<a href="https://kyzylorda-news.kz/">Kyzylorda-news.kz.</a> Қазақстанның он үш аймағында дауылды ескерту жарияланды, деп хабарлайды Қазгидромет.Қызылорда облысында шығыстан жел соғады, күндіз облыс орталығында екпіні 15-20 м/с болады.&nbsp;

28 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Биыл елімізде алғаш рет 24 қазан - кітапханашылар күні кәсіби мереке ретінде бекітілді. Қазіргі таңда облыста 209 мемлекеттік кітапхана бар болса, онда 4,5 млн-нан астам кітап қоры жасақталған. Сонымен қатар, кітапханаларды заманауи білім беру орталықтарына айналдыру мақсатында 74 кітапханада coworking орталықтары ашылды. Бұл жөнінде Өңірлік коммуникациялар қызметінде өткен брифингте Ә.Тәжібаев атындағы облыстық әмбебап ғылыми кітапхананың директоры Нұрлыбек Мыңжас хабарлады.<blockquote>«Облыс кітапханаларында кітап оқуды насихаттауға және оқуға деген қызығушылығын арттыру мақсатында кітап жәрмеңкесі, оқу фестивальдері, кітап мерекелері, оқу марафондар, буккросингтер ұйымдастырылды. Сондай-ақ, жастарды кітап оқуға ынталандыру үшін «Kitap Fest» фестивалі, «Kitap time», республикалық «Бір ел – бір кітап», «Үздік оқырман» бенефисі, «Оқитын өлке», «Кітаппен бірге өсеміз» акциялары өткізілді. Балалар жылында Ә.Тәжібаев атындағы облыстық әмбебап ғылыми кітапханасынан «Еркетай» балалар алаңы ашылды. Онда балалардың емін-еркін білім алуына толықтай жағдай жасалған. Ал бүлдіршіндер үшін «Алақай» қуыршақ театры мен «Ісмер» қолөнер үйірмесі жұмыс істейді. Биыл біздің кітапханашылар көптеген жетістіктерге жетіп, құрмет төрінен көрінді. Атап айтқанда, ҚР Мәдениет және спорт министрлігінің ұйымдастыруымен «Рухани қазына» республикалық байқауында жүлделі орындарды иеленді. Ал «Үздік ауылдық кітапхана» номинациясы бойынша Аққұм ауылдық кітапханасы жеңімпаз атанды», - деді Нұрлыбек Кәрібозұлы.</blockquote>Қорқыт ата атындағы Қызылорда университетінің ғылыми кітапханасында 2 млн-нан астам әртүрлі бағыттағы кітап қоры бар. Дегенмен, жыл сайын мұндағы кітаптар жүйелі түрде жаңартылып, толықтырылады. Қазіргі таңда оқу орнындағы ғылыми кітапханада студенттердің қолайлы білім алуы үшін заманауи технологиялармен қамтамасыз етілген.<blockquote>«Биыл елімізде 24 қазан – Кітапханашылардың кәсіби мерекесі болып атаулы күнге енгізілді. Бүгінде біздің оқу орнындағы ғылыми кітапхана заман талабына сай электронды үлгіде жабдықталып, білім алушылар кез келген уақытта кітапхана қызметін пайдалана алады. Одан бөлек, біздің кітапханада шет мемлекеттердің бағдарламасын пайдалануға мүмкіндік бар. Осыған сәйкес, шетел әдебиеттері мен ғылыми-танымдық кітаптарды оқуға қол жетімділік артты. Алдағы уақытта кітапхана жұмысын одан әрі жетілдіру жұмыстары жүрзіледі», - деді Қорқыт ата атындағы Қызылорда универсиетінің бөлім басшысы Ұмытшақ Бисенова.</blockquote><figure class="image"><img src="https://knadmin.beoblood.kz/uploads/311618569_1652098825185623_941189640684055991_n_f4e6b6ec42.jpg" alt="311618569_1652098825185623_941189640684055991_n.jpg"></figure>

 Қызылорда облысында 209 мемлекеттік кітапханада 4,5 млн-нан астам кітап қоры бар

<a href="https://kyzylorda-news.kz/">Kyzylorda-news.kz.</a> 27 қазанда Қарағанды облысының солтүстік жартысында көктайғақ, жаяу бұрқасын күтіледі. Батыстан жел соғады, облыстың солтүстігінде, шығысында және орталығында екпіні 15-20 м/с дейін барады.Қазгидрометтің мәліметінше, осы күні Қызылорда облысының солтүстігінде, орталығында тұман түседі.&nbsp;&nbsp;

