&nbsp;&nbsp;&nbsp; &nbsp;&nbsp;&nbsp;&nbsp;<a href="https://kyzylorda-news.kz/">Kyzylorda-news.kz</a>. Әйелдерге қатысты әр түрлі дискриминация түрлерін жою туралы &nbsp;&nbsp;конвенцияға сәйкес 25&nbsp; қарашада «Әйелдерге қатысты зорлық-зомбылықсыз 16 күн» акциясы басталады. Бұл туралы өңірлік коммуникациялар қызметінде өткен баспасөз мәслихатында белгілі болды.
Оған Қызылорда облысы Полиция департаментінің Әйелдерді зорлық-зомбылықтан қорғау тобының қызметкері полиция капитаны Светлана Баймағамбетова, «Қамқорлық» дағдарыс орталығының директоры Жандос Тұсмағамбетов қатысты.
&nbsp;Спикерлер акция барысында әйелдерге қатысты жасалатын зорлық-зомбылықты&nbsp;ескертуге, алдын алуға,&nbsp; ана мен баланы қорғауға,&nbsp; қоғамдағы отбасының рөлін күшейтуге бағытталатынын атап өтті.
&nbsp;Тұрмыстық зорлық-зомбылық әлеуметтік мәселеге айналып келеді. Оларға жан-жақты қолдау көрсету мақсатында барлық жағдай жасалған. Қазір төсек орнын санын 60-қа жеткіздік. Жыл басынан бері 300-ге адамға түрлі көмек көрсеттік. Оның 209-ы балалар, – деді «Қамқорлық» дағдарыс орталығының директоры Жандос Тұсмағамбетов.
Сонымен қатар акция кезінде халық арасында отбасылық-тұрмыстық қарым-қатынастар саласындағы ақпараттық-насихаттау жұмысы болып табылады.
Ұйымдастырушылық мәселелерін шешу үшін іс-шараға мүдделі мемлекеттік органдардың, үкіметтік емес ұйымдардың өкілдерін, жұртшылықты тарта отырып, сондай-ақ ҮЕҰ-ның өкілдері қатарынан жұмыс топтары&nbsp; құрылды.

Қызылордада «Әйелдерге қатысты зорлық-зомбылықсыз 16 күн» акциясы басталды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысында 73 елді мекеннің мемлекеттік органдарына интернет жылдамдығын арттыру үшін талшықты-оптикалық кабелі тартылды.
Сондай-ақ, 64 ауылдық әкімдік, 72-і білім беру мекемесі және 69 медициналық мекемесі байланыс желісіне қосылды. “Билайн” операторы Арал ауданындағы Тоқабай, Қызылжар және Қазалы ауданындағы Шәкен ауылдарына базалық станциясын іске қосты. Ал «Кселл» операторы Жаңақорған ауданының Қосүйеңкі ауылында, Арал ауданының Бекбауыл, Құмбазар ауылдарына орнатты. Бұған қоса, жыл соңына дейін қосымша 21 ауылда іске қосылады деп күтілуде. Яғни,16 елді мекенге базалық станция орнатылып, 5 елді мекенде жұмыс істеп тұрған станциялар қайта жаңғыртылатын болады.
<blockquote>
 “Провайдерлік компаниялардың өкілдері интернетті қамтамасыз етуге барынша күш салуда. Сондай-ақ, “Билайн”, “Кселл” компанияларымен қолда бар 2G радиорелейкаларын 3G және 4G-ге жаңғыртуға және бір оператордың қолданыстағы базалық станцияларын басқа екі компанияға қосу үшін жұмыс істеуде. Сонымен қатар, “bailanys bar” мобильді қосымшасы іске қосылды. Бұл қосымша арқылы әр тұрғын интернеттің жылдамдығын тексере алады”, -деді облыстық цифрлық технологиялар басқармасының басшысы Юлия Тремасова.
</blockquote>

