<a href="https://kyzylorda-news.kz/">Kyzylorda-news.kz.</a> 17 мамыр күні Қазақстанның басым аумағында құбылмалы күн райы сақталып, найзағай, жаңбыр күтіледі, деп хабарлайды Қазгидромет.
Тек еліміздің оңтүстігі мен шығысында ауа райы жауын-шашынсыз болады. Республика бойынша желдің күшеюі сақталады, елдің солтүстігінде, солтүстік-батысында, оңтүстік-шығысында – дауыл, бұршақ, оңтүстігінде, оңтүстік-батысында, солтүстік-шығысында – шаңды дауыл, солтүстікте – тұман болжанады, деп хабарлайды ҚазАқпарат Қазгидрометке сілтеме жасап.
Күндіз&nbsp;Қызылорда облысының&nbsp;солтүстігінде, орталығында шаңды дауыл тұрады. Желдің жылдамдығы 15-20 м/с жетеді.

17 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаевтың қатысуымен «Мүлік иелерінің бірлестігі институтын енгізу туралы» тақырыбында интернет конференция өтеді.
Уақыты: 2022 жылғы 22 сәуір, сағат 09.00-16.00 аралығында.
Конференцияға мына <a href="https://dialog.egov.kz/conference/2415">сілтеме</a> арқылы қосылуға болады.&nbsp;
&nbsp;

Нұрлыбек Нәлібаевтың қатысуымен интернет конференция өтеді

<a href="https://kyzylorda-news.kz/">Kyzylorda-news.kz.</a> Ел Президенті Халыққа Жолдауында алдағы уақытта саяси жүйеде түбегейлі өзгерістер болатындығын атап өтті. Бүгінде елімізде үлкен саяси науқан жүргізілуде. Жолдаудан кейін көтерілген мәселелер республикалық референдумда жалғасты. 5 маусым күні бүкілхалықтық референдум өткізіледі. Референдумның негізгі мақсаты – ашықтық және халықпен кері байланыс орнату. Ата Заңымыздың 33 бабына өзгеріс енгізіледі.
Қазіргі таңда біздің облыста қоғамдық штаб құрылды. Онда қоғам белсенділері, ардагерлер, түрлі саланың жетекшілері, қоғам қайраткерлері бар. Бұл штаттың негізгі мақсаты – Конститутциялық өзгерістерді халыққа кеңінен түсіндіру болып табылады. Алдағы уақытта барлық аудандарда халыққа түсіндірме жұмыстары жүргізіліп, референдумда ұсынылған өзгерістерді талқылайтын боламыз.

Жандос Базартай: Референдумның негізгі мақсаты – ашықтық және халықпен кері байланыс орнату

