IESO-2021: Қызылордадағы NIS оқушылары халықаралық олимпиадаға жолдама алды – Kyzylorda News
Басты бет

Бізге жаңалық жіберіңіз: +7(702)702-76-00

IESO-2021: Қызылордадағы NIS оқушылары халықаралық олимпиадаға жолдама алды

01.02.2021, 12:00

517 2

Kyzylorda-news.kz. «Жас геолог» корпоративті қоры мен Назарбаев Университеті бірлесіп өткізген IESO-2021 халықаралық олимпиадасының республикалық кезеңінде Сыр өңіріндегі Зияткерлік мектебінің 4 оқушысы 2 алтын, 1 күміс және 1 қола медалін иеленді.

Аталмыш білім додасының іріктеу кезеңіне 80-ге жуық жоғары сынып оқушылары қатысты. Еліміздің түкпір-түкпірінен жиналған дарындылар ағылшын тілінде геология, геофизика, метеорология, астрономия және мұхиттану пәндерінен бақ сынасты. Қызылордалық зияткерлер Жер туралы ғылымдары бойынша жақсы білім көрсеткіштерімен ерекшеленіп, нәтижесінде 11-сынып оқушылары Жангерей Зинелов пен Данагүл Келдібай олимпиада жеңімпазы атанды. Сондай-ақ, Арайлым Байкемел және Баянсұлу Төлебай жүлделі 2-ші және 3-ші орындарға ие болды.

«Үздіктердің қатарынан көріну үшін осы ғылымдар туралы жетік ізденіп, жеке зерттеу жүргіздім. Ғаламтор желісі мен энциклопедиялардан қосымша ақпарат алып, білімімді толықтырдым», – дейді Жангерей Зинелов.

Айта кету керек, жеңіс тұғырынан көрінген жас зияткерлер үстіміздегі жылдың тамыз айында Қазақстан құрамасында өзге елдердің жас геологтарымен сынға түспек. Биыл IESO-2021 олимпиадасы онлайн форматта Пекинде өткізу жоспарланған.

«Біздің оқушылар – бұл білім бәйгесінің жыл сайынғы қатысушылары. Осындай шаралар арқылы геологтардың жаңа буынын қалыптастыру қолға алынған және бұл олимпиада балалардың ой-өрісін кеңейтуге үлкен септігін тигізеді», – дейді жеңімпаз оқушылардың жетекшісі, география пәнінің мұғалімі Мұхтар Әбілмаев.

2

  • өте керемет, куттыктаймын
    Менде Физика-техника ХVIреспубликалык Зерде ғылыми жобағакатысып, аудандыктан 1ші орын, облыстықтан бас жүлде, республикалыктан Грамота алдым

    НИШ ке түсіп, резервте турмын
    НИШ те окыгым келеді, резервтік тізімдерден кабылдап жатыр ма екен

Пікір қалдыру