<a href="https://kyzylorda-news.kz/">Kyzylorda-news.kz.</a> Дене шынықтыру мұғалімдері сабақтан тыс спорт сабақтарын жүргізгені үшін базалық лауазымдық жалақыдан 100 пайыз мөлшерінде қосымша ақы алуы мүмкін. Бұл туралы ҚР Мәдениет және спорт министрі Ақтоты Райымқұлова мәлім етті, деп хабарлайды <a href="https://lenta.inform.kz/kz/kazakstanda-dene-shynyktyru-mugalimderine-kosymsha-aky-tolenui-mumkin_a3649664">ҚазАқпарат.</a>
<blockquote>
 «Мемлекет басшысының 2019 жылғы Қазақстан халқына Жолдауын іске асыру бойынша Жалпыұлттық іс-шаралар жоспарының 64-тармағын орындау аясында Дене шынықтыру және бұқаралық спортты дамыту жөніндегі 2020-2025 жылға арналған кешенді жоспары әзірленді. Бұл жоспарда мүдделі мемлекеттік органдардың, жергілікті атқарушы органдардың ұсыныстары толық ескерілiп, ҚР Премьер-Министрімен бекітілді. 2016 жылы Елбасы Нұрсұлтан Әбішұлы Назарбаев өзiнiң Жарлығымен халықты дене шынықтыру және спортпен жүйелі түрде шұғылдануға тарту деңгейін 35%-ға дейін арттыруды тапсырған болатын. Бұл кешенді жоспар осы көрсеткішке қол жеткізуді және халықтың дене шынықтыру мен спортпен айналысуы арқылы салауатты өмір салтына ұмтылысын қалыптастыруды көздейді», – деді министр Орталық коммуникациялар қызметіндегі онлайн баспасөз мәслихатында.
</blockquote>
Бұл тұрғыда халықтың барлық жас санаттары арасында дене шынықтыру мен бұқаралық спортты дамытуды және балалар үшін спорттық инфрақұрылымға барынша қол жеткізу жөніндегі шаралар қамтылған. Кешенді жоспар 34 тармақ пен 5 негізгі бағыттан тұрады: нормативтік-құқықтық қамтамасыз ету, мектеп және студенттік спорт, спорт желілерін кеңейту, салауатты өмір салтын насихаттау және кеңінен тарату, спорттық-бұқаралық іс-шаралары.
Бұқаралық спортты дамыту, сондай-ақ дене шынықтырумен және спортпен шұғылданатындардың санын арттыру мақсатында кешенді жоспарда негізгі бағыттар бойынша Қазақстан Республикасының 8 заңнамалық актісіне 33 түзету енгізе отырып, бұқаралық спорт жөніндегі заң жобасы Парламент Мәжілісіне енгізілді.
<blockquote>
 «Заң жобасына дене шынықтыру мұғалімдеріне сабақтан тыс спорт сабақтарын жүргізгені үшін базалық лауазымдық жалақыдан 100 пайыз мөлшерінде қосымша ақы енгізіліп отыр. Сондай-ақ, заң жобасында ұлттық спорт түрлерін дамыту бойынша шаралар көзделген. Білім берудің барлық деңгейлерінде дене тәрбиесі бойынша сабақтарда дене шынықтыру және спорт саласындағы уәкілетті орган бекіткен тізбеге сәйкес, ұлттық спорт түрлері бойынша міндетті компонент көзделіп отыр», – деді Ақтоты Райымқұлова.
</blockquote>

Қазақстанда дене шынықтыру мұғалімдеріне қосымша ақы төленуі мүмкін

<a href="https://kyzylorda-news.kz/">Kyzylorda-news.kz.</a> Қазақ күресінен өткен «Түйе балуан» онлайн турниріне 16 балуан қатысқан.
Бұл сайыстың бір ерекшелігі – жанкүйерлер «Түйе балуанды» дауыс беру арқылы таңдайды.
Ақтық сында қызылордалық Мақсат Исағабыловқа 3530 жанкүйер дауыс берген.
Осылайша, ол жеңімпаз атанды.
Мақсатты қолдап, дауыс беруге белсенді атсалысқан барша жанкүйерлерге алғыс білдіреді.

