<a href="https://kyzylorda-news.kz/">Kyzylorda-news.kz.</a> Осы жылдың тамыз айына жоспарланған Токиода өтетін жазғы Олимпиада бір-екі жылға кейінге шегерілуі мүмкін.
Бұл туралы Wall Streat Journal газетіне жапондық ұйымдастыру комитетінің мүшесі Харуюки Такахаши айтты, деп хабарлайды&nbsp;<a href="https://24.kz/kz/zha-aly-tar/sport/item/379752-tokio-olimpiadasy-koronavirus-a-bajlanysty-eki-sh-zhyl-a-kejinge-aldyryluy-m-mkin">«Хабар 24»</a>.
<blockquote>
 «Олимпиаданы мүлде өткізбей тастау мүмкін емес деп ойлаймын, тек уақытын ауыстыруға болады», – деді Такахаши.
</blockquote>
Оның айтуынша, Олимпиаданы ауыстыру алдағы жылға басқа спорттық іс-шаралардың уақыты белгіленіп қоюына байланысты қиындықтар тудыруы мүмкін. Сондықтан 2 жылға кейінге қалдыру жеңілірек болмақ.

Токио Олимпиадасы коронавирусқа байланысты екі-үш жылға кейінге қалдырылуы мүмкін

<a href="https://kyzylorda-news.kz/">Kyzylorda-news.kz.</a> Иорданияның Амман қаласында өтіп жатқан Олимпиадаға іріктеу турнирінің жартылай финалдық бәсекесіне Қамшыбек Қоңқабаев қатысқан жоқ, деп хабарлайды <a href="https://lenta.inform.kz/kz/boksshy-kamshybek-konkabaev-sharshy-alanga-shykpay-kaldy_a3623385">ҚазАқпарат.</a>
Ол ширек финалда алған жарақатына байланысты кездесуге шығудан бас тартты. Осылайша Қоңқабаев кезекті жарысқа шықпаса да, Олимпиадаға іріктеу турнирінің қола жүлдегері болды. Ол ширек финалда қытайлық Маймаийти Аемайитиді айқын басымдылықпен ұтып, жартылай финал мен Олимпиада жолдамасын қанжығасына байлаған болатын.
Осылайша, Ғалымбек Кенжебаев баптайтын боксшылар Олимпиада ойындарына 7 жолдама жеңіп алса, бүгін төрт боксшы финалға шықты. Үш боксшымыз қола медальді қанағат тұтты.
Қола медальдарды ерлер арасынан Абылайхан Жүсіпов (69 келі) және Серік Теміржанов (57) және +91 келі салмақта қамшыбек Қоңқабаев жеңіп алса, әйелдер боксынан 75 келі салмақта Надежда Рябец ұтып алды.
Ал ертең, яғни олимпиадалық іріктеу турнирінің соңғы күні төрт қазақстандық боксшы алтын медальға таласады. Олар – Зәкір Сафиуллин (63 келі), Василий Левит (91 келі), Әбілхан Аманқұл (75 келі) және 81 келі салмақтағы Бекзат Нұрдәулетов.

Боксшы Қамшыбек Қоңқабаев шаршы алаңға шықпай қалды

<a href="https://kyzylorda-news.kz/">Kyzylorda-news.kz.</a> Ақтөбе қаласында каратэ-додан «AKTOBE OPEN» атты Халықаралық турнир өтті.
&nbsp;Турнирде облыс спортшылары 4 алтын, 5 күміс, 6 қола медальдарға ие болды. Жүлделі орындар:
&nbsp;10-11 жас, &nbsp;– 30 келі: Ерланұлы Еркебұлан&nbsp;#5ОРМБЖМ, жат-шы Əкімжан Нұрғалиев;
12-13 жас, &nbsp;– 45 келі: Ізбасар Мади #5ОРМБЖМ, жат-шы Əкімжан Нұрғалиев;
14-15 жас, 47 келі: Əділова Гүлжайна#2ОРМБЖМ, жат-шы Нұржан Ақпанбет;
16-17 жас, &nbsp;– 68 келі: Бодық Ерболат #2ОРМБЖМ; жат-шы Рүстем Қараев.
Жүлделі орындар:
10-11 жас, &nbsp;– 35 келі: Болат Темірхан#5ОРМБЖМ, жат-шы Əкімжан Нұрғалиев;
12-13 жас, &nbsp;– 42 келі: &nbsp;Сейтқали Ақерке#2ОРМБЖМ, Нұржан Ақпанбет;
14-15 жас, &nbsp;– 57 келі: &nbsp;Əшірбай Досымжан &nbsp;“Қажымұқан” СК, жат-шы: Қодаров Мақсат;
14-15 жас – 63 келі: Бекболат Ерасыл жат-шы: Талапберген Абдраманов;Ерлер арасында, 67 келі: &nbsp;Жарылқасын Фархад, &nbsp;жат-шы: Талапберген Абдраманов.
Орындар:10-11 жас, &nbsp;– 45 келі: Сайлау Нурхан#5ОРМБЖМ; жат-шы: Əкімжан Нұрғалиев;
12-13 жас, – 50 келі: Əділхан Мейіржан#2ОРМБЖМ; жат-шы: Нұржан Ақпанбет;
14-15 жас, &nbsp;+ 70 келі: Ниязбеков Ерасыл#5ОРМБЖМ; жат-шы: Əкімжан Нұрғалиев;
14-15 жас, &nbsp;– 57 келі: Əшірбай Досымжан &nbsp;“Қажымұқан” СК, жат-шы Қодаров Мақсат;
16-17 жас, &nbsp;– 68 келі: Бектуған Нұржан “Қажымұқан” СК, &nbsp;жат-шы: Қодаров Мақсат;16-17 жас,
&nbsp;+70 келі: Құлжанов Əділет#6ОРМБЖМ; жат-шы: Нұрбол Тойшыбаев.