<a href="https://kyzylorda-news.kz/">Kyzylorda-news.kz.</a> «AMANAT» партиясы республикалық штабы мүшелерінің өңірлердегі кездесулері жалғасуда. Бүгін мәжілістегі «AMANAT» партиясы депутатық фракциясының мүшелері Геннадий Шиповских пен Бақытбек Смағұл Арал ауданыдағы сапары барысында Қосаман елді мекеніндегі сайлаушылармен алдағы референдумның маңыздылығы мен оған енгізілетін өзгерістер мен толықтырулар туралы талқылады.
Кездесу барысында еліміз бойынша 2022 жылдың 5 маусымы күні жалпыхалықтық референдум өтетінін, соған байланысты штаб мүшелері халық арасында кеңінен түсіндіру жұмыстарын жүргізуді бастағанын жеткізіп, қатысушыларды референдумды қолдауға шақырды.
<blockquote>
 «Президент Қасым-Жомарт Тоқаев халық өз тағдырын өзі шешетіндей болуы үшін, мемлекеттің ісін барлық өлшем бойынша халықтың өзі айқындайтын жағдай жасау үшін референдум өткізгелі отыр. Қазір референдум – қоғам арасында қызу талқыланып жатыр. Конституцияны бүкілхалықтық дауыс беру арқылы өзгерту -халықтың еркін білдіруінің айқын көрінісі және халық үніне құлақ асатын мемелкет қағидасының орындалуының көрсеткіші»,- деді республикалық штаб мүшесі Бақытбек Смағұл.
</blockquote>
Ал өз кезегінде сөз алған фракция мүшесі Геннадий Шиповских конституциялық құрылымдарды жетілдіруге қатысты тоқталды.
<blockquote>
 «Соңғы Жолдауда Президент тың саяси реформаларды жариялап, билік институттары арасындағы конституциялық құрылымды жетілдіруге мүдделі екенін танытты. Өзгеріс аз емес, соның бірі – Парламент палаталарының рөлі күшейіп, мәртебесі артады. Мәжілісті қалыптастырудың аралас моделі енеді, Парламенттің бақылау функциялары кеңейеді, заңнамалық рәсімдер оңтайланады. Яғни, азаматтардың мүддесін қорғау механизмі күшейеді. Реформалар сәтті өтсе,халық ел басқаруға қатысады. Бір мандатты округтер бойынша Мәжіліс депутаттары сайланады, мәслихат депутаттарының келісімімен баламалы негізде облыс әкімдері тағайындалады. Осынша өзгеріс елде демкоратиялық процестерді жетілдіріп, «биліктің бірден-бір қайнар көзі – халық» деген принцип жүзеге асады», – дейді Геннадий Шиповских.
</blockquote>
Кездесу барысында ауыл тұрғындары білгенімен қуаттап, білмегінін сұрап жұмысшы топ өкілдеріне өз риазышылықтарын білдірді.

Республикалық штаб өкілдері шалғай ауыл тұрғындарымен референдумның маңыздығын талқылауда

<a href="https://kyzylorda-news.kz/">Kyzylorda-news.kz.</a>&nbsp;«Евровидение-2022» ән байқауында жеңіске жеткен украиналық «Калуш Оркестра» тобы бірінші орын үшін берілген шыны микрофонды өздеріне қалдырмайтын болды, деп хабарлайды «Хабар 24».
