесіп атқарған қызметтің барлығы көз алдымызда. Бұл уақыт өлшемі тұрғысынан тым қысқа көрінгенімен, барлығымыз үшін сынаққа толы кезең болды. Сіздермен өткен жылы конструктивті тұрғыда жұмыс жасадық, қордаланып қалған өзекті мәселелерді бірлесіп шеше алдық, ұсақ мәселелер де назардан тыс қалмады. Осы кезеңде облыс әкімдігінің барлық ұсынысы Сіздердің тараптарыңыздан қолдау тапты. Біз де өз тарапымыздан сайлаушылардың талап-тілегін орындауға барлық күш-жігерімізді жұмсадық. 
 Мәслихат қабырғасында аймағымыздың келешегі, жергілікті жерлердегі экономикалық жағдай мен халықтың әлеуметтік тұрмысын жақсарту бағытында да ұсыныстарыңызды білдірдіңіздер”,-деді облыс әкімі Гүлшара Әбдіқалықова.
</blockquote>
Жиын барысында облыс әкімі облыстық мәслихаттың VI шақырылымының депутаттық корпусы кәсіби тұрғыда азаматтармен толыққанын атап өтіп, азаматтық қоғамды ілгерілету бағытында еселі еңбек еткен халық қалаулыларын облыс әкімінің Алғыс хатымен марапаттады.
Жиында облыстық мәслихат хатшысы Қылышбай Бисенов және депутаттар Ибайдулла Құттықожаев пен Әнуар Дәуленбаев сөз алып, әріптестерінің жылдар ішіндегі жемісті жұмысын атап өтіп, өңір басшысына алғысын жеткізді.
Есепті кезеңде Қызылорда облыстық мәслихатында 51 сессия өтіп, 526 шешім қабылданды, жалпыға бірдей міндетті маңызы бар 114 шешімі әділет органында мемлекеттік тіркеуден өтті. Халық қалаулылары 5 жыл ішінде 1000-нан аса депутаттық сауал жолдаған.
Айта кету керек, 10 қаңтарда Қазақстан Республикасы Парламенті Мәжілісі мен мәслихат депутаттарын сайлау өткізілді. Саяси науқанға Қызылорда облысы сайлаушыларының 73,9 пайызы сайлауға қатысып, өздерінің ерікті таңдауларын жасады. Дауыс беру белсенділігінің нәтижесінде Қызылорда облысы республика бойынша екінші көрсеткішті иеленді.
<img src="https://kyzylorda-news.kz/wp-content/uploads/2021/01/138732792_3045088795594169_1565425910997109239_o.jpg" alt="" />
<img src="https://kyzylorda-news.kz/wp-content/uploads/2021/01/138589838_3045090015594047_4882097770790861561_o.jpg" alt="" />
<img src="https://kyzylorda-news.kz/wp-content/uploads/2021/01/138843953_3045090275594021_3077800371410776946_o.jpg" alt="" />

