<a href="https://kyzylorda-news.kz/">Kyzylorda-news.kz.</a> Еңбекші ауылының спорт кешенінде әскери самбодан спорт шебері Малкаждар Теміровті еске алуға арналған қазақша күрестен облыстық ашық турнир өтті.
2006-2007 жылы туылған жасөспірімдер арасында өткен жарысқа Алматы облысы, Түркістан облысы, Шымкент қаласы, Қызылорда қаласы және облысқа қарасты барлық аудандардан 350-ге суық жас спортшылар қатысты.
Жарыс жеңімпаздарына Малкаждар Теміров атындағы медаль, естелік сыйлықтар мен диплом табысталды.
Аталған турнир жыл сайын дәстүрлі түрде өткізіліп келеді.
<img src="https://kyzylorda-news.kz/wp-content/uploads/2020/03/shielide-zhasoespirimder-arasynda-oblystyq-twrnir-oetti.jpg" alt="" />

Шиеліде жасөспірімдер арасында облыстық турнир өтті

<a href="https://kyzylorda-news.kz/">Kyzylorda-news.kz.</a> Ұлыбританияда жас футболшыларға допты бастарымен соғуға тыйым салынады.
Англия, Шотландия және Солтүстік Ирландия футбол қауымдастықтары жаңа ережелер қабылдады, оған сәйкес жас балалар енді допты басымен ойнап жаттықпайды, деп хабарлады&nbsp;<a href="https://24.kz/kz/zha-aly-tar/bylu-manyzdy/item/376479-baspen-dop-ojnau-auipti-zertteushiler">«Хабар 24»</a>.
Жақында Глазго университетінің ғалымдары футболшылардың ми ауруларынан қайтыс болу ықтималдығы орташа көрсеткіштен үш жарым есе жоғары екенін анықтады.
<blockquote>
 «Жаңа ережелер жаттығу кезінде бастың көп соққы алуынан пайда болатын қауіптер айтарлықтай азайтуға көмектеседі», – деді Англия футбол қауымдастығының басшысы Марк Булингем.
</blockquote>
Ғалымдардың айтуынша, допты баспен соғу түрлі аурулардың пайда болуына әкеліп соғуы мүмкін. Альцгеймер ауруымен ауыру мүмкіндігі бес есеге, моторлы нейрон ауруының ықтималдығы төрт есе және Паркинсон ауруының ықтималдығы екі есе артуы мүмкін.

Баспен доп ойнау қауіпті – зерттеушілер

<a href="https://kyzylorda-news.kz/">Kyzylorda-news.kz.</a> Ақтау қаласында өткен грэпплингтен және грэпплинг гиден жасөспірімдер арасындағы Қазақстан Республикасының чемпионатында аралдық қос спортшы олжалы оралды.
№19 Арал ауданының олимпиадалық резервтің мамандандырылған балалар-жасөспірімдер мектебінің спортшылары Ернұр Әбжамиев 32 кг салмақ дәрежесі бойынша грэпплингтен І орын, грэпплинг гиден ІІ орын иеленді. Ал, Мұхаммедали Марат&nbsp; 60 кг салмақ дәрежесі бойынша грэпплинг гиден чемпионаттың қола жүлдегері атанды.
Айта кету керек, қазіргі таңда Ернұр Арал қаласындағы №262 мектеп-гимназиясының 7-сынып, ал, Мұхаммедали №83 орта мектебінің 6-сынып оқушылары. Жеңімпаздардың жаттықтырушысы – Фараби Сауытбаев.
<img src="https://kyzylorda-news.kz/wp-content/uploads/2020/02/27aralsportshy2.jpg" alt="" />

