<a href="https://kyzylorda-news.kz/">Kyzylorda-news.kz.</a>&nbsp;Бүгін қаңғыбас иттер мен мысықтарды аулау және жою қағидалары туралы брифингте Қызылорда қалалық ветеринариялық станциясының директоры Нұрлан Төлегенов наурыз айынан бастап көшедегі иттер мен мысықтарды аулау тәртібі өзгеретінін айтты.
<blockquote>
 «Қазіргі таңда қаңғыбас иттер мен мысықтарды аулау және жою бұрынғы әдіспен жүргізілуде. Бірақ 1-наурыздан бастап бұл әдісті қолданбаймыз. Одан әрі мұндай ит, мысықтарды аулап, оқшаулау пунктіне апарып, 5 күн иесін іздейміз. Сол уақыт аралықта залалсыздандыру жұмыстары жүргізіледі. Сосын бұрынғы орнына қайта жібереміз», – дейді Нұрлан Төлегенов.
</blockquote>

Ветеринар мамандар қаңғыбас ит пен мысықты не істейді?

<a href="https://kyzylorda-news.kz/">Kyzylorda-news.kz.</a>&nbsp;Қызылордада өткен жылы қаңғыбас 22 369 ит пен 1 802 мысық ауланып жойылды. Бұл туралы бүгін Өңірлік коммуникациялар орталығында өткен брифингте Қызылорда облыстық ветеринария басқармасы басшысының орынбасары Әнуарбек Дәрмағамбетов мәлімдеді.
<blockquote>
 «Өткен жылдың желтоқсан айында «Жануарларға жауапкершілікпен қарау туралы» заңының кейбір заңнамалық актілеріне жануарларға жауапкершілікпен қарау мәселелері бойынша өзгерістер мен толықтырулар енгізу туралы заңына қол қойылды. Оның ішінде ветеринария туралы заңының 10-бабының 1-тармақ, 4-9 тармақшасына және 11-баптың 4-тармағы бірінші бөлігінің жетінші абзацына өзгерістер енгізілді. Яғни, «қаңғыбас иттер мен мысықтарды аулау және жою» деген сөздер «жануарларды аулауды, уақытша ұстауды және жансыздандыруды» ұйымдастыру сөздерімен ауыстырылды. Осы ретте ҚР экология, геология және табиғи ресурстар министірлігімен «жануарларды аулау, уақытша ұстау және жансыздандыру» үлгілік қағидалары әзірленуде», – дейді облыстық ветеринария басқармасы басшысының орынбасары Әнуарбек Дәрмағамбетов.
</blockquote>
Айта кетейік,аталған қағида аясында жергілікті өкілдік органның шешімі мен Қызылорда облысының елді-мекендерінде жануарларды аулау, уақытша ұстау және жансыздандыру қағидалары бекітілетін болады. Сондықтан аулау жұмыстарын заң талаптарына сәйкес ұйымдастыру үшін қазіргі таңда қағиданы әзірлеу жұмыстары жүргізіліп жатыр.

