<a href="https://kyzylorda-news.kz/ru/">Kyzylorda-news.kz</a>. Саяхаттау жаһан жауһарына көз жүгіртіп, әлем сұлулығына сүйсінуге, сырына үңілуге, тарихын тануға, таным көкжиекті кеңейтуге мол мүмкіндік береді. Дүние жүзін дүрбімен барламай, әрбір мемлекеттің тынымсыз тіршілігіне еніп, әдет-ғұрпы һәм салт-дәстүрімен танысып, мәдениетіне мән беру мақсатында саяхаттаудың орны бөлек. Сайып келгенде әрбір елде көздің жауын аларлық сұлулық, бір-бірімен байланысқан әдемілік пен әсемдік жетіп жатыр. Олай болса, ел-елді аралап, ерекшелігін байқап, сол әдеміліктің куәсі болғанға не жетсін?! Сайып келгенде, өмірдің мәні – қозғалыс пен ізденістен, еркіндікте тыныс алып, бақыт құшағына бөленуден тұрмай ма? Ендеше, дүниетанымының діңгегін қалап, ой-өрісін кеңейтіп, тұмса табиғаттың бөлшегінен сүйіспеншілік көре білу – өмірге шексіз ғашықтықты білдіреді. Осы тұста жиһанкез әрі психолог Динара Болат өзіне де, өзгеге де бақыт пен қуаныш сыйлаудан тысқары қалған емес. Әлемнің 41 еліне саяхаттап, әр сапарынан көпшілікке пайдалы жазба ұсынып және керекті кеңес айтуда да кейін шегінбейтін жиһанкезбен әдемі әңгіме өрбітуге тырыстық.– Сәлеметсіз бе, Динара? Сіздің жыл сайын саяхаттауды жоспарлап, бірнеше елге барғаныңызды білеміз. Талғамыңызға қарай таңдау жасайсыз. Саяхатқа деген қызығушылығыңыз артпаса кемімейтін тәрізді. Жалпы, сіз үшін саяхат деген не?– Мен үшін саяхат – бұл кең дүниені, әлемді тану. Бізге берілген ғұмыр, әлем өте кең, өте үлкен. Мұның барлығы адам көрсін, зерттесін, түсінсін және ой түйсін деп жаратылған. Сондықтан, біз оны көруге, тануға ұмтылуымыз керек. Бір орында қалу, бір ауылдан, бір қаладан, бір елден шықпай кеткен адамдар көп. Меңінше, саяхат та, әлем де біз үшін қызмет етеді. Сондай-ақ, біздің ой-өрісіміздің дамуы мен тұлға болып қалыптасуымызға септігін тигізеді.– Сіздің сұлулыққа сүйсіне білуіңіз, қиын сәтте де жабырқамауыңызға сеп болады. Мұндай қасиетіңіз бала күніңізден қалыптасқан ба?– Мен ылғи жер үйде өстім. Ата-анамызбен бірге көп көштік. Бірақ, қай үйімізде де орыстардан қалған бау-бақша, үлкен ағаштар болатын. Мен қиналған сәтте немесе мұңға батқан сәтте ағаштардың жанында отырып ойланатынмын. Бала кезден көзім үйренгендіктен болар, айналадағы әрбір сұлулық қиналуыма да мұрсат бермейді.&nbsp;– Грузияға деген шексіз махаббатыңызды білеміз. Ғажап көрінісінен бөлек ол мемлекет сіз үшін несімен ерекше, қалай баурап алды?– Біріншіден, Грузия – көрші ел, қолжетімді ел. Сонымен қатар, маған халқы ұнайды. Елімізге турист келді, пайдаланып қалайық, ақшасын сыпырып алайық немесе бағаларын қымбаттатып айтайық деген арам пейілдері болмайды. Өте адамгершілігі зор халық. Қысқасы, Грузияның табиғатына, әсіресе тауларына ғашықпын.– Осы уақытқа дейін 41 елге саяхаттадыңыз. Әр сапарыңыздың көңіл көкжиегінде, жүрек түкпірінде ерекше орын алатыны белгілі. Дей тұрғанмен, есті естелігі мен қызық-шыжығымен есте қалған сапарыңыз қайсы?– Жалпы, көп саяхаттарды мерекеге, арнайы бір өзінің маусымына байланыстырып барғанды ұнатамын. Көңіл түкпірінде қалғаны – Жапонияның күзі, Үндістандағы «дивали», Франциядағы «рождество» мерекелері, Америкаға өзіміз көлік жалдап, еш тіл білместен және жол білместен оны аралауымыз, жаяу жүріп барлық жерін көруіміз соның бәрі қызық, әрине.– Табиғатпен тамырлас адамсыз. Сүйіспеншілік пен сұлулықты үйлестіруде үлесіңіз зор. Осы ретте, әсем табиғатымен әсерге бөлеген ел мен қаланың кішігірім тізімін жасасаңыз.– Табиғатпен тамырлас адам екендігім рас. Сондықтан, табиғаттың ортасында демаламын. Өзіме демалыс арнау керек болса міндетті түрде мен Оңтүстік-шығыс Азиядағы тропикалық елдерді жөн көремін. Менің сүйікті елім – Индонезия, Тайланд. Әлі Қытайды да толық аралап, көргім келеді. Себебі, жері үлкен, табиғаты алуан түрлі. Алайда, табиғаты әсем деп нақты бір қаланы атау қиын. Өйткені, табиғат тек қаланың ортасында емес, қаланың сыртында да орналасқаны болады. Мәселен, елдің ішінде белгілі бір ауылдар болуы мүмкін.– Алғаш шаршап келген саяхатыңыз Египет екен. Толығырақ тоқталып өтсеңіз.– Шынымен де алғаш ұнатпаған елім – Мысыр мемлекеті, Египет. Себебі, мен өмірде адалдықты, адамгершілікті бағалаймын. Ал, пайдакүнемдікті, табысты алға шығарып тұрған адамдардан да, елден де өзімді алыс ұстауға тырысамын. Египеттен байқағаным – осы. Ұнатпай, енді келмеспін деуімнің себебі де осы. Бұл жерде «қонақ тағы да келсін, ұнайық, барлық жағдайды жасайық, шын көңілмен қарсы алайық» деген ниет байқалмайды. Бірінші және соңғы келіп тұрған туристей қарайды да, өз қызметтерін тықпалап, не болмаса алдап, екі-үш есе бағасын қымбататып айтады. Адамның білмейтіндігін де пайдаланып қалуға тырысады.– Көпшілікке саяхаттау үшін қай елдерді ұсынар едіңіз? Жас саяхатшылар алдымен нені ескеруі керек?– Мен халықтың, адамдардың қалауын білмеймін. Сондықтан олар теңізді жақсы көре ме, танымдық саяхатты, бәлкім, экстрималдық саяхатты жақсы көретін шығар. Мүмкіндігінше, адам көбірек саяхаттау керек. Мәселен, еңбек демалысын пайдаланып, жылына саяхаттауды жоспарлауға болады. Ең бастысы ұмтылу, бір рет шығу. Одан кейін адам жыл сайын өзі-ақ шығып тұруға асығатын болады. Жылына бір рет саяхаттаған болсаңыз, келесі жылы екі рет саяхаттауға мақсат қою керек.Жас саяхатшылар жастығына орай батыл болады. Тіл білмеу – кемістік, кемшілік емес. Батыл, еркін болса, бәрібір өзіне қажеттісін сұрап-біліп алады. Жастарға айтарым, қазіргі заманның мүмкіндіктерін, түрлі пайдалы қосымшаларды меңгерген дұрыс. Интернеттен ізденіп, өзі тауып, өзі жоспарлағаны әдемі болады. Бір ескеретін жағдай, барған еліңізде еркіндікке салынып, шамадан тыс тентектік жасаудың қажеті жоқ. Барған елді сыйлау, қоғамдық тәртіпті сақтау маңызды.– Саяхат кезінде қауіптің құрсауына ілінбеу үшін қандай кеңес бересіз?– Саяхат кезінде көп жағдайда сол елдердің заңдары мен қоғамдық тәртібін сақтау керек. Конфликтке түсіп, айтысып, ұрысудың жөні жоқ. Бұл өте артық, ақымақтық нәрсе деп ойлаймын. Бәрібір, барып тұрған еліңіз туристі емес, өз азаматын қорғайды. Бір нәрсені дәлелдеймін дегеннің өзінде саяхаттан көп уақыт жоғалтасыз. Сондықтан өзімшілдікке салынбай, жұмсақ жүріп, асықпай басып, әдемі саяхат құрған дұрыс. Негізгі қауіпсіздік – әдетте бірінші барған кезде туристерге сұрақ қояды. Яғни, «алғаш келуіңіз бе?», әлде «тәжірибелі туристсіз бе?» деп соны тексереді. Көшеде жүрген адамдар да «қай қонақ үйге тоқтадыңыз?» деп сауал қойғанда жауап бермеуге, бөтен адамдармен көп сөйлеспеуге тырысу керек. Сондай-ақ, әр барған елдің қауіпті деген аудандары болады. Оны да ескеріп, ақшаңыз бен сөмкеңізге мұқият болыңыз.– Өзгелерге қуаныш сыйлап, саяхат ұйымдастыратын авторлық турыңыз бары бәріңе белгілі. Талғампаздығыңыз байқалатын турыңыз арқылы осы уақытқа дейін қанша адам саяхаттады?– Ковид жылдарын есептемегенде біз төрт жыл қатарынан шетелге адам апарып жүрміз. Карантинге дейін бір есептегенім бар, сол кезде 140-тан аса оқырман қыз-келіншектерге танымдық саяхат көрсетіп, шетелде демалдырған екенбіз.– Көптің сұранысы тур қызметінде көрсетілген 6 елдің қайсысына артты?– Ковидке байланысты шекаралардың жабылуына орай бізде көп елдер қысқарды. Ал, сұраныста алдыңғы орында көрші Өзбекстан мемлекеті тұр. Біріншіден, жақын. Екіншіден, өте қолжетімді. Көп өңірлердегі қыз-келіншектерге еліміздегі қалаларға, Елордаға, Алматыға баруға қарағанда Өзбекстанға барып келу анағұрлым қалтаға қонымды. Саяхатта талай сұлулықты көреді, тарихын біледі және ол жақта баға төмен болғандықтан жақсылап базар аралап келе алады. Сондықтан Өзбекстанға сұраныс әрдайым жоғары.– Оқырманға айтар жылы лебізіңіз.– Өмір – біреу, өкінбейтіндей өмір сүріңіздер. Әдемі ғұмырдың иесі болыңыздар.