Қызылордада &#8220;Bailanys bar&#8221; мобильді қосымшасы іске қосылды

<a href="https://kyzylorda-news.kz/">Kyzylorda-news.kz</a>. ҚМДБ «Зекет» қайырымдылық қорының бастамасымен бастау алған «Көшпелі керуен» қайырымдылық акциясы шиеліліктерге де жылулық сыйлады.
ҚМДБ-ның Қызылорда облысы бойынша өкілдігі, Шиелі аудандық орталық мешітінің ұйымдастыруымен аудандағы әлеуметтік жағдайы аз қамтылған 30 отбасыға азық-түлік қоржындары таратылып. Сонымен қатар 8 мұқтаж жанұяға 4 тонна көмір жеткізілсе, науқас сәбиге үміт сыйлау мақсатында дәрі-дәрмегін алуға 100000 тг көлемінде қаржылай көмек көрсетілді.
Ауданға жұмыс сапарымен барған облыстың Бас имамы Болатбек Ұласқанұлы игі шараға арнайы қатысты.
<img src="https://kyzylorda-news.kz/wp-content/uploads/2020/11/127243804_2090636134400025_1558377631986839755_o.jpg" alt="" />

&#8220;Қайырымдылық керуені&#8221; Шиеліде

<a href="https://kyzylorda-news.kz/">Kyzylorda-news.kz</a>. Қазақ даласында 335 мыңға жуық киік бар. Бұл көрсеткіш өткен жылы ғылыми ұйымдардың жүргізген санақ жұмыстары кезінде белгілі болды. Бұл туралы Қызылорда облыстық орман шаруашылығы және жануарлар дүниесі аумақтық инспекциясының бөлім басшысы Олжабек Холов «Киік» акциясына орай ұйымдастырылған брифингте мәлімдеді.
Республика көлемінде жүргізілетін бұл кең ауқымды шара желтоқсан айының 1-31 күндері аралығында өткізіледі. Осы уақытта инспекция мамандары сақтық шараларын күшейтіп, ақбөкендердің топтасуына жағдай туғызады.
<blockquote>
 «Жоспар бойынша қысқы іс-шаралар 1-31 желтоқсан аралығында жүргізілетін болады. Жылдың қараша-желтоқсан айлары киіктің текелері мен ешкілері топтасып, ұйығатын уақыт. Жылына бір рет мамыр айының екінші онкүндігінде жаппай төлдейді. Өткен жылдың қорытындысы бойынша Бетбақдала популяциясында – 111&nbsp;500 бас, Орал популяциясында – 217&nbsp;000 бас, Үстірт популяциясында 5900 бас, барлығы 334&nbsp;400 китік бар. Бұл көрсеткіш 2018 жылмен салыстырғанда 55 пайызға көбейген», – дейді бөлім басшысы Олжабек Холов.
</blockquote>
Қазіргі таңда киік пен броконьер сөзі қатар қолданылатыны белгілі. Уақытында киік жануарының саны күрт азаюына байланысты үкіметте қаулы дайындалып, киелі аңды аулауға 2020 жылға дейін тыйым салынған болатын. Биыл ақпан айында 2015 жылдың 24 шілдедегі бұйрығына өзгерістер енгізіліп, 2023 жылға дейін республиканың барлық аумағында ақбөкендерді аулауға рұқсат берілмейді. Алайда Қазақстанның Қызыл кітабына енген киелі жануарды барынша қорғағанымен, оны аулау, заңсыз атып алу заң бұзушылықтары тыйылар емес.
Бөлім басшысының айтуынша, ағымдағы жылдың 10 айында облыс көлемінде киік аңына қатысты 5 броконьерлік деректер анықталып, сотқа дейінгі тергеу амалдары жүргізілуде.
<blockquote>
 «Екі қылмыстық іс бойынша сот ісі аяқталып, қазіргі таңда 2 құқық бұзушының бірі 2 жарым, ал екіншісі 3 жылға бас бостандығынан айрылды. Бүгінгі күні 1 іс сотта қарлуда. Ал 2 іс бойынша сотқа дейінгі тергеу амалдары жүргізілуде. Мемлекетке келтірілген залалды есептеу ережесі күшейтілген тәртіпте өндірілетін болады. Мәселен, 1 бас ақбөкеннің серкесін аулағаны үшін 500 айлық есептік көрсеткіш, яғни, 6 млн 250 мың 500 теңге айыппұл төлейді. Сонымен қатар сотты болған азаматтан қылмыстық әрекеттер объектісі, қаруы, пайдаланылған көлік құралдары, қылмыс құралы болып табылатын мүліктер тәркіленетін болады», – дейді Олжабек Холов.
</blockquote>
Киелі жануарды қорғай жүріп, табиғат залал келтірген, ақбөкен аулаған броконьер инспекция қызметкері де бар. Биыл қаңтар айында полиция қызметкерлерімен бірлескен шарада облыстық орман шаруашылығы және жануарлар дүниесі аумақтық инспекциясының қызметкерлері киік атып, заңсыз тасымалдағаны үшін кінәлі деп табылып, 3 жылға бас бостандығынан айырылды.
Киік аңы қыс мезгілі түскен уақытта Қызылорда облысының аумағындағы Бетпақдала популяциясына шоғырланады. Ақбөкендердің оңтүстікке қарай ойысуымен қатар ұйығуы кезінде қызылордалық инспекция мамандарының да жүгі ауырлайтыны сөзсіз. Мамандардың айтуынша, киіктерді бақылауға барлық мүмкіндік жасалып, техникамен толық қамтамасыз етілген.
<blockquote>
 «Қазіргі таңда броконьерлікпен күресті тоқтатқанымыз жоқ. Жалпы, броконьерлермен жұмыс күндіз-түні тоқтамайды. Тәулігіне 24 сағат құзырлы орган қызметкерлерімен бірлесіп жұмыс жасалуда. Аңшылармен күрес жұмыстарына барлық жағдай жасалған. Қазіргі таңда МИ-8 және МИ-2 тікұшақтары, сондай-ақ «БПЛА» құрылғысымен де қамтамасыз етіліп, табиғатты қорғау жұмыстары жүргізіліп келеді», – дейді «Охотзоопром» ӨБ» РМҚК Қызылорда өңірлік филиалының директоры Берік Жорабеков.
</blockquote>
Айта кетейік, биыл сәуір айында ірі көлемде киік аулаған броконьерлер ұсталған болатын. Броконьерлер бір автокөлікке 54 бас киік аңын салып алған. Сонымен қатар тексеру барысында көліктен 224 дана киіктің мүйізі табылған. Осы қылмыстық іске қатысты 4 адам Қарағанды облысында қамауда отыр. Қазіргі таңда тергеу амалдары жүргізілуде.
Динара Маханова