Сыр каратэшілері 15 медаль иеленді

<a href="https://kyzylorda-news.kz/">Kyzylorda-news.kz.</a> Футболдан Ел бірінішілігінің алғашқы турында қызылордалық «Қайсар» өз алаңында “Ертісті” қабылдады.
Биыл Еуропа лигасында өнер көрсететін қасқырлар құрамын бірнеше ойыншымен жаңартқан еді. Стойчо бапкердің шәкірттері кездесу басталысымен ойынды өз қолдарына алып, қонақ қақпаны нысанаға ала бастады.&nbsp;Ә дегеннен шабуылға шыққан қасқырлар 11 минутта есеп ашты. Асхат Тағыбергеннің айып алаңына асырған добына Иван Граф алғаш жетіп, әріптесі Элгуджаның гол соғуына мүмкіндік жасады. Гүржі елінің шабуылшысы мүмкіндікті мүлт жібермей командасын алға шығарды.
Кездесудің екінші жартысында қонақтар 11 метрлік айып добын сәтті пайдалана алмады. Қақпаны күзеткен Марсель Исламқұлов пенальтиды қайтарып, “Қайсарға” жеңіс сыйлады.

«Қайсар» маусымды жеңіспен бастады

<a href="https://kyzylorda-news.kz/">Kyzylorda-news.kz.</a> Иордания астанасы – Амман қаласында бокстан өтіп жатқан Токио Олимпиадасына лицензиялық турнирде Сыр спортшысы Қамшыбек Қоңқабаев жолдама алды.
91 келіден жоғары салмақта сынға түскен Сыр боксшысы қытайлық спортшыны жеңіп, жартылай финалға шықты.
Ол 10 наурыз күні австралиялық боксшымен шаршы алаңға шығады.
Қамшыбек Қоңқабаев – бокстан ҚР еңбек сіңірген спорт шебері, 2 дүркін Азия жəне Əлем чемпионатының күміс жүлдегері.
Қызылорда облысында Олимпиадаға əзірге екі жолдама бар. 
Бұған дейін еркін күрестен Дəулет Ниязбеков алған болатын.
<img src="https://kyzylorda-news.kz/wp-content/uploads/2020/03/qamshybek-qongqabaev-tokio-olimpiadasyna-1.jpg" alt="" />

