<a href="https://kyzylorda-news.kz/">Kyzylorda-news.kz.</a> Польшада омикрон штамының жаңа екі түрі анықталды. Бұл туралы денсаулық сақтау министрінің орынбасары хабарлады. Оның айтуынша, әзірге вирустың жаңа түрлері қаншалықты қауіпті екені және адамға қалай әсер ететіні белгісіз.
Айта кетейік, бүгінде Польшадағы ковид жұқтыру деректерінің 96 проценті омикронмен байланысты. Осы уақытқа дейін елде 5 жарым миллиондай азамат қауіпті инфекцияға шалдыққан. 104 мың кісі бақилық болған.
<a href="https://24.kz/kz/zha-aly-tar/lemde/item/527874-omikronny-zha-a-t-rleri-any-taldy">Хабар 24</a>

Омикронның жаңа түрлері анықталды

<a href="https://kyzylorda-news.kz/">Kyzylorda-news.kz.</a> Ақпараттың сәт-сайын жаңарып отыратын кезеңінде жылдам хабар тарату өте маңызды. Көрерменмен тікелей байланыс орнатып, жаңалықтар легін қалыптастыруда телеарналардың орны ерекше. Әсіресе, қасіретті қаңтар оқиғасы кезеңінде ақпарат ағымын екі есеге күшейткен «QYZYLORDA» және «QOGAM» телеарналары аймақ тұрғындарына нақты ақпарат таратты. Бүгін облыс әкімі Гүлшара Әбдіқалықова қос телеарнаға барып, редакцияның шығармашылық ұжымымен кездесті.
Алдымен өңір басшысы «QYZYLORDA» арнасының материалдық-техникалық базасымен танысты. Жаңалықтар қызметінің ақпараттық-студиялық блогы, виртуалды студия мен түсіру повильонының жұмысын саралады. 
Телеарна директоры Жағыппар Қарабала ақпараттық саясатты қалыптастыру ісіндегі телеарнаның үлесі мен журналистер арасындағы сабақтастықты ерекше атап өтті. Сонымен бірге облыс әкімі телевизия саласының ардагерлері, журналистер және эфир тізгіншілерімен пікірлесіп, ақпараттық контентті әрі қарай ілгерілету жолдарын сөз етті.
Телестудия алаңына келген Гүлшара Әбдіқалықова жаңа форматтағы «11 студия» бағдарламасының қонағы болып, Сыр халқын алаңдатқан сұрақтарға жауап берді. Сұхбатта “қасіретті қаңтар” оқиғасы, егінге дайындық барысы, Сырдария суының жағдайы мен өңірдің әлеуметтік-экономикалық дамуы, инвестициялық жобалар мен кәсіпкерлік мәселелері қозғалды.
Мұнан кейін аймақ басшысы «QOGAM» телеарнасына барып, ұжыммен кездесіп, арна жұмысымен танысты. 
Жаппай тәртіпсіздік кезінде облыстық сот ғимаратында орын алған өрт телеарнаға да залалын келтіріп, бірнеше кабинеттер мен шағын студияны да от шарпыған. Қазір телеарна жұмысын қайта қалыпқа келтіріп, хабар таратуды жалғастыруда.
Телеарна құрылтайшысы Шәкизада Әбдікәрімов телеарнаны сандық хабар тарату форматына көшіру мәселелері мен арна арқылы жас журналистердің тәжірибесін толықтыру сынды ойын ортаға салды.
Облыс әкімі телередакция ұжымына шығармашылық табыс тілеп, мемлекеттік саясатты ақпараттандыру, өңірдегі өркенді істерді тұрғындарға жеткізу ісінде табандылық танытып жүрген БАҚ өкілдеріне шынайы алғысын жеткізді.
<img src="https://kyzylorda-news.kz/wp-content/uploads/2022/02/274027344_243804457940806_5050222974567375294_n.jpg" alt="" />
<img src="https://kyzylorda-news.kz/wp-content/uploads/2022/02/273945210_243804534607465_8956943236507165963_n.jpg" alt="" />
<img src="https://kyzylorda-news.kz/wp-content/uploads/2022/02/274072244_243804504607468_1358536931197714390_n.jpg" alt="" />

