<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қармақшы ауданына жұмыс сапарымен барып, құқық қорғау органдарының басшыларымен бірге «Руханият орталығының" жұмысымен танысты, тұрғындарды жеке қабылдады.Жеке қабылдауға келген 78 азамат электр желілерін жаңғырту,айналма жол салу, көшелерге жөндеу жүргізу, теміржол үстінен көпір салу, газ сапасын тексеру, жарық бағаналарын орнату, балалар ойын алаңын салу, тағы басқа мәселелерді көтерді.Т.Көмекбаев ауылының тұрғыны клуб үйін жаңадан салып беруді сұрады. Аймақ басшысы бұл нысанға 6,9 млн теңге қаржы бөлініп, мемлекеттік сараптамадан оң қорытынды алынғанын атап өтті.Кент тұрғыны аудан орталығының көшелерін асфальттау мәселесін көтерді.Жосалы кентінің 11 көшесін жөндеуге қаржы бөлінгені, жақын арада мемлекеттік сатып алу жұмыстары басталатыны айтылды.Тұрғындар құқық қорғау органдары басшыларынан өз сұрақтарының заң аясындағы шешімі туралы маман кеңесін алды. Жұртшылық сұранысына жедел үн қатып, мәселені шұғыл шешу үшін мұндай кездесулердің маңызы зор. Кейінгі жылдары дәстүрге айналған бұл бастама ел арасында үлкен қолдауға ие болды және алдын ала хабарланған жеке қабылдауға келушілер саны артып келеді.Сапар барысында облыс әкімі еңбек ардагерлерімен және зиялы қауым өкілдерімен кездесіп, аймақтың, ауданның даму бағыты, түйткілді мәселелерді шешу жолдары туралы пікір алмасты.<img src="https://knadmin.beoblood.kz/uploads/Ajma_basshysy_arma_shy_audanyny_t_r_yndaryn_abyldady_1_7cd5c0ab65.jpg" alt="Аймақ басшысы Қармақшы ауданының тұрғындарын қабылдады 1.jpg"><img src="https://knadmin.beoblood.kz/uploads/Ajma_basshysy_arma_shy_audanyny_t_r_yndaryn_abyldady_2_6b2d3a511b.jpg" alt="Аймақ басшысы Қармақшы ауданының тұрғындарын қабылдады 2.jpg">Фото: Қызылорда облысы әкімінің баспасөз қызметі

Аймақ басшысы Қармақшы ауданының тұрғындарын қабылдады 

<a href="https://kyzylorda-news.kz/">Kyzylorda-news.kz</a> Мемлекет басшысы отандық бизнес өкілдерімен кездесуде Үкіметке қосымша құн салығы мәселесін тағы да пысықтауды тапсырды.<blockquote>– Кез келген реформаны жан-жақты сараптап, байыппен жүргізген жөн. Экономика салаларының ерекшеліктерін ескере отырып, түрлі нұсқаларды әзірлеу керек. Қосымша құн салығына қатысты бұған дейін көзқарасымды білдірмеген едім. Өйткені қызметтік дәрежеме сәйкес, менің әрбір сөзім, пікірім қатаң тапсырма сияқты қабылданады. Соған қарамастан бұл мәселе бойынша ойымды жеткізгім келеді. Қалай десек те, қосымша құн салығының мөлшерлемесі сараланып белгіленуге тиіс.</blockquote>Үкімет түпкілікті шешімді білікті сарапшылардың, қайталап айтамын, білікті сарапшылар мен кәсіпкерлердің, әлбетте депутаттардың пікіріне құлақ аса отырып, нақты есептеулер негізінде қабылдағаны дұрыс.<blockquote>Бір анығы, Үкіметтің қазіргі ұсынып отырған мөлшерлемесі тым жоғары. Сіздер нақты цифрды айттыңыздар. Оны қоғам қызу талқылады. Тіпті, кей жағдайда артық сөздер де айтылды. Дегенмен, бұл қоғам талқысына алдын ала салынған ұсыныс болатын. Тағы қайталап айтамын, Үкіметтің бұл бағыттағы жұмысы бизнес, қоғам, кәсіпкерлер, сарапшылардың, яғни барлық тараптың пікірі ескеріле отырып жалғасуы керек. Биыл нақты шешім қабылдануға тиіс. Мен бұған дейін де айттым: Үкімет бұл мәселені депутаттармен және сарапшылармен егжей-тегжейлі талқылауы керек. Бүгін айтылған ой-пікірлер де ескеріледі. Мемлекетке барынша оңтайлы шешім қажет. Яғни бір жағынан бизнес жүргізуге кедергі келтірмей, қолайлы жағдай жасайтын, ал екінші жағынан, салыққа қатысты тәртіпті күшейтіп, бюджет кірісін арттыратын тиімді жолды табуымыз қажет, – деді Қасым-Жомарт Тоқаев.</blockquote><img src="https://knadmin.beoblood.kz/uploads/Whats_App_Image_2025_02_07_at_16_11_23_910fac2e0c.jpeg" alt="WhatsApp Image 2025-02-07 at 16.11.23.jpeg">Фото: Akorda.kz