Олжабек Холов: Киік саны 55 пайызға көбейді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қазалы ауданының әкімі Мұрат Ергешбаев Әйтеке би кенті мен Қазалы қаласы және ауылдық округ әкімдерін жеке қабылдады. Негізгі мәселе – аудандағы жасыл желек пен жасыл белдеулердің санын көбейтіп, экологиялық ахуалдың жақсаруына қол жеткізу.
Өздеріңізге белгілі, Мемлекет басшысы Қасым-Жомарт Тоқаев биылғы Қазақстан халқына Жолдауында «Бес жыл ішінде орман алқабында 2 миллиард, елді мекендерде 15 миллион ағаш отырғызылатын болады. Бұл еліміздегі көгалдандыру ауқымын кеңейтуге септігін тигізеді» деген болатын. Осыған орай ауданда ауқымды жұмыстар атқарылуы тиіс.
Қабылдауда Әйтеке би кенті мен Қазалы қаласы және ауылдық округ әкімдері аудан басшысына осы мәселеге байланысты өздерінің жоспарларымен таныстырып, егжей-тегжейлі баяндады.
<blockquote>
 «Қазалы ауданында Президент тапсырмасы тиянақты орындалуы тиіс. Ол үшін осы кезден бастап нақты жоспарларыңыз болып, қажетті қаржыларыңызды есептеулеріңіз керек. Жергілікті жердің топырағына дейін зерттеп, көктеп кететін көшеттерді отырғызу қажет. Бәрін-бәрін ескеріңіздер. Аяқ сумен қалай қамтамасыз етесіздер. Су айдайтын матор қажет па? Қажет болса ол қанша тұрады? Жер асты суы жоқ па? Болса не істеу керек? Мұның барлығы да маңызды. Өйткені біз еккен әрбір тал көктеп, жасыл желекке айналуы тиіс», – деді аудан әкімі Мұрат Нәлхожаұлы.
</blockquote>
Сондай-ақ, Әйтеке би кенті мен Қазалы қаласының әкімдеріне екі аралықта жолдың қос бетіне «Жасыл белдеу» қалыптастыру жөнінде тапсырма берді.