Облыс әкімі «Qyzylorda» және «Qogam» телереарналарына барып, журналистермен пікірлесті

<a href="https://kyzylorda-news.kz/">Kyzylorda-news.kz.</a> Мемлекет басшысының «Халық үніне құлақ асатын мемлекет» тұжырымдамасын іске асыру мақсатында Мемлекеттік қызмет істері агенттігінің Қызылорда облысы бойынша департаменті биылғы жылы да «Басшылар байланыста» жобасын жалғастыруда.
Жобаның мақсаты – көпшілік орындарда (қызмет көрсету орталықтары, денсаулық, білім, әлеуметтік қамсыздандыру мекемелері, сауда үйлері және т.б.) мемлекеттік органдардың бірінші басшыларының азаматтарды қабылдап, өтініш-шағымдарын алу және қажетті кеңес беруін ұйымдастыру. Қабылдау барысында көрсетілетін мемлекеттік қызметтер бойынша тұрғындарға тиісті консультациялық көмектер беріліп, қызмет алушылардың мәселелерін оңтайлы шешу жолдары қарастырылады.
Осы ретте, 2022 жылғы 16 ақпан сағат 10:00-12:00 аралығында, Қорқыт ата көшесі, 73, №6 қалалық емхана ғимаратында «Басшылар байланыста» жобасының алғашқы «Азаматтарды қабылдау күні» шарасы өтеді.
Қабылдау департамент басшысының міндетін атқарушы Берікбол Байхожаевтың және облыстық денсаулық сақтау басқармасының басшысы Сәбит Пазыловтың қатысуымен өткізіледі.

