<a href="https://kyzylorda-news.kz/">Kyzylorda-news.kz.</a> Бүгін республиканың басым аумағында ашық, жауын-шашынсыз ауа райы сақталады, деп хабарлайды Қазгидромет.
Еліміздің тек оңтүстігінде, оңтүстік-шығысында, таулы аудандарында жаңбыр жауады, найзағай, дауыл күтіледі. Барлық өңірде жел тұрып, оңтүстікте шаңды дауыл тұрады. ҚазАқпарат бұл туралы Қазгидрометке сілтеме жасап хабарлайды.
Қызылорда облысында көшпелі бұлт, ауа температурасы +26 +28 градусты көрсетеді. Желдің жылдамдығы 8-13 м/с.

29 сәуірге арналған ауа райы болжамы

Kyzylorda-news.kz. Судағы қауіпсіздікті сақтамау салдарынан облыс су айдындарында азаматтардың қайғылы оқиғаларға ұшырауы орын алуда. Ауа райының жоғары температурасы әлі де біраз сақталады. өздеріңізге мәлім.
Құрметті қызылордалықтыр! Осы орайда бақытсыз жағдайлардан аулақ болу үшін судағы қарапайым ережелерді сақтауларыңызды өтінеміз.
Атап айтқанда:
• Тыйым салынған және бейтаныс жерлерге шомылуға, көпірлер мен жағалаулардағы бөгетшелерден және қайықтардан суға секіруге болмайтынын;
• Катты ыстықта және қараңғы батқанда, тамақтанғаннан кейін және терлеп тұрғанда, сонымен қатар спирттік ішімдік ішкеннен кейін суға түсуге тыйым салынатынын;
• Шектейтін арнайы белгілерден асып кетуге болмайтынын;
• Қараусыз қалған немесе техникалық жөндеуге келмейтін қайықтарды қолдануға болмайтынын ескертеміз!
Құрметті ата-аналар! Суға жағасындағы демалыстарыңызда шомылып жүрген балаларды бақылаусыз қалдыруға болмайтынын еске саламыз. Осы ережелерді сақтамау, су қоймаларында жиі қайғылы жағдайдың болуына соқтырады. Суға түсу ережелерін сақтап дұрыс пайдаланғанда ғана су өмірдің қуанышы мен рахатын, денсаулық күші мен көтерінкі көңіл-күйін сыйлайтыны анық.

Судағы қауіпсіздік ережелерін сақтаңыз

<a href="https://kyzylorda-news.kz/">Kyzylorda-news.kz.</a>&nbsp;«Мың бала» Ұлттық зияткерлік олимпиадасының ІІ кезеңі өңірлік тестілеу орталық базасында өтті.
Қызылорда қаласына қарасты ауыл мектептерінен 5 сыныптан 99 оқушы, 6 сыныптан 37 оқушы қатысып, барлығы 136 бала бақ сынады.
«Мың бала» олимпиадасы үшінші жыл қатарынан қабілетті ауыл оқушыларын анықтап келеді. Жеңімпаздар дарынды балаларға арналған мамандандырылған мектептерінде оқуға мүмкіндік алады. «Мың бала» олимпиадасын Елбасы Академиясы Қазақстан Республикасы Білім және ғылым министрлігімен серіктестікте бірлесіп өткізеді.
Олимпиада жеңімпаздары еліміздің дарынды балаларға арналған жетекші мектептерінде: Республикалық физика-математика мектебінде, «Білім-Инновация» лицейлерінде, «Дарын» мамандандырылған мектептерінде оқуға мүмкіндік алады.

«Мың бала»: Қызылордада олимпиаданың ІІ кезеңі өтті

<a href="https://kyzylorda-news.kz/">Kyzylorda-news.kz.</a> Елде қарақшылық, бұзақылық, мал ұрлығы, алаяқтық және зорлау деректері азайып келеді. Ішкі істер министрі Марат Ахметжанов бүгін Президент Қасым-Жомарт Тоқаевтың қабылдауында болып, осындай есеп берді, деп хабарлайды «Хабар 24».
Оның айтуынша қылмыстық істер 7,6 процентке азайған. Сондай-ақ министр қаңтар оқиғасы кезіндегі қылмыстар бойынша тергеп-тексеру, кінәлілерді анықтап, жауапқа тарту, ұрланған қаруды айналымнан шығару жұмыстары жөнінде баяндады. Бұған қоса полицияның сервистік моделінің енгізілу барысымен және жол ережесін бұзғандарды анықтауға арналған «Қорғау» деп аталатын жаңа бағдарламаны таныстырды. Мемлекет басшысы жол қауіпсіздігін қамтамасыз ету үшін жауапкершілікті қатаңдату қажет екенін атап өтті. Министрге полицияның сервистік моделін одан әрі енгізу, азаматтардың қауіпсіздігін қамтамасыз ету жөнінде бірқатар нақты тапсырма берді.