Мұрат Ергешбаев: Президент тапсырмасы тиянақты орындалуы тиіс

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қызылордалық кәсіпкер Сағи Сүйеніш «Қарапайым заттар экономикасы» бағдарламасы аясында 400 орындық студенттер жатақханасын салды. Бағдарлама шеңберінде алған несиесі 210 млн теңге.
Заман талабына сай бой көтерген студенттер үйінің әр бөлмесінде жеке санитарлық торап, жуынатын орын бар. Бір секцияда екі жатын бөлме орналасқан. Әрқайсысында 4 адамнан жататын болады. Одан бөлек арнайы ас дайындайтын бөлме де қарастырылып, газ пеші, тоңазытқыш, ас столы сияқты қажетті құралдармен жабдықталған. Жатақханада медициналық және ем қабылдау, теледидар көретін, кір жуатын, киім үтіктейтін бөлмелері де бар.
<blockquote>
 «Студенттер үйін салудағы негізгі мақсат – басқа қалалардан, аудандардан келетін студенттердің тұруына, әлеуметтік-тұрмыстық жағдай жасау. 2018 жылы Қызылордадағы Кәсіпкерлер палатасының кеңесімен осы жобаны бастап кеттім. Үлкен асханадан өзге әр қабатта студенттерге арналған шағын асханалар бар. Сондай-ақ, бос уақыттарын төменгі қабатта орналасқан спорт залында, жаттықтыру залында өткізе алады», – дейді кәсіпкер Сағи Сүйеніш.
</blockquote>
Одан бөлек, коворкинг орталығы, кітапхана, интернет орталығы, жұмыс жасап, жатақхана wi-fi-мен қамтамасыз етіледі.
<blockquote>
 «Студенттер үйі 5 қабатты ғимаратта орналасқан. 3 қабаты жатақхана мақсатында қолданылса, 2 қабаты коммерциялық мақсатта қолданылады. Аталмыш аумақта асхана, фитнес, жаттықтыру залдары, монша, шаштараз, офистерге арналған аудандар бар», – дейді кәсіпкер.
</blockquote>
Кәсіпкер жатақхана салғаны үшін шығындарының бір бөлігін мемлекеттік-жеке меншік әріптестік қағидаты аясында қайтара алады. Ол үшін 2019 жылы республикалық мемлекеттік-жеке меншік әріптестік орталығымен келісімге отырып та қойғанын жеткізді.
Айта кету керек, «Қарапайым заттар экономикасы» бағдарламасы бойынша облыста жалпы сомасы 16,5 млрд.теңгені құрайтын 160 жоба бар. Оның ішінде: 110 жоба (9,0 млрд.теңге) – банктермен және Аграрлық несие корпорациясымен мақұлданды. 10 жоба (5,6 млрд.теңге) – қаржы институттарының қарауында. Қалған жобалар бойынша құжаттар жинақталуда.