Гүлшара Әбдіқалықова өкілеттілігі аяқталған VI шақырылым депутаттарымен кездесті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы бойынша COVID-19 инфекциясының 3 463 дерегі есепке алынған. Облыс бойынша тіркелген деректердің басым бөлігі, 2 131 жағдай Қызылорда қаласының үлесінде.
Аудандар арасында: Жаңақорған ауданында – 374 жағдай, Шиелі ауданында – 291, Сырдария ауданында – 186, Қармақшы ауданында – 162, Жалағаш ауданында – 115, Арал ауданында – 107 жағдай, Қазалы ауданында – 96 жағдай есепке алынған.
COVID-19 барлық тіркелген жағдайлардың 57,7%-і скринингтік тексеру нәтижесінде анықталған, 39,9%-і қарым-қатынас арқылы жұқтырылған, 2,4%-і сырттан тасымалданған. Облыс көлемінде COVID-19-дың 2 150 ошағы анықталып, залалсыздандыру жұмыстары жүргізілген. Науқастармен қарым-қатынаста болған адамдардың барлығы 14 күнік медициналық бақылауға алынған.
2020 жылдың қыркүйек айынан бастап 26 оқушы COVID-19 ауруына шалдыққан. Оның ішінде 2 оқушы дәстүрлі форматта оқыса, қалған 24 оқушы қашықтан білім алады. Бүгінгі күні облыста дәстүрлі форматта оқитын мектептер саны-123, ал қашықтан оқытатын мектептер саны-178. Облыс бойынша жасақталған 2 598 кезекші топта 1-5 сыныптар бойынша 42 822 оқушы білім алса, 9-сыныпта 13 252 оқушы, 11-сыныпта 7 004 оқушы ІІІ тоқсаннан бастап сабақты аралас форматта оқи бастады.
2021 жылдың 1 қаңтарынан бері 24 мониторингтік топ 382 нысанға тексеру жүргізген, нәтижесінде 9 нысанның карантин талаптарын бұзғандығы анықталды. Оның ішінде, 6 нысан бекітілген шекті уақыттан асырып жұмыс істеген болса, 1 кафеде жанұялық топтық шара өткізілген және үй жағдайында мерекелік-көпшілік іс-шаралар ұйымдастырудың 2 жағдайы анықталды. Анықталған бұзушылықтар бойынша жалпы көлемі 652 830 теңгеге әкімшілік айыппұл салынды.
<a href="https://www.inform.kz/kz/kyzylorda-oblysynda-monitoringtik-toptar-zhyl-basynan-beri-382-nysanga-tekseru-zhurgizgen_a3741143">ҚазАқпарат</a>

Қызылордада мониторингтік топтар жыл басынан бері 382 нысанға тексеру жүргізген

&nbsp;<a href="https://kyzylorda-news.kz/">Kyzylorda-news.kz.</a>&nbsp; Елбасы Нұрсұлтан Назарбаев «Nur Otan» партиясы фракциясының отырысында Үкімет басшысының кандидатурасына қатысты пікір білдірді.
<blockquote>
 «Менің ойымша, сабақтастықты сақтау керек. Барлық қиындыққа қарамастан, Үкімет өз жұмысын жақсы атқарды. Басқа елдерге қарағанда біз жаман нәтиже көрсеткен жоқпыз. Егер Президент Асқар Ұзақбайұлы Маминді ұсынса, онда мен фракциядан оның кандидатурасын қолдауды сұраймын», – деді Нұрсұлтан Назарбаев.
</blockquote>
Сөз соңында Қазақстанның Тұңғыш Президенті депутаттарды тағы да өткен сайлаудағы сенімді жеңісімен құттықтап, фракция мүшелерінің жұмысына сәттілік тіледі.
<a href="https://lenta.inform.kz/kz/elbasy-prem-er-ministrdin-kandidaturasyna-katysty-pikir-bildirdi_a3741101">ҚазАқпарат</a>