Қызылордада былтыр 22 мыңнан астам қаңғыбас ит жойылды

<a href="https://kyzylorda-news.kz/">Kyzylorda-news.kz.</a> Ақпан айының 22-24 жұлдызы аралығында «Евразия» мәдени сауықтыру спорт кешенінде халық балуаны Қажымұқанды еске алуға арналған қазақ күресінен дәстүрлі республикалық ашық турнирі 10-ші мәрте өткізілмек.
Бұл туралы қала әкімдігінің баспасөз орталығында өткен брифингте қалалық дене шынықтыру және спорт бөлімінің басшысы Айбек Орманов мәлімдеді.
<blockquote>
 «Аталған турнир Республика бойынша 2022 жылдың алғашқы және ең ауқымды жоғарғы деңгейдегі ашық турнирі болмақ. Турнир 3 күнге созылады. Жарысқа еліміздің барлық өңірінен 500-ге жуық спортшылары қатысып, боз кілемде белдеседі. Айта кету керек, бұл жарыстың ерекшелігі облыс құрамына алынған 36 спортшы жастарымыздың 25-і Қызылорда қаласының спортшыларынан құралған. Бұл дегеніміз, қала тұрғындарының қазақ күресіне жалпы спортқа деген қызығушылығының жоғары дәрежеде екендігінің айғағы», – деді бөлім басшысы.
</blockquote>
Қазіргі таңда турнирге қатысу үшін Нұр-Сұлтан, Алматы, Шымкент қалалары және Алматы, Жамбыл, Түркістан, Ақмола, Павлодар, Қостанай, Батыс Қазақстан және Шығыс Қазақстан облыстарынан тапсырыстар қабылданды. Тапсырыс қабылдау әлі де жалғасуда.
Жарыс «Qazaq kuresi» Ассоциациясы бекіткен қазақ күресі ережесі бойынша өтеді. Барлық аймақтан 2002-2004 жылдары туылған жастар арасында әр салмақта 3 спортшыдан, өткізуші аймақтан әр салмақ дәрежесіне 4 спортшыдан жіберіледі. Әр салмақ дәрежесі бойынша 1 келі жеңілдік қарастырылған.
Турнирге қатысушы жеңімпаз спортшыларға Қазақстан Республикасының спорт шеберлігіне кандидат атағы беріледі.

Қызылордада Қажымұқан Мұңайтпасұлын еске алуға арналған  республикалық турнир өтеді

<a href="https://kyzylorda-news.kz/">Kyzylorda-news.kz.</a> 19-21 ақпанда ауқымды антициклон Қазақстанның басым бөлігінде жауын-шашынсыз ауа райын сақтайды, деп хабарлайды Қазгидромет.
Республиканың батысына қарай, солтүстік-батыс циклонның шұңқыры жылжи бастайды, ол өзімен бірге: 19-21 ақпан аралығында жаңбыр мен қар түрінде жауын-шашын, 20-21 ақпан аралығында солтүстік-батысқа, 21 ақпанда елдің солтүстігіне – қар, желдің күшеюін және көктайғақ құбылыстарын алып келеді.
Еліміздің барлық аумағында температуралық фон жоғарылайды деп күтілуде. Термометрлер бағандары келесідей температураны көрсетеді: батыста түнде -5…+5 дейін, күндіз +2…+13 дейін, солтүстікте, солтүстік-батыста түнде -5…-16 дейін, күндіз -8…+ 2 дейін, орталықта, шығыста түнде -8…-17, күндіз -1…-10, оңтүстікте, оңтүстік-шығыста түнде -5…+5, күндіз + 5…+13 дейін.

Күн жылына бастайды

<a href="https://kyzylorda-news.kz/">Kyzylorda-news.kz.</a> Қазіргі кезеңде сапалы ұлт қалыптастыру үшін азаматтарды спортпен шұғылдануға баулу – аса маңызды міндеттің бірі. Бұл ретте өңірлерде бұқаралық спортты дамыту деңгейін көтеру өзекті. Сыр елінде бұл көрсеткіш бүгінгі күні 34 пайызды құрады, яғни 282 мың облыс тұрғыны спорттың жаппай түрлерімен айналысуда. Алдағы уақытта осы көрсеткішті 38 пайызға жеткізу қажет.
Бүгін облыс әкімі Гүлшара Әбдіқалықоваға облыстық дене шынықтыру және спорт басқармасының басшысы Асылжан Жаманқұлов салалық мәселелердегі негізгі басымдықтар бойынша атқарылған жұмыстарды баяндады.
Қазірде өңірдегі 21 спорт мектебінде 21 161 бала мен жасөспірім 48 спорт түрі бойынша жаттығады. Өткен жылы халықты спорттық инфрақұрылыммен қамту үлесі 41,6 пайызға жеткен. Сондай-ақ, мемлекеттік-жекеменшік әріптестік аясында спорт саласы бойынша 6 жоба іске асты. Осы жұмыстардың нәтижесінде қызылордалық 188 спортшы Әлем чемпионаттарында жүлдегер атанып, 131 спортшы Азия чемпионаттарында медаль жеңіп алған.
Асылжан Жаманқұлов мемлекеттік спорттық тапсырыс шеңберіндегі жобаларға да тоқталды. Өткен жылы осы бағытта 212 млн. теңге бөлініп, 2 156 бала тегін спорт үйірмелерге тартылса, биыл мемлекеттік тапсырыс көлемі 638 млн. теңгеге дейін ұлғайып, 4 312 баланы қамту жоспарланған.
Сондай-ақ, ол жаз мезгілінде Қытайда өтетін Азия ойындарына спортшыларды баптау және дайындық шаралары басталғанын тілге тиек етті.
Спорт саласындағы жұмыстарды саралаған аймақ басшысы бұқаралық және балалар спортын күшейту үшін әрбір жобаның балаларға тиімділігі ескеріліп, спорттық тапсырыстың әділетті бөлінуін қадағау маңызды екенін қаперге салды. Әсіресе, «Балалар жылы» аясында дарынды балаларға қолдау көрсетіп, спортпен кәсіби түрде айналысатын жеткіншектерге ерекше көңіл болу керектігін ескертті. Сондай-ақ, мемлекеттік-жекеменшік әріптестік аясында спорт нысандарын салу, демеушілермен тұрақты жұмыс жүргізуді әрі қарай ілгерілету қажет деді.
<img src="https://kyzylorda-news.kz/wp-content/uploads/2022/02/whatsapp-image-2022-02-18-at-16.04.331.jpeg" alt="" />