Жол ережесін бұзғандарды анықтаудың тың тәсілі таныстырылды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қалалық Полиция басқармасының кезекші бөліміне алаяқтың құрбаны болған қала тұрғыны арызданды.
Арызданушының айтуынша, 15 сәуір күні белгісіз адам, атынан 1 миллион онлайн несие рәсімдеп алған. Алаяқты ұстау мақсатында полиция қызметкерлері барлық қажетті жедел-іздестіру іс-шараларын жүргізіп, нәтижесінде 41 жастағы қала тұрғыны ұсталды.
Қазіргі таңда аталған дерек бойынша Қазақстан Республикасының Қылмыстық Кодексінің 190-бабының 2 бөлігімен (Адамдар тобының алдын ала сөз байласуымен) бойынша тіркеліп, қылмыстық іс қозғалды.

Қызылордада өзгенің атынан онлайн несие рәсімдеген әйел ұсталды

<a href="https://kyzylorda-news.kz/">Kyzylorda-news.kz.</a>&nbsp;Арал ауданы әкімінің сапары Қамыстыбас елді мекенінің тұсындағы Боранбай өңірінде жалғасты. Мұнда елді мекенге жаңадан қазылатын су ұңғымасының құрылыс жұмыстарын бастау шарасына қатысты.
Бұл маңға жиналған ауыл тұрғындары ел игілігі үшін қолға алынғалы жатқан жұмыстарға сәттілік тілеп, ниеттеп құрбан шалды.
Облыстық бюджет есебінен қаралған қаржыға «Ойл Су» ЖШС мердігер компаниясы алғашқы бұрғылау жұмыстарын бастады. Бұл жұмыстар өткен жылы орын алған қуаңшылық жағдайын еңсеру мақсатында жоспардағы қолға алынуы тиіс жобалардың бірі. Бұрғылау жұмыстары жыл көлемінде жалғасын табатын болады.
Өткен жылы аудан аумағын қуаңшылық жайлап, дария суының тартылуына байланысты Қамбаш көлі жағадан жарты шақырымдай алыстап кеткен болатын. Бұл жағдайлардың барлығы шаруаларға кері әсерін тигізді. Жайылымдық жерлерді суландырып, көлдер жүйесін қайта қалпына келтіру мақсатында «Бұрмақұлақ» арнасы бөгеліп, «Аспай» суағытқысы іске қосылған болатын. Енді міне нәтижесінде Қамбаш көлі қайта қалпына келді. Осы көлдің қазіргі деңгейін көру мақсатында аудан әкімі Шөмішкөл іргесімен Тоқбай көліне барып, жағдайды бағамдады. Көлдің қазіргі жағдайына байланысты жайылымдық жерлерді тиімді пайдалану керектігін айтты.