Қамшыбек Қоңқабаев Токио олимпиадасына жолдама алды

<a href="https://kyzylorda-news.kz/">Kyzylorda-news.kz.</a> 1972 жылдың наурыз айында Азаматтық қорғаныстың Халықаралық Ұйымы құрылып, Қазақстан Республикасы 1997 жылдың қазан айында тәуелсіз мемлекет ретінде Азаматтық Қорғаныстың Халықаралық Ұйымының қатарына қосылды.&nbsp;&nbsp;&nbsp;&nbsp;&nbsp;&nbsp; 
Содан бері елімізде жыл сайын 1 наурыз – Бүкіләлемдік Азаматтық Қорғаныс күні болып аталып, мемлекетіміз азаматтардың өмірін қорғау және қауіпсіздігін қамтамасыз ету саясатын жүргізіп келеді. &nbsp;&nbsp;&nbsp;&nbsp;&nbsp; 
Бүгінде 2020 жылғы 1 наурыздан бастап Департаментте «Азаматтық қорғаныс және алғашқы көмек әр үйге» ұранымен Бүкіләлемдік Азаматтық қорғаныс күніне арналған іс-шаралары жүргізілуде. Бүгінгі волейболдан өткізілген спорттық турнир игі шаралардың жалғасы.&nbsp;&nbsp;&nbsp; 
Сондай-ақ 2008 жылғы ақпан айының соңғы күнінде Сырдария өзеніндегі мұздың жағдайын, қорғаныс бөгеттерін зерттеу, ықтимал табиғи апатқа қарсы тұру шараларын пысықтап, дайындықты қамтамасыз ету үшін әуеге көтерілген МИ – 8 тікұшағының апаты орын алды.&nbsp;&nbsp;&nbsp;&nbsp;&nbsp;&nbsp; 
Сол апатта бірқатар азаматтармен бірге аяулы дос, жоғарғы дәрежелі маман полковник Қазбек Төреманов қаза болған еді. Биыл Қазбек Төреманов арамыздан кеткеніне де 12 жыл уақыт өтті. &nbsp;&nbsp; 
Қазбек Төреманов өз елінің алдында атқарған ерен еңбегі үшін бірқатар жоғарғы мемлекеттік наградалармен марапатталған. Кәсіби шеберлігімен және өжеттілігімен ерекшеленетін еді. Әртүрлі төтенше жағдайларда оң шешім қабылдап, одан шығудан жол таба білген іскер басшы болатын. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 
Бүгінгі Азаматтық қорғаныс күніне және Қазбек Төремановты еске алуға арналған спорттық жарыста 14 команда өз бақтарын сынап, жүйрігін анықтады. 
тартысқа толы бәсекеде облыстық жастар орталығының еріктілері мен №2 мамандандырылған өрт сөндіу бөлімінің командасы ерекше ойын өрнегін көрсетті. 
Ақтық мәреге дейін жетіп жүлделі 1-орынды №2 мамандандырылған өрт сөндіру бөлімі иеленсе, 2- орын еріктілерге бұйырды. Алғашқы үштіктен ойып тұрып орын алған ұйымшыл Төтенше жағдайлар департаментінің құрама командасы 3 орынды қанжығасына бағындырды.
<img src="https://kyzylorda-news.kz/wp-content/uploads/2020/03/oblystyk-zharys-1-scaled.jpg" alt="" />
<img src="https://kyzylorda-news.kz/wp-content/uploads/2020/03/oblystyk-zharys-2-scaled.jpg" alt="" />

Қызылордада волейболдан облыстық турнир өтті

<a href="https://kyzylorda-news.kz/">Kyzylorda-news.kz.</a> Дәл қазіргі есеп бойынша Токио Олимпиадасына Қызылорда облысы бір жолдамаға ие болған.
Төрт жылда бір келетін әлемдік додада өнер көрсету үшін көп жолдамаға ие болған алматы облысы. Қазіргі таңда аталған облыс 6 жолдама иеленіп, көш бастап келеді.
Ал, алматы қаласы 4 жолдамаға қол жеткізіп, екінші орында тұр. Сондай-ақ, Нұр-Сұлтан мен Шымкент қалалары 3 жолдамадан бөліскен.
Аймақтар арасында ақтөбеліктердің еншісінде 3 жолдама болса, Шығыс Қазақстан облысының спортшылары 2 жолдама алып отыр. Ал Батыс Қазақстан облысы мен Қызылорда спортшылары бір-бір жолдамадан иелік еткен.
Қалған өңірлер әзірге Олимпиада ойындарының бірде бір жолдамасын еншілей алмай отыр.

Қызылорда облысы Токио Олимпиадасына қанша жолдама алды?

<a href="https://kyzylorda-news.kz/">Kyzylorda-news.kz</a>. Амман қаласында (Иордания) бокстан өтіп Олимпиада ойындарына іріктеу турнирін қазақстандық боксшы қыздар сәтсіз бастады, деп хабарлайды <a href="https://lenta.inform.kz/kz/dametken-kelimbet-bokstan-olimpiadaga-irikteu-turnirinde-zholdamadan-kagyldy_a3621601">ҚазАқпарат</a>.
Олимпиадаға іріктеу турирін қазақстандық боксшылардан әйелдер арасында бірінші болып Дәметкен Келімбет (57 келі) бастады.
Ол алғашқы іріктеу жекпе-жегінде қытайлық Инь Юнхуамен жұдырықтасып, өкінішке қарай қарсыласына 0:5 есебімен ұтылып қалды.
Осылайша, Ерік Алғабек баптайтын боксшылар арасынан шаршы алаңға алғашқы болып шыққан Дәметкен Келімбет Токио Олимпиадасының жолдамасынан тыс қалды.