Саяхаттың бізге берер сыйы

<a href="https://kyzylorda-news.kz/ru/">Kyzylorda-news.kz</a>. Ғ.Мүсірепов атындағы қазақ мемлекеттік академиялық балалар мен жасөспірімдер театрының актері Жомарт Зейнәбілмен сұхбатты оқырман &nbsp;назарына &nbsp;ұсынамыз.– Сіз актер болмағанда кім болар едіңіз?– Актер болмағанымда филолог немесе журналист болар едім. Мектепте қазақ тілі, қазақ әдебиеті пәндерін жақсы оқыдым. Көп адамның сөйлеген сөзінен қателік тауып отыратын әдетім бар. Біреудің жазуында жұрнақ, жалғау дұрыс қойылмаса, оны да ескеремін. Қате түзеп, бастауыш пен баяндауыштың дұрыс қолдануын қадағалау үшін филолог болар едім.– Сіз біздің жерлесіміз екенін мақтанышпен айтамыз. Сіз бізбен мақтанасыз ба?– Мен – қызылордалықпын, осында туып-өстім. Маған бұл өңір өте ыстық. Топырағына аунап өскен елді қалайша сағынбаймын, қалайша мақтамаймын?! Мен барша қызылордалықпен мақтанамын. "Жерлесім" деп алып-ұшып тұрамын. Қызылорданың өзіне тартатын бір ерекшелігі бар.– Қазір кім бар қара шаңырақта?– Өзімнен кейін Бағдат деген інім бар. Қара шаңырақтың түтінін түтетіп отырған да сол. Келіншегі Айгүл екеуі бес бала тәрбиелеп отыр. Қара шаңырақты Бағдатқа табыстадық.– Ауылға қаншалықты жиі келесіз?– Жылына бір рет бала-шағаммен қыдырып келемін. Оның үстіне келіншегім қызылордалық болғандықтан "ауылға барамыз" деген сөз жеңілдеу тиеді. Бала-шағам да Шиеліні, Байгеқұмдағы көлді аңсап тұрады. Балаларым суға түскенді, жүзгенді ұнатады.– Балаларыңыз өзін алматылықпын дей ме, әлде қызылордалықпын дей ме?– Алматыда тұрғандықтан алматылықпыз дейді. Дегенмен үлкен қызым Шиеліде туған ғой, Алматыда тұрсақ та, Шиеліні аңсап тұрады. Балаларым түбі қызылордалық екенін біледі.– Сізді танымал еткен мамандығыңызға келсек, алғаш қандай рөлді ойнадыңыз?– Мектептеоқып жүргенде Шоқан Уәлиханов жайлы пьесадан үзінді қойып, орыс патшасы Александр екіншінің рөлін ойнадым. 7 сыныптан бастап мектептің аяз атасы да, жүргізушісі де болдым. Шиелі аудандық мәдениет бөлімінде қызметте жүргендегі рөлдерім өз алдына бір төбе. Шиелі аудандық мәдениет бөліміне халық театры атағын алып бердік. Үлкен театр сахнасында алғаш ойнаған рөлім – жерлесіміз Тынымбай Нұрмағанбетовтың "Біз түріктерміз" деген пьесасындағы жас түрік жігіттің рөлі. Аты – Аллы.– Театрға қалай келдіңіз?– Темірбек Жүргенов атындағы Ұлттық өнер академиясында оқып жүргенде ықпалды адамдардың көзіне түскен болуым керек. Бас режиссер Райымбек Сейітметов пен ұстазым Нұрқанат Жақыпбай батасын беріп, жолымды ашты. 1994 жылы оқу бітірместен жұмысқа қабылдандым. &nbsp;– Сіз ойнаған рөл өте көп. Соның ішінде Иран-Ғайыптың «Қорқыттың көрінде» – Қорқыт, Оралхан Бөкейдің «Атау кересінде» – Таған бейнелері. Образды ашу қиын емес пе?– Қиын болған бір ғана қойылым бар. Ол – бақсының рөлі. Қорқыттың бақсы болатын тұсында қатты қиналдым. Өйткені автор Иран-Ғайып: "Бұл "Қорқыттың бақсылық образы бөлек болу керек. Бұрынғы Алдар көседегі Елубай Өмірзақовтың "Сары шал, кәрі шал" дейтін бақсылығы емес» деді. Шынымды айтсам, осы рөлді алып шығатыныма сенбедім. Көп іздендім, Алматыны аралап, сұрастырып жүріп, зікір салу қалай болатынын көзбен көрдім. Сол образға кіруге тырыстым. Менің дайындығым да көп болған жоқ еді, бірақ сыншылар жақсы деп бағалады.– Егер мына рөлді қайта ойнатса, мына тұсына өзгеріс енгізер едім деген сәт болды ма?– Әрине ондай рөлдер болады. Тек біраз уақыт өткеннен кейін сол рөлді берсе, мүмкін басқаша ойнар ма едім деген ойлар болады. Негізі режиссердің талабы бойынша образды алып шығамыз.– Бір рөлге қанша уақыт дайындаласыз?– Көп уақыт дайындаламыз. Ізденуге, зерттеуге уақыт беріледі. Егер зерттемей ойнаймын деген ой болса, онда образ ашылмауы мүмкін. Актерге қойылатын басты талап – образды алып шығу. Кей қойылымдарға тоғыз ай дайындалған кездер болды.– Бала тәрбиесіне көңіл бөлесіз бе?– Қыз бала анасына қарап өседі. Анасы – оқытушы, психология ғылымдарының кандидаты, доцент. Қыздар педагогикалық университетінде сабақ береді. Мен көп нәрсеге араласа қоймаймын, дегенмен кей нәрселерді назардан тыс қалдырмаймын. Қыздарым да ақылды, бір айтқан сөзді ұғады.– Қазіргі қазақ киносына көңіліңіз тола ма?– Қазақ киносы кезінде шарықтау биігінде болды. Мықты режиссерлар бар кезде әрине. Тәрбиелік мәні де керемет еді. Егер теледидардан бұрынғы киноларды көрсетіп жатса, онда міндетті түрде тамашалаймын, шынымды айтсам, қайталап көруден жалыққан емеспін. Қазіргі киноларды онша көре алмаймын. Әсіресе КВН-нен шыққан продюсерлердің киносын қабылдай алмаймын.– Актердің образдан шыға алмайтын сәттері бола ма?– Шынымды айтсам, мұндай сәт өзімде болмайды. Актер әртүрлі характерге көше алатын адам болу керек. Әрине образға кіру бар, оны сезіну бар. Психологиялық түрде дайындалып келу бар, оның барлығы сахна жабылып, артистер бірін-бірі құттықтап, көрермен берген бір шоқ гүлін алып, грим бөлмесіне кіргенге дейін. Одан соң адам өзінің қалыпты болмысына түседі. Кейде бала-шағам сезіп отырады. Дауысым өктем шығып қалса керек. Келіншегім "әкелерің бүгін Махамбетті ойнап келіпті ғой, Махамбеттің образынан шықпай отыр екен, жай сөйлеңдер" деп әзілдеп жатады. Дәл сол кезде образдан шыға алмай қалдым демеймін.– Қойылым барысынан есте қаларлықтай бір оқиға айтып беріңізші…– Әр спектакль кезінде әртүрлі оқиғалар болады.Жаңа бір сөзімде &nbsp;"Қорқыттың көрі" қойылымына дайындық аз болғанын айттым ғой. Қадірбек Демесінов деген ақсақал екеуміз ойнадық. Қызыл қанат Әзірейіл Қорқыттың жанын алуға келеді. Сахнада тастар үйіліп тұрады. Тастың үстіне мен қобызымды қойып кетемін. Ол кісі жанымды алуға келгенде сұраймын: "Қызыл қанат Әзірейіл, өлер алдында рұқсат ет. Қобызымды жылауық, әлдилейін бір ауық. Беремісің рұқсат? Қоштасайын қобызыммен, әлдилейін бір ауық, беремісің рұқсат?». Ол кісі "Рұқсат, рұқсат, абызым, міне, қобызың" деп әкеліп беру керек. Сол кезде дайындықтың аздығы әсер етті ме, әлде тасты өзгертіп қойды ма, әйтеуір қойған қобыз көзіне көрінбей қалады. Екі қобыз болады, біреуі ортасынан сынған. Сынған қобызбен мені ұру керек, ұрған кезде бөліну керек. Шыр-көбелек іздеп таппай қойды. Мен күтіп әлі отырмын. "Рұқсат, рұқсат, абызым" дейді де таппайды. Бір уақытта келіп, өлеңмен жазылған шығарманы бұзбай сұрайды: "Уа, абызым, қайда шырғай қобызың" дейді. Сол сәтте басымды бұрып көрсеттім, сосын барып әкелді. "Абызым, міне, шырғай қобызың" деп әкеліп береді. Спектакль біткен соң әріптестер құттықтап, жарайсың, бәрекелді, тамаша болды деп жатыр, Театр сыншысы Әшірбек Сығай кітабына да жазды осыны. Сондай сәттер болып тұрады. «Махамбетті» ойнап жатқан кезіміз. Образға кіріп, шықпай қалды дегеннен шығады-ау, образға кіріп шықпай қалды ма, әлде кіре алмай қалды ма, бірінші акт біткеннен кейін бір актер гримін сүртіп, кетіп қалыпты. Екінші актіде ол шығу керек. Актер ойнап жатыр, жаңағы жігіт шығар кезде "Жүсіп, әй, Жүсіп" деп іздейді. Ол шықпайды. Жан-жағына қарайды. Жұлдызбек деген актерді көреді. Ол да сол киімде тұр екен. Бұл бір сәйкестік шығар. Сосын "Әй, жұлдызды Жүсіп, бері кел" деп шақырып алады. Басқа актерге айтатын сөзін соған айта береді. Бұл да жауап береді. Бір уақытта мен бардым. Маған айтатын сөзі бар: "Мен кетемін" дейді "Неге кетесің?" деген кезде: "Ел басына күн туғанда өз бала-шағамды ойлау керек" деген сөздер бар. Оларды айта алмайды, тек "кетем, кетем" дей береді. Амал жоқ өзім құрастырып, "кете-бер, кете бер" деп итеріп шығарған сәттер болды.– Қай рөл өзіңізге жақын?– "Атау кередегі" Тағаннан жан-дүниеме ұқсастық таптым.– &nbsp;Кімді үлгі тұтасыз?– Әкемді үлгі тұтамын. Отбасымда 8 бала болдық – төрт ұл, төрт қыз. Соның барлығын жетілдіремін, жеткіземін деп арпалысты. Қиындыққа мойымай, бізге сыр бермей өткен өмірі бәрімізге үлгі-өнеге болды. Одан кейін ұстаздарымды үлгі тұтамын. Нұрмахан Жантөринді жақсы көрдім. Әлгі күнге сол кісінің киносы көрсетіліп жатса, барлық жұмысымды тастап көремін. Асанәлі Әшімовты, Досхан Жолжақсыновты үлгі тұтамын.– Соңғы оқыған кітабыңыз қандай?– Әбдіжәміл Нұрпейісовтың "Соңғы парызы".&nbsp;– Театр мен кино. Қайсысын таңдайсыз?– Бір қойылымды шығару үшін 3-4 ай уақыт кетеді. "Сең" спектакліне 9 ай дайындалыппыз. Бір актер тура 9 ай қойдық деді. Қайдан білдің десек: «Осы пьесаны қоюға бұйрық шыққан күні үйге барып, жаңа спектакль қоямыз дегенім есімде. Сол күні келіншегім менде де жақсы қуаныш бар, аяғым ауыр деп сүйіншіледі. Міне, енді сол премьераға үш күн қалғанда босанды», – дейді. Қойылымға осындай ұзақ уақыт жұмсалады. Ал кинода екі камера қойылады. Бір қателессең, қайта түсіреді, екінші қателессең, екінші камера түсіреді. Үшінші, төртінші қателескенде де басқаша жасауға болады. Бірақ жарыққа шыққаннан кейін өзіңе қате болып көрінетін болса, оны қайта өзгерте алмайсың. Ол лентаға жазылып кетті. Ал театрда сахнаға қойылғаннан кейін сыншылар қателігін айтса, кейінгі қойылымда өзгертуге болады. Театрды жақсы көрем. "Кино әлеміне сүңгіп, судағы балық сияқты жүзіп кеттім" деп айта алмаймын.– Әңгімеңізге рақмет! &nbsp;