Музыканттар оны аукционда сатады. Ал жүлдеден түскен ақша ел әскерін қолдау қорына аударылады.
Айта кеткен жөн, Италияда өткен биылғы байқауда украиналықтардан бөлек үздік бестікке Ұлыритания, Испания, Швеция мен Сербиядан барған қатысушылар кірді. Әскери іс-қимылдарға байланысты ақпанның соңында Ресейдің бұл жарыстан шеттетілетіні белгілі болды.

Eurovision 2022 жеңімпаздары жүлдесін сатады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің 85 жылдығы аясында құқық қорғау қызметі саласы өкілдері арасында форум ұйымдастырылды.
Форум аясында спорттың төрт түрінен спартакиада, ғылыми-инновациялық көрме және университет өнерпаздарының концерттік бағдарламасы өтті.
Шараның салтанатты ашылу рәсімі Ә.Тәжібаев атындағы облыстық әмбебап ғылыми кітапханасында басталып, қорытындысы «Сейхун» спорттық-сауықтыру кешенінде аяқталды.
Жиында Әлеуметтік және тәрбие жұмыстары жөніндегі проректор Жандос Базартай қатысушыларға сәттілік тілеп, оқу орнының жетістіктеріне тоқталды.
<blockquote>
 «Университеттің профессор-оқытушылары құқық саласы мекемелерімен тығыз жұмыс істейді. Біздің білім алушылар білікті мамандардың жетекшілігімен тәжірибеден өтіп, өз білімдерін жетілдіруде. Мемлекет басшысы Қасым-Жомарт Тоқаев Жаңа Қазақстанның басты принципі әділеттілік болуы тиіс деген болатын. Сондықтан жауапкершілігі жоғары салада білікті де білімді, өз саласының нағыз мамандарын даярлауда бірлесе атқарар жұмысымыз жалғасын таба бермек»,- деді Жандос Базартай.
</blockquote>
Шараның мақсаты – профессор-оқытушылар мен құқық қорғау қызметі саласы қызметкерлері арасында бұқаралық спортты дамыту және насихаттау.
Қатысушылар спорттың шахмат, футбол, арқан тартыс, жүзу түрлерінен бақ сынап, жеңімпаздарды анықтады. Нәтижесінде ҚР Сыбайлас жемқорлыққа қарсы іс-қимыл агенттігі 3-орын иеленсе, Қорқыт ата атындағы Қызылорда университеті 2-орыннан көрінді. Ал Қызылорда облысының Полиция департаменті спартакиаданың жеңімпазы атанды.
Жалпыкомандалық біріншілікте жарыстың жеңімпаздары мен жүлдегерлеріне университеттің арнайы кубогі және дипломдары табысталды. Сонымен қатар, құқық саласы мамандарын даярлауда бірлесе еңбек етіп жүрген қызметкерлер Алғыс хатпен марапатталды.
<img src="https://kyzylorda-news.kz/wp-content/uploads/2022/05/imgl2136-scaled.jpg" alt="" />
<img src="https://kyzylorda-news.kz/wp-content/uploads/2022/05/imgl2020-1-scaled.jpg" alt="" />
<img src="https://kyzylorda-news.kz/wp-content/uploads/2022/05/imgl2166-scaled.jpg" alt="" />

