Kyzylorda-news.kz. 12 тамыз – Халықаралық жастар күніне арналған «Жастармен бірге» атты онкүндігі «OPEN AIR» жастар фестивалімен қорытындыланды. «Қазір елімізде жастар саясатына қатысты барлық мүмкіндік қарастырылған. Оның бір дәлелі – Мемлекеттік жастар саясаты туралы Заңға өзгерістер енгізіліп, жастар санаты 35 жасқа дейін ұзартылды. Сондай-ақ, жергілікті мемлекеттік органдарды бағалау көрсеткішіне «Жастардың даму индексі» қосылды». Бұл туралы Халықаралық жастар күніне орай өткен мерекелік шарада облыс әкімінің орынбасары Шахмардан Байманов айтып өтті.Шарада облыс әкімінің орынбасары қоғамның қозғаушы - жастарды мерекемен құттықтап, жылы лебізін білдірді. «Президентіміздің, Үкіметтің, облыс әкімінің қолдауымен аймақ жастарының әлеуметтік жағдайын жақсартуға бағытталған жобалар жүзеге асырылып келеді. Қазіргі таңдағы өзекті мәселелердің бірі - өңір жастарын қолжетімді тұрғын үймен қамтамасыз ету үшін аймақта алғаш рет «Сыр жастары» өңірлік тұрғын үй бағдарламасы» қабылданды. Нәтижесінде жыл басында 60 жас отбасы қоныс тойын тойласа, жақын күндері 40 жас отбасыға пәтер кілттері табысталмақ. Биылғы жылы білімді жастарымызды қолдау мақсатында дәстүрге айналған аймаққа қажетті мамандықтар бойынша облыс әкімінің 100 гранты тағайындалды. Жастардың кәсіпкерлік бастамаларын қолдау, оларға кәсіппен шұғылдануға қолайлы жағдай қалыптастыру мақсатында қаржылық қолдау бағдарламасы арқылы несие портфелі 3,7 млрд. теңге болатын жас кәсіпкерлердің 130 жобасы субсидияланды. 2,1 млрд. теңгеге жас кәсіпкерлердің 115 жобасы бойынша кепілдік шарты жасалса, «Аграрлық несие корпорациясы» арқылы жас кәсіпкерлердің 48 жобасы қаржыландырылды. 100 мың жасты жұмыспен қамту тапсырмасына сәйкес биыл аймағымызда 6 мыңға жуық жас жұмыспен қамтылады.​Бүгінде облыс көлемінде NEET санатындағы жастардың үлесін төмендетуге барынша күш-жігер жұмсалуда. Осы мақсатта арнайы Жол картасы қабылданады. ​Жастардың бос уақытын тиімді ұйымдастыру және мәдени-рухани дамуына барлық жағдай жасалуда. ​Соңғы екі жылдың өзінде көптеген әлеуметтік нысандар бой көтерді. ​Талантты жастарымызды қолдау мақсатында мың орындық «Өнер орталығы» салынса, қала және аудандарда 171 мәдениет үйі жанында «Адал адам» мәдени-рухани орталықтары өз жұмыстарын бастап кетті. ​Осы игі бастамалардың жалғасы ретінде биылғы жылы 7 ауданда «Руханият» орталықтары, музыкалық колледж, инновациялық шығармашылық орталығы, «Оқушылар сарайының» құрылысы жүруде. Жас отбасыларға отбасы құндылығын насихаттау, ұлттық құндылықтарды дәріптеу, «отбасы», «шаңырақ» ұғымының қадір-қасиетін түсіндіру мақсатында «Отбасы орталығы» және балауса бойжеткен қыз баладан ардақты асыл әжеге дейін бас қосатын тал бесік - тәрбие мектебіне айналған «Анаға тағзым орталығы» өз қызметін жүзеге асыруда. Байрақты бәсекелерде көк тумызды желбіретер болашақ чемпион жастарымыз үшін заманауи 10 мың орындық стадион, үстел теннисі орталығының құрылысы басталса, алдағы уақытта көп функционалды «Қызылорда арена» кешенін салу жоспарлануда. Жалпы былтырдың өзінде 9 спорт кешені қолданысқа беріліп, биыл 15 кешеннің құрылыс жұмыстары жүргізілмек. Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 21 мектеп салынады. Осының барлығы жастарымыздың игіліктері үшін!»,- деді өз сөзінде облыс әкімінің орынбасары. Мерекелік шара барысында Шахмардан Асқарұлы 4 жасқа ҚР Мәдениет және ақпарат министрлігінің, 10 жасқа облыс әкімінің алғыс хатын табыстап, «Тәуелсіздік ұрпақтары» облыстық сайысының 5 жеңімпазын марапаттады.Биыл Халықаралық жастар күні «Жастармен бірге» ұлттық онкүндік ретінде қала, аудандарда атап өтілуде. Әр күн белгілі бір тақырыпқа арналып, онкүндік аясында аймақта «Мүмкіндіктер алаңы» шарасы, «Таза Қазақстан» экологиялық акциясы, спорттық шаралар, «Дені сау жас – ел болашағы» атты медициналық кеңес беру, «Адал азамат» бейресми кездесулері, «Игі істер марафоны» қайырымдылық акциясы, «Түнгі кітапхана», «Ziyatker quest» интеллектуалды сайысы, «Донор бол» акциясы, «Аспан синема» шарасы өткізілді. Жалпы осы бағытта облыс бойынша 385 шара ұйымдастырылса, онда 50 мыңға жуық жастар қамтылған.Бүгінгі 3 мың жастың қатысуымен «Жастармен бірге» атты онкүндіктің қорытынды шарасы «Ilhan» және «Baha» секілді еліміздің танымал өнер жұлдыздарының және белгілі шоумендер Нұрлыбек пен Ақылбектің қатысумен өтті.<img src="https://knadmin.beoblood.kz/uploads/FB_IMG_1723488570055_c2c6459588.jpg" alt="FB_IMG_1723488570055.jpg"><img src="https://knadmin.beoblood.kz/uploads/FB_IMG_1723488566672_5cae425aed.jpg" alt="FB_IMG_1723488566672.jpg"><img src="https://knadmin.beoblood.kz/uploads/FB_IMG_1723488573625_9bff6ff979.jpg" alt="FB_IMG_1723488573625.jpg">