«Басшылар байланыста» жобасының алғашқы қабылдауы өтеді

<a href="https://kyzylorda-news.kz/">Kyzylorda-news.kz.</a> Стоматологиялық көмек отандық денсаулық сақтаудың сұранысқа ие бағыты болып табылады.
Өткен жылы міндетті әлеуметтік медициналық сақтандыру аясында 2020 жылға қарағанда бір жарым есе көп стоматологиялық қызмет көрсетуден бас тартылды. Бұл қызметтердің негізгі алушылары 17 жасқа дейінгі балалар болып табылады. Осы уақытқа дейін 5,9 млн қызмет алынды.
Әлеуметтік медициналық сақтандыру қоры МӘМС шеңберінде халықтың қандай санаттары стоматологиялық көмекке сенім арта алатынын және оларға қандай қызмет түрлері берілетінін еске салды.
Міндетті әлеуметтік медициналық сақтандыру жүйесін іске қосу балалар мен жүкті әйелдерге жоспарлы стоматологиялық көмек алуға мүмкіндік берді, ал шұғыл жағдайларда оған зейнеткерлер, көп балалы аналар, мүгедектер, оларға күтім жасайтын жұмыссыздар, АӘК алушылар, сондай-ақ белгілі бір аурулармен есепте тұрған пациенттер сенім арта алады.
<blockquote>
 «МӘМС жүйесінің іске қосылуының арқасында 2020 жылдың 1 -қаңтарынан бастап халықтың тиісті санаттары үшін белгілі бір стоматологиялық қызметтер қол жетімді болды. Жүйе жұмысының бірінші жылында 6,8 млн қызмет көрсетілді. Бір жылдан кейін МӘМС бойынша стоматологиялық көмекті тұтынудың бір жарым есеге – 10 млн қызметке дейін өсуі байқалады. Стоматологиялық көмекті қаржыландыруды ұлғайту оған мұқтаж пациенттерді қамтуды ұлғайтуға мүмкіндік берді. Бұл ретте талдау көрсеткендей, негізгі қызметті алушылар 17 жасқа дейінгі балалар болып табылады», – деп хабарлайды қордың баспасөз қызметі.
</blockquote>
Соңғы екі жылда МӘМС есебінен қаржыландыру аясында 37 млрд теңгеге 16,8 млн-нан астам стоматологиялық көмек көрсетілді. 2022 жылға сатып алу жоспарында стоматологиялық қызмет көрсетуге 22,7 млрд теңге қарастырылған.
Қорда стоматологиялық көмек пациенттің медициналық ұйымды еркін таңдауы негізінде көрсетілетінін, яғни учаскелік дәрігердің жолдамасы талап етілмейтінін еске салды. Қызметтерді алу үшін Қормен келісім-шарты бар жеке стоматологияны таңдауға немесе өз емханаңыздың стоматологиялық кабинетіне жүгінуге болады.
Еліміз бойынша 600-ден астам медициналық ұйым МӘМС бойынша стоматология қызметтерін көрсетеді.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың ақпараты бойынша, елімізде МӘМС бойынша стоматология қызметтерін 600 – ден астам медициналық ұйым көрсетеді, олардың 40 – ы Қызылорда облысында
(мемлекеттік-10, жеке-30). 2021 жылы олар МӘМС пакеті шеңберінде жалпы сомасы 1,5 млрд. теңгеге 500-ге жуық медициналық қызмет көрсетті. Аталған медициналық ұйымдар алғашқы медициналық-санитарлық көмектің медициналық ұйымдарымен бірлесіп орындау шарты негізінде медициналық қызмет көрсетіп отыр.
МӘМС бойынша стоматологиялық көмекті кімдер ала алады?
Жоспарлы стоматологиялық көмек келесілер үшін МӘМС пакетімен қарастырылған:
– балалар;
– жүкті әйелдер.
Шұғыл стоматологиялық көмекті азаматтардың келесі санаттары ала алады:
– 18 жасқа дейінгі балалар;
– жүкті әйелдер;
– ҰОС қатысушылар және оларға теңестірілген тұлғалар;
– I, II, III топтағы мүгедектер;
– «Алтын алқа» және «Күміс алқа» алқаларымен марапатталған көп балалы аналар;
– атаулы әлеуметтік көмек алушылар;
– жасы бойынша зейнеткерлер;
– жұқпалы және әлеуметтік маңызы бар және айналасындағыларға қауіп төндіретін аурулармен ауыратын науқастар;
– ерекше қажеттіліктері бар балаға немесе бала кезінен I топтағы мүгедекке күтім жасайтын жұмыс істемейтін қазақстандықтар.
Төтенше жағдай деп санауға болатын кезең?
– флегмонға терінің, тері астындағы тіндердің жедел бактериялық инфекциясы, көбінесе стрептококктар немесе стафилококктар себеп болады;
– абсцесс, фурункул, карбункул сияқты жақ-бет аймағының өткір, біркелкі емес қабыну аурулары;
– остеомиелит;
– сыртқы қол жетімділікті қажет ететін тісті жұлу;
– тек стационар жағдайында ғана көмек көрсетуге болатын басқа да жағдайлар.
Шұғыл көмек пациенттің өміріне қауіп төндіретін кенеттен болған жіті аурулар және созылмалы аурулар асқынған кезде көрсетіледі: ⁠
– пульпит (өткір немесе созылмалы);
– периодонтит (өткір және созылмалы);
– жақ-бет жарақаты (мысалы, тістің тайуы немесе сынуы);
– жақ-бет аймағының одонтогендік және одонтогендік емес қабыну ауруларының өршу белгілері;
– стоматит;
– өткір ауыр жағдайларда;
– жедел араласуды қажет ететін емдеу әдісі.
Пациенттердің осы санаттары үшін МӘМС-те қандай көмек тегін қарастырылған?
– анестезия;
– жақ немесе тістің рентгенографиясы;
– тісті жұлу;
– дайындау және пломба салу;
– периостотомия;
– пульпит, периодонтит, стоматиттің жедел түрлерін, альвеолитті емдеу;
– абсцессті ашу.
Егер сізде стоматологиялық көмек алуға қатысты сұрақтар туындаған болса, сіз әр медициналық ұйымда бар Пациенттерді қолдау қызметіне жүгіне аласыз. Егер жағдайды сол жерде шешу мүмкін болмаса, Әлеуметтік медициналық сақтандыру қорына өтінішті өзіне ыңғайлы байланыс арнасы бойынша қалдыруға болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.
<img src="https://kyzylorda-news.kz/wp-content/uploads/2022/02/fb_img_1633409249845.jpg" alt="" />
<img src="https://kyzylorda-news.kz/wp-content/uploads/2022/02/fb_img_1633409252767.jpg" alt="" />
<img src="https://kyzylorda-news.kz/wp-content/uploads/2022/02/fb_img_1633409255855.jpg" alt="" />
<img src="https://kyzylorda-news.kz/wp-content/uploads/2022/02/fb_img_1633409259160.jpg" alt="" />
<img src="https://kyzylorda-news.kz/wp-content/uploads/2022/02/fb_img_1633409262196.jpg" alt="" />