Қызылордалық Мақсат Исағабылов – онлайн турнирдің жеңімпазы атанды

<a href="https://kyzylorda-news.kz/">Kyzylorda-news.kz.</a> Қызылорда облыстық дене шынықтыру жəне спорт басқармасы мен каратэ-до федерациясының ұйымдастыруымен ката бағдарламасы бойынша облыс біріншілігі өткізілді.
Жасөспірімдердің спорттық шеберлігін арттыру, салауатты өмір салтын насихаттау мақсатында өткізілген жарысқа 36 спортшы қатысты.
Жарыс нəтижесі төмендегідей:
6-9 жас ұлдар:
1-орын Исмайлов Əділет (каратэ фед.)
2-орын Маратов Даниял (каратэ фед.)
3-орын Қаужан Жандос (№1 ОРМБЖМ)
3-орын Абжамиев Бекдаулет (каратэ фед.)
6-9 жас қыздар:
1-орын Елімбетова Жібек (№1 ОРМБЖМ)
2-орын Қожаберген Інжу (№1 ОРМБЖМ)
3-орын Бекманова Аяулым (каратэ фед.)
3-орын Аралбай Айару (каратэ фед.)
10-11 жас ұлдар:
1-орын Бақытжан Нұрəлі (№5 ОРМБЖМ)
2-орын Болат Темірхан (№5 ОРМБЖМ)
3-орын Асқарұлы Жанкерек (каратэ фед.)
3-орын Югай Максим (каратэ фед.)
10-13 жас қыздар:
1-орын Арыстанбек Əлия (№5 ОРМБЖМ)
2-орын Ким Дарья (№1 ОРМБЖМ)
3-орын Нұрғали Айымжан (каратэ фед.)
3-орын Елімбетова Сымбат (№1 ОРМБЖМ)
12-13 жас ұлдар:
1-орын Ізбасар Мади (№5 ОРМБЖМ)
2-орын Тимуров Наби (каратэ фед.)
3-орын Исмайлов Димаш (каратэ фед.)
3-орын Бахадиров Зиявидин (№5 ОРМБЖМ)
<img src="https://kyzylorda-news.kz/wp-content/uploads/2020/04/kyzylorda-karatje-kaz-1-1.jpeg" alt="" />
<img src="https://kyzylorda-news.kz/wp-content/uploads/2020/04/kyzylorda-karatje-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/kyzylorda-karatje-kaz-3-1.jpeg" alt="" />
<img src="https://kyzylorda-news.kz/wp-content/uploads/2020/04/kyzylorda-karatje-kaz-5-1.jpeg" alt="" />

Қызылорда каратэшілері онлайн жүйеде сайысқа түсті

<a href="https://kyzylorda-news.kz/">Kyzylorda-news.kz</a>. Облыстық дене шынықтыру жəне спорт басқармасының ұйымдастыруымен таеквондодан 15-17 жас аралығындағы жастар арасында облыс біріншілігі өтті.
Пумсе бағдарламасы бойынша өткізілген жарысқа Қызылорда, Байқоңыр қалалары мен аудандардан 40 спортшы қатысты.
Ұлдар арасында облыстық таеквондо федерациясының спортшылары үздік өнер көрсетті.
Нəтижесінде Кирилл Акулов І орынды иеленсе, Денис Пак екінші, Данияр Ибраев үшінші орындарды еншіледі.
Ал шиелілік Нұрдəулет Темірбаев қола жүлдеге ие болды.
Қыздар арасында қармақшылық Айша Əділбекқызы бірінші орынды жеңіп алды.
Қалған жүлделер Шиелі ауданы спортшыларының еншісінде болды.
Атап айтсақ, екінші орынды – Нұрсая Сағындықова алса, үшінші орындар – Ақбота Сағындықова мен Аяулым Ермекбаеваға бұйырды.
<img src="https://kyzylorda-news.kz/wp-content/uploads/2020/04/taekvonda-kaz-2-1.jpeg" alt="" />
<img src="https://kyzylorda-news.kz/wp-content/uploads/2020/04/taekvonda-kaz-3.jpeg" alt="" />