Халықаралық жастар күні «OPEN AIR» фестивалімен қорытындыланды

<a href="https://kyzylorda-news.kz/">Kyzylorda-news.kz</a> ХХХІІІ Олимпиада ойындарының жабылу салтанаты аясында Олимпиада туы 2028 жылы ойындарды қабылдайтын қалаға табыс етілді, деп хабарлайды КазИнформ.2024 жылғы Олимпиаданы ұйымдастыру комитетінің басшысы Тони Эстанге мен Халықаралық Олимпиада комитетінің президенті Томас Бах сөз сөйлегеннен кейін Олимпиада әнұраны шырқалды.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/d85812ea-6a0e-47df-9956-4b2e1640460c.jpeg" alt="олимпиада" loading="eager">Фото: видеодан кадр<img class="image_resized" style="width:560px;" src="https://img.inform.kz/kazinform-photobank/media/2024-08-11/1cea304c-bf5d-4ecc-972d-702e7fd79e14.jpeg" alt="олимпиада" loading="eager">Фото: видеодан кадрОдан кейін Олимпиада туын тапсыру рәсімі өтті.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/ae6c9543-dcec-48da-9078-cb467cdb13fd.jpeg" alt="олимпиада" loading="eager">Фото: видеодан кадрОлимпиада туының тапсырылуы жабылу салтанатындағы символикалық сәт болып есептеледі. Лос-Анджелес келесі Олимпиада ойындарын қабылдайтын қала болды.Париж мэрі Анн Идальго мен Лос-Анджелес мэрі Карен Басс, Халықаралық Олимпиада комитетінің (ХОК) президенті Томас Бах сахнаға шықты.Осыдан кейін Анн Идальго Олимпиада туын Томас Бахқа тапсырды, ал ол Карен Бассқа тапсырды.Содан кейін H.E.R сахналық атымен танымал америкалық әнші Габриэлла Сармьенто Уилсон АҚШ әнұранын орындады.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/dd5d0163-1140-441b-b230-1933834e6234.jpeg" alt="олимпиада" loading="eager">Фото: видеодан кадр

Олимпиада туы Лос-Анджелеске табыс етілді

<a href="https://kyzylorda-news.kz/">Kyzylorda-news.kz</a>&nbsp; Франция астанасы Париж қаласында өткен Жазғы Олимпиада мәресіне жетті. Дәл қазір салтанатты жабылу рәсімі аяқталды. Халықаралық Олимпиада комитетінің (ХОК) президенті Томас Бах 2024 жылы Парижде өткен Олимпиада ойындарын жабық деп жариялады.Содан кейін Олимпиада алауы сөндірілді.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/6f92c7e2-534e-4f19-8165-cd78bef76142.jpeg" alt="париж" loading="eager">Фото: видеодан кадр<blockquote>«Дәстүрге сәйкес, мен бүкіл әлем жастарын төрт жылдан кейін Америка Құрама Штаттарының Лос-Анджелес қаласында жиналып, бізбен бірге ХХХIV Олимпиада ойындарын атап өтуге шақырамын», - деді Томас Бах.</blockquote>Бұл шара халықаралық шоу жұлдыздарының ән шашуымен басталды. «Стад де Франс» стадионы үлкен театрға айналды. Шоу әуеде алтын костюм киген адамның шатырдан түсуімен басталды, содан кейін оған Олимпиада ойындарының отаны Грекияның туы <a href="https://kaz.inform.kz/news/olimpiadanin-zhabilu-saltanatinda-erekshe-shou-boldi-1e99d8/">табысталды.&nbsp;</a><img class="image_resized" style="width:560px;" src="https://img.inform.kz/kazinform-photobank/media/2024-08-11/31cf44ef-885c-453b-b499-632bffcf342b.jpeg" alt="париж" loading="eager">Фото: Сали Сабиров, Владислав Семенов/ҰОКӘйелдер арасындағы марафон жеңімпаздары 2024 жылғы Олимпиада ойындарының жабылу салтанатында марапатталды. Париж Олимпиадасында Қазақстан құрамасы 1 алтын, 3 күміс, 3 қола медальға қол жеткізді.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/c82b645c-dcfd-4975-aebf-37378fa09fa2.jpeg" alt="париж" loading="eager">Фото: Сали Сабиров, Владислав Семенов/ҰОКҚазақстандық спортшылар Олимпиада ойындарында спорттың 25 түрінен сынға түсті. Еліміздің атынан 80 спортшы 92 жолдама жеңіп алған болатын.&nbsp;Қазақстандық спортшылар бокс, дзюдо, спорттық гимнастика, жеңіл атлетика, байдарка мен каноэде есу, оқпен ату, семсерлесу, грек-рим күресі, еркін күрес, садақ ату, стендтік ату, теннистен сынға түсті.Сондай-ақ олар велошоссе, жүзу, заманауи бессайыс, таеквондо, велотрек, батут гимнастикасы, бадминтон, академиялық есу, көркем гимнастика, триатлон, үстел теннисі, құзға шығу және брейкингтен жарыс жолына шықты.Алтын жүлдені Олимпиаданың алғашқы күні ел қоржынына дзюдодан Елдос Сметов (60 келі) салды. Қазақстандық балуан осылайша ел құрамасынан Олимпиадада үш мәрте медаль алған спортшы болды. Ол 2016 жылы Рио Олимпиадасында күміске қол жеткізсе, 2020 жылы Токио Олимпиадасында қола алды.Ал күміс жүлдені спорттық гимнастикадан Нариман Құрбанов, грек-рим күресінен Демеу Жадыаев (77 келі) және бокстан Нұрбек Оралбай (80 келі) қоржынға салды.Сондай-ақ нысана көздеуден командалық жарыста Ислам Сатпаев пен Александра Ле (тапаншамен 10 метрден ату), дзюдодан Ғұсман Қырғызбаев (66 келі) және әйелдер боксынан Назым Қызайбай (51 келі) қола медаль жеңіп алды.Қазақстандық спортшылар Жазғы Олимпиада ойындарына 1996 жылдан бері тәуелсіз мемлекет құрамасы сапында қатысуға мүмкіндік алды. Содан бергі уақытта олар барлығы 78 медаль алып қайтты. Оның ішінде 26-ы былғары қолғап шеберлерінің еншісіне тиеді. Қазақстандық боксшылар 7 алтын, 8 күміс, 11 қола медаль алды.Салтанатты шара Олимпиада алауын 2028 жылы келесі ойындарды қабылдайтын Лос-Анджелес (АҚШ) қаласының мэріне тапсырумен аяқталды.