Аралдық жас спортшылар ел чемпионатында олжалы оралды

<a href="https://kyzylorda-news.kz/">Kyzylorda-news.kz.</a> Қазалылық боксшы Дәметкен Келімбет бокстан Иорданияда өтетін турнирге қатысады. 3 наурыз күні басталатын байрақты бәсекеде 57 келіде бақ сынайтын жерлесіміз Азия мен Океания елдерінің былғары қолғап шеберлерімен бірге биыл Токиода өтетін Олимпиаданың лицензияларын сарапқа салады.
Дәметкенмен бірге халықаралық турнирде Ангелина Лукас (51 келі), Римма Волосенко (60 келі), Валентина Хальзова (69 келі) және Надежда Рябец (75 келі) ел намысын қорғайды. Бокстан әйелдер арасындағы Қазақстан ұлттық құрамасының бапкері Ерік Алғабек осы аруларға сенім артып отыр.
Айта кетейік, Қазақстан Республикасына еңбек сіңірген жаттықтырушысы Бақытбек Құлбаевтың шәкірті бұған дейін де ел біріншілігімен қатар, халықаралық турнирлерде топ жарып жүр. Соңғы рет өткен жылдың аяғында бокстан Нидерландта өткен «Эйндховен кубогы» халықаралық турнирінде алтын медаль ұтып алды.
<img src="https://kyzylorda-news.kz/wp-content/uploads/2020/02/26dametken2.jpg" alt="" />

Қазалылық боксшы олимпиадаға жолдама беретін турнирде бақ сынайды

<a href="https://kyzylorda-news.kz/">Kyzylorda-news.kz.</a> 2-6 наурыз аралығында Қызылорда қаласында мемлекет және қоғам қайраткері Нәлқожа Ергешбаевты еске алуға арналған тоғызқұмалақтан ашық Азия кубогы өтеді.
Дүбірлі бәсекеге Ауғанстан, Әзірбайжан, Қырғызстан, Түркіменстан, Өзбекстан, Түркия, Ресей, Моңғолия, Босния және Герцеговина, Қазақстанның әр өңірінен келген тоғызқұмалақшылар шеберлік байқасады.
Жарыс классика бойынша 9 турда, 17 жасқа дейінгі жастар және одан жоғары жастағы ерлер мен əйелдер арасында 4 топта өткізіледі.
Айта кетейік, ашық Азия кубогы Қазақстанда жəне Қызылорда облысында алғашқы рет ұйымдастырылуда.
Жарыс 2 наурыз күні сағат 10.00-де “Нұрсəт” теннис орталығында басталады, 16.00-де А.Тоқмағамбетов атындағы мәдениет үйінде салтанатты ашылуы өтеді.
Турнир жеңімпаздары мен жүлдегерлерінің есімдері 6 наурыз күні белгілі болады.

Қызылордада тоғызқұмалақтан ашық Азия кубогы өтеді

<a href="https://kyzylorda-news.kz/">Kyzylorda-news.kz.</a> Халықаралық Аралды құтқару қорының атқарушы дирекциясының ұйымдастыруымен балық ресурстарына ұқыпты қарауды көрсету мақсатында “Aral Fish” мұз астынан қысқы балық аулау турнирі өткізілді.
Турнирдің ашылу салтанатына аудан әкімінің орынбасары Жәнібек Жұбанов қатысып, жарысты өткізудің тиімді тұстарына тоқталып, қатысушыларға сәттілік тіледі. Одан соң Халықаралық Аралды құтқару қорының атқарушы дирекциясының директоры Болат Бекнияз сөз&nbsp;алып, сайыстың мақсаты мен ережелерін түсіндіріп өтті.
Турнирге Қызылорда, Байқоңыр, Арал қалаларынан барлығы 18 команда құрамында 100-ге жуық әуесқой балық аулаушылар қатысты.
Іс-шара барысында командалық және жекелей сынақ бойынша және «Жарыстың ең жас қатысушысы» «Жарыстың ең тәжірибелі қатысушысы», «Ең жылдам мұз қазушы» номинациялары бойынша жеңімпаздар анықталды. Cайыс қорытындысы бойынша жеңімпаздар мен жүлдегерлерге кубоктар мен арнайы медальдар табысталды.
Командалық сайыс қорытындысы бойынша жүлделі орынды I орынды «Зенит» командасы жеңіп алды. Жүлделі II орынды «Живцы» командасы иеленсе, III орынға «Рыболовные воиска» командасы ие болды.
<img src="https://kyzylorda-news.kz/wp-content/uploads/2020/02/25atalmuzdan2.jpg" alt="" />
<img src="https://kyzylorda-news.kz/wp-content/uploads/2020/02/25atalmuzdan3.jpg" alt="" />
<img src="https://kyzylorda-news.kz/wp-content/uploads/2020/02/25atalmuzdan4.jpg" alt="" />
<img src="https://kyzylorda-news.kz/wp-content/uploads/2020/02/25atalmuzdan5.jpg" alt="" />

