Kyzylorda-news.kz. Қазақстанда өткен тәулікте 3676 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 317, Алматы қаласы – 889, Шымкент қаласы – 151, Ақмола облысы – 202, Ақтөбе облысы – 178, Алматы облысы – 365, Атырау облысы – 93, Шығыс Қазақстан облысы – 192, Жамбыл облысы – 62, Батыс Қазақстан облысы – 109, Қарағанды облысы – 390, Қостанай облысы – 172, Қызылорда облысы – 79, Маңғыстау облысы – 162, Павлодар облысы – 205, Солтүстік Қазақстан облысы – 67, Түркістан облысы – 43.
Жалпы ел бойынша ауырғандар саны 835924.

79 қызылордалықтан коронавирус анықталды

Kyzylorda-news.kz. Атмосфералық фронталды бөліктердің өтуімен сенбіде еліміздің басым бөлігінде жаңбыр жауады. Тек оңтүстік пен батыста, антициклон жотасының әсерімен көбінесе жауын-шашынсыз ауа райы күтіледі, деп хабарлайды Қазгидромет.
Республиканың басым бөлігінде желдің 15-20 м/с күшеюі ықтимал.
Таңертең және күндіз Ақмола облысының оңтүстік, оңтүстік-шығысында, солтүстігінде желдің 15-20 м/с күшеюі күтіледі.
Қостанай облысының оңтүстігінде, оңтүстік-шығысында найзағай, түнде облыстың батысында, солтүстігінде, күндіз басым бөлігінде желдің 15-20 м/с күшеюі ықтимал.
Солтүстік Қазақстан облысының шығысында найзағай, түнде шығыста, күндіз басым бөлігінде желдің жылдамдығы 15-20 м/с жетеді.
Павлодар облысының оңтүстік-батысында, оңтүстік және орталығында желдің 15-20 м/с күшеюі күтіледі.
Күндіз Жамбыл облысының таулы аудандарында найзағай, бұршақ жауып, батыс және оңтүстік-батысында жел күшейіп, екпіні 15-20 м/с жетеді.
Қарағанды облысының батыс, солтүстік, солтүстік-шығыс бөлігінде найзағай, түнде облыстың солтүстігінде, күндіз басым бөлігінде желдің жылдамдығы 15-20 м/с болады.
Күндіз Батыс Қазақстан облысында, Қызылорда облысының солтүстік-батысында, Ақтөбе облысының оңтүстігінде желдің 15-20 м/с күшеюі күтіледі.
Шығыс Қазақстан облысының солтүстік, солтүстік-батысында найзағай, 15-20 м/с жылдамдықпен жел соғады.
Алматы, Жамбыл, Түркістан, Қызылорда, Маңғыстау, Атырау, Ақтөбе, Қостанай, Қарағанды облыстарының басым бөлігінде, Батыс Қазақстан облысының солтүстік-шығысында, Шығыс Қазақстан облысының оңтүстігінде өрт қаупі сақталады.