Париж Олимпиадасының жабылу салтанаты өтті

<a href="https://kyzylorda-news.kz/">Kyzylorda-news.kz</a> &nbsp; Қызылорда қаласындағы "Абай аллеясында" Абай күніне орай «Мақсұтым – тіл ұстартып, өнер шашпақ...» атты облыстық байқаудың жеңімпаздарын марапаттауға арналған іс-шара өтті.Облыс әкімінің орынбасары Шахмардан Байманов қатысушыларды атаулы күнмен құттықтады.«Біз Абай шығармаларынан елдің алға жылжуына, өсіп-өркендеуіне шын тілеулес болуды үйрендік. Өркендеудің негізі білім мен ғылымда екені анық. Абай қазақтың дамылсыз оқып-үйренгенін қалады.Бұл тұжырымдар қазір де өзекті. Тіпті бұрынғыдан да зор маңызға ие. Себебі, ХХІ ғасырдағы ғылымның мақсаты - биікке ұмтылу, алысқа құлаш сермеу. Ал, біздің міндетіміз – осы ілгері көшке ілесіп қана қоймай, алдыңғы қатарда болу» - деді Шахмардан Асқарұлы.Бұл байқауға Қызылорда қаласы мен аудандардан көркемсөз оқу және ән айту шеберлігін қатар меңгерген 16-35 жас аралығындағы талапкерлер қатысқан.Олар Абай шығармаларын мәнерлеп жатқа оқу, «Абай жолы» романынан үзіндіні көркем шеберлікпен жатқа айту, Абай әндерін орындау бойынша сынға түскен болатын.Байқау жүлдегерлеріне арнайы Алғыс хат, бағалы сыйлықтар табысталды.Айта кету керек, аймақта Абай күнін атап өтудің өңірлік іс-шаралар жоспары әзірленіп, 10-20 тамыз аралығында 200-ден астам танымдық шара ұйымдастырылады.Фото: Облыс әкімдігінің баспасөз қызметі