Қамыстыбас ауылдық округінде су ұңғымасын қазу жұмыстары басталды

<a href="https://kyzylorda-news.kz/">Kyzylorda-news.kz.</a>&nbsp;Жалағаш ауданының әкімі болып Есжанов Асқарбек Темірбекұлы тағайындалды.
Облыс әкімі Нұрлыбек Нәлібаев актив отырысында Жалағаш ауданының жаңа әкімін таныстырды.
Жиында аймақ басшысы Шәменов Асылбек Өмірбекұлының Қызылорда қаласының әкімі лауазымына тағайындалуына байланысты Жалағаш ауданының әкімі қызметінен босатылғанын хабарлап, екі жылдан астам уақыт ішінде ауданның дамуына лайықты үлесін қосқанын атап өтті.
Облыс әкімінің өкімімен Қазақстан Республикасы Президенті Әкімшілігі және Жалағаш ауданыдық мәслихаттың келісімі бойынша Жалағаш ауданының әкімі лауазымына Есжанов Асқарбек Темірбекұлы тағайындалды.
Аймақ басшысы жаңа әкімнің қызметініне сәттілік тіледі.
<blockquote>
 «Асқарбек Темірбекұлы басшылық қызметтегі ұйымдастырушылық қабілеті мен тәжірибесі мол, өз жұмысын жоғары кәсіби деңгейде атқаратын білікті азамат.Әр жылдары Қызылорда облысы әкімі аппаратында бөлім басшысы, Қызылорда қаласы әкімі аппаратының басшысы, Қызылорда қалалық білім бөлімінің басшысы, Қызылорда қалалық мәслихат аппаратының басшысы, Қызылорда қалалық мәдениет және тілдерді дамыту бөлімінің басшысы, Қызылорда қаласы әкімінің орынбасары болған.2021 жылдан бастап осы кезге дейін Қызылорда облысының мәдениет, архивтер және құжаттама басқармасының басшысы лауазымында абыроймен қызмет атқарып келді.Сондықтан, Мемлекет басшысының саясаты аясында берілген тапсырмаларды бұлжытпай орындап, Өздеріңізбен бірге туған жері Жалағаш ауданын одан әрі дамытуға аянбай жұмыс жасайтынына сенемін», – деді Нұрлыбек Нәлібаев.Жиында сөз алған ардагерлер қауымы жаңа әкімнің қызметіне тілеулестік екенін айтып, қолдауын жеткізді.
</blockquote>
Асқарбек Есжанов 1978 жылы дүниеге келген. Қызылорда мемлекеттік университетін «Тарих және құқық пәнінің мұғалімі», Қызылорда гуманитарлық университетін «заңгер» мамандықтары бойынша бітірген.
Еңбек жолын 1999 жылы Қызылорда экология және құқық колледжінде оқытушы болып бастады.
Одан кейін 2002-2005 жылдары Қызылорда облысының мәдениет басқармасының кітапхана, музей, тарихи және мәдени ескерткіштерді қорғау бөлімінде маман, бас маман болса, 2005-2007 жылдары Қызылорда облыстық сотында, 2007-2010 жылдары Қызылорда қаласы әкімі аппаратында жауапты қызметтер атқарған.
Ал 2010-2019 жылдары облыс әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы, бөлім басшысы, Қызылорда қаласы әкімі аппаратының басшысы, Қызылорда қалалық білім бөлімінің басшысы, қалалық мәслихатының аппарат басшысы болды.
2019-2020 жылдары Қызылорда қалалық мәдениет және тілдерді дамыту бөлімінің басшысы қызмет атқарды.
2020-2021 жылдары Қызылорда қаласы әкімінің орынбасары лауазымын атқарып келді.
2021 жылдан бастап осы кезге дейін Қызылорда облысы мәдениет, архивтер және құжаттама басқармасының басшысы қызметін атқарды.
<img src="https://kyzylorda-news.kz/wp-content/uploads/2022/04/279507936_290734246581160_4380249009504446978_n.jpg" alt="" />

Жалағаш ауданының әкімі тағайындалды

<a href="https://kyzylorda-news.kz/">Kyzylorda-news.kz.</a>&nbsp;Биыл Қызылорда облысында мемлекеттік қызметшілердің саны – 3 343 бірлікті құрады.
Есепті кезеңде 18 қызметші мемлекеттік қызметтен кеткен. Ал жыл басынан бері жергілікті атқарушы органдардан 6 адам өз өтінішіне сәйкес жұмыстан босатылған. Сонымен қатар мемлекеттік әкімшілік қызметке кіруге 447 адам тестілеуге қатысып, оның 29,7 пайызы шекті мәннен өтті. Бұл жөнінде Өңірлік коммуникациялар қызметінде өткен брифингте ҚР мемлекеттік қызмет істері агенттігінің Қызылорда облысы бойынша департаментінің басшысы Ғалым Тұрсынбаев мәлімдеді.
<blockquote>
 «Биыл жергілікті атқарушы органдар бойынша 600 қызметшінің білімін жетілдіру жоспарланды. Қазіргі таңда қайта даярлаудан – 19, біліктілігін арттыру курстарынан – 88 мемлекеттік қызметші өтті. Сонымен қатар Әдеп жөніндегі кеңестің 3 отырысы өткізіліп, онда 20 мәселе қаралды. Нәтижесінде, 13-і тәртіптік іс бойынша шара қолданылды. Мемлекеттік қызметке жас мамандарды бейімдеуге бағытталған «Сыр болашағы» жас мемлекеттік қызметшілер клубы қайта жанданатын болады. Алдағы уақытта мемлекеттік қызметке тестілеу онлайн түрде жүргізілетін болады», – деді Ғалым Тұрсынбаев.
</blockquote>