Аралда мұз астынан балық аулау турнирі өтті

<a href="https://kyzylorda-news.kz/">Kyzylorda-news.kz.</a> “Қайсар” футбол орталығы ауылдағы таланттарды тасада қалдырмас үшін Арал қаласына барып, Сырдария, Байқоңыр, Қазалы, аудандандарының балғын футболшыларын бақылап, іріктеу өткізді.
2007-2008 жылы туған жасөспірімдер арасында өзара жолдастық кездесу өткізіп, бапкерлер орталыққа қажетті футболшыларды таңдап алды.
<blockquote>
 “Қайсар” футбол орталығының әрбір тобы облысымыздың намысын қорғайтын болғандықтан біз аймақтан да футболшыларды іріктеуден өткізіп жатырмыз. Талантты футболшылар ауылдан да шығады. Сондықтан біз іс-сапарымызды алдағы уақытта да жалғастыратын боламыз, – деді орталықтың жаттықтырушысы Бекежан Жаңатаев.
</blockquote>
Айта кетейік, бапкерлер қосыны алдағы уақытта Шиелі және Жаңақорған аудандарында іріктеу өткізеді.

Қызылордалық &#8220;Қайсар&#8221; жас спортшылардың арасында іріктеу өткізіп жатыр

<a href="https://kyzylorda-news.kz/">Kyzylorda-news.kz.</a> Қазақстандық боксшы Қанат Ислам (27-0, 21 КО) Дүниежүзілік бокс ұйымының (WBO) жаңартылған рейтингінде бір сатыға көтерілді, деп хабарлайды <a href="https://www.inform.kz/kz/kanat-islam-wbo-reytinginin-uzdik-ushtigine-kirdi_a3617053">ҚазАқпарат</a>.
Рангтер туралы кестенің жаңа шығарылымында жартылай орта салмақтағы WBO International атағының иегері мексикалық Хайме Мунгиядан (35-0, 28 КО) және британдық Лиам Уильямстен (22-2-1, 17 КО) кейін үшінші орынға тұрақтады. Орта салмақта WBO тұжырымы бойынша әлем чемпионы атағын АҚШ өкілі Деметриус Андраде (29-0, 18 КО) жеңіп алды.
Айта кетейік, бүгінге дейін өзінің соңғы айқасын Қанат Ислам 26 қазанда Алматы қаласында намибиялық Уолтер Каутондоквуға қарсы өткізіп, төрешілердің бірауызды шешімімен жеңіске жетті.

