<a href="https://kyzylorda-news.kz/">Kyzylorda-news.kz.</a> Қаңтар айында өтетін ҰБТ-ға қатысу үшін өтініш қабылдау 20 желтоқсанда басталып, 6 қаңтарға дейін жалғасады. Бұл туралы ҚР Ғылым және жоғары білім министрлігі хабарлады.ҰБТ-ға тіркелу Ұлттық тестілеу орталығының <a href="https://app.testcenter.kz/">app.testcenter.kz</a>. сайтында жүргізіледі. Тестілеудің өзі 10 қаңтар мен 10 ақпан аралығында өтеді. Азаматтар тестілеу өткізілетін орынды, күнді және уақытты өздері таңдайды. ҰБТ-2023 форматында өзгерістер жоқ. Алайда, «Қазақстан тарихы» (20 сұрақ) және «Оқу сауаттылығы» (15 сұрақ) пәндерінің тест тапсырмалары санына өзгерістер енгізілді.<blockquote>«Қаңтардан бастап «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламалары топтарына түсушілер ҰБТ-ны «Математика-Информатика» комбинациясы бойынша тапсырады. Тестілеуге дайындықты жақсарту мақсатында біз оқу жылының басында информатика бойынша ҰБТ-да кездесетін терминдер тізімін жарияладық», – деді ҚР ҒЖБМ Ұлттық тестілеу орталығының директоры Руслан Емелбаев. &nbsp;</blockquote>

