<a href="https://kyzylorda-news.kz/">Kyzylorda-news.kz.</a> Атлантикалық циклон жырасының әсерінен Қазақстанның басым бөлігіне жауын-шашын түседі, деп хабарлайды Қазгидромет.Еліміздің оңтүстігінде жаңбыр, кей уақыттарда қатты жаңбыр жауады. Тек еліміздің батысы атмосфералық жоғары қысым аумағында болғандықтан жауын-шашынсыз ауа райы сақталады.Қазақстан бойынша желдің күшеюі, солтүстік, батыс, шығыс, орталығында – жаяу бұрқасын, көктайғақ, оңтүстік, батыс, орталығында - тұман, Түркістан облысының күндіз таулы аудандарында найзағай күтіледі.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев ҚР Ұлттық қауіпсіздік комитеті Төрағасының кубогіне арналған «Қазақстан Республикасы Ұлттық қауіпсіздік комитеті Барысы» қазақ күресінен республикалық турнирінің ашылу рәсіміне қатысты.Аймақ басшысы турнирдің Сыр өңірінен бастау алуы аймақ үшін үлкен абырой екенін атап өтті.«Балуан Шолақ, Қажымұқан, Иманжүсіп бабаларымыздың ізі қалған Сыр жерінде батырлар сабақтастығы үзілген емес. «Қазақстан барысы-2022» турнирінде жеңімпаз атанған жерлесіміз Мақсат Исағабылов «Қазақстан барысы» жүлдесін үшінші рет туған жерге әкелді. Өткен жылы грек-рим күресінен Сербияның Белград қаласында өткен Әлем чемпионатында Ұлттық құрама сапында жерлесіміз Айдос Сұлтанғали қола жүлдені олжалады. Осынша жетістік күш-қуаттың ғана көрсеткіші емес, ол – ұлттық рухтың көрінісі. Спортшыларымыздың дайындығы, жеңіске деген жігері арқасында өткен жыл Сыр спорты үшін нәтижелі әрі табысты болды. Аймақ спортшылары Қазақстан Республикасы чемпионаты мен кубоктарында 1 078 медаль жеңіп алса, Әлем және Азия чемпионаты мен кубоктарынан 218 медальға қол жеткізді. Осылайша Сыр спортшылары соңғы бес жылдықтағы рекордты жаңартты», - деді Н.Нәлібаев.Сондай-ақ, турнирге қатысушыларды ҚР ҰҚК Қызылорда облысы және Байқоңыр қаласы бойынша департаментінің бастығы Болат Қалмырзаев құттықтады.Айта кетейік, өңірде спорт инфрақұрылымын дамытуға ерекше мән берілген. Қазіргі таңда облыс бойынша 10 денешынықтыру және спорт кешенінің құрылысы жүргізілуде. Бұдан бөлек, биыл облыс орталығынан құны 6,9 млрд. теңгені құрайтын көпсалалы спорт кешенінің құрылысын бастау жоспарлануда.Бастамашыл азаматтар көптеген жаңа нысанның құрылысын жүргізуде, алдағы уақытта да ауқымды жоспарлар бар. Жергілікті «Қайсар» футбол клубы үшін заманауи жабық стадион салу жұмыстары демеуші есебінен атқарылуда. «Балалар жылында» демеушілер көмегімен 1,6 млрд. теңгенің 80 спорт-ойын алаңы балдырғандарға тарту етілді.&nbsp;Турнирге 24 командаға жасақталған 120-дан аса дарабоз палуан қатысуда. Кеше спортшылар жарысқа тіркеліп, жеребе тартты және этноауыл көрмесіне барып, ұлттық спорт ойындарынан сайысқа қатысты. Бүгін командалық жарыстар өткізілді. Ал, ертең «ҚР ҰҚК Барысы» мен түйе палуандардың жекпе-жектері ұйымдастырылмақ.<figure class="image"><img src="https://knadmin.beoblood.kz/uploads/334286275_795594015413826_1201613195830707674_n_f391224818.jpg" alt="334286275_795594015413826_1201613195830707674_n.jpg"></figure><figure class="image"><img src="https://knadmin.beoblood.kz/uploads/334075935_939176133923089_2407036708506337004_n_129ba1e8d4.jpg" alt="334075935_939176133923089_2407036708506337004_n.jpg"></figure><figure class="image"><img src="https://knadmin.beoblood.kz/uploads/334277731_144720618478519_4636641091475715726_n_fba0353694.jpg" alt="334277731_144720618478519_4636641091475715726_n.jpg"></figure><figure class="image"><img src="https://knadmin.beoblood.kz/uploads/333875239_723538936109620_1856057259801770802_n_af50ec9d27.jpg" alt="333875239_723538936109620_1856057259801770802_n.jpg"></figure><figure class="image"><img src="https://knadmin.beoblood.kz/uploads/334424330_1264974434227198_5349262277532638662_n_b35b4a10b3.jpg" alt="334424330_1264974434227198_5349262277532638662_n.jpg"></figure>