Ғалым Тұрсынбаев: Мемлекеттік қызметке орналасу жеңілдейді

<a href="https://kyzylorda-news.kz/">Kyzylorda-news.kz.</a> Қазақстандағы ірі кәсіпорындарды тексеру кезінде 6,5 мыңнан аса заң бұзушылық анықталған. Атап айтқанда жарамсыз өрт дабылдары мен желдету құрылғылары, қорғалмаған электр қалқандары, гидранттар мен өрт сөндіргіштердің болмауы сияқты кемшіліктер тіркелген, деп хабарлайды&nbsp;<a href="https://stan.kz/">Stan.kz</a>.
<blockquote>
 «Мысалы, «Қазақмыс корпорациясы» ЖШС шахталарында жұмыс шатырды реттейтін бекіткіштерсіз жүргізіледі (торкрет-бетон және болат-полимерлі бекіткіштер жоқ). Кеншілер кез келген сәтте тау массасының астында қалуы мүмкін (жазатайым оқиғалардың 60%-ы осындай заңбұзушылықпен байланысты)» , – дейді ҚР Бас прокуратурасы Қоғамдық мүдделерді қорғау қызметінің бастығы Сапарбек Нұрпейісов.
</blockquote>
Сонымен қатар, тексеріс кезінде 1,5 мыңнан астам технологиялық жабдықтың қауіпсіздік талаптарына сай келмейтіні анықталған. Ал 50-інің жұмысы толық тоқтатылуы тиіс (олармен 2,5 мыңнан астам адам жұмыс істеп жүр).
<blockquote>
 «Азаматтардың еңбек құқығын бұзушылардың арасында «Қазцинк», «Қазхром», «Қазфосфат», «Аралтұз», «Қазақмыс» және «Өзенмұнайгаз» компаниялары бар» , – деді Сапарбек Нұрпейісов.
</blockquote>
Прокуратура органдары еңбек қауіпсіздігінің сақталуы бойынша 49 ірі кәсіпорынды тексерген. Тексеру қорытындысы бойынша 69 қадағалау актісі енгізіліп, 226 тұлға әкімшілік жауапкершілікке тартылды. 30 мың жұмысшының жалақысына үстемеақы, 600-ден астам жұмысшыға өтемақы төленді. Қорғаныс құралдарымен және арнайы тамақпен қамтамасыз ету басталды. 22 техниканың жұмысы тоқтатылды.

