Kyzylorda-news.kz. Бүгін облыс әкімінің орынбасары Қайрат Нұртай “Қайсар” футбол клубының ойыншыларымен дидарласып, Сыр жанкүйерлерінің аманатын жеткізді.
<blockquote>
 Тарихы “Волнадан” басталатын “Қайсардың” балғын балаларға үлгі боларлықтай жетістіктері жетерлік. Биыл команда жаңа мақсаттарды орындап, Сыр жанкүйерлерін қуантуы керек. Біріншіліктегі бәсекелестікке төтеп беріп, премьер-лигаға қайта оралуымыз тиіс. Ел кубогы қарсаңында “Оқжетпеске” қарсы өткен алғашқы матчқа шолу жасасақ, ойын мәнері жаман емес. Сондықтан биыл жанкүйерлермен бірге футболшылардан сапалы ойын мен жеңісті матчтар күтеміз, – деді Қайрат Ырзақұлұлы.
</blockquote>
Кездесу барысында команданың капитаны Мақсат Байжанов “Қайсардың” маусымға қаншалықты дайын екенін жеткізді.
<blockquote>
 Биыл жаңа маусымға жан-жақты дайындалдық. 3 оқу-жаттығу жиынын өткіздік. Оның екеуі Қызылордада өтсе, соңғысын Түркияда жүргіздік. Жақсы футболшылар қатарымызға қосылды. Жігіттермен бірге жоғары мақсаттарға жетуге жұмыс жасаймыз.​ Алдағы ойындарда жеңіске жетіп, аймақ басшысы бастаған жанкүйерлерімізді қуантуға әзірміз, – деді команда капитаны.
</blockquote>
Айта кетейік, дала қасқырлары 12-сәуірде OlimpBet Қазақстан кубогының ІІ кезеңі аясында Ғ.Мұратбаев атындағы орталық стадионда “Жас Сұңқар” командасын қабылдайды. Матчты тамашалау жанкүйерлер үшін тегін болмақ.

Қайрат Нұртай: &#8220;Қайсар&#8221; командасынан сапалы ойын күтеміз

<a href="https://kyzylorda-news.kz/">Kyzylorda-news.kz.</a> Шиелі ауданының «Құрметті азаматы» Әбдіманап Шорабаевты еске алуға арналған бокстан жасөспірімдер арасында VIII Республикалық турнир өтіп жатыр.
Турнирге Шиелі ауданының «Құрметті азаматы» П.Архабаев, аудандық ардагерлер кеңесінің төрағасы Ө.Исмаил, қоғамдық кеңестің төрағасы Қ.Бекішев, зиялы қауым өкілдері, жас спортшылар мен БАҚ өкілдері қатысты. 
Турнир барысында аудандық мәслихат хатшысы сөз сөйлеп, турнирге қатысушы жас спортшыларға жеңіс тұғырынан көрініп, еліміздің көк байрағын әлемге танытып жүрулеріне тілектестігін білдірді.
<blockquote>
 «Бүгін жыл сайынғы дәстүрге айналған, ауданымызда кәсіпкерлік саласын дамытуда өз үлесін қосып, имандылық үйлері саналатын мешіттер салдырып, мұсылмандықтың бес парызының бірі қажылыққа баратын қаншама азаматтарға, тұрмысы төмен отбасыларға көмек қолын созған, «Атымтай жомарт» атанған, меценат ауданымыздың «Құрметті азаматы» Әбдіманап Шорабаев атындағы бокстан спорттық сайысты бұған дейін облыстық деңгейде төрт рет өткізсек, биыл сегізінші рет республикалық деңгейде өткізіліп отыр. Бұл турнир жыл өткен сайын құлашын кеңге жайып, облысымыздың барлық аудандарынан, еліміздің әр аймағынан спортшылардың асыға келер дүбірлі додасына айналды. Еліміздің түкпір түкпірінен спорт жанашырлары, спортшылардың ауданымызға келіп, сайыстың көркін қыздыруы Әбдіманап бауырымызға арналған құрметі деп білеміз, – деді турнирге қатысқан аудандық мәслихат хатшысы Т.Жағыпбаров.
</blockquote>
Айта кетейік бүгінгі турнирге 10 облыстан 270 спортшы спортшылар қатысып жатыр.
<img src="https://kyzylorda-news.kz/wp-content/uploads/2022/04/277746403_1287498951780561_6468113477793440235_n.jpg" alt="" />