Абай күні: Облыс көлемінде 200-ден астам іс-шара өтті

<a href="https://kyzylorda-news.kz/">Kyzylorda-news.kz</a> Қала әкімдігінің баспасөз орталығында Қызылорда қаласы бойынша Мемлекеттік кірістер басқармасының басшысы Фердоуси Қожабергеновтың қатысуымен брифинг өтті.&nbsp;Басқарма басшысы жалпыға бірдей декларациялау, жеке тұлғалардың банкроттығы бойынша атқарылып жатқан жұмыстарға тоқталды.<blockquote>– Өздеріңізге белгілі, биыл жалпыға бірдей декларациялаудың 3-ші кезеңі басталды. Үшінші кезеңде заңды тұлғалардың басшылары мен құрылтайшылары және олардың жұбайлары, сондай-ақ дара кәсіпкерлер, олардың жұбайлары (зайыптары) 2024 жылдың 15 қыркүйегіне дейін декларация ұсынуға міндеттелген. Декларацияны электрондық түрде салық төлеушінің кабинеті (<a href="http://cabinet.kgd.gov.kz/?fbclid=IwZXh0bgNhZW0CMTAAAR1Gk_IaOn8KCe6ftEU5deHbErHTYe_hUkLLg0fBbZMpcqNb8aZyVsZ9MI4_aem_R-LJOYKtFAW3Ml4rMPrnLQ">cabinet.kgd.gov.kz</a>) арқылы ұсынуға болады. «Электрондық үкімет» порталы (<a href="https://l.facebook.com/l.php?u=http%3A%2F%2Fegov.kz%2F%3Ffbclid%3DIwZXh0bgNhZW0CMTAAAR3fc01q-lT6-smH1VdQSa0n7dp84A2U-pPvLZBe7dOhD-ohLQsYRdacUdQ_aem_HmPE7gCcKNn44QUDHEM9hg&amp;h=AT3MdQWZ2m5OGhyATOp3aJke9l2PYTRIYRmMqr-URzImsj_FfL7u5XK8GXied_C7ariAuBSpYN2XmKsI6K8IacGaomoXYQCnZQyAYBfYFbFiSdeGobYTWPlllrmQCI_P-AgT&amp;__tn__=-UK-R&amp;c%5b0%5d=AT1Y5oT8pj5B-LJqfcor-ol1ajaKs_32WkZxf8sC1fVv8yqsTH5HaAZxN_YK6AEZ5gZjoYOs2YoyupN2ddsWU-XG5ZsWueCUmEF9GKmmts3kb7OWGNgyKjk_OvmvnbmbdvOWHd-QhlKEX1dR6i3o236G8Ta0hKQ6BDSrfQ8ceCMjIKlEIgJN06jhJFblsYtnFbqoekepWHyWODSOcHV7ouRJdfX-iUi1Q43ElV0q3yYDzm8">egov.kz</a>), сондай-ақ e-Salyq Azamat және eGov mobile, halyk,&nbsp;<a href="https://l.facebook.com/l.php?u=http%3A%2F%2Fkaspi.kz%2F%3Ffbclid%3DIwZXh0bgNhZW0CMTAAAR3AIFvpgBcbxluPs1cSmk_U6Z_n8cu0T9QOwaN0WfmKHagijfyNHRdWTT8_aem_T4mqFuU48irV7yQ-DJB0Bg&amp;h=AT1IG-21hDsvHo0RCSeAqRENfwTk-wycRZcbagDJplZyKBPGpsQ1ihNtMIatjAEjIGkbSZZB8MuilRqZQ_EgYXsnHiXdsJ-xgFmJ5TybqUwlkgIFce6lPL07qNNqo0q5kc2B&amp;__tn__=-UK-R&amp;c%5b0%5d=AT1Y5oT8pj5B-LJqfcor-ol1ajaKs_32WkZxf8sC1fVv8yqsTH5HaAZxN_YK6AEZ5gZjoYOs2YoyupN2ddsWU-XG5ZsWueCUmEF9GKmmts3kb7OWGNgyKjk_OvmvnbmbdvOWHd-QhlKEX1dR6i3o236G8Ta0hKQ6BDSrfQ8ceCMjIKlEIgJN06jhJFblsYtnFbqoekepWHyWODSOcHV7ouRJdfX-iUi1Q43ElV0q3yYDzm8">kaspi.kz</a> мобильді қосымшалары арқылы жүзеге асырылады. Айта кету керек, жеке тұлғаның кірістері мен мүлкі туралы декларациясына (270.00 СЕН) өзгерістердің енуіне байланысты уақытша e-Salyq Azamat мобильді қосымшасы арқылы декларацияны ұсыну тоқтатылды. Алайда, салық төлеушінің кабинеті арқылы ұсынуға болады. Өзгертілген нысанда айлық табысты көрсету қажеттілігі туындамайды, - деді басқарма басшысы Фердоуси Әбілқасымұлы.</blockquote>Бүгінде Қызылорда қаласы бойынша «Жеке тұлғалардың активтері мен міндеттемелері туралы» декларацияны (250.00 СЕН) міндеттелген 38 926 жеке тұлғаның 25 788-сі (66,2%), «Жеке тұлғалардың кірістері мен мүлкі туралы» декларацияны (270.00 СЕН) 58 662 жеке тұлғаның 49 260-сі (84,0%) ұсынған.Аталған жалпыға бірдей декларацияны белгіленген мерзімде ұсынбаған жағдайда, ҚР-ның «Әкімшілік құқық бұзушылық туралы» кодексінің 272-бабына сәйкес әкімшілік шара көзделген. Бірінші рет ескерту түрінде, егер екінші рет бір жыл ішінде қайталанса 15 айлық көрсеткіш айыппұл салынады.<blockquote>– Өткен жылдан бастап елімізде жеке тұлғалар банкрот болуға өтініш бере алатын болды. Азаматтар «жеке тұлғаның банкроттығын» қолдану үшін үш түрлі нұсқаның бірін таңдай алады. Соттан тыс банкроттық, сот банкроттығы және төлем қабілетін қалпына келтіру. Өткен жылдан биылға Қызылорда қаласы бойынша жеке тұлғалардың соттан тыс банкроттығы бойынша 3310 өтініш түсіп, 535 жеке тұлғаның өтініші қабылданып, «банкрот» статусы берілді, - деп қорытындылады басқарма басшысы.</blockquote>