Жомарт Зейнәбіл: Актер – қиындыққа мойымайтын, қорықпайтын адам

<a href="https://kyzylorda-news.kz/ru/">Kyzylorda-news.kz</a>. Өнердің бұл түрімен айналысу үшін суретші асқан төзімділікпен көп еңбектенуі керек. Ал суретші әрдайым ізденіс үстінде болса, өзінің қателігін, графика өнерінің күрделі өнер екенін түсінеді. Назарларыңызға қарапайым ауылдан шығып, қазіргі таңда жұмыстары Қазақстанға ғана емес, әлем жұртшылығына танылған ҚазКСР Еңбек сіңірген өнер қайраткері, ҚР Көркемөнер академиясының академигі, белгілі суретші Қайырбай Зәкіровпен сұхбатты ұсынамыз.– Амансыз ба, аға! Алматыға қоныс аударыпсыз ғой. Құтты болсын! Жас ұлғайғанда адамдардың мұндай батылдыққа баруы некен-саяқ. Қалай тәуекел еттіңіз?– Иә…(күліп) Біріншіден менің алып шаһарға көшетінімде біраз достарым маған күлген. «Қартайғанда нең бар Алматыда?» деген секілді. Адам баласы бір нәрсені түсінуі қажет. Адамның тәні қартайса да, жаны қартаймауы керек. Менің жаным бостандықты, өзгерістерді үнемі аңсап тұрады. Сондықтан бұл мен қоныс аудару мен үшін оңай соқты.– Елді сағынасыз ба?– Сағынғанда қандай! Алғашқы Алматыға оқуға түскен жылы осы Қазалыдағы жапырайған, кішкентай қамыс үйлерін, отбасым мен достарымды қатты сағындым. Есейе келе біраз елді аралап, біраз жұртпен таныстым. Бірақ, Сыр бойының халқының болмысы тым бөлек қой, шіркін.– Аға, атыңызға студент кезден қанық болсам да, туып-өскен ауылыңыз, ата-анаңыз, бала кезіңіз жайлы сұрамаппын. Айтып беріңізші?– &nbsp;Менің әкем теміржолшы болған. Оны жас кезінде атам мен әжемді қосып Ақтөбе облысындағы Шалқар ауданына туыстарымыз алып кеткен. Әкем сол жерде үйлі-баранды болған. Бірақ менің алдымдағы үш ағам арасына күн ғана салып бірінен соң бірі шетінеп кеткен. Ол үлкен трагедия ғой, жас отбасы үшін. Сонда менің анам қыста ағаларымның қабіріне барып топырақтарының үсітіне жататын көрінеді. Әкем күнде кешке сол жерден анамды алып қайтады екен. Алланың қалуымен әке-шешеме қуаныш сыйлау үшін әпкем және мен дүниеге келіппіз. Бірақ менен де айрылып қала жаздапты(күліп). Ол былай болған. Ол кезде разъезде тұратын бала қай жерде ойнайды? Әрине пойыз жолдың бойында. Менің үш жасымда пойыз дөңгелегінің тежегішінде ойнап отырған болуым керек. Сөйтіп пойыз жүріп кетіпті. Кеш қарайған, ата-анам өздерін қоярға жер таппай жүр. Бір кезде келесі разъезден мені тапқаны жайлы хабар келіпті. Менің ең алғашқы саяхатым осылай басталған (күліп)– Адамның тұлға ретінде қалыптасуына туған жердің, өскен ортаның әсері бар деп жатады. Мәселен, сіздің суретші болуыңызға не әсер етті?– Табиғат – ең құдіретті мүсінші. Әрбір адамның туған жерінде бір тылсым күш, энергия болады. Қазақ негізі өнерге етене жақын халық. Оны дәлелдеудің де қажеті шамалы. Ал біздің елді білесің тал жоқ, көк шыға қоймайды. Бірақ киіз үйдің ішіне кірсең кішігірім сурет академиясы. Сол түстерді көріп өскен балаға міндетті түрде бояулар әсер етеді.– Қазақы ортада кәсіби суретшілер некен-саяқ. Тіпті баласының о бастағы суретшілік өнерін бағалау, дамыту ісі де кемшін сияқты. Олай болмағанның өзінде көңіл бөлу кейінірек сияқты көрінеді де тұрады. Әлде мен қателесем бе?– Қарапайым кішкентай бала қабырғаға шимақтап сурет салады ғой. Оны біз бұзықтық, еркелік деп жатамыз. Ал егер сол баланың шимақтарын ары қарай дамытып алып кетсе, міне сол кезде мықты суретшілр шығады деген үміт бар.– Сіз график-суретшісіз. Бұл сонау Алматы көркемсурет училищесінде оқып жүргенде таңдаған бағытыңыз ба?– Ол бала күнімде басталған. Себебі ол заманда сурет салатын бояу табу әсіресе ауылдық жерде қиын. Сондықтан жай ғана қаламмен сала бастадым. Уақыт өте келе басқа да жанрда сурет сала бастадым. Бірақ жаныма жақыны осы графика бағыты болды.– Жалпы көркемсурет жанрлары, әсіресе абстрактлі суреттер, мәселен, сіздің қиял мен шындық астасқан кейбір картиналарыңыз – мұның барлығы суретшінің ішкі дауысы, мені деп қабылдасақ бола ма? Әлде бір суретші бірнеше жанрда сала беруі заңды ма?– Ішкі дауысы десекте болады. Бірнеше жанрда сурет салу әр суретшінің өз еркінде. Сурет өнерінде шекара болмау қажет деп ойлаймын. Оның барлығы суретшінің шабытына байланысты.– Кейбір ақындар 40 жастан кейін жазған. Олардың бәрін «Өлең – сөздің патшасы, сөз сарасы» деген өлшемге саяды деу қиын. Суретшілерде осындай кездейсоқтық бола ма? Кенеттен сурет сала бастау…– Костка Чонтвари деген венгр суретшісі болған. Ол фармацевт болыпты. 45 жасында ол өзінің дәріханасын сатып, суретке керек құралдар сатып алып әлемді мойындатамын деп саяхатқа кетіпті. Атақты Пабло Пикассо бір көрмені аралап жүріп Костканың суретін көріп «Менен асқан шебер суретші бар екен ғой» деп мойындаған. Сондықтан өнер адамға айтып келмейді.– Мұны айтып отырған себебім, мен өзім абстрактілі суреттерді қарағанды жақсы көрем. Кейде суретші не айтқысы келді екен деп ұзағырақ тесіліп қараймын. Бірақ «түк түсініксіз» картиналар да болады. Сондайда «Бір+бір» фильміндегідей шашырата алған бояулар ма деп қалам. Суретшілер бір бірін қалай түсінеді?– Абстракция негізі түстерді ойнатудан құралады. Абстракциянизм &nbsp;адамға сурет ішінен жұмбақ әлемді іздегенмен бірдей. Өйіткені ми жұмыс істеп ойлау қабілетін жақсартады. Былай алып қарасаң абсракциянизмді біздің әжелеріміз жасаған. Киіз басу ол тұнып тұрған абстракция. Оны көбі түсіне бермейді.– Әлемге танымал 10 картинаның ішінде қазақ суретшілері неге жоқ?– Картинаның танымалдылығын өлшеп немесе топқа бөлу ол үлкен қателік. Себебі қазір картинаны үлкен суммаға сатып алады да, сол картинаны ең үздік деп есептейді. Бұл әрекетті сұлулық байқауымен салыстыруға болады. Жюри мына қыз сұлу деп есептейді және сол қыз ең сұлу боп шыға келеді. Ал ауылда ол қыздан асып түсетін бояусыз, әшекейсіз қыздар жүр. Мен бұндайды сорақылық деп атаймын және бұндай нәрсеге жол бермеуіміз қажет.– Өзіңіз суретшілердің кімді жақсы көресіз және неге?– Мен нақты мына суретшінің өнері ұнайды деп айта алмаймын. Бізге суретшілерге баға беретін тек қара халық. – Сіз АҚШ, Франция, Польша сияқты шет елдерде бірнеше көрмеге қатыстыңыз Қазақстандағы көрмеге келушілер мен шет елдердгі көрмені қызықтаушылар арасында айырмашылық бар ма?– Жоғарыда айтып өткенімдей біздің халық барлық өнер түріне бейім келеді. Бірақ біздің жұрт көрмеге келу жағынан шетелмен салыстыруға келмейді әрине. Өйіткені біздің түсінік басқа және біз халыққа кінә арта алмаймыз, қинауға да құқығымыз жоқ.– Сіздің ұлыңыз да суретші. Жолыңызды жалғағанына қуанасыз ба?– Бір балам суретші, екіншісі зергер. Жолымды қуғанынына қуанғаным рас. Бірақ бастапқыда баламның суретші емес мұнайшы болғанын қалағанмын. Әуелі Алла, одан соң өзінің өнерге деген қызығушылығының арқасында &nbsp;келді.– Ұлыңыздың картиналарын сынайсыз ба? Оның бұған көзқарасы қандай?–Жоқ. Оны неліктен сынауым қажет? Оның өнерге деген көзқарасы менікінен бөлек. Жаңа қырынан қарайды десем де болады. Оның өз ортасы бар. Қазір шүкір, жұмысының жемісін көріп жүр.– Немерелеріңіз бар ма? Олардың да суретші болғанын қалар ма едіңіз?– Немерелерім бар. Кім боламын десе де өз еріктерінде. Алла қалап суретші болса мен әрине қуанамын.– Өз картиналарыңыздың ішінде өзіңізге жақыны әрі әсерлі оқиғасы бар қайсысы?– Арал балықшыларына арнап салған картинам өзіме өте ыстық. Себебі Йеменнің Сана қаласында бас жүлдені алған болатынмын.– Әйеліңіздің де сурет өнерінен хабары бар ма?– Мені құтқарып қалған әйелім (күліп). Өйткені менің өнеріме жағаласпайды. Жағаласса маған үлкен кедергі болар еді. Сондықтан да болар өнерге қызықпайды.– Арманыңыз бар ма?– Армансыз адам болмайды ғой. Арманым, Алла қанша ғұмыр берсе сонша көрме ұйымдастырғым келеді. Жасым ұлғайса да өнерімді тоқтатқым келмейді. Себебі менің өмірім бұл менің картиналарым, өнерім.– Әңгімеңізге рақмет!

