<a href="https://kyzylorda-news.kz/">Kyzylorda-news.kz</a> Бұл туралы Ақорданың баспасөз қызметі мәлімдеді.Президент Қасым-Жомарт Тоқаев ирландиялық Иан Гэрриден басым түскен Шавкат Рахмоновты UFC-дегі кезекті жеңісімен құттықтады.Мемлекет басшысы қазақстандық атлеттің кәсіби спортта жетістіктерге жете беруіне тілектестік білдірді.Фото: All boxing

Президент Шавкат Рахмоновты кезекті жеңісімен құттықтады

<a href="https://kyzylorda-news.kz/">Kyzylorda-news.kz</a> Үстіміздегі жылдың 25-30 қараша аралығында Түркия мемлекетінің Анталья қаласында өткен UNIFIGHT спорт түрінен жасөспірімдер, жастар және ересектер арасындағы Әлем чемпионатында аудан спортшылары жүлделі орынға ие болып, еліміздің абыройын тағы бір мәрте асқақтатқан болатын.Атап айтар болсақ, 70 кг салмақ дәрежесі бойынша Қуандық Ғалымұлы І орынды еншілесе, 60 кг салмақ дәрежесі бойынша Мансұр Өтебай, 55 кг салмақта Жансүйен Мұхтарұлы және 45 келіде Нұрислам Серікбай жүлделі ІІ орынға табан тіреді. Ал 50 кг салмақ бойынша Диас Ғалымжанұлы ІІІ орынды иеленді. Бұл спортшыларды баптап жарысқа қосып жүрген Фараби Сауытбаев та ересектер арасындағы жарыста 60 келі салмақ дәрежесі бойынша жүлделі ІІ орынды еншіледі.Бүгін сол спорт саңлақтары туған жерге табан тіреп, тілекші жанкүйерлермен қауышты. Спортшыларды аудан әкімінің орынбасары Н.Бохаев бастаған бір топ ел азаматтары қарсы алып, жеңіс тұғырына жайғасқан жастарды жетістіктерімен құттықтады. Мазмұнды кездесуде ән-жырдан шашу шашылып, жеңімпаздарға деген жылы лебіздер айтылды.Жастарды ерекше спорт түріне баулып, әлемдік, халықаралық додаларға қатыстырып жүрген бапкер, №19 Арал ауданының олимпиадалық резервтің балалар-жасөспірімдер мектебінің спортшысы Фараби Сауытбаевтың еңбегі ерекше. Спортшылардың табандылығы мен жанқияр еңбегінің арқасында аймағымыздың намысын қорғап, атақ-абыройын арттырып жүрген спорт саңылақтары көбейіп келеді.Атап өту керек, спортшылардың жарыс алдындағы дайындығына аудандық бюджет есебінен тиісті қаржы бөлінген болатын. Аудан спортын дамытып, ел жастарының жеңіске деген жігерін жануда аудан әкімі А.Оңғарбаев салаға ұдайы қолдау көрсетіп келеді.Бүгінде бұл спорт түрі ауданымызда айрықша маңызға ие. Қатысам деген жастардың саны көбейіп, қызығушылықтары жылдан-жылға артып келеді. &nbsp;Фото: Арал ауданы

Аралдық чемпиондар елге оралды

<a href="https://kyzylorda-news.kz/">Kyzylorda-news.kz</a> Ауыл мектептерінің 9-11 сынып оқушыларына арналған жалпы білім беретін пәндер бойынша республикалық пәндік олимпиада мәресіне жетті. Еліміз бойынша 500-ге жуық оқушының қатысуымен өткізілген білім бәсекесінде үздік нәтиже көрсеткені үшін Қызылорда облысы "Ең үздік олимпиадалық команда-2024" номинациясымен 1 орынды иеленді. Бұл туралы Өңірлік коммуникациялар қызметінің баспасөз алаңында "Дарын" облыстық қосымша білім беру орталығының директоры Баян Ниязова мәлімдеді.<blockquote>– Білім бәйгесінің республикалық кезеңіне өңірімізден 40 оқушы қатысты. 26-30 қараша аралығында Астана қаласында олимпиаданың жаратылыстану-математикалық бағыты бойынша республикалық кезеңі өткізілді. Бағы жанған 25 оқушы жүлделі орындарға ие болды. Алтын медаль - 7 оқушы, Күміс медаль - 10 оқушы, Қола медаль - 8 оқушы, Алғыс хатпен - 4 оқушы марапатталды. Қазалы ауданы №249 мектеп-лицейінің 11 сынып оқушысы, химия пәнінен алтын медаль иегері Әдiлбек Анель және Жалағаш ауданындағы №201 мектеп-лицейдің 11 сынып оқушысы Тұрсынбек Азамат физика пәнінен алтын медаль алып, Сүлеймен Демирель Университетінің білім грантын жеңіп алды. Сыр елінің мерейін асырған басқа да оқушыларымыз жүлделі орындар алып, өз білімдерін дәлелдеді, - деді Баян Бақытжанқызы.</blockquote><img src="https://knadmin.beoblood.kz/uploads/Respublikaly_bilim_b_sekesinde_Syr_daryndary_top_zhardy_f6b00f99bd.jpg" alt="Республикалық білім бәсекесінде Сыр дарындары топ жарды.jpg"><img src="https://knadmin.beoblood.kz/uploads/Respublikaly_bilim_b_sekesinde_Syr_daryndary_top_zhardy_2_45b53acc39.jpg" alt="Республикалық білім бәсекесінде Сыр дарындары топ жарды 2.jpg">