Президент қосымша құн салығына қатысты мәселені егжей-тегжейлі талқылауды тапсырды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Арал ауданына жұмыс сапары барысында «Ақшатау» елді мекеніндегі жаңа мектептің жұмысымен танысты.Қыркүйек айында 60 орындық жаңа нысан ашылғанша шәкірттер бастауыш мектепке бейімделген ғимаратта оқып келген болатын. Енді ауыл балалары бастауыш сыныпты аяқтаған соң аудан орталығына бармай-ақ, өз үйлерінде, ата-аналарының қасында оқуын жалғастырады. Білім ордасы спорт, акт залдарымен, асхана, кітапханамен және жекелеген пәндік кабинеттермен жабдықталған.Айта кету керек, Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірде 10 мектептің құрылысы басталып, алғашқы 900 орындық мектеп өткен жылдың қазан айында облыс орталығында ашылды.Жыл басынан бері Жаңақорған ауданының «Жаңарық» ауылында, Арал қаласында 300 орындық, Жаңақорған кентінің «Саяжай» шағын ауданында, Қызылорда қаласында 600 орындық мектептер пайдалануға берілді. Жыл ішінде тағы 5 «Жайлы мектептің» құрылысы аяқталады деп күтілуде.Өткен жылы аймағымызда 6 мектеп, 5 мектепке қосымша ғимарат ел игілігіне табысталды. Осылайша Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді.«ҚазГермұнай» компаниясының демеушілігімен Қызылорда қаласында «Оқушылар сарайы», Жаңақорған ауданында 200 орындық «Оқушылар үйі» мен 50 орындық «Өнер мектебі» іске қосылды. Жыл ішінде Шиелі ауданында да «Оқушылар үйі» мен «Өнер мектебі» жұмысын бастайды.Облыс орталығындағы «Шығармашылық академиясы», музыкалық колледждің жаңа ғимараты мамыр айында, дарынды балаларға арналған физика-математика мектеп-интернаты наурыз айында аяқталмақ.Биыл «Білім беру инфрақұрылымын қолдау қоры» есебінен Арал ауданының «Жалаңаш» ауылынан 150 орындық мектеп салынады. Былтыр 3 млрд 100 млн теңгеге 8 мектептің ғимараты күрделі жөндеуден өтті.Мемлекет басшысы алдағы уақытта 1 300 мектепті жаңғыртуды тапсырғаны белгілі. Осы ретте 3 жыл ішінде облыстағы 51 мектепке, биыл оның 9-ына күрделі жөндеу жасалады.<img src="https://knadmin.beoblood.kz/uploads/Ajma_basshysy_A_shatau_eldi_mekenindegi_zha_a_mektepti_zh_mysymen_tanysty_3_1fd1310d72.jpg" alt="Аймақ басшысы «Ақшатау» елді мекеніндегі жаңа мектептің жұмысымен танысты 3.jpg"><img src="https://knadmin.beoblood.kz/uploads/Ajma_basshysy_A_shatau_eldi_mekenindegi_zha_a_mektepti_zh_mysymen_tanysty_4_ec1da2cded.jpg" alt="Аймақ басшысы «Ақшатау» елді мекеніндегі жаңа мектептің жұмысымен танысты 4.jpg"><img src="https://knadmin.beoblood.kz/uploads/Ajma_basshysy_A_shatau_eldi_mekenindegi_zha_a_mektepti_zh_mysymen_tanysty_2_1f7a6c3e82.jpg" alt="Аймақ басшысы «Ақшатау» елді мекеніндегі жаңа мектептің жұмысымен танысты 2.jpg">Фото: Қызылорда облысы әкімінің баспасөз қызметі

Аймақ басшысы «Ақшатау» елді мекеніндегі жаңа мектептің жұмысымен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қазалы ауданына жұмыс сапары кезінде құқық қорғау органдарының басшыларымен бірге аудан әкімдігінде тұрғындарды жеке қабылдады.Қабылдауға келген 87 азамат «Карлаң» және басқа да көпірлердің құрылысын жалғастыру, әлеуметтік нысандар салу, тұрғын үй, электр, газ желісін тарту, әлеуметтік көмек, жер телімі, аяқ су тарту, жұмысқа орналасу, денсаулығына байланысты мүгедектік алу, тағы басқа мәселелерді көтерді.Облыс әкімі мен құқық қорғау органдарының басшылары азаматтар қойған сауалдарды жан-жақты қарап, заң аясында тиісті түсіндірме берді.Әйтеке би кентінің тұрғыны аудан орталығындағы тарихи ғимараттарды жаңғырту мәселесін көтерді. Аймақ басшысы бұл нысандардың тарихи-мәдени құндылығын, оларды келешек ұрпақ кәдесіне жарату үшін жұмыстар қолға алынатынын айтты.Сондай-ақ, қабылдауға келген тұрғын Қазалы ауданының сол жағалау алабының 1-ГД, 2-ГД, К-3-2 қашыртқылар жүйесін қайта жаңғырту мәселесін қозғады. Облыс әкімі бұл мәселе назарында екенін, сол жаға массивінің инженерлік жүйесін қайта жаңғыртуға облыстық, аудандық бюджеттен қаржы бөлініп, жоба әзірленіп, сараптаманың оң қорытындысы алынғанын атап өтті.Құқық қорғау органдарының басшылары келушілерді тыңдап, қойған сауалдарына қатысты заңдық кеңес берді. Барлық мәселе жан-жақты таразыланып, заң аясында шешім шығарылатынын айтты.Кейінгі жылдары дәстүрге айналған осындай қабылдаулар алдағы уақытта Арал және Қармақшы аудандарында ұйымдастырылады.Қабылдаудан кейін облыс әкімі еңбек ардагерлерімен және зиялы қауым өкілдерімен кездесіп, өңірдің әлеуметтік-экономикалық дамуындағы кейбір мәселелерді талқылады.Фото: Қызылорда облысы әкімінің баспасөз қызметі

