Kyzylorda-news.kz. Күні кеше өңірдегі Сырдария, Шиелі аудандары әкімдерінің сайлауы өтті. Сайлаушылар тізіміне 72503 азамат енген. Дауыс беруге 53866 сайлаушы, оның ішінде дауыс беруге арналған үй-жайлардан тыс 718 азамат қатысқан. Кандидаттардың жалпы саны - 6.
Сырдария бойынша Ерлан Бакиров үшін сайлаушылардың 1319 дауысы берілсе, Бауыржан Қарсақбаев сайлаушылардың 1176 дауысын алған. Ал Берік Сарменбаев үшін сайлаушылардың 13386 дауысы берілді. «Барлығына қарсы» белгісі бар бюллетеньдер саны – 12.
Шиелі бойынша Нұржан Ахатовқа сайлаушылардың 32637 дауысы берілсе, Алмасбек Есмаханов 3143 дауыс алған.
Үшінші кандидат Нұрғали Қордабай 2083 дауыс жинаған. «Барлығына қарсы» белгісі бар бюллетеньдер саны - 3.
Қорытындысында Сырдария ауданы бойынша 1963 жылы туған Берік Сәрменбаев әкім болды.
![eb3bdb05-1b63-4500-baf5-d6c5d4b4f963.jpeg](https://knadmin.beoblood.kz/uploads/eb3bdb05_1b63_4500_baf5_d6c5d4b4f963_72ca19ba00.jpeg)
Шиелі ауданы бойынша 1978 жылы туған Нұржан Ахатов әкім болып сайланды.
![095c40945e4864c6cad4de9d515f7b11_original.22646.jpg](https://knadmin.beoblood.kz/uploads/095c40945e4864c6cad4de9d515f7b11_original_22646_5e44dcf0f2.jpg)