Қызылордада құқық қорғау саласы қызметкерлері арасында форум өтті

<a href="https://kyzylorda-news.kz/">Kyzylorda-news.kz.</a> «Өнеркәсіпті дамыту орталығы» акционерлік қоғамы мен «Қазақстан Аавтобизнес қауымдастығының», екінші деңгейлі банк өкілдерінің қатысуымен 4 пайыздық автонесие шарттарын түсіндіруге арналған брифинг өткен болатын. ҚазАқпарат осы шарада айтылған ақпараттар негізінде жеңілдетілген автонесие рәсімдеу тәртібіне шолу жасады.
4 пайыздық несие рәсімдеудің қысқаша нұсқаулығы мынадай:
1 Бағдарламаға қатысушы адам дилерлік орталыққа барып, Қазақстанда жасалатын көліктердің ішінен өзіне қажетін таңдайды.
<ol start="2">
<li>Егер ол таңдаған көлік (қалаған жиынтығымен қоса) бар болса, автосалон VIN-коды бар төлем шотын ұсынады. Ол төлем шоты 5 күнге жарамды.</li>
<li>Осы 5 күннің ішінде тұтынушы екінші деңгейлі банктердің біріне барып қолындағы VIN-коды бар төлем шоты арқылы өтінім рәсімдейді. (Әзірге бұл бағдарлама бойынша жұмыс істейтін 4 банк белгілі. Олар: «Халық банк», «Банк ЦентрКредит», «Форте банк» және Еуразиялық банк». Соның ішінде бүгін сағат 14.00-ден бастап «Центр кредит банкі ғана өтінім қабылдап бастады).</li>
</ol>
«Өнеркәсіпті дамыту» қоры» акционерлік қоғамының басқарма басшысы Ғалымжан Әдидің айтуынша, осы аптаның ішінде қалған үш банк те қосылуы керек.
<ol start="4">
<li>Банк өтінімді қабылдағаннан кейін өзінің электронды кезегіне тіркейді.</li>
<li>Несие беру туралы оң шешім шығару үшін банк өтінім иесінің төлем қабілеті мен несие тарихын тексереді.</li>
<li>Өтінім мақұлданса, банк кепілхат береді.</li>
<li>Тұтынушы ол кепілхатты дилерлік орталыққа (автосалонға) апаруы керек. Дилерлік орталық төлем шотын берген күн мен тұтынушы кепілхат әкелген күннің арасында бес күннен артық уақыт өтпеуі керек.</li>
</ol>
Бір адам неше рет 4 пайыздық несие ала алады?
Бұл бағдарламаның ерекшелігі бар. Неғұрлым көп адам алу үшін бір азамат мұндай несиені 2 жылда бір-ақ рет ала алады», – деді Ғалымжан Әди.
Кезек қалай бақыланады?
Көлік алғысы келген адам автосалонға барып көлік таңдайды. Осыдан кейін брондалған көлік туралы мәлімет өндіруші компанияның ішкі жүйесіне енгізіледі. Сол арқылы өндіруші қай қалаға қандай автомобиль қашан жеткізілуі керек екенін біліп отырады.
Бұл электронды кезек әрбір өндіруші компанияның өз ішінде қалыптастырылады. Тұтынушы осылайша автомобильді брондағаннан кейін қолына құжат беріледі. Егер тұтынушы таңдаған көлік сатылымда бар болса, VIN-коды көрсетілген төлем шоты көрсетіледі. Осы құжатпен екінші деңгейлі банкке барып, жеңілдетілген несие бойынша көлік сатып алу туралы өтінім беріледі.
Егер тұтынушы таңдаған көлік сатылымда болмаса, өндіруші қашан жеткізілетінін айтады. Әдетте бұл алдын ала сату-сатып алу немесе бронға қою келісімшарты түрінде рәсімделеді.
Әдетте төлем шоты автосалонға таңдалған көлік келіп түскен сәтте бірден беріледі.
VIN-коды көрсетілген төлем шотын алған адамға 5 күн уақыт беріледі. Сол 5 күннің ішінде тұтынушы тапсырыс беріп, төлем қабілетін тексертіп, мақұлдаса, кепілхат алады. Ол кепілхатты автосалонға апарады. 5 күннің ішінде тұтынушы қоңырауға жауап бермей немесе өзі бармай, немқұрайдылық көрсетсе, дилерлік орталықтағы адамдар хабарласады. Онда да байланысқа шықпаса, ол көлік бойынша төлем шоты басқа адамға беріледі.