Гүлшара Әбдіқалықова спорттағы дарынды балаларға қолдау көрсетуді тапсырды

<a href="https://kyzylorda-news.kz/">Kyzylorda-news.kz.</a> «Қаңтар оқиғасы» еліміздің барлық салаларындағы тұрақтылықты одан әрі нығайту, оның ішінде, діни бағыттағы жұмысты күшейту қажеттігін дәлелдеді. Мемлекет басшысы елдегі орын алған жағдайға өзінің нақты бағасын беріп, діни экстремизмге қарсы күресте жүйелі іс-шаралар кешенін іске асыруды тапсырды.
Осы ретте, бүгін облыс әкімі Гүлшара Әбдіқалықоваға дін істері басқармасының басшысы Қуаныш Жанұзақов атқарған жұмыстарды баяндады.
Қазіргі таңда Қызылорда облысындағы діни ахуал тұрақты. Облыста 7 конфессияға кіретін 189 діни ұйым тіркелген, оның 11-і жергілікті діни бірлестік және 178 бөлімшесі бар.
Басқарма басшысы түсіндірме жүрігізу, теріс сипаттағы ақпараттарға тосқауыл қою ісінде нақты нәтижелер барын тізбектеді. Мәселен, өткен жылы 9 ақпараттық-түсіндірме тобы тұрғындар арасында түрлі форматтағы 1625 шара өткізіп, 20 мыңға жуық адам қамтылған. Ал, деструктивті діни идеологияның таралуына жол бермеу мақсатында әлеуметтік желілер мен сайттар, парақшаларға жүргізілген мониторинг барысында «күмәнді» деп танылған 30 сілтемеге «теріс» қорытынды беріліп, бұғатталды.
Сондай-ақ, ақпараттық жүйе арқылы тыйым салынған әлеуметтік желідегі 580 топқа тіркелген 12 740 азаматтың тең жартысы топтан шығарылған. Мұнан бөлек, құзырлы мекемелердің бірлескен жұмыс нәтижесінде 5 мектеп бітіруші түлектің күмәнді діни білім беретін шетелге шығуының жолы кесілді.
Қуаныш Жанұзақов жат ағымның жетегінде кеткен азаматтарды адрестік оңалту жұмыстарында қолданылатын әдіс-тәсілдерді жаңа бағытта дамыту өзекті екенін алға тартып, Алматы, Атырау облысындағы басқармалармен тәжірибе алмасу жұмыстарын бастауға ниетті екенін жеткізді. Сондай-ақ, бірқатар ұсыныстарын ортаға салды. 
Өңір басшысы «Қасіретті қаңтар» оқиғасынан сабақ алып, елдің тұрақтылығы мен қауіпсіздігін сақтауда ең алдымен рухани және қоғамдық құндылықтарды қайта жаңғырту өзекті екенін және осы бағытқа жетелейтін шараларды жүйелі жүргізу керек екенін еске салды. Бұл ретте барлық қоғамдық-саяси күш бірігіп, бір мақсатқа бірігуі қажет деді.
<img src="https://kyzylorda-news.kz/wp-content/uploads/2022/02/274331110_246426364345282_5237474489973467964_n-1.jpg" alt="" />
<img src="https://kyzylorda-news.kz/wp-content/uploads/2022/02/274214705_246426367678615_3732469511284751386_n.jpg" alt="" />