Елбасы Премьер-Министрдің кандидатурасына қатысты пікір білдірді

<a href="https://kyzylorda-news.kz/">Kyzylorda-news.kz.</a> Орталық ҚР Қоғамдық даму министрлігінің қолдауымен үкіметтік емес ұйымдарға мемлекеттік гранттарды ұсыну конкурсын жариялайды.
Конкурс Қазақстан Республикасының «Қазақстан Республикасындағы үкіметтік емес ұйымдарға арналған Мемлекеттік әлеуметтік тапсырыс, грант және сыйлықақылар туралы» Заңына, ҚР Мәдениет және спорт министрінің 2015 жылғы 25 желтоқсандағы №413 бұйрығымен бекітілген Үкіметтік емес ұйымдарға арналған гранттар беру және олардың іске асырылуына мониторингті жүзеге асыру қағидаларына (бұдан әрі – Қағидалар) сәйкес азаматтық бастамаларды қолдап, әлеуметтік саланың дамуындағы өзекті проблемаларды шешуге азаматтық институттар әлеуетін тарту үшін ұйымдастырылады.
Мемлекеттік гранттарды алу конкурсына қауқарсыз деп танылған (банкрот), мүлкіқамауға алынып, қаржылық әрекеті тоқтатылған, тарау үдерісінде тұрған ҮЕҰ-дан өзге,&nbsp;гранттарды алу үшін өтінім жасаған, ҮЕҰ-дың мәліметтер базасында мәліметтері бар&nbsp;және конкурсқа қатысуға&nbsp;Қағидалармен бекітілген талаптарға сәйкес келетін өтінім ұсынған ҮЕҰ&nbsp;қатыса алады.
Оператор мынадай:
1) осы Қағидалардың 10-тармағында көрсетілген талаптарға өтінімнің сәйкес келмеуі анықталған;
2) өтінім бекітілген Жоспарға сәйкес келмеген;
3) Заңның 6-1-бабының 3-тармағына сәйкес Үкіметтік емес ұйымдардың дерекқорында өтінім беруші туралы мәліметтер болмаған және (немесе) уақытылы ұсынылмаған;
4) грант тақырыбының Жарғыға сәйкес өтінім беруші қызметінің мәніне, мақсаты мен түрлеріне сәйкес келмеген жағдайларда конкурсқа қатысуға қабылдаудан бас тартады және өтініш берушіге тиісті хабарламаны жолдайды.
Бекітілген Жоспармен көзделген гранттың бір немесе бірнеше тақырыбына сәйкес келесі негіздемелердің бірі бойынша:
1) грант тақырыбы бойынша конкурсқа қатысуға ұсынылған өтінімдердің болмауы;
2) грант тақырыбы бойынша конкурсқа қатысуға бір өтінімнің ұсынылуы;
3) егер грант тақырыбы бойынша конкурсқа қатысуға бір өтінім ғана жіберілсе;
4) егер грант тақырыбы бойынша конкурсқа қатысуға өтінімдердің бір де біреуі жіберілмесе;
5) егер грант тақырыбы бойынша конкурстық комиссияның бағалауына ұсынылған өтінімдердің бір де біреуі балдың ең жоғарғы қорытынды санынан 50 (елу) пайыздан жоғары балл алмаса, конкурс өткізілмеді деп танылады.
Өтінімдерді қабылдау мерзімі. Өтінімдер көрсетілген&nbsp;мекен-жайға&nbsp;және электрондық&nbsp;поштаға жолдау қажет.
Қағаз бетіндегі өтінімдер мен электронды тасымалдағыштағы қосымшасын мына пошта мекен-жайына жолдау керек: Нұр-Сұлтан қ., Мангілік Ел даңғылы, 30 «Astana Apartments» бизнес-орталығы, 2 қабат.
<h5 id="">Орталық қызметкерлері тұрақты түрде кеңес береді. Қосымша ақпарат пен түсініктеме алу үшін Орталықтың Жобаларды басқару департаментіне хабарласыңыз:</h5>
<ul>
<li>Ақмола облысы – Сариев Аслан 8&nbsp;701&nbsp;617 81 88</li>
<li>Ақтобе облысы – Сарбалина Асель 8&nbsp;701&nbsp;460 50 55</li>
<li>Алматы облысы – Мукатова Дана 8&nbsp;775&nbsp;100 96 30</li>
<li>Атырау облысы – Ергалиева Шұғыла 8&nbsp;778&nbsp;010 78 20</li>
<li>Шығыс Қазақстан облысы – Мухамеджанова Дана 8&nbsp;702&nbsp;481 62 26</li>
<li>Жамбыл облысы – Сариев Аслан 8&nbsp;701&nbsp;617 81 88</li>
<li>Батыс Қазақстан облысы – Сарбалина Асель 8&nbsp;701&nbsp;460 50 55</li>
<li>Қарағанды облысы – Сариев Аслан 8&nbsp;701&nbsp;617 81 88</li>
<li>Қостанай облысы – Мақсұтбек Қажымұқан 8&nbsp;708&nbsp;688 22 36</li>
<li>Қызылорда облысы – Сариев Аслан 8&nbsp;701&nbsp;617 81 88</li>
<li>Маңғыстау облысы – Ергалиева Шұғыла 8&nbsp;778&nbsp;010 78 20</li>
<li>Павлодар облысы – Сариев Аслан 8&nbsp;701&nbsp;617 81 88</li>
<li>Солтүстік Қазақстан облысы – Қолдасбаев Дархан 8&nbsp;775&nbsp;863 23 03</li>
<li>Түркістан облысы – Мақсұтбек Қажымұқан 8&nbsp;708&nbsp;688 22 36</li>
<li>Нұр-Сұлтан қаласы – Мукатова Дана 8&nbsp;775&nbsp;100 96 30</li>
<li>Алматы қаласы – Мухамеджанова Дана 8&nbsp;702&nbsp;481 62 26</li>
<li>Шымкент қаласы – Қолдасбаев Дархан 8&nbsp;775&nbsp;863 23 03</li>
</ul>
MS Word және PDF форматындағы (бір құжат ретінде) құжаттарды бірінші басшының қолы бар сканерленген өтініш нұсқасын grants@cisc.kz электрондық поштасына қосымша жіберуге болады.
Сұраныстар&nbsp;2021 жылдың&nbsp;20 қантары күні сағат 18.30-ге дейін қабылданады.
Орталық қызметкерлерінің сұраныстарды қабылдау уақыты: дүйсенбі мен жұма күндері аралығы Нұр-Сұлтан уақыты бойынша 9.00-ден 18.30-ға дейін (түскі үзіліс 13.00-ден 14.30-ға дейін).