Қызылордалық Дәметкен Келімбет Олимпиадаға іріктеу турнирінде жолдамадан қағылды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов Қайсар футбол командасының жаңа құрамымен танысты.
Жаңа маусымға «қайсарлықтардың» құрамына 11 футболшы қосылған. Олар: Елдос Ахметов, Қуаныш Қалмұратов, Бағдат Қайыров, Ризван Аблитаров, Алфин Фортес, Режиналдо, Александр Колев, Могамед Парагульгов, Иван Пешич, Элгуджа Лобжанидзе.
Кездесу барысында команданың капитаны Асхат Тағыберген клубтың маусымға дайындығы туралы айтып, қолдау білдірген аймақ басшысы мен жанкүйерлеріне алғысын білдірді.
<blockquote>
 «Қайсар» футбол командасы өткен жылы жоғары жетістіктерге жетті. Биылғы маусымдада сол жетістіктерді қайталауға тырысамыз. Ол үшін барлық жағдай жасалуда. Түркияда дайындық жүргіздік. Жақсы футболшылар қатарымызға қосылды. Жігіттермен бірге жоғары мақсаттарға жетуге жұмыс жасаймыз. 8-наурызда «Ертіске» қарсы ойында жеңіске жетіп, өзіңіз бастаған жанкүйерлерімізді қуантуға әзірміз», – деді команда капитаны.
</blockquote>
«Қайсар» командасы тарихта 20 жылдан кейін Қазақстан кубогының иегері атанып, тұңғыш рет Еуропа лигасына жолдама алды.
Облыс әкімі аяқдоп шеберлерімен кездесу барысында Қуанышбек Ысқақов жаңа маусымнан, жаңа жетістіктер күтетінін айтты.
<blockquote>
 «Биылғы маусымда «Қайсардың» намысын қорғайтын футболшыларға үлкен жауапкершілік артылады. Жыл өткен сайын нәтиже жақсарып келеді. Осы жылғы чемпионатта да жеңіске қол жеткізсек деген мақсатымыз бар. Бастысы – қорғаныста сауатты, шабуылда ширақ қимылдасақ, техникалық жағынан түсіністік, бір-біріне деген сенім жоғары болуы керек. Оның үстіне, «Қайсардың» жанашыр жанкүйерлері жетерлік. Олардың шынайы қолдауы командаға айрықша жігер сыйлары анық», – деді аймақ басшысы.
</blockquote>
Кездесу соңында облыс әкімі Қуанышбек Досмайылұлына «Қайсар» командасының 12 нөмірлі жейдесі табысталды.
Айта кетейік, дала қасқырлары 8-ші наурызда Ғ.Мұратбаев атындағы орталық стадионда «Ертіс» командасымен кездеседі.
<img src="https://kyzylorda-news.kz/wp-content/uploads/2020/03/02-9.jpg" alt="" />
<img src="https://kyzylorda-news.kz/wp-content/uploads/2020/03/04-2.jpg" alt="" />
<img src="https://kyzylorda-news.kz/wp-content/uploads/2020/03/01-9.jpg" alt="" />

Аймақ басшысы «Қайсар» футбол клубының жаңа құрамымен кездесті (ФОТО)

<a href="https://kyzylorda-news.kz/">Kyzylorda-news.kz.</a> Амманда бокстан Океания/Азия құрлықтық іріктеу турнирінің жеребесі тартылып, қазақстандық боксшылардың алғашқы қарсыластары анықталды, деп хабарлайды <a href="http://lenta.inform.kz/kz/olimpiadaga-irikteu-turniri-kazakstandyk-boksshylardyn-algashky-karsylastary-anyktaldy_a3620838">ҚазАқпарат</a>.
ҚР Ұлттық олимпиадалық комитеті хабарлағандай, жеребе нәтижесіне сәйкес қазақстандық боксшылар жарысты 4 наурыз күні бастамақ.
Қазақстандық боксшылардың алғашқы қарсыластары:
4 наурыз
57 келі: Дәметкен Келімбет – Инь Юньхуа (Қытай)
60 келі: Римма Волосенко – Бац Симранжит Каур (Үндістан)
5 наурыз
63 келі: Зәкір Сафиуллин – Карауи Хайдер (Ирак)/Шан Жун (Қытай) жұбының жеңімпазы
75 келі: Әбілхан Аманқұл – Ким Жинжея (Оңтүстік Корея)/Бахтиор Мирзомухаммад (Тәжікстан) жұбының жеңімпазы
81 келі: Бекзат Нұрдәулетов – Памбеллоне (Жаңа Зеландия)/Умемура Рен (Жапония) жұбының жеңімпазы
6 наурыз
69 келі: Абылайхан Жүсіпов – Баттумур (Моңғолия)/Зарумалингам (Катар) жұбының жеңімпазы
69 келі: Валентина Халзова – Сюён Чои (Оңтүстік Корея)
75 келі: Надежда Рябец – Навбахор Хамидова (Өзбекстан)
7 наурыз
52 келі: Сәкен Бибосынов – Танака Риоми (Жапония)/Азат Үсеналиев (Қырғызстан) жұбының жеңімпазы
57 келі: Серік Теміржанов – Әл-Судани (Ирак)
51 келі: Ангелина Лукас – Ютамас Йитронг (Тайпей)
8 наурыз
91 келі: Василий Левит – Давлат Болтаев (Тәжікстан)/Сандажсурен (Моңғолия)
91 келіден жоғары: Қамшыбек Қоңқабаев – Рамезанпаурделвари (Иран)/Айхемайти (Қытай) жұбының жеңімпазы.