Қайырбай Зәкіров: Арал балықшыларына арнап салған картинам өзіме өте ыстық

<h4 id="kyzylordanewskzhttpskyzylordanewskz25740151"><a href="https://kyzylorda-news.kz/">Kyzylorda-news.kz</a> Биыл 25 шілдеде ауыл әкімдерінің сайлауы өтеді. Қызылорда облысындағы 7 ауданында 40 ауылдық округ әкімінің сайлауына 151 кандидат ұсынылған. Бұған дейін тек жергілікті мәслихат депутаттары сайлап келген ауыл әкімдерін халық тікелей сайлайтын саяси науқандағы дайындық барысын Қызылорда облыстық сайлау комиссиясы төрағасының орынбасары Болат Накиповтан сұрап білдік.</h4>
– Болат Нұржігітұлы елімізде алғаш рет өтіп жатқан ауыл әкімдерінің сайлауының халыққа пайдасы бар ма? Артықшылықтары қандай?
– Ауыл әкімдерін тікелей сайлау ең алдымен халық үшін маңызды екенін атап өткім келеді. Біріншіден, әкімдердің тұрғындар алдындағы жауапкершілігі артады, өйткені оларды жергілікті халық тікелей таңдайтын болады. Екіншіден, тұрғындар өздерінің туған ауылдарының өміріне белсенді қатыса алады.
Жалпы, ауылдық деңгейдегі әкімдердің сайлауын жанама сайлау жүйесінен тікелей сайлау жүйесіне өзгертілуінің басты себебі жергілікті халықтың басқару жүйесіндегі белсенділігін арттыру және еліміздің демократиялық процестерді одан әрі дамыту болып табылады.
– Біздің облыста қалай ұйымдастырылып жатыр?
– Қазір дайындық – ең маңызды сәт. Әкімдердің сайлауын ұйымдастыру және өткізу жөніндегі бекітілген күнтізбелік жоспарға сәйкес 26 маусымда үміткерлерді ұсыну басталып, 9 шілде күні жергілікті уақыт бойынша сағат 18.00-де аяқталды. Ұсынылған кандидаттарды тіркеу 14 шілде күні жергілікті уақыт бойынша сағат 18.00-ге дейін жүргізіліп, әрі қарай тіркелген кандидаттардың үгіт жұмысы 24 шілдеде сағат 00.00-ге дейін жүргізіледі.
Жергілікті атқарушы органдар сайлау өтетін ауылдық округтер бойынша әрбір сайлау учаскесі кесінінде сайлаушылардың тізімін а.ж. 5 шілдеде сайлау учаскелеріне сайлау учаскелеріне табыс етті. 10 шілдеден бастап, яғни бұгінгі күннен бастап әрбір сайлаушы сайлау учаскесіне барып, өзін сайлаушылар тізімінен тексеруіне болады. Аталған 40 ауылдық округте 36 мыңнан астам сайлаушы тіркелген.
Ұсынылған 151 кандидаттың 98-і өзін-өзі ұсынған болса, 53-і саяси партиялармен ұсынылғандар.
Осы ретте айта кету керек, өзін-өзі ұсынған екі кандидаттың өз өтініштеріне сәйкес кандидатуралары алынып тасталды.
– Саяси партиялардың үлесі қанша?
– Саяси партиялардың ішінен жоғары белсенділік танытқан «Nur Otan» партиясы. Бұл партиядан 32 кандидат, «Ауыл» партиясынан – 7 кандидат, &nbsp;«Ақ жол» партиясынан – 5 кандидат, «Адал» партиясынан – 4 кандидат, «ҚХП» – 5 кандидат ұсынылды.
Қазіргі таңға ұсынылған 151 кандидаттың 113-нің мемлекеттік қызмет заңнамасымен қойылған біліктілік талаптарға сәйкестігі анықталған болса, 6 үміткердің біліктілік деңгейі заңнамаға сай келмеді. Қалған кандидаттар анықталуда.&nbsp;
Әзірге біліктілік талаптарға сәйкестігі анықталған 113 кандидаттың 67-і (59,3%) тіркелді, оның 41-і саяси партиялар ұсынған кандидаттар.
Аудандар бойынша бөлетін болсақ: Арал – 34, Қазалыда – 3, Қармақшыда – 3, Жалағашта – 4, Сырдарияда – 3, Шиеліде – 5, Жаңақорғанда – 15 кандидат тіркелді.
– Үміткерлердің жас ерекшеліктеріне тоқталсаңыз.
– Ұсынылған кандидаттардың арасында 8 (5,2%) әйел, ең жас кандидат 25 жаста, ең үлкені 62 жаста. Кандидаттардың орташа жасы 41 жасты құрап отыр.&nbsp;&nbsp;
– Оларға қойылатын талап қандай?
– Қазақстан «Республикасындағы жергілікті мемлекеттік басқару және өзін-өзі басқару туралы» ҚР заңының 36-бабына сәйкес, сайлауға 25 жасқа толған ҚР азаматы кандидат ретінде қатыса алады. Сонымен қатар, ауылдық округ әкімінің лауазымы Е-R-1 санатындағы «Б» корпусының мемлекеттік әкімшілік қызметші лауазымына жатқызылуына байланысты мемлекеттік қызмет саласындағы заңнамамен белгіленген біліктілік талаптарға сәйкес келуі шарт. Ауылдық округтің әкімі болуы үшін аталған кандидатта жоғары немесе жоғары оқу орнынан кейінгі білімі мен жұмыс тәжірибесі бойынша қаралған біліктілік талаптардың 9 нұсқасының ең болмағанда біріне сәйкес келуі тиіс.
– Бір мандатқа қанша үміткерден келеді? Қай ауданда бәсекелестік жоғары?
– Орташа 1 мандатқа бәсекелестік 3,8 кандидаттан келеді. Аудандар бойынша ең жоғары бәсекелестік Арал, Қармақшы, Жаңақорған аудандарында байқалады. Ал, ауылдық округтер бойынша ең жоғары бәсекелестік Шиелі ауданындағы Майлытоғай және Жаңақорған ауданындағы Кейден ауылдық округтерінде, бұл округтерде 1 мандатқа 6 кандидаттан түсіп отыр.
– Сұхбатыңызға рақмет.
<a href="https://baq.kz/">BAQ.KZ</a>

Болат Накипов: Ауыл әкімдерін тікелей сайлау халық үшін маңызды

<a href="https://kyzylorda-news.kz/">Kyzylorda-news.kz</a>. Кәсіпкерлердің міндетті әлеуметтік медициналық сақтандыру туралы сұрақтарына «Әлеуметтік медициналық сақтандыру қоры» Қызылорда облысы бойынша филиалының директоры Бақыт Исмаханбетов жауап берді.
– Егер кәсіпкердің табысы болмаса, ол нөлдік кіріс тапсырады. Бұл жағдайда қалай болады?
– Егер жеке кәсіпкер нөлдік декларацияны тапсырса, ол өзі үшін жарналарды төлеуге міндетті, себебі мемлекеттік кіріс органдарында жеке кәсіпкер ретінде тіркеу есебінде тұр.
«МӘМС туралы» Заңның 28-бабының 5-тармағына сәйкес ЖК, ШҚ иелерінің, жеке практикамен айналысатын адамдардың ай сайынғы төлем мөлшері 2021 жылы 2975 теңгені (1,4 ЕТЖ-дан 5%) құрайды.
&nbsp;«МӘМС туралы» Заңның 31-бабына, 1-тармағына сәйкес, жеке кәсіпкерлер мен жұмыс берушілер төлем жасамаған жағдайда төлем жасалған күнді қоса алғанда, әрбір кешіктірілген күн үшін төленбеген соманың 1,25% мөлшерінде айыппұл салынады.
Егер жеке кәсіпкер, оның қызметкерлер 15 жеңілдік санатына жататын болса әлеуметтік медсақтандыру жүйесіне жарналар төлемейді. Олар үшін төлемді мемлекет жүргізеді.
– Мысалы, қызметкер ЖШС-де немесе ЖК-де және бір мезгілде бюджеттік ұйымда еңбек етеді. Онда МӘМС үшін жарналарды табыстың екі көзінен аударуға міндетті ме?
– «МӘМС туралы» Заңның 29-бабы 3-тармағына сәйкес, егер азамат екі жұмыс орнында жұмыс істесе және жиынтық табысы 10 ЕТЖ-дан аспаса (2020 ж. кірістен есептеу 425 000 теңгеден аспайды), онда МӘМС жарнасын екі көзден төлеуге тиіс. Ал, егертабысы 10 ЕТЖ – дан асыпкетсе, ондабіркөзден алу керек. Сонымен, ең төменгі жалақының 10 еселенген мөлшеріне тең келетін табыс сомасынан жарналар төлеген кезде, растайтын құжатпен жекетұлғаның басқа кірістерінен жарналар төлеу талап етілмейді. Мұндайқұжат – жұмыс беруші немесе салық агентінің берілген, есептелген және төленген жарналары туралы анықтама.
Егер жеке кәсіпкер жалдамалы жұмыскер болса, онда 2021 жылғы кезенге жұмыс беруші жарна есептеу объектісінің 2% мөлшерінде аударымдарды төлейді, ал жалақының 2% мөлшерінде жарналар төленеді.
«МӘМС туралы» Заңның 14-бабы 3-тармағына сәйкес, әрекетсіз деп танылғандардан басқа, жеке кәсіпкерлер жарна төлеушілер болып табылады. Осылайша, егер ЖК қызметі тоқтатылса, жарна төлеудің қажеті жоқ.
– ЖК қызметін тоқтатты, енді МӘМС-ке 2975 теңге мөлшерінде ай сайынғы жарналарды төлеудің қажеті жоқ па? Келесі айларда медициналық сақтандыру жүйесінде болу үшін қанша ақша аудару керек?
– «МӘМС туралы» Заңның 28-бабына, 6-тармағына, ҚР Салық заңнамасына сәйкес, салық есептілігін беруді тоқтатқан немесе әрекетсіз деп танылған жеке тұлғалар мен жеке тәжірибе алушылар үшін 2020 жылдан бастап МӘМС жарнасын төлеу бойынша міндеттемесі қалады. Ағымды жылдын ай сайынғы төлем мөлшері 1 ең төменгі жалақының 5% құрайды (2125 теңге).
Сонымен қатар. бірыңғай жиынтық төлем де өзін-өзі жұмыспен қамтығандарға, ресми түрде еш жерде тіркелмеген және ресми табысы жоқ тұлғаларға сақтандырылу мәртебесін береді. 2020 жылы БЖТ көлемі қала тұрғындары үшін 2917 теңгені, ауыл тұрғындары үшін 1458,5 теңгені құрайды.
– Егер жарна төлеу мерзімі өтіп кетсе, сақтандыру пакеті бойынша медициналық көмекке жүгінуге бола ма?
– Егер сіз МӘМС-ке жарна төлей бастаған болсаңыз, бірақ 3 айдан астам үзіліс болса, онда сақтандыру мәртебесінен айырылып қаласыз. Сақтандыру пакеті шеңберінде медициналық қызметтерді алу үшін бұрынғы төленбеген кезеңдер үшін төлемдерді жасау қажет. Бұл жағдайда,сақтандырылудың мәртебесіне қарамастан тегін медициналық көмектің кепілдік берілген көлемі шеңберінде медициналық көмек қолжетімді.
Естеріңізге сала кетейін, карантин кезеңінде медициналық көмек көрсету мәселелері бойынша МӘМС жүйесінде сақтандырылған бола отырып, қандай медициналық қызметтерге, пациенттердің құқықтарын қорғау бойынша сұрақтарымен Әлеуметтік медициналық сақтандыру қорының байланыс орталығына 1406 тегін нөміріне қоңырау шала аласыз.
Сондай-ақ медициналық сақтандыру және пациенттердің құқықтары мәселелері бойынша «Qoldau-24/7» мобильдік қосымшасы халыққа қызмет көрсетеді. Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға беріледі. Содан кейін өтініш берушіге қосымшада оның аккаунтында жауап беріледі.
Әлеуметтік медициналық сақтандыру қорының «Qoldau-24/7» мобильді қосымшасын Android смартфондары үшін &nbsp;Play Market арқылы, Apple смартфондары үшін&nbsp; App Store арқылы жүктеп алуға болады.
– Сұхбатыңызға рақмет!