Ертең ҰБТ-ға өтініш қабылдау басталады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев жергілікті құрылыс компания басшыларымен кездесіп, облыстың құрылыс саласындағы өзекті мәселелерді талқылады.Жиында кәсіпкерлерге салықтық әкімшіліктендіру, жүргізілетін құрылыс жұмыстарының жоспары мен келер жылдан бастап мемлекеттік сатып алу саласындағы заңнамаға енгізілетін өзгерістер түсіндірілді.Мемлекеттік кірістер департаментінің басшысы Ғани Аманов кәсіпкерлер салықтық түсімдерді уақытылы және ашық түрде жүргізуі қажет екенін және салық базасын ұлғайтуға ынталы мердігерлерге мемлекет тарапынан қолдау барын айтты.Ал, облыстық құрылыс, сәулет және қала құрылысы басқармасының басшысы Ерлан Төрәлиев алдағы жылға құрылыс жұмыстары ауқымды көлемде, яғни мемлекеттік бюджеттен әлеуметтік нысандар мен тұрғын үй құрылысына барлығы 41,6 млрд. теңге бөлінгенін тілге тиек етті. Бұл қаржыға облыста 128 нысанның құрылысы жүргізілмек. Сондықтан мердігерлер мен техникалық қадағалаушы мекемелердің жауапкершілігі қатаң қаралады.Жиында сөз алған мемлекеттік сатып алу басқармасының басшысы Бауыржан Шәменов облыс әкімінің бастамасына сәйкес Қаржы министрлігімен бірлескен жұмыстар нәтижесінде келер жылдан бастап конкурсқа түскен жеңімпаздарды анықтауда жергілікті мекемелерге басымдық беріледі. Бұл үшін критерийге өзгерістер енгізілді.Облыс әкімі Нұрлыбек Нәлібаев жаңа өзгерістер аймақтың өнім берушілерінің жеңіске жетуін және жұмыс көлемін қосалқы мердігерге беруін азайтып, өңірге салық түсімдерін көбейтеді деді. Ал, объектілері аяқталмаған мердігердің жеңімпаз болу мүмкіндігі төмендейді. Бұл өз кезегінде әлеуетті өнім берушілер арасында жұмыстарды, қызметтерді тең бөлуге және шартты өз мерзімінде орындауға жол ашады.<blockquote>«Бұдан былай аудан және қала әкімдіктері мемлекеттік сатып алу конкурстарын ұйымдастырмайды. Мемлекеттік сатып алу процестері толықтай орталықтандырылып, басқарма арқылы жүргізіледі. Бұл салаға басқарма басшысы ретінде білікті заңгер Бауыржан Шәменовты тағайындап, жұмыстың сапалы әрі әділ өтуіне нақты талап қойдық. Сондықтан салынатын әрбір нысан сапалы және өз мерзімінде аяқталуы керек», - деді облыс әкімі Нұрлыбек Нәлібаев.</blockquote>Басқосуда аймақ басшысы мәслихат сессиясында үш жылдық бюджет 520,7 млрд.теңге көлемінде бекітілгенін атап өтіп, даму шығыстарының үлесі 44,5 млрд.теңгеге жеткенін тілге тиек етті. Бұл өткен жылдың бекітілген бюджетімен салыстырғанда 3,5 есеге артық. Өңірде құрылыс-монтаждау жұмыстарының іске асырылуына арналатын жобаларға барлығы 83 млрд. теңге қаржы бөлінген. Облыс әкімі бұл қаржыны 114,5 млрд. теңгеге дейін ұлғайтуға мүмкіндік бар екенін атап өтті.Аймақ басшысы туған жерінің дамуына жанашырлық танытып, ортақ іске біріккен кәсіпкерлерге шынайы алғысын білдіріп, әрдайым бірлесіп жұмыс істеуге дайын екенін жеткізді. Биылдың өзінде өңірде меценаттар мен кәсіпкерлер 9 млрд. теңгеден асатын демеушілік жасап, маңызды жобалардың жүзеге асуына қолдау көрсетті.