Көлікті алу төлем шоты мен банктегі процестен ғана тұрмайды. «Автоцонға» барып көлікті тіркеу қажет. Бұл әр жеке тұлғаның құжаттардың бәрін қаншалықты жылдам жинап, рәсімдегеніне байланысты.
«Өнеркәсіпті дамыту қоры» АҚ басқарма басшысы Ғалымжан Әдидің айтуынша, әр банк өзінің дербес автоматтандырылған кезек жүйесін белгілейді.
«Несиеге мақұлдау алған азаматтардың аты-жөні сол кезекке түседі. Осы азаматтар сол тізімнен өз өтінімінің мәртебесін бақылап отырады», – деді қордың басшысы.
4 пайыздық автонесиені кімдер алуға құқылы?
«Қаақстан Автобизнес» қауымдастығының вице-президенті Анар Мақашеваның мәліметі бойынша, 4 пайыздық несиені Қазақстан Республикасының азаматтары ғана ала алады. Екінші деңгейлі банктер тұтынушының несие тарихы мен төлем қабілетін тексергеннен кейін өтінімді мақұлдау не бас тарту туралы шешім шығарады. Ал шетел азаматтары бұл нәсиеден үміттене алмайды.
Бірінші кезекте кімдер несие алады?
«Бірінші кезекте автосалонда бар көлік бойынша өтінім берген адамдар пайыздық автонесие рәсімдей алады. Яғни, бірінші кезекте деп басымдық берілетін белгілі бір санат болмайды. Бәрі кезек негізінде реттеледі», – деді «Өнеркәсіпті дамыту қоры» АҚ басқарма басшысы Ғалымжан Әди. https://www.inform.kz/kz/zhenildetilgen-avtonesiede-eshbir-sanatka-basymdyk-berilmeydi_a3933464
4 пайыздық несиеге банкте неге үстеме пайыз қосылады?
Өнеркәсіпті дамыту қорының басқарма төрағасының орынбасары Ринат Гаппаров 4 пайыздық сыйақы мөлшерлемесінің үстіне қосылатын пайыздық үстемелер әр банкте әр түрлі болуы мүмкін екенін айтты.
«Жеңілдетілген автонесие бойынша ғана емес, бүкіл несиелер бойынша сыйақы мөлшерлемесінен бөлек жылдық тиімді сыйақы мөлшерлемесі бар. Несиенің пайызы осы тұрғыдан өседі. Ал Үкімет белгілеген 4 пайыз сыйақы мөлшерлемесі өспейді. Иә, қосымша комиссиялар мен сақтандыру шығыны бар. Сыйақы Үкімет қаулысы бойынша жеке төленеді. Сондықтан несие қымбаттап отыр. Ал сақтандырусыз несие ала алмайсыз», – деп түсіндірді Ринат Гаппаров.
Бұл несие зейнеткерлерге беріле ме?
«Бүгінде зейнеткерлер бойынша айтсақ, зейнет жасының аясында белгілі бір кезең бар және кредиттеу несие беру зейнет жасына дейін ғана көзделеді», – деді «Центр Кредит» банкінің өкілі Гүлжаһан Хамитова. https://www.inform.kz/kz/4-payyzdyk-avtonesie-zeynetkerlerge-berilmeydi-bank-okili_a3933382
Көлік ұнамай қалса, өтінімдегі VIN-кодты өзгертуге бола ма?
«Автонесие алғысы келетін тұтынушыларға мына мәліметті жеткізу маңызды. Автосалонда бар көлікке өтінім беріп, сол бойынша несиені жылдам ала қою мүмкін емес. Бағдарлама шарты бойынша, кезекте көрсетілген көліктің маркасы мен моделін өзгертуге болмайды. Тұтынушы VIN-коды бар төлем шотын алып қойған болса, басқа көлікке ауыстыра алмайды. Айнып қалса, басқа көлік алу үшін қайтадан басынан бастап кезекке тұру керек болады», – деді қордың өкілі. Сондай-ақ, ол кезектің иесін де өзгерту мүмкін емес екенін ескертті. «Нақты бір адамның атына жазылған төлем шотын басқа адамға беруге рұқсат жоқ. Яғни төлем шотындағы жеке тұлғаның аты-жөнін өргертуге болмайды. Сонда төлем шотында көрсетілген көліктің түрін де, адамның атын да өзгерту мүмкін емес», – деді Ринат Гаппаров.
<a href="https://lenta.inform.kz/kz/4-payyzdyk-avtonesieni-kalay-aluga-bolady_a3933548">ҚазАқпарат</a>