Қанат Ислам WBO рейтингінің үздік үштігіне кірді

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Евразия» мәдени спорт кешенінде халық балуаны Қажымұқан Мұңайтпасұлын еске алуға арналған қазақ күресінен республикалық турнир өтті.
Жылдағы дәстүрге сәйкес, қазақ күресінен 2000-2002 жылдары туылған жастар арасындағы республикалық ашық турнир 8 мәрте ұйымдастырылуда.
Жарыс додасының ашылу рәсіміне арнайы қатысқан Қызылорда қаласының әкімі Нұрлыбек Нәлібаевжас балуандарға сәттілік тіледі.
<blockquote>
 «Жыл сайын Сыр өңірінің бас қаласы – Қызылорда қаласында қазақтың қанына сіңген қайсар қасиетінің, биік рух пен намыстың күшін ортаға салып, боз кілемде белдесу үшін еліміздің барлық аймақтарынан,көршілес Өзбекстан, Қырғызстан мемлекеттерінен жас палуандарымыз бас қосып, ұлттық спортымызды баршаға паш етеді. Алдағы уақытта да жас спортшыларымыз талай табыстарға қол жеткізіп, халықаралық ареналарда еліміздің абыройын асқақтатып, байрағымызды көкке желбірете берулеріне тілектеспін»,- деді қала әкімі.
</blockquote>
Сонымен қатар, турнирге арнайы келген ҚР спорт қайраткері, спорт ардагері Тоқташ Алдоңғаров және Самбодан КСРО-ның еңбек сіңірген жаттықтырушысы, қазақ күресінен ҚР еңбегі сіңген жаттықтырушысы Мұрат Жақып турнирге қатысушы балуандарға сәттілік тілей отырып, қолдау көрсетіп, турнирді 8-ші рет өткізіп отырған қала әкімдігіне зор алғысын білдірді.
Додада Өзбекстан мен Қырғызстаннан және еліміздің барлық аймақтарынан 17 команда, 220 спортшы бақ сынасты.
Жарыс барысында 9 салмақ дәрежесі бойынша жүлделер сарапқа салынып, жеңімпаздар мен жүлдегерлер осы жарысқа арнайылап жасалған медальдармен және қаржылай сыйақылармен марапатталды.
<img src="https://kyzylorda-news.kz/wp-content/uploads/2020/02/20kazkures2.jpg" alt="" />
<img src="https://kyzylorda-news.kz/wp-content/uploads/2020/02/20kazkures3.jpg" alt="" />
<img src="https://kyzylorda-news.kz/wp-content/uploads/2020/02/20kazkures4.jpg" alt="" />
<img src="https://kyzylorda-news.kz/wp-content/uploads/2020/02/20kazkures5.jpg" alt="" />
<img src="https://kyzylorda-news.kz/wp-content/uploads/2020/02/20kazkures6.jpg" alt="" />
<img src="https://kyzylorda-news.kz/wp-content/uploads/2020/02/20kazkures7.jpg" alt="" />

Қызылордада қазақ күресінен турнир өтті

<a href="https://kyzylorda-news.kz/">Kyzylorda-news.kz.</a> Қызылорда облысының спорт саласындағы жетістіктері жылдан-жылға артып келеді. Бұл туралы Қызылорда облысының әкімі Қуанышбек Ысқақов Н. Бекежанов атындағы облыстық қазақ музыкалық драма театрында өтіп жатқан халық алдындағы есепті кездесуінде баяндады.
Қызылорда облысында өткен жылы Ғани Мұратбаев атындағы стадион қайта жаңғыртудан, Жалаңтөс Баһадүр атындағы спорттағы дарынды балаларға арналған мектеп-интернат-колледжінің ғимараты күрделі жөндеуден өткен. Ал, «Нұрсәт» теннис орталығының төртінші жабық кортының құрылысы жалғасуда. Мемлекеттік-жекешелік әріптестік аясында 6 спорт кешені пайдалануға берілді.
Өңір спортшылары 2019 жылы ел чемпионаттарында 1457, Әлем және Азия чемпионаттарында 170 медальға қол жеткізді, 578 спортшы Ұлттық құрама сапына енген.
Өткен жылдың айтарлықтай жаңалығы – «Қайсар» футбол командасы 20 жыл уақыттан кейін екінші рет Қазақстан Кубогын жеңіп алды. Алдағы мақсат – Еуропа лигасында лайықты өнер көрсету.
Жыл қорытындысымен Қазақстан Республикасының Мәдениет және спорт министрлігі, Ұлттық Олимпиада комитеті ұйымдастырған «Алтын Самғау-2019» Ұлттық конкурсында Қызылорда облысы «Үздік спорттық өңір» номинациясын жеңіп алды.
<blockquote>
 «Мойындау керек, біз үшін әлеуметтік-маңызды сұрақтарды шешуге мемлекеттік-жекешелік әріптестік тетігін пайдаланудың зор пайдасы тиіп отыр. Қазіргі таңда мемлекеттік-жекешелік әріптестік бойынша бізде денсаулық сақтау, білім, мәдениет, спорт, қоғамдық тәртіп, тұрғын үй-коммуналдық шаруашылық және басқа да салаларда 142 жоба бар. Олардың 56-сы бойынша жобаларды іске асыру шарттарына инвесторлармен қол қойылды. Бүгінде мемлекеттік-жекешелік әріптестік жобаларын іріктеу барысында бюджеттен инвестициялық шығындарды талап етпейтін, мемлекеттік тапсырыс немесе нарықта қызмет көрсету арқылы жұмыс жасайтын жобаларға басымдық беріледі», – деді аймақ басшысы Қ. Ысқақов.
</blockquote>