Фердоуси Әбілқасымұлы: 535 жеке тұлғаның өтініші қабылданып, «банкрот» статусы берілді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен шағын өндірістік жобаларды жүзеге асыру бойынша мәжіліс өтті. Жиынға облыс әкімінің орынбасарлары мен жауапты сала басшылары қатысты.Айта кету керек, кешегі жиында аймақ басшысы нақты, пайдалы, қажетті жобаларды жан-жақты сараптан өткізіп барып ұсынуды тапсырған болатын.<blockquote>«Қала, аудан әкімдеріне шағын өндірістік жобаларды ұсыну жөнінде тапсырма берілді. Оларды жан-жақты зерделеп, нақтылаңыздар. Жұртшылықтың күнделікті тұрмыс-тіршілігіне қажетті, пайдалы тиімділеріне қолдау көрсетуге дайынбыз. Жобаларды «Ауыл аманаты» бағдарламасымен және «Байқоңыр» ӘКК арқылы қаржыландыру бойынша жұмыс жүргізіңіздер. Бұдан бөлек, қала, аудан әкімдеріне негізгі тұтыну тауарларының 65 түрі бойынша көрсеткіштерді қалпына келтіру жөнінде тапсырма бердім. Бұл тапсырмалардың уақыты әрі сапалы орындалуы жеке бақылауымда болады», - деді Н.Нәлібаев.</blockquote>Биылға «Ауыл аманаты» бойынша республикалық бюджет есебінен 4,6 млрд. теңге қаралған. Орта есеппен 8 млн. теңгеден алғанда 575 жобаны қаржыландырып, 610 жұмыс орнын ашу көзделген. Жалпы облыс бойынша 154 жобалық топ құрылып, 146 ауылдық округте скрининг жұмыстары толығымен жүргізілді.Бағдарламаға барлық елді мекенді бірдей қатыстыру үшін халық санына қарай ауылдық округтерді түгел қамту жоспарлануда.Ауылдардың мамандануын ескере келе, несие қаржысы 4 бағытқа бағытталады. Атап айтсақ, ауыл шаруашылығы өнімдерін өңдеу саласына 108 жоба, егіншілік саласына 81, мал шаруашылығына 123, басқа да түрлі бағытқа 263 жоба.Бүгінде "Ауыл аманатының" жобалар пулы қалыптастырылып, қаржыландыру күтілуде.Фото: Қызылорда облысы әкімінің баспасөз қызметі

Ұсынылған жобалар жан-жақты зерделенуі қажет

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Ядролық физика институты» РМК бас директоры Саябек Сахиевпен кездесті.<blockquote>«Қазіргі уақытта республиканың барлық аймағында өздеріңіздің қатысуларыңызбен АЭС салуға қатысты жария талқылаулар өтуде. Әл-ауқаты мен экономикалық қуаты артқан еліміз үшін бұл өте өзекті мәселе. Шынайы және нақты ақпараттың жетіспеушілігінен қоғамда түсінбеушілік, түрлі алып-қашпа әңгіме тарайтыны да заңдылық. Осы жағдайда, өзіңіздей ғалымдардың, саланың үздік мамандарының түсіндірмелері халыққа өте қажет. Бүгін облыстық қоғамдық кеңес алаңында өткізілген жария талқылау қатысушыларға ой салды. Жария талқылаулар және алдағы уақытта жүргізілетін ақпараттық-түсіндірме жұмыстары жұртшылықтың шешім қабылдауына жәрдемдеседі деп ойлаймын», - деді аймақ басшысы.</blockquote>Кездесуде Сыр өңіріндегі инфрақұрылым желілерін дамыту мәселелері де талқыланды. Аймақта Президенттің, Үкімет басшысының, Парламенттің қолдауымен халықтың әлеуметтік жағдайын арттыру, инфрақұрылым объектілерін жаңарту бойынша ауқымды жұмыстар іске асырылуда. Мемлекет басшысының тапсырмасына сәйкес, оңтүстік өңірлерде электр энергиясының тапшылығын болдырмау үшін Қызылорда қаласында қуаты 240 МВт болатын жаңа жылу-электр орталығының құрылысы қарқынды жүруде. Жоба қазіргі "Қызылорда жылу-электр орталығы" аумағындағы 24,5 гектар жер учаскесінде іске асырылуда. Бүгінде инвестор «AKSA Energy» түрік компаниясы құрылысқа 70 млрд теңгеден астам инвестиция салды.Өз кезегінде, Саябек Қуанышбекұлы Сыр елінде әр салада серпінді даму байқалатынын атап өтіп, аймақ халқы үшін маңызды жобалардың сәтті жүзеге асуына тілектестік білдірді.Фото: Қызылорда облысы әкімінің баспасөз қызметі