Қазақстанда жұмысшылар құқығын бұзған ірі компаниялар қатарында «Аралтұз» да бар

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев актив отырысында жаңа қала әкімін таныстырды.
Жиында аймақ басшысы қала әкімі қызметін атқарған Ғанибек Қазантаевтың өз өтінішіне сәйкес Қызылорда қаласының әкімі лауазымынан босатылғанын хабарлап, әріптесіне қаланың әлеуметтік-экономикалық, рухани-мәдени дамуына сүбелі үлес қосқаны үшін алғыс білдірді және Қызылорда облысының «Құрмет» грамотасын табыстады.
Өз кезегінде, Ғанибек Қазантаев әріптестеріне бірге жұмыс істеу барысында көрсетен қолдауы үшін ризашылығын білдірді.
Облыс әкімінің өкімімен Қазақстан Республикасы Президенті Әкімшілігі және Қызылорда қалалық мәслихаттың келісімі бойынша Қызылорда қаласының әкімі лауазымына Асылбек Шәменов тағайындалды.
Аймақ басшысы жаңа әкімді таныстырып, қызметінде сәттілік тіледі.
<blockquote>
 «Асылбек Өмірбекұлы бұған дейін де бірқатар жауапты қызметтерді атқарған. Қаланың тыныс-тіршілігімен етене таныс. Әсіресе Қызылорда қаласы әкімінің орынбасары ретінде қаланың қайнаған қазанында шыңдалған тәжірибелі және іскер басшы. Бүгінгі күнге дейін Жалағаш ауданының әкімі қызметінде жүріп, ауданның экономикалық жағдайын жақсарту мен әлеуметтік әлеуетін арттыру жолында ауқымды жобаларды жүзеге асырып, жергілікті халықтың қолдауына ие болған. Ендігі кезекте, осы жинаған тәжірибесі мен білімін, іскерлік қабілетін облыс орталығы Қызылорда қаласын дамытуға арнап, сүбелі үлесін қосады деп сенеміз», – деді Нұрлыбек Нәлібаев.
</blockquote>
Облыс әкімі Асылбек Шәменовке Қызылорда қаласының қоғамдық-саяси ахуалдың тұрақтылығына жауапты болып, халықтың әл-ауқатын көтеру мақсатында экономиканың барлық салалары бойынша дамудың оң параметрлеріне қол жеткізуді тапсырды.
Қаланың санитарлық тазалығы, көпқабатты тұрғын үйлердің сәулеттік келбеті, көркейту-көгалдандыру жұмыстарына және тіршілікті қамтамасыз етуші кәсіпорындардың үздіксіз жұмыс жасауына баса назар аударуды және облыс орталығының сол жағалауын игеру және дамыту бойынша жаңа жобаларды жүзеге асыруды міндеттеді.
Жиында қоғам қайраткерлері Қожахмет Баймаханов, Айтбай Көшербаевтар жаңа шаһар басшысының қызметіне сәттілік тілеп, жерлестерін өңірді өркендету жолында бірлесіп әрекет етуге шақырды.
Асылбек Шәменов 1978 жылы туған. Ол Абай атындағы Алматы мемлекеттік университетін «Халықаралық туризм», Қызылорда мемлекеттік университетін «Мұнай-газ кен орындарын игеру» және «Құрылыс» мамандықтары бойынша бітірген.
Еңбек жолын 1999 жылы «Қызылорда интеграция» компаниясының менеджері ретінде бастаған.
2007-2012 жылдары Қызылорда облысының мемлекеттік сәулет-құрылыс бақылау, сондай-ақ облыстық энергетика және тұрғын үй-коммуналдық шаруашылық басқармаларында жауапты қызметтер атқарған.
2012-2018 жылдары Қызылорда облысының энергетика және тұрғын үй-коммуналдық шаруашылық басқармасы басшысының орынбасары, Қызылорда қаласы әкімінің орынбасары.
2018-2020 жылдары Қызылорда облысының жұмылдыру дайындығы басқармасының басшысы;
2020 жылдың наурыз айынан бастап Жалағаш ауданының әкімі болып қызмет атқарды.
<img src="https://kyzylorda-news.kz/wp-content/uploads/2022/04/shamenov-1.jpg" alt="" />
<img src="https://kyzylorda-news.kz/wp-content/uploads/2022/04/279423764_290657159922202_1699431544184459120_n.jpg" alt="" />

Қызылорда қаласының әкімі тағайындалды

<a href="https://kyzylorda-news.kz/">Kyzylorda-news.kz.</a> Қасиетті Рамазан айының Қадір түнінде облыс әкімі Нұрлыбек Нәлібаевтың атынан ауызашар берілді.
Орталық «Ақмешіт-Сырдария» мешітіндегі дәстүрлі дастарханға жамағатпен бірге имамдар, ақсақалдар мен ақ жаулықты аналар, зиялы қауым өкілдері және қала тұрғындары жиналды. Облыс әкімінің орынбасары Мархабат Жайымбетов ауыз бекіткен жандарды Рамазан айымен құттықтап, аймақ басшысының лебізін жеткізді.
<blockquote>
 «Қадірлі ағайын! Құрметті жамағат! Айлардың сұлтаны, ең қайырлысы Рамазан айы баршаңызға мүбәрак болсын! Аймақ басшысы Нұрлыбек Машбекұлының жайған дастарханына қош келдіңіздер! 
 Күллі әлем мұсылмандары үшін айрықша орын алатын бұл ай исламның басты құндылықтары – жақсылық пен мейірімділікті, сауап пен имандылықты дәріптейді. Сондықтан әлемнің барша мұсылмандары бұл айға ерекше құрметпен қарап, Алла разылығы үшін ауыз бекітіп, пітір садақаларын таратып, жетім-жесірге қолдау көрсетіп, игі амалдарды еселеуге асығады. 
 Барлығыңыз білесіздер, Тәуелсіздік алғалы ата дәстүр жанданып, салт-сана жаңғыруда. Алдағы уақытта Президент Қасым-Жомарт Тоқаев айтқандай, дәстүрлі дініміздің ұрпақ тәрбиесінің өзегі болуы, жастардың ұлт құндылықтарын бойына сіңіруі, ғылым-білім игеруімен қатар тәрбиелі болуы – біздің міндет. Ең бастысы, бүгінгі бейбіт өмірді қадірлеп, Тәуелсіздік тұғырын берік ұстауымыз қажет. Қадірлі жерлестер, бұл ауызашар рәсімін рухани байлығымызды жандандыруға арналған іс-шара деп қабылдаңыздар. Барлықтарыңыздың ізгі ниет-тілектеріңіз қабыл болсын», – деді облыс әкімінің орынбасары.
</blockquote>
Сондай-ақ ауызашарда облыстық ардагерлер кеңесінің төрағасы Серік Дүйсенбаев пен бас имам Болатбек Әбуов жиналған көпшілікті құттықтап, ұстаған оразаның қабыл болуына тілектестік білдірді. Жамағатқа оразаның пайдасы мен ұстау қағидалары жөнінде, берілетін садақа, қайырымдылық іс-шаралары туралы айтты.