Қызылордада діни бағыттағы «күмәнді» деп танылған 30 сілтеме бұғатталды

<a href="https://kyzylorda-news.kz/">Kyzylorda-news.kz.</a> Облыста 18 жасқа дейінгі ата-анасының қамқорлығынсыз қалған 835 бала бар. Оның 750-і толыққанды отбасында тәрбие алса, 85 бала білім беру, денсаулық сақтау, әлеуметтік қорғау ұйымдарында тәрбиеленуде.
Сондай-ақ, балалар ауылының түлектерін әлеуметтік қолдау мақсатында әлеуметтік бейімдеу орталығы қызмет етеді. Онда 16-23 жас аралығындағы 29 жасөспірім тәрбиеленеді. Оның 12-і жоғары оқу орындарында, 17-ы кәсіптік техникалық білім беру ұйымдарында оқиды. Бұл жөнінде Өңірлік коммуникациялар қызметінде өткен брифингте облыстық білім басқармасының бөлім басшысы Жүнісова Шолпан хабарлады.
<blockquote>
 «Қолданыстағы заңнамаға сәйкес ата-анасының қамқорлығынсыз қалған балаларға арналған ұйымдардың тәрбиеленушілері толық мемлекеттің қарауында. Өткен жылы асыраушысынан айырылған 95 баланың 80-і қорғаншылыққа, 3-і сәбилер үйіне орналастырылды. Ал облыстық мамандандырылған сәбилер үйінде төрт бала тәрбиеленуде. Бүгінгі таңда жетім және ата-анасының қамқорлығынсыз қалған балалардың құқықтарын қорғауды қамтамасыз ететін 8 білім бөлімдері бар. Олар өз кезегінде балаларды асырап алу және тәрбиелену бойынша заң аясында жұмыс істейді. Отбасы үлгісіндегі балалар ауылы жанындағы қабылдаушы ата-аналар мектебі әр аптаның сенбі күндері екі тілде қашықтықтан курс ұйымдастыруда. Аталған курстан 256 үміткер сертификат алды. Бүгінгі күні 45 үміткер қашықтықтан білім алуда», – деді Шолпан Жүнісова.
</blockquote>

Қызылордада ата-анасының қамқорлығынсыз қалған 835 бала бар

<a href="https://kyzylorda-news.kz/">Kyzylorda-news.kz.</a> Қазақстан Республикасы Қорғаныс Министрлігінің Қызылорда қаласындағы әскери-техникалық мектебі биылғы жылдың алғашқы 21 курсантын қабылдады.
Олар алдағы бір айдан астам уақыт аралығында жоспарға сай тиісті жауынгерлік даярлықтарын шыңдап, әскери тәртіппен танысады. Әскери теориялық жетілдірген білімдерін іс-тәжірибеде қолдануға да уақыттары жетерлік. Сарбаздар әскери ант қабылдау рәсіміне дейін екі мәрте қарудан оқ атып тәжірибеден өтеді. Тактикалық дайындық пен қаруды қалай қолдану керектігін де меңгереді.
<blockquote>
 «Қырық күн ішінде әскери өмірдің барлық қыр-сырын толық меңгеру әрине қиын. Бірақ та, осы мүмкіншілігімді пайдалана отырып қару-жарақты қалай пайдалану керектігі мен әскери тәртіпті үйреніп, басқа жауынгерлік тапсырмаларды сенімді орындауға дайынмын. Осы техникалық мектепті бітіріп, әскери ант қабылдау алдағы басты мақсатым», – дейді әскери-техникалық мектебінің курсанты Мағжан Сайлау.
</blockquote>
Аталған әскери-техникалық мектепте сарбаздарға әскери өмірдің қыр-сырын меңгеруіне мүмкіндіктер көп. Дәріс беретін мұғалімдердің білімі мен біліктілігі және курсанттармен жұмыс істеу тәжірибелері де жоғары. Мектеп оқытуды сапалы ұйымдастыру үшін қажетті құрал-жабдықтармен қамтамасыз етілген.
«Атқыш» мамандығын меңгеріп шығатын сарбаздарымыз еліміздің Қарулы Күштеріне қызмет етуге дайын.
<img src="https://kyzylorda-news.kz/wp-content/uploads/2022/02/whatsapp-image-2022-02-18-at-12.00.04.jpeg" alt="" />