Мәселен, «Балалар жылында» демеушілердің қолдауымен құны 1,6 млрд.теңгені құрайтын &nbsp;80 спорт-ойын алаңы тарту етілді, ал Жаңақорған ауданында құны 790 млн. теңге болатын &nbsp;заманауи демалыс паркі ашылды. Сырдария ауданында, Нағи Ілиясов ауылында &nbsp;құны 350 млн. теңгені құрайтын «Еңбекшілер паркі» бой көтерсе, Арал ауданында «Балықшылар монументі мен аллеясы ашылды. Мұнан бөлек, апатты деп танылған Тоқабай ауылындағы мектеп жеке инвестор есебінен 500 млн.теңге қаржыға қайта салынуда. Биыл құны 1,6 млрд. теңгені құрайтын Неке сарайының, 3,7 млрд. теңге болатын 1000 орындық Өнер орталығының және құны 2,7 млрд. теңгені құрайтын Қан орталығының құрылысы басталды.Белгілі кәсіпкер Марат Дүйсенбаевтың демеушілігімен облыс орталығында құны 1,5 млрд. теңгені құрайтын «Анаға тағзым» орталығының құрылысы жүргізілуде.Нұрлыбек Нәлібаев қаланың негізгі қақпасы саналатын әуежайда қайта жаңаратынын тілге тиек етті. Меценат Болат Өтемұратов қорының қолдауымен құны 12 млрд. теңге болатын «Қорқыт ата» әуежайының жаңа терминалы салынады. Қазіргі таңда жобалау жұмыстары аяқталды. Келесі жылы ақпан айында құрылысы басталып, 2024 жылы ел игілігіне беріледі. Ал, демеушілердің көмегімен 100 млн. теңгеге қазіргі терминалға жөндеу жұмыстары жүргізіліп, әуежай алаңы жаңартылды.Облыс әкімі темір жол вокзалы мен автовокзал ғимараттарын жөндеу жұмыстарына ниетті кәсіпкерлерге әрдайым қолдау болатынын жеткізіп, жерлестерін туған жерді дамыту ісіне үлес қосуға шақырды.&nbsp;Өңірдің Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасы бой көтеруде. Нысан жыл аяғына дейін пайдалануға беріледі.&nbsp;Мұнан бөлек, Қызылордада «Қазгермұнай» бірлескен кәсіпорны басшылығымен келісім нәтижесінде заманауи үлгідегі «Оқушылар Сарайының» және «Саутс Ойл» компанияның демеушілігімен 7 мың адамға арналған «Қайсар» футбол командасының жаңа стадионының құрылысы салынбақ.Жиын соңында аймақ басшысы қала және аудан әкімдеріне және құрылысшылар қауымына әрбір жаңа нысан халыққа қолайлы жерден салынуы қажет екенін баса айтты. Бұл ретте жобалау жұмыстарына жеткілікті деңгейде мән беріп, құрылыстың сапалы аяқталуы басты шарт екенін еске салды.

Нұрлыбек Нәлібаев құрылысшылармен кездесіп, жаңа жобалар туралы пікірлесті

<a href="https://kyzylorda-news.kz/">Kyzylorda-news.kz.</a> Атмосфералық фронтальды бөлімдердің өтуімен ҚР батысында, солтүстігінде, солтүстік-батысында жауын-шашын (жаңбыр, қар) болады, деп хабарлайды Қазгидромет.Тек еліміздің оңтүстігінде, оңтүстік-шығысында, шығысында, орталығында Моңғол антициклонының әсерінен ауа райы жауын-шашынсыз сақталады.Батысында, солтүстігінде, солтүстік-батысында жаяу бұрқасын, көктайғақ, желдің күшеюі 15-20 м/с болады деп күтілуде.

Дүйсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> «Қазгидромет» РМК-ның мәліметінше, желтоқсанның 18-і күні Қазақстан аумағында ауа райы құбылмалы болады. Елдің басым бөлігінде жауын-шашын болады, тек батыста ғана жауын болмайды. Сондай-ақ, республиканың бірқатар аймақтарына тұман түсіп, көктайғақ, бұрқасын болады және жел күшейеді.Қызылорда облысының кей жерлерінде тұман түседі, көктайғақ болады. Түнде кей жерлерде желдің жылдамдығы секундына 15-20 метрге дейін күшейеді.&nbsp; &nbsp;

Желтоқсанның 18-і күнгі ауа райы болжамы

<a href="https://kyzylorda-news.kz/">Kyzylorda-news.kz.</a> Қатарда өткен әлем чемпионатында жартылай финалда Хорватия құрамасы Марокко құрамасын ұтып, үшінші орынды иеленді.Катар астанасы Дохадағы Халифа халықаралық стадионында өткен 3 орын үшін ойын 2:1 есебімен еуропалық команданың пайдасына аяқталды.Жалпы, ойын өте тартысты өтті. Екі команда футболшыларының техникалық-психологиялық дайындықтары жоғары екендігі көрінді. Кездесудің басында командалар әдемі айып соққыларынан кейін жылдам голдармен алмасты. Бірінші голды Йошка Гвардиол күрделі комбинациямен сәтті аяқтады, содан кейін Ашраф Дари хорваттарға жауап голын соқты. Матчтың 42-минутында хорваттық Мисслав Орсич дәл соққымен Еуропа құрамасын тағы да алға шығарды.Екінші кезеңде де хорватиялықтар тізгінді өз қолынан шығармауға тырысты. Екі құраманың да есепті өзгертетін мүмкіндігі болды.Осылайша, тартысты ойында Хорватия қарсыласынан 2:1 есебімен басым түсіп, футболдан Әлем чемпионатында қола жүлдеге қол жеткізді.Айта кетейік,18 желтоқсанда Лусаил қаласында Аргентина мен Франция құрамалары футболдан 2022 жылғы әлем чемпионатының финалында ойнайды. Аргентина - Франция матчының тікелей трансляциясы Астана уақытымен сағат 21:00-де басталып, Qazaqstan және Qazsport телеарналарында көруге болады.<img src="https://knadmin.beoblood.kz/uploads/photo_413971_d614ad9d80.jpeg" alt="photo_413971.jpeg">

Қатар – 2022: Қола жүлде үшін Хорватия мен Марокко құрамалары кездесті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев заманауи жаңғыртудан өткен Смағұл Ысқақов атындағы Қызылорда құрылыс және бизнес колледжінің материалдық-техникалық базасымен танысып, ұстаздармен пікірлесті.Колледжді сенімгерлік басқару негізінде алған меценат Сейітқали Алшынбаев оқу ордасының базасын жаңартуға 1,7 млрд. теңге қаржы салған.Іс-шараға ҚР Парламенті Сенатының депутаты Мұрат Бахтиярұлы, кәсіптік білім беру саласының ардагерлері мен ұстаздар қауымы қатысты.Жиында аймақ басшысы колледждердің әлеуетін жетілдіру үшін «Жас маман» жобасы қолға алынып, білім алуға ынталы жастардың мүмкіндігі кеңейгенін тілге тиек етіп, қайта жаңарған білім ордасының студенттеріне сәттілік тіледі.<blockquote>«Келешек жастар арасынан еңбек адамын дайындауды біз бүгіннен бастауымыз қажет. Бұл бағыттағы жұмыстар Сыр өңірінде жоспарлы түрде жүргізіледі. Сейітқали Бегманұлы бұған дейін облыс орталығы Қызылорда қаласынан «Шұғыла», «Нұр-Шұғыла» балабақшаларын, «ZERDE» интеллектуалды мектебін ашты. Өткен жылдан бастап Қызылорда құрылыс және бизнес колледжін сенімгерлік басқаруға алып, оқу орнын заманауи талаптарға сәйкестендірді. Аймақтың еңбек нарығына оның ішінде құрылыс саласына қажетті, сұранысқа ие кадрлар даярлайтын оқу орнының алдағы атқаратын жұмыстар легі ауқымды»,-деді Н.Нәлібаев.</blockquote>Шарада сөз алған Парламент Сенатының депутаты Мұрат Бақтиярұлы білім саласына жанашыр азаматтың оқу ордасының дамуына инвестиция салуы игілікті іске екенін алға тартты.Ал, оқу орнын сенімгерлік басқаруға алу жобасын іске асырған, «Парасат» орденінің иегері Сейітқали Алшынбаев шара қонақтарына алғыс білдіріп, жерлестерін шын ниетпен туған жерге қызмет етуге шақырды.Бүгінде оқу орнында 100-ден аса педагог қызмет етеді. Биылғы жылдың өзінде 500-ге жуық студент білім алуда.Алдағы жылы колледж жанынан қосымша оқу-өндірістік шеберхана, зертханалар ашылып, спорт алаңы және жатақхана құрылысы жүргізіледі.Айта кетейік, соңғы 2 жылда «Жас маман» жобасы аясында өңіріміздегі 9 колледждің оқу өндірістік шеберханалары мен зертханаларын жабдықтауға 2,7 млрд. теңге қаржы бөлінді. 284 қажетті техника мен құрал-жабдықтар алынды. &nbsp;<img src="https://knadmin.beoblood.kz/uploads/3_b3436104d5.jpg" alt="3.jpg"><img src="https://knadmin.beoblood.kz/uploads/5_878bc93dbf.jpg" alt="5.jpg"><img src="https://knadmin.beoblood.kz/uploads/6_1c850ff22a.jpg" alt="6.jpg">