Қазалы ауданында облыс әкімінің жеке қабылдауы өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев адал еңбектің үлгісін көрсетіп, халықтың ықыласына бөленген ардақты ардагерлерді мерейтойларымен құттықтады. Осы жолғы басқосу құрылыс саласының ардагері, Қызылорда қаласының Құрметті азаматы, Қазақстанның Құрметті құрылысшысы Жәнәбіл Нұрқыштың 90 жасқа, Жалағаш аудандық ардагерлер кеңесінің төрағасы, Жалағаш ауданының Құрметті азаматы, «Құрмет» орденінің иегері Садық Әлиевтың 85 жасқа және Арал, Қазалы, Жаңақорған аудандары мен Қызылорда қаласының Құрметті азаматы, Қазақстанның Құрметті құрылысшысы, «Құрмет», «Парасат» ордендерінің иегері Нәжмедин Мұсабаевтың 75 жасқа толған мерейтойларының құрметіне арналды.Аймақ басшысы Сыр жұртшылығы атынан құттықтау лебізін жеткізді.«Біз Сырдың қасиетті топырағында дүниеге келіп, елге қалтқысыз қызмет еткен аға буын өкілдерін ұлықтауды, олардың жүріп өткен жолын өскелең ұрпаққа үлгі-өнеге етуді дәстүрге айналдырдық.Үлкендеріміз ел іргесінің сөгілмеуін, өскелең ұрпақ жолының ашық болуын тілеп, тұтас қауымды бірлікке үндеп келеді. Ағаларымыз Тәуелсіздіктің алғашқы жылдарында аймағымыздың әлеуметтік-экономикалық дамуына зор үлес қосты.Сіздердің парасат-пайымдарыңыз, тәжірибелеріңіз, ақыл-кеңестеріңіз қазіргі жастар үшін құнды! Құрметті ел ағалары, мерейтойларыңыз құтты болсын!», – деді Н.Нәлібаев.Жәнәбіл Нұрқыш еңбек жолын 1955 жылы Оңтүстік Қазақстан облысы, Сайрам аудандық су шаруашылығы басқармасында бастаған. Әр жылдары «Қызылорда құрылыс» тресінде, Тасбөгет кентіндегі темір-бетон зауытында, Қазалы ауданының ПМК мекемесінде, «Агропромстрой» тресінде басшылық қызметтер атқарған. Қазалы аудандық кеңесінің депутаты, партия комитетінің пленум мүшесі болып сайланған. Қазалы ауданында қызмет еткен жылдары әлеуметтік нысандар мен тұрғын үйлердің салынуына және ауданның әлеуметтік-экономикалық дамуына зор үлесін қосқан.Садық Әлиевтің еңбек жолы 1961 жылы Қызылорда қаласындағы «Авто трактор деталь» зауытында басталған. Жалағаш аудандық кәсіптік-техникалық училищесінде, аудандық комсомол комитетінде, «Каз сельхоз техника» бірлестігінде, аудандық ауыл шаруашылығы басқармасында басшылық қызметтер атқарған. Жалағаш ауданында кеңес төрағасының бірінші орынбасары, аудан әкімінің бірінші орынбасары, «Қазақстан күріші» акционерлік қоғамының бірінші вице-президенті қызметтерін абыроймен атқарған. Жалағаш аудандық кеңесінің және облыстық кеңестің депутаты болып сайланған. Садық Әлиұлы зейнетке шықса да, ауданның қоғамдық өміріне белсене араласып, бүгінде Жалағаш аудандық ардагерлер кеңесінің төрағасы қызметінде елді бірлікке үндеп келеді.​Нәжмедин Мұсабаевтың 1971 жылы ғылыми қызметкерліктен басталған еңбек жолы «Қызылорда жөндеу су құрылыс» тресінде жалғасты. Қазақстан Компартиясының Қазалы аудандық комитетінде, Қазалы аудандық Халық депутаттары кеңесінің атқару комитетінде жауапты қызметте болған. Әр жылдары Қызылорда қаласы әкімінің бірінші орынбасары, Қазалы, Жаңақорған және Арал аудандарының әкімі, облыстық экономика басқармасының басшысы, Қызылорда облысы әкімінің бірінші орынбасары қызметтерін абыроймен атқарған.Басқосуда Сыр өңірінің дамуына қосқан үлестері үшін мерейтой иелеріне облыстың ең жоғары марапаты – Қызылорда облысының Құрмет грамотасы табысталып, халқымыздың игі дәстүріне сай шапан жабылды.Жәнәбіл Нұрқышұлы «Қызылорда облысының дамуына қосқан үлесі үшін» медалімен марапатталды. Бұл марапат бұған дейін Садық Әлиұлы мен Нәжмедин Түрікбенұлына берілген болатын.Мерекелік жиында еңбек ардагері Жақай Бодықбаев, ауыл шаруашылығы саласы ардагерлері кеңесінің төрағасы Нұрлыбай Ұлықпанұлы, Жамбыл облыстық ардагерлер кеңесінің төрағасы Оңласын Есіркепов, Ақтөбе облыстық ардагерлер кеңесінің төрағасы Серік Шаңғұтов мерейтой иелерінің еңбек жолына тоқталып, құттықтау лебіздерін жеткізді.<img src="https://knadmin.beoblood.kz/uploads/Oblys_kimi_e_bek_ardagerlerin_tty_tady_1_180b4902ad.jpg" alt="Облыс әкімі еңбек ардагерлерін құттықтады 1.jpg">Фото: Қызылорда облысы әкімінің баспасөз қызметі