Қызылордадағы әскери-техникалық мектеп жаңа курсанттармен толықты

<a href="https://kyzylorda-news.kz/">Kyzylorda-news.kz.</a> Қызылорда қаласындағы жол апатында жедел жәрдем қызметкерлерінің өмірін қиған кінәлі жүргізуші сотталды. Бұл туралы Қызылорда қалалық №2 сотының баспасөз қызметі хабарлады.
Белгілі болғандай, сотталушы оқыс оқиғаға дейін көлік құралын басқару құқығынан айырылған. Соған қарамастан масаң күйде көлік құралын басқарып, нәтижесінде 2 адамның өмірін қиды.
<blockquote>
 «Сот жәбірленушілердің туыстары сотталушыны кешіргенін ескере отырып, оны ҚР Қылмыстық кодексінің 346-бабының 6-бөлігімен кінәлі деп танып, өмір бойына бас бостандығынан айыру жазасын 8 жылға бас бостандығынан айыру жазасына ауыстырды», – делінген хабарламада.
</blockquote>
Үкім заңды күшіне енген жоқ.
<a href="https://kyzylorda-news.kz/kogam/qyzylordada-2-zhedel-zhaerdem-qyzmetkeri-zhol-apatynan-koez-zhumdy-123267/">Айта кетейік</a>, оқыс оқиға өткен жылдың тамыз айында Қызылорда қаласындағы орталық көшелердің бірінде орын алды. Мас жүргізуші басқарған Toyota Land Cruiser көлігі бағдаршамда тұрған жедел жәрдем көлігін соғып, оны бірнеше метр жерге ұшырып жіберген. Бұл оқиғада фельдшер Жадыра Омарова мен жедел жәрдем жүргізушісі Бақытжан Маенов көз жұмды.