Мемлекеттік емес ұйымдарға мемлекеттік гранттарды беруге арналған конкурс жарияланады

<a href="https://kyzylorda-news.kz/">Kyzylorda-news.kz.</a> Қызылорда облысы бойынша COVID-19 инфекциясының 3463 дерегі тіркелді. Тіркелген жағдайлардың 2,4 пайызы сырттан тасымалданған, 57,7 пайызы скринингтік тексеру нәтижесінде анықталған болса, 39,9%-ы қарым-қатынас арқылы жұқтырған.
Сондай-ақ, коронавирус инфекциясымен айлық нәрестеден бастап 99 жас аралығындағы азаматтардан анықталды. Оның ішінде, жоғарғы көрсеткіш 20 жастан 69 жас аралығында тіркелді. Дегенмен де 70-79 жас шамасындағы азаматтар арасында да байқалуда. Бұл туралы Өңірлік коммуникациялар қызметінің ақпараттық алаңында өткен брифингте облыстың Бас мемлекеттік санитариялық дәрігері Динара Жаңабергенова.
<blockquote>
 “Пандемия басталғалы облыс бойынша 2150 ошақ анықталып, барлығына қорытынды залалсыздандыру жұмыстары жүргізілді. Індетке қарсы профилактикалық шаралар ұйымдастырылды. Сондай-ақ, облыста вирустық этиологиядағы пневмония ауруының 310 жағдайы тіркелді. Оның ішінде, 7 жағдай қаңтар айында анықталды. Бұған қоса, бүгінге дейін 26 оқушы COVID-19 ауруына шалдықты. Бүгінде мектептер санитарлық талаптарды қатаң сақтауда,-деді Динара Олжабайқызы.
 “Қазіргі таңда, 79 жедел жәрдем бригадасы халыққа қызмет көрсетуде. Мұнан өзге, 40 дана санитарлық автокөлік алынды. Жеке қорғаныш заттарының 2 айлық қоры жасақталды. 210 инфекциялық төсек-орын бар. Медициналық ұйымдарға санитайзерлер орнатылды. Індетпен күресте, оны жою жолында Антымызға адал еңбек ете бермекпіз. Ал Сіздерді әлі де болсын сақтық шараларын қатаң сақтап, індетпен күресуге жұмыла атсалысуға шақырамын”, – деді облыстың бас дәрігері Сәбит Пазилов.
</blockquote>

