<a href="https://kyzylorda-news.kz/">Kyzylorda-news.kz.</a> Gambling.com сайты Геннадий Головкин мен Сауль «Канело» Альварестің айқастарын спорт тарихындағы 101 үздік жекпе-жектің қатарына қосты, деп хабарлайды <a href="https://www.inform.kz/kz/golovkin-kanelo-zhekpe-zhekteri-uzdik-aykastar-reytingine-endi_a3667716">ҚазАқпарат</a>.
Қазақстан мен Мексика боксшыларының бәсекелестігі рейтингтің 91-ші орнына орналастырылған.
<blockquote>
 «Орта салмақ үздіктері Головкин мен Альварестің тартысы ұзақ уақыт жарнамаланып, 2017 жылдың қыркүйегінде басталды. Сол кезде әлі жеңіліп көрмеген GGG-дің рекорды ерек еді – 37-0-0, оның 33-ші нокаутпен аяқталған. Ал «Канело» Флойд Мейвезерден жеңілгеніне қарамастан, сол кезде спортта енді жұлдызы жана бастаған еді. Текетіреске алғашқы жекпе-жек себеп болды. Головкин мексикалық қарсыласынан 12 раундтың 10-ында басым түскенімен, төрешілердің шешімімен айқас тең аяқталды. Бір жылдан кейін матч-реванш болып, Головкин бірінші рет жеңілді. Ал «Канело» мықтылығын дәлелдеп келеді», – делінген ақпаратта.
</blockquote>

Головкин-«Канело» жекпе-жектері үздік айқастар рейтингіне енді

<a href="https://kyzylorda-news.kz/">Kyzylorda-news.kz.</a> «Қайсар» басшылығы команданың 25 ойыншысы коронавирус жұқтырды деген ақпаратқа қатысты жауап берді.
<blockquote>
 «1 шілдеде футболдан ел біріншілігі жалғасады. Сондықтан талапқа сәйкес «Қайсар» футбол клубы өткен сәрсенбіде тест тапсырған болатын. Тест нәтижесімен кейбір футболшылардан оң нәтиже анықталды. Бүгін команда екінші мәрте қайта сынамадан өтті. Тест нәтижесі барлығында да теріс нәтижені көрсетті. Футболшылардың денсаулығы қалыпты жағдайда. Ойыншылар алдағы кездесуге дайындығын жүргізуде», – деп мәлім етті «Қайсар» басшылығы.
</blockquote>
Мұнан бұрын «Қайсар» футбол клубының бас жаттықтырушысы Стойчо Младенов команданың 25 ойыншысы коронавируске шалдыққанын айтқан болатын.
Естеріңізге сала кетелік, 1 шілдеде ел біріншілігі жалғасады. Бұл турда «Қайсар» өз алаңында «Тараз» командасын қабылдайды. Сондай-ақ аталған турда «Тобыл» мен «Каспий», «Қызылжар» мен «Оқжетпес», «Қайрат» пен «Жетісу», «Ордабасы» мен «Шахтер» командалары кездеседі.

«Қайсардың» 25 ойыншысына коронавирус жұқпаған болып шықты

<a href="https://kyzylorda-news.kz/">Kyzylorda-news.kz.</a> IBF титулына үміткер поляк боксшысы Камил Шереметаның&nbsp;промоутері Анджей Василевски қазақстандық Геннадий Головкинмен жекпе-жек қашан өтетінін айтты.
<blockquote>
 «Мен Геннадий Головкиннің командасымен байланыстамын. Біз қазанның екінші немесе үшінші сенбісінде немесе қарашаның бірінші сенбісінде жекпе-жек өтеді деп жоспарлап отырмыз. Бірақ бізде ешқандай сенімділіктің болмауы қорқынышты. Себебі бәрі өзгеріп кетуі мүмкін», – деді Василевски.
</blockquote>
Бұған дейін промоутер Эдди Херн Головкин – Шеремета жекпе-жегінің&nbsp;тамыз айында өтуі мүмкін екенін мәлімдеген.
<a href="https://24.kz/kz/zha-aly-tar/sport/item/405338-golovkin-sheremeta-zhekpe-zhegi-ashan-tedi">«Хабар 24»</a>