Қызылордада онлайн жүйеде таеквондодан облыс біріншілігі өтті

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова ауыр атлетикадан төрт дүркін әлем чемпионы Илья Ильинді қабылдады. Өңір басшысы әйгілі спортшының қол жеткен жетістіктерін жоғары бағалап, әрдайым сырбойылықтардың мақтанышы екенін атап өтті.
Қазіргідей карантин жағдайында зілтеміршінің жастарға мол үлгі-өнеге көрсете алатынын жеткізді. Мысал ретінде, онлайн жаттығулар жасап, жастардың спортқа деген ынта-жігерін арттыруға болатынын айтты.
<blockquote>
 «Сыр елінен өзіңдей спортшылардың шыққанымен қашанда мақтанамыз. Жас спортшылар үшін үлгі тұтар тұлғасыз. Аймаққа сіздің қолдауыңыз қажет. Ізіңізден еріп келе жатқан жастарға шеберлік пен білім-біліктілігіңізді үйретесіз деп сенемін. Қазір коронавирус пандемиясы бүкіл әлемді алаңдатып отыр. Қатерлі індетті жеңіп шыққан соң, аймақ дамуы үшін бірлесіп жұмыс жасауымыз керек», – деді облыс әкімі.
</blockquote>
Илья Ильин облыс әкімінің жылы лебізіне ризашылық білдірді.
<blockquote>
 «Мен үшін Сыр жерінде дүниеге келіп, білім алып, түлеп ұшқаным зор мақтаныш. Спорттағы мансабымды аяқтауды ойлап жүрмін. Спорт саласында да біршама жетістікке жеттім. Білімімді толықтырып, елге оралдым. Жылы қабылдауыңыз үшін рақмет», – деді даңқты спортшы.
</blockquote>
Кездесу соңында аймақ басшысы спортшының жоспарларына сәттілік тіледі.
Еске салайық, зілтемірші Илья Ильин ауыр атлетикадан Қазақстан Республикасының спорт шебері және әлемнің 4 дүркін чемпионы.
<img src="https://kyzylorda-news.kz/wp-content/uploads/2020/04/02-38.jpg" alt="" />
<img src="https://kyzylorda-news.kz/wp-content/uploads/2020/04/03-38.jpg" alt="" />

Гүлшара Әбдіқалықова танымал спортшы Илья Ильинмен кездесті

<a href="https://kyzylorda-news.kz/">Kyzylorda-news.kz</a>. Қызылорда облыстық дене шынықтыру жəне спорт басқармасының ұйымдастыруымен жалпы дене жаттығуларынан 17 жасқа дейінгі ұлдар мен қыздар арасында облыстық жекелей жарыс өтті.
Екі күнге созылған жарысқа Қызылорда қаласы мен аудандардан 66 спортшы қатысты.
Нəтижесінде ұлдар арасында аралдық спортшылар Бекет Əзілханов бірінші орынды иеленсе, Ұлан Əзілхан екінші, сырдариялық Ерсейіт Мұсаұлы үшінші орындарды еншіледі.
Қыздар арасында&nbsp; қазалылық Таисия Алексеева жеңімпаз атанды.
Екінші орынды – сырдариялық Гүлназ Уалиханқызы&nbsp; алса, үшінші орын – Арал спортшысы Жаннұр Кеңесбекке&nbsp; бұйырды.
Ал, «Жеңіске деген жігері үшін» номинациясы қазалылық Абылайхан Əбдіханиға берілді.
<img src="https://kyzylorda-news.kz/wp-content/uploads/2020/04/onlajn-sporttyk-zharys-kaz-2-1.jpeg" alt="" />
<img src="https://kyzylorda-news.kz/wp-content/uploads/2020/04/onlajn-sporttyk-zharys-kaz-3-1.jpeg" alt="" />
<img src="https://kyzylorda-news.kz/wp-content/uploads/2020/04/onlajn-sporttyk-zharys-kaz-4-1.jpeg" alt="" />