МӘМС бойынша көрсетілген стоматологиялық қызметтер саны былтыр 50%-ға өсті

<a href="https://kyzylorda-news.kz/">Kyzylorda-news.kz.</a>&nbsp;Қытай астанасы Бейжің қаласында өтіп жатқан Ақ Олимпиада ойындарында бүгін Фристайл-акробатикасынан Ақмаржан Қалмұрзаева финалға өтті, деп хабарлайды <a href="https://lenta.inform.kz/kz/beyzhin-2022-akmarzhan-kalmurzaeva-beyzhin-olimpiadasynyn-finalyna-shykty_a3899127">ҚазАқпарат</a>.
Қазақстандық Ақмаржан Қалмұрзаева екінші іріктеу кезеңінде үздік 12 спортшы бақ сынайтын финалдық кезеңге жолдама алды.
Ақмаржан іріктеу кезеңінде 98.68 ұпай жинап көш бастады.
Өкінішке қарай, команда үздігі Жанбота Алдабергенова екінші іріктеу кезеңінен финалдық сынға өте алмай қалды.
Алдабергенова алғашқы іріктеу сынында 80,56 ұпай жинаған болатын. Өкінішке қарай екінші мүмкіндігінде 68,26 көрсеткішімен финалистер қатарына енбей қалды.
Финалдық кезең Нұр-Сұлтан уақытымен 17:00-де басталады.