Қызылордада жедел жәрдем қызметкерлерінің өліміне кінәлі жүргізуші сотталды

<a href="https://kyzylorda-news.kz/">Kyzylorda-news.kz.</a>&nbsp;Кеше Ұлттық арнадан Қазақстан Республикасының Президенті Қасым-Жомарт Кемелұлы Тоқаевтың журналист Жайна Сламбекпен болған сұхбаты көрсетілді. Бұл жерді ерекше айтып кетер бір жайт сұхбаттың толықтай ана тілімізде өткені. Ашық әрі өзекті мәселелер қаузалған әңгімеде жұрт көкейінде жүрген көп сұрақтарға тұшымды жауап айтылды. Әсіресе жыл басында орын алған қаңтар оқиғасының себеп-салдарын саралау, оған өз кезегінде мемлекеттік тұрғыда лайықты баға беру мәселесі көтерілді. Ол өз алдына. Ал мемлекет басшысының тіл тағдырына байланысты «Мемлекеттің мәселесін мемлекеттік тілде айтуымыз керек. Тіліміз бізден басқа ешкімге керегі жоқ. Сондықтан ең алдымен, өзіміз ана тілімізге құрмет көрсетуіміз керек деп ойлаймын» деген сөзі көптеген жанның мемлекеттік тіл мәселесіне байланысты сан түрлі пікіріне тұшымды жауап болды деп білемін.
Негізі мәселе қаңтар оқиғасына байланысты. Рас, наразы жұрттың билікке айтқан барлық тілегі орынды. Сол үшін бейбіт халық алаңға шықты. Алғашында бұл жағдай бір қалыпты өтіп жатқанын біз де байқадық. Алайда бір түнде болған оқиға көбімізді есеңгіретті. Тіпті жағдайдың осылай боларын білген де жоқпыз. Енді міне бұл жағдайда басқа арнаға бұруда арандатушылар мен лаңкестер ұйымдасқан айла-тәсілді жүзеге асырғаны белгілі болды. Мұны Президент сұхбатта ашық айтып, енді сол бүлікшілердің қақпанына түсіп, арандап қалған қарапайым азаматтарды ажыратып алу керектігін айтты.
<blockquote>
 «Алаңға шыққандардың бәрін түгел бейбіт шеруші деп айтуға болмайды. Бұл – ешқандай ақылға сыймайтын нәрсе. Көзі ашық, ары таза адам мұндай жалған тұжырымға ешқашан сенбейді. Ең алдымен, лаңкестер жағдайды ушықтырды. Олардың мақсаты – елдің тұтастығын бұзу, халықты қорқыту. Ал бейбіт шерушілер солардың қармағына түсті. Қазір сол кінәсіз азаматтардың құқығын қорғауымыз керек. Мен әрбір іс бойынша мұқият тергеу жүргізу керек деп айттым. Адамдардың құқығын бұзған тұлғалар жазаға тартылады. Біз бұған қажетті шараның бәрін қабылдаймыз. Еш күмән болмасын», – деді мемлекет басшысы.
</blockquote>
Президент журналистің бұдан өзге де сұрақтарына сабырлы әрі байыпты түрде жауап қатты. Қоғамдағы ең өзекті деген мәселеге де тоқталды. Мемлекет басшысының айтуынша қоғамдағы ең маңызды мәселе – заң үстемдігін қамтамасыз ету. Бұл ендік ашық айтылуы керек мәселелер. Б.Момышұлының «Тәртіпсіз ел болмайды, тәртіпке бағынған құл болмайды» деген керемет сөзі бар. Ал біздегі кейбір азаматтардың баршаға ортақ Конституциялық заңды толық мойындағысы келмейтіндей. Президенттің айтпағы да осы жайында еді. Өз басым сұхбатта айтылған барлық мәселелер орынды деп бағалаймын. Енді соның іс жүзінде жүзеге асуына барлығымыз да атсалысуымыз керек.
Алдаберген ЖОЛАНОВ, 
Арал аудандық қоғамдық кеңес төрағасы, 
Ауданының Құрметті азаматы