Шиеліде республикалық турнир өтіп жатыр

**<a href="https://kyzylorda-news.kz/">Kyzylorda-news.kz.</a> *Қызылорда қаласының әкімдігі* «Балалар жылына» орай дарияның сол жағалауындағы балаларға арнап ұлттық спорт түрлерінен сайыс ұйымдастырды.**
Атап айтар болсақ, қол күрес, арқан тартыс, гір көтеру, бесасық, тоғызқұмалақ, ләңгі тебу, асық ату секілді спорт түрлерінен жарысқан оқушылар өзара мықтыларын анықтады. Әрбір сайыстың жеңімпаздарына қалалық дене шынықтыру және спорт бөлімінің мадақтамалары мен медальдары табысталды.
Қала әкімінің орынбасары Бектас Нұридинов мұндай жарыстар қаланың барлық аумағында өткізілетіндігін айтып, жеңімпаздарға құттықтау лебізін жеткізді.
<img src="https://kyzylorda-news.kz/wp-content/uploads/2022/04/278121239_1161547747912269_692002080531637424_n.jpg" alt="" />
<img src="https://kyzylorda-news.kz/wp-content/uploads/2022/04/278118729_1161547801245597_7720130942220235293_n.jpg" alt="" />
<img src="https://kyzylorda-news.kz/wp-content/uploads/2022/04/278113042_1161547764578934_2432499499624567847_n.jpg" alt="" />
<img src="https://kyzylorda-news.kz/wp-content/uploads/2022/04/278077072_1161547974578913_4982039850426855513_n.jpg" alt="" />
<img src="https://kyzylorda-news.kz/wp-content/uploads/2022/04/278068543_1161547991245578_5785916639254037006_n.jpg" alt="" />
<img src="https://kyzylorda-news.kz/wp-content/uploads/2022/04/277803227_1161547631245614_2722165194065801167_n.jpg" alt="" />

Сол жағалаудың балалары сайысқа түсті

Kyzylorda-news.kz. Қызылорда қаласында грек-рим, еркін және әйелдер күресінен ел чемпионаты басталды. 16 сәуірге дейін жалғасатын біріншілікке республикадан 1300-ге жуық спортшы қатысуда. Бұл туралы Өңірлік коммуникациялар қызметінде өткен брифингте Күрес федерациясының президенті Дәулет Тұрлыханов мәлімдеді.
Еркін, әйелдер және грек-рим күресінен Қазақстан Республикасының чемпионаты алғаш рет Біріккен форматта U17, U23 екі жас ерекшелік бойынша өтуде. Аталған шара ҚР Мәдениет және спорт министрлігі, облыстық дене шынықтыру және спорт басқармасы, Республикалық күрес федерациясының ұйытқы болуымен өткізілуде.
Чемпионаттың басты мақсаты Азия және әлем чемпионаттарына, халықаралық додаларға қатысу үшін ұлттық құрама командасын қалыптастыру.
<blockquote>
 “Биылғы жыл күрес спорты үшін маңызды жыл десек болады. Себебі республикалық және әлемдік деңгейдегі сайыстар саны артты. Қызылорда облысында ұйымдастырылып жатқан бұл чемпионат үлкен сайыстардың алдында жастарға үлкен мүмкіндік болмақ. Республикалық чемпионаттарды көптеп өткізу арқылы жер-жердегі таланттарды танып, оларды жоғарғы жетістіктерге жетелеуге үлкен мүмкіндік береді”,- деді Қазақстан Республикасы Күрес федерациясының президенті Дәулет Тұрлыханов.
</blockquote>