4 пайыздық автонесиені қалай алуға болады

<a href="https://kyzylorda-news.kz/">Kyzylorda-news.kz.</a> Бүгін Қазалы аграрлы-техникалық колледжінде Техникалық және кәсіптік білім беру оқу орындары студенттерінің арасында «Графикалық дизайн», «Жеңіл автомобильдерді жөндеу және қызмет көрсету», «Ауыл шаруашылығы машиналарын жөндеу және қызмет көрсету», «Кірпіш қалау» құзіреттілігі бойынша Worldskills кәсіби шеберлік байқауының облыстық кезеңі басталды.
Чемпионатты аудан әкімі Мұхтар Оразбаев ашып, құттықтау сөз сөйледі.
«Техникалық және кәсіптік білім беру саласының еліміздің әлеуметтік-экономикалық дамуына қосар үлесіне, колледждерді бітірген орта буын және жұмысшы кадрлар өндіріс пен шаруашылыққа аса қажет екеніне, аймақ бойынша WORLDSKILLS Ұлттық чемпионатының облыстық іріктеу кезеңі 2022 жылдың 11-17 мамыр аралығында 21 құзыреттілік бойынша 11 колледждің базасында өткізілетін болса, біздің ауданымызда 4 құзіреттілік бойынша өткізілуі Қазалы аграрлы-техникалық колледжі базасы мықты облысымыздағы алдыңғы қатардағы колледждердің қатарында екенін көрсетеді», – деп облыс бойынша қатысып жатқан қатысушыларға шынайы тілегін жеткізді.
Мұнан кейін Қызылорда облыстық оқу орталығының (әдістемелік кабинет) бөлім басшысы Нұрхан Әбдіқалықов аймағымызда өткізіліп жатқан чемпионаттың мақсаты мен күтілетін нәтижесіне тоқталып, қатысушыларға сәттілік тіледі.
WorldSkills Kazakhstan Чемпионатын өткізуден күтілетін нәтиже – мамандарды даярлаудың инновациялық үлгілеріне қол жетімділікті ашу, жоғары дағды мен кәсіптік құзыреттілікке оқытудың алдыңғы тәжірибесімен танысу мүмкіндігін ұсыну, кәсіптік шеберліктің ұлттық және халықаралық байқауларына қатысу тәжірибесін арттыру, ҚР ТжКБ беру жүйесін кәсіби мамандарды даярлаудың үздік халықаралық тәжірибесімен интеграциялауға қолдау көрсету, ҚР ТжКБ беру жүйесінің мамандарды даярлаудың жалпы қабылданған әлемдік стандарттарына шығу мүмкіндігін ұсыну.
Чемпионаттың облыстық кезеңіне И.Әбдікәрімов атындағы Қызылорда аграрлық-техникалық жоғары колледжі, Қызылорда инженерлік техникалық колледжі, Cмағұл Ысқақов атындағы Қызылорда құрылыс және бизнес колледжі, М.Ықсанов атындағы Қызылорда политехникалық колледжі, Арал көпсалалы колледжі, Қазалы аграрлы – техникалық колледжі, Қазалы көлік-техникалық жоғары колледжі, Қармақшы аграрлы – техникалық колледжі, Шиелі индустриалды – аграрлық колледжі, Жалағаш индустриалды – аграрлық колледжі, Қызылорда жоғарғы көпсалалы колледжі, «ORDA» жоғарғы колледжі, Жаңақорған аграрлы – техникалық колледжі, Академик С.Джиенкулов атындағы Байқоңыр жоғары колледжі, «Болашақ» университетінің жоғары колледжі, Қызылорда жоғары көпсалалы колледжінен 4 құзіреттілік бойынша 29 қатысушы қатысуда.
<img src="https://kyzylorda-news.kz/wp-content/uploads/2022/05/kazaly1.jpg" alt="" />

Қазалыда WORLDSKILLS кәсіби шеберлік байқауының облыстық кезеңі басталды

<a href="https://kyzylorda-news.kz/">Kyzylorda-news.kz.</a>&nbsp;«CHEVRON» компаниясы ұйымдастырған «Sustainability Living Lab» және «Enactus Water race» республикалық байқауында Қорқыт ата атындағы Қызылорда университетінің студенттері жеңімпаз атанды.
Байқауда білім алушылар «Bike Parking» жобасын таныстырып, 800 мың теңге грантқа ие болса, екінші сайыста 2-ші орын иеленіп 700 мың теңге ұтып алды. Бұл туралы Өңірлік коммуникациялар қызметінде өткен брифингте Бизнес старт жастар кәсіпкерлігі орталығының жетекшісі Жанарыс Түбекбаев хабарлады.
<blockquote>
 «CHEVRON» компаниясының демеулігімен 2 байқау өткізілді. Оның бірі – Назарбаев университеті ұйымдастырған «Sustainability Living Lab» жобасы. Мүнда 100 университеттен өтінім қабылданып, соның 36-сы жартылай финалға өтті. Соның ішінен 16 жоба қолдау тапты. Біздің студенттеріміз өз жобаларын жоғары деңгейде қорғап, 800 мың теңге иеленді. Екінші сайыс «Enactus Water race» республикалық байқауы – экологиялық стандарттарға сай және су ресурстарын тиімді пайдалануға арналған. Университетіміздің белсенді жастары сайыста 2-ші орын алып, 700 мың теңге ұтып алды, – деді Жанарыс Түбекбаев.
 «Bike Parking» байқауы – оқу ғимараттарының алаңында велотұрақтар қоюға арналған жоба. Бұл студенттер арасында салауатты өмір салтын насихаттап, экологиялық тазалықты сақтауға септігін тигізеді. Алдағы уақытта оқу орындарының алдында 8 велотұрақ орналастыратын боламыз, – деді Қорқыт ата атындағы Қызылорда университетінің 2 курс студенті Темірлан Абжанов.
 «Велотұраққа байланысты студенттерге арнайы сұрау салған болатынбыз. Басым көпшілігі біздің идеяны қолдады. Алдағы уақытта жоба нәтижесі барлық білім алушыларға пайдасын береді деген ойдамын», – деді Қорқыт ата атындағы Қызылорда университетінің 3 курс студенті Жауынбай Ислам.
</blockquote>