Президент шешімі &#8211; елдің ертеңі

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісінің депутаты Ғ. Әміреев және Б. Смағұл Арал ауданына арнайы жұмыс сапарымен барды. Депутаттар алдымен Қамыстыбас елді мекеніндегі Қамбаш көліне барып, көлдегі су деңгейімен танысты.
Аудан басшысы С. Сермағамбетов Парламент депутаттарына өңірдегі орын алған қуаңшылықты еңсеруге бағытталған барлық жұмыстармен, “Ақшатау-Қамыстыбас” көлдер жүйесін суландыру арқылы құрғақшылық салдарынан орын алған мал өлімінің алдын алу, қысқы мал азығын дайындау үшін шабындық алқаптың көлемін арттыру бағытында «Аспай» суағытқысының іске қосылып, «Бұрмақұлақ» арнасын бөгеу жұмыстарының жасалғандығы жөнінде түсіндіріп өтті. Қазіргі таңда жағадан 400 метрге дейін алыстап кеткен көл суы толып, бұрынғы қалпына келуге жақын.
Одан әрі халық қалаулылары Аманөткел ауылдық округі әкімінің өткен жылғы атқарылған жұмыстары туралы қорытынды есеп беру жиынына қатысты. Есепті кездесуге аудан әкімінің орынбасары Қайрат Байғабылұлы, аудандық мәслихаттың хатшысы Базарбай Шөменұлы, аудандық полиция бөлімі бастығының міндетін атқарушы Нұрбек Айтбайұлы, аудандық аурухананың бас дәрігері Марат Құбылұлы, және дербес бөлім басшылары қатысты. Кездесу барысында тұрғындар депутаттарға жергілікті жердегі өзекті мәселелерді айтып, ұсыныс-пікірлерін жеткізді. Өз кезегінде парламенті мәжілісінің депутаты Ғ. Әміреев алдымен өңірдегі жұмыссыздық деңгейін жою, мемлекеттік бағдарламалар арқылы беріліп жатқан жеңілдіктер мен қайтарымсыз несиенің екі есеге көбейгендігі, осы арқылы жастардың кәсіппен айналысып жұмыссыздықты жою бағытындағы жасалуы керек жұмыстар жайын айтты.
Сонымен қатар тұрғындар тарапынан көпбалалы аналарға берілетін жәрдемақының көлемі, Ақшатау елді мекенімен жол қатынасы туралы сауалдар жолданды. Бұдан бөлек Арал өңіріне жасанды жаңбыр жауғызу, «Қулы» каналына тоспа салу, егін шаруашылығын дамыту үшін ауыл ішіне аяқ су кіргізу, ауылдағы жем-шөп қорының таусылып тұрғандығы жөніндегі мәселелер қозғалды. Жасанды жаңбыр жауғызу және жем-шөп мәселесі бойынша Ғ. Әміреев министрлікке арнайы хат жолдауларын айтып бұл жөнінде жұмыстар жасалатындығын жеткізді. Аудан әкімінің орынбасары Ақшатау елді мекенінің жол жөндеу жұмыстары бойынша берілген өтінімге сәйкес жауапты орындардан тиісті қаржы бөлінгесін басталатынын айтып, алдағы уақытта аталған каналға тоспа салу жұмыстары жүргізілетінін білдірді. Мұнан басқа да қойылған барлық сұрақтарға депутаттар мен бөлім басшылары тиісті жауаптарын берді.
Мұнан соң депутаттар 1200 адам тұратын Бөген ауылдық округінде болып, тұрғындармен кездесті. Тұрғындар тарапынан апаттық жағдайда тұрған клуб, ауылдық амбулоторияға дәрігер жетіспеушілігі және Бөген-Қаратерең арасындағы жол жөндеу жұмыстары жөнінде сауалдар қойылды. Ауылдық округте жаңа мәдениет үйінің құрылысы мен жол жөндеу жұмыстары бойынша аудан әкімінің орынбасары биыл басталатындығы және аудандық аурухананың бас дәрігері маман тапшылығы ағымдағы жылдың мамыр айында бұл мәселе шешілетіндігін айтты.
Одан әрі депутаттардың сапары Қаратерең ауылдық округінде жалғасты. Ауылдық округ тұрғындары депутаттардың өңірге келгеніне ризашылығын білдіріп бірқатар мәселелерді ортаға салды. Елді мекен тұрғындарының өзекті мәселелерінің бірі «Барсакелмес» мемлекеттік қорығының территориясының көлемінің ұлғаюы ауылдық округтің жайылымдық жерінің азаюына әкеліп соқтыруы болды. Мұнан басқа жол мәселесі және ауылдық ауруханаға жедел жәрдем көлігінің керектігін айтты. Барсакелмес қорығының шекарасы жөнінде депутаттар министрлерді әкеліп бұл мәселені алдағы уақытта шешіп беретінін және жедел жәрдем көлігі бойынша Марат Құбылұлы облыстық денсаулық сақтау басқармасына өтінім жіберілгендігін айтып, алғашқы кезекте осы ауылдық округке жедел жәрдем көлігі берілетінін жеткізді. Кездесу соңында ауыл тұрғындары халық қалаулыларына осылай жиі келіп халықтың жағдайын біліп тұруды ұсынды.
<img src="https://kyzylorda-news.kz/wp-content/uploads/2022/02/274217083_3197523607242670_1364705037310560298_n.jpg" alt="" />
<img src="https://kyzylorda-news.kz/wp-content/uploads/2022/02/274230183_3197523667242664_2653188271524601636_n.jpg" alt="" />
<img src="https://kyzylorda-news.kz/wp-content/uploads/2022/02/274231852_3197523790575985_969573731710802770_n.jpg" alt="" />