Егер кәсіпкердің табысы болмаса МӘМС үшін жарна төлеуге міндетті ме?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Әлеуметтік медициналық сақтандыру қоры үнемі «Qoldau – 24/7» мобильді қосымшасы, SaqtandyryBot телеграм-бот және 1406 байланыс орталығы арқылы балаларға медициналық көмек көрсету тәртібі бойынша жүздеген сұрақтар алады. Осы орайда қор жиі қойылатын сұрақтарға жауап берді.
– Балаларға міндетті әлеуметтік медициналық сақтандыру жарналарын төлеуім керек пе?
– Жоқ, 18 жасқа дейінгі балалар жеңілдікті санатқа жатады, олар үшін мемлекет МӘМС үшін аударымдар жасайды. Сондықтан медициналық сақтандыру пакетіндегі медициналық көмек балаларға толық көлемде қолжетімді.
– Балаларға арналған стоматологиялық қызметтер МӘМС пакетіне кіре ме? Қандай қызметтерді тегін алуға болады?
– 18 жасқа дейінгі балаларға стоматологиялық көмек шұғыл және жоспарлы түрде тегін көрсетіледі. Медициналық сақтандырудың стоматологиялық қызметтер пакетіне мыналар кіреді:
– тісті жансыздандыру және жұлу;
– пломба салу;
– абсцесстерді ашу;
– пульпит, периодонтитті емдеу;
– гипоплазия, флюороз кезінде тістің анатомиялық пішінін толық функционалдық қалпына келтіру;
– еріндер мен тілдердің пластикасы;
– рентгенография;
– ортодонтиялық қызметтер: жақ-бет аймағының туа біткен патологиялары және таңдайдың бөлінуі (қасқырдың аузы) болған кезде.
Стоматологиялық көмек алу үшін&nbsp; емханаға да, стоматологиялық клиникаға да жүгіне аласыз. Бұл ретте, стоматологиялық қызмет көрсететін клиника Қордың әлеуетті жеткізушісі болуы тиіс және әлеуетті жеткізушісі тізімінде болуы маңызды.
Стоматологиялық қызметтерді жеткізушілердің тізімін қордың <a href="https://fms.kz/kz/zakupki/postavshchiki-kdu-uslug/.">сайтынан</a> көруге болады.
– Қандай жағдайларда балалар құрғақ сүт қоспаларымен тегін қамтамасыз етіледі?
Бір жасқа дейінгі балалар үшін бейімделгіш құрғақ қоспалар тіркелген жеріндегі емханаларда мынадай жағдайларда беріледі:
– емшектегі нәрестені асырап алу;
-анасында АИТВ инфекциясының немесе туберкулездің белсенді түрінің, жіті психикалық аурулардың, туа біткен және пайда болған жүрек ақауларының, жүрек-қантамыр жүйесінің декомпенсациясымен ілесе жүретін аурулардың, эндокриндік және аллергиялық аурулардың ауыр түрлерінің болуы;
– балада туа біткен лактаза жеткіліксіздігінің, галактоземияның, фенилкетонурияның, “үйеңкі шәрбаты” ауруының болуы»;
– ананың цитостатикалық, радиоактивті, тиреоидты, психотроптық және есірткі дәрілік препараттарды қабылдауы;
– бірнеше баланың дүниеге келуі және емшек сүтінің жетіспеушілігі;
– әйелдің күндізгі оқу нысанында оқуы;
– әйелдің стационарда емделуде болуы.
Ананың жағдайына байланысты оған тек жасанды және аралас тамақтандыру тағайындалуы мүмкін. Дәрі-дәрмекпен қамтамасыз ету тізбесімен толығырақ мына сілтеме бойынша танысуға болады: Денсаулық сақтау министрінің 2020 жылғы 09 қаңтардағы № ҚР ДСМ-1/2020 бұйрығы.
– &nbsp;Созылмалы аурулары бар балаларға қандай оңалту шаралары қарастырылған?
– Созылмалы аурулары бар балалар мен жасөспірімдер жылына екі-үш рет тұрақты медициналық оңалтудан өте алады. Бұл асқынулардың алдын алу үшін емханаларда динамикалық бақылау кезінде жасалады.
Үшінші кезеңді оңалтуды пациенттің ауруына байланысты емхананың медицина қызметкерлерінің жолдамасы бойынша емханаларда, күндізгі және тәулік бойы жұмыс істейтін стационарларда, оңалту орталықтарында және үйдегі стационарларда жүргізеді.
2020 жылы ҚР-да балаларға арналған 58 мың оңалту іс-шаралары жүргізілді, оның жартысынан көбі созылмалы аурулар кезінде өткізілді.
– Спорттық секцияларға жазылмас бұрын ЭКГ, жүрек ультрадыбысын тегін алуға және балаға кардиологтың қорытындысын алуға бола ма?
– Әрине. Ол үшін тіркелген жері бойынша учаскелік дәрігердің/педиатрдың қабылдауына жазылу, консультация кезінде жүгіну себебін көрсету қажет. Дәрігер кардиологқа жолдама береді және ол спортқа қарсы көрсеткіштерді болдырмау үшін қажетті шараларды тағайындайды.
– Қандай жағдайларда балалар дәрігерін үйге шақыруға болады?
– 5 жасқа дейінгі балаларға денсаулық жағдайының кез келген нашарлауы кезінде учаскелік дәрігер үйде қызмет көрсетеді.
5 жастан асқан балаларға үйге шақырған кезде оның шақыру себебіне және баланың жағдайына байланысты алғашқы медициналық – санитариялық көмек маманы-дәрігер, орта медицина қызметкері көмек көрсетеді.
– Жеке клиникаларда жоспарлы егуді тегін алуға бола ма, ол үшін не істеу керек?
– ҚР Үкіметінің 2020 жылғы 24 қыркүйектегі № 612 қаулысына сәйкес, инфекциялық ауруларға (туберкулез, гепатит, полиомиелит, көкжөтел, дифтерия және сіреспе, B типті гемофильді инфекция, пневмококкты инфекция, қызылша, қызамық және паротит (свинка) қарсы жоспарлы профилактикалық екпелер – балаларға меншік нысанына қарамастан, тіркелген жеріндегі медициналық ұйымда тегін жүргізіледі.
Естеріңізге сала кетейік, Қазақстанда вакцинация жүргізу мерзімі жасына сәйкес Ұлттық егу күнтізбесімен белгіленген.
– Балаға туа біткен жүрек аномалиясы диагнозы қойылды, оған қандай көмек қажет?
– Туа біткен жүрек кемістігі бар балаларға медициналық көмек диагностикалау мен емдеудің барлық кезеңдерінде тегін көрсетіледі
– Балабақшаға немесе мектепке ресімдеу кезінде медициналық анықтама сатып алу керек пе?
– Жоқ, сатып алудың қажеті жоқ. Балабақшаға немесе мектепке қабылдау үшін медициналық анықтаманы тіркелген жері бойынша емханадан сұратуға болады. Анықтамаға баланың физиологиялық параметрлері, бар аллергиялық реакциялар, созылмалы және бұрын болған инфекциялық аурулар, алынған екпелер, профилактикалық тексерулердің және зертханалық талдаулардың нәтижелері және т. б. енгізіледі.
Бала балабақшаға түскеннен кейін картаны балабақшаның медицина қызметкері толтыруды жалғастырады.
–&nbsp; Балаларға профилактикалық тексерулерді қаншалықты жиі өткізуі керек?
– Балаларды профилактикалық тексеру жыл сайын – туғаннан бастап кәмелетке толғанға дейін жүргізіледі. Мектепке дейінгі мекемелердің тәрбиеленушілерін, мектеп оқушыларын, орта арнаулы оқу орындарының оқушыларын және 18 жасқа дейінгі студенттерді білім беру ұйымдарындағы көшпелі бригада тексереді. Мектепке дейінгі мекемелерге бармайтын балаларды тексеру емханада немесе отбасылық денсаулық орталығында жүргізіледі.
Профилактикалық қарап-тексерулердің жиілігі мен кезеңділігі Қазақстан Республикасы Министрінің 2020 жылғы 15 желтоқсандағы № ҚР ДМС-264/2020 “Мектепке дейінгі, мектеп жасындағы балаларды, сондай-ақ техникалық және кәсіптік, орта білімнен кейінгі және жоғары білім беру ұйымдарының оқушыларын қоса алғанда, халықтың нысаналы топтарына профилактикалық медициналық қарап-тексерулерді жүргізу қағидаларын, көлемі мен кезеңділігін бекіту туралы” бұйрығымен белгіленген.