Облыс әкімі колледждің материалдық-техникалық базасымен танысты

Kyzylorda-news.kz. Осыдан 31 жыл бұрын 16 желтоқсанда «Қазақстан Республикасының Мемлекеттік тәуелсіздігі туралы» Конституциялық Заң қабылданған еді, деп хабарлайды ҚазАқпарат.&nbsp;Айта кетейік, биыл «Қазақстан Республикасындағы мерекелер туралы» Заңға 25 қазан – Республика күні ұлттық мереке және 16 желтоқсан – Тәуелсіздік күні мемлекеттік мереке болып белгіленген өзгерістер енді.1990 жылдың 25 қазанында Қазақ КСР Жоғарғы Кеңесінің қаулысымен тарихи құжат – «Қазақ Кеңестік Социалистік Республикасының мемлекеттік егемендігі туралы» Декларация қабылданды. Бұл құжат Қазақстанның нағыз тәуелсіздігіне апаратын құқықтық бастама болды. Дегенмен, бұдан Тәуелсіздік күнінің рөлі аласармайды. 1991 жылы 16 желтоқсанда Қазақстанның Тәуелсіздігі жарияланды.Сонымен бірге, бүгінгі күн 1986 жылы Алматы алаңына шыққан жастармен тығыз байланысты. Қазақстан КП Орталық комитетінің бірінші хатшылығына Г. Колбиннің келуіне қарсы басталған шеру тұтас КСРО тоталитарлық саясатына қарсы оқиғаға айналып, Тәуелсіздіктің жаршысы болды. Тарихта бұл қаралы күндер «Желтоқсан оқиғасы» деген атаумен қалды.Қазақстан ССРО тарағаннан кейін араға 8 күн салып, тәуелсіздігін жариялады. 1980 жылдардың екінші жартысында басталған Кеңес одағының ыдырауында Балтық елдері бірінші бөлініп шықты. Содан кейін 1991 жылдың 8 желтоқсанында Беларусь, Ресей және Украина елдері одақты біржолата ыдыратқан Беловеж келісіміне қол қойды. Осылайша, Кеңес одағы ыдырап, әлемнің саяси картасына тағы 15 мемлекет қосылды.Қазақстанның дербес ел болғанын әлемге алғашқылардың бірі болып «ҚазАқпарат» халықаралық ақпарат агенттігі (ҚазТАГ) хабарлаған еді.Ал Қазақстанның Тәуелсіздігін ресми түрде ең алғаш Америка Құрама Штаттары мойындады.Одан кейін Қытай, Ұлыбритания, Моңғолия, Франция, Жапония, Оңтүстік Корея және Иран Ислам мемлекеті Қазақстанды тәуелсіз мемлекет ретінде таныды. Ал Түркия бірінші болып Қазақстанда өз елшілігін ашты.Тәуелсіздіктің 31 жылында Қазақстан елеулі жетістіктерге жетті және күрделі сын-қатерлерден өтті. 1993 жылы еліміз төл валютасын қолданысқа енгізді. Мемлекеттік рәміздерін бекітті. Шекараларын бекітіп, жаңа астанасын салды. Орнықты мемлекеттік институттары бар және экономикасы бәсекеге қабілетті демократиялық мемлекет ретінде қалыптасты. Коронавирус пандемиясы, Қаңтар оқиғасы, Арыс, Байзақ, Екібастұздағы төтенше жағдайлар – ел бірлігі сынға түскен қиын да күрделі кезең болды. Халықаралық арендағы геосаяси жағдайлар да бостандықпен пен егемендіктің қадірін арттырды.Биыл елімізде Президенті сайлауы өтті. Конституциялық түзетулер енгізу үшін жалпыұлттық референдум жүргізілді. Халықтың басым бөлігі Конституцияның 33 бабына 56 өзгеріс енгізуді қолдады.Былтыр өткен халық санағында алғаш рет цифрлық технологиялар қолданылды. 1 қарашадағы жағдай бойынша еліміздегі халық саны – 19 715 182 адамға жеткен.Тәуелсіздік күнінде тұтас ел бойынша салтанатты шаралар өтеді, әлеуметтік нысандар іске қосылады. Елордада мереке құрметіне қайырымдылық іс-шаралар, өмірлік қиын жағдайға тап болған балаларды, әлеуметтік аз қамтылған отбасыларды қолдау акциялары өтеді. 1986 жылғы желтоқсан оқиғасының қатысушыларына санаторий-курорттық ем беріп, біржолғы әлеуметтік көмек <a href="https://www.inform.kz/kz/astanada-tauelsizdik-kuni-kalay-toylanady_a4012855">төлеу көзделген.</a>Ұлттық статистика бюросы Тәуелсіздік күніне орайластырып қойылған есімдер жайлы <a href="https://www.inform.kz/kz/kazakstanda-tauelsizdik-esimdi-bir-adam-al-egemen-atty-21-adam-turyp-zhatyr_a4013704">мәлімет жариялады.</a> Оған сәйкес, азан шақырып қойған Тәуелсіздік атты бір адам болса, Егемен есімі 21 адамға қойылған. Сондай-ақ елімізде 14 065 Азат, 3 913 Еркін және 23 Бостандық бар.&nbsp;