Мәжіліс депутаттары Арал ауданына барды

<a href="https://kyzylorda-news.kz/">Kyzylorda-news.kz.</a> Мемлекет басшысының Арал теңізінің құрғаған ұлтанында алдағы бес жыл ішінде 1,1 млн. гектар сексеуіл екпелерін ұлғайту жөніндегі тапсырмасы аясында былтыр 101 мың гектар сексеуіл егілді. Биыл 250 мың жерге фитоорманмелиорациялық жұмыстар жүргізілмек. Бұл туралы Өңірлік коммуникациялар қызметінде өткен брифингте облыстық табиғи ресурстар және табиғат пайдалануды реттеу басқармасы басшысы орынбасарының міндетін атқарушы Дәмелі Бердешова мәлімдеді.
<blockquote>
 «Облыс аумағында мемлекеттік орман қоры жерлерінің жалпы көлемі 7,0 млн. гектарды құраса, оның 3,8 млн. гектары орманды алқаптар болып табылады. Бұл алқаптың 89 пайызын сексеуіл ағаштары алып жатыр. Еліміз тәуелсіздік алған жылдардан бастап, теңіздің құрғаған ұлтанының Қазақстандық бөлігіне 395 мың гектар сексеуіл, сарысазан, жыңғыл егілді. ҚР Экология, геология және табиғи ресурстар министрлігі және Қызылорда облысының әкімдігімен бірлесіп бекітілген Арал теңізінің құрғаған табаныны сексеуіл егуге бағытталған 2022-2025 жылдарға арналған Жол картасы аясында, биыл 250 мың га фитоорманмелиорациялық жұмыстарды жүргізу жоспарлануда. Сонымен қатар, орман шаруашылығы мекемелерінің материалды-техникалық базасы нығайтылуда», – деді Дәмелі Бердешова.
</blockquote>

Қазақстан және Қызылорда облысының жаңалықтары

Ветеринар мамандар қаңғыбас ит пен мысықты не істейді?

Қызылордада былтыр 22 мыңнан астам қаңғыбас ит жойылды

Қызылордада Қажымұқан Мұңайтпасұлын еске алуға арналған республикалық турнир өтеді

Күн жылына бастайды

Гүлшара Әбдіқалықова спорттағы дарынды балаларға қолдау көрсетуді тапсырды

Қызылордада діни бағыттағы «күмәнді» деп танылған 30 сілтеме бұғатталды

Қызылордада ата-анасының қамқорлығынсыз қалған 835 бала бар

Қызылордадағы әскери-техникалық мектеп жаңа курсанттармен толықты

Қызылордада жедел жәрдем қызметкерлерінің өліміне кінәлі жүргізуші сотталды

Президент шешімі – елдің ертеңі

Мәжіліс депутаттары Арал ауданына барды

Арал теңізінің құрғаған ұлтанына фитоорманмелиорациялық жұмыстар жүргізіледі

Қазақстан және Қызылорда облысының жаңалықтары

Ветеринар мамандар қаңғыбас ит пен мысықты не істейді?

Қызылордада былтыр 22 мыңнан астам қаңғыбас ит жойылды

Қызылордада Қажымұқан Мұңайтпасұлын еске алуға арналған республикалық турнир өтеді

Күн жылына бастайды

Гүлшара Әбдіқалықова спорттағы дарынды балаларға қолдау көрсетуді тапсырды

Қызылордада діни бағыттағы «күмәнді» деп танылған 30 сілтеме бұғатталды

Қызылордада ата-анасының қамқорлығынсыз қалған 835 бала бар

Қызылордадағы әскери-техникалық мектеп жаңа курсанттармен толықты

Қызылордада жедел жәрдем қызметкерлерінің өліміне кінәлі жүргізуші сотталды

Президент шешімі &#8211; елдің ертеңі

Мәжіліс депутаттары Арал ауданына барды

Арал теңізінің құрғаған ұлтанына фитоорманмелиорациялық жұмыстар жүргізіледі

Президент шешімі – елдің ертеңі