Қызылордада «ҚР Ұлттық қауіпсіздік комитеті барысы» республикалық турнир өтуде

<a href="https://kyzylorda-news.kz/">Kyzylorda-news.kz.</a> Қазақстанның оңтүстік-шығысында ғана ауа райы жауын-шашынсыз, деп хабарлайды Қазгидромет.&nbsp;Еліміздің басым бөлігінде ауа райы Атлант циклонының ықпалымен анықталады. Соған байланысты жауын-шашын, көктайғақ болжанды. Солтүстікте, шығыста, орталықта жел соғады, қар жауады.Синоптиктердің хабарлауынша, жоғары қысым ықпалында Қазақстанның оңтүстік-шығысында ғана ауа райы жауын-шашынсыз болады. Сонымен қатар жел күшейеді, батыста, оңтүстік-шығыста, республика орталығында тұман басады деп болжанды

2 наурызға арналған ауа райы болжамы

&nbsp;<a href="https://kyzylorda-news.kz/">Kyzylorda-news.kz.</a> Бүгінде халықтың инфрақұрылымға қолжетімділігі артты. Бұл Мемлекет басшысы Қ.К.Тоқаевтың атқарушы билікке жүктеген тапсырмасы бойынша жүзеге асты. Облыс халқының 97,8 пайызының орталықтандырылған су жүйесіне қосылуы, өткен жылы 6 ауылдық елді мекеннің көгілдір отынға қосылып, халықты газдандыру деңгейі 70 пайызға жеткені көп түйткілді шешті.<blockquote>«Биыл 10 ауылдық елді мекенді газдандыру арқылы оның қамту деңгейін 72 пайызға жеткізу жоспарлануда. Жергілікті маңыздағы 366 шақырым автомобиль жолдарын жөндеу арқылы жақсы жағдайдағы жолдардың үлесі 82 пайызға жеткізілсе, биыл оны 87 пайызға жеткізу жоспарымызда бар.Бұл мақсатқа биыл 29,9 млрд. теңге қаржы қаралды. Жыл көлемінде республикалық бюджеттен қосымша қаржылар түседі деп жоспарлап отырмыз», – деді облыс әкімі Н.Нәлібаев облыстық қоғамдық кеңес отырысында.</blockquote>Сонымен бірге аймақ басшысы Президенттің тікелей бақылауындағы «Қызылорда-Жезқазған» автожолының құрылысы туралы «Халық осы жолдың заманға сай қайта жаңғыртылуын ұзақ күтті. Жолдың ұзындығы 216 шақырым, биыл оның 100 шақырымнан астам бөлігін аяқтау межеленуде. Қалған бөлігі 2025 жылдың соңына дейін толық аяқталып, халық игілігіне берілетін болады.Қаңтар айында Қазақстан Республикасы Үкіметі Аппараты басшысының бірінші орынбасары Ғабит Сыздықбековтің жұмыс сапары аясында «Қызылорда-Жезқазған» автожолын қайта жаңғырту жұмыстарымен арнайы барып таныстым.«Қызылорда-Жезқазған» жолын реконструкциялауға қатысты өзімнің төрағалығыммен арнайы мәжіліс өткізіліп, жоба аясындағы түйткілді мәселелер бойынша тиісті шаралар қабылдау жөнінде жауапты мекемелерге тапсырмалар берілді. Қазір аталған жолдың реконструкциялау мәселелері бойынша облыс әкімінің бірінші орынбасары Серік Салауатұлының төрағалығымен арнайы жұмысшы топ құрылып, құрылыс жұмыстары бақылауға алынды» деп атап өтті.Қазір Ақтөбе облысы бағытындағы жолда жүк көліктерінің қарқыны жыл сайын орташа есеппен 10%-ға өсіп, тәулігіне 10 мың автокөлік қатынауда. Осы бағыттағы 566 шақырым жолды 2 жолақтан 4 жолаққа ауыстыру туралы мәселе Үкімет басшысына жеткізілді.Қызылорда қаласында қоғамдық көлік мәселесі бірте-бірте шешіліп келеді. Қоғамдық кеңес отырысында облыс әкімі Н.Нәлібаев «Бұл бағытта да проблемалық мәселелерді шешуді қолға алдық. «Қызылорда автобус паркіне» «Өнеркәсіпті дамыту қоры» арқылы лизингке жаңа 150 автобус алуға өткен жылы 1,4 млрд теңге қаржы бөлініп, барлығы 150 автобус келді. Бұл мәселені түбегейлі шешу үшін 2023 жылға 1,4 млрд теңгеге тағы 150 автобус алуға қаржы бағытталды. Осылайша, барлығы 300 заманауи, жайлы автобус ел игілігіне табысталады» деді.<figure class="image"><img src="https://knadmin.beoblood.kz/uploads/334071255_805319750945243_92797285681381229_n_9097e67cef.jpg" alt="334071255_805319750945243_92797285681381229_n.jpg"></figure><figure class="image"><img src="https://knadmin.beoblood.kz/uploads/334070642_640939491173021_3297377272707859568_n_c0f72b02d1.jpg" alt="334070642_640939491173021_3297377272707859568_n.jpg"></figure>