Головкин – Шеремета жекпе-жегі қашан өтеді

<a href="https://kyzylorda-news.kz/">Kyzylorda-news.kz.</a> ФИФА кезекті бір отырысында ұлттық федерацияларға қаржылай көмек бөлу туралы шешім қабылдады, деп хабарлайды&nbsp;<a href="https://24.kz/kz/zha-aly-tar/o-am/item/405321-fifa-koronavirus-a-arsy-k-resuge-oma-ty-arzhy-b-ledi">«Хабар 24».</a>
Ұйымның сайтында хабарланғандай, коронавирус пандемиясынан келген шығындарды жабуға гранттар мен пайызсыз несиелер бөлінеді. Айта кетейік, ФИФА барлығы 1,5 миллиард доллар бөлуді жоспарлап отыр. Бұл қаражат ұйымның резервінен алынады.

ФИФА коронавирусқа қарсы күресуге қомақты қаржы бөледі

<a href="https://kyzylorda-news.kz/">Kyzylorda-news.kz.</a> Қазақстандағы ЮНИСЕФ адал ниет елшісі, шахматтан бірнеше дүркін әлем чемпионы, гроссмейстер Динара Садуакасова онлайн шахмат академиясын ашты, деп хабарлайды <a href="https://24.kz/kz/zha-aly-tar/bylu-manyzdy/item/405233-tegin-onlajn-shakhmat-mektebi-ashyldy">«Хабар 24»</a>.
«Динара Садуақасованың онлайн шахмат академиясы» алаңында чемпионның өзінен бейнесабақтар, тапсырмалар, тестілер табуға болады. Коронавирус пандемиясына байланысты туындаған жағдайға орай курстарға қатысу тегін. Сонымен қатар курстарға тегін қатысу мүмкіндігі шектеулі адамдарға тұрақты негізде қолжетімді болады.
<blockquote>
 «Бәріне арналған шахмат» – Тұрғын үй құрылыс жинақ банкімен бірлесіп жүзеге асырылып жатқан жоба. Біздің мақсатымыз – шахмат ойынына деген қызығушылықты арттыру және еліміздің шалғай өңірлерінде шахматты үйренгісі келетін адамдарға мүмкіндік беру. Әлем қарқынды түрде дамып жатыр, қазір зияткерлік қасиеттер мен ойлау жылдамдығы маңызды. Шахмат – бұл дағдыларды дамытатын тамаша құрал. Алаңда менің қатысуыммен видео-сабақтар, 5000 жуық тапсырма бар, – деді академияны қалаушы Динара Сауакасова.
</blockquote>
Курстарға тұрғылықты жеріне қарамастан балалар да, ересектер де қатыса алады. Курстар шахмат ойыншысының дайындық деңгейіне байланысты қалыптастырылған. Әр курс танымдық видео-сабақтар мен бекітуге арналған (жеңіл деңгейден күрделіге дейін) 200 тапсырманы қамтитын 20-25 блоктан тұрады. Курсты сәтті аяқтаған соң электронды сертификат беріледі.
<blockquote>
 «Біз командамызбен барлық деңгейге арнап 10 сағаттан астам шахмат сабақтарын жаздық. Алаңда сондай-ақ танымал шахмат ойыншыларының дәрістері мен семинарлары жарияланатын болады. Адамдардың шахматқа деген қызығушылығы артып, үйрену мүмкіндігі болғанын қалаймыз», – деді Шахмат академиясының директоры Айнұр Өтешева.
</blockquote>