Республикалық білім бәсекесінде Сыр дарындары топ жарды 

<a href="https://kyzylorda-news.kz/">Kyzylorda-news.kz</a> Қызылорда облыстық денешынықтыру, спорт және туризм басқармасы мен “Ауыл” партиясы облыстық филиалының бірлесіп ұйымдастыруымен қазақ күресінен жасөспірімдер арасында мемлекет және қоғам қайраткері Темірбек Жүргеновты еске алуға арналған республикалық турнир басталды.Турнирге әр өңірден 10 салмақ дәрежесі бойынша 150-ден аса балуандар бақ сынауда. Турнирдың ашылу салтанатында облыстық мәслихат депутаты, “Ауыл” фракциясының мүшесі Садық Мұстафа жарысқа қатысушыларға сәттілік тіледі.Айта кетейік, Темірбек Жүргенов ұлттың болашағын ойлап, тіліміз бен діліміздің, салт-дәстүріміздің, мәдени құндылықтарымыздың ұлықталуына айрықша &nbsp;атсалысқан&nbsp;тұлға.<img src="https://knadmin.beoblood.kz/uploads/turnir_1_6fd9873f59.jpg" alt="турнир 1.jpg"><img src="https://knadmin.beoblood.kz/uploads/turnir_2_720c24bbd8.jpg" alt="турнир 2.jpg">

Қазақ күресінен Темірбек Жүргеновты еске алуға арналған республикалық турнир басталды 

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласында мемлекет және қоғам қайраткері, қазақ руханиятының көшбасшысы Темірбек Жүргеновты еске алуға арналған қазақ күресінен жасөспірімдер арасындағы республикалық турнирдің салтанатты ашылу рәсімі өтті.&nbsp;Аталмыш іс-шараға облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев пен облыстық мәслихат депутаты, «Қайсар» футбол клубы ЖШС директоры Садық Мұстафаев және жаттықтырушылар мен спортшылар қатысты.&nbsp;Іс шара барысында Жұлдызхан Байназарұлы есімі елге белгілі ұлы тұлғаның артына қалдырған ізін жас ұрпаққа үнемі насихаттау керектігін айтып, жарыс қатысушыларына сәттілік тіледі.&nbsp;<blockquote>— Темірбек Жүргенов – қазақ мәдениеті мен әдебиетінде есімі алтын әріптермен жазылған ұлы тұлға. Біз әрдайым Сыр өңірінен шыққан ұлы тұлғаларымызды өскелең ұрпаққа үлгі етіп, елге жасаған қайталанбас ерліктерін кеңінен насихаттауымыз керек. Осы себепті бүгін есімі елге белгілі мемлекет және қоғам қайраткерін еске алуға арналған қазақ күресінен республикалық турнирге еліміздің түкпір-түкпірінен жиналған спортшылар басқосуда. Бұл жарыс жоғары дәрежеде өтіп, шың мықтылар үздік атанады деген сенімдеміз. Барлық жарыс қатысушыларына сәттілік тілеймін!, - деді Жұлдызхан Ерқосаев.</blockquote>Одан кейін облыстық мәслихат депутаты Садық Шоңмұрынұлы Сырдан шыққан қайраткердің ел мүддесі жасаған еңбектерін кеңінен атап өтіп, дүбірлі доданың әділетті және тартысты өтетініне сенім білдірді.Бәсі биік бәсекеге Жамбыл, Түркістан, Ақтөбе, Қызылорда және Шымкент қаласынан 150-ге жуық жасөспірім өзара сынға түспек. Кіл мықтылардың арасынан топ жарып, үздік атанған жас спортшыларға арнайы дипломдар мен медальдар табысталатын болады.&nbsp;<figure class="image"><img src="https://knadmin.beoblood.kz/uploads/sport_360125602a.jpg" alt="спорт.jpg"></figure><figure class="image"><img src="https://knadmin.beoblood.kz/uploads/sport3_1ff0f2d525.jpg" alt="спорт3.jpg"></figure>