Қазақстаның Тәуелсіздігіне 31 жыл толды

<a href="https://kyzylorda-news.kz/">Kyzylorda-news.kz.</a> Синоптиктер Қазақстанда 2022 жылдың 16 желтоқсанына арналған ауа райы болжамын ұсынды.Ел аумағының басым бөлігі әлі де моңғол антициклонының ықпалында, бұл жауын-шашынсыз ауа райын сақтайды. Тек республиканың шеткі батысында және оңтүстігіндегі таулы аймақтарда атмосфералық фронталды бөліктердің өтуімен аздаған қар жауады, батыста көктайғақ болады.<blockquote>"Оңтүстік-шығыстан, оңтүстікте, орталықта жел күшейеді. Атырауда, Түркістан, Жамбыл облыстарының таулы аймақтарында тұман күтіледі".«Қазгидромет» РМК</blockquote>Жетісу облысының Алакөл көлдері аймағында оңтүстік-шығыстан соғатын желдің екпіні 23-28 м/с, кейде 30 м/с және одан да жоғары болады.

16 желтоқсанда ауа райы қандай болады?

<a href="https://kyzylorda-news.kz/">Kyzylorda-news.kz.</a> Бүгін Қызылорда өңіріне жұмыс сапарымен келген ҚР Еңбек және халықты әлеуметтік қорғау министрі Тамара Дүйсенова облыс әкімі Нұрлыбек Нәлібаевпен кездесіп, әлеуметтік қолдау мәселелері бойынша актив отырысын өткізді.&nbsp;Аймақ басшысы Нұрлыбек Нәлібаев ел Президенті Қасым-Жомарт Кемелұлы Тоқаевтың биылғы жылғы Жолдауында әлеуметтік саланы қолдауға және дамытуға ерекше басымдық бергенін атап өтіп, аймақта халықтың тұрмыс деңгейін жақсартуға бағытталған жұмыстарды тізбектеді.<blockquote>«Ұлттық жобалар шеңберінде 136 жоба аясында мыңнан астам жұмыс орны құрылып, олардағы жұмыспен қамтылған азаматтарға зейнетақы аударымдары 67,3 пайызды құрады. Жыл қорытындысымен бұл көрсеткіш 90 пайыздан асады деп күтілуде.Индустрияландыруды дамыту аясында өңірде жалпы құны 613,1 млрд. теңгені құрайтын 37 жоба бойынша жұмыстар жүргізілуде. Бұл 6,8 мың адамды жұмыспен қамтуға мүмкіндік береді.Әлеуметтік ахуалды тұрақтандыру мақсатында облыс әкімдігі, жұмыс беруші және облыстық кәсіподақтар орталығы арасында өзара ынтымақтастық туралы 52 ірі және орта кәсіпорынмен меморандумдарға қол қойдық. Осы жұмыстардың нәтижесінде 8 мыңнан аса жұмысшының жалақысы 50%-ға дейін көтерілді», - деді аймақ басшысы.</blockquote>Жиын барысында Еңбек және халықты әлеуметтік қорғау министрі Тамара Дүйсенова Мемлекет басшысының 10 мың тұрғынға 100 жұмыс орнын құру бастамасын жүзеге асыру аясында өңірдің жақсы нәтижелерін атап өтті. Мәселен, 4587 жұмыс орнын құру жоспарлы көрсеткіші бойынша 10 043 адам жұмысқа орналасты, яғни жоспар екі еседен артық орындалды.&nbsp;Министр Қызылорда өңіріне алдағы 3 жыл ішінде жұмыспен қамтудың белсенді шараларына 43,7 млрд.теңге қаржы қаралғанын жеткізді.&nbsp;<blockquote>«Келесі жылы Қызылорда облысында 36,6 мың адамды жұмыспен қамтуға белсенді шаралар жоспарлануда. Біздің мақсат – жұмыссыз адамдарға барынша жұмыспен қамтуға жағдай жасау. Әр бос жұмыс орнын Электрондық еңбек биржасы арқылы мониторинг жүргізіліп, еңбек келісім-шарттарымен және зейнетақы жарналарымен расталатын болады», - деді Т.Дүйсенова.&nbsp;</blockquote>Министр Әлеуметтік кодекстің артықшылықтары мен Отбасының цифрлық картасын енгізу жұмыстарының тиімділігіне тоқталды. Бұл жоба арқылы тиісті көмекті ала алмай жүрген отбасыларға 1 қыркүйектен бастап белгіленген мемлекеттік кепілдіктер туралы SMS хабарламалар жолданады.&nbsp;<blockquote>«Бүгінгі күні мемлекеттік органдардың ақпараттық жүйелеріндегі деректері бойынша Цифрлық картада 6,3 млн отбасы мен олардың 19,5 млн отбасы мүшесі туралы ақпарат жинақталған. Бұл ретте тиісті көмекті ала алмай жүрген отбасыларды анықтадық. Мұндай отбасыларға проактивті форматта мемлекеттік қолдаудың тиісті шаралары қабылдануда. Қызылорда облысының 840 тұрғынына төлем тағайындалды», - деп хабарлады Тамара Дүйсенова.&nbsp;</blockquote>Ведомство басшысы карта аясында жәрдемақылар мен әлеуметтік төлемдердің 9 түрі бойынша қызмет көрсетілсе, 2023 жылдан бастап халықты әлеуметтік қорғау саласындағы қызметтердің тізімі кеңейтілетінін атап өтті. 2025 жылға қарай Цифрлық картада әлеуметтік, білім және денсаулық сақтау салалары бойынша барлық мемлекеттік кепілдіктер қамтылады.&nbsp;Айта кетейік, министр жұмыс сапары аясында мүгедектігі бар адамдармен, ҮЕҰ өкілдерімен және еңбек ұжымдарымен кездесулер өткізіп, баспасөз брифингінде журналистердің сұрақтарына жауап берді және бірқатар медициналық-әлеуметтік мекемелерге барды.&nbsp;<figure class="image"><img src="https://knadmin.beoblood.kz/uploads/320242291_1112479099439789_6859337576395104457_n_dea571f091.jpg" alt="320242291_1112479099439789_6859337576395104457_n.jpg"></figure>&nbsp;<figure class="image"><img src="https://knadmin.beoblood.kz/uploads/320380362_1864286793921191_6574947541397246476_n_71a9b9d64f.jpg" alt="320380362_1864286793921191_6574947541397246476_n.jpg"></figure>&nbsp;<figure class="image"><img src="https://knadmin.beoblood.kz/uploads/320252235_557434142447625_2219085829126244540_n_98b251797e.jpg" alt="320252235_557434142447625_2219085829126244540_n.jpg"></figure>