11 қыркүйекке арналған ауа райы болжамы

Kyzylorda-news.kz. “Аралтұз” АҚ өндірістік қызметкерлерінің жалақысын 22,5 пайызға көтеру туралы шешім қабылдады. Бұл туралы кәсіпорынның баспасөз қызметі мәлімдеді.
Қазіргі таңда компания жұмысы толық жанданды. 2021 жылдың 1 қыркүйегінде “Аралтұз” АҚ ұжымы еңбекақыны 50% -100% көтеру талабымен шықты, бұл кәсіпорынның жұмысын тоқтатуға алып келді.
Қызметкерлердің бұл талабы коронавирустық пандемия мен басқа факторлардың салдарынан экономиканың құлдырауынан туындады. Алайда жұмыс берушінің талапты толық орындауы экономикалық тұрғыдан мүмкін болмады.
2014 жылдан бастап компания қызметкерлерінің жалақысы 6 есе өсті, 7 жыл ішінде қызметкердің табысы орта есеппен 125% – ға өсті. Күрделі кезеңде “Аралтұз” АҚ – 2021 жылдың 1 наурызынан бастап жалақыны 10% – ға арттыру туралы шешім қабылдаған аздаған компаниялардың бірі, сондай-ақ кәсіпорын міндетті әлеуметтік медициналық сақтандыруға жарналарды өтеу туралы міндеттемені өзіне алды.
Жалпы, 2021 жылдың 1 наурызынан бастап өндіріс қызметкерлерінің еңбекақысының өсуі “қолға 12,5%-ды” құрады. Сондай-ақ, пандемия кезінде компания жұмыс орындарын қысқартпағанын және қызметкерлерді ақысыз демалыстарға жібермегенін атап өткен жөн.
Компания басшылығы кәсіподақ пен қызметкерлердің өтініштерін қарастырып, сондай-ақ күрделі жалпы экономикалық жағдайды ескере отырып, 2021 жылдың 1 қыркүйегінен бастап өндірістік қызметкерлердің жалақысын тағы 22,5%-ға арттыру туралы шешім қабылдады.
Сонымен қатар, жыл қорытындысы бойынша өндіріс жоспарларын орындағаны үшін ұжымның жұмысын қолдау және ынталандыру шарасы ретінде әрбір қызметкерге қосымша сыйақы белгілеу тапсырылды. Бүгін компанияның барлық қызметкерлері өз міндеттерін орындауға кірісті. Кәсіпорынның жұмысы толық қалпына келтірілді.
“Аралтұз” АҚ-Қазақстанда 1925 жылдан бастап ас тұзының жетекші өндірушісі. Компания Арал өңірінің 1000-нан астам жергілікті халқын жұмыспен қамтамасыз ететін кәсіпорны болып табылады.
Айта кету керек, “Аралтұз” АҚ аудандағы маңызды әлеуметтік жобалар мен қайырымдылық шараларына белсенді атсалысушы ірі әлеуметтік-жауапты кәсіпорын. Атап айтқанда, компания әлеуметтік бағдарланған газдандыру жобасына қатысып, соның арқасында Арал ауданы Жақсықылыш кентінің 5 мыңнан астам тұрғыны көгілдір отынға қол жеткізді.
Бұдан басқа, көп балалы отбасыларға, жалғыз басты аналарға, сондай-ақ халықтың әлеуметтік осал топтарының басқа да санаттарына көмек және қолдау тұрақты негізде жүзеге асырылады. Пандемия кезінде” Аралтұз ” АҚ Арал ауданының ауруханаларын медициналық жабдықтармен қамтамасыз ету, реанимобильдер, оттегі концентраторларын, медициналық кереуеттер мен қорғаныс жиынтықтарын сатып алу жауапкершілігін өз мойнына алды. Компанияның күшімен Арал қаласында “Арал” қонақ үйі қайта құрылып, пайдалануға берілді. Қазіргі уақытта спорт залы мен бассейнмен жабдықталған спорттық-сауықтыру кешенінің құрылысы аяқталуда.
Аталған жобаны іске асыру Арал ауданының балаларына, сондай-ақ кәсіпорын қызметкерлерінің балаларына жүзу секцияларында тегін айналысуға мүмкіндік береді, спорттық сабақтардың қолжетімділігін арттырады, сондай-ақ коронавирустық инфекциядан зардап шеккен адамдардың денсаулығын қалпына келтіруге оң әсер етеді.