Қызылордада 66 оқушы онлайн спорттық жарыста бақ сынады

<a href="https://kyzylorda-news.kz/">Kyzylorda-news.kz.</a> Халықаралық конькимен сырғанау одағының нұсқасы бойынша үздік конькишілердің жаңа рейтингі жарияланды. Рейтинг соңғы үш маусымды ескерді, ISU қол астындағы турнирлерде жиналған ұпай сандары есепке алынды.
Қазақстандық Элизабет Тұрсынбаева 1428 ұпай жинап, 20-орынды қанағат тұтты. Жапондық Рики Кихира (4171) көш бастап тұр. Америкалық Брэдли Теннелл (3133) екінші орынға жайғасты. Ресейлік Анна Щербакова (2841) үздік үштікті түйіндеді.

Элизабет Тұрсынбаева үздік конькишілер рейтингінде 20-орынға жайғасты

<a href="https://kyzylorda-news.kz/">Kyzylorda-news.kz.</a>Онлайн жүйеде киокушинкай-кан каратэден&nbsp; Ұлттық Республикалық Киокушинкай-кан каратэ Федерациясының кубогы өтті.
Жарыстың&nbsp; мақсаты&nbsp; – Елімізде орын алып жатқан&nbsp; індетті тежеп,&nbsp; карантин кезінде спортшылардың уақытын тиімді өткізіп, спортқа деген ынтасын арттыру.
Ката бағдарламасы бойынша өткен жарысқа Қазақстанның барлық өңірінен 90- ға жуық спортшы қатысты.
Нəтижесінде жерлестеріміз&nbsp; 16-17 жас аралығында Мейрамбек Мәди бірінші орынды жеңіп алса, Мейрамбек Али күміс, 18 жастан жоғары ерлер арасында Саки Жеңісбек&nbsp; қола жүлделерді иеленді.
Спортшылардың жаттықтырушысы: Бауыржан Мұханов.
Жеңімпаз жəне жүлдегер спортшылар&nbsp; #2ОРМБЖМ -де тəлім алады.
<img src="https://kyzylorda-news.kz/wp-content/uploads/2020/04/02-12.jpg" alt="" />
<img src="https://kyzylorda-news.kz/wp-content/uploads/2020/04/03-9.jpg" alt="" />
<img src="https://kyzylorda-news.kz/wp-content/uploads/2020/04/04-6.jpg" alt="" />

Қызылордалық спортшылар 3 медаль алды

<a href="https://kyzylorda-news.kz/">Kyzylorda-news.kz.</a> Елдегі карантинге байланысты&nbsp; Мәдениет және спорт министрлігінің «Бірге еңсереміз» атты жобасы аясында тоғызқұмалақтан Қазақстанның ерлер мен әйелдер арасындағы ұлттық құрама командалары арасында онлайн жүйеде жолдастық кездесу өтеді.
Қазақстан тоғызқұмалақ федерациясының ұйымдастыруымен өтетін жолдастық кездесуге Сыр спортшысы, Әлем чемпионатының жүлдегері, ашық Азия Кубогының жеңімпазы Бексұлтан Бостандықов қатысады.
Ойындар &nbsp;4 сәуір –&nbsp; 2 мамыр аралығында әр сенбі күні сағат 16:00-17:00-де iggamecenter.com сайтынан және тоғызқұмалақтан ҚР бас жаттықтырушысы – Серік Ақтаевтың Instagram-дағы @aktayevserik парақшасынан тікелей эфирде көруге болады.

Қызылордалық тоғызқұмалақшы онлайн жүйеде бақ сынасады

<a href="https://kyzylorda-news.kz/">Kyzylorda-news.kz.</a> DAZN стриминг қызметінің атқарушы төрағасы Джон Скиппер короновирус жұқтырғанын растады. Оның сөзінше, қазір ол індеттен айығып, жұмысына оралды, деп хабарлайды <a href="https://kaz.tengrinews.kz/allsports/kanelo-men-golovkin-jekpe-jektern-otkzetn-dazn-basshyisyi-306885/">Tengrinews.kz.</a>
Портал мәліметінше, ол өзін әлсіз сезінгендіктен 16 наурызда коронавирусқа сараптама тапсырған. Сараптама оның COVID-19 жұқтырғанын көрсеткен. DAZN басшысы ауруханаға жатудан бас тартып, Нью-Йорктегі үйінде карантинде болған. 62 жастағы Джон Скиппер екі аптадан соң вирустан айыққан.
Айта кетейік, наурыз айының басында DAZN әлемнің 200 елінде трансляция жасайтынын мәлімдеген еді. Алайда коронавирус пандемиясына байланысты барлық спорттық шара кейінге қалды.