Қызылордалық кәсіпкер 400 орындық жатақхана салды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> ҚР Үкіметінің&nbsp;қаулысына&nbsp;сәйкес 2020 жылғы «Дарын» мемлекеттік жастар сыйлығының иегерлері анықталды, деп хабарлайды <a href="https://lenta.inform.kz/kz/daryn-syylygynyn-biylgy-iegerleri-anyktaldy_a3722437">ҚазАқпарат</a>.
Аталған сыйлық жемісті ғылыми, шығармашылық, қоғамдық қызметі мен жоғары спорттық жетістіктері үшін беріледі.
«Эстрада» номинациясы бойынша сыйлық Т.Қ. Жүргенов атындағы Қазақ ұлттық өнер академиясының студенттері Дәрия Оңалғазықызы Болсанбек және Бексұлтан Талғатұлы Кенішқалиевке берілді.
«Классикалық музыка» аталымында Қазақ ұлттық өнер университетінің оқытушысы Қалқаман Бағдатұлы Дүйсембаев және аталған университет студенті Жібек Қанатқызы Мүсірғалиева үздік деп танылды.
«Халық шығармашылығы» номинациясы бойынша ҚР Мәдениет және спорт министрлігінің «Қазақконцерт» мемлекеттік концерттік ұйымы» РМК солисі Мұқият Асқар және Қызылорда облыстық филармониясы КМК әртісі Күнсұлу Түрікпенқызы Түрікпен марапатталды.
«Әдебиет» номинациясы бойынша «Әдебиет порталы» интернет жобасының қызметкері Арман Манарбекұлы Шеризатов озып шықты.
«Театр және кино» номинациясы бойынша Қ. Қуанышбаев атындағы Мемлекеттік академиялық қазақ музыкалық драма театрының актері Әбілмансұр Әбдінасырұлы Серіков және Хадиша Бөкеева атындағы облыстық қазақ драма театрының актері Жасқайрат Сәбитұлы Валиуллиев жеңімпаз атанды.
«Спорт» аталымында ҚР Ұлттық Олимпиада комитетінің фристайл бойынша нұсқаушы-спортшысы Юлия Евгеньевна Галышева және жеңіл атлетика және пауэрлифтинг бойынша паралимпиадалық спортшы, «TSG contruction» ЖШС өндірістік-техникалық бөлімі инженерінің көмекшісі Жігер Мәлікұлы Кенжеғалиев жүлде алды.
«Дизайн және бейнелеу өнері» номинациясы бойынша зергер, Қазақстан қолөнершілер одағының мүшесі Ардақ Отанғалиұлы Әбішев және «Zeken Moda» ЖШС бас дизайнері Ақбота Жолдасбекқызы Тоқтасынова марапатталды.
«Журналистика» номинациясы бойынша «Хабар» агенттігі« АҚ «Хабар 24« телеарнасының журналисі Рауан Ерұзақұлы Мыңбаев және «Қазақстан« республикалық телерадиокорпорациясы» АҚ Маңғыстау облыстық филиалының жетекші редакторы Әсем Бақытқызы Сартбаева топ жарды.
«Қоғамдық қызмет» номинациясы бойынша Қазақстан халқы Ассамблеясы «»Жаңғыру жолы» республикалық жастар қозғалысының төрағасы Споткай Максим Александрович және «Қазақстан жастарының конгресі» қауымдастығы ЗТБ атқарушы директоры Тоқтар Коммунарұлы Болысов марапат алды.
«Ғылым» номинациясы жүлдесін ҚР Білім және ғылым министрлігі «М.Ә. Айтқожин атындағы Молекулярлық биология және биохимия институты» ШЖҚ РМК ғылыми қызметкері Жүсіпбек Еркінұлы Мұқатаев және «Назарбаев Университеті» дербес білім беру ұйымының докторанты Әсем Нұржанқызы Әшімова иеленді.