&#8220;Аралтұз&#8221;: Жұмысшылардың жалақысы 22,5 пайызға көтеріледі

<a href="https://kyzylorda-news.kz/">Kyzylorda-news.kz.</a> Қызылорда облысында жаңа оқу жылының алғашқы тоғыз күнінде 102 оқушы коронавирус жұқтырды, деп хабарлайды ҚазАқпарат.
Өңірде барлығы 316 жалпы білім беретін мекеме бар. Оның барлығы Қызылорда облысының санитариялық-эпидемиологиялық бақылау департаменті бақылауына алынған.
Өткен 2020-2021 оқу жылында оқушылар арасында қатерлі індет жұқтырудың 482 жағдайы тіркелген болатын.
Оның 58% үйден оқытылатын науқас оқушылар арасында көрініс берсе, 42% офлайн режимде оқыған балалар арасында анықталды.
<blockquote>
 «Биылғы жаңа оқу жылының тоғыз күнінде 102 оқушы індетке шалдыққан. Оның ішінде 92-і мектеппен байланысты емес, жазғы демалыс уақытында үй ошағындағы қарым-қатынас арқылы жұқтырып, үй карантиніне оқшауланған оқушылар. Ал қалған 10-ы білім алуды оффлайн форматта бастаған балалар арасында тіркелді. Осыған байланысты қарым-қатынаста болған адамдар шеңбері анықталып, 13 сынып оқушылары 14 күнге үй карантиніне жіберілді», – деді облыстық санитариялық-эпидемиологиялық бақылау департаментінің бөлім басшысы Алмаш Шуақбаева.
</blockquote>
Былтырғы оқу жылында өңірде 76 мектепте коронавирус жұқтыру жағдайы тіркелген болатын.
Салдарынан мектептердің зақымдану көрсеткіші 25,4% ды құраған еді.
Ал биылғы жаңа оқу жылының 9 күнінде 10 мектептен коронавирус көрініс беріп, зақымдану көрсеткіші 3,2% құрады.

Қызылордада жаңа оқу жылында 102 оқушы коронавирус жұқтырды

<a href="https://kyzylorda-news.kz/">Kyzylorda-news.kz.</a> Ел Тәуелсіздігінің 30 жылдық мерейтойы мен Отбасы күні аясында бүгін «Мерейлі отбасы-2021» ұлттық байқауының жеңімпаздары марапатталды. Салтанатты шара эпидемиологиялық ахуалға байланысты Нұр-Сұлтан қаласынан тікелей қосылым арқылы өтті. Шарада Қазақстан Республикасының Мемлекеттік хатшысы Қырымбек Көшербаев тікелей қосылым арқылы үздік деп танылған 17 отбасыға Президент Қасым-Жомарт Тоқаевтың құттықтау сөзін оқып берді.
Онлайн шара барысында өнегелі отбасылар туралы әзірленген бейнероликтер көрсетілді. Алдағы уақытта үлгілі шаңырақ иелері туралы арнайы фильм көршіліктің назарына ұсынылатын болады.
Тікелей көрсетілім барысында әр өңірдің басшылары «Мерейлі отбасы» атанған әулеттерді құттықтады. 
Облыс әкімі Гүлшара Әбдіқалықова өнегесімен үлгі болған Әбілдашевтер отбасына Мемлекет басшысының дипломын, арнайы статуэтка мен сыйлық сертификаттарын табыстады. Аймақ басшысы мерейлі отбасыға ұлттық құндылықтарды насихаттап, Отанның отбасынан басталатынын дәлелдегені үшін өзінің ризашылығын білдіріп, табыс тіледі.
Бұған дейін аймақтық конкурстың бас жүлдесін иеленген шиелілік Әбілдашевтердің өнегелі өмірі көпке үлгі. Ұзақ жылдар бойы аймақтың ауыл шаруашылығы саласына сүбелі үлес қосқан. Шазат Әбілдашев пен Шырын Әбілдашеваның отау құрғанына 59 жыл болған. Бүгінде 10 баласынан 42 немере мен 12 шөбере сүйіп, бейнеттерінің зейнетін көріп отыр. Үлкен ұлы Нұғман Әбілдашев республикаға белгілі ғалым-агроном. Жылыжайда көкеніс өсірумен айналысады. 7 адамды тұрақты жұмыспен қамтып отыр.
Байқаудың мақсаты – өнегелі құндылықтарды жаңғырту, балаларды тәрбиелеуде ата-ананың жауапкершілігін арттыру, отбасы құндылықтарын кеңінен насихаттау, қазақстандық отбасының жағымды имиджін үгіттеу. Байқауға еңбекте, спортта, шығармашылықта, зияткерлік салада, ғылымда немесе өзге де салаларда жоғары жетістіктерге жеткен өнегелі отбасылар қатыса алады.
Биыл жетінші рет ұйымдастырылған сайыстың қатысушылары жыл өткен сайын артып келеді. 2014 жылдан бері конкурсқа қатысуға 1500-нан астам жанұя өтінім берген. Биылдың өзінде Сыр бойылық 182 отбасы бағын сынады.
Бүгінде облыста 141 мыңнан аса отбасы бар. 47 мыңнан астам көпбалалы аналардың 2109-ы батыр аналар. Аймақта 5 мыңға жуық «Алтын алқа», 10 мыңнан аса «Күміс алқа» иегері бар.