27 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қармақшы ауданы Байқоңыр қаласында бүгінде кәсіп түрлері мен нысандар саны артып келеді. Соның бірі – «Болашақ» сауда орталығы. Ол қала тұрғындары мен қонақтарына үздіксіз қызмет көрсетумен қатар, тұтынушы талғамынан шығып келе жатқан дүкен. Онда сапасы жоғары және табиғи азық-түлік өнімдері сөрелерде самсап тұр. Жұмсақ нан, шелпек, самса, тұшпара, басқа да ұннан жасалған өнім түрлеріне қашан да сұраныс жоғары. Сапасынан бөлек, бағаның да тұрақты болуына да аса мән берген.Тағы бір айта кетерлігі, ондағы нан өнімдері сауда орталығының өз наубайханасында өндіріледі. Нанға сұраныстың көптігінен кейде сөреге қойылған өнім тұрғындарға жетпей қалып жататыны бар. Отбасылық кәсіп иелері Ерлан Жаппасбаев пен Меруерт Тоқтарбекқызы тұтынушының үздіксіз сұранысына сай кей сәтте мезгілге қарамай қайта нан пісіретінін айтады. Сонымен қатар кондитерлік өнімдер де орталыққа қарасты шағын цехта дайындалып, сатылымға шығарылады екен.&nbsp; Өнегелі отбасында өсіп-өніп, қала тұрғындарының алғысына бөленген кәсіпкерлер елдің өркендеуінде кәсіпкерлік саласының маңызды рөл атқаратынын алға тартады.Кәсіпкер 50-ден аса қала тұрғынын тұрақты жұмыспен қамтыған. Ұжымда еңбек ететіннің көпшілігі жастар. Сол себепті де ол қарамағындағылардың тұрмыс-тіршілігіне назар аударып, жұмыс істеуіне барынша жағдай жасап қойған. Кәсіп істеу оңай тірліктен емес. Әйтпесе елдің бәрі кәсіп ашып кетер еді-ау. Оған қаншама төзім, шыдам, сабыр керек. Адаммен жұмыс істеген соң түрлі жағдай болады. Осындай кедергілердің бәрін еңсеріп, бағытынан айнымай келе жатқан Меруертті осы адамгершілік қасиеті үшін байқоңырлықтар сыйлап, құрметтейді. Біреуге болсыншы дейтін қағиданы ұстанатын кәсіпкердің жұмысы сан-салалы болғанымен, ұжымды ұйымдастырып, ұйыстырып ұстауда тәжірибесі көпке үлгі.<blockquote>«Қазақ қашанда бір-біріне демеу болып, үйіне келген қонақ үшін қазан көтерген. Дастарқанын жайып, батасын алған. Жарым екеуміздің де бар арман-мақсатымыз халыққа адал қызмет етіп, батасын алу, ризашылығына бөлену. Адалынан жүріп-тұрсаңыз, кәсіп етсеңіз одан өрісіңізді кеңейтпесеңіз, жаман болмасыңыз анық. Атамыз Бердібек Жаппасбаев Байқоңырда алғашқылардың бірі болып кәсіп бастаған кісі. Ол 8 сауда желісі мен Ақай ауылында 4 шағын цех ашты. Алғашында атамыз қарамағына 300 адамды жұмыспен қамтып, тұтынушыны шұжық, ет, сүт, балық, макарон, тағы басқа тұрмысқа қажетті өнімдермен қамтамасыз етіп отырды», – дейді Меруерт Тоқтарбекқызы.</blockquote>Бала кезінен әкесінің әрбір істеген ісіне қарап, өзіне өнеге алған Меруерттің жары Ерлан да кәсіпкер болуға жастайынан-ақ бейім болды. Ол да кәсіптің бірнеше түрін ашып, дамытуда. Жалпы бұл әулетте кәсіп ету әкеден-балаға мирас болып келе жатқан дүние десек артық емес. Өйткені ерлі-зайыптылардың отбасындағы тұңғыш баласы Ермек те кәсіптің қыры мен сырына кішкентайынан қанық болып өсіп, ата-анадан үлгі алған жайы бар.Әрбір нәрсенің өз қайнар бұлағы болады. Әулеттегі отбасылық кәсіптің ұйымдастырушысы Ерлан Бердібекұлы 1998 жылы Байқоңырда сүзгіден өткен таза ауыз су шығаратын бірнеше аппарат сатып алып, онымен қала тұрғындарын қамтамасыз еткен. Сонымен қатар еліміздегі «Жасыл экономика» бағдарламасы аясында күннен қуат алатын электр стансалары құрылып жатқанын білеміз. Осы бастаманы жүзеге асыруға асыққан жаңалыққа құмар Ерлан бауырымыз өз шаруашылығында іске қосқан азамат. «Құс өсірсең, тауық өсір» демекші, шаруашылық ауласында жүрген бірнеше жылқы, сиыр, ешкімен қатар Қостанайдан 1200 голландиялық тауық әкелгенін және олардың саны бүгінде екі есеге артса, шаруашылық меншігіндегі басқа бірнеше жүздеген қазақы тауық тұқымы өсірілуде. Олардан алынған жұмыртқа дүкенге сатылымға қойылады. Шаруашылықтың асырап отырған бөденесі де сұранысқа ие өнім. Кәсіпкердің өсіріп отырған гидропоникалық цехы да бір жаңалық.Ерлі-зайыптылар шаруашылық жылыжайында дастарқанға қойылатын ас мәзірі – түрлі салаттың сәнін келтіретін айсберг, изумруд деген атауы бар дәруменді жапырақтар мен қызанақ, қияр, тағы басқа көкөністерді өндіруде.Қазіргі таңда 100-ге жуық өңір тұрғынын жұмыспен қамтып отырған Ерлан мен Меруерттің болашаққа жасаған жоспарлары жетерлік. Іскер жандар кәсіпте жұртшылыққа шеберлігімен танылса, олар отбасында 5 бала тәрбиелеп отырған бақытты ата-ана. &nbsp;<img src="https://knadmin.beoblood.kz/uploads/1666760757_bolashaktyn_bolashagy_bekem_629aa5c82b.jpg" alt="1666760757_bolashaktyn-bolashagy-bekem.jpg">