Облыс әкімі еңбек ардагерлерін құттықтады

<a href="https://kyzylorda-news.kz/">Kyzylorda-news.kz</a> &nbsp;Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде автожол саласын дамыту және салаға цифрлық технологияларды енгізу мәселесі қаралды. Жиынға облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен өткен мәжілісте мәселелер кеңінен талқыланып, қала, аудан әкімдері мен сала жетекшілеріне тапсырма жүктелді.<blockquote>«Биылғы меже – жақсы жағдайдағы жолдардың үлесін 95 пайызға жеткізу. Өткен жылы жөндеуден өткен жолдардан анықталған кемшіліктерді шұғыл қалпына келтіріп, қаржының толық игерілуін қамтамасыз етіңіздер. Автомобиль жолдары мен көшелерді салу, жөндеу жұмыстарының сапасын қатаң бақылауға алыңыздар. Жобалардың мерзімінде аяқталуын басты назарда ұстаңыздар», – деді Нұрлыбек Машбекұлы.</blockquote>Айта кетейік, облыс аумағынан 3545 шақырым жергілікті маңызы бар автомобиль жолдарыы өтеді, оның 1024,5 шақырымы –республикалық, 555 шақырымы – облыстық, 1965,5 шақырымы –аудандық маңызы бар автомобиль жолдары.Өткен жылы мемлекеттік бағдарламалар аясында жол инфрақұрылымын дамытуға 44 млрд. 700 млн. теңге бөлініп, 300 шақырымнан асатын автомобиль жолдары, елді мекен көшелері мен көпір өткелдері жөндеуден өтті. Бұл арқылы жақсы және қанағаттанарлық жағдайдағы жолдардың үлесі 92 пайыздан асты.Биыл жергілікті жол инфрақұрылымын дамытуға бюджеттен 33 млрд. 500 млн. теңге бөлінді. Оған 329 шақырым жол жөнделіп, көрсеткіш 95 пайызға жеткізілмек.<img src="https://knadmin.beoblood.kz/uploads/avtozhol_1_5e428c998b.jpg" alt="автожол 1.jpg">Фото: Қызылорда облысы әкімінің баспасөз қызметі

Автожол саласын дамыту мәселесі талқыланды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты Мархабат Жайымбетовтің ҚР Премьер-министрінің бірінші орынбасары Р.Склярға жолдаған депутаттық сауалы ұсынылып отыр.Үкіметтің кеңейтілген отырысында Мемлекет басшысы: «Жалпы газ саласын дамыту елдің орнықты әлеуметтік-экономикалық өрлеуінің негізгі факторына айналып келеді» – деді.2024 жылдың қорытындысы бойынша Қазақстан Республикасының газдандыру деңгейі халық санымен 61,8% болғанымен, 6386 елді мекеннің 1846-сы ғана табиғи газдың игілігін көруде. Мысалы, Қызылорда облысында 236 елді мекеннің 38-сі, Түркістан облысында 831 елді мекеннің 477-сі, Жамбыл облысында 371 елді мекеннің 277-сі, Алматы облысында 384 елді мекеннің 157-сі, Жетісу облысында 358 елді мекеннің 65-і газдандырылған.Десе де, шешімі табылмаған мәселелер жетеді. Еліміздің 5 өңірінде газдандыру деңгейі 20%-дан аз. Ақмола облысында – 5,7%, Қарағанды облысы – 3,4 %, Ұлытау облысы – 3,5%, ШҚО-3,2 %, Астана қаласы – 14,3% құрайды. Арғыны қойып, соңғы 50 жыл бойы «көгілдір отын» арман болған қаракөз халқымыз бар. Халықпен кездесуде газы жоқ ауыл «біздің ауылға газ қашан келеді?» деген сұрақпен Үкіметке үлкен сәлемдемесін жылда жолдайды.Былтыр депутаттардың тікелей араласуымен газдандыру үшін республикалық бюджеттен 88,7 млрд теңге бөлінсе, 2025 жылға 55 жобаға (16 жалғасып жатқан, 29 жаңа жоба) 65 млрд теңге көзделген. Бұл қаражат теңізге тамшы құйғанмен тең. Бөлінген қаржымен бұрыннан келе жатқан жобалардың жыртығын жамайды.Өзіңізге мәлім, Президенттің әлемдік деңгейде абырой-беделі мен ұтымды саясатының арқасында елге триллиондаған инвестиция тартылып жатыр. Солардың бірі – «Бейнеу-Бозой-Шымкент» газ құбырының 2-ші желісі. Жоба құны шамамен – 3,1 трлн теңге. Бұл Қазақстанның тәуелсіздік алғаннан бергі ең ірі инфрақұрылымдық жобаларының бірі.Жоба арқылы Астана, Алматы, Шымкент қалалары және Қызылорда, Қарағанды, Түркістан, Жамбыл, Ұлытау, Алматы облыстарын газбен қамтамасыз етуге болады. Сондай-ақ көптеген жұмыс орындары ашылады. Бұл жоба «AMANAT» партиясының сайлауалды бағдарламасында көзделген.Еліміздің әр ауылына газ келіп, мұқым жұрт мәз болатын күн туатынына сенеміз. Осы ретте, Үкімет елді мекендерді газдандыру жұмыстарын әрі қарай жандандыру қажет. Сондықтан, келесі мәселелерді қарастыруыңызды сұраймыз.Бірінші – елдің инфраструктурасын дамыту үшін жыл сайын газдандыру жобаларына барлық қаражат көздерінен (бюджеттен, Самұрық-Қазына, Қазақгаз) кем дегенде 400 млрд теңге қаржы қарастыру. Жаңа жобаларды алға тарту.Екінші – Президент тапсырмасына сәйкес «Бейнеу-Бозой-Шымкент» магистральдық газ құбырының 2-ші желісінің құрылысын тездетіп бастауымыз қажет. Өйткені жыл сайын халықтың газ тұтынуы артып келеді.Үшінші, «Бейнеу-Бозой-Шымкент» жобасының жалғасы ретінде, «Қызылорда-Астана-Көкшетау-Петропавл», «Ақтөбе-Қостанай» және «Талдықорған-Үшарал» магистральдық газ құбыры жобаларын қолға алып, қаржы механизмдерін қарастырған жөн.Депутаттық сауалға заңда белгіленген мерзімде жауап беруіңізді сұраймыз.М.Жайымбетов,М.Ескендіров,Е.Жаңбыршин,С.Мұсабаев,Қ.Балабиев,«AMANAT» партиясы фракциясының депутаттарыФото: ҚР Парламентінің Мәжілісі