Тегін онлайн шахмат мектебі ашылды

<a href="https://kyzylorda-news.kz/">Kyzylorda-news.kz.</a> Ертең – халықаралық олимпиада күні. Елімізде айтулы мереке осымен 27-ші рет өткізіледі.
Сыр елін халықаралық аренада еліміздің Əнұранын шырқатып, көк туын көкте желбіретіп жүрген спортшылары көп.
2008 жылы Пекин Олимпиадасына гандболдан 10 спортшы Қазақстан құрамасында өнер көрсетті. Атап айтар болсақ, Гүлзира Искакова, Екатерина Тяпкова, Ольга Травникова, Наталья Кубрина, Юлия Моркович, Ольга Аджидерская, Елена Илюхина, Ксения Никандрова, Татьяна Парфенова, Ольга Егунова.
<ul>
<li>2008 жылы Пекин жəне 2012 жылы Лондон Олимпиадаларында ауыр атлетикадан Илья Ильин 2 дүркін чемпион атанды.</li>
<li>2012 жылы Лондон Олимпиадасында бокстан Марина Вольнова қола жүлдені иеленсе, еркін күрес балуаны Дəулет Ниязбеков, ауыр атлеттер Алмас Өтешов пен Александр Зайчиков, жеңіл атлет Виктор Лептиковтер қатысып, тəжірибе алмасты.</li>
<li>Лондон Паралимпиадасына облыстан 3 спортшы бақ сынады. Олар: пауэрлифтингшілер Кабира Асқарова мен Айбек Əбжан, жеңіл атлет Ислам Салимов.</li>
<li>2016 жылы Рио Олимпиадасына облыстан 3 спортшы қатысып, ауыр атлетикадан Александр Зайчиков қола жүлдені еншіледі. Еркін күрес балуаны Ғалымжан Өсербаев пен таеквондошы Айнұр Есбергенова шеберліктерін шыңдады.</li>
<li>Жасөспірімдер Олимпиада ойындарында 4 спортшы қатысып, 2 алтын, 2 қола медаль иеленді. 2010 жылы (Қытай) ауыр атлетикадан Рүстем Сыбай мен 2016 жылы (Норвегия) мəнерлеп сырғанаудан Элизабет Тұрсынбаева қола жүлделерге ие болса, 2014 жылы (Қытай) дзюдодан Бауыржан Жауынтаев пен 2018 жылы (Индонезия) байдарка жəне каноэде есудан Диас Бахраддин чемпион атанды.</li>
</ul>
<img src="https://kyzylorda-news.kz/wp-content/uploads/2020/06/olimp-ishine-1.jpg" alt="" />

23 маусым – Халықаралық олимпиада күні. Қызылордалықтардың үлесі қандай?

<a href="https://kyzylorda-news.kz/">Kyzylorda-news.kz.</a> Орта салмақтағы IBF және IBO нұсқалары бойынша әлем чемпионы Геннадий Головкин (40-1-1, 35 КО) The Lockdown Tapes эфирінде спорттағы сыбайлас жемқорлық туралы пікір білдірді, деп хабарлайды <a href="https://www.inform.kz/kz/golovkin-bokstagy-sybaylas-zhemkorlyk-turaly-aytty_a3664132">ҚазАқпарат</a>. 
<blockquote>
 «Жемқорлық, жемқорлық және тағы да жемқорлық. Мен бокстың болғанын қалаймын, спорт ең алдымен таза болуы керек. Иә, ауыр, мен тіпті өткенді қозғағым да келмейді. Тағдырыма Олимпиада чемпионы болмай-ақ, еңсемді түсірмей, спортшы болып қалғаныма, ішкі менімді жоғалтпағаным үшін алғыс айтамын», – деді Геннадий Головкин.
</blockquote>
Головкиннің сұхбаты Matchroom Boxing YouTube каналына салынған. Жүргізуші Крис Ллойд аудармашы арқылы GGG-ге Джонатон Бэнкспен бірге жаттығудан бастап, Биг Бэнкстегі лагерь, оның отбасылық өмірі және болашаққа арналған жоспарларына қатысты бірнеше сұрақ қойды. Бір ай бұрын Геннадий Головкин карантиннен кейін бірінші кезекте не істейтінін айтқан болатын. 
<blockquote>
 «Карантиннен кейін бірінші кезекте бокс залына барамын» – деп жазған еді Геннадий Головкин өзінің Instagram парақшасында.
</blockquote>
Кейіннен Головкиннің (40-1-1, 35 КО) сопромоутері Эдди Хирн қазақстандық боксшы келесі жекпе-жегін қашан өткізетінін хабарлаған еді.