Темірбек Жүргеновты еске алуға арналған республикалық турнирдің ашылуы өтті 

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының тапсырмасына сәйкес балалар мен жасөспірімдерге арналған шығармашылық үйірмелер мен спорттық секцияларды жан басына қаржыландыру бағдарламасы бойынша кәсіпкерлердің жұмысы зерделенді. Нәтижесінде аймақ басшысының қадағалауымен балалардың шығармашылық үйірмелерге, спорттық секцияларға нақты қатысуы зерделеніп, негізсіз көмек алғандардың қаржысы мемлекетке қайтарылуда.&nbsp;Бұл туралы Өңірлік коммуникациялар қызметінің баспасөз алаңында облыстық мәдениет, архивтер және құжаттама басқармасының басшысы Мира Қазбекова және облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев мәлімдеді.<blockquote>«Аймақ басшысының тапсырмасына сәйкес тамыз айынан бастап мәдениет басқармасы және спорт басқармасының жанынан арнайы зерделеу топтары құрылды. Жұмыс тобы қаржыландырылған барлық үйірмелер мен секцияларға зерделеу жұмыстарын жүргізді. Екі айдың ішінде мәдениет бағытында тапсырыс алып отырған 136 өнім берушіні зерделей келе, 47 кәсіпкердің жұмысында келісім шартқа сәйкес талаптардың орындалмауы анықталды. Мемлекеттен бөлінген қаржының тиімсіз жұмсалуына байланысты кәсіпкерлермен келісім-шарт біржақты бұзылды. Кәсіпкер мен басқарма арасындағы келісім шарттың 3.1 тармағына сәйкес олар 19 түрлі талапты орындап, балалардың қауіпсіздігіне, шығармашылықпен айналысуына жағдай жасаулары қажет болатын», - деді басқарма басшысы Мира Жомартқызы.</blockquote><blockquote>«Спорттық үйірмелерге зерделеу жұмыстарын жүргізгенде нысан ішінде жуыну бөлмелері, киім шкафтары жабдықталмағаны және жылы судың болмауы анықталды. Осындай кемшілік жіберген 42 өнім берушімен келісім шарт бұзылды. 25 кәсіпкер қызметін тоқтатуға өз өтінішін берді. Бүгінде 111 өнім беруші жұмысын жалғастыруда. Ата-аналардан түсіп жатқан түрлі шағымдар бойынша тиісті шаралар қолға алынуда», - деді облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев.</blockquote>Сонымен қатар, бейнебақылау камералары орнатылмаған, 30 күндік сақтау жады жоқ, басқа аудан балаларын заңсыз тіркеу фактілері орын алған. Өрт қауіпсіздік талаптары сақталмаған, өрт дабылы қондырғысы жұмыс жасамайды, санитарлық нормаларға сәйкес келмейді.&nbsp; Зерделей келе, шығармашылық үйірмелер бойынша 600,0 млн.теңге, ал спорттық секциялардан 2 млрд 603 млн.теңге бюджетке кері қайтарылды. Бүгінгі күнге мәдениет бағыты бойынша 18474 бала, спорт бойынша 12278 баланы қамтиды.&nbsp;Айта кету керек, аймақ басшысының тапсырмасына сәйкес мониторингтік топтың құрамы жергілікті атқарушы органдардың жауапты қызметкерлерімен қайта жасақталды. Жаңа құрам қала және аудандардағы шығармашылық және спорттық үйірмелердің жұмысын қатаң зерделеуде.

«Damu bala» бағдарламасы бойынша зерделеу жұмыстары жүргізілуде 

<a href="https://kyzylorda-news.kz/">Kyzylorda-news.kz</a> Сыр өңірінде спорт саласы серпінді даму үстінде. Заманауи инфрақұрылымның артуы мен саладағы жаңашылдықтар аймақтан ел намысын қорғайтын талантты спортшылардың көптеп шығуына зор ықпал ететіні анық. Мәселен, бүгінде облыс бойынша барлығы 47 спорт кешені мен 12 стадион, 13 теннис корты және 9 жүзу бассейні жұмыс істейді. Бұл нысандар халықтың, әсіресе, жастардың салауатты өмір салтын ұстанып, спортқа қызығушылығын арттыруға бағытталған. Жергілікті БАҚ өкілдері қаладағы бірнеше спорт кешендерінің жұмысымен танысты.Тасбөгет кентінде орналасқан «№5 облыстық олимпиадалық резервтің мамандандырылған балалар-жасөспірімдер мектебі» өткен жылы ел игілігіне пайдалануға берілген. Нысанда еркін күрес, таеквандо, қазақ күресі, самбо, каратэ спорт түрлерінен 438 спортшы жаттығады. Ал, «Наман ата» қоғамдық қорына қарасты «Мың бала» спорт кешенінде 12 түрлі спорттық үйірме бар. Бүгінде онда 1000-ға жуық оқушы тәрбиеленуде. Олардың ішінде 22 ҚР чемпионы мен 1 Әлем чемпионы бар. Жыл басынан бері 21 спорт шеберіне үміткер Сыр елінің намысын қорғау үшін тыңғылықты дайындалуда.Облыс орталығындағы «Евразия спорт кешені» аймақтағы ұлттық спорт түрлері мен бұқаралық-сауықтыру және дене шынықтыруды дамытуға ерекше үлес қосуда. Мұнда биылғы оқу жылында шайбалы хоккей, мәнерлеп сырғанау, жүзу, дзюдо, шорт-трек және бокс бөлімшелері оқу-жаттығу сабақтарын белсенді жүргізуде. Онда 11 жаттықтырушы және 1 хореограф бар. Қазіргі таңда спорт мектебінде спорттың 6 түрінен 30 топта 402 спортшы шұғылданады. Сондай-ақ, БАҚ өкілдері «Мұз айдыны» орталығының жұмысымен де танысты. Бұл орталық 2013 жылдан бері спорттың түрлі бағыты бойынша қызмет көрсетуде. Спорттық-сауықтыру кешенінде сырғанау мұз айдыны, волейбол, баскетбол-командалық ойындар залы, жекпе-жек үшін оқу-жаттығу залы, сонымен бірге спорттық билерге арналған хореографиялық сынып қарастырылған. Бүгінде нысанда жөндеу жұмыстары жүріп жатыр.Жуырда ғана ресми түрде ашылған "Үстел теннисі орталығы" күніне 150 адамды қабылдауға қауқарлы. Халықаралық стандартқа сай салынған нысанда бір мезетте 32 спортшы жаттыға алады. Облыстағы үстел теннисі бөлімшесінде 3 жаттықтырушы-оқытушы 200-ге жуық жасөспірімлі тұрақты түрде спортпен жаттықтырады.<blockquote>– Өңірімізде 33 спорт мекемесі жұмыс істейді. Оның 4-еуі кәсіби спорт клубты болса, 29-ы спорт мекемелері мен жоғарыспорт шеберлігі мектептері және интернаттарымыз бар. Спорт мектептерінде 22 266 бала жаттығады. Өздеріңіз білесіздер, 2023-2024 жылдары 13 спорт кешенінің құрылысы басталған еді, бүгінде оның 9-ы пайдалануға берілді. Жылдың аяғына дейін тағы 4 спорт кешенінің құрылысы аяқталатын болады. Сонымен қатар, сол жағалаудан үстел теннисі орталығы ашылса, 10 000 адамдық стадионның құрылысы 2025 жылдың мамыр айында ел игілігіне беріледі деп жоспарлануда. Жыл басынан бері Сыр спортшылары түрлі сайыстардан 800-ге жуық медаль иеленді,- деді облыстық дене шынықтыру, спорт және туризм басқармасы басшысының орынбасары Жігер Айекешов.</blockquote><img src="https://knadmin.beoblood.kz/uploads/Syr_sport_6a23d52b23.jpg" alt="Сыр спорт.jpg"><img src="https://knadmin.beoblood.kz/uploads/Syr_sporty_02a8ed3070.jpg" alt="Сыр спорты.jpg"><img src="https://knadmin.beoblood.kz/uploads/Sport_0bd10d35fd.jpg" alt="Спорт.jpg">Фото: Қызылорда облысының Өңірлік коммуникациялар қызметі