Қызылордада күрестен ел чемпионаты өтіп жатыр

<a href="https://kyzylorda-news.kz/">Kyzylorda-news.kz.</a> ҚР Мәдениет және спорт министрі Дәурен Абаев тегін мәдени үйірмелер бойынша туындаған проблема туралы пікір білдірді, деп хабарлайды <a href="https://lenta.inform.kz/kz/kazakstanda-tegin-uyirmelerdi-karzhylandyru-kolemi-artady_a3919190">ҚазАқпарат</a>.
<blockquote>
 «Бұл мәселе жұмыс істеп тұр. Тек 2-3 облыста ғана өтінімдердің көп келуінен проблема туындады. Үйірмеге қатысқысы келетіндердің саны жоспардағыдан көп болып шыққан. Бұл жерде мәселені шешудің бір жолы ғана бар. Біз қаржыландыру көлемін ұлғайтамыз. Бағдарлама әрі қарай жұмыс істей береді», – деді ведомство басшысы.
</blockquote>
Оның мәліметі бойынша, аталған үйірмелерге бөлінуі тиіс қаражаттың нақты көлемі мен мерзімін жергілікті әкімдіктер есептеп, анықтайды.
<blockquote>
 «Мәселе қаржыда емес, тегін үйірме қызметін ұсынудың шарттарын реттеуге келіп тіреліп тұр. Үкімет отырысында айтқанымдай, құжатта бар, нақты өмірде жоқ жандар пайда болып жатыр. Сондықтан бұл мәселені жуық арада шешуіміз керек. Бүгінге дейін бұл бағдарламаның мүмкіндігін 500 мың бала пайдаланып үлгерген. Меніңше, бұл тамаша көрсеткіш. Яғни, тегін үйірмелер жабылмайды», – деді Дәурен Абаев.
</blockquote>

Қазақстанда тегін үйірмелерді қаржыландыру көлемі артады

<a href="https://kyzylorda-news.kz/">Kyzylorda-news.kz.</a>&nbsp; Қызылордада жоғары оқу орындары, техникалық және кәсіптік білім беру ұйымдарының білім алушылары арасында өткен бокстан облыстық ашық біріншілік аяқталды.
Спорттық шара Қорқыт ата атындағы Қызылорда университетінің ұйымдастыруымен, қалалық мәслихат, облыстық білім басқармасы, облыстық дене шынықтыру және спорт басқармасының қолдауымен «Сейхун» спорттық-сауықтыру кешенінде өтті.
Университетте осымен төртінші мәрте ұйымдастырылған облыстық біріншілік төрт күнге созылды. &nbsp;
Бокстан облыстық ашық біріншіліктің жеңімпаздарды марапаттау салтанатына университеттің Басқарма Төрағасы – Ректоры Бейбіткүл Кәрімова қатысты.
<blockquote>
 &nbsp;Қазіргі уақытта оқу ордасында спорттың 13 түрінен секциялар жұмыс жасайды. Білім алушылар жыл сайын жаңа биіктерді бағындырып, әлемдік деңгейде танылуда. Оқу ордасында 2005 жылы ашылған бокс үйірмесі талантты жастарды шыңдап, спорт додаларында топ жаруына ықпал етті. Бокстан Токио олимпиадасының қола медаль иегері Қамшыбек Қоңқабаев, әлем чемпионатының қола жүлдегері және кәсіпқойлар арасында бірінші орта салмақта WBC International тұжырымдамасының чемпионы Тұрсынбай Құлахмет, Азия чемпионы Нұрлан Мәсенов және өзге де чемпион түлектер – біздің мақтанышымыз, – деді Бейбіткүл Сәрсемханқызы.
</blockquote>
&nbsp;Айта кету керек, қазіргі уақытта университетте әлем чемпионатының – 9, Азия чемпионатының – 27, Қазақстан чемпионатының 120 жеңімпазы мен жүлдегері бар.
Былғары қолғап шеберлерінің бәсекесіне облыс бойынша білім беру ұйымдарынан 16 салмақ дәрежесінде ерлер мен қыздардан құралған 16 команда, 122 білім алушы қатысты.
Бокстан облыстық ашық біріншілікте жалпы командалық есеп бойынша Қорқыт ата атындағы Қызылорда университеті жеңіске жетіп, 29 медаль еншіледі. Оның сегізі – алтын, алтауы – күміс, он бесі – қола.
Ал, Жалаңтөс Баһадүр атындағы олимпиадалық резервтің облыстық мамандандырылған мектеп-интернат-колледжі командасы ІІ орын, Болашақ университетінің командасы ІІІ орын иеленді.
Спорттық шарада әлем чемпионатының қола жүлдегері және кәсіпқойлар арасында бірінші орта салмақта WBC International тұжырымдамасының чемпионы Тұрсынбай Құлахмет университеттің «Үздік түлек» медалімен марапатталды.
Жарыстың бас демеушілері, университет түлектері – «Шебер ЖБИ» мекемесінің құрылтайшысы Досхан Жүнісов, «Қазақстан Астық Компаниясы» ЖШС-ның атқарушы директоры Қазыбек Омаров.
Сондай-ақ, жеңімпаздарға ұйымдастырушылар тарапынан дипломдар мен естелік сыйлықтар, «Amanat» партиясы «Тұран» филиалының Алғыс хаттары табысталды.
<img src="https://kyzylorda-news.kz/wp-content/uploads/2022/04/276303201_2523249557812455_5097920539077242884_n.jpg" alt="" />
<img src="https://kyzylorda-news.kz/wp-content/uploads/2022/04/277173355_2523249877812423_3435947684142989940_n.jpg" alt="" />
<img src="https://kyzylorda-news.kz/wp-content/uploads/2022/04/277354148_2523249571145787_4286305171294564398_n.jpg" alt="" />
<img src="https://kyzylorda-news.kz/wp-content/uploads/2022/04/p1766134.jpg" alt="" />