Қызылордалық Күнсұлу Түрікпен «Дарын» сыйлығының иегері

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Елбасы, Партия Төрағасы Нұрсұлтан Әбішұлының партия жұмысын жандандыруға арналған “Сенім. Диалог. Болашаққа нық қадам – “Nur Otan” партиясының 7 серпіні” атты бағдарламасында қоғамның партияға сенімін арттыру, ақпараттық-идеологиялық жұмыстарды күшейту және әлеуметтік желілердің мүмкіншілігін барынша пайдаланып, ашық форматтағы жұмыстарды жандандыру мәселесі қамтылған.
Елбасы, Партия Төрағасының тапсырмаларын өңірде жүйелі жүзеге асыру мақсатында “Nur Otan” партиясы ҚОФ төрағасының бірінші орынбасары Ләйлә Төрешова жас әлеуметтік желі белсенділерімен кездесті.
Кездесу барысында филиал төрағасының бірінші орынбасары қазіргі уақытта желі әдебі, фейк ақпаратты анықтау тәсілдері, төтенше жағдайда және басқада оқиғалар кезінде ақпараттарды таратудағы медиасауыттылық тұрғысында мәселермен көп кездесеміз. Осы тұста жас әлеуметтік желі белсенділерінің сауатты болуын алға тартып, халықты алаңдататын мәселелерді ашық көтеруге шақырды. Сондай-ақ олардың ұсыныс пікірлерін тыңдады.
Өз сөзінде белгілі журналист, әлеуметтік желі белсендісі Гүлбану Мақажан ақпарат таратуда әліге дейін қарапайымдылық жетіспей жатқандығын айтып, әріптестерін барынша бұқараға түсінікті жазуды ұсынды.
Жалпы кездесу барысында жастар ұсыныстарының барлығы назарға алынды.
<img src="https://kyzylorda-news.kz/wp-content/uploads/2020/11/126846660_1047373565675153_4825630560815693708_o.jpg" alt="" />
<img src="https://kyzylorda-news.kz/wp-content/uploads/2020/11/126205686_1047373572341819_2677079510285235773_o.jpg" alt="" />

Ләйлә Төрешова жас әлеуметтік желі белсенділерімен кездесті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Сыр елінен күзгі мерзімде 800-ге жуық азамат әскерге аттанады. Бүгінде 450 жас әскер қатарына қосылды.
Жас сарбаздар әскери борышын ҚР Ұлттық ұлан қызметінде, ҚР Қарулы күштері қатарында, шекара қызметінде өтейтін болады. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы ҚІЖД мерзімді әскерге шақыру бөлімінің бастығы Нұржан Мелдебеков мәлімдеді.
<blockquote>
 “Барлық аудандық, қалалық шақыру және облыстық жиын пунктінде санитарлық посттар қойылды. Барлығында медициналық маман отырады. Әскерге шақырылушылар санитарлық нормаға сәйкес тексеріліп, медициналық комиссиядан өтеді. Азаматтарды әскерге жөнелту санитарлық шараларды сақтай отырып жүргізілуде. Айта кетейін, күзгі шақыру үстіміздегі жылдың 9-шы қыркүйекте басталды. Желтоқсан айының аяғына дейін жалғасады”, – деді майор Нұржан Беркімбайұлы.
</blockquote>
Биыл өңірде әскери міндетті атқару шеңберінде жергілікті бюджеттен 200 миллион теңге көлемінде қаражат бөлінді. Аталған қаражат дәрігер мамандардың еңбекақысына, әскерге шақырылушыларды тасымалдауға, облыстық және қала, аудандық шақыру пункттерін күтіп-ұстауға, сондай-ақ, жетіспейтін медициналық материалдық-техникалық құралдар мен шығыс материалдарын сатып алуға және үш мезгіл ыстық тамақпен қамтуға жұмсалуда.