Сыр спортының серпіні

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев балалар мен жасөспірімдерге арналған шығармашылық үйірмелерді, спорттық секцияларды жан басына қаржыландыру, атаулы әлеуметтік көмек мәселесіне қатысты арнайы жиын өткізіп, жауапты сала басшыларына, аудан әкімдеріне бірқатар тапсырма берді.<blockquote>«Балалардың шығармашылық үйірмелерге,спорттық секцияларға нақты қатысуын ата-аналар растаған ақпаратты негізге алып, тиісті шара қабылдаңыздар. Барлық кәсіпкерлер Face ID мобильді қосымшасымен қамтамасыз етілсін. Атаулы көмек алушылар қатарында шынайы табысын жасырып, жалған ақпарат ұсынғандар түрлі әрекетке баруда. Бұл көмек тек шын мұқтаж отбасыларға ғана берілуі қажет. Осыған орай, жыл соңына дейін белгіленген жоспарды орындауды, негізсіз көмек алғандардың қаржысын мемлекетке қайтаруды тапсырамын», – деді Н.Нәлібаев.</blockquote>Айта кетейік, Мемлекет басшысының тапсырмасымен елімізде 2021 жылдан бері балалар мен жасөспірімдерге арналған шығармашылық үйірмелерді, спорттық секцияларды жан басына қаржыландыру бағдарламасы қолға алынды. Биыл шығармашылық тапсырыс аясында қаралған қаржыдан 600,0 млн.теңге бюджетке кері қайтарылды.Жалпы облыс бойынша 40 мәдениет үйі мен клубты, 15 мектеп, 1 университет корпусын кәсіпкерлер үйірме жұмысын жүргізу үшін жалға алған.Алдағы уақытта арнайы комиссия құрылып, қаладағы, аудандардағы барлық үйірмелердің жұмысы толық тексеріледі.<img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_1_16b97cfc63.jpg" alt="Үйірмелер мен спорттық секцияларды қаржыландыру мәселесі қаралды 1.jpg"><img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_2_25c25ece88.jpg" alt="Үйірмелер мен спорттық секцияларды қаржыландыру мәселесі қаралды 2.jpg"><img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_4_f0dc35bb8b.jpg" alt="Үйірмелер мен спорттық секцияларды қаржыландыру мәселесі қаралды 4.jpg"><img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_3_f07d42e595.jpg" alt="Үйірмелер мен спорттық секцияларды қаржыландыру мәселесі қаралды 3.jpg">Фото: Қызылорда облысы әкімінің баспасөз қызметі

Үйірмелер мен спорттық секцияларды қаржыландыру мәселесі қаралды

<a href="https://kyzylorda-news.kz/">Kyzylorda-news.kz</a> Жақында «Қазақстан барысында» топ жарған балуан Ерасыл Қажыбаевқа белгілі меценат Дулат Тастекеев автокөлік сыйлады, деп хабарлайды <a href="https://el.kz/qazaqstan-barysynda-zhenimpaz-atangan-baluanga-belgili-metsenat-avtokolik-syylady_400003496/">El.kz</a> ақпарат агенттігі.<blockquote>Биыл жазда Ақсуатта өткен ASSYL ARLAN турнирінде жеңіске жеткенмін. Сол кезде Дулат Тастекеев енді «Қазақстан барысы» турнирінде чемпион болуың керек, сен соған лайықсың, жеңсең бізден қомақты сый болады» деп мотивация берген еді. Мақсатымыз айқын болып, биыл чемпион болдық, - дейді Ерасыл Қажыбаев.</blockquote>Меценат бүгін балуанға Абай облысының мәслихат депуттары Қайырлы Қасенов пен Мерей Қарттың қатысуымен, &nbsp;автокөліктің кілті табысталды.&nbsp;Ерасыл Қажыбаев қамқорлық көрсеткен ағаларына ілтипатын жеткізді.<blockquote>Бұл сыйлық мен үшін тек көлік емес, сіздердің маған деген сенімдеріңіз бен қамқорлықтарыңыздың белгісі. Осы жақсылықтарыңызды ұмытпаймын, - деді 2024 жылғы «Қазақстан барысы» турнирінің жеңімпазы.</blockquote><span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: Қазақстан барысы