МӘМС пакетіндегі балаларға көрсетілетін медициналық көмек туралы не білесіз?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Заманауи адамның негізгі көмекшісі – бұл смартфон, ал қаржылық көмекшісі – заманауи банктік қосымша. Тұтынушылар тарапынан соңғысына қатысты талаптары күннен күнге арта түсуде. Бүгінгі таңда жаңартылған Halyk Homebank қосымшасы технологиялық өнімдерге 24/7 режимінде қол жеткізіп, клиенттердің қажеттіліктерін қанағаттандыруға мүмкіндік беретін негізгі қаржылық көмекшіге айналмақ.
Жаңартылған Halyk Homebank қосымшасы клиенттерге қандай тұрғыда пайдалы болатыны және бәсекелестерден қандай айырмашылығы бар екіндігі жөнінде Halyk Bank басқарма төрағасының орынбасары Жұмабек Мамутовтолығырақ әнгімелейді.
Жұмабек Жарылқасынұлы, Halyk Homebank қосымшасы– көптеген клиенттерге танымал Homebank қосымшасының жаңартылған нұсқасы. Halyk Homebank-тің негізгі артықшылықтары жөнінде айтып берсеңіз?
– Тыңғылықты әрі тоқтаусыз жұмысымыздың нәтижесінде біз Homebank-нің негізгі идеясы – «Әрдайым жаныңда болатын Банк» ұстанымы толықтай сақталған жаңартылған Halyk Homebank қосымшасын іске қостық. Қосымшада Банктің тиімді өнімдері және клиенттеріміздің банк қызметіне қатысты және өзге қажеттіліктерімен байланысты күнделікті мәселелерін шешуге көмек беретін жылдам қызметтер ұсынылған. Бұл да бар мүмкіндіктердің шегі емес. Күн сайын біз қосымшаның қызметін кеңейтіп, жаңа шешімдер енгіземіз. Мен қосымшаның біздің қазіргі және болашақтағы клиенттеріміз үшін сенімді көмекші болатынына сенімдімін. Командамызбен бірге жұмыстың нәтижесін мақтан тұтамыз, өйткені соңғы жарты жылдың ішінде, қазан айынан бастап Halyk Homebank қосымшасының бірегей белсенді пайдаланушыларының саны 3,5 миллион клиентке дейін өсті!&nbsp; Бұл өткен жылдың сәйкес кезеңімен салыстырғанда 3 есе жоғары. Айтарлықтай көрсеткіш, келісесіз бе! Сонымен қатар, біздің мобильді қосымшаның танымалдығы қосымшаны жүктеу санымен де расталады. SimilarWeb ақпан айындағы деректері бойынша Halyk Homebank қосымшасы ҚР қаржы саласындағы мобильді қосымшалар арасында Google Play Store-да жүктеу бойынша №1 болды. Қызметтерді үнемі жақсартуға бағытталған жұмысымыз Банк клиенттерінің назарынан тыс қалмағанына өте қуаныштымыз.
Қосымшада клиенттер үшін көптеген пайдалы қызметтер бар, олардың арасындағы ең өзекті және тиімдісін атап өтсеңіз?
-Біздің сервистерімізді дамыта отырып, ең алдымен ыңғайлылыққа, қарапайымдылыққа және ең бастысы клиенттеріміз үшін тиімді болуына сүйенеміз. Бұл нені білдіреді?Клиенттің қосымшаны қолдануын талқылап көрейік. Мысалы, сіз Halyk Homebank қосымшасын пайдалануды ұйғардыңыз делік. Сіз қосымшаны жүктеп, онлайн тіркеуден өтіп, содан кейін бірден welcome бонусын аласыз, оны бірден жұмсауға болады, мысалы, ұялы байланыс үшін төлеуге болады. Біздің қосымшада 5&nbsp;000-нан астам төлем түрі бар, сондықтан клиенттер өздеріне қажетті төлемдерін жүргізе алатынына сенімдімін. Алғашқы бонус Halyk Homebank қосымшасының барлық жаңа қолданушыларына дұрыс таңдауы үшін біздің ризашылығымыз ретінде есептелетінін атап айтқым келеді.
Тіркелгеннен кейін қосымшада қандай қызметтер қолжетімді? Бір минут ішінде цифрлық картаны онлайн ашып, барлық банктік операцияларды жүргізуге болады. Цифрлық карта қосымшада төлем жүргізіп қана қоймай, телефон нөмірі немесе QR арқылы аударымдар қабылдауға немесе жіберуге, жалақы алуға, банкоматтан картасыз қолма-қол ақша алуға мүмкіндік береді. Сонымен қатар цифрлық картаны Apple Pay, Samsung Pay және Homebank Pay сияқты танымал сервистерге байланыстырып, сатып алуларға смартфон арқылы төлем жасауға және бонустар алуға болады. Жалпы, біз смартфонның көмегімен барлық күнделікті мәселелерді пластикалық картасыз шешуге мүмкіндік беретін қызметтер жиынтығын жасадық. Егер клиентке пластикалық карта қажет болса, оны клиенттің үйіне тегін жеткізу қарастырылған, немесе картаны Банктің кез келген бөлімшесінде 5 минут ішінде шығарып алуға болады.
Цифрлық картаға ие бола отырып, клиент онлайн кредит ала алатынын жеке атап өткім келеді.Бұл әрдайым сұранысқа ие болатын негізгі банктік өнім. Әрине, бүгінгі таңда онлайн кредитпен ешкімді таң қалдыра алмайсың, бірақ оның тиімді шарттарымен қызықтыруға болады. Осылайша, біздің қосымша арқылы онлайн кредит ресімдеу кезінде клиенттерге 50% мөлшеріндегі жеңілдік беріледі. Өнімнің осы түрінің танымалдығын көріп отырмыз. Қазіргі уақытта кредиттердің 50%-нан астамы онлайн ресімделеді және осы сандар біздің шарттардың тиімділігін және қызметтің ыңғайлығын растайды.
Тиімді өнімдерді сипаттай отырып, біздің жаңа өнім – онлайн қайта қаржыландыру қызметі жөнінде де айтқым келеді. Аталған қызметтің көмегімен клиент өз төлемдерін 5 минут ішінде төмендете алады. Өнім өте өзекті және жоғары сұранысқа ие. Азырақ төлеу әрдайым тиімдірек, сондықтан әр клиент өзінің борыштық жүктемесін төмендетуді қалайтыны сөзсіз. Біз осыны жүзеге асырдық! Әр клиент біздің қосымшаны жүктеп алып, өз төлемін қаншалықты төмендете алатынын тексере алады. Қайта қаржыландыру қызметін онлайн, қосымшада тіркелгеннен кейін 5 минут ішінде қолдануға болады.
Мен өзім көптеген қызметтерді пайдаланатынымды және Halyk Bank тек шығындар туралы ғана емес, табыс туралы екенін атап өткім келеді. Мысалы, Halyk Homebank қосымшасында менің барлық транзакцияларым үшін жиналған бонустар мені таң қалдырды, сіздердің бонустық бағдарламаңыз туралы айтып беруіңізді сұраймын.
– Әрине, қуана жауап беремін. Осыған дейін айтып өткенімдей, біз барлық жаңа клиенттерімізді бастапқы бонустармен қарсы аламыз. Біздің Halyk Club ниеттестік бағдарламасын жеке атап өткім келеді. Бұл клиенттерімізге арналған артықшылықтар клубы, ол арқылы Halyk Homebank қосымшасында және Банктің POS терминалдарында төлем жасағаны үшін 1% кепілді бонус, сонымен қатар 22&nbsp;000 астам дүкенді құрайтын Halyk Clubсеріктестер желісінде 25% дейін жоғары бонус алуға болады. Біздің барлық серіктестерді Halyk Club жасыл түсті стикерлер көмегімен немесе қосымшадағы Halyk Club бөлімінде анықтай аласыз. Ыңғайлы болу үшін серіктестер санаттарға бөлінген. Клиенттеріміз жинаған бонустарын коммуналдық төлемдерге, мобильді байланысқа, көптеген өзге төлемдерге, сондай-ақ Halyk Club серіктестер желісінде жұмсай алады. Осыған қоса, клиенттер Halyk Lightбөліп төлеу картасымен тауарды 4 айға бөліп төлеумен сатып алып, Halyk Club серіктестер желісінде комиссиясыз және артық төлемсіз төлем жасайды.
Сіз клиенттерге арналған жаңа мүмкіндіктер туралы қызықтырып айтып бердіңіз, ал қазіргі уақытта Halyk Bank қандай ыңғайлы қызметтерді іске қосты?
– Сұрағыңызға рахмет, бұл сұхбат клиенттерімізге барлық қосымша қызметтеріміз туралы егжей-тегжейлі айтып беруге жақсы мүмкіндік. Бүгінгі таңда біз алыс сапарға аттануды ұнататын саяхатшыларымызға арналған қызметтерді – Halyk Travel және Halyk Tour іске қостық.
Halyk Travel – әуе билеттерін сатып алу қызметі. Қызметті іске қосу аясында «әуе билеттеріне 25% жеңілдік» акциясын жарияладық және қазіргі кезде біздің Halyk Travel &nbsp;қызметі арқылы әуе билеттерін сатып алуға деген жоғары сұранысты көріп отырмыз. Әуе жолдарымен сапарға шығуды барлығы жақсы көреді, ал әуе билеттерін тиімді сатып алу әлдекайда жағымдырақ.
Біз әзірлеген екінші қызмет – саяхат турларын сатып алуға арналған Halyk Tour қызметі. Аталған өнім де үлкен сұранысқа ие болды. Клиенттеріміз саяхат бағыттарын таңдауды және жоспарлауды ұнатады, бұл ретте біз «мерзімі жақындаған тиімді тур», «үздік тур», «өзіңе арналған саяхатты» таңдауға қосымша мүмкіндік береміз. Қажетті саяхат таңдалған болса, клиент 5 минут ішінде төлем жасап, сапарға жинала бастауға мүмкіндік алады. Ұсыныстар клиенттер үшін қызықты және тиімді болуы үшін барымызды салдық. Осылайша, клиент саяхатты Halyk Tourарқылы сатып алғанда жұмсаған сомадан 5% бонус алады, ал Halyk Homebank қосымшасындағы Booking.com қызметі арқылы қонақүй брондаған болса қосымша + 7% бонусқа ие болады.
Осыған қоса, біздің қосымшада клиенттер көлігіне АЖМС (ОГПО) сақтандыруды онлайн ресімдей алады. Қосымшада&nbsp; өмірді, жұмысты, жылжымайтын мүліктісақтандыру, COVID-19 індетіне шалдыққанда қаржылық қорғауды қоса алғанда, сақтандыру өнімдерінің өзге де түрлері қолжетімді.
Ыңғайлы қызметтермен қатар, біз клиенттерді акцияларымызбен қуантамыз. Өткен жылы өткізілген, Halyk Homebank &nbsp;мобильді қосымшасы арқылы телефон нөмірі арқылы аударымдар мен төлемдер жасағаны үшін апта сайын iPhone12 ұтыс ойыны сияқты акцияларымыз клиенттердің қызығушылығына ие болды. Әлеуметтік желілердегі көптеген өтініштер бойынша біз осындай акцияларды бұдан әрі жалғастыруды ұйғардық. Апта сайын 29 тамызға дейін клиенттеріміз Halyk Homebank қосымшасында телефон нөмірі арқылы аударымдар мен төлемдер жүргізе отырып, iPhone12 ұтып алу мүмкіндігін алады. Телефон нөмірі бойынша аударымдар мен төлемдер неғұрлым көп болса, iPhone 12 ұтып алу мүмкіндігі соғұрлым арта түседі.
Ұтыс ойындары туралы тақырыпты жалғастыра отырып, біздің жаңа шарамыз 100-ге100%- туралы айта кетейін. Әр аптада біз мобильді қосымша арқылы коммуналдық төлем жасаған 100 клиентті таңдап, төлем сомасының 100%-н бонус түрінде қайтарамыз, осы арқылы коммуналдық төлем тегін болмақ. Halyk Bank коммуналдық төлемдерді тиімді етеді. Біз клиенттерімізге түрлі акциялар ұсынуға дайынбыз, қосымшаны пайдалана отырып, клиенттер әдеттегі онлайн қызметтерден көптеген мүмкіндіктерге қол жеткізеді.
Сөзімді қорытындылай келе, біздің қазіргі және жаңа клиенттерімізге Halyk Homebank қосымшасын пайдалану ыңғайлы әрі тиімді екендігін айтқым келеді. Біз, өз кезегімізде онлайн қызметтер мен қызмет көрсету сапасын жетілдіруді жалғастырамыз.