Аймақ басшысы Ядролық физика институтының директорымен кездесті

&nbsp;<a href="https://kyzylorda-news.kz/">Kyzylorda-news.kz</a> &nbsp; Бүгінгі ҚР Премьер-Министрі Олжас Бектеновтің төрағалығымен өткен Үкімет отырысында өрт қаупі жоғары кезеңдегі туындайтын мәселелер талқыланды.Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты тұлғаларға өрт қауіпсіздігін қамтамасыз ету бойынша бірқатар тапсырма берді.<blockquote>«Қызылорда облысы аумағында мемлекеттік орман қоры жерінің жалпы көлемі - 7 млн. гектар. Оның 3,8 млн. гектары - орманды алқаптар. Жыл басынан бері орман қоры жерінің 42,9 гектарында 10 өрт оқиғасы тіркелген. Осы жылғы 15 шілдедегі Үкімет қаулысымен орман мекемелері мен табиғат қорғау ұйымдарына "Кәсіпкерлікті дамыту қоры" арқылы өрт сөндіру техникаларын лизингпен алуға 20 млрд. теңге қаралған. Бұл мақсатқа бюджеттен тиісті қаржы бөлінуде. Алайда, орман өрті азаймаған. Көп жағдайда азаматтар өз қажеттілігін көздеп өрт қояды, малға қолайлы жайылымдық ашып, егістікті қоршауға қада дайындайды. Осындай деректерді ашу үшін өткен жылы 21, биыл 5 жағдай бойынша полиция органдарына материалдар жолданған. Дегенмен, бүгінгі күнге дейін кінәлілер анықталған жоқ. 28 шілде күні Қазалы ауданы "Бозкөл", "Тасарық", "Қызылқұм" ауылдық округтеріне шекаралас "Тайкеткен" учаскесінде қураған қамыс жанған. Болған оқиға туралы мәліметті уақытылы жіберіңіздер. Бұл тапсырма қала және барлық аудан әкімдеріне қатысты», - деді Нұрлыбек Машбекұлы.</blockquote>Аймақ басшысы синоптиктердің болжамы бойынша, алдағы тамыз айында жоғары ауа температурасы сақталатынын, қалыпты құрғақшылық күтілетінін ескертіп, орман және дала өртінің алдын алуды тапсырды. Сондай-ақ, өрт қаупі жоғары кезеңде шалғайдағы елді мекендердегі өрт бекеттерінің жұмысын күшейту қажет.Мәжіліс қорытындысымен Қызылорда қаласы және аудан әкімдеріне мемлекеттік өртке қарсы қызметі жоқ елді мекендердегі өрт сөндіру бекеттерін бейімделген ғимаратпен, қажетті құрал-жабдықтармен жарақтандыру тапсырылды. Облыстық табиғи ресурстар және табиғат пайдалануды реттеу басқармасы орман қоры жерлеріне жаңа минералдық жолақтар жүргізуді, ескі жолақтарды қайта қалпына келтіруді ұйымдастыруы тиіс. Өрт қаупі жоғары кезеңде орман шаруашылығына қарасты өрт сөндіру жасақтары күшейтілген режимде жұмыс жасауы қажет. Облыстық төтенше жағдайлар департаменті теміржол және автокөлік жолдарының бойына жаңа минералдық жолақтар жүргізуді, ескі жолақтарды қайта қалпына келтіруді бақылауға жауапты. Облыстық қоғамдық даму басқармасы төтенше жағдайлар департаментімен бірлесіп, қураған шөпті, қоқысты өртеуде қауіпсіздік талаптарын бұзғаны үшін қолданыстағы жауапкершілік туралы БАҚ-та кеңінен түсіндіруді ұйымдастыруы керек. Ал, облыстық полиция департаменті орман және алқаптарда болған өртке кінәлілерді жауапкершілікке тарту үшін тиісті шараларды қолға алмақ.<img src="https://knadmin.beoblood.kz/uploads/2_7787f4f323.jpg" alt="2.jpg">Фото: Қызылорда облысы әкімінің баспасөз қызметі

Өрт қауіпсіздігі мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp; Бүгінгі ҚР Премьер-Министрі Олжас Бектеновтің төрағалығымен өткен Үкімет отырысында жолдағы қауіпсіздік мәселелері қаралды.Үкімет отырысынан кейінгі арнайы мәжілісте облыс әкімі Нұрлыбек Нәлібаев қоғамдық қауіпсіздікті және жол қауіпсіздігін сақтаудағы мәселелерге тоқталды.<blockquote>«Өткен жылы полиция департаментінің материалдық-техникалық базасын жабдықтауға облыстық бюджеттен 3,3 млрд. теңге бөлінді. Биыл жергілікті бюджеттен тағы 2,1 млрд. теңге берілді. Оның ішінде полиция инспекторларына 18 қызметтік автокөлік табысталды. Алдағы уақытта бюджетті нақтылау барысында тағы да қосымша қаржы бөлу бойынша жұмыстар жүргізілуде. Қызылорда қаласы аумағына 100 бейнебақылау камерасы мен 10 «Сергек» қондырғысы орнатылды. Бұдан бөлек, 10 «Ekin Patrol G2» және 21 «Vuewo» мобильді кешені жұмыс жасауда. Дегенмен, Қызылорда қаласында жол-көлік оқиғалары 120-ға, қайтыс болғандар саны 5-еуге, жарақат алғандар саны 150-ге артқан. Биылғы 6 айда 58 жаяу жүргіншілерді көлік қағу жағдайы тіркелген. Бұл көрсеткіш өткен жылғы осы кезеңмен салыстырғанда 77,5 пайызға өскен. Жүргізушілерге қатаң талап қойып, полиция қызметкерлерінің жұмысын күшейту қажет. Тұрғындар қауіпсіздігі басты назарда болуы тиіс», - деді аймақ басшысы.</blockquote>Жол-көлік оқиғаларының саны өскен Қызылорда қаласы, Арал, Қазалы, Жалағаш, Сырдария, Жаңақорған аудандарында жағдайды қатаң бақылауға алып, жергілікті полиция бөлімдері профилактикалық шараларды күшейтуі керек.Жиын қорытындысымен жолдар мен көшелерге жол белгілерін орнатып, тозығы жеткендерін жаңарту, «Батыс Еуропа - Батыс Қытай» автодәлізі бойындағы елді мекендер тұрғындарына малды қараусыз қалдырмау жөнінде түсіндірме жұмысын күшейту тапсырылды. Автомобиль жолдары мен көшелерді салу, жаңғырту, жөндеу және күтіп-ұстау жұмыстарының сапасын қатаң бақылауға алу қажет. Қызылорда облыстық полиция департаменті авариялық қауіпті учаскелерді анықтап, рейдтерді тұрақты ұйымдастыруға жауапты болмақ. «ҚазАвтоЖол» Ұлттық компаниясы» АҚ облыстық филиалы «Батыс Еуропа - Батыс Қытай» автодәлізі бойындағы жол белгілерін бір апта ішінде қалпына келтіруі тиіс.<img src="https://knadmin.beoblood.kz/uploads/3_69bd627b43.jpg" alt="3.jpg"><img src="https://knadmin.beoblood.kz/uploads/5_b8047b945d.jpg" alt="5.jpg">Фото: Қызылорда облысы әкімінің баспасөз қызметі