Динара Жаңабергенова: Бүгінге дейін 26 оқушы COVID-19 ауруына шалдықты

<a href="https://kyzylorda-news.kz/">Kyzylorda-news.kz.</a>&nbsp; Қазақстанда облыс және қала әкімдерін іші көрініп тұратын кабинеттерге отырғызуы мүмкін. Бұл туралы сыбайлас жемқорлыққа қарсы іс-қимыл агенттігінің төрағасы Алик Шпекбаев айтты, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
<blockquote>
 “Бұның бәрі біртіндеп жасалады. Қазір ол жақта кейбір ғимараттар кеңестік заманда салынған. Оны қайта салып шығу мүмкін емес. Ал жаңа ғимаратта міндетті түрде болады”, – деді Шпекбаев журналистерге берген сұхбатында.
</blockquote>
Агенттік басшысы осы саладағы жұмыстың кезең-кезеңімен атқарылатынын жеткізді. Аудан әкімінен бастап барлық шенеунік ашық кабинетте отырады.
<blockquote>
 “Мысалы, қазір аудан әкімдері бірінші қабатта шынымен бөлінген кабинетте жұмыс істейді. Уақыт керек. Мен Алматы облысында болғанмын. Департамент басшылары да, аудан әкімдері де, ауыл әкімдері де солай. Біртіндеп жасалады. Бәрін бір күнде жасау мүмкін емес”, – деп атап өтті Шпекбаев.
</blockquote>
Оның айтуынша, барлық мемлекеттік органды трансформациядан өткізу жоспарланып отыр. Сонда олардың жұмысы ашық, ал халыққа қолжетімді болады.
<blockquote>
 “Біз осы жұмысты жалғастыра береміз. Қазірдің өзінде біраз шаруа атқарылды. Аудан әкімдерінің барлығы осы стандартқа ауысты деуге болады. 1 400 ұйым Open space форматында жұмыс істеді. Шамамен, 900 фронт-офис ашылды”, – дейді Шпекбаев.
</blockquote>
Айта кетейік, жақында агенттік басшысы өзінің Facebook парақшасында білім беру мен денсаулық сақтау мекемелеріне жетекшілік ететін 5 мыңнан астам басшының бірінші қабатқа көшіп, сол жердегі шыны кабинетке орналасқаны жайында жазды.

Облыс және қала әкімдері қабырғасы шыныдан жасалған кабинетке отырғызылады

<a href="https://kyzylorda-news.kz/">Kyzylorda-news.kz</a>. ҚР Еңбек және халықты әлеуметтік қорғау министрлігі Қызылорда-Құмкөл тас жолында орын алған ірі жол-көлік оқиғасының мән-жайларын тексеру үшін комиссия құрды.
Кеше Қызылорда-Құмкөл тас жолының 69 шақырымында «СНПС-Айдан Мұнай» АҚ-қа тиесілі «Mersedes-Benz sprinter» автокөлігі мен «СПМК» ЖШС-ға тиесілі «Toyota Hilux» автокөлігі соқтығысып, нәтижесінде оқиға орнында «СНПС-Айдан Мұнай» АҚ-ның 1 жұмыскері және «СПМК» ЖШС 2 жұмыскері қаза тапты.
Оқиға орнынан жедел жәрдем қызметі жоғарыда аталған компаниялардың зардап шеккен&nbsp;8 жұмысшысын қалалық ауруханаға жеткізді. Олардың ішінде ауруханаға барар жолда «СНПС-Айдан Мұнай» АҚ-ның 1 жұмысшысы қайтыс болды. Сондай-ақ «СПМК» ЖШС-нің 1 жұмысшысы ауруханада көз жұмды. Ал «Бастау-S» ЖШС-нің 1 жұмысшысы реанимация бөлімшесіне жатқызылды. «СНПС-Айдан Мұнай» АҚ-ның жұмысшысы амбулаториялық ем алу үшін үйіне жіберілсе, қалған 4 жұмысшы ауруханаға жатқызылды.
Бұған дейін хабарлағанымыздай, жол-көлік <a href="https://kyzylorda-news.kz/kogam/shamshidin-amitov-bul-koelikter-vahtalyq-awysym-maqsatynda-zholgha-shyqpaghan-95423/">оқиғасы</a> салдарынан 5 адам қаза тауып, 6 адам түрлі жарақат алды.
Топтық жазатайым оқиғаның мән-жайы мен себептерін тексеру үшін Еңбекмині Еңбек, әлеуметтік қорғау және көші-қон комитеті төрағасының өкімімен Қызылорда облысының бас мемлекеттік еңбек инспекторы Төреахмет Жолымбетовтың төрағалығымен арнайы комиссия құрылды.
Тексеру нәтижелері туралы қосымша хабарланатын болады.