Halyk Homebank сабақтастықты сақтай отырып, жақсартылған функционал енгізді

<a href="https://kyzylorda-news.kz/">Kyzylorda-news.kz</a>.&nbsp; «Qazaqstan» және «Qazsport» телеарналары Головкин-Шеремета жекпе-жегін тікелей эфирде көрсетеді, деп хабарлайды <a href="https://lenta.inform.kz/kz/qazaqstan-ulttyk-arnasy-golovkin-sheremeta-zhekpe-zhegin-korsetedi_a3729215">ҚазАқпарат</a>.
Кәсіпқой бокстан орта салмақтағы IBF және IBO тұжырымдары бойынша әлем чемпионы Геннадий Головкин (40-1-1, 35 КО) АҚШ-тың Флорида штатындағы Холливуд қаласында поляк боксшысы Камил Шереметамен (21-0, 5 KO) жекпе-жек өткізеді.
38 жастағы жерлесіміз шаршы алаңға соңғы рет 2019 жылдың қазан айында украиналық Сергей Деревянченкоға қарсы шыққан еді. 31 жастағы Шереметамен өтетін жекпе-жекте Головкин IBF тұжырымы бойынша әлем чемпионы атағын қорғайды.
Бокс кеші аясында қазақстандық кәсіпқой боксшы, екінші орта салмақтағы WBC International Silver чемпиондық белбеуінің иегері Әли Ахмедов (16-0, 12 КО) кезекті жекпе-жегін өткізеді.
Әли Ахмедов 18 кездесудің барлығында жеңіске жетіп, 13 қарсыласын нокаутпен ұтқан 31 жастағы эквадорлық Карлос Гонгорамен жұдырықтасады.
«Qazaqstan» және «Qazsport» телеарналары бокс кешін 19 желтоқсанда тікелей эфирде көрсетеді. Трансляция Нұр-Сұлтан уақытымен таңғы 4-те басталады.

Головкин-Шеремета жекпе-жегін «Qazaqstan» ұлттық арнасы көрсетеді

<a href="https://kyzylorda-news.kz/date/2020/11/04/">Kyzylorda-news.kz.</a> Қаржы институты – «Қызылорда» Өңірлік инвестициялық орталығы арқылы беріліп жатқан жеңілдетілген несиелер туралы сауалдарға Орталық менеджері Асхат Темірбаев жауап берді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Жалпы «Қызылорда» Өңірлік инвестициялық орталығы құрылғанына 5-6 жыл уақыт болса да халық арасында кең танылған қаржы ұйымдарының бірі. Әсіресе кәсіппен айналысуға ниетті азаматтардың құжаттарын әзірлеуде, кепіл мүлкін бағалауда тиімді жолдарды ұсынып отырған мекеме. Бүгінгі таңда орталықпен қандай несилер берілуде?
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Биылғы жылы «Қызылорда» Өңірлік инвестициялық орталығы арқылы «Еңбек» және «Бизнестің жол картасы» мемлекеттік бағдарламалары аясында жеңілдетілген несиелер берілді. «Еңбек» бағдарламасы арқылы біз «Аграрлы несие корпорациясы» АҚ-ның қаржысын кәсіпкерлерге несие ретінде бердік. Әлі де несие беру жалғасуда. Несие алушыға қойылатын талап: несие 5 жылға беріледі. Максимальды қаржы. 20 млн.теңге, 17,5 пайызбен. Егер кәсіпкер инвестициялық мақсатқа алса бастапқы 3 жылға, ал айналым қаражатына берілетін шағын несиенің бастапқы 2 жылға пайыздық мөлшерлемесін мемлекет тарапынан 11,5 %-ға субсидиялау қарастырылған. Яғни инвестициялық мақсатқа берілген несиелердің бастапқы үш жылында, ал&nbsp; айналым қаражатына берілетін несиенің&nbsp; бастапқы екі жылында кәсіпкер пайыздық мөлшерлемені 6 %-бен төлесе, мемлекет тарапынан 11,5 %-ы субсидияланады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; –&nbsp; Осы Сіз айтып отырған бағдарламаларға қатысушыларға қандай талап қойылады? Арнайы сертификаттар қажет пе?
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – «Еңбек» бағдарламасы бойынша несие алғысы келетін азаматтарға қойылатын талаптар: Кәсіпкерлік палатасы арқылы «Бастау» жобасын оқығандығы жөнінде сертификаты мен жұмыссыз екендігін дәлелдейтін анықтамасы қажет. Ал жұмыс жасап тұрған азаматтар үшін «Бизнес-мектеп» оқыту курсынан алған сертификаты жарайды. Онан өзге кепіл мүлік талап етіледі. Кепіл мүлкі жетпеген жағдайда «ҚазАгроГарант» мекемесі арқылы кепілдендіруге болады.&nbsp; Ал «Бизнестің жол картасы» бағдарламасы арқылы «Даму» Қорынан бөлініп отырған қаражатты алу үшін кәсіпкерлік курстарынан өткендігін дәлелдейтін сертификаттар, жолдама талап етілмейді. Ондай шектеу жоқ. Несие алуға ниетті азамат 18 жастан асса болды. Жасына да қойылатын шектеу жоқ, яғни зейнет жасындағы кәсіпкерлерге де беріледі. Құжаттарға қатысты қойылатын талаптар: төлқұжаты болуы керек, несие тарихы таза болуы қажет, сондай-ақ кепіл мүлік керек. Кәсіпкердің кепіл мүлкі жетпеген жағдайда «Даму» Қоры арқылы 85 пайызға дейін кепілдендіре алады. &nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Осы жылы Орталық арқылы қанша жоба қаржыландырылды?
– Биыл Орталықпен жалпы құны 616 млн.теңгені құрайтын 170 жоба қаржыландырылды. Жаңадан 185 жұмыс орны ашылды. «Еңбек» бойынша жалпы құны 450 млн.теңгені құрайтын 149 жоба қаржыландырылды. Бағдарламаның биылғы жылға арналған қаржысын толық игеріп болдық. Қазір «Бизнестің жол картасы» бағдарламасы аясындағы «Даму» Қорының қаржысын игерудеміз. 1 млрд.теңгенің көлемінде қаржы бөлінді. Бүгінгі күнге дейін жалпы құны 113 млн.теңгені құрайтын 7 жобаны қаржыландырдық. Несие алуға ниетті азаматтар үшін біздің мекен-жайымыз: Қызылорда қаласы, Қорқыт ата көшесі, 123, 3-қабат, 306, 308-бөлмелер. Ауылдық елді мекендердің кәсіпкерлері облыс орталығына келіп уақыт жоғалтпай-ақ әр ауданда орналасқан Кәсіпкерлер палатасы филиалдарының мамандарына жүгіне алады.
<img src="https://kyzylorda-news.kz/wp-content/uploads/2020/11/ashat-ric.jpeg" alt="" />

«Қызылорда» өңірлік инвестициялық орталығы арқылы кәсіпкерлерге несие берілуде

«Сақтандырылмаған» азаматтар үшін жеңілдік мерзімі 1 шілдеде аяқталды

<a href="https://kyzylorda-news.kz/">Kyzylorda-news.kz.</a> Әне-міне дегенше, көктемнің алғашқы аптасы өтіп, нәзік жандардың мерекесі де келіп жетті. Жер-жаһанды жылуға бөлейтін бұл шақта әйел затының да ерекше әсерде болатыны белгілі. Бұл күні әр әйел өзінің нәзік болмыс иесі екенін сезініп, қуанышқа бөленеді. Ал қалған уақытта, қай заманда болмасын ерлермен бірге иық тіресе ел үшін, отбасы қамы үшін қызмет етіп келеді. Міне, «Әйел бір қолмен бесік тербетсе, бір қолымен әлемді тербетеді» деген осыдан қалса керек.
Бүгінде Сыр өңірінде аймақтың дамуына сүбелі үлес қосып, сол мезетте отбасына да мейірім шуағын төгіп жүрген қыз-келіншектер жетерлік. Мереке қарсаңында&nbsp;<a href="https://kyzylorda-news.kz/">Kyzylorda-news.kz</a>&nbsp;ақпарат агенттігінің тілшілері Қызылорда облысындағы түрлі салада қызмет етіп жүрген нәзік жандар арасында сауалнама жүргізген болатын.
1.&nbsp;«Әйел бақыты» дегенді қалай түсінесіз?
2.&nbsp;Сіздің осы саланы таңдауыңызға не себеп болды? Қызмет ете жүріп, қандай мәселенің шешілуіне ықпал еттіңіз?
3. Өміріңізде алған естен кетпейтін сыйлығыңыз?
<img src="https://kyzylorda-news.kz/wp-content/uploads/2020/03/zhwmasheva.jpg" alt="" />
Қызылорда облыстық ана мен бала орталығының бас дәрігері Гүлнар Жұмашева:
1. Сүйікті жар, ана, отбасының ұйытқысы болу – нағыз әйел бақыты. Әйелдің бақыты көп нәрсемен өлшенбейді. Біздердің бақытты болуымызға көп күш жұмсаудың қажеті жоқ. Балаларыміз аман болып, отбасымыздың берекесі артып отырса, міне бақыт осыдан бастау алады. Сүйікті бола отырып, сүйкімділігімізді арттырып, жан-жағымызға мейірімімізді таратсақ, әлем де бізбен бірге бақытты болады.
2. Дәрігер болуды 4 сыныптан бастап армандадым. Бар жан-тәніммен осы салада жұмыс істеуді қаладым. Бәлкім мен өзімнің қолымнан келетініне сенген болармын. Алғашқыда Актобе қаласындағы балалар ауруханасында тазалықшы болып жұмыс істедім. Онан кейін ауылда жұмыс істеп, кейін институтқа түстім. Өзім қалаған мамандық бойынша білім алып, қазіргі таңда абыройлы қызмет атқарып келемін. Бүгінде осы салада жүргеніме 32 жыл болыпты.
Жұмыс жасай отырып Қызылорда қалалық перзентхана ғимаратының күрделі жөндеу жұмыстарына атсалысып, ана мен бала орталығында түрлі қазіргі заман талабына сай аппараттармен жабдықталуына, сондай-ақ аймақта күрделі оталардың жасалуына ықпал еттім. Сонымен қатар ана мен бала өлімінің азаюына жұмыс жасалды. Бұл тек менің ғана емес ұжымның да абыройлы қызметі деп білемін.
3. Естен кетпес сыйлық дегенде, ең алдымен еске түсетін қызықты оқиға ойыма оралады. Бірде ауданнан облыс орталығына бір үлкен әже келінін ертіп келді. Немеремнің кіндік шешесі бол деп маған ұсыныс жасады. Мен үлкеннің ұсынысын қабыл алып, әйелді босандырып, жас ананы шығарып салдық. Күндердің күнінде мен кіндігін кескен бала ержетіп, маған арнайы келіп, өлең оқып, гүл шоқтарын ұсынды. Бұл бір естен кетпейтін сый, әрі қызықты оқиға болды. Бұл менің еңбегімнің бағаланғаны деп білемін.
<img src="https://kyzylorda-news.kz/wp-content/uploads/2020/03/shongalova.jpg" alt="" />
Қызылорда облыстық спорт басқармасының баспасөз хатшысы Лаура Шоңғалова:
1. «Әйел бақыты» деген ұғымды əркім əрқалай түсінеді. Кейбіреулер үшін бұл отбасы болса, ал екінші біреулер үшін бұл карьера. Менің ойымша, əйел бақыты әйелдерге сүйікті, табысты, қалаған, әдемі, сөзбен айтқанда бақытты сезінуге мүмкіндік беретін іс-əрекеттер. Мысалы, махаббат пен үйлесімділікте өмір сүру, ішкі жанның тыныштығы, басқаларға қуаныш сыйлау, өз идеяңды жүзеге асыру, барыңды бағалау, барға қанағат ету, тағы сол сияқты.
Әйел бақыты жолындағы тағы бір қадам – ішкі және сыртқы жан дүниесінің бір-біріне үйлесімде болуы. Əйел сол кезде бақытты сезіне алады. Əрине, оның ішкі əлемі сұлу болса, сыртқы əлеміне шуағын шашып, мейірімін бере алады. Əйел бақытты болса, барша әлем бақытты.
Өмірде кез-келген адам қиындықтарға кезігеді, бірақ олар сізге кедергі болмауы керек. Мақсатыңа жету үшін өзіңдегі күшті табу керек, сол кезде сіз бақытты әйел болудың жолын түсінесіз. Ақын Мұқағали Мақатаев өлең жолдарында «Әйел деген әдемі ғой, әдемі, Әдемілік бізге көптік етпейді…», дегендей, əрбір əйел адам əдемі, бақытты болуға лайықты!
2. Қызылорда облысының дене шынықтыру жəне спорт басқармасында баспасөз-хатшысы қызметін атқарамын деген ой болмады. Бірақ, өкінбеймін.
Осы қызметте жүріп, алғашқы рет жарыстарға барғанда қызыға бастадым. Яғни, сен өзің ұйымдастырушысың, өзің ақпараттандырасың, басшылықпен жұмыс жасай аласың. Жарыстар кезіндегі атмосфера, спортшылардың барын салып, жеңіске деген ынтасы, жігері жанкүйерлердің қолдауы, барлығы маған қатты əсер етті. Содан кейін Сыр спортшыларының жетістері жайында спорт тақырыбын жазамын деп шештім, осы сала туралы жақсы пікір қалыптасты. Қазіргі таңда мен үшін керемет мектеп болды десем артық айтқандық емес.
Спорт маған көп нəрсені үйретті, шыңдады, саралады, тəжірибе жинадым. Əрине, баспасөз-хатшысы қызметінде жүріп, өзімнің жұмысыма байланысты көптеген мəселелердің шешілуіне ықпал еттім.
3. Кез-келген адам өз жақынын қуанту үшін сыйлық сыйлайды. Әсіресе туған күн, əртүрлі мерекелер кезіндегі сыйлық адамның естен кетпейтін естелігіндей болып қалады. Бірақ мен үшін өмірде естен кетпейтін сыйлық – ол анамның қуанышы, отбасымның амандығы, елімнің тыныштығы.
Сауалнама жүргізген Динара МАХАНОВА