Нұрлыбек Нәлібаев ауызашар берді

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Қазақстан халқы Ассамблеясының ХХХ сессиясы аясында ҚР Парламенті Мәжілісінің шығып қалған депутатының орнына ҚХА атынан ұсынылатын депутатты сайлауға қатысып, дауыс берді, деп хабарлайды Ақорда.
Президент дауыс бергеннен кейін депутаттыққа үміткерлердің сенімді өкілдерімен әңгімелесті. Мемлекет басшысы алдағы уақытта Конституцияға өзгеріс енгізілетіндіктен мұндай форматтағы сайлау соңғы рет өтіп жатқанын атап өтті.
<blockquote>
 «Бірақ біздің Парламентте Қазақстан халқы Ассамблеясының тиісті орындары сақталады», – деді Қасым-Жомарт Тоқаев.
</blockquote>
<img src="https://kyzylorda-news.kz/wp-content/uploads/2022/04/2204281258340623g.jpg" alt="" />
<img src="https://kyzylorda-news.kz/wp-content/uploads/2022/04/tokaev1.jpg" alt="" />

Қазақстан және Қызылорда облысының жаңалықтары

29 сәуірге арналған ауа райы болжамы

Судағы қауіпсіздік ережелерін сақтаңыз

«Мың бала»: Қызылордада олимпиаданың ІІ кезеңі өтті

Жол ережесін бұзғандарды анықтаудың тың тәсілі таныстырылды

Қызылордада өзгенің атынан онлайн несие рәсімдеген әйел ұсталды

Қамыстыбас ауылдық округінде су ұңғымасын қазу жұмыстары басталды

Жалағаш ауданының әкімі тағайындалды

Ғалым Тұрсынбаев: Мемлекеттік қызметке орналасу жеңілдейді

Қазақстанда жұмысшылар құқығын бұзған ірі компаниялар қатарында «Аралтұз» да бар

Қызылорда қаласының әкімі тағайындалды

Нұрлыбек Нәлібаев ауызашар берді

Қасым-Жомарт Тоқаев ҚХА атынан ұсынылатын Мәжіліс депутатын сайлауға қатысты

Қазақстан және Қызылорда облысының жаңалықтары

29 сәуірге арналған ауа райы болжамы

Судағы қауіпсіздік ережелерін сақтаңыз

«Мың бала»: Қызылордада олимпиаданың ІІ кезеңі өтті

Жол ережесін бұзғандарды анықтаудың тың тәсілі таныстырылды

Қызылордада өзгенің атынан онлайн несие рәсімдеген әйел ұсталды

Қамыстыбас ауылдық округінде су ұңғымасын қазу жұмыстары басталды

Жалағаш ауданының әкімі тағайындалды

Ғалым Тұрсынбаев: Мемлекеттік қызметке орналасу жеңілдейді

Қазақстанда жұмысшылар құқығын бұзған ірі компаниялар қатарында «Аралтұз» да бар

Қызылорда қаласының әкімі тағайындалды

Нұрлыбек Нәлібаев ауызашар берді

Қасым-Жомарт Тоқаев&nbsp;ҚХА атынан ұсынылатын Мәжіліс депутатын сайлауға қатысты

Қасым-Жомарт Тоқаев ҚХА атынан ұсынылатын Мәжіліс депутатын сайлауға қатысты