Қызылорда өңірінде 10 043 адам жұмысқа орналасты

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрі Тамара Дүйсенова Қызылорда облысына жұмыс сапары барысында аймақ активімен кездесу өткізді. ЕХӘҚМ басшысы биліктің жергілікті атқарушы органына халықты жұмыспен қамту мәселесіне аса көңіл бөлуге шақырды.Іс-шараға облыс басшысы Нұрлыбек Нәлібаев, облыс маслихатының өкілдері, жергілікті атқарушы органдардың басшылары мен облыстың аудан әкімдері қатысты.Тамара Дүйсенова өз сөзінде Қызылорда облысында а.ж. 11 ай ішінде 32&nbsp;231 адам жұмысқа орналастырылды деп атап өтті, оның ішінде жұмыспен қамту орталықтары арқылы бос жұмыс орындарына – 13&nbsp;132 адам, ұлттық жобаларды жүзеге асыру аясында – 4&nbsp;640, жұмыспен қамтудың белсенді шаралары бойынша – 14&nbsp;459.<blockquote>«Жұмыс орындарымен қамту мониторингін жүргізу тәртібіне сәйкес азаматтарды жұмысқа орналастыру оларға міндетті зейнетақы жарналарын жүргізумен расталатынына назар аударғым келеді. Қызылорда облысында бұл көрсеткіш 77% құрайды. Ал Қазалы ауданында ұлттық жобаларды жүзеге асыру барысында жұмысқа орналасқан азаматтар үшін зейнетақы жарналары бар тұлғалардың үлесі 49 % құрайды», - деп Тамара Дүйсенова атап өтті.</blockquote>Бұл ретте Министр Мемлекет басшысының 10 мың тұрғынға 100 жұмыс орнын құру бастамасын жүзеге асыру аясында өңірдің жақсы нәтижелерін атап өтті. Мәселен, 4587 жұмыс орнын құру жоспарлы көрсеткіші бойынша 10&nbsp;043 адам немесе 219 % нақты жұмысқа орналастырылды.<blockquote>«Келесі жылы Қызылорда облысында 36,6 мың адамды жұмыспен қамтуға белсенді шаралар жоспарлануда. Тұрақты жұмыс орындарын құруға басты назар аударып және Мемлекет басшысының тапсырламарын орындауда біркелкілікті қамтамасыз етуді сұраймын. Біздің мақсат – жұмыссыз адамдарға барынша жұмыспен қамтуға жағдай жасау. Әр бос жұмыс орнын Электрондық еңбек биржасы арқылы мониторинг жүргізіліп, еңбек келісім-шарттарымен және зейнетақы жарналарымен расталатын болады», - деді ЕХӘҚМ басшысы.</blockquote>Министр кездесуге келген қатысушыларға Отбасының цифрлық картасын (бұдан әрі – ОЦК) енгізу бойынша атқарылып жатқан жұмыстар туралы хабардар етті.<blockquote>«Бүгінгі күні мемлекеттік органдардың ақпараттық жүйелеріндегі деректері бойынша Цифрлық картада 6,3 млн отбасы мен олардың 19,5 млн отбасы мүшелері туралы ақпарат жинақталған. Бұл ретте тиісті көмекті ала алмай жүрген отбасыларды анықтадық. Мұндай отбасыларға 1 қыркүйектен бастап оларға белгіленген мемлекеттік кепілдіктер туралы SMS-хабарламалар жолдануда. Проактивті форматта оларға мемлекеттік қолдаудың тиісті шаралары қабылдануда. Қызылорда облысының 840 тұрғынына төлем тағайындалды», - деп хабарлады Тамара Дүйсенова.</blockquote>Министр мемлекеттік қызметтердің уақтылы көрсетілмегендігіне мысал ретінде Қызылорда облысындағы отбасы бала күтімі бойынша әлеуметтік төлем алғанымен, бала тууына байланысты біржолғы жәрдемақы алуға өтініш бермегенін келтіріп өтті.ЕХӘҚМ басшысы қазіргі таңда ОЦК аясында проактивті режимде жәрдемақылар мен әлеуметтік төлемдердің 9 түрі бойынша қызмет көрсетіліп жатқанын айтты. 2023 жылдан бастап халықты әлеуметтік қорғау саласындағы қызметтердің тізімі кеңейтіледі. 2025 жылға қарай Цифрлық картада әлеуметтік, білім және денсаулық сақтау салалары бойынша барлық мемлекеттік кепілдіктер қамтылатын болады.Кездесу барысында Тамара Дүйсенова жергілікті атқарушы билік өкілдерімен жұмыс берушілердің еңбек заңнамасының нормаларын сақтауы, өндірістердегі еңбекті қорғау мен қауіпсіздікті қамтамасыз ету, қызметкерлерді жазатайым оқиғалардан сақтандыру, балалы отбасылар мен мүгедектерге қолдау көрсету, зейнетақы мен әлеуметтік қамсыздандыру мәселелерін талқылады.<figure class="image"><img src="https://knadmin.beoblood.kz/uploads/319691932_418873547031838_5492004899994818913_n_38eaba2314.jpg" alt="319691932_418873547031838_5492004899994818913_n.jpg"></figure>&nbsp;<figure class="image"><img src="https://knadmin.beoblood.kz/uploads/319827436_526068902898853_2403602546872131282_n_c41c403c77.jpg" alt="319827436_526068902898853_2403602546872131282_n.jpg"></figure>