Бейжің-2022: Ақмаржан Қалмұрзаева Бейжің Олимпиадасының финалына шықты

<a href="https://kyzylorda-news.kz/">Kyzylorda-news.kz.</a>&nbsp; Нашақорлыққа және есірткі бизнесіне қарсы іс-қимылға бағытталған қызметті үйлестіру жөніндегі &nbsp;Қызылорда облыстық ведомствоаралық штабының, &nbsp;Қызылорда &nbsp;ОПД &nbsp;ЕҚҚІҚБ &nbsp;іс-шаралар &nbsp;жоспарларының &nbsp;талаптарын &nbsp;орындау &nbsp;мақсатында &nbsp;«Мен &nbsp;саған &nbsp;есірткі &nbsp;жайлы &nbsp;айтып &nbsp;беремін…» тақырыбында &nbsp;жалпы және орта арнаулы оқу &nbsp;орындарының &nbsp;оқушы, студенттері арасында &nbsp;нашақорлыққа қарсы үндеу жасау байқауы &nbsp;ұйымдастырылды.&nbsp;&nbsp;&nbsp;
Сайыстың &nbsp;негізгі &nbsp;мақсаты – жасөспірімдер &nbsp;арасында &nbsp;есірткі &nbsp;мәселесін &nbsp;түсіндіру &nbsp;денгейін &nbsp;кеңітіп, &nbsp;сайыскерлердің &nbsp;жеке &nbsp;ойын &nbsp;білдіру &nbsp;мүмкіндігін &nbsp;айқындау.
Байқау екі кезеңде өтті. Бірінші кезеңді Қызылорда қаласының және аудан орталықтарының білім бөлімдері ұйымдастырды, оның қорытындысы бойынша есірткі қылмысына қарсы іс-қимыл басқармасына сайыстың екінші кезеңіне қатысу үшін 36 үздік жұмыс жолданды.&nbsp;&nbsp; &nbsp;&nbsp;
Байқауға қатысушылар видео үндеу әзірлеп, оны БАҚ пен ақпараттық порталдарда жариялады. Өз жұмыстарында нашақорлық мәселесі,&nbsp;оның төңірегінде&nbsp;туындайтын&nbsp;қиындықтар&nbsp;жайлы&nbsp;айтып, нашақорлықтан аулақ болу&nbsp;керектігі&nbsp;жайлыпікірлерімен&nbsp;бөлісті.&nbsp;Балалар&nbsp;өз&nbsp;ойларын&nbsp;ұсынуға шығармашылықпен қарады, әр&nbsp;түрлі ақпаратты қолданды, нашақорлық&nbsp;проблемасын&nbsp;жариялауда шеберлік&nbsp;танытты.&nbsp;&nbsp;&nbsp;&nbsp; &nbsp; &nbsp;&nbsp;
Сайыстық комиссияның шешіміне сәйкес 15 қатысушы ынталық танытқаны үшін, 5-і жеңіске деген жігерлігі үшін, &nbsp;ал 7-і аумақтық жеңімпаз деп танылды.
М.Мәметова атындағы жоғары педагогикалық колледж студенттері Дидар Өмірзақ – 1 орын және Ұлықпан Жолдасов – 2 орын алды. 3 орынды Шиелі ауданы №40 орта мектебінің оқушысы Ерлан Бекмұратов иеленді.&nbsp;
Жеңімпаздарға бағалы сыйлықтар мен&nbsp;дипломдар табыс&nbsp;етіледі.

Қызылордалық полицейлер  «Мен  саған  есірткі  жайлы  айтып  беремін&#8230;» тақырыбында байқау ұйымдастырды

**[Kyzylorda-news.kz.](https://kyzylorda-news.kz/)&nbsp; «Қазгидромет» 15-17 ақпанға арналған ауа райы болжамын жариялады.** Синоптиктердің болжамына сүйенсек, еліміздің солтүстік аймақтарында күн ашылғанымен, түнгі уақытта төменгі температура сақталады. 15 және 16 ақпанға қараған түні термометр бағандары 18-23 градус, ал кей аймақтарда 27 градус аязды көрсетеді.&nbsp; Шығыс және оңтүстік-шығыста антициклон ығысуы салдарынан 17 ақпанда жауын-шашын тоқтап, ауа температурасының төмендеуі күтіледі. Бұл күндері түнгі ауа температурасы республиканың шығысында 25-30 градусқа, оңтүстік-шығыста 20-25 градусқа дейін төмендейді.

«Қазгидромет» алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының білім басқармасының «Дарын» облыстық қосымша білім беру орталығының ұйымдастыруымен облыс бойынша жалпы білім беретін пәндер бойынша республикалық пәндік олимпиаданың қалалық, аудандық кезеңі бастау алды.
Білім бәсекесінің аудандық, қалалық кезеңі жаратылыстану-математика, қоғамдық-гуманитарлық бағыттардағы 14 пән бойынша санитарлық талапты қатаң сақтай отырып, офлайн форматта өткізілуде.
Олимпиаданың бүгінгі алғашқы күнінде облыс көлемінде 9-11 сынып бойынша барлығы 5 510 оқушы биология және информатика пәндерінен бақ сынауда.
Биылғы олимпиаданың басты ерекшелігі оқушылар «1 оқушы, 1 компьютер, 1 камера» қағидасы бойынша “Oqylyq.kz” платформасы арқылы жүргізілуде. Сонымен қатар олимпиада кезінде ашықтық пен академиялық адалдықты бақылау үшін мүдделі емес «үшінші тұлғалар», яғни «Adaldyq alańy» жобалық кеңсесінің қызметкері, ата-аналар комитетінің өкілдері, журналистер, ғалымдар шақырылды.