 Жолдағы қауіпсіздік мәселелері талқыланды

<a href="https://kyzylorda-news.kz/">Kyzylorda-news.kz</a> Бүгінгі ҚР Премьер-министрі Олжас Бектеновтің төрағалығымен өткен кеңес отырысында әлеуметтік жобаларды жүзеге асырудағы мәселелер қаралды.Жауапты министрлер «Әлеуметтік әмиян», «Отбасының цифрлық картасы», мектепке дейінгі ұйымдарды дербестендірілген ваучерлік қаржыландыру барысы бойынша атқарылған жұмыстарды баяндады. Бұл туралы Қызылорда облысы әкімінің баспасөз қызметі хабарлады.Кеңес отырысынан кейінгі арнайы мәжілісте облыс әкімі Нұрлыбек Нәлібаев талқыланған мәселелерге орай жауапты тұлғаларға бірқатар тапсырма берді.<blockquote>«Әлеуметтік әмиян» ақпараттық жүйесі 2023-2024 оқу жылында пилоттық жоба ретінде Қызылорда қаласындағы №264 мектеп-лицейіне енгізілген. Осы мектеп асханасынан тегін ыстық тамақ алушылардың автоматтандырылған есебін жүргізу үшін жүйеге 9-сыныптағы 18 бала тіркелген. Жұмысты одан әрі жалғастыруды тапсырамын. Қазіргі кезде оқу материалдарына лезде қол жеткізуді, мектеп ғимаратына кіруді қамтамасыз ететін және тамақтану үшін төлем құралы болатын оқушыларға арналған сәйкестендіру карточкасын іске қосатын «Ақпараттық-бағдарламалық кешен» жүйесіне облыстағы 87 мектепті енгізу жоспарланған. Бұл мақсатқа 119 млн. теңге қаржы қаралды. Мемлекеттік сатып алу жұмыстарын 1 қыркүйекке дейін аяқтау керек. Жаңа оқу жылынан аймақтағы 87 мектепке орнатылатын «Ақпараттық-бағдарламалық кешен» жүйесін «Әлеуметтік әмиян» жүйесімен интеграциялау қажет, – деді аймақ басшысы.</blockquote>Күн тәртібінде қаралған тағы бір мәселе – «Отбасының цифрлық картасы». Жоба 2023 жылдың 1 қаңтарынан бері мемлекеттік органдардың ақпараттық жүйелерінің деректері негізінде іске қосылып, өзектендіру жұмыстары жүргізілді. Азаматтарға денсаулық, білім және әлеуметтік қорғау бағытындағы мемлекеттік қызметтер СМС-хабарлама арқылы көрсетіліп келеді. Өткен жылы цифрлық картаның деректерін өзектендіру жұмыстары басталып, 223 002 отбасының немесе 853 777 азаматтың ақпараты жинақталды. Картадағы деректер отбасындағы әр азаматтың экономикалық, әлеуметтік, тұрғын үй жағдайы, денсаулық сақтау, білім саласы бойынша әл-ауқат деңгейі мен тәуекелдерін көрсетеді. Осының негізінде дағдарыс санатында 57 519 отбасы бар екені анықталды. Облыстық жұмыспен қамтуды үйлестіру және әлеуметтік бағдарламалар басқармасына дағдарыс және мүшкіл жағдайдағы отбасыларды неғұрлым қолайлы санаттарға ауыстыру үшін олардың әрқайсымен адрестік жұмыс жүргізу алгоритмін әзірлеу тапсырылды. Нәтижесі тиісті органдар мен қала және аудан әкімдіктеріне жолдануы керек. Цифрлық картадағы деректерге қарағанда, D, E санатындағы 223 539 адамның 46 786-ы міндетті әлеуметтік- медициналық сақтандыру қорында сақтандырылмаған. Басқармаға қала және аудан әкімдері, денсаулық сақтау басқармасымен бірлесіп, осы бағыттағы жұмыстарды шұғыл қолға алып, тиісті шара қабылдау міндеті қойылды. Мемлекеттік қолдауға мұқтаж отбасыларды анықтау үшін цифрлық картаның қолданыс аясын кеңейтіп, әр мекеме өз ақпараттық жүйесінің толымдылығына баса мән беруі қажет. Сондай-ақ, «дағдарыс» және «мүшкіл» (D, Е) санаттағыларды неғұрлым қолайлы санатқа ауыстыру мақсатында қала, аудан әкімдеріне және тиісті мемлекеттік органдарға әр отбасымен жеке адрестік жұмыс жүргізу қатаң тапсырылды. Қала және аудан әкімдері үшін D және Е санатындағы отбасыларды осы жылдың 1 қарашасына дейін 5%-ға төмендету көрсеткіші (KPI) белгіленуі тиіс.«Мектепке дейінгі ұйымдарда дербестендірілген ваучерлік қаржыландыру» жобасы бүгінде пилоттық режимде Тараз қаласында жүргізілуде. Облыстық білім басқармасына аталған тәжірибені жан-жақты зерделеп, нақты ұсыныс беру тапсырылды. Қызылорда облысында биометрикалық сәйкестікті бақылайтын «Қазына-фейс» мобильді қосымшасы арқылы балабақшаға күнделікті нақты келген балаға ғана мемлекеттік тапсырысты орналастыру мәселесі жолға қойылды. Облыс әкімі осы бағыттағы жұмыстарды да жүйелі жүргізуді тапсырды.Фото: Облыс әкімдігі