Қызылордадан 450-ге жуық азамат әскерге аттанады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қазақстан Республикасы Орталық сайлау комиссиясы сайлаушыларға үндеу жолдады, деп хабарлайды <a href="https://www.inform.kz/kz/kukyktyk-sauatynyzdy-tanytyp-saylau-kukygyn-paydalanynyz-osk_a3722268">ҚазАқпарат</a>.
Еске сала кетейік, 2021 жылғы 10 қаңтарда Қазақстан Республикасы Парламенті Мәжілісінің және мәслихат депутаттарының кезекті сайлауы өтеді.
<blockquote>
 «Егер сіз дауыс беру күнінде 18 жасқа толған және белсенді сайлау құқығына ие Қазақстан Республикасының азаматы болсаңыз, Қазақстан Республикасы Парламенті Мәжілісінің және мәслихат депутаттарын сайлауға құқығыңыз бар. Сіздің сайлаушылар тізімінде болуыңыз – сайлауға қатысуға конституциялық құқығыңыздың іске асырылуының кепілі. Сайлаушылар тізімін жергілікті атқарушы органдар жасайды. Сіздің нақты сайлау учаскесінің аумағындағы тұрғылықты жеріңіз бойынша тіркелуіңіз сізді сайлаушылар тізіміне енгізуге негіз болып табылады. Сайлау учаскелерінің шекарасы жергілікті бұқаралық ақпарат құралдарында 2020 жылғы 5 қарашадан кешіктірілмей жарияланады» делінген ОСК үндеуінде.
</blockquote>
Орталық сайлау комиссиясының мәліметіне сенсек, әр сайлаушы сайлау тағайындалған кезден бастап тиісті жергілікті атқарушы органда сайлаушы ретінде тіркелуге құқылы.
<blockquote>
 «Сізге 2020 жылғы 10 желтоқсанға дейін сайлау күні тіркелген жеріңіз бойынша дауыс беруге арналған үй-жайға келу мүмкіндігіңіз болмайтыны белгілі болса, баратын жеріңіздегі әкімдікке сайлаушылардың тиісті тізіміне қосу туралы жазбаша өтінішпен жүгінуге құқылысыз. Егер сіз тұрақты тіркелген жеріңізден тыс елді мекенде болсаңыз және тұрғылықты жеріңіз бойынша уақытша тіркелген болсаңыз, 2020 жылғы 10 желтоқсаннан кешіктірмей, сайлау күні өзіңіз дауыс беретін сайлау учаскесінің сайлаушылар тізіміне енгізу туралы жазбаша өтінішпен уақытша болатын жердегі әкімдікке жүгінуге құқылысыз» дейді комиссия.
</blockquote>
Сондай-ақ, орталық сайлау комиссиясы әр сайлаушыны құқықтық сауаттылық танытып, сайлау құқығын пайдалануға шақырады.
<blockquote>
 «Өзіңізді сайлаушылар тізіміне енгізу бойынша заңды маңызды әрекеттерді уақтылы қабылдауыңыз қажет. 2020 жылғы 26 желтоқсаннан бастап сізге өз сайлау учаскеңіздегі сайлаушылар тізімінен өзіңіз туралы деректерді тексеру мүмкіндігі беріледі» деп түйіндейді үндеуін орталық сайлау комиссиясы.
</blockquote>
<img src="https://kyzylorda-news.kz/wp-content/uploads/2020/11/2011241213069664g.jpg" alt="" />

Орталық сайлау комиссиясы: Құқықтық сауатыңызды танытып, сайлау құқығын пайдаланыңыз

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қазақстандықтар зейнетақы жинағының бір бөлігін мерзімінен бұрын алған кезде, 10% табыс салығын бөліп төлейді. Парламент тиісті заңды қабылдады, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Мәжіліс Салық кодексіне сенат енгізген түзетулерді мақұлдады. Оған сәйкес, 2021 жылдан бастап зейнетақы жинағын мерзімінен бұрын алатын азаматтарға 10% табыс салығын төлеу мерзімін кейінге қалдыру құқығы беріледі.&nbsp;
Бұған дейін сенат табыс салығын зейнетке шыққан соң, 16 жыл ішінде бөліп төлеуге мүмкіндік беру қажет екенін айтқан еді.&nbsp;
<blockquote>
 “Сенат енгізген түзетулер мәжіліс мақұлдаған заң жобасының тұжырымдамасын өзгертпейді”, – деді депутат Сергей Симонов.
</blockquote>
Осыған байланысты мәжіліс сенат енгізген өзгерістер мен толықтыруларды мақұлдады.&nbsp;
Келесі жылдан бастап зейнетақы жинағын баспана сатып алу, емделу, қаржы компанияларына басқаруға беру үшін пайдалануға рұқсат етіледі.&nbsp;
Ақша адамның жеке шотына аударылмайды және қолма-қол берілмейді.
Еңбек және халықты әлеуметтік қорғау министрлігінің мәліметінше, зейнетақы жинағының бір бөлігін жұмсау мүмкіндігіне 721 мың азамат ие болады.
Олар:&nbsp;
<ul>
<li>зейнетақы жинағы бар, қордағы ақшасы “жеткіліктілік шегінен” асатын еңбекке жарамды жастағы азаматтар – 529,7 мың адам;</li>
<li>Бірыңғай жинақтаушы зейнетақы қорында жинағы бар зейнеткерлер – 178,4 мың адам;</li>
<li>зейнетақы аннуитетін рәсімдеген және шотында жинағы қалған қазақстандықтар – 13,3 мың адам.</li>
</ul>
Сонымен қатар әртүрлі жастағы азаматтар зейнетақы жинағынан ақша алуы үшін жасына қарай шотта болуы керек соманың жеткіліктілік шегі бар.
Мысалы, 20 жастағы азаматтың шотында ең кемі 1 миллион 720 мың теңге болуы керек. Ал 30 жастағы азамат үшін жеткіліктілік шегі – 2 миллион 518 мың теңге.