Қызылорда: Әбілдашевтер отбасы «Мерейлі отбасы» атанды

<a href="https://kyzylorda-news.kz/">Kyzylorda-news.kz.</a> Шығыс Қазақстан облысы Ұлан ауданындағы медицина қызметкері еңбекақысына үстемақы қосу үшін жалған вакциналау паспортын жасаған, деп хабарлайды <a href="https://24.kz/kz/zha-aly-tar/o-am/item/497723-vaktsinany-t-gip-zhal-an-zhat-zhasa-an-meditsina-yzmetkeri-staldy">«Хабар 24»</a>.
54 жастағы маман кейбір тұрғындарды екпе алған адам ретінде рәсімдеп, алайда препаратты төгіп тастап жүрген. Медициналық қызметкер бұлтартпас айғақтармен ұсталып, тергеу амалдары басталды. Жалған паспорт жасаушы 4 жылға бас бостандығынан айырылуы мүмкін.
<blockquote>
 «Аталған медицина қызметкерінің әрекеттеріне ҚР ҚК 385 бабы бойынша тиісті процессуалдық баға беріледі. Қазіргі уақытта тергеу амалдары жүргізілуде, күдікті осындай заңсыз қызмет көрсетуі мүмкін тұлғалар анықталуда», – дейді облыстық ПД қылмыстық полиция басқармасының жедел уәкілі Нұрай Арыстанбек.
</blockquote>

Вакцинаны төгіп, жалған құжат жасаған медицина қызметкері ұсталды

<a href="https://kyzylorda-news.kz/">Kyzylorda-news.kz.</a> ҚР Бас санитар дәрігерлі Ерлан Қиясовтың жаңа қаулысы бойынша жолаушы пойыздарына «плацкарт» вагонсыз қатынауға рұқсат берілді, деп хабарлайды ҚазАқпарат.
<blockquote>
 «Қазақстан темір жолы» ұлттық компаниясы» акционерлік қоғамы жұмыс пойыздарын қоспағанда, жолаушылар пойыздарының құрамында ортақ вагондарды жасақтауды болдырмасын», – деп жазылған жаңа қаулыда.
</blockquote>
Сондай-ақ, құжат бойынша облыстарда, Алматы, Нұр-Сұлтан, Шымкент қалаларында осы қаулымен бірге берілген №1 және №2 қосымшалардағы тізімге енбеген объектілердің қызметін де қайта бастау тапсырылған. Қаулыда бұдан былай шектеу шараларын қатаңдатуға құзыретті органдардың санаты да берілген.
<blockquote>
 «Облыстардың, Алматы, Нұр-Сұлтан, Шымкент қалаларының, көліктегі Бас мемлекеттік санитариялық дәрігерлер, Қазақстан Республикасы Қорғаныс министрлігінің, ұлттық қауіпсіздік және ішкі істер органдарының, Қазақстан Республикасы Президенті Іс Басқармасының ведомстволарының халықтың санитариялық-эпидемиологиялық саламаттылығы саласындағы қызметті жүзеге асыратын құрылымдық бөлімшелерінің басшылары қалыптасқан эпидемиологиялық жағдайға байланысты тәуекелі жоғары аймақта (қызыл аймақ) орналасқан карантиндік шараларды қатаңдату туралы шешім қабылдауға құқылы», – деп жазылған.
</blockquote>
Ал облыстардың, Нұр-Сұлтан, Алматы, Шымкент қалаларының бас мемлекеттік санитар дәрігерлеріне «жасыл» және «сары» аймақтарда орналасқан өңірлерде карантиндік шараларды қатаңдату туралы шешім қабылдау құқығы берілмейтін болды.
Қаулы 13 қыркүйек күні сағат 0.00-де күшіне енеді.