Головкин бокстағы сыбайлас жемқорлық туралы айтты

<a href="http://kyzylorda-news.kz/">Kyzylorda-news.kz.</a> Арал ауданының орталығындағы №19 олимпиада резервінің балалар мен жасөспірімдер мектебінің арнаулы бокс залы өткен ғасырдың басында салынған. Бүгінде аталған мектепке 250-ге жуық бала келеді. Олар бокс, кикбокс және қыздар боксы түрлерінен жаттығады.
Қазіргі таңда «Жұмыспен қамтудың жол картасы» мемлекеттік бағдарламасы аясында 5 млн теңге қаржы бөлініп, мектеп ғимаратына ағымдағы жөндеу жұмыстары жүргізілуде.
Күні кеше аудан әкімі М.Оразбаев аталған жұмыстардың жай-күйімен танысып, жөндеу жұмыстарын қолға алған мердігер «Алжан Орда» ЖШС өкілдерімен кездесіп қайтты. Кездесу барысында басталған жұмыстардың сапалы әрі мерзіміне сәйкес атқарылуын тапсырды.
Айта кету керек, өткен жылы ғимараттың сыртқы беті жаңаланса, биылғы жөндеу жұмыстары барысында ғимараттың төбе жабындысы жаңаланып, талапқа сай жаңғыртылатын болады.
<img src="https://kyzylorda-news.kz/wp-content/uploads/2020/06/sport1-1.jpg" alt="" />
<img src="https://kyzylorda-news.kz/wp-content/uploads/2020/06/sport2-1.jpg" alt="" />

Аралда бағдарлама аясында спорт мектебі жөндеуден өтуде

**<a href="https://kyzylorda-news.kz/">Kyzylorda-news.kz.</a> Қызылордада ерлермен қатар доп тебуге жаны құштар қыздар да баршылық. 
**
2009 жылдан бастап Қазалы ауданында №17 ОРМБЖМ-де футболдан қыздар үйірмесі ашылды. Аз уақыт ішінде қыздар командасы біршама жетістіктерге қол жеткізді. Атап айтар болсақ, 2011 жəне 2013 жылдары командаҚР чемпионаттарында екі рет қола жүлдені иеленсе, 2014 жылы Қазақстан чемпионы атанды. 
2016 жылы Оренбург қаласында өткен турнирде күміс, 2017 жылы футзалдан ел чемпионатында 3-орынды еншіледі. 
Сонымен қатар өткен жылы Қызылорда қаласында «Қайсар» футбол орталығы жанынан қыздар командасы құрылды. Биыл осы орталықтан екінші топ ашылып, онда 2005-2006, 2007-2009 жылы туған қыздар жаттығады. 
Қазалылық қыздар Құндыз Қожахмет, Жансая Көпжанова жəне Сандуғаш Қожахмет ҚР құрамасында өнер көрсетеді. Сондай ақ Құндыз Қожахмет ұлттық құрама сапында да барн салуда. 
Айта кетейік, Қазалы командасын Əлішер Қауымбай, Қызылорда командасын Берік Сансызбаев жаттықтырады.
<img src="https://kyzylorda-news.kz/wp-content/uploads/2020/06/fw-1.jpg" alt="" />
<img src="https://kyzylorda-news.kz/wp-content/uploads/2020/06/ff-1.jpg" alt="" />
<img src="https://kyzylorda-news.kz/wp-content/uploads/2020/06/fff-1.jpg" alt="" />
<img src="https://kyzylorda-news.kz/wp-content/uploads/2020/06/ffff.jpg" alt="" />

Қызылордалық футболшы қыздардың алар асуы алда

<a href="http://kyzylorda-news.kz/">Kyzylorda-news.kz.</a> Қазақстандағы қазақша күрес бойынша үш дүркін әлем чемпионы, «Әлем Барысы»&nbsp;турнирінің жеңімпазы Айбек Нұғымаров коронавируспен ауруханаға түсті, деп хабарлайды&nbsp;<a href="https://stan.kz/kazaksha-kures-boyinsha-en-atakti-sportshi-koronavirus-332772/">Stan.kz.</a>
Танымал спортшы Семей көлік колледжінің директоры қызметін атқарады. Оның инфекциясы туралы қалалық әкімдікте хабарлады.
<blockquote>
 «Семейде COVID-19 диагнозымен Семей колледждерінің екі директоры аурухананың жұқпалы бөліміне жатқызылғаны белгілі болды – бұл электротехникалық колледждің директоры Азат Сарпеков және Семей көлік колледжінің директоры Айбек Нұғымаров, Қазақстанда қазақша күрес бойынша&nbsp;үш дүркін әлем чемпионы және екі дүркін «Әлем Барысы»&nbsp;турнирінің&nbsp;жеңімпазы», – деп хабарлады Семей әкімдігінде.
</blockquote>
Әкімдік қаладағы және елдегі эпидемиологиялық ахуалдың нашарлауы&nbsp;жалғасуда деп хабарлады.
<blockquote>
 «Бүгін тағы бір аймақ карантиннің күшейтілетінін жариялады. Бұл Солтүстік Қазақстан облысы. Бұған дейін осындай жоспарлар Жамбыл, Маңғыстау және Ақтөбе облыстарында талқыланған болатын. Қарағанды ​​облысында жол тосқауылдары қайтарылды. Нұр-Сұлтанда өзін-өзі оқшаулау шаралары күшейтіледі деп күтілуде. Қазақстан Республикасының президенті Қасым Жомарт Тоқаев твиттерде&nbsp;қазақстандықтардан коронавирустан сақ болуды сұрады», – деп жазды олар әкімдіктің Instagram-дағы ресми парақшасында.
</blockquote>
Нұғымаров коронавирус жұқтырған алғашқы қазақстандық спортшы болды. Ол – қазақ күресінің ең атақты өкілі.
<img src="https://kyzylorda-news.kz/wp-content/uploads/2020/06/sport-3.jpg" alt="" />