Газдандыру: Халықтың сұранысы өсіп келеді

<a href="https://kyzylorda-news.kz/">Kyzylorda-news.kz</a> Өзінің қайырымды істерімен танылған “Маска таққан адам” Солтүстік Қазақстан облысының 16 жасар тұрғыны Станислав Денисенкоға үй сыйлады. Бұл туралы <a href="https://stan.kz/maska-takkan-adamotbasinan-ayirilgan-zhasospirimge-basp-413225/">Stan.kz</a> ақпарат агенттігі хабарлады."Маска таққан адам" он&nbsp;шақты күн бұрын әкесінен және төрт бауырынан айырылған жасөспіріммен кездесті. Станислав Петропавлдағы колледждердің бірінде оқып, жатақханада тұрады.<blockquote>“Үйіміз өртенгенде мен Петропавлда, жатақханада болдым. Өрттің неден шыққаны әзірге белгісіз, бірақ электр сымдарының қысқа тұйықталуы себеп болуы мүмкін. Әрі үйде көмірқышқыл газы болған. Әкем 40 жаста, әпкем&nbsp;— 18-де, қарындасым 13-те, інім 10-да және ең кішкентайымыз 7-де ғана болды. Жеті жыл бұрын анам қайтыс болды. Менің көзім нашар көреді, -4. Бауырларымды қалаға әкетіп, оқыту арманым болатын. Бұл арманымнан айырылдым, әрі қарай не&nbsp;істейтінімді білмеймін”,&nbsp;— деді жасөспірім.</blockquote>Бір күнде бүкіл отбасынан айырылған бала қазір жалғыздықтың күйін кешіп жүргенін айтты.<blockquote>“Сенің басыңнан өткерген қиындықты ешкімнің басына бермесін, сен жалғыз емессің, мұның бәрінен біз бірге өтеміз. Бұдан былай саған оқуымды қалай төлеймін деп уайымдаудың керегі жоқ, сондай-ақ көзіңді емдеуге де көмектесеміз. Енді өзіңнің баспанаң да болады”, — деді "маска таққан адам".</blockquote>Видеодан скриншот