Қолжетімді инфрақұрылым халық тұрмысын жақсартады

<a href="https://kyzylorda-news.kz/">Kyzylorda-news.kz.</a> Мемлекет басшысының, Үкімет деңгейіндегі жан-жақты қолдаудың және бірлескен жұмыстардың нәтижесі Сыр еліндегі тың жобалардан көрінеді. Ауқымды инвестициялардың тартылуы тіректі салаларда серпінді қадамдар жасауға мүмкіндік берді.<blockquote>«Облысымыз 2022 жылдың қорытындысымен әлеуметтік-экономикалық дамудың макрокөрсеткіштері бойынша республика өңірлері арасында жоғары орындарға көтерілді.Өңдеу өнеркәсібінің көлемі – 5,6 пайызға, ауыл шаруашылығының жалпы өнімі – 1,8 пайызға, инвестициялар тарту – 26,8 пайызға, пайдалануға берілген тұрғын үйлер көлемі –3,3 пайызға, құрылыс жұмыстарының көлемі – 16,6 пайызға және сауда көлемі – 2,3 пайызға артты.Аймағымыз инвестиция тарту қарқыны бойынша республика көлемінде бірінші орынға шықты. Өткен жылы атқарылған шаралардың нәтижесінде инвестиция көлемі 2021 жылмен салыстырғанда 100,6 млрд. теңгеге артты (308,9 млрд. тг, 409,5 млрд. теңгеге)», – деді облыс әкімі Н.Нәлібаев облыстық қоғамдық кеңес отырысында.</blockquote>Еске салсақ, индустрияландыру бағытындағы құны 1 млрд. теңге болатын 5 жоба, биылға жоспарланған құны 13,4 млрд.теңгені құрайтын 9 жоба шикізатқа тәуелділіктен арылуға, экономиканы әртараптандыруға бағытталған.«Акса энерджи» түрік компаниясымен бірлесіп жылу электр орталығы іргетасының қалануы, «Коч Холдинг» компаниясымен Жаңақорған ауданында «Қызылорда – Агроплюс» серіктестігінің томат пастасын өндіру жобасы, «TAT» компаниясымен бірлесіп, тамшылатып суару әдісімен 10 гектар жерге тәжірибелік қызанақ тұқымы егіліп, жаңа өнім жиналуы – шетелдік инвесторларды тарту бойынша жүргізілген жүйелі жұмыстардың нәтижесі.Шыны зауыты жанынан құны 100 млрд. теңге болатын 8 ілеспе кәсіпорын құру жоспарланып, төртеуі бойынша жобалау жұмыстары басталса, қалған жобаларға инвестор іздестірілуде.<figure class="image"><img src="https://knadmin.beoblood.kz/uploads/334003671_710490967476634_1461675961821333013_n_4a39d0a888.jpg" alt="334003671_710490967476634_1461675961821333013_n.jpg"></figure>&nbsp;<figure class="image"><img src="https://knadmin.beoblood.kz/uploads/334071255_805319750945243_92797285681381229_n_8d6b65a640.jpg" alt="334071255_805319750945243_92797285681381229_n.jpg"></figure>