Әлеуметтік жобаларды жүзеге асыру мәселелері талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте елді мекендерді көркейту, абаттандыру мәселелері талқыланды.Аймақ басшысы облыс орталығы мен барлық аудандағы атқарылған жұмыстарға күнделікті бақылауды күшейтуді тапсырды.Қазіргі демалыс маусымында көпшілік орындардың келушілерге ыңғайлы әрі жайлы, ең бастысы, таза болғаны өте маңызды. Тазалық мәселесінде тұрғындарға жүктелетін жауапкершілікті де ұмытпау керек. Көше бойының, тұрғын үй аулалары мен ойын алаңдарының, жалпы қоршаған ортаның жинақылығы тиісті мекемелерге ғана емес барлығымызға керек екенін естен шығармау қажет.Айта кетейік, биыл қала көшелерін, көпқабатты тұрғын үй аулаларын абаттандыру үшін облыстық бюджеттен 12,7 млрд. теңге қаралды. «Қорқыт Ата» әуежайының аумағын көркейту, қала, кент пен ауылдық округтердің 75 көшесіне жарық бағаналарын орнату, 59 көшеге жаяу жүргіншілер жолын салу жоспарланған. Құрылысы өткен жылы бастау алған 19 көпқабатты тұрғын үйдің ауласындағы жұмыстарды аяқтау үшін 237 млн. теңге бөлінген. Тағы 25 көпқабатты тұрғын үйдің ауласындағы ойын алаңдарын күрделі жөндеу үшін облыстық бюджеттен 1 млрд. теңге қаралған. Бұған қоса 215,8 млн. теңгеге 4 көппәтерлі тұрғын үйдің ауласы жөнделуде.Облыс орталығына 10 заманауи аялдама салу үшін 52,5 млн. теңге қаралып, толығымен орнатылды. «Халық қатысатын бюджет» бағдарламасы шеңберінде 332,6 млн. теңгеге көшелерге науа тарту, орталық зиратты қоршау, көппәтерлі үйлерді абаттандыру қолға алынды. Қаланы көгалдандыру үшін құрылған «Жасыл Қызылорда» коммуналдық мемлекеттік мекемесіне биыл 702,2 млн. теңге қаржы берілді. Бұл жұмыстар толық аяқталғанда, тұрғындар үшін қолайлы орта қалыптасады, жолаушылар және жаяу жүргіншілер қауіпсіздігі қамтамасыз етіледі.Жиында жауапты мекеме басшылары атқарылған жұмыстарды баяндады. Көркейту-көгалдандыру, абаттандыру жұмыстарын бағамдаған аймақ басшысы барлық істі сапалы атқарып, мерзімінде аяқтауды тапсырды.<img src="https://knadmin.beoblood.kz/uploads/2_b1dd3d8e2c.jpg" alt="2.jpg"><img src="https://knadmin.beoblood.kz/uploads/3_138ca0d182.jpg" alt="3.jpg">Фото: Қызылорда облысы әкімінің баспасөз қызметі

Нұрлыбек Нәлібаев: Көпшілік орындар таза, тұрғындарға жайлы болуы тиіс 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Парламенті Мәжілісінің депутаты Мұрат Ергешбаевпен бірге Қызылорда қаласы Жаппасбай батыр көшесіндегі қайта жаңғырту жұмыстарын көрді. Бас мердігер «УАД» ЖШС 3,3 шақырымдық 4 жолақты көшеге жаяу жүргіншілер жолын салып, жарықшамдар орнатады. Мамыр айында басталған жұмыс қазан айына дейін жалғаспақ.Облыс әкімі жаңғырту жұмыстарының ең басты талабы сапа мен мерзім екенін қаперге салды. Барлық жұмысты жоспарға сай орындап, межелі уақытта пайдалануға беруді тапсырды.Айта кетейік, биыл қала көшелерін, көпқабатты тұрғын үй аулаларын абаттандыру үшін облыстық бюджеттен 12,7 млрд. теңге қаралды. «Қорқыт Ата» әуежайының аумағын көркейту, қала, кент пен ауылдық округтердің 75 көшесіне жарық бағаналарын орнату, 59 көшеге жаяу жүргіншілер жолын салу жоспарланған.<img src="https://knadmin.beoblood.kz/uploads/6_9f378ff5cf.jpg" alt="6.jpg"><img src="https://knadmin.beoblood.kz/uploads/7_cb69ef75d6.jpg" alt="7.jpg"><img src="https://knadmin.beoblood.kz/uploads/8_76219f4c50.jpg" alt="8.jpg">Фото: Облыс әкімінің баспасөз қызметі

Қазақстан және Қызылорда облысының басты жаңалықтары