"Маска таққан адам" өрт кезінде отбасынан айырылған жасөспірімге баспана сыйлады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев инвестициялық жобалар және күн тәртібіндегі негізгі мәселелер талқыланған жиын өткізіп, жауапты сала басшыларына, аудан әкімдеріне &nbsp;тапсырмалар жүктеді.<blockquote>“Мемлекет басшысы Қасым-Жомарт Кемелұлы облыстағы әлеуметтік-экономикалық ахуал тұрақты екенін, су тапшылығына қарамастан күріштен мол өнім жиналғанын атап өтіп, өңірдің дамуына оң бағасын берді. Биыл да барлық макрокөрсеткіш бойынша өсімді қамтамасыз ету үшін жұмысты күшейту керек. Экономиканың негізгі үлесін алатын мұнай қорының соңғы жылдардағы төмендеу тенденциясын ескеріп, ірі инвестициялық жобаларды жүзеге асыру өте маңызды. Инвестиция көлемін 10 пайыздық өсіммен меже бекітіңіздер.&nbsp;Жоспарланған &nbsp;жобалардың барлығын мерзімінде жүзеге асыруды және іске қосуды қамтамасыз етіңіздер. Өңірдің шикізаттық қорын, қолда бар ресурстарды, инженерлік-инфрақұрылымды тиімді пайдаланып, отандық және шетелдік инвестиция тарту бағытында жұмысты күшейту қажет.Кәсіпкерлік басқармасының басшысы, инвестициялық жобалардың уақытылы жүзеге асуын үйлестіріңіз. Мәселені қатаң бақылауға алыңыз.</blockquote><blockquote>– Облыс көлеміндегі &nbsp;мектепке дейінгі ұйымдардың барлығында цифрландыру бағытындағы мобильді қосымшаны қолдануды жалғастырыңыздар. Мемлекеттік мектепке дейінгі ұйымдардың жобалық қуатына сәйкес толымдылығын қамтамасыз етіңіздер. Балабақшалардың, атаулы әлеуметтік көмек алушылардың қаржысы қолданыстағы нормативтік талаптарға сәйкес игерілуі керек. Мемлекеттен бөлінген қаржы мақсатты жұмсалуы тиіс. Заң бұзушылықтарға жол беріп, шарт талаптарын орындамаған өнім берушілермен прокуратура органдарының ұсынымдарын &nbsp;негізге алып келісім-шарттарды бұзу қажет ”,- деді Нұрлыбек Машбекұлы.</blockquote>Айта кетейік, 2025-2029 жылдары аймақта құны 2 трлн. теңгеге жуық 87 инвестициялық жоба жүзеге асып, &nbsp;8 300 жаңа жұмыс орны ашылады. Биыл құны 275,3 млрд. теңгені құрайтын 24 жобаның іске қосылуы, 1 мыңға жуық жұмыс орнын ашу көзделуде. Өткен жылы &nbsp;Қытай, Ресей, Италия, Испания, Голландия, Корея, Өзбекстан, Түркия елдерінің өкілдерімен сауда-экономикалық, ғылыми-техникалық, мәдени-гуманитарлық және инвестициялық жобаларды іске асыру туралы бірқатар келісімге қол қойылды.Фото: Қызылорда облысы әкімінің баспасөз қызметі

Мемлекет қаржысы мақсатты жұмсалуы тиіс

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Байқоңыр қаласының басшысы Константин Бусыгинмен кездесті.Аймақ басшысы қаланы бірлесіп дамытудағы Қазақстан мен Ресейдің мемлекеттік органдары арасындағы қарым-қатынас жоғары деңгейде екенін атап өтті.Кездесуде «Байқоңыр» ғарыш айлағының 70 жылдығын атап өту жоспары талқыланды. Облыс әкімдігі мерейтойға қатысты іс-шаралар жоспарын бірлесіп пысықтауда.Бұдан бөлек, кездесуде Байқоңыр қаласындағы инфрақұрылымдық жобалар талқыланды. Атап айтқанда, қаланың Бас жоспары, қаланы дамытудың ұзақ мерзімді бағдарламасы аясындағы сумен жабдықтау, су бұру жүйелерін жаңғырту және бес тұрғын үйдің құрылыс барысы қаралды.Өз кезегінде Байқоңыр қаласының басшысы бірлесіп атқарылатын жұмыстар одан әрі де жоспарға сәйкес іске асырылатынын айтты.Фото: Қызылорда облысы әкімінің баспасөз қызметі