Нұрлыбек Нәлібаев: Инвестиция 100,6 млрд. теңгеге артты

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сыр өңірінің тұрғындарын 1 наурыз - Алғыс айту күнімен құттықтады.<blockquote>«Қадірлі жерлестер! Құрметті Сырбойылықтар! ​Берекесі мен бірлігі жарасқан барша Сыр жұртшылығын көктемнің ең алғашқы шуақты мерекесі – «Алғыс айту күнімен» шын жүректен құттықтаймын! Алғыс айту күні - табиғаттың ояну уақытымен, жаңа үміттермен сәйкес келетін, ұлттық ынтымақтастық пен жерлестердің бір-біріне деген мейірімділігін, достығы мен сүйіспеншілігін көрсететін көзайым күн. 1 наурыз Қазақстан халқы Ассамблеясының - келісім және этносаралық өзара ықпалдасу институтының құрылған күні. ​Әуелден «Сыр – Алаштың анасы» атанған, тарихы терең, келешегі кенен қасиетті мекен. Құшағына құт қонған, ынтымағына ырыс тұрған текті топырақ бөтенді бөлмей, бауырына баса білді. Тағдыр-тауқымет кешкен талайға пана болып, мейірбан мінез танытқан мерейлі халқыма әрқашан алғыс айтамын. Кең пейіліне кемеңгерлік рух сыйлаған, ерінбей еңбек еткен маңдай теріне молшылық тоқтаған, ыстық жүрегіне ымырашыл ниет, жомарттық сезім ұялаған, сенімі жойылмаған салиқалы еліммен әрдайым мақтанамын. Халқымызға тән асыл қасиеттер – туыстық тату, асқақ абырой, шынайы әділдік, құрмет пен ізгілік мәңгілік салтанат құрсын деп тілеймін. ​Әрбір шаңырақта шаттық шалқып, бірліктің бесігі тербелген берекесі таси берсін! ​Мереке құтты болсын! Баршаңызға мың алғыс!», - делінген аймақ басшысының құттықтауында.</blockquote>

Аймақ басшысы қызылордалықтарды құттықтады

<a href="https://kyzylorda-news.kz/">Kyzylorda-news.kz.</a> Еліміздің басым бөлігінде ауа райы Атлант циклонымен анықталады, соған байланысты жауын-шашын көктайғақ болады, солтүстікте қар жауады, деп хабарлайды Қазгидромет.Синоптиктердің хабарлауынша, тек республиканың оңтүстігінде, оңтүстік-шығысында және шығысында жоғары атмосфералық қысым өрісінің әсерінен күн райы жауын-шашынсыз болады.Сондай-ақ тұман түсіп, жел күшейеді.

Ауа райы: Көктемнің алғашқы күні

<a href="https://kyzylorda-news.kz/">Kyzylorda-news.kz.</a> ҚР Энергетика вице-министрі Асхат Хасенов Қызылорда облысына жұмыс сапарымен келді. Сапар аясында Жаңақорған ауданындағы табиғи уран өндірумен айналысатын «Байкен-У» серіктестігінің кен орнында болып, ондағы жұмыстармен танысты.&nbsp;Сондай-ақ, саланы цифрландыру мен жер қойнауын пайдалану мәселесі бойынша жиын өткізді. «Байкен – У» серіктестігі «Хорасан-2» кенішінде табиғи уранды 600-680 метр тереңдікте өндіреді. Бұл – еліміздегі ең терең кен орны. Қазір компания еңбек өнімділігін арттыруға, өндірістік шығындарды азайтуға, технологиялық процестерді жетілдіруге күш салып жатыр.&nbsp;Бұған қоса, сапар барысында кен орнындағы техникалық қауіпсіздік, саланы цифрландыру, жер қойнауын пайдалану мен экологиялық мәселелер жан-жақты талқыланды.&nbsp;Сапар соңында Энергетика вице-министрі өндірістің қоршаған ортаға әсері бақылауда болатынын тілге тиек етті.