Жаңа қаулы: Жолаушы пойыздары «плацкарт» вагонсыз қатынайды

<a href="https://kyzylorda-news.kz/">Kyzylorda-news.kz</a>.&nbsp;Бүгін Талсуат оңалту орталығында ерекше жандар арасында «Мерейлі отбасы» спартакиадасы болып өтті.
Тәуелсіздіктің 30 жылдығына арналған спартакиада мақсаты дене тәрбиесін насихаттау, ерекше жандар арасында салауатты өмір салтын ұстануға назар аудару болып табылады.
Спартакиаданы «Қоғамдық келісім» КММ директорының міндетін атқарушы Фархат Әбдібағдатұлы салтанатты түрде ашып, қатысушыларға сәттілік тіледі.
Барлығы үш топқа бөлінген жарысқа қатысушылар «Таныстыру», «Кім жылдам?», «Картоп егу», «Допты торға», «Көңілді әуе шарлары» &nbsp;кезеңдері бойынша бақ сынасты.
Барша белсенді қатысушыларға «Қоғамдық келісім» КММ директорының міндетін атқарушы Фархат Әбдібағдатұлы атынан Алғыс хаттар мен сыйлықтар табысталды.
<img src="https://kyzylorda-news.kz/wp-content/uploads/2021/09/mw6a0012-scaled.jpg" alt="" />

Қызылордада «Мерейлі отбасы» спартакиадасы өтті

<a href="https://kyzylorda-news.kz/">Kyzylorda-news.kz</a>. Биыл «Атамекен» ҰКП-ның құрылғанына 8 жыл. Кәсіпкерлер мен биліктің арасындағы алтын көпірге айналған палата кәсіпкерлердің құқықтары мен заңды мүддесін қорғап келеді. Өңірлік коммуникациялар қызметінде өткен баспасөз конференциясында облыстық кәсіпкерлер палатасының директоры Ғалымбек Жақсылықов палатаның 8 жылда атқарған жұмыстарын саралап, алдағы жоспарларымен бөлісті.
8 жылда кәсіпкерлерден 6 мыңнан аса арыз келіп түсті, оның ішінде бизнесті қорғау бағытында 2232 арыз. Өтініштердің 42 пайызы оң шешімге қол жеткізсе, 64 лауазымды тұлға жауапкершілікке тартылды.
<blockquote>
 «Кәсіпкерлерден келіп түскен өтініштердің басым бөлігі сатып алулар, жер, сәулет, құрылыс салаларындағы жергілікті атқарушы органдардың әрекеті бойынша түседі. 2014 жылдың қаңтар айынан бастап Палата жанында тұрақты жұмысшы орган – Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңес жұмыс жасайды. Кеңес отырыстарында 800-ден аса кәсіпкердің құқықтары мен заңды мүдделері қалпына келтіріліп, 21 лауазымды тұлға жауапкершілікке тартылды», – деді Ғалымбек Жақсылықұлы.
</blockquote>
<img src="https://kyzylorda-news.kz/wp-content/uploads/2021/09/241635879_1368696720192503_3669631835429722451_n.jpg" alt="" />
8 жылда Қызылорда облысы кәсіпкерлер палатасының кеңесшілері кәсіпкерлікпен айналысқысы келген азаматтарға 60540 кеңес беріп, 13414 кәсіпкерге сервистік қызмет көрсеткен. 2015-2020 жылдары «Бизнес мектеп» компоненті аясында Кәсіпкерлер палатасы бизнес-тренерлерімен 7083 азамат оқытылды. Мұнан өзге, 8 жылда Кәсіпкерлер палатасының кеңесшілері 1833 бизнес-жоспар әзірлеген. Аталмыш бизнес-жоспарлардың 3 млрд 450 млн теңгенің 690 жобасы қаржыландырылған.