Қызылордада республикалық пәндік олимпиаданың қалалық, аудандық кезеңі басталды

<a href="https://kyzylorda-news.kz/">Kyzylorda-news.kz.</a> «Қазақстан» республикалық телерадиокорпорациясы» акционерлік қоғамы Директорлар кеңесі мүшелерінің кезекті отырысында Қазақстан Республикасы Президентінің Баспасөз хатшысы Берік Уәли «Қазақстан» РТРК» АҚ Директорлар кеңесінің төрағасы болып сайланды.
Берік Уәли 1977 жылы туған. Т.Қ.Жүргенов атындағы Қазақ мемлекеттік театр және кино институтын кинотанушы мамандығы бойынша, Әл-Фараби атындағы Қазақ ұлттық университетінің магистратурасын журналистика мамандығы бойынша, Қазақ инновациялық гуманитарлық заң университетін құқықтану мамандығы бойынша бітірген.
Еңбек жолын «Таң» телеарнасының тілшісі болып бастап, түрлі жылдары «31 арна», «Хабар», «Qazaqstan» телеарналарының редакторы және жүргізушісі болып еңбек етті. Сыбайлас жемқорлыққа қарсы «Нұр Медиа» медиа орталығын басқарған. ОҚО әкімі аппараты басшысының орынбасары, ОҚО Ішкі саясат және дін істері басқармасының басшысы, Жамбыл облысының Ішкі саясат басқармасының басшысы, «Nur Otan» партиясы төрағасының бірінші орынбасарының кеңесшісі, ҚР Инвестициялар және даму министрінің кеңесшісі және ақпараттық қамтамасыз ету департаментінің директоры қызметтерін атқарған.
2019 жылғы наурызда Мемлекет басшысының Өкімімен Қазақстан Республикасы Президентінің Баспасөз хатшысы болып тағайындалды. Сонымен қатар 2019 жылдың қыркүйек айында «ҚР Президентінің Телерадиокешені» КЕАҚ Директорлар кеңесінің төрағасы болып сайланды.

Берік Уәли «Қазақстан» РТРК» АҚ Директорлар кеңесінің төрағасы болып сайланды

<a href="https://kyzylorda-news.kz/">Kyzylorda-news.kz.</a> Қытайда Қысқы олимпиада ойындары жалғасып жатыр.&nbsp;<a href="http://olympic.kz/">Olympic.kz.</a>
14 ақпанда бақ сынайтын қазақстандық спортшылардың тізімін ұсынды.
Фристайл-акробатикадан әйелдер арасындағы жарысқа Жанбота Алдабергенова, Ақмаржан Қалмырзаева шығады.
Басталуы: 13:00
Екінші біліктіліктің басталуы: 14:30
Финал: 17:00.
Айта кетері, Бейжіңдегі Олимпиада ойындары 3 ақпанда басталды.2022 жылғы Олимпиадаға республикадан барлығы 34 спортшы қатысады.

Бейжің Олимпиадасы: 14 ақпанда Қазақстан құрамасынан кімдер бақ сынайды?

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Әлеуметтік медициналық сақтандыру қорына 27,2 млрд. теңге аударды.
<blockquote>
 «Жүйе іске қосылған 2017 жылдың 1 шілдесінен 2022 жылдың 1 ақпанына дейінгі аралықта Қызылорда облысының тұрғындары әлеуметтік медициналық сақтандыру қорына 27,2 млрд. теңге аударды, оның 18 млрд. теңгесі (66,2%) жұмыс берушілердің аударымдары болса, қалған 9,2 млрд. теңге (33,8%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