Зейнетақы жинағын алу: қазақстандықтар 10%-тік салықты қалай төлейді?

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылордада 27 жастағы ер адам көршісінің сенімін пайдаланып, депозиттік шоттан 304 000 теңгені өзінің банктік шотына аударған. Көршісі оның депозиттік шотын “Homebank” қосымшасы арқылы тексеруді сұраған, ал ол болса ақшаны өз шотына аударып алған.
Бір айдан кейін жәбірленуші шотта ақшаның жоқтығын байқап, арызбен Қызылорда қаласының полиция басқармасына жүгінді.
<blockquote>
 «Күдікті полиция қызметкерлерімен ұсталып, өз кінәсін толық мойындады. Аталған факті бойынша Қазақстан Республикасы Қылмыстық кодексінің 190-бабының 2-бөлігі (Алаяқтық) бойынша сотқа дейінгі тергеу амалдары жүргізілуде», – делінген полиция департаментінің баспасөз хабарламасында.
</blockquote>

Қазақстан және Қызылорда облысының жаңалықтары

Қызылордада «Әйелдерге қатысты зорлық-зомбылықсыз 16 күн» акциясы басталды

Қызылордада “Bailanys bar” мобильді қосымшасы іске қосылды

“Қайырымдылық керуені” Шиеліде

Олжабек Холов: Киік саны 55 пайызға көбейді

Мұрат Ергешбаев: Президент тапсырмасы тиянақты орындалуы тиіс

Қызылордалық кәсіпкер 400 орындық жатақхана салды

Қызылордалық Күнсұлу Түрікпен «Дарын» сыйлығының иегері

Ләйлә Төрешова жас әлеуметтік желі белсенділерімен кездесті

Қызылордадан 450-ге жуық азамат әскерге аттанады

Орталық сайлау комиссиясы: Құқықтық сауатыңызды танытып, сайлау құқығын пайдаланыңыз

Зейнетақы жинағын алу: қазақстандықтар 10%-тік салықты қалай төлейді?

Қызылордада көршісінің банк карточкасынан ақша ұрлаған алаяқ ұсталды

Қазақстан және Қызылорда облысының жаңалықтары

Қызылордада «Әйелдерге қатысты зорлық-зомбылықсыз 16 күн» акциясы басталды

Қызылордада &#8220;Bailanys bar&#8221; мобильді қосымшасы іске қосылды

&#8220;Қайырымдылық керуені&#8221; Шиеліде

Олжабек Холов: Киік саны 55 пайызға көбейді

Мұрат Ергешбаев: Президент тапсырмасы тиянақты орындалуы тиіс

Қызылордалық кәсіпкер 400 орындық жатақхана салды

Қызылордалық Күнсұлу Түрікпен «Дарын» сыйлығының иегері

Ләйлә Төрешова жас әлеуметтік желі белсенділерімен кездесті

Қызылордадан 450-ге жуық азамат әскерге аттанады

Орталық сайлау комиссиясы: Құқықтық сауатыңызды танытып, сайлау құқығын пайдаланыңыз

Зейнетақы жинағын алу: қазақстандықтар 10%-тік салықты қалай төлейді?

Қызылордада көршісінің банк карточкасынан ақша ұрлаған алаяқ ұсталды

Қызылордада “Bailanys bar” мобильді қосымшасы іске қосылды

“Қайырымдылық керуені” Шиеліде