Олимпиадаға іріктеу турнирі: Қамшыбек Қоңқабаев кіммен жұптасады?

<a href="https://kyzylorda-news.kz/">Kyzylorda-news.kz.</a> Биыл Әйтеке би кентінде 2 спорт алаңы салынады. Жасанды жасыл төсенішпен қамтамасыз етілетін алаңда балалар негізінен футбол ойнайтын болады.
Қазіргі таңда аудан орталығында 9 шағын футбол алаңы бар. Олардың басым көпшілігі теміржолдың бергі бетінде орналасқан. 10 мыңнан аса тұрғыны бар 5 квартал аймағында Қазалы көлік-техникалық жоғары колледжінің ауласында ғана бар.
Осыған орай биыл 5 квартал аймағынан 2 шағын футбол алаңын салу жоспарланып отыр. Оның бірі Дулатов пен Әліпбаев көшелерінің қиылысында орналасса, екіншісі Жетес би мен Елховников көшелері түйіскен жерге салынады.
Спорт алаңдарын салу үшін аудандық бюджеттен тиісті қаржылары бөлінді. Жақын күндері мемлекеттік сатып алу конкурсы жарияланып, жеңімпаз мекеме анықталатын болады.
Айта кетейік, өткен жылы Ақтан батыр ауылынан 150 орындық стадион құрылысы басталып, биыл аяқталған болатын. Жақын күндері бұл стадионның есігі ауыл балалары үшін айқара ашылмақ.

Қазалы ауданында 2 шағын футбол алаңы салынады

<a href="https://kyzylorda-news.kz/">Kyzylorda-news.kz</a>. Бүгін А.Тоқмағамбетов атындағы мəдениет үйінде мемлекет жəне қоғам қайраткері Нəлқожа Ергешбаевты еске алуға арналған тоғызқұмалақтан ашық Азия кубогының салтанатты ашылуы өтті.
Оған қала əкімі Нұрлыбек Нəлібаев, Дүниежүзілік тоғызқұмалақ федерациясының вице-президенті Мақсат Шотаев жəне облыстық тоғызқұмалақ федерациясының президенті Әбдіқадыр Ергешбаев қатысып, командаларға сәттілік тіледі.
Сондай-ақ, Моңғолия мемлекетінің тоғызқұмалақ қауымдастығының басшысы Долдай Ербол “Құрмет орденін” облыстық тоғызқұмалақ федерациясының президенті Әбдіқадыр Ергешбаевқа табыстады.
Дүбірлі бәсекеде Ауғанстан, Әзірбайжан, Қырғызстан, Түркіменстан, Өзбекстан, Түркия, Ресей, Моңғолия және Қазақстанның әр өңірінен 262 тоғызқұмалақшы шеберлік байқасуда.
Классика мен блиц бойынша 9 турда, 17 жасқа дейінгі жастар және одан жоғары жастағы ерлер мен əйелдер арасында 4 топта өткізіледі.
Жарысқа 2 ҚР еңбек сіңірген спортшысы, 14 халықаралық дəрежедегі спорт шебері, 25 спорт шебері, 135 спорт шеберіне үміткерлер қатысуда.
“Нұрсəт” теннис орталығында өтіп жатқан жарыс жеңімпаздары мен жүлдегерлердің есімдері 6 наурыз күні белгілі болады.
<img src="https://kyzylorda-news.kz/wp-content/uploads/2020/03/qyzylordada-toghyzqumalaqtan-ashyq-azija-kwbogy-bastaldy.jpg" alt="" />

Қазақстан және Қызылорда облысының жаңалықтары: Спорт