«Канело» мен Головкин жекпе-жектерін өткізетін DAZN басшысы коронавирус жұқтырған

<a href="https://kyzylorda-news.kz/">Kyzylorda-news.kz</a>. <a href="https://l.facebook.com/l.php?u=http%3A%2F%2Figgamecenter.com%2F%3Ffbclid%3DIwAR0s8QK53U9rABqtfSBbYgxaSASsB5QFiv8RcaTW28kixW6Xx1pkPVSOWjY&h=AT1wmIEeExpW4E3z1SgU58vZpHVvubRPxwEk0ZfgZDvwYrNDt0htEUmyKudJuIKqtggHU4yGQJepP_qdZPjFJLd0T6cdjs4cqkeM4TT1sQ4btjZDhTf5Gt1L4U8UQOBM1HOj&__tn__=-UK-R&c[0]=AT3e2l___RPJnqCXLX_Lkdg2av4NT5hL5hRvuGGjG88KAyDn3Jn3LXKQH5I1mBGwSHtDhzCrgEti9SxcrDfR7AtnhzWcZ8jF5AqD407-IRIJLSd7KaS5aWICdVakOaqafLw0JJpAhJV7ObMa1EcU">iggamecenter.com</a>&nbsp;сайтында онлайн жүйеде тоғызқұмалақтан ересектер арасында Қызылорда облысының жекелей чемпионаты өтті. Жарысқа Қызылорда қаласы мен аудандардан 106 тоғызқұмалақшы қатысып, үздіктер анықталды.
Жекелей чемпионат рапид түрі бойынша 9 турда өткізілді.
<img src="https://kyzylorda-news.kz/wp-content/uploads/2020/04/fb_img_1585823249956.jpg" alt="" />
Нəтижесі бойынша:
Ерлер:
1-орын Ерұлан Амангелді (Жалағаш);
2-орын Бексұлтан Бостандықов (Қызылорда);
3-орын Ермұхамед Әләйдар (Жаңақорған);
3-орын Рауан Ыбрай (Қызылорда).
Əйелдер:
1-орын Бекзат Əмір (Қызылорда);
2-орын Ұлдана Маханбетамин (Қазалы);
3-орын Мадина Әлібек (Жалағаш);
3-орын Қызғалдақ Әскербекқызы (Сырдария).
Жарыстың «Үздік ойыншылары» номинациясына Дидар Ади (Жалағаш), Құлмұхаммед Қашқынбай (Қызылорда), Аяна Ұлықпан (Қызылорда) ие болса, Серік Еркебаев (Қазалы) «Тарлан ойыншы» атанды.
<img src="https://kyzylorda-news.kz/wp-content/uploads/2020/04/fb_img_1585823252623.jpg" alt="" />
<img src="https://kyzylorda-news.kz/wp-content/uploads/2020/04/fb_img_1585823241904.jpg" alt="" />

Қызылордада тоғызқұмалақтан облыстық чемпионат онлайн түрде өтті

<a href="https://kyzylorda-news.kz/">Kyzylorda-news.kz.</a> Еркін күрестен елімізде 4 спортшы əлемдік рейтингте үздік үштіктің қатарында болса, оның екеуі – Сыр балуандары.
Олар: 65 келіде әлем чемпионатының финалисі Дәулет Ниязбеков пен&nbsp; 79 келідегі Ғалымжан Өсербаев.
Айта кетейік, былтыр Нұр-Сұлтан қаласында өткен Əлем чемпионатында жерлесіміз Дəулет Ниязбеков 65 келі салмақта&nbsp; күміс жүлдені иеленіп, Токио Олимпиада ойындарының жолдамасын жеңіп алған болатын.

Қазақстан және Қызылорда облысының жаңалықтары: Спорт