«Қазақстан барысында» жеңімпаз атанған балуанға белгілі меценат автокөлік сыйлады

<a href="https://kyzylorda-news.kz/">Kyzylorda-news.kz</a> Бақтыбай Ордабаев 1966 Арал қаласында дүниеге келген. Ата-анасы өлкеміздің басты байлығы болған айдынды теңіздің кеме өңдеу зауытында шебер болып қызмет еткен жастың арманы да, талғамы да басқаша еді.&nbsp;Ол туралы өзі:<blockquote>– &nbsp;Бала кезіміз қазіргі жастардың өмірінен басқаша өтті ғой. Ұялы телефон, теледидар жоқ еді. Бағымызға орай, аула алдында «Водник» деген стадион болатын. Уақытымыздың көбін сонда футбол ойнаумен өткіземіз. Одан өсе келе арнайы секциялар ашылып, соған бардым. Алғашқы ұстазым, марқұм Серік Тілеужанов деген кісі болды. Ең бірінші жарысымыз, кәсіби ойынымыз сол мектеп жасында басталған, – деп еске алды.</blockquote>Осылайша өмірін спортпен байланыстырған ол 1985 жылы әскери борышын өтеуге аттанады. Украинада 2 жылдық әскери міндетін атқарып жүргенде де бос уақытын сүйікті ісімен өткізеді. Аралға келген соң кеме жөндеу зауытына жұмысқа тұрады. Ол уақытта ауданаралық жарыстарға зауыттың командасы атынан шығып жүрген Бақтыбай Жарылқасынұлы кейін келе аудан атынан ойын көрсете бастайды.<blockquote>– &nbsp;Жарылқасын Сәменов жаттықтырушымыз болды. Зауыттың командасы болып Арал ауданының атынан облыс, республика лигасына шыға бастадық. Қазақстан Республикасының біріншілігінің ІІ лигасында жүлделі ІІІ орын алғанымыз әлі есімде.&nbsp; Сол жылдары оқу орнына құжат тапсырдым. Осылай Алматы қаласындағы Жоғарғы оқу орнына қабылданып, «Футбол жаттықтырушысы» маманы болып шықтым. Еліміз Тәуелсіздік алған жылы зауыт жұмысынан шығып, 4 жыл «Шапағат» қоғамдық қорында, 2001 жылға дейін «Намыс» футбол клубында жаттықтырушы болып жұмыс істедім. Сол жылдан бері қазірге дейін №19 мамандандырылған балалар-жасөспірімдер спорт мектебінде балаларды спортқа баулып келемін, – деп алғашқы еңбек жолымен таныстырды ол.</blockquote>Иә, 30 жылдан аса еңбек өтілі бар жаттықтырушы бүгінде талай шәкірттің спорт саласында бағын жақты. Олардың алды Қазақстан Премьер Лигасында өнер көрсетіп жүрсе, жақында ғана оқушылары Нұрдаулет Талғатұлы мен Асқар Қолғанатов облыс командасында ойнап, республика чемпионы атанды.<blockquote>– &nbsp;Оқушы балалар спорт мектебіне 7 жасынан бастап қабалданады. Келген әрбір шәкіртке ерекше бап жасап, айрықша көңіл бөлу керек. Әр баланың қыры мен сыры болады. Бәрін бірдей «футболшы» етіп шығару мүмкін емес. Дегенмен бейімі бар, денсаулығы жарайтын, шымыр баланы түбінде спорт саласының бір кірпіші етіп қалауға мүмкіндік бар. Оның өзі қаншама жылдық еңбекпен келеді.&nbsp;Футбол саласына, жалпы спортқа қазір көп көңіл бөлініп жатыр. Ауданда да түрлі секциялар ашылды, бәрі мемлекет тарапынан тегін жүреді. Жастар бос уақытын тиімді өткізіп, қызығушылық танытса, біздің тарапымыздан қолдау әрқашан бар, – деп &nbsp;жаттықтырушы пікірін білдірді.&nbsp;</blockquote>Спорт саласында атқарған еселі еңбегі ескеріліп, кейіпкеріміз бүгінге дейін аудан, облыс әкімдерінің «Құрмет грамотасы» мен «Алғыс» хаттармен марапатталған. Сонымен қатар Қазақстан футбол Федерациясының арнайы төсбелгілерімен де құрметтелді және «Арал ауданының футболдан аға жаттықтырушысы» атағын алды.&nbsp;Қазіргі таңда Бақтыбай Жарылқасынұлы жұбайы Ботакөзбен 2 қыз, 1 ұл тәрбиелеп, немерелерінің қызығын көріп отырған бақытты әулеттің отағасы. Ал өзінің ізін қуған баласы Аян Бақтыбайұлы аудан, облыс құрамасында өнер көрсетеді.&nbsp; Г.МЫҚТЫБАЙҚЫЗЫ