Бокстан облыстық ашық біріншіліктің жеңімпаздары анықталды

<a href="https://kyzylorda-news.kz/">Kyzylorda-news.kz.</a>&nbsp;Футбол сүйер қауым «Қайсар» және «Оқжетпес» командаларының кездесуіне тегін кіре алады.
Футболдан Қазақстан кубогының бірінші кезеңінде өтетін «Қайсар» және «Оқжетпес» кездесуі жанкүйерлер үшін тегін ұйымдастырылады.
Кездесу Ғани Мұратбаев атындағы орталық стадионда 6 сәуір күні жергілікті уақытпен 15-00-де басталады.

Футбол: «Қайсар» және «Оқжетпес» командаларының кездесуін тамашалау тегін

<a href="https://kyzylorda-news.kz/">Kyzylorda-news.kz.</a> Бүгін өңірлік коммуникациялар алаңында клубтың директоры Жағыппар Жұмахметов пен бас бапкер Сұлтан Әбілдаев БАҚ өкілдерімен кездесіп, «Қайсардың» алдағы жоспарларымен бөлісті.
Клуб директоры Жағыппар Насрадинұлы биылғы маусымдағы команданың жаңалығы мен мақсатына тоқталды.
<blockquote>
 «Қайсар» футбол клубы биылғы біріншілікте жоғары мақсаттарды орындайды. Яғни команда Сыр жанкүйерлерін қуанту үшін алаңда тер төгеді. Премьер-лигаға қайта оралуға тыңғылықты дайындалдық. Үш оқу-жаттығу жиыны ұйымдастырылды. Оның екеуі Қызылорда қаласында өтсе, біреуі Түркия елінде жүргізілді. Жиын барысында 50-ге жуық футболшыны қаралымнан өткізіп, 25-ін іріктеп алдық. Жаңадан бапкерлік штаб бекітілді. Спорт директоры қызметіне Серік Сағындықов тағайындалса, бас бапкердің көмекшісі ретінде Марат Еслямов таңдалды. Екеуі де тәжірибелі мамандар. Сонымен қатар дене және қақпашылардың жаттықтырушысы болып жергілікті мамандар Қанат Алиев пен Артур Ким бекітілді», – деді клуб басшысы.
</blockquote>
Команда құрамын толықтырған жаңа футболшылардың әлеуеті мен біріншілік барысында қасқырлардың негізгі қарсыласы туралы бас бапкер Сұлтан Әбілдаев аз-кем тоқталды.
<blockquote>
 «Қызылорда қаласында ұйымдастырылған екі жиында жергілікті футболшыларға іріктеу жүргіздік. Өздерін жақсы көрсеткен 11 футболшыны таңдап алдық. Команда құрамы жаңарғандықтан бізді біршама жұмыстар күтіп тұр. Сондай-ақ Түркияда тәжірибе жинақтау барысында 4 командамен жолдастық кездесу ұйымдастырдық. Қарсыластар Швеция, Дания, Ресей, Украина елдерінің командалары болды. Биыл команда құрамында 2 легионер, 3 экономиналық одақтың футболшылары болады. Командаға қосылған жаңа футболшылар бапкерлік штабтың ақыл-кеңесімен таңдалды. Мақсат Байжанов, Руслан Сахалбаев, Елжас Алтынбеков секілді тәжірибелі ойыншыларымыз «Қайсардың» жаңа мақсаттарын орындауға септігін тигізеді. Қазір команда Қызылорда қаласында соңғы дайындығын пысықтауда. Тек бразилиялық Жоау Педро мен Мамаду Диалло виза мәселесіне байланысты елімізге келе алмауда. Аталған футболшылар сәуір айында қосылады деп жоспарлануда. Биылғы біріншілікте негізгі қарсыластарымыз – «Оқжетпес», «Жетісу» және «Қыран» командасы», – деді бас бапкер.
</blockquote>
Айта кетейік, «Қайсар» 6-сәуірде Қазақстан Olimpbet кубогының аясында «Оқжетпеспен» кездессе, 17-сәуірде бірінішліктің маусымашар кездесуінде «Оңтүстік академияны» қабылдайды.
<img src="https://kyzylorda-news.kz/wp-content/uploads/2022/03/277356000_3521227818001314_1887642114299095000_n.jpg" alt="" />