Отбасылық кәсіптің өрісі кеңеюде

<a href="https://kyzylorda-news.kz/">Kyzylorda-news.kz.</a> Республика күні мерекесі әр өңірде түрлі сипаттағы іс-шаралармен айшықталуда.&nbsp;Облыс әкімі Нұрлыбек Нәлібаевтың Ұлттық мерекенің мән-маңызын жоғары деңгеде атап өту туралы тапсырмасы аясында Байқоңыр қаласында тұратын азаматтар үшін түрлі іс-шаралар өткізілуде. Салтанатты түрде Ту көтеру рәсімі өткізіліп, спорттық сайыстар мен мәдени көпшілік концерт көпшілікке көтеріңкі көңіл-күй сыйлады.&nbsp;Бүгінгі мерейлі сәтте ҚР Парламентінің Сенаторлары, мәнерлеп сырғанаудан танымал қазақстандық спортшылар, Қызылорда облысының шығармашылық ұжымдары байқоңырлықтармен бірге Республика күнін атап өтуде.Ұлттық мерекеге орай ҚР Президентінің "Байқоңыр" кешеніндегі арнайы өкілдігінің бастамасымен халықаралық ғарыш станциясында жұмыс істейтін ресейлік ғарышкерлердің мерекелік құттықтауы ұйымдастырылды.&nbsp;Станцияда ұзақ мерзімді 68-ші экспедицияның экипажы Сергей Прокопьев, Анна Кикина және Дмитрий Петелин Қазақстанның ғарыштан қаншалықты әдемі екендігі туралы айтып, ғарышкерлерді шығарып салып, қарсы алған қазақ жерінің қонақжайлылығын, Ресей мен Қазақстанның ғарыштағы ынтымақтастығын атап өтіп, бауырлас елге сәттілік тіледі.ХҒС-68 экипажы Байқоңыр ғарыш айлағынан 2022 жылдың 21 қыркүйегінде ұшырылған және орбитада алты айдан астам жұмыс істейтін болады. &nbsp;

 Ресейлік ғарышкерлер ел тұрғындарын Республика күнімен құттықтады

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігінде күн бұзылады, деп хабарлайды Қазгидромет.Қызылорда облысында жел оңтүстік-батыстан, батыстан соғады, түнде облыстың орталығында күші 15-20 м/с, күндіз 15-20, облыстың орталығында 23 м/с күтіледі.