Қызылордада оқу орындарының алдында 8 велотұрақ орналастырылады

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облысының әкімі Нұрлыбек Нәлібаев Болат Өтемұратов қорының өкілдерімен кездесті.
Жиында Қор өкілдері Қорқыт ата әуежайындағы жаңа жолаушылар терминалының жобасын ұсынды. «Верный Капитал» тобы жүзеге асырып жатқан жобаның құны шамамен 25 миллион АҚШ долларын құрайды. Құрылыс аяқталғаннан кейін нысан қаланың коммуналдық меншігіне тегін беріледі.
<blockquote>
 «Верный Капитал» компаниялар тобының бас директоры Ерлан Оспановтың айтуынша, құрылыс жұмыстарын 2023 жылдың ақпанында бастау жоспарлануда, ал жаңа терминал 2024 жылдың қыркүйегінде алғашқы жолаушыларды қабылдай алады.Верный Капиталдың әлеуметтік маңызы бар нысандар мен қоғамдық орындарды жобалау мен салуда үлкен тәжірибесі бар. Жаңа әуежай терминалы үздік халықаралық тәжірибеге сай болады және бүкіл өңірдің дамуына серпін береді, – деді Е.Оспанов.
</blockquote>
Шыныдан жасалған витражды қасбеттері бар екі қабатты терминалдың жалпы ауданы 7 500 шаршы метрді құрайды. Халықаралық және ішкі ұшу аймақтары сәйкесінше 130 және 160 қонақты қабылдай алады. Терминалда телескопиялық өтпе жол, эскалаторлар мен лифттер, жүктерді тапсыру мен өңдеудің автоматтандырылған жүйесі, транзиттік жолаушыларға арналған зал, CIP залы қарастырылған. Жаңа ғимаратта өзін-өзі тіркеу пункттері, намазханалар, Duty Free аймағы, сондай-ақ шекара және кеден қызметтері, фитосанитарлық және ветеринария, санитарлық-эпидемиологиялық бақылау қызметкерлері мен желілік полиция бөлімшелері үшін мамандандырылған орындар ашылады. Құрылыста халықаралық брендтердің жабдықтары, технологиялары және жобалық материалдары пайдаланылады.
Облыс әкімі «Болат Өтемұратов қорының» Сыр өңіріндегі бірқатар әлеуметтік жобалар мен маңызды бастамаларға қолдау білдіріп, халықтың әл-ауқатын арттыруына қосқан еңбегін атап өтіп, алғысын жеткізді.
<blockquote>
 «Әуежай – аймақтың негізгі қақпасы, беткеұстар нысандарымыздың бірі. Қаламызға ұшып келген қонақтардың көзқарасы әуежайдың сырт келбетіне, жайлылығы мен қызмет көрсету сапасына қарап қалыптасады. Жаңа, заманауи әуежайдың терминалын салу – өте өзекті әрі халық күткен шешім. Барша облыс тұрғындары атынан Болат Өтемұратов Қорына Қызылорда облысының әуе көлігі кешенін дамытуға қосқан айрықша үлесі үшін алғысымды білдіремін» – деді Нұрлыбек Нәлібаев.
</blockquote>
Жаңартылған жолаушылар әуежайының жобасы Халықаралық әуе көлігі қауымдастығының (IATA) және Халықаралық азаматтық авиация ұйымының (ICAO) өзекті стандарттарына сәйкес келеді. Оның авторы – Нидерланд, Ресей, Түркия және Парсы шығанағы елдеріндегі әуежайларды жобалауда 20 жылдық тәжірибесі бар «GMW Mimarlic» түрік жобалық компаниясы.
<img src="https://kyzylorda-news.kz/wp-content/uploads/2022/05/281369235_303004695354115_8129223662036175054_n.jpg" alt="" />
<img src="https://kyzylorda-news.kz/wp-content/uploads/2022/05/281395602_303004765354108_7515998581624854220_n.jpg" alt="" />
<img src="https://kyzylorda-news.kz/wp-content/uploads/2022/05/281754647_303004725354112_1046220450767461414_n.jpg" alt="" />