Қазақша күрес бойынша ең атақты спортшы коронавирус жұқтырды

<a href="https://kyzylorda-news.kz/">Kyzylorda-news.kz.</a> Қазақстан хоккей ұлттық&nbsp;құрамасының бұрынғы капитаны және елорданың «Барыс» хоккей клубының ойыншысы Брэндон Боченский Солтүстік Дакотадағы Гранд-Форкс мэрі үшін сайлауда жеңіске жетті.
Сайлауға келгендердің жартысына жуығы оған дауыс берді, деп хабарлайды <a href="https://massaget.kz/layfstayl/sport/zhanalyktar/62409/">Massaget.kz</a>.
38 жастағы Боченский 49,62 пайыз дауыс жинаған. Қазіргі мэр Майк Браунға тұрғындардың 31,81 пайызы дауыс берген. Браун бұл лауазымды соңғы 20 жыл бойы атқарып келеді.
Жаңа мэр коронавируспен және оның экономикалық салдарымен бірінші кезекте күресетінін айтты.
<blockquote>
 «5 айлық қажырлы еңбектен кейін біз бұл нәтижеге қуануымыз керек. Менің ойымша, қала өзгеруге дайын. Алда қала тұрғындарын жемісті өзгерістер күтіп тұр», – деді бұрынғы спортшы.
</blockquote>
Айта кетейік, Боченский АҚШ-та туып, Ұлттық хоккей лигасында бірнеше клубтарында, ал «Барыс» клубында &nbsp;2010 жылдан &nbsp;бастап ойнаған. Боченский 2014 жылы Қазақстанның азаматы атанып, 2016 жылғы әлем чемпионатында Қазақстанның намысын қорғады. Спортшы мансабын 3 жыл бұрын аяқтаған.

Қазақстандық хоккейші АҚШ-та мэр атанды

<a href="https://kyzylorda-news.kz/">Kyzylorda-news.kz.</a> Жалағаш ауданында «Жұмыспен қамтудың жол картасы 2020» бағдарламасы арқылы облыстық деңгейдегі бюжеттік бағдарлама әкімшілері арқылы 4 жоба іске асырылады.
Олардың қатарында №13 Олимпиадалық резервтік мамандандырылған балалар жасөспірімдер спорт мектебінің ғимаратын ағымдағы жөндеу жұмыстары бар. Қазіргі таңда ғимараттың сыртқы жұмыстары шатырын жаңарту және сыртын қаптау жұмыстары жүргізілуде.
«Жұмыспен қамтудың Жол картасы» шеңберінде атқарылып жатқан бұл жұмыстарға жергілікті жерден жұмыспен қамту орталығы арқылы 5 адам жұмыспен қамтылған. Жөндеу жұмыстарын конкурс жеңімпазы «Real Strоy Invest» ЖШС жүргізуде.
Аталған ғимараттың жөндеу жұмыстары аяқталғаннан кейін аудан спортшыларының спортпен шұғылдануына жақсы жағдай жасалынады деп күтілуде.
Айта кету керек, №13 ОРМБЖМ-да 4 спорттық секцияда 200 спортшылар шұғылданады.

Қазақстан және Қызылорда облысының жаңалықтары: Спорт