«Атамекен» ҰКП: 8 жылда 800-ден аса кәсіпкердің құқығы қорғалды

<a href="https://kyzylorda-news.kz/">Kyzylorda-news.kz</a>. «Мерейлі отбасы» ұлттық байқауының негізгі мақсаты − өнегелі құндылықтарды жаңғыртуға және отбасы мен некенің үздік үлгісін халық арасында кеңінен насихаттауға бағытталған.
Бүгін Өңірлік коммуникациялар қызметінде «Мерейлі отбасы − 2021» ұлттық байқауының жеңімпазы Әбілдашовтар әулиеті арнайы келіп, қазақ отбасының құндылығы туралы келелі ойлар айтты. Сондай-ақ баспасөз конференциясында әйелдер істері және отбасылық демографиялық саясат жөніндегі комиссия хатшысы Қаламқас Арыстанқызы аталмыш байқау туралы тоқталып өтті.
<blockquote>
 «Аймағымызда жетінші рет өткізіліп отырған бұл мерейлі шараға қатысуға ниет білдірушілер жылдан жылға артып келе жатқаны қуантады. Біздің облысымызда 141 мың аса отбасы болса, 47 мыңға жуық көп балалы жанұя бар. Осы орайда облыста отбасы күні қарсаныңда бірқатар шаралар атқарылды. Ең маңыздысы «Мерейлі отбасы−2021» ұлттық конкурсы. Бұл байқауға қаламыздан және аудандардан барлығы 182 отбасы қатысты. Биылғы жылы жеті аудан мен бір қаладан он алты отбасы облыстық деңгейде жолдама алды. Ал биылғы «Мерейлі отбасы − 2021» байқауының бас жүлдесін Шиелі ауданының Әбілдашовтар әулиеті иеленді. Бүгін облыс әкімінің қатысуымен республикалық марапаттау рәсімі өтті»,-деді Қаламқас Арыстанқызы.
</blockquote>
Өнегелі отбасы – елдің тұтқасы! Ізгілікті қасиеттерге толы Әбілодашовтар әулиеті көпке үлгі. Мерейлі отбасының бүгінгі қуанышына орай ұйымдастырылған алқалы жиынға Әбілдашовтар әулетінің мүшелері Нұғман Әбілдашов пен Бауыржан Бекпанов сөз сөйлеп, өздерінің ыстық лебіздерін жеткізді.
<blockquote>
 «Біз «Мерейлі отбасы−2021» ұлттық байқауының Қызылорда облысы бойынша бас жүлдесін иеленіп, Мемлекет басшысының өз қолының «Мерейлі отбасы» республикалық лауреатын алғанымызға өте қуаныштымыз. Біз Әбілдашовтар отбасы Шиелі ауданы қарасты Жеделарық ауылында туылғанбыз. Біздің ұстаған ең үлкен бағытымыз − ата анамызды тыңдау, олардың әрбір ісінен үлгі алу болды. Ата-анамыз 1960 жылы шаңырақ көтеріп он баладан қырық екі немере, он екі шөбере сүйіп отыр. Анамыз Шырын бала тәрбиесімен айналысып жүріп Коммунизм колхозында жұмысшы болды. Сондай-ақ, «Алтын алқа» иегері атанды. Барлық қазақстандық отбасылардың шаңырағында береке болсын дегім келеді. Әрбір жанұя тек сыйластықта және ауызбіршілікте мерейлі отбасы болуларына тілектеспін. Облыс әкімі Гүлшара Әбдіқалықоваға өз алғысымызды білдіреміз»,-деді Нұғман Шазатұлы.
 «Әр мемлекеттің байлығы − отбасы. Облыс бойынша «Мерейлі отбасы» конкурсының жеңімпазы болғанымызға қуаныштымыз. Біздің үлкен шаңырағымыз берекеге, ынтымаққа толы деп айтсам да артық емес. Мен де жұбайым да балаларымызда дәрігер болып қызмет етеміз. Біздің отбасымызда осы байқауға қатысып, әулетіміздің мерейін үстем еткіміз келеді. Бұл байқауда барлық отбасы бас жүлдеге лайық деп есептеймін»,-деді Бауыржан Төлепбергенұлы.
</blockquote>