Қызылорда облысы былтыр «Үздік спорттық өңір» атанды

<a href="https://kyzylorda-news.kz/">Kyzylorda-news.kz.</a> Ташкент қаласында ауыр атлетикадан өтіп жатқан Азия чемпионатында жерлесіміз Рахат Бекболат Азия чемпионы атанды.
Сыр елінің зілтеміршісі Рахат 17 жасқа дейінгі жасөспірімдер жəне 20 жасқа дейінгі жастар арасында 102 келі салмақ дəрежесінде өнер көрсетіп, қоссайыс нəтижесінде 356 келіні (158+198) бағындырды.
Ол серпе көтеру жаттығу бойынша Əлем рекордын жаңартты.
Айта кетейік, былтырғы жылы Солтүстік Кореяның Пхеньян қаласында өткен Азия чемпионатында жəне Лас-Вегаста өткен Əлем чемпионатында алтын медальдарды иеленген болатын. Спортшының бапкері Нұржан Смаханов.

Қызылордалық спортшы əлем рекордын жаңартты

<a href="https://kyzylorda-news.kz/">Kyzylorda-news.kz.</a> Мәнерлеп сырғанаудан 2019 жылғы әлем чемпионатының күміс жүлдегері Элизабет Тұрсынбаева алғаш рет отбасы жайлы сыр шертті. Жас мәнерлеп сырғанаушының айтуынша, оның спортшы ретінде қалыптасуында анасының рөлі көп болған деп хабарлайды&nbsp;<a href="https://kaz.nur.kz/">KAZ.NUR.KZ.</a>
Айта кетейік, Элизабет Тұрсынбаева Мәскеуде қазақстандық Байтақ Тұрсынбаев пен қырғыз азаматшасы Падишахан Сұлтанәлиеваның отбасында дүниеге келген.
<blockquote>
 “Өз анам жайлы әңгімелеп бергім келіп отыр. Ол Қырғызстанда дүниеге келіп, үйінен бар-жоғы 16 жасында Мәскеуге кетіп қалған. Сол кезде оның қалтасында небары 28 рубль болған және ол орыс тілін де білмейтін еді.Ол пойызбен Мәскеуге бір апта бойы барған. Анам сол сәтте үлкен қалада қалай өмір сүріп, немен айналысатынын да білмеген. Бірақ ол өте жігерлі әрі мақсатына берік адам еді. Алдымен ол Орехово-Зуево индустриалды-педагогикалық техникумды бітіріп, жарты жылдың ішінде орыс тілін меңгеріп алды.
 Сосын Мәскеу мемлекеттік агро-инженерлік университетін бітірді. Анам күндіз оқуын оқып, түнде нан зауытында жұмыс істеп, ал таңда сабағын оқыған. Кейде тіпті ұйықтамаған күндері де болған.
 Нәтижесінде ол Мәскеуде жүріп жоғары білім алды. Сөйтіп жүріп өзінің алғашқы пәтеріне де қол жеткізді. Ол кезде анамның жасы 26-да болыпты… “, – дейді Элизабет.
</blockquote>
Ол сондай-ақ анасының отбасында көп ағайынды екенін айта кетті.
<blockquote>
 “Кейін Тимур мен мен дүниеге келген. Кейін анам тағы бір пәтерді алды. Анама ата-анасы да көмек бере алмаған. Себебі отбасында одан басқа 8 бала болған. Айтпағым ол бәріне өзі қол жеткізген.