ҚР Энергетика вице-министрі Асхат Хасенов Қызылорда облысына жұмыс сапарымен келді 

<a href="https://kyzylorda-news.kz/">Kyzylorda-news.kz.</a> Қыстың соңғы күні елімізде тұман түседі, жел күшейеді, деп хабарлайды Қазгидромет.Қазақстан аумағының басым бөлігі ауқымды антициклон ықпалында болғандықтан жауын-шашын жаумайды. Тек елдің батысы мен солтүстігіне Атлантика циклоны ықпал етеді. Осыған байланысты жауын-шашын (жаңбыр, қар) жауып, көктайғақ болады. Елдің солтүстігінде бұрқасын соғады.&nbsp;

28 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Достық үйінің жанындағы алаңда облыстық Қазақстан халқы ассамблеясының қолдауымен «Славяне» қоғамдық-мәдени орталығы» қоғамдық бірлестігі ұйымдастырған дәстүрлі «Широкая Масленица» мерекесі өтті.Мерекелік іс-шараға облыстық қоғамдық даму басқармасының «Қоғамдық келісім» КММ директоры Бақытжан Камалов, «Қоғамдық келісім» КММ қызметкерлері, этномәдени бірлестіктердің өкілдері және қала тұрғындары қатысты.Масленица – бұл қысты шығарып салып, көктемді қарсы алып, бір апта бойы тойланатын мереке. Әр күнді мерекелеудің өзіндік ерекшеліктері бар. Апта бойына бір-бірінің реніштерін ұмытып, кешірімді болуға шақырады.&nbsp;Мерекелік шара барысында облыстық қоғамдық даму басқармасының «Қоғамдық келісім» КММ директоры Бақытжан Камалов пен «Славяне» қоғамдық-мәдени орталығының жетекшісі Галина Щербакова қатысушыларды Масленицамен шын жүректен құттықтап, өңірде халық бірлігі, достық пен жылы шырайлы, бейбіт аспан, келісім мағынасын қамтитын түрлі этностар өкілдерінің мерекелері жыл сайын атап өтілетінін алға тартты.&nbsp;Сондай-ақ, «Славяне» орталығының белсенділері мен орталықпен жұмыс істейтін мектептер ұсынған славян тағамдарының көрмесі ұйымдастырылды. Мұнда әрбір ниет білдіруші бәліштердің, Масленицаға арналған дәстүрлі тағам – құймақты ыстық шәймен дәмін татып көрді.Мереке «Сударушки», «Надежда» вокалдық топтарының және солистерінің орындауындағы көңілді әндермен, «Жемчужинка» ұжымы мен «Анар Бэби» балаларды дамыту орталығы, музыкалық колледжінің орындауындағы әсерлі билермен жалғасты. Мереке барысында көңілді байқаулар өткізілді. Ең тәтті әзірленген кесек нанға, құймаққа, ерекше тақпаққа, әдемі кестеленген орамалға және спорт жарыстарына барлық ниет білдірушілер – ересектер де, балалар да қатысты.<figure class="image"><img src="https://knadmin.beoblood.kz/uploads/maslenicza2_a5cb528233.jpeg" alt="масленица2.jpeg"></figure>

Масленица - көктем мерекесі

<a href="https://kyzylorda-news.kz/">Kyzylorda-news.kz.</a>&nbsp; Қазгидромет синоптиктері 27 ақпан, дүйсенбіге арналған ауа райы болжамын ұсынды.Бүгін Қазақстан аумағының басым бөлігі ауқымды антициклон ықпалында болғандықтан жауын-шашын жаумайды.Тек атмосфералық фронттардың әсерінен республикамыздың батыс жартысында жауын-шашын (жаңбыр, қар) жауады, көктайғақ болады.Еліміздің қиыр солтүстігінде қар жауып, жаяу бұрқасын соғады.Республика аумағы бойынша тұман түседі, жел күшейеді.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Атлант циклонының және онымен байланысты атмосфералық фронттың әсерінен еліміздің шығыс жартысында ауа райының тұрақсыз сипаты сақталады, жауын-шашын болады, деп хабарлайды Қазгидромет.Қазақстанның оңтүстігінде, шығысында, оңтүстік-шығысында жаңбыр мен қар түріндегі қатты жауын жауады. Еліміздің батыс жартысында ауа райы жауын-шашынсыз.

Қазақстан және Қызылорда облысының басты жаңалықтары