Қызылордалық Әбілдашовтар отбасы «Мерейлі отбасы &#8211; 2021» байқауының жеңімпазы атанды

<a href="https://kyzylorda-news.kz/">Kyzylorda-news.kz</a>. Германиялық BioNTech компаниясы мен оның америкалық әріптесі Pfizer өндірген 5-11 жас аралығындағы балаларға арналған коронавирусқа қарсы вакцина бірнеше аптаның ішінде пайдалануға берілуі мүмкін. Бұл туралы&nbsp;<a href="https://www.spiegel.de/consent-a-?targetUrl=https%3A%2F%2Fwww.spiegel.de%2F&ref=https%3A%2F%2Fwww.inform.kz%2F">Der Spiegel</a>&nbsp;басылымына жұма күні BioNTech медициналық зерттеулер жөніндегі директоры Өзлем Тюречи мәлім етті, деп хабарлайды ҚазАқпарат.
<blockquote>
 «Жақын апталарда біз 5-11 жас аралығындағы балаларға жүргізілген зерттеу нәтижесін әлем билігіне ұсынамыз, сонымен қатар осы жас санаты үшін вакцинаны мақұлдауға өтініш береміз. Атап айтқанда, Еуропада, – деді Тюречи. – Біз қазірдің өзінде өндіріске дайындалып жатырмыз».
</blockquote>
Оған қоса, Тюречи препараттың ересектерге арналған түрінен еш айырмасы жоқ екенін, тек балаларға арналған вакцина дозасының кішкентай болатынын атап өтті.
Өз кезегінде BioNTech-тің ортақ құрылтайшысы, бас директоры Угур Шахин қазіргі кезде зерттеу нәтижесінің дайын екенін және биліктің бекітуі үшін қадам жасау керек екенін мәлімдеді.
<blockquote>
 «Бәрі жоспарлағанымыздай келе жатыр», – деді Шахин.
</blockquote>
Сонымен қатар ол жылдың соңында алты айдан асқан балалар арасындағы зерттеулер нәтижесі дайын болатыны айтылды.
Мамырдың соңында Еуропа дәрі-дәрмек агенттігі Pfizer мен BioNTech бірігіп өндірген коронавирусқа қарсы Comirnaty вакцинасын 12-15 жасар жасөспірімдер арасында пайдалануға рұқсат берді.
Осылайша, бұл препарат – осы жас санатындағы адамдар арасында қолдануға рұқсат етілген коронавирусқа қарсы бірінші вакцина болып отыр.

5-11 жасар балаларға арналған BioNTech-Pfizer вакцинасы жақында қолданысқа беріледі