26 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Мемлекет басшысы Қасым-Жомарт Тоқаевтың қатысуымен «Ақорда» резиденциясының алдында Республика күніне арналған Мемлекеттік ту көтеру рәсімі өтті.Биыл ұлттық мереке ретінде қайта жаңғырған Республика күнін ел көлемінде атап өту осындай салтанатты шарамен басталды. Мемлекеттік ту көтеру рәсімі өңірлерде де жалғасуда. «Бір тудың астында» атты жалпыұлттық патриоттар акциясына сырбойылықтар да үн қосып, шараға айрықша әсер сыйлады.«Рәміздер алаңы» аумағында өткен шараға 2000-нан аса тұрғын келді. Зиялы қауым өкілдері және аймақтық құқық қорғау органдарының басшылары, мемлекеттік қызметшілер, үкіметтік емес ұйым өкілдері белсенді жастар көпшілікті отаншылдық сезімге бөледі.Облыс әкімі Нұрлыбек Нәлібаев елордада бастау алған патриоттық акция Сыр елінде қолдау тапқанын атап өтіп, жерлестерін атаулы мейраммен құттықтады.Жиын барысында мемлекеттік органдарға жаңадан жұмысқа қабылданған мемлекеттік қызметкерлер салтанатты түрде ант берді.Ұлттық мерекеге арналған жиын патриоттық әндер мен авто, мотошерумен аяқталды.Айта кетейік, бүгін Республика күні аясында мәдени көпшілік шаралар ұйымдастырылып, қала, аудандарда түрлі әлеуметтік нысандар ашылды.<img src="https://knadmin.beoblood.kz/uploads/37_0895f125b1.jpg" alt="37.jpg"><img src="https://knadmin.beoblood.kz/uploads/33_6805f22782.jpg" alt="33.jpg"><img src="https://knadmin.beoblood.kz/uploads/39_387f9b5aad.jpg" alt="39.jpg"><img src="https://knadmin.beoblood.kz/uploads/40_fcd4bb11f2.jpg" alt="40.jpg"><img src="https://knadmin.beoblood.kz/uploads/38_dec5fb3075.jpg" alt="38.jpg"><img src="https://knadmin.beoblood.kz/uploads/35_f48ad6aefb.jpg" alt="35.jpg"><img src="https://knadmin.beoblood.kz/uploads/34_de981745b0.jpg" alt="34.jpg">

Сырбойылықтар «Бір тудың астында» атты жалпыұлттық акцияға қатысты

Қадірлі жерлестер! Баршаңызды Ұлттық мереке – Республика күнімен шын жүректен құттықтаймын! Бұл мереке біртұтас Қазақстанның берекесі мен бірлігінің, әрбіріміздің туған өлкемізге деген шексіз сүйіспеншілігіміз бен адал еңбегіміздің нәтижелі нышаны деп білемін.Мемлекет басшысы Қасым-Жомарт Кемелұлы Тоқаев ұлт ұясы Ұлытау жерінде өткен құрылтайда: «Ұлттық мерекелер мен атаулы күндер тізбесіне бірқатар өзгеріс енгізген жөн. Республика күні елдің мемлекет құру жолындағы тарихи қадамының символы болуы керек. Қазанның 25 күні жыл сайын Егемендік күнін еліміздің басты мерекесі ретінде атап өтуіміз қажет» деп Республика күніне ұлттық мереке мәртебесін қайтаруды ұсынды.Президентіміздің бұл саяси шешімі егемендікке арқау болған декларацияны қабылдау туралы тарихи құжаттың салмағын еселеп, Тәуелсіздігіміздің тұғырын бекіте түсті. &nbsp;Тарихи мәні терең, идеологиялық жүгі жоғары айтулы күн еліміздің бүгіні мен ертеңіне адал қызмет ететін, ерен істер мен елеулі бастамаларды жалғастыратын барша азаматтың отаншыл рухын оятып, сенім мен жауапкершілік сезімін қалыптастырады.Он үш жылдан кейін қайта оралып, ұлттық мереке мәртебесін алған Республика күнін атап өту Әділетті Қазақстанға қызмет ететін әрбір азамат үшін айрықша мәнге ие ерекше күн ретінде санамызда жаңғыруы тиіс.Еліміздің кемелдену жолында бірлікті ту етіп, адал еңбектің құндылығын биік қоятын Сыр жұртшылығы ұлық мерекенің ұлағатын кейінгі ұрпаққа кеңінен насихаттау тізгінін жалғастырады деп сенемін.Қадірлі сырбойылықтар! Тарихи әрі идеологиялық мән-маңызы зор, тәуелсіз еліміздің ұлық мерекесі баршаңызға игілік, бақ-дәулет, ырыс-несібе әкелсін!Қазақстанның тұрақты дамуы мен ұлттық стратегиялық &nbsp;мүддесі жолында әрбіріңіздің еңбектеріңіз табысты, барлық бастамаңыз сәтті болсын!Сіздерге мықты денсаулық, отбасыларыңызға бақыт, зор жетістіктер тілеймін!<img src="https://knadmin.beoblood.kz/uploads/311784011_170818048938017_4717474895889506581_n_add786293f.jpg" alt="311784011_170818048938017_4717474895889506581_n.jpg">