30 жылдық тәжірибесі бар жаттықтырушы

<a href="https://kyzylorda-news.kz/">Kyzylorda-news.kz</a> 2012 жылдың 28 шілдесі. Көгілдір экраннан көз алмай қараған қазақстандықтар дәл осы күні өздерін жеңіп күтіп тұр дегенге сенбеді. Себебі "сайтанарбаның" талай саңлақтары бәсекеге түскен веложарыста Александр Винокуровтың мүмкіндігі жоғары емес еді. Бірақ мәре сызығын 5 сағат 45 минут 57 секундта алғашқы болып кесіп, төбемізді көкке жеткізді. Қазақ елі бұл сәтті естен шығармақ емес.Алайда осыдан кейін бұл спорт түрінен олимпиадада олжа салған ешкім болмады. Десек те болашақта велоспорттан талай жеңімпаз шығарына сенеміз. Себебі бүгінде Аралда бірнеше жас спорттың осы түрін жанына серік етіп, кәсіби тұрғыда шынығып жүр.Балғын спортшылардың бапкері Олжас Ідірісов:<blockquote>– Қызылорда велоспорт кәсіпқой клубы аудандарда балалардың спортпен айналысуына мүмкіндік жасап жатыр. Осыған дейін көршілес Қазалы ауданында бала дайындадым. Ал Аралға былтыр күзде келдім. Нақтырақ 2023 жылдың 3 қазаны күні ауданда Қызылорда велоспорт кәсіпқой клубының бөлімшесі ашылды. Алғашында қыстың қолайсыздығына, арнайы залдың болмауына байланысты аздаған кедергілер болды. Бірақ қазір Рәміздер алаңында балаларды жаттықтырып жатырмын, – дейді.</blockquote>Бапкер қос дөңгелекке қызығатын жастар көп екенін айтып, олармен жұмыс істеу шабыт беретінін жеткізді. Осыған дейін жастарды спортқа баулуды жете меңгерген Олжастың өзі 1995 жылы Арал қаласында дүниеге келген. Денешынықтыру және спорт мамандығы бойынша білім алып, оқу бітіріп келген соң қаладағы №62 мектеп-лицейде ұстаздық еткен. Кейіннен біз айтып өткен Қызылорда велоспорт кәсіпқой клубына жұмысқа орналып, велоспорттың қыр-сырын терең меңгерген. Білгенін балғындарға үйретуді көздеген ол қазіргі жұмысы жайлы толыққанды айтып берді.<blockquote>– 2010-2014 жылдары туған жастарды қабылдап жатырмын. 15-тей бала күнделікті жаттығып, жетіліп қалды. Тіпті жарыстарға барып жүр. Ашылғанына жыл толмаса да жетістіктері көңіл қуантады. Қыстық жаттығу түрлерінен сынға түскен Азамат Батуханұлы күміс, Дінислам Қуанышұлы қола жүлде еншілеп үлгерді, – дейді.</blockquote>Алдағы жоспарымен бөліскен Олжастың мақсаты айқын. Тек санаулы баламен шектеліп қалғысы келмеген бапкер жақында 2015 жылы туған балаларды да топқа қосып, олармен де жетістікке жетуді көздейді.Мемлекет басшысы Қ.Тоқаев "Халықтың денсаулығын жақсарту мәселесі айрықша назар аударуды қажет етеді. Барлық жастағы ел азаматтары арасында бұқаралық спортты дамыту маңызды. Спорт инфрақұрылдарының балалар үшін барынша қолжетімді болуын қамтамасыз ету керек. Бұқаралық денешынықтыруды өркендету ісі жаңа чемпиондар шыңына шығатын пирамидаға айналуы тиіс. Бұл салауатты әрі белсенді жастардың, түптеп келгенде, қуатты ұлттың негізін қалыптастырады" деген болатын.&nbsp;Бұқаралық спортты дамытуды алдыңғы кезекке қойған елімізде қолдау мен мүмкіндік бар. Ал спортқа жаны жақын жастар тіпті көп. Тек осы екеуін ұштастырып, балалардың қызығушылығы мен жасалған жағдайды тиімді пайдаланса талай әлемдік додада көк Туымыз желбірейтіні анық. Оңталап ЖОЛДАСОВ