<a href="https://kyzylorda-news.kz/">Kyzylorda-news.kz</a>. Ел Президентінің биылғы Жолдауында бизнес жобаларды жеңілдікпен несиелендірудің мемлекеттік бағдарламалары туралы айтылды. Солардың арасында бірегейі – 2019 жылдан бастап іске аса бастаған «Қарапайым заттар экономикасы» бағдарламасы. Ол өзінің тиімділігін көрсетті.
Оны жүзеге асыру барысында Қызылорда облысында 10 млрд.теңге құрайтын 121 жоба іске қосылды. Осы жобалардың шеңберінде 589 жұмыс орны ашылды. Бұл бағдарлама биыл аяқталу керек болатын. Енді міне Жолдауда тағы қозғалып, ол бір жылға созылды. Қуантарлық жағдай, өйткені әлі де 9 млрд.теңге тұратын 49 жоба қаралуда дейді Өңірлік коммуникациялар қызметінде өткен баспасөз конференциясында облыстық кәсіпкерлер палатасының директоры Ғалымбек Жақсылықов.
Сонымен қатар, облыста «Бизнестің жол картасы» бағдарламасы іске қосылған 2010 жылдан бері Қызылорда облысында 105 млрд.теңге құрайтын 2699 жоба мемлекет тарапынан қолдау тапты. Биылдың өзінде 1094 жобаны қаржыландыру үшін 14,5 млрд.теңгеге жеңілдетілген несие берілді.
Ғалымбек Жақсылықұлының айтуынша, банктердің агроөнеркәсіптік кешендегі жобаларды қаржыландыруға ынтасы төмен. Бұған қоса, банктер ауылдардағы үй-жайларды кепіл мүлік ретінде қарастырмайды. Осыған орай, Ел Президенті банктер шағын жобаларға, әсіресе ауылға арнап ақша салмайтынын қадап айтып, микроқаржы ұйымдарының әлеуетін іске қосу керектігін тапсырды.
Баса айту керек, биыл «Атамекен» Ұлттық кәсіпкерлер палатасы мен облыстық әкімдік «Atameken Qyzylorda» микроқаржылық ұйымын құрды. Бұл қаржы ұйымы «Бастау Бизнес» бағдарламасының түлектерін несиелендіреді. Биылға 1 млрд.теңге қаржы қарастырылуда, оған 238 жоба несиелендіріледі деп жоспарлануда. Қазірдің өзінде кәсіпкерлердің 80

Қазақстан және Қызылорда облысының жаңалықтары

79 қызылордалықтан коронавирус анықталды

11 қыркүйекке арналған ауа райы болжамы

“Аралтұз”: Жұмысшылардың жалақысы 22,5 пайызға көтеріледі

Қызылордада жаңа оқу жылында 102 оқушы коронавирус жұқтырды

Қызылорда: Әбілдашевтер отбасы «Мерейлі отбасы» атанды

Вакцинаны төгіп, жалған құжат жасаған медицина қызметкері ұсталды

Жаңа қаулы: Жолаушы пойыздары «плацкарт» вагонсыз қатынайды

Қызылордада «Мерейлі отбасы» спартакиадасы өтті

«Атамекен» ҰКП: 8 жылда 800-ден аса кәсіпкердің құқығы қорғалды

Қызылордалық Әбілдашовтар отбасы «Мерейлі отбасы – 2021» байқауының жеңімпазы атанды

5-11 жасар балаларға арналған BioNTech-Pfizer вакцинасы жақында қолданысқа беріледі

«Қарапайым заттар экономикасы»: 10 млрд.теңге құрайтын 121 жоба іске қосылды

Қазақстан және Қызылорда облысының жаңалықтары

79 қызылордалықтан коронавирус анықталды

11 қыркүйекке арналған ауа райы болжамы

&#8220;Аралтұз&#8221;: Жұмысшылардың жалақысы 22,5 пайызға көтеріледі

Қызылордада жаңа оқу жылында 102 оқушы коронавирус жұқтырды

Қызылорда: Әбілдашевтер отбасы «Мерейлі отбасы» атанды

Вакцинаны төгіп, жалған құжат жасаған медицина қызметкері ұсталды

Жаңа қаулы: Жолаушы пойыздары «плацкарт» вагонсыз қатынайды

Қызылордада «Мерейлі отбасы» спартакиадасы өтті

«Атамекен» ҰКП: 8 жылда 800-ден аса кәсіпкердің құқығы қорғалды

Қызылордалық Әбілдашовтар отбасы «Мерейлі отбасы &#8211; 2021» байқауының жеңімпазы атанды

5-11 жасар балаларға арналған BioNTech-Pfizer вакцинасы жақында қолданысқа беріледі

«Қарапайым заттар экономикасы»: 10 млрд.теңге құрайтын 121 жоба іске қосылды

“Аралтұз”: Жұмысшылардың жалақысы 22,5 пайызға көтеріледі

Қызылордалық Әбілдашовтар отбасы «Мерейлі отбасы – 2021» байқауының жеңімпазы атанды