«Қайсар» жаңа маусымға дайын

<a href="https://kyzylorda-news.kz/">Kyzylorda-news.kz</a>.&nbsp; Сырдария ауданы Бесарық ауылында «Абай Дәулет» ЖШС жүлдесіне арналған дзюдодан жасөспірімдер арасындағы республикалық турнирдің ашылу салтанаты өтті.
Үш күнге жоспарланған турнирге Алматы, Шымкент қалалары мен Алматы, Жамбыл, Түркістан, Атырау, Қарағанды, Ақтөбе, Батыс Қазақстан, Абай, Қызылорда облыстарынан 530 балуан қатысуда.
Салтанатты шараны ашқан Сырдария ауданының әкімі Мұрат Ергешбаев жас спортшыларға сәттілік тілеп, мұндай шаралардың келер ұрпақ үшін маңыздылығын айтып өтті.
Сонымен бірге, шараға облыстық дене шынықтыру және спорт басқармасының басшысы Асылжан Жаманқұл, «Абай-Даулет» ЖШС директоры Мұрат Сәрсенбаев, Сырдария ауданының құрметті азаматы, айтыскер ақын Нұрмат Мансұров және тағы басқа қонақтар қатысты.
Әрі қарай спорттық шара жас палуандарымыздың арасындағы тартысты жекпе-жекке ұласты.
<img src="https://kyzylorda-news.kz/wp-content/uploads/2022/03/277444236_155410043592889_2824705566350525300_n.jpg" alt="" />
<img src="https://kyzylorda-news.kz/wp-content/uploads/2022/03/277252030_155410386926188_2020235636529378978_n.jpg" alt="" />