МӘМС: Қызылордалықтар қорға 27,2 млрд. теңге аударды

<a href="https://kyzylorda-news.kz/">Kyzylorda-news.kz.</a> Қызылордада ҚР Еңбек сіңірген жаттықтырушысы, профессор Н.И.Шиндинді еске алуға арналған республикалық волейбол турнирінің жеңімпаздары анықталды.
Шара Қорқыт ата атындағы Қызылорда университеті мен облыстық дене шынықтыру және спорт басқармасының ұйымдастыруымен «Сейхун» спорттық-сауықтыру кешенінде өтті.
Сайыстың негізгі мақсаты – салауатты өмір салтын насихаттап, студенттер арасындағы байланысты нығайту. Сонымен қатар, профессор Н.И.Шиндиннің спорт саласындағы еңбегі мен бұқаралық спортты дамыту бағытында атқарған қажырлы еңбегін дәріптеу.
Турнир жеңімпаздарын марапаттау рәсіміне Қорқыт ата атындағы Қызылорда университетінің басқарма төрағасы – Ректор Бейбіткүл Кәрімова қатысты.
«Жастардың білімді, тәрбиелі, жігерлі болумен қатар салауатты өмір салтын ұстануы, спортпен тұрақты түрде шұғылдануы аса маңызды. Қазіргі уақытта университет білім алушылары халықаралық, республикалық спорт додаларында бақ сынап, ел абыройын асқақтатып жүр. Университетте әлем чемпионатының – 9, Азия чемпионатының – 27, Қазақстан чемпионатының 120 жеңімпазы мен жүлдегері бар. Бүгінде оқу ордасында спорттың 11 түрінен 21 спорт секциясы жұмыс жасайды», – деді Бейбіткүл Сәрсемханқызы.
Республикалық жарысқа әр облыстан келген 6 команда қатысты. Атап айтсақ, Нұр-Сұлтан қаласынан «Қазақ экономика, қаржы және халықаралық сауда университеті» командасы, Түркістан қаласынан «Қожа Ахмет Яссауи атындағы Халықаралық Қазақ-Түрік университеті» командасы, Шымкент қаласынан «Мирас университеті» командасы, Байқоңыр қаласынан «Байқоңыр» командасы, біздің облыстан «Қызылорда жастар» командасы және «Қорқыт Ата атындағы Қызылорда университеті» командасы бақ сынады.
Турнир қорытындысы бойынша «Байқоңыр» командасы жүлделі ІІІ орын, түркістандық «Қожа Ахмет Яссауи атындағы Халықаралық Қазақ-Түрік университеті» командасы ІІ орын иеленсе, «Қорқыт Ата атындағы Қызылорда университеті» командасы жеңіс тұғырынан көрінді.
Ал үздік ойын көрсеткені үшін Нұр-Сұлтан қаласынан келген «Қазақ экономика, қаржы және халықаралық сауда университеті», Шымкент қаласының намысын қорғаған «Мирас университеті» және сырбойылық «Қызылорда жастар» командалары арнайы номинациялармен марапатталды.
Жеңімпаздарға ұйымдастырушылар тарапынан дипломдар мен қаржылай сыйлықтар табысталды. Турнирдің жалпы жүлде қоры 500 мың теңгені құрайды. Сондай-ақ, төрешілер мен үздік ойыншылар 6 номинация бойынша марапатталды.
Айта кетейік, Қорқыт ата атындағы Қызылорда университетінде Н.И.Шиндинді еске алуға арналған волейболдан ерлер командалары арасындағы турнир 2004-2005 жылдары облыстық, ал 2006 жылдан бастап республикалық деңгейде дәстүрлі түрде өткізіліп келеді.
Николай Шиндин Н.В.Гоголь атындағы Қызылорда педагогикалық институтында дене тәрбиесі кафедрасының оқытушысы, спорттық-педагогикалық пәндер кафедрасының меңгерушісі, декан орынбасары, дене тәрбиесі факультетінің деканы қызметтерін атқарды. Ол салауатты өмір салтын насихаттауда белсенді жұмыс атқарып, университеттің оқытушылары мен студенттері арасында «Сергектік және денсаулық» спартакиадасын жандандырды. Өмірінің соңына дейін Қорқыт Ата атындағы Қызылорда мемлекеттік университетінің дене шынықтыру және бастапқы әскери дайындық кафедрасын басқарды. 1996 жылы Жоғарғы Аттестациялық Комиссияның шешімімен Николай Шиндинге доцент атағы, 2000 жылы педагогика мамандығы бойынша профессор атағы берілді. Қазақтың спорт және туризм академиясының жанындағы Дене шынықтыру және спорт саласы бойынша республикалық оқу-әдістемелік бірлестік Кеңесінің тұрақты мүшесі болады.
Ұстаздық еткен жылдары ішінде Николай Шиндин университет, қала, облыс, республика көлеміндегі спорттық іс-шараларға, әр түрлі қоғамдық жұмыстарға белсенді араласып отырды. Оның жетекшілік етуімен КСРО және Қазақстан Республикасының 30-дан астам спорт шебері дайындалып, олар әлем чемпионаты мен Азия ойындарының жеңімпаздары және жүлдегерлері атанды.
<img src="https://kyzylorda-news.kz/wp-content/uploads/2022/02/274006338_2484731288330949_8008174497527695330_n.jpg" alt="" />
<img src="https://kyzylorda-news.kz/wp-content/uploads/2022/02/273782849_2484731221664289_3060123150240363942_n.jpg" alt="" />
<img src="https://kyzylorda-news.kz/wp-content/uploads/2022/02/273807103_2484731318330946_4551685093911315880_n.jpg" alt="" />
<img src="https://kyzylorda-news.kz/wp-content/uploads/2022/02/273774148_2484731418330936_2057745820054387615_n.jpg" alt="" />