Аралда велоспортшылар бар

<a href="https://kyzylorda-news.kz/">Kyzylorda-news.kz</a> Футболдан Қазақстан ұлттық құрамасы соңғы жылдары жоғары деңгейде ойын көрсетіп келеді. Ұлттар лигасында өз тобының үздігі атанып, В лигасына көтерілсе, биыл Германия төріндегі ЕУРО-2024-ке іріктеу кезінде төртжылдықтың басты турниріне бір қадам қалды. Бұл – үлкен жетістік. Барша қазақстандықтың есінде қалатын нәтиже. Міне, осы құрамада доп теуіп, әр ойын сайын жанкүйерге керемет эмоция сыйлаған ойыншылардың бірі – Абат Айымбетов. Әсіресе ЕУРО-ның 1/8 финалында алаң иелеріне жол берген, осы турнирдің 1992 жылғы чемпиондары Дания қақпасына жеңісті гол соққан сәті мен Солтүстік Ирландиямен сырт алаңда өткен ойында қарсылас команда қорғаушыларынан қиналмай өтіп, соңғы минуттарда соққан жеңіс голы футболсүйер жандардың есінен ұмытылмақ емес.&nbsp;Міне, осы Абаттың Аралдық екенін сұхбаттарынан естіген болатынбыз. Жақында ұлттық құрама мен Түркия премьер лигасының Адана Демирспор клубында өнер көрсететін жерлесіміздің әкесі Қайрат Сабашұлы Айымбетовпен сұхбаттасқан едік.– Қайрат аға, амансыз ба?! Қазірде әрбір қазақ баласы Абатқа еліктеп өсіп келеді, оның спорттағы жолын жақсы таниды. Бірақ Абаттың осы жолға қалай келгенін, қандай сынақтардан өткенін өзіңізден артық ешкім білмейді. Сол жайында айтып өтсеңіз.– Көп рақмет! Шынында спортқа қызықпайтын ер азамат жоқ шығар. Оның үстіне футбол әлемдегі ең танымал спорт. Абаттың осы спортқа қызығуы да заңдылық.Менің өзім жас кезімнен доп тептім. Әлі күнге дейін Арал қаласында «Водник» футбол клубы болғанын ересек буындар жақсы біледі. Мен сол «Водник» - 2 жасөспірімдер командасының құрамында болдым. Сол «Водник» - 2 жасөспірімдер командасынан бастау алып, үлкен деңгейде танымал боп көптеген ойыншылар шықты. Олар, Аралда Бақтыбай Ордабаев, Байқоңырда Теміржан Атағұлов, Серік Жанұзақұлы, Марс Сәдуақасов, Алматыда Болат Есмағанбетов және т.б. Осы азаматтар қазіргі таңда елімізде футболдың дамуына көп үлестерін қосып келеді.&nbsp;Маған да кезінде Қызылорданың "Мелиоратор" клубынан шақырту келген. Бірақ отбаслық жағдайыма байланысты, жоғарғы деңгейде спортты жалғастыруға &nbsp;бара алмадым. Оның үстіне ауыр жарақат алып, жасыл алаңда өнер көрсетуді қойып кеттім. Бірақ теледидардан үнемі футбол көретінмін. Сол кезден-ақ Абаттың футболға деген қызығушылығын байқадым. Кішкентай кезінен түнімен жанымда отырып, ойын көретін. Мейлі үйде болсын, қонаққа барсын балалармен ойнағаннан көрі доп теуіп кететін.&nbsp;Бірде Атырауда ұлттық құрама ойыншыларымен кездестім. Сол кезде ол 3-4 жасар бала еді. Қазақ футболының аңыздары Самат Смаков, Әли Әлиев сынды танымал ойыншылармен сәлемдесіп, батасын алған еді. Кейін Ақтөбе қаласына көшіп келіп, баламның қызығушылығын байқағасын футболға алып бардым. 2-3 рет ғана өзім апарып-әкеліп жүрдім. Кейін өзі қатынайтын болды. Салқынға, ыстыққа, жаңбыр, қар демей бір күн дайындықты бос жібермеді.– Абат сол уақыттың өзінде ерекше көзге түсті деп естіп жатамыз. Ең алғаш футбол әлеміне қадамы жайлы айтып берсеңіз.– Барлық бала осы жолды армандайды ғой. Бірақ шын мықтыға кедергі болмайтынын ол дәлелдеп шықты. Ай сайын ата-аналарды шақырып, бапкерлері жиналыс жасайды. Сол кезде Абатты ауызынан тастамай мақтайтын. Бірде жұмыстан келсем, Абат жаттығудан көңілсіз келіп, "мен енді футбол ойнамаймын" деді. Себебін сұрадым. Өзі қатарлас балалардың арасында құрамаға іріктеу өтіп, солардың қатарына ілікпей қалыпты. Сол кездегі жастар футболын басқаратын Прихноға қоңырау соғып себебін сұрадым. Сөйтіп ол іріктеу соңғы мүмкіндік екенін естідім. Бірақ барынша жағдай жасайтынын айтты. Қателеспесем 2010 жыл еді. 7 наурыз күні олар хабарласып, бүгіннен қалмай Шымкентке жолға шығу керегін жеткізді. Сол жақта Президент кубогына іріктеу өтеді екен.Шымкентке бардық, бапкер неміс екен. Барлық ойыншылар іріктеліп қойған. Бірақ қосымша іріктеуге жер-жерден тағы бір топ бала жиналған. Бапкер кірген бойда Абатқа бастан аяқ қарады да, "Балаңызды тастап кетіңіз. Өзімізден хабар болады" деді. Екі күн іріктеу өтті. Үшінші күн дегенде балам телефон соғып "Әке, келіп кетіңізші, мен іріктеуден өттім" деп сүйінші сұрады. Әкеге мұнан асқан бақыт бар ма?! Төбем көкке жеткендей болды. Сол іріктеуден кейін-ақ құраманың негізгі ойыншысы атанып, Түркіменстанмен өткен ойыннан бастап гол соқты. Сол турнирдің үздік бомбардирі атанды. Кейін Каспий кубогына қатысып, бір ойында төрт гол соғып, үздік шабуылшы атанды. Осылайша "Ақтөбе" ФК-ның дубліне ілікті.