Сырдарияда  дзюдодан республикалық турнир өтіп жатыр

Kyzylorda-news.kz. Сырдария ауданына қарасты Шіркейлі ауылында ұлағатты ұстаз Орынбек Қосжановты еске алуға арналған білім қызметкерлері арасында баскетболдан турнир өтті.
Жарысқа ауыл мектептерінен жасақталған 5 команда қатысты.
<blockquote>
 “Тәуелсіздік алғалы бері елімізде жыл сайын жүргізіліп, білім жүйесіне енгізіліп отырған реформалар біздің болашағымызға салынып жатқан даңғыл жол деп айтуымызға болады. Осы орайда ауылымыздың өркендеуіне сүбелі үлес қосқан білікті маман, білім беру саласында өзіндік із қалдырған ұлағатты ұстаз, еселі еңбегімен ел жадында қалған арда азамат Орынбек Қосжанов еске алуға арналған білім қызметкерлері арасындағы баскетболдан №129 Ә. Жәмішев атындағы орта мектебінде өткелі отырған турниріне қош келдіңіздер!
 Адамзат баласының ғұмыры қысқа болғанымен, артында өнегелі іс қалдырып, тағылым болар із қалдырып, адамдықты адал ниетке балаған, еңбегінде еті өліп, қызметін ел үшін деп таныған, жанұясына мәуелі бәйтерек болып өмірден өткен қаншама тұлғаларымыз бар! 
 Сондай парасаттылардың арасында есімімен ерекшеленіп, болмысымен бөлініп, жайдары, жаймашуақ мінезімен менмұндалап, тұлғалық қасиетімен таудай болып көрінетін сыр өңірінің тумасы Қосжанов Орынбек ағамыз еді”, – дейді Шіркейлі ауылының әкімі Талғат Құланқадыров.
</blockquote>
<img src="https://kyzylorda-news.kz/wp-content/uploads/2022/03/img-20220326-wa0009.jpg" alt="" />
Бар саналы ғұмырын, жастық жолы мен күш қайратын тынымсыз еңбекпен ағайын туыстықтың бірлігімен, жанұясының берекесіне арнаған Орынбек Қосжановты тамырын тереңнен тартқан туған жері, ауыл тұрғындары мен бауырлары, жанұясы және шыңдағы шәкірттері қимастықпен еске алды.
Жарыс қорытындысымен 1 жүлделі орын № 129 Ә. Жәмішев атындағы мектеп-лицейдің командасына бұйырды. 2 орынды № 42 мектеп-лицейдің командасы жеңіп алды. Жүлделі 3 орынға № 37 мектеп-лицейдің командасы тұрақтады.
<img src="https://kyzylorda-news.kz/wp-content/uploads/2022/03/img-20220326-wa0012.jpg" alt="" />
Айта кетейік, Қосжанов Орынбек Қосжанұлы 1962 жылы Ақпан айының 27 ші жұлдызында Қызылорда облысы, Тереңөзек ауданы, Еңбек Қызылту орденді Шіркейлі кеңшарында дүниеге келген. Балалықтың бал қызығына тоймай, еркелеп жүріп ержеткен, туған жеріндегі № 129 «Қызылту» орта мектебіне 1969 жылы 1 сыныпқа қабылданып, ерекше зейінділікпен, жоғары үлгерімімен 1979 жылы 10 жылдық білім ордасын тәмамдаған. Мектеп қабырғасында спортпен шұғылданып, аудандық, облыстық жарыстарға белсене қатысып жүлделі орындарға қол жеткізген. Қызылорда қаласындағы ауылшаруашылық техникумына механик-техник мамандығы бойынша 1-курсына қабылданған Орынбек Қосжанұлы, 1981-1983 жылдары Чехославакия жерінде отан алдындағы азаматтық борышын абыроймен атқарып аман есен елге оралған еді. Туған жеріне сағынышпен оралған Орынбек Қосжанұлы еңбек жолын 1984 жылы инженер жабдықтау мамандығы бойынша бастап, 1988-1993 жылдар аралығында Өндірістен қол үзбей Алматы ауылшарушылық институтының сырттай бөліміне түсіп инженер-педагог мамандығы бойынша жоғары оқуын тамамдады. 1993-1995 жылдары №1 өндірістік бригадасына механик-техник болып, 1995-1998 жылдары осы кеңшардың бас инженері болып тағайындалып, 1998-2007 жылдар аралығында аудан әкімінің шешімімен Шіркейлі аудандық округінің әкімі болып тағайындалды. 2008 жылы № 129 Ә. Жәмішев атындағы орта мектепте директордың шаруашылық жөніндегі орынбасары және технология пәнінің оқытушысы лауазымы бойынша қызметке келді. Жылышырайлы жүзімен кез келгенді жа¬нына жақын тартатын, салмақты, салиқалы сөзімен барлығын баурап алатын, ағалық ақ қасиетімен қашанда жылы шуағын шаша білетін Қосжанов Орынбек Қосжанұлы қай салада еңбек етседе абыроймен, үлкен жауапкершілікті мойнымен көтере білді. Ауылдың көркеюіне, экономикалық дамуына өз үлесін қоса білді. Елге деген еңбегі еленіп аудан, облыс әкімдерінің алғыс хатымен, тұңғыш президент Н. Назарбаевтың Құрмет грамотасымен Тереңөзек ауданына 90 жыл мерекелік медальімен марапатталған.
<img src="https://kyzylorda-news.kz/wp-content/uploads/2022/03/img-20220326-wa0023.jpg" alt="" />
<img src="https://kyzylorda-news.kz/wp-content/uploads/2022/03/img-20220326-wa0024.jpg" alt="" />
<img src="https://kyzylorda-news.kz/wp-content/uploads/2022/03/img-20220326-wa0005.jpg" alt="" />