Облыс әкімі Байқоңыр қаласы әкімшілігінің басшысымен кездесті

<a href="https://kyzylorda-news.kz/">Kyzylorda-news.kz</a> 2024 жылы Сырдария ауданында 34,3 мың гектар жерге ауыл шаруашылығы дақылдары орналастырылды. Оның ішінде, негізгі дақыл – күріш 21,9 мың гектар жерге егіліп, әр гектарынан 60 центнерден өнім алынды. Бұл туралы Сырдария ауданының әкімі Берік Сәрменбаев өңірлік коммуникациялар қызметінің баспасөз алаңында өткен брифингте мәлімдеді.<blockquote>– 2024 жылы аудан бойынша барлығы 131 мың тонна астық қамбаға құйылды. Суды үнемдеу мақсатында ауданда 13 шаруашылық құрылымы 31 дана заманауи лазерлік жер тегістегіш техникасымен 3340 гектар жерге тегістеу жұмыстарын жүргізді. Шаруашылықтар жаңбырлатып суару әдісімен 100 гектар жерге әртүрлі дақылдар орналастырып, нәтижелі өнім алынды. Бұл бағыттағы жұмыстар алдағы уақытта да жалғасын табады, – деді Б.Сәрменбаев басшысы.</blockquote><img src="https://knadmin.beoblood.kz/uploads/Syrdariya_brifing_9a91a38333.jpg" alt="Сырдария брифинг.jpg">Былтыр мемлекеттік және өңірлік бағдарламалар аясында құны 5,9 млрд. теңгені құрайтын 327 жобаға қаржылай қолдау көрсетілді. Ағымдағы жылдың 1 қаңтарына ауданда 2693 шағын және орта кәсіпкерлік субъектісі тіркелді. Оның ішінде, жұмыс жасап тұрған кәсіпкерлік субъектілерінің саны 2626 болып, тіркелгендерге үлесі 97,5 пайызды құрады. «Микробизнес-Қызылорда» бағдарламасы аясында құны 138 млн. теңгенің 14 жобасы қаржыландырылды. «Бірыңғай кешенді бағдарлама» бойынша құны 1,7 млрд. теңгенің 47 жобасы екінші деңгейлі банкттер тарапынан субсидияланды. «Ұлттық жоба» шеңберінде жаңа бизнес идеяларды іске асыру мақсатында 139 адамға 205,3 млн. теңге көлемінде мемлекеттік қайтарымсыз грант берілді.<img src="https://knadmin.beoblood.kz/uploads/Syrdariya_brifing_1_c4d2a34283.jpg" alt="Сырдария брифинг 1.jpg">«Аграрлық несие корпорациясы» арқылы 1,6 млрд. теңгенің 72 жобасы қолдау тапты. «ҚазАгроҚаржы» акционерлік қоғамының Қызылорда филиалы арқылы құны 1,5 млрд. теңгеге 25 ауыл шаруашылығы техникалары мен құрал-жабдықтары алынды. Сондай-ақ, өткен жылы құны 1 млрд. теңгеге Сырдария ауданындағы Сәкен Сейфуллин және Асқар Тоқмағанбетов ауылдары газдандырылып, аудан халқын табиғи газбен қамту деңгейі 45 пайызға жетті.&nbsp;<blockquote>– Шаған және Нағи Ілиясов ауылдарына құны 3,1 млрд. теңгені құрайтын газ құбырын тарту жұмыстары жүргізілуде. Елді мекен тұрғындары биыл табиғи газдың игілігін көретін болады. Осы жұмыстардың нәтижесінде аудан халқын газдандыру деңгейі 61 пайызға жетеді деп күтілуде. Мемлекет басшысының тапсырмасына сәйкес, оңтүстік өңірлерде электр энергиясының тапшылығын болдырмау мақсатында Қызылорда облысында құны 800 млрд. теңгені құрайтын қуаттылығы 1100 мегаваттық жаңа бу газ қондырғыларының құрылысы жоспарлануда. &nbsp;Жаңа бу газ қондырғылары аудан аумағында салынады, оған 270 гектар жер бөлінді. Жоба нәтижесінде ауданымыздың экономикасын дамытуға септігін тигізеді, – деді аудан басшысы.</blockquote><img src="https://knadmin.beoblood.kz/uploads/Syrdariya_brifing_2_bad98ae9c6.jpg" alt="Сырдария брифинг 2.jpg">Аймақ басшысының бастамасымен өткен жылы «Руханият» жылы деп жарияланды. Айтулы жылда Сырдария ауданының мәдениет саласына үлкен қолдау көрсетіліп, клубтар мен мәдениет үйлері жанынан түрлі бағыттағы шығармашылық үйірмелерді қамтитын «Адал адам» рухани-мәдени орталықтары жұмысын бастады.&nbsp;<blockquote>– Аудан орталығында неке қию залы, кітапхана, музей, мұрағат, жастар сарайы, ардагерлер мен аналар үйі бар құны 1,5 млрд. теңгені құрайтын «Руханият» орталығы бой көтерді. Өткен жылы орталықтарда 35 жаңа үйірмелер ашылып, онда 504 жастар мен жасөспірімдер шығармашылықпен қамтылды. Ауданның мәдениет мекемелері былтыр 1436 мәдени іс-шара ұйымдастырылып, аудан өнерпаздары 1272 байқауда 238 жүлделі орындарды жеңіп алды. Сонымен қатар құны 185,4 млн. теңгеге Бесарық ауылдық мәдениет үйі күрделі жөндеуден өтті және Аманкелді, Жетікөл, Н.Ілиясов, Шаған, Іңкәрдария, Ақжарма, Қалжан ахун елді мекендеріне «ЛЭД» экран, музыкалық аппаратуралар мен аспаптар, басқа да құрал- жабдықтар алынды, – деді Б.Сәрменбаев.</blockquote><img src="https://knadmin.beoblood.kz/uploads/Syrdariya_brifing_3_231524d9ab.jpg" alt="Сырдария брифинг 3.jpg">Мемлекет басшысының бастамасымен халықтың табысын арттыру мақсатында жүзеге асып жатқан «Ауыл аманаты» жобасымен өткен жылы аудан бойынша 273 млн. теңгеге 18 жобаға өтінім беріліп, 10 жоба қолдау тапты.<blockquote>– «Ауыл аманаты» жобасы аясында кәсіпкерлерді қолдау мақсатында «Абай-Дәулет» серіктестігі демеушілігімен Бесарық ауылында 3000 шаршы метр қамтитын ғимаратта шағын өндірістік аймақ ашылды. Ғимаратта 12 кәсіпорын орналасып, жеке кәсіпкерлер нысанды ақысыз, тегін пайдалануда, – деді аудан басшысы.</blockquote><img src="https://knadmin.beoblood.kz/uploads/Syrdariya_brifing_5_71099b2e84.jpg" alt="Сырдария брифинг 5.jpg">Айта кетейік, ауданда 25 көше күрделі жөндеуден өтті.<blockquote>– 2024 жылы жол саласына 1,4 млрд. теңге қаржы бөлініп, Тереңөзек кенті және Бесарық, Қоғалыкөл, Ақжарма, Қалжан ахун, С.Сейфуллин елді мекендерінде 21 шақырымды құрайтын 25 көше күрделі жөндеуден өтті. Оның ішінде, аудандық бюджеттен бөлінген 247 млн теңгеге Тереңөзек кентіндегі 7 көшеге, 138 млн теңгеге Бесарық ауылындағы 4 көшеге орташа жөндеу жұмыстары жүргізілді, – деді Б.Сәрменбаев.</blockquote><img src="https://knadmin.beoblood.kz/uploads/Syrdariya_brifing_7_d0a781d946.jpg" alt="Сырдария брифинг 7.jpg">«Қуатты өңірлер – ел дамуының драйвері» бағдарламасымен 725 млн теңгеге Тереңөзек кенті, Шаған, Қоғалыкөл, Аманкелді ауылдарында 14,5 шақырым ауыз су құбырлары қайта жаңғыртудан өтті.<blockquote>- Аудандық бюджет есебінен 22 млн теңгеге Аманкелді, Қоғалыкөл, Шіркейлі және Н.Ілиясов елді мекендерінің су мұнаралары жаңарды, 118 млн теңгеге Сәкен Сейфуллин және Іңкәрдария ауылдарында қосымша барлау-өндірістік ұңғымасы орнатылып, пайдалануға берілді, - деді аудан басшысы.</blockquote><img src="https://knadmin.beoblood.kz/uploads/Syrdariya_brifing_8_979cad8da7.jpg" alt="Сырдария брифинг 8.jpg">Сонымен бірге өткен жылы «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасын» іске асыру жөніндегі іс-қимыл жоспары негізінде Тереңөзек кентінде 140 пәтер сатып алынып, кезекте тұрған тұрғындарға табысталды.<blockquote>- «Ауыл – ел бесігі» бағдарламасымен құны 174 млн. теңгеге Тереңөзек кентіндегі көпқабатты тұрғын үйлер ауласын абаттандыру жұмыстары жүргізілуде. Мемлекеттік бағдарлама аясында құны 73,2 млн. теңгеге аудан орталығында 6 көпқабатты тұрғын үй қайта жаңғыртудан өткізілуде, - деді Берік Сәрменбаев.</blockquote><img class="image_resized" style="width:100%;" src="https://knadmin.beoblood.kz/uploads/Syrdariya_brifing_9_8da0ac9541.jpg" alt="Сырдария брифинг 9.jpg">Аймақ басшысының бастамасымен үшінші рет өткізілген «Үлгілі елді мекен» байқауының нәтижесінде Тереңөзек кенті жүлделі орынға ие болып, тазалық жұмыстарына 2 арнайы техника берілді.&nbsp;<blockquote>- Мемлекет басшысының бастамасымен жүзеге асқан «Таза Қазақстан» экологиялық акциясы аясында ауданда «Таза өлке», «Киелі мекен», «Жасыл аймақ», «Өнегелі ұрпақ» және «Мөлдір бұлақ» апталықтары ұйымдастырылып, санитарлық тазарту, көркейту және көгалдандыру жұмыстары жүргізілді. Осыған байланысты Тереңөзек кентінде 465 млн. теңгеге тұрмыстық қатты қалдықтарды сұрыптауға арналған полигон пайдалануға берілді, - деді аудан әкімі.</blockquote>Фото: Өңірлік коммуникациялар қызметі