Облыс әкімі Нұрлыбек Нәлібаевтың Республика күнімен құттықтауы

Kyzylorda-news.kz. Республика күніне орай Қызылорда өңірінде жастардың өз Start-Up жобаларын ұсынатын Smart City Kyzylorda Hackathon байқауы ұйымдастырылды.Облыс әкімі Нұрлыбек Нәлібаевтың қолдауымен өткізілген идеялар байқауына&nbsp; Astana Hub халықаралық технопаркі және Қорқыт Ата атындағы Қызылорда университеті ұйытқы болды.&nbsp;Байқауға қатысқан жастар «Әзірлеу», «Медиа&amp;Білім», «Модельдеу бағытында түрлі сайт, мобильді қосымша, бот және ойындар, роботехника және анимациялар мен медиа өнімдерін ұсынды.&nbsp;Байқауға ниет білдірген 270 қатысушының арасында ІТ үйірмелерге қатысатын оқушылар, колледж, жоғары оқу студенттері мен мұғалімдер бар.&nbsp;100-ге жуық жобаны қорғаған жастар ІТ шешім арқылы көптеген проблемалардың алдын алуға болатынын жеткізді.&nbsp;Байқауда үздік жобаларымен алға шыққан жастарды облыс әкімі аппаратының басшысы Шахмардан Байманов пен Қорқыт ата университетінің проректоры Жандос Базартай марапаттады.&nbsp;Шахмардан Асқарұлы соңғы жылдары республика және аймақта ІТ секторда тың жобаларды дамытуға ниетті жастарға облыс әкімдігі тарапынан әрдайым қолдау болатынын жеткізіп, роботехника бағытында ауқымды жетістіктер бар екенін қаперге салды.&nbsp;Байқау қорытындысымен “медиа&amp;білім” бағытында Қызылорда қаласындағы #140 мектеп оқушысы Аружан Қыдырбай, “модельдеу” бағытында Арал ауданының #103 мектеп оқушысы Бейбіт Рахымжан, “әзірлеу” бағытында #14 мектеп-лицей оқушысы Нұрбек Райханов Қорқыт ата университетінің грант игерлері атанды.&nbsp;Ал, әр бағыт бойынша І орынды иеленген Оралбек Абдуллаев, Әділ Серік, Еңдік Мұратбек жеңімпаздарға 70 мың теңгенің сертификаты табысталды.&nbsp;Сондай-ақ, ІІ, ІІІ орындарға қаржылай жүлде мен арнайы сыйлықтар тапсырылды. Айта кету керек, алдағы уақытта ІТ бағытта &nbsp;Inno fest идеялар байқауы өткізіледі.<img src="https://knadmin.beoblood.kz/uploads/FB_IMG_1666586631232_2c857a7d93.jpg" alt="FB_IMG_1666586631232.jpg">&nbsp;

Hackathon: Қызылордада өткен идеялар байқауында 100-ге жуық жоба ұсынылды

Kyzylorda-news.kz. «Қазгидромет» синоптиктері 24 қазан, дүйсенбіге арналған ауа райы болжамын жариялады.Ел аумағының басым бөлігінде ауа райына Батыс антициклоны ықпал етеді.Сондықтан жауын-шашынсыз ауа райы күтіледі.Елдің батыс, оңтүстік және оңтүстік-шығыс аймақтарында атмосфералық фронттар жүріп өтеді.Осыған байланысты жаңбыр жауады, оңтүстіктің және оңтүстік-шығыстың таулы аймақтарында жаңбыр мен қар түрінде жауын-шашын болады.Қазақстан бойынша жел күшейіп, тұман түседі, көктайғақ болады.