Министр Тамара Дүйсенова Қызылорда облысының активімен кездесу өткізді

<a href="https://kyzylorda-news.kz/">Kyzylorda-news.kz.</a> Бүгін Сыр өңіріне жұмыс сапарымен келген ҚР Еңбек және халықты әлеуметтік қорғау министрі Тамара Дүйсенова облыс әкімі Нұрлыбек Нәлібаевпен кездесіп, әлеуметтік қолдау мәселелері бойынша актив отырысын өткізді.&nbsp;Министр барлық отбасына қажетті Әлеуметтік кодекстің ерекшеліктері мен атаулы әлеуметтік көмек алу тәртібі және зейнетақыға қатысты нақты түсіндірме ұсынды.&nbsp;Тамара Дүйсенова Мемлекет басшысының 10 мың тұрғынға 100 жұмыс орнын құру бастамасын жүзеге асыру аясында өңірдің жақсы нәтижелерін атап өтті. Мәселен, 4587 жұмыс орнын құру жоспарлы көрсеткіші бойынша 10 043 адам жұмысқа орналасты, яғни жоспар екі еседен артық орындалды.&nbsp;

Тамара Дүйсенова: Қызылордада жұмыс орнын құру көрсеткішінде жақсы нәтижелер бар

<a href="https://kyzylorda-news.kz/">Kyzylorda-news.kz.</a> &nbsp;Бүгін ҚР Индустрия және инфрақұрылымдық даму вице-министрі Еркебұлан Дауылбаев Қызылорда облысына жұмыс сапарымен келді.Алдымен вице-министр шаһардағы СПМК-70 шағын ауданындағы және Сырдария өзенінің сол жағалауындағы көпқабатты кредиттік тұрғын үйлердің құрылыс барысымен танысты. Сонымен қатар, жаңа тұрғын үй аумақтарындағы автономды қазандық жұмысымен және тұрғын үйлерді модернизациялау жұмысын да көрді.&nbsp;Сондай-ақ салалық басқармалардың және облыс әкімінің жетекшілік ететін орынбасарының қатысуымен жұмыс жиыны өткізілді. Онда өңірдің көрсеткіштері мен проблемалық мәселелері талқыланды. Тұрғын үйді іске қосу бойынша жоспарлы көрсеткіштерге қол жеткізуге, тұрғын үй саясатын іске асыруға, тиімді қала құрылысын жоспарлауға және автоматтандырылған ақпараттық жүйелерде құжаттаманы орталықтандырып жүргізуге бағытталған тапсырмалар берілді.Сапар барысында халықпен кездесу ұйымдастырылып, қатысушыларға құрылыс және ТКШ &nbsp;салаларында жүргізіліп жатқан реформалары туралы айтылды. Бұған қоса, қолданыстағы және жоспарланып отырған ынталандыру және қолдау тетіктерін қолдану негіздері түсіндірілді.&nbsp;Мұнан соң, вице-министр азаматтарды жеке сұрақтары бойынша қабылдап, ұсыныс-пікірлерін тыңдады.<figure class="image"><img src="https://knadmin.beoblood.kz/uploads/319788448_1537373263446174_3756412545136329877_n_72b12fdeda.jpg" alt="319788448_1537373263446174_3756412545136329877_n.jpg"></figure><figure class="image"><img src="https://knadmin.beoblood.kz/uploads/319986184_831623928136737_8618851398829763443_n_8fe943f4a2.jpg" alt="319986184_831623928136737_8618851398829763443_n.jpg"></figure><figure class="image"><img src="https://knadmin.beoblood.kz/uploads/320019201_1253660938521306_3688322772184007204_n_7a3c7eb8db.jpg" alt="320019201_1253660938521306_3688322772184007204_n.jpg"></figure>

Қазақстан және Қызылорда облысының басты жаңалықтары