Қазақстан және Қызылорда облысының жаңалықтары

Омикронның жаңа түрлері анықталды

Облыс әкімі «Qyzylorda» және «Qogam» телереарналарына барып, журналистермен пікірлесті

«Басшылар байланыста» жобасының алғашқы қабылдауы өтеді

МӘМС бойынша көрсетілген стоматологиялық қызметтер саны былтыр 50%-ға өсті

Бейжің-2022: Ақмаржан Қалмұрзаева Бейжің Олимпиадасының финалына шықты

Қызылордалық полицейлер «Мен саған есірткі жайлы айтып беремін…» тақырыбында байқау ұйымдастырды

«Қазгидромет» алдағы күндерге арналған ауа райы болжамын жариялады

Қызылордада республикалық пәндік олимпиаданың қалалық, аудандық кезеңі басталды

Берік Уәли «Қазақстан» РТРК» АҚ Директорлар кеңесінің төрағасы болып сайланды

Бейжің Олимпиадасы: 14 ақпанда Қазақстан құрамасынан кімдер бақ сынайды?

МӘМС: Қызылордалықтар қорға 27,2 млрд. теңге аударды

Университет командасы республикалық волейбол турнирінде жеңімпаз атанды

Қазақстан және Қызылорда облысының жаңалықтары

Омикронның жаңа түрлері анықталды

Облыс әкімі «Qyzylorda» және «Qogam» телереарналарына барып, журналистермен пікірлесті

«Басшылар байланыста» жобасының алғашқы қабылдауы өтеді

МӘМС бойынша көрсетілген стоматологиялық қызметтер саны былтыр 50%-ға өсті

Бейжің-2022: Ақмаржан Қалмұрзаева Бейжің Олимпиадасының финалына шықты

Қызылордалық полицейлер «Мен саған есірткі жайлы айтып беремін&#8230;» тақырыбында байқау ұйымдастырды

«Қазгидромет» алдағы күндерге арналған ауа райы болжамын жариялады

Қызылордада республикалық пәндік олимпиаданың қалалық, аудандық кезеңі басталды

Берік Уәли «Қазақстан» РТРК» АҚ Директорлар кеңесінің төрағасы болып сайланды

Бейжің Олимпиадасы: 14 ақпанда Қазақстан құрамасынан кімдер бақ сынайды?

МӘМС: Қызылордалықтар қорға 27,2 млрд. теңге аударды

Университет командасы республикалық волейбол турнирінде жеңімпаз атанды

Қызылордалық полицейлер «Мен саған есірткі жайлы айтып беремін…» тақырыбында байқау ұйымдастырды