Қазгидрометтің 24 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін республика көлемінде ауа райына байланысты дауылды ескерту жарияланды, деп хабарлайды Қазгидромет.Еліміздің біраз бөлігінде қар жауып, тұман түсіп, көктайғақ болатыны болжанды.Қызылорда облысында түнде облыс орталығында солтүстік-шығыстан соғатын желдің күші 15-20 м/с сақталады. &nbsp;

Жексенбі күнге арналған ауа райы болжамы

Kyzylorda-news.kz. Бүгін Мемлекет басшысы Қасым-Жомарт Кемелұлы Тоқаев Республика күніне орай Ақордада ел дамуына елеулі еңбек сіңірген бірқатар азаматты жоғары мемлекеттік наградалармен марапаттады.Президент Республика күні басты ұлттық мереке ретінде жалпыхалықтық мейрамға айналуға тиіс, бізге Республика күнінің мән-маңызын барынша айшықтайтын жалпыұлттық бастамалар керек екенін айтты.<blockquote>«Бұл – қазақтың сан ғасырлық мемлекеттілік дәстүрі жаңғырған күн. Бұл – бостандық үшін күрескен бабалар арманы ақиқатқа айналған күн. 1990 жылы 25 қазанда Қазақстанның Егемендігі туралы декларация қабылданды. Бұл құжат Тәуелсіздігіміздің саяси-құқықтық негізін қалыптастырды. Бір сөзбен айтсақ, Декларация – еліміздің Тәуелсіздік алуына жол ашқан ақжолтай құжат», - деді Президент.</blockquote>Мерейлі күнде әр өңірде салтанатты мерекелік шаралар, ғылыми конференциялар, шығармашылық байқаулар, спорт жарыстары, патриоттық, волонтерлік және қайырымдылық акциялары ұйымдастырылуда.Бүгін Сыр елінде де Нартай Бекежанов атындағы академиялық музыкалық драма театрында Ұлттық мереке - Республика күніне арналған салтанатты іс-шара өтті.Мерекелік шараға Сыр елінің дамуына сүбелі үлес қосқан ардагерлер, зиялы қауым өкілдері, түрлі салада абыройлы еңбек еткен азаматтар қатысты.Облыс әкімі Нұрлыбек Нәлібаев сырбойылықтарды Ұлттық мерекемен құттықтап, Республика күнін аймақ жұрты елеулі табыстармен қарсы алғанын жеткізді.<blockquote>«Президентіміз Қасым-Жомарт Кемелұлы Тоқаев Ұлытауда өткен Ұлттық құрылтайда «Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын»,-деп, Республика күні елдің мемлекет құру жолындағы тарихи қадамының символы болуы керек деп жеткізгенін білесіздер. Енді міне, араға 13 жыл салып, Президентіміздің Жарлығымен Республика күні Ұлттық мереке болып халықпен қайта қауышты. Ұлттық мерекеміз баршамызға тағы да құтты болсын! Тәуелсіздігіміздің тұғыры нық, Еліміздің еңсесі биік, халқымыз аман болғай!», - деді Н.Нәлібаев.</blockquote>Салтанатты шарада мемлекеттік және қоғамдық қызметтегі сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға елеулі үлес қосқан бірқатар азаматтар Президент Жарлығымен мемлекеттік наградалармен марапатталды.Аймақта алғаш рет І дәрежелі «Барыс» орденімен белді кәсіпкер, меценат, «Автомобиль жол басқармасы» жауапкершілігі шектеулі серіктестігінің бас директоры Мұрат Үдербаев наградталды. Ол 1000-нан астам жоғарғы оқу орнында оқитын студенттердің тегін білім алуына мүмкіндік жасап, 35 отбасыға үй салуға көмек көрсетіп, 15 отбасыға баспана алып берген. Жол салу жұмыстарындағы ауқымды жобаларға жеке қаражатынан бір миллиард екі жүз бес миллион теңге жұмсаған.