Сырдарияда білім қызметкерлері арасында баскетболдан турнир өтті

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде педагогика ғылымдарының кандидаты, профессор Жақсыбек Егізбаевтың 80 жасқа толуына орай салтанатты ғылыми кеңес өтті.
Жиында Басқарма Төрағасы-Ректор Бейбіткүл Кәрімова профессордың білікті кәсіби маман, педагог-ғалым ретінде университет даму тарихында өз қолтаңбасын қалыптастырған тұлға екенін атап өтті. &nbsp;
<blockquote>
 «Жақсыбек Егізбаев Қорқыт ата атындағы Қызылорда университетінде 30 жылдан астам уақыттан бері еңбек етіп келеді. Профессор 150-ден астам ғылыми мақала, 10-нан астам оқу-әдістемелік құралдың авторы. Оқытушыдан бастап құрметті профессорға дейінгі қажырлы еңбек жолы көпке үлгі. Қазақстан Республикасының елдік, ұлттық тұтастық, тұрақтылық мүдделерін қорғайтын демократиялық бағыттағы «Ұлт тағдыры» ҚБ Қызылорда облыстық филиалының төрағасы ретінде ұлт болашағы, тарихы, мәдениетін дамыту бағытында үлкен қызмет атқарып келеді», – деді Бейбіткүл Сәрсемханқызы.
</blockquote>
Салтанатты шарада Жақсыбек Егізбаев облыс және қала әкімінің Құрмет грамотасымен марапатталды. Сонымен қатар, ҚР Жоғары оқу орындары қауымдастығының шешімімен Қазақстанның білім және ғылым жүйесінің дамуына қосқан айрықша үлесі және білікті мамандарды дайындаудағы ерен еңбегі үшін А.Байтұрсынұлы атындағы ордені, Қорқыт ата атындағы Қызылорда университетінің «Үздік оқытушысы» медалі, Халықаралық «Қазақ тілі» қоғамының Құрмет грамотасы, облыстық ардагерлер кеңесінің шешімімен «Облыстың құрметті ардагері» медалі мен облыстық ардагерлер кеңесінің Құрмет грамотасы, қалалық ардагерлер кеңесінің Құрмет грамотасы табысталды.
Сондай-ақ, ғылыми кеңесте университеттің 9 оқу ғимаратындағы №101 дәрісханаға Жақсыбек Егізбаевтың есімін беру туралы шешім қабылданды.
Жақсыбек Егізбаев 1970-1980 жылдары Жаңақорған ауданындағы балалар және жасөспірімдер спорт мектебінің директоры қызметін атқарды. 1977-1979 жылдары Жаңақорған ауданының «Орленек» тынығу лагеріне директор етіп тағайындалып, оның бастамасымен 1937 жылдан бері өзгермей келе жатқан «Орленек» атауы «Жас сұңқар» деп ауыстырылды.
1980-1990 жылдары Қызылорда облыстық білім бөлімінің мектеп инспекторы, А.С.Макаренко атындағы балалар үйінің директоры, облыстық мұғалімдер білімін жетілдіру институтының меңгерушісі, облыстық балалар және жасөспірімдер спорт мектебінің оқу ісі жөніндегі меңгерушісі қызметтерін атқарды.
1990 жылдан бастап Қорқыт ата атындағы Қызылорда мемлекеттік университетінде кафедра меңгерушісі, Жаратылыстану факультетінің тәрбие жұмыстары жөніндегі декан орынбасары болып еңбек етті.
1999 жылы Алматы қаласындағы Қазақ спорт және туризм академиясында «Дене тәрбиесі құралдарын жүйелі қолдану арқылы оқушылар денсаулығын нығайту» тақырыбында кандидаттық диссертациясын сәтті қорғады.
1999-2003 жылдары екінші шақырылған Қызылорда қалалық мәслихат депутаты болып сайланды. Депутат ретінде қаланың қоғамдық-әлеуметтік, саяси өміріне белсене араласып, дене тәрбиесі мен спортты насихаттап, бұқаралық спорттың дамуына қомақты үлес қосты.
Жақсыбек Егізбайұлы – ҚР Журналистер Одағының мүшесі. Сонымен қатар, Қызылорда облысы спорт ардагерлері кеңесі және республикалық «Ұлт тағдыры» қоғамдық бірлестігінің облыстық филиал төрағасы қызметтерін атқарып келеді.
Педагог «Қазақстанның құрметті спорт қайраткері» және ҚР «Білім беру ісінің құрметті қызметкері», «Қазақстан Республикасы дене тәрбиесі мен спортына сіңірген еңбегі үшін» құрмет белгісі, «Дене шынықтыру мен спортты дамытуға қосқан үлесі үшін», «Қызылорда қаласына – 190 жыл», «Қызылорда облысына – 70 жыл», «Қазақстан Республикасының тәуелсіздігіне – 20 жыл», Қазақстан Республикасы мәслихат депутаттарының 20 жылдығына арналған мерекелік медалімен және Қорқыт ата атындағы Қызылорда университетінің Алтын медалімен марапатталған. Сондай-ақ, «Халықаралық педагогикалық Білім академиясының академигі», «Жаңақорған ауданының құрметті азаматы» атақтарын иеленген.
Айта кету керек, ғылыми кеңеске облыстық мәслихат аппаратының басшысы Бақытжан Ідірісов, &nbsp;Қазақстанның еңбек сіңірген қайраткері, Ұлттық ғылым академиясының академигі, техника ғылымдарының докторы, профессор Қылышбай Бисенов, қалалық мәслихат хатшысы Ибадулла Құттықожаев, облыстық ардагерлер кеңесінің төрағасы Серік Дүйсенбаев, Қызылорда облыстық дзюдо федерациясының президенті, ҚР Еңбек сіңірген жаттықтырушысы Садық&nbsp; Мұстафаев, Түркістан қаласындағы Халықаралық туризм және меймандостық университеті, Спорт кафедрасының қауымдастырылған профессоры, педагогика ғылымдарының кандидаты&nbsp; Жандос Есіркепов,халықаралық “Қазақ тілі” қоғамдық бірлестігінің Қызылорда филиалының төрағасы, республикалық “Тіл сақшысы” газетінің бас редакторы Сәдуақас Аңсат және университеттің Ғылыми Кеңес мүшелері қатысты.
<img src="https://kyzylorda-news.kz/wp-content/uploads/2022/03/p1733583-scaled.jpg" alt="" />
<img src="https://kyzylorda-news.kz/wp-content/uploads/2022/03/p1733436-scaled.jpg" alt="" />
<img src="https://kyzylorda-news.kz/wp-content/uploads/2022/03/p1733613-scaled.jpg" alt="" />