Министрлік Қызылордада болған жол-көлік оқиғасын тергеу үшін комиссия құрды

<a href="https://kyzylorda-news.kz/">Kyzylorda-news.kz</a>. Денсаулық сақтау вице-министрі, бас мемлекеттік санитар дәрігер Ерлан Қиясов елдегі эпидемиологиялық жағдай жайлы айтып берді.
Соңғы айда коронавирустық инфекция бойынша эпидемиологиялық жағдайдың нашарлауы байқалып отыр. Қазақстан Республикасы «жасыл аймақтан» «сары аймаққа» ауысты. «Сары аймақтан» «қызыл аймаққа» екі облыс: Қостанай және Ақмола облыстары өтті. Қазір «сары аймақта» Алматы, Нұр-Сұлтан қалалары, Солтүстік Қазақстан, Павлодар, Атырау облыстары бар. Сондай-ақ қаңтар айында Батыс Қазақстан облысы «жасыл аймақтан» «сары аймаққа» көшті. Қалған өңірлер «жасыл аймақта». Соңғы айда Атырау облысында сырқаттанған адамдардың айтарлықтай өсімі байқалады. Онда 3,7 есе артты. Ал Алматы облысында 1,8 есе, Қарағанды облысында әрі Алматы қаласында 1,5 есе көбейді. Маңғыстау облысында 81-ден 315 жағдайға дейін, Түркістан облысында 102-ден 256 жағдайға дейін, Шымкентте 150-ден 195 жағдайға дейін, Қызылорда облысында 48-ден 135 жағдайға дейін өскені байқалады.
<blockquote>
 «Қалыптасқан эпидемиологиялық жағдайды ескере отырып, бүгінде халықтың жиналмауына, байланысты азайтуға бағытталған карантиндік шараларды күшейту қарастырылып отыр. Қазір шекараларда күшейтілген санитарлық-карантиндік бақылау жүргізіліп жатыр. 13 қаңтарға дейін мемлекеттік шекарада КВИ-ге оң нәтижемен 859 адам анықталды. Бүгінде 5 млн астам зерттеу жүргізілді. Күн сайын зертханаларда 40 мыңға дейін тест жасалады. Тәулігіне 100 мыңға жуық зерттеу жүргізе аламыз. Үшінші тоқсаннан бастап оқыту форматы өзгереді. Мектеп бітіретін&nbsp;<a href="https://qaz.dalainform.kz/bilim-ministrligi-ueshinshi-toqsangha-qatysty-taghy-bir-sheshim-qabyldady/">сыныптар</a>&nbsp;үшін оқу қарастырылған. Сондай-ақ колледждер мен жоғары оқу орындарының бірінші курс студенттеріне оқу жылының екінші семестрінен бастап штаттық оқуға рұқсат етілді. Бұл ретте маска тағу, кабинеттер арасында жүруге шектеу қою, санитайзерлер пайдалану сияқты барлық сақтық шарасын сақтау қажет», – деді Қиясов орталық коммуникациялар қызметіндегі брифинг барысында.
</blockquote>
Қаңтардың алғашқы онкүндігінде астана «сары» және «қызыл» аймақтардың шекарасында тұр. Жаңажылдық мерекелерден кейін инкубациялық кезең аяқталғандықтан коронавируспен ауыратын науқастар саны артып келеді. Бұл – санитарлық нормалардың бәрі бірдей сақталмағанының басты белгісі.
<a href="https://qaz.dalainform.kz/">DalaInform</a>.

Covid-19: Қызылордада 48-ден 135 жағдайға дейін өскен

<a href="https://kyzylorda-news.kz/">Kyzylorda-news.kz</a>. Қызылорда облысында қаңтар айының ауа райы болжамына сәйкес күн жылы болады.
Алайда, синоптиктер облыста қар аралас жауын жауатындығын, желдің күшейетіндігін айтып отыр. Көктайғақ болуы да мүмкін.
<blockquote>
 “Ауа райы болжамы консультативтік және синоптикалық жағдайдың өзгеруіне байланысты онкүндік, апталық, бір күндік, екі-үш күндік болжамдармен нақтыланып тұрады. Аймақта айдың екінші онкүндіктің аяғында күндіз – 5-8 градустан +5+8 °С-қа дейін, ал түнде -10-18 °С-тан -2 °С жоғарылайды”, – деді «Қазгидромет» РМК Қызылорда облысы бойынша филиал директоры Жұлдыз Қалымбетова.
</blockquote>