Мерейлі мерекеде 3 жерлесімізге "Парасат" ордені табысталды. Кәсіпкер, меценат Марат Дүйсенбаев Мемлекет басшысының қолынан «Парасат» орденін алу құрметіне ие болды. Ол өз қаражаты есебінен құны 1,5 млрд. теңгені құрайтын «Анаға тағзым» орталығының құрылысын салуда. 100 отбасын үймен қамтып, әртүрлі жетістіктерге жеткен және әлеуметтік аз қамтылған азаматтарға 100 автокөлік сыйға тартып, 100 жастың отбасын құруға қаржылай қолдау көрсеткен. &nbsp;30 жыл ішінде 12 млрд.теңге қаржыны өңірдің игілікті ісіне арнаған.Ал, 20 жылдан бері өңірдің ауыл шаруашылығы саласын дамытуға елеулі үлес қосқан қайраткер Сапарбек Мыханов пен 500 ғылыми мақаланың және 30-дан астам кітаптың авторы атанған филология ғылымдарының докторы, профессор, Қорқыт ата атындағы Қызылорда университетінің «Қорқыттану» ғылыми орталығының жетекшісі Бағдат Кәрібозұлына облыс әкімі «Парасат» орденін тақты.Мәртебелі жиында Президент қолынан ұлағатты ұстаз Жамешов Балтабай «Ерен еңбегі үшін» медалін, сегізінші қабаттан үш жасар баланы құтқарған Сәбит Шонтақбаев «Ерлігі үшін» медалін иеленіп, құрметке бөленді.Облыс әкімі 11 азаматқа «Құрмет» орденін, 2 еңбек адамына ІІІ дәрежелі «Еңбек Даңқы» орденін, 21 азаматқа «Ерен еңбегі үшін», 2 азаматқа «Шапағат» медалі және 4 қызылордалыққа Қазақстан Республикасының Құрмет грамотасын табыстады.Мұнымен қоса ҚР Президенті, Қазақстан халқы Ассамблеясының Төрағасы Қасым-Жомарт Кемелұлы Тоқаевтың қолымен 3 жерлесімізге Қазақстан Халқы Ассамблеясының қоғамдық «Бірлік» алтын медалі, Құрмет грамотасы және Алғыс хаты табысталды.Мерейлі сәтте Сыр елінің атын қазақтың жыршылық өнерімен әлемге танытып жүрген, жыр қорында сыр сүрейлерінің терме толғау дастандарымен қатар өзінің қаламынан туындаған "Қазына", "Шыңғыснама" тарихи дастандарының авторы Алмасбек Алматов облыстың ең жоғарғы марапаты «Қызылорда облысының Құрметті азаматы» атағына ие болды.Облыс әкімі туған жеріміздің гүлденіп, көркеюіне атсалысып жүрген басқа да азаматтардың еңбектері алдағы мерекелерде лайықты, жоғары марапаттарға ұсынылатынын жеткізді.Республика күніне арналған шара Сыр жұлдыздарының қатысуымен өткен концерттік бағдарламамен жалғасып, мерекелік гала-концертпен қорытындыланды.<img src="https://knadmin.beoblood.kz/uploads/FB_IMG_1666451117985_b3a9e13219.jpg" alt="FB_IMG_1666451117985.jpg"><img src="https://knadmin.beoblood.kz/uploads/FB_IMG_1666451088781_0883865ff6.jpg" alt="FB_IMG_1666451088781.jpg"><img src="https://knadmin.beoblood.kz/uploads/FB_IMG_1666451082587_d088ee116c.jpg" alt="FB_IMG_1666451082587.jpg"><img src="https://knadmin.beoblood.kz/uploads/FB_IMG_1666451079916_3c18edb26f.jpg" alt="FB_IMG_1666451079916.jpg"><img src="https://knadmin.beoblood.kz/uploads/FB_IMG_1666451114028_d06d3f02a0.jpg" alt="FB_IMG_1666451114028.jpg"><img src="https://knadmin.beoblood.kz/uploads/FB_IMG_1666451070898_a8c8b274ce.jpg" alt="FB_IMG_1666451070898.jpg"> &nbsp;

Қазақстан және Қызылорда облысының басты жаңалықтары