Профессор Жақсыбек Егізбаев – 80 жаста

<a href="https://kyzylorda-news.kz/">Kyzylorda-news.kz</a>. Қызылордалық «Қайсар» 32 жастағы тәжірибелі қақпашы Никита Калмыковты қатарға қосты.
Никита – «Ертіс» футбол клубының түлегі. Клубтық мансабының басым бөлігін керекулік команда сапында өткізген. Сонымен қатар 1 маусым “Қызылжардың” намысын қорғаған. «Ертіспен» бірге Еуропа лигасында бақ сынаған.
Өткен маусымда «Ақсумен» бірінші лига жеңімпазы атанды.
<img src="https://kyzylorda-news.kz/wp-content/uploads/2022/03/kajsar.jpg" alt="" />

Қазақстан және Қызылорда облысының жаңалықтары: Спорт

Қайрат Нұртай: “Қайсар” командасынан сапалы ойын күтеміз

Шиеліде республикалық турнир өтіп жатыр

Сол жағалаудың балалары сайысқа түсті

Қызылордада күрестен ел чемпионаты өтіп жатыр

Қазақстанда тегін үйірмелерді қаржыландыру көлемі артады

Бокстан облыстық ашық біріншіліктің жеңімпаздары анықталды

Футбол: «Қайсар» және «Оқжетпес» командаларының кездесуін тамашалау тегін

«Қайсар» жаңа маусымға дайын

Сырдарияда дзюдодан республикалық турнир өтіп жатыр

Сырдарияда білім қызметкерлері арасында баскетболдан турнир өтті

Профессор Жақсыбек Егізбаев – 80 жаста

«Қайсар» тәжірибелі қақпашымен толықты

Қазақстан және Қызылорда облысының жаңалықтары: Спорт

Қайрат Нұртай: &#8220;Қайсар&#8221; командасынан сапалы ойын күтеміз

Шиеліде республикалық турнир өтіп жатыр

Сол жағалаудың балалары сайысқа түсті

Қызылордада күрестен ел чемпионаты өтіп жатыр

Қазақстанда тегін үйірмелерді қаржыландыру көлемі артады

Бокстан облыстық ашық біріншіліктің жеңімпаздары анықталды

Футбол: «Қайсар» және «Оқжетпес» командаларының кездесуін тамашалау тегін

«Қайсар» жаңа маусымға дайын

Сырдарияда дзюдодан республикалық турнир өтіп жатыр

Сырдарияда білім қызметкерлері арасында баскетболдан турнир өтті

Профессор Жақсыбек Егізбаев – 80 жаста

«Қайсар» тәжірибелі қақпашымен толықты

Қайрат Нұртай: “Қайсар” командасынан сапалы ойын күтеміз