Қызылордада үй-күйі жоқ 3 адам өрттен құтқарылды – Kyzylorda News
Басты бет

Қызылордада үй-күйі жоқ 3 адам өрттен құтқарылды

24.12.2019, 18:20

483 0

Kyzylorda-news.kz. Қызылордада өрт сөндірушілер төрт қабатты үйдің жертөлесіндегі өрттен үй-күйсіз жүрген 3 адамды және 19 жастағы тұрғынды құтқарып қалды, деп хабарлайды ҚазАқпарат.

Аталған оқиға Қызылорда қаласының орталық бөлігінде орын тепкен Әйтеке би көшесі бойындағы төрт қабатты үйдің жертөлесінде болған. Өрт сөндірушілер оқиға орнына жылдам жетті. Онда өрт сөндіру қызметінің 7 маманы мен 2 арнайы автокөлік жұмыс істеді.

«Өрт сөндіру қызметінің жеке құрамы оқиға орнында барлау жұмысын жүргізді. Көпқабатты үйдің астындағы жертөледен үй-күйсіз жүрген 3 адам мен 2000 жылы туған азамат құтқарылды», – деп мәлім етті Қызылорда облыстық төтенше жағдайлар департаменті өрт сөндіру және апаттық-құтқару жұмыстары қызметінің баспасөз хатшысы Әлия Ережепова.

Өрт сөндірушілердің жылдам іс-қимылының нәтижесінде төрт қабатты тұрғын үйге ешқандай залал келген жоқ.

0

Пікір қалдыру