Қызылорда: Қаңтар айы жылы болады

<a href="https://kyzylorda-news.kz/">Kyzylorda-news.kz.</a> Кеше Қызылорда – Құмкөл автожолында жол-көлік оқиғасы орын алды. Автожолдың 69-шы шақырымында «Мерседес Бенц Спринтер» және «Тойота Хайлюкс» автокөліктері соқтығысқан.
Салдарынан екі көліктің де жүргізушісі және бір жолаушы оқиға орнында, екеуі медициналық мекемеде қайтыс болды. Ал қалған бес жолаушы ауруханада ем алуда.
<blockquote>
 “Төтенше жағдай департаментіне хабарлама түсе сала оқиға орнына бардық. Қыстырылып қалған адамдарды шығарып, медицина қызметкерлеріне тапсырдық. 6 құтқарушы, 1 техника жұмылдырылды”, – деді Облыстық ТЖД Жедел құтқару жасағының басшысы Бақыт Ембергенов.
 “Екі көлік қарама-қарсы соқтығысқан. Қос көліктің де жүргізушілері қайтыс болды. Жол тайғақ болмаған. Оқиғаның нақты себептері сараптамадан кейін анықталып, тиісті шешімдер қабылданатын болады, – деді ОПД бастығының бірінші орынбасары Шамшидин Амитов.
</blockquote>
Оқиғаға байланысты ҚР Қылмыстық кодексінің 345-бабының 4-бөлігі бойынша сотқа дейінгі тергеу басталды. Тиісті сараптамалар тағайындалды.
Айта кетейік, бұған дейін Қызылордада <a href="https://kyzylorda-news.kz/kogam/qyzylorda-oblysynda-zhol-apatynan-uesh-adam-koez-zhumdy-95329/">жол апатынан</a> 5 адам көз жұмғанын хабарлаған болатынбыз.
<img src="https://kyzylorda-news.kz/wp-content/uploads/2021/01/ttt.jpg" alt="" />

Шамшидин Амитов: Оқиғаның нақты себептері сараптамадан кейін анықталады

<a href="https://kyzylorda-news.kz/">Kyzylorda-news.kz</a>. Қызылорда қалалық пробация есебіндегі азамат кір сабын шығару кәсібін дөңгелетіп отыр.
Шағын цехта күніне 350-400 келі сабын шығарып, сауда орындарына апарып өткізуде. Кәсіпкер кір сабынның дайындалу жолын түсіндірді.&nbsp;
<blockquote>
 “Үлкен қазандыққа табиғи қоспаларды, оның ішінде май өнімдерін қосып араластырып, &nbsp;қайнатып, каучук содасын қосқан соң, сабын өзінің реакциясын береді. Қоймалжың затты аппаратқа салып, шығарып, 1-2 сағат көлемінде кептіреміз. Одан соң арнайы қалыптар арқылы сабын түрінде шығарамыз. Дайын сабынға қызып тұрған кезінде мөр басамыз”, – дейді кәсіпкер.
</blockquote>
Халықты жергілікті өніммен қамтамасыз етуді көздеген кәсіпкер сабынның атауын «Сыр сабыны» деп атаған. Ол бұл кәсіппен 1 жылдан бері айналысып келеді. Оның айтуынша, аймақта сабынға сұраныс көп. Кәсіпкер дайын өнімдерді қала аумағындағы сауда орындарына өткізеді. &nbsp;
<blockquote>
 «Алдағы уақытта кәсібімді одан әрі дамыту&nbsp;ойымда бар. Пробация қызметкерлері қайтарымсыз несие алып беру мен бизнесті дамыту жайында білімімді жетілдіру үшін құжаттарымды дайындап жатыр», – деді есептегі азамат.
</blockquote>
<img src="https://kyzylorda-news.kz/wp-content/uploads/2021/01/whatsapp-image-2021-01-14-at-11.00.29.jpeg" alt="" />

Қазақстан және Қызылорда облысының жаңалықтары