Қай салада еңбек етсе де – олар ару ардақты

<a href="https://kyzylorda-news.kz/">Kyzylorda-news.kz.</a> Шұғылалы көктемнің алғашқы мерекесі 8 наурыз – Халықаралық әйелдер күні. Бұл – барлық көркемдіктің иесі әйел-аналардың жарқын мерекесі. Қазіргі таңда әйелдер қауымы тек отбасының ұйытқысы, шаңырағының тыныштығын сақтаған жан ғана емес, сонымен қатар қоғамның барлық саласында ер азаматтармен қатар еңбек етіп жүрген қоғамның үлкен қозғаушы күші. Яғни, нәзік жандар мемлекеттік қызметте, бизнесте, денсаулық сақтау мен білім беру жүйесінде, әскери, құқық қорғау саласында да жемісті еңбек етіп жүр.
Бүгінде Сыр өңірінде аймақтың дамуына сүбелі үлес қосып, сол мезетте отбасына да мейірім шуағын төгіп жүрген қыз-келіншектер жетерлік. Мереке қарсаңында <a href="https://kyzylorda-news.kz/">Kyzylorda-news.kz</a> ақпарат агенттігінің тілшілері Қызылорда облысындағы түрлі салада қызмет етіп жүрген нәзік жандар арасында сауалнама жүргізген болатын.
1.&nbsp;«Әйел бақыты» дегенді қалай түсінесіз?
2.&nbsp;Сіздің осы саланы таңдауыңызға не себеп болды? Қызмет ете жүріп, қандай мәселенің шешілуіне ықпал еттіңіз?
3. Өміріңізде алған естен кетпейтін сыйлығыңыз?
<img src="https://kyzylorda-news.kz/wp-content/uploads/2020/03/mira-abwova.jpg" alt="" />
Қызылорда облысының мәдениет, архивтер және құжаттама басқармасының басшысы Мира Абуова:
1. Әйел адамның бақыты – отбасы. Әйел заты балалары мен жақындарының ортасында өзін жан-жақты сүйеуі бар мықты сезініп, олардың күлкісімен шабыттанып, олар тамақтанса өзі тойып жүретін жан. Сондықтан да, әрбір әйелдің бақыты еселене түссін деп тілеймін.
2. Мәдениет саласы қызығы мен қиындығы қатар жүретін, адамзат баласының сыртқы болмысымен қатар оның түйсігі мен санасын тәрбиелейтін сала. Өнер деген құдіретті күш иелерімен, тылсым мен тағылымға толы тарихты зерттеп, оқып, танытып жүрген тынбас еңбекқор қауыммен бірге жұмыс істеу – мен үшін үлкен мәртебе.
Өңіріміздің мәдениеті мен өнерінің жоғарғы деңгейге көтеріліп, жаңашылдықтар енгізіліп және халықтың мәдени-рухани демалуына көп жағдай жасалғандығы туралы өнер сүйер қауымнан оң пікірлер мен алғыстар алып жүрміз. Осының өзі облыс басшылығының, менің және сала мамандары мен өнер иелерінің облысымыздың мәдениет, өнер және архив саласының дамуына қосқан үлесі деп білемін.
3. Мен үшін ең қымбат, ең ыстық, есімнен кетпейтін сыйлық – үлкен немеремнің 5 жасында 8 наурыз мерекесіне арнап өз қолымен жасап берген құттықтау ашық хаты мен «Әже, мен Сізді жақсы көремін» деген сөзі.
<img src="https://kyzylorda-news.kz/wp-content/uploads/2020/03/kwlan-kalymbetova.jpg" alt="" />
Қазақстанның еңбек сіңірген әртісі, Қызылорда облыстық филармониясының әншісі Күлән Қалымбетова:
1. Әйел бақыты ұғымын әркім шама-шарқынша шамалайды. Мен үшін отбасымның амандығынан асқан бақыт жоқ. Денсаулығым жақсы болса, елге қызмет етіп, абыройлы өмір сүрсем мен үшін бақыт сол.&nbsp;
2. Бала күнімнен арманым да мақсатым да өнер болды. Роза Бағланова, Бибігүл Төлегеноваларды тыңдап өстім. Солар секілді өнердің биік белесіне шықсам деп армандадым. Мамандық таңдарда да өнер саласын таңдап, оқуға түстім. Облыстық филармонияның шақыртуымен&nbsp; осында жұмыс істеп жатқан жайым бар. Енді бұл салада жүріп айтарлықтай мәселенің шешілуіне ықпалым болды дей алмаймын. Дегенмен Асқар Тоқмағамбетов атындағы мәдениет үйін облыстық филармониядан алып қойған жылдары билік басындағы азаматтардың алдына бірнеше рет бардым. «Жалғыздың үні, жаяудың шаңы шықпас» деп бір өзімнің қолымнан не келеді? Ол мәселе түбегейлі шешілген жоқ.
3. Шымкент қаласында 1992 жылы тұңғыш рет Шәмші Қалдаяқов атындағы үлкен конкурс өтті. Сол байқауға қатысып, лауреат атандым. Одан кейін 1998 жылы Елбасының қолынан Қазақстанның еңбек сіңірген әртісі атағын алдым. Өмірімдегі естен кетпейтін алғашқы сыйым осы.
<img src="https://kyzylorda-news.kz/wp-content/uploads/2020/03/asem-mahanova.jpg" alt="" />
Жас кәсіпкер, «Қабілет» оқу-орталығының жетекшісі Әсем Маханова:
1. Әйел бақыты дегеніміз – ол ата-анаңның амандығы, балаларыңның шат күлкісі, жарыңның сүйіспеншілікпен қолдауы. Әйел бақыты – қосағыңмен қоса ағарып, ана деген аяулы сезімді өне бойыңнан сезіну. Заман ағымымен өзіңді жеке тұлға ретінде қалыптастыра отырып, сүйікті ісіңмен шұғылдану.
2. Менің мамандығым экономист, ол салада біраз жыл еңбек еткенмін. Қазіргі таңда жеке кәсіпкер ретінде оқушыларымыздың білімі мен біліктілігін арттыру мақсатында оқу орталығымыз жұмыс істеп жатыр.&nbsp; «Білім – өмір шырағы» деген керемет мәтел бар, баланың болашағы жарқын болуы үшін біліміне назар аудару ата-анасының міндеті. Сондықтан мен бұл саланы балаларым үшін таңдадым. Ата -аналар жұмыстан шаршап келгенде, баласымен үй тапсырмасын орындаудың орнына, бос уақытын көңілді демалыспен өткізсін деген мақсатта «Қабілет» оқу орталығы өз жұмысын атқаруда.&nbsp; Балалардың қабілетін арттыру арқылы көптеген жетістіктерге қол жеткізіп, халықтың алғысына бөленіп жүрміз. Әрбір алғыс пен жақсы пікірлер мені жігерлендіріп, орталығымызды дамытуға үлкен септігін тигізеді.
3. Сыйлық ол – ілтипат. Бір адамның екінші адамға деген шынайы ықылас көпірі. Сыйлық алу əркімнің-ақ ұнататын ісі. Өйткені сыйлық алғанда, адамның жаны жадырап, көңілі көтеріліп, іштей бір марқайып қалады. Шын жүректен берілген әрбір сыйлық мен үшін өте маңызды.
Бұған дейін, мерекеге орай ұйымдастырылған <a href="https://kyzylorda-news.kz/kogam/zhany-naezik-bolghanymen-engbegi-erlermen-teng-48241/">сауалнаманың</a> алғашқы легін оқырман назарына ұсынған болатынбыз.
Жалғасы бар…
Сауалнама жүргізген Фариза ОМАРОВА

Қазақстан және Қызылорда облысының жаңалықтары: Сұхбат