Сырдария: Ауданда атқарылған жұмыс жүйелі

<a href="https://kyzylorda-news.kz/">Kyzylorda-news.kz</a> Қызылорда облысында құрылыс жұмыстары республикалық орта көрсеткіштен 41 пайызға жоғары деңгейде жүзеге асырылуда. Бұл туралы Мемлекет басшысы Қасым-Жомарт Тоқаевтың төрағалығымен өткен Үкіметтің кеңейтілген отырысында облыс әкімі Нұрлыбек Нәлібаев мәлім етті.Тұрғын үй кезегіндегі азаматтарға 2 500-ден астам пәтер табысталды. Аймақта жаңа әлеуметтік нысандар бой көтеруде. 2024 жылы 69 жаңа ғимарат салынып, бүгінде 25 білім, 16 денсаулық сақтау, 11 мәдениет, 17 спорт нысаны ел игілігіне қызмет етуде. «Жайлы мектеп» ұлттық жобасы аясында 21 мектеп салу жоспарланған. Бүгінде 5 білім ордасы пайдалануға берілді, 5 мектеп жаңа оқу жылына дейін табысталады. «Ауылда денсаулық сақтауды жаңғырту» ұлттық жобасы аясында 28 нысан салынды.Облыстың барлық ауылындағы денсаулық сақтау мекемелеріне 245 жаңа санитарлық көлік алынып, жедел жәрдем мәселесі толық шешілді. Мемлекет басшысының бастамасымен құрылған «Қазақстан халқына» қоры өңірдің денсаулық сақтау саласын дамытуға 4 млрд. теңге қаржы бөлді. Бұл қаржыға Арал, Жаңақорған аудандары мен Қызылорда қаласында «Қамқорлық» оңалту орталықтары ашылды. Мұнан бөлек, қордың 1 млрд. 100 млн. теңге қаржысына скрининг жүргізуге арналған жылжымалы кешен алынып, ауыл тұрғындарына үздіксіз медициналық қызмет көрсетуде.Жергілікті кәсіпкерлердің демеушілігімен 50 млрд. теңгеге жуық қаржыға облыс орталығы мен аудандарда жаңа ғимараттар, парктер, ойын алаңдары салынып, мемлекет теңгеріміне өтті.<img src="https://knadmin.beoblood.kz/uploads/rylys_2_167c51c67b.jpg" alt="Құрылыс 2.jpg"><img src="https://knadmin.beoblood.kz/uploads/Ruhaniyat_ortaly_y_547a8ee614.jpg" alt="Руханият орталығы.jpg">Фото: Қызылорда облысы әкімінің баспасөз қызметі

Қазақстан және Қызылорда облысының басты жаңалықтары