– Бала кезден көзге түсіп, кейін футболдан қол үзіп кететіндер жайлы да көп айталады. Оған да белгілі бір себептер болатынын да естіп жатамыз. Абатта ондай кедіргілер болмады ма?– "Ақтөбе" ФК-ның дублінде ол небары 3 ай ғана ойнады. Кейін ешқандай қиындықсыз негізгі құрамына ауысты. Ол уақытта елімізге белгілі, өзі баптаған клубтармен премьер лига чемпионы атанған Владимир Муканов баптайтын. Бірде дайын кезінде дубль мен негізгі құрам бір-біріне қарсы ойнады. Өзім сол ойынды тамашаладым. Жалпы Абаттың Ақтөбедегі бір де бір ойынын қалт жібермедім. Сол ойында І тайм дубльдің жеңісімен аяқталды. Есеп 1:0. Үзілісте бас бапкер Абатты шақырып алып, сөйлесті де, ІІ таймда негізгі құрамның қатарында ойнады. Ойын 1:1 есебімен тең аяқталды. Есепті теңестірген де Абат болды. Осылайша негізгі шабуылшы атанып шыға келді.&nbsp; Премьер лигадағы алғашқы ойынын Атыраумен сырт алаңда өтікізіп, 70 минут жасыл алаңда өнер көрсетті. Оқушы баланың осындай ерлігі жайлы жарыса жазылды. Ал ең алғаш голын қарағандылық Шахтер қақпасына салды. Өзі абдырап қалғаны әлі көз алдымда. Команда капитаны Петр Бадло алғашқы болып құттықтағанда ғана өзінің гол соққанына сенімді болған еді.Бірақ спорт кедергісіз болмайды ғой. Оны жеңу үшін шыдам мен сабыр керек. Абаттың ең ауыр кезеңі жарақатта жатқан уақыты еді. Тізе жарақаты футболшылар үшін ең ауыры. Сол жарақаттан 8 айдан аса уақыт емделді. Бірақ футболды тастамады. Осы ретте сол уақытта "Ақтөбе" ФК-ның бас директоры болған марқұм Шарипа Бихамбетованың қолдауын ерекше айтып өткім келеді. Ол Абатқа футболшы емес, баласындай қарайтын. Ерекше жақсы көрді. Сол кісінің қолдауымен футболға қайта оралды. Мұнан кейін де талай жарақат алды. Астанамен ойында кебеже сүйегі сынып, әлі күнге дейін темірмен ойнап келеді.– Абаттың аралдық екенін баршамыз білеміз. Аралдық жастар республикалық турнирлерде бақ сынаған кезде арнайы барып қолдау білдіргенін естіп жүрміз. Алайда оның "Ақтөбенің алтын баласы" деп аталуында себеп бар ма?– Иә, Абат Аралды ешқашан ұмытқан емес. Жақында демалысқа келген уақытында да жерлестеріміз түрлі жобалармен шақыртып, кездесулер өткізгісі келді. Бірақ уақыт ыңғайға келмей жатады. Ал Ақтөбеде "Алтын бала" атануына чемпиондық маусымдағы өнері себепші болды. Жалпы ФК "Ақтөбе" ел чемпионатын бес мәрте жеңген. Соның соңғысы 2013 жылы еді. Шешуші ойын шымкенттік "Ордабасы" клубымен өтті. Дәл сол ойында Абат жеңіс голын соығып, алтын медаль сыйлады. Сол ойыннан кейін осы атаққа ие болды.– Әдетте спортты жанына серік еткен жандар аса білімді болмайды деген түсінік бар ғой. Абат мектепте қалай оқыды?– Абат мектепте өте жақсы оқыды. Үлгірімі өте жоғары, қай жағынан да мектептің мақтанышына айналды. Мектепті бітірген соң Қ.Жұбанов университетінің спорт факультетін үздік аяқтап шықты. Алайда көп уақыты алаңда өтті.– Табысты, үздік ойыншыларға сұраныс, шақырту көп болады. Абаттың үнемі қастарыңыздан алыста жүргені сіздерге қиындық тудырмайды ма?– Жоғарыда айттым ғой. "Балаң жақсы болса – екі көздің шырағы" деген қазақпыз ғой. Бастысы әкесі жетпеген биікті бағындырды. Бүгінде құрамадағы ең белді ойыншы. Алайда ата-ана болғасын уайымдайтын кездеріміз болады. Анасы Айгүл, апасы Мөлдір, қарындасы Айкенже, бәріміздің тілеуіміз сол – Абат. Бірақ өз саласында өсіп, дамып, жетілу үшін оған біздің қолдауымыз маңызды. Абаттың сыртта жүргеніне биыл бес жыл. Алматыда, Астанада доп тепті. Бүгінде Түркияда "Адана Демирспор" сабында жүр.Баламыздың осындай жемісті жолынан асқан бақыт бар ма?! Бір жағынан бұл үлкен мақтаныш. Өйткені Абат Түркия премьер лигасында ойнауға мүмкіндік алған алғашқы қазақ. Бұл тек біздің емес, елдің мақтанышы деп ойлаймын.– Әрине, елдің абыройын арқалап, көк Туымызды көкте желбіреткен әрбір қандамысызға бәріміз тілекшіміз, солармен мақтанып отырамыз. Осы ретте танымал адамдар жайлы халық арасында түрлі әңгімелер айтылады. Сондай сөздердің арасында көңіліңізге тигені болды ма?– Оның рас. Түрлі әңгімелерді естіп жатамыз. Кім-кімнің де жақсыға жақын жүргісі келеді ғой. Оған ренжіп, көңілді түсіру орынсыз болар. Десе де Абатты руы жайлы айтылған сөздерді көп естіп жатамын. Шындығында Абат Кіші жүзден тараған Жақайымның Торжынбайы. Бірақ өз басым жүзшілдікке, рушылдыққа қарсымын. Сондықтан Абатты барша қазақтың баласы деп қабылдаса екен деймін.– Әңгімеңізге көп рақмет! Біз Абатпен, қазақ футболымен мақтанатын күнге жетейік, аға! Сұқбаттасқан Оңталап ЖОЛДАСОВ

Қазақстан және Қызылорда облысының жаңалықтары: Спорт