 Бір жылдары өз бизнесін ашып, сәнді бұйымдар дүкендер желісін ашқан. Сосын мейрамхана бизнесін де жүргізе бастады. Ағам екеумізге көп уақыт бөлу керек болғандықтан, кейін бизнесті сатуға тура келді. Егер анам болмаса, оның табандылығы мен төзімділігі болмаса, бізге ешкім мұндай жағдайды жасамас еді.
 Шалғай ауылда өмірге келіп, сонда өсуші едік. Мәнерлеп сырғанау туралы тіпті ойлай да алмайтын едік. Қазір анамның екі бірдей жоғары білімі мен өзі жазған кітаптары бар. Ол бізге көп көңіл бөлді, барын салды десем болады.
 Бізді мектепке апарып, жаттығулар мен музыка мектебіне де жетектеп апарды. Біз үшін барын салды. Егер біз бүгінде аз да болса жетістікке жетсек, ол анамның еңбегі. Мен үнемі анамды мақтан тұтатын боламын”, – деп жазған Элизабет Тұрсынбаева.
</blockquote>

Қазақстан және Қызылорда облысының жаңалықтары: Спорт

Шиеліде жасөспірімдер арасында облыстық турнир өтті

Баспен доп ойнау қауіпті – зерттеушілер

Аралдық жас спортшылар ел чемпионатында олжалы оралды

Қазалылық боксшы олимпиадаға жолдама беретін турнирде бақ сынайды

Қызылордада тоғызқұмалақтан ашық Азия кубогы өтеді

Аралда мұз астынан балық аулау турнирі өтті

Қызылордалық “Қайсар” жас спортшылардың арасында іріктеу өткізіп жатыр

Қанат Ислам WBO рейтингінің үздік үштігіне кірді

Қызылордада қазақ күресінен турнир өтті

Қызылорда облысы былтыр «Үздік спорттық өңір» атанды

Қызылордалық спортшы əлем рекордын жаңартты

Элизабет Тұрсынбаева алғаш рет отбасы жайлы сыр шертті

Қазақстан және Қызылорда облысының жаңалықтары: Спорт

Шиеліде жасөспірімдер арасында облыстық турнир өтті

Баспен доп ойнау қауіпті – зерттеушілер

Аралдық жас спортшылар ел чемпионатында олжалы оралды

Қазалылық боксшы олимпиадаға жолдама беретін турнирде бақ сынайды

Қызылордада тоғызқұмалақтан ашық Азия кубогы өтеді

Аралда мұз астынан балық аулау турнирі өтті

Қызылордалық &#8220;Қайсар&#8221; жас спортшылардың арасында іріктеу өткізіп жатыр

Қанат Ислам WBO рейтингінің үздік үштігіне кірді

Қызылордада қазақ күресінен турнир өтті

Қызылорда облысы былтыр «Үздік спорттық өңір» атанды

Қызылордалық спортшы əлем рекордын жаңартты

Элизабет Тұрсынбаева алғаш рет отбасы жайлы сыр шертті

Қызылордалық “Қайсар” жас спортшылардың арасында іріктеу өткізіп жатыр