Болат Өтемұратов қоры Сыр елінде жаңа әуежай құрылысын бастайды

<a href="https://kyzylorda-news.kz/">Kyzylorda-news.kz.</a>&nbsp;Қызылордада жедел басқару орталығымен бір аптада 553 құқық бұзушылық анықталды.
Қызылорда қалалық Полиция басқармасының Жедел басқару орталығында полицейлер тәулік бойы үздіксіз өз жұмыстарын атқарып келеді. Қоғамдық қауіпсіздікті қамтамасыз ету мен тәртіпті сақтау мақсатында анықталған құқық бұзушылықтар бойынша жедел жұмыстарды жүзеге асырады. Бір аптада 102 нөмеріне 1056 хабарлама келіп түсті.
Ал, жедел басқару орталығының көмегімен 553 құқық бұзушылық анықталды.Оның ішінде Қазақстан Республикасының Әкімшілік кұқық бұзушылық кодексінің 593-бабымен (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) 317 жүргізуші, 591-бабының 1-бөлігімен (Көлiк құралын басқару кезiнде жүргiзушiнiң телефонды не радиостанцияны пайдалануы – бес айлық есептiк көрсеткiш мөлшерiнде айыппұл салуға әкеп соғады) 54 жүргізуші, 600-бабының 1-бөлігімен (Жол жүрісінде басымдықты пайдаланатын көлiк құралдарының жүргiзушiлерiн қоспағанда, жол жүрiсi қағидаларының жаяу жүргiншiлерге немесе жол жүрiсiнiң өзге де қатысушыларына жол беру талаптарын орындамау) 25 жүргізушіге әкімшілік хаттама толтырылды. 
Қазақстан Республикасының Қылмыстық Кодексінің 188 бабының 1 бөлігі (Ұрлық) және 293 бабының 1 бөлігімен (Бұзақылық, яғни қоғамдық тәртіпті қоғамды құрметтемеу анық көрінетін, азаматтарға күш қолданумен не оны қолдану қатерін төндірумен, сол сияқты бөтеннiң мүлкiн жоюмен немесе бүлдiрумен не барынша арсыздықпен ерекшеленетiн әдепсiз әрекеттер жасаумен ұштасқан аса қатыгездікпен бұзу) 2 қылмыс ашылды.
«Біздің орталық өз жұмысын ешқашан кідіртке немес. Сондықтан сеніммен айта аламын, Қызылорда қаласы тұрғындарының тыныш ұйқысы мен қоғамдық қауіпсіздікті қамтамасыз ету мақсатында өз жұмысымызды одан әрі де жалғастыра береміз», – дейді Қызылорда қалалық Полиция басқармасының Жедел басқару орталығының бастығы, полиция майоры Берікбол Еримбетов.

Қызылордада бір аптада 553 құқық бұзушылық анықталды

Kyzylorda-news.kz. ҚР Ұлттық экономика министрлігі Табиғи монополияларды реттеу комитетінің Қызылорда облысы бойынша департамент басшысы қызметіне Зерипбаев Мирас Максетұлы тағайындалды.
Мирас Зерипбаев осы уақытқа дейін Алматы қаласы бойынша департамент басшысының орынбасары қызметін атқарды, онда 2021 жылдан бастап осы лауазымда жұмыс істеді.
Монополияға қарсы саладағы жұмысты 2017 жылдан бастап жасай бастады, ведомствоның орталық аппаратта сарапшыдан бастап аумақтық бөлімшелерінде басшының орынбасарына дейінгі лауазымдарды атқарды.

Қазақстан және Қызылорда облысының жаңалықтары