<a href="https://kyzylorda-news.kz/">Kyzylorda-news.kz</a>. 24 тамыз бен 5 қыркүйек аралығында Токиода өтетін XVI Паралимпиада ойындарын «Qazsport» телеарнасы тікелей эфирде көрсетеді.
Паралимпиадаға Қазақстан атынан 7 спорт түрі бойынша 26 спортшы қатысады. Жолдамалардың жетеуі – суда жүзуден, жетеуі – дзюдодан, бесеуі – пауэрлифтингтен, үшеуі – таеквондодан, екеуі – жеңіл атлетикадан, екеуі – каноэде ескек есу мен оқ атудан.
Жапония ұлттық стадионында өтетін салтанатты ашылу рәсімінде еліміздің Туын таеквондодан екі дүркін Әлем чемпионы, үш дүркін Азия чемпионы, Еуропа чемпионатының үш дүркін жеңімпазы Нұрлан Домбаев пен пауэрлифтингтен Рио Паралимпиадасының күміс жүлдегері Раушан Қойшыбаева ұстайды. Ашылу салтанаты 24 тамыз 17:00-де тікелей эфирде көрсетіледі.
XVI Паралимпиада ойындарында жалпы саны 136 мемлекеттен 4400-ге жуық спортшы 22 спорт түрінен сынға түседі.
«Qazsport» телеарнасы қазақстандық паралимпиадашылар қатысатын жарыс түрлерін тікелей эфирде таратады. Жарыстар телеарнаның <a href="https://l.facebook.com/l.php?u=https%3A%2F%2Fqazsporttv.kz%2F%3Ffbclid%3DIwAR0DhCHC1AfHvjOlSeraRwLrI8wEIj7Xp3EVP8BzfLnxQgIva0hEfvzhHpM&h=AT3jcBwToTKyaeEE1zgrYp3O5PiDusPQ9T2StQ9E7EchN1AsuKX-HD9K_08SmoBOiA5TMGFkqzehnZa3FvBH4fAjW0byR7yZt9cK6JncXQFE1o2NoSQT4Wq_IslpG71DkaY&__tn__=-UK-R&c[0]=AT3OyMAOryYi2fPGxZoqn7Oit5tKFQtWrgeGbIi6PQKMedfUFV2_A3RyGjJkrwDf7aO_zeyHBe7DmU0h4Fz3Z8p6R_bJ5LxFqSssE_oNNay3SEMnHKqJKtqf820fQHqgsLHHu8Uc9aktHHb2VUQ8HTvfSsyRVvAkkeVDcQSVovcM9gOxCfdjLWGQM2SzuBPy05q9Z5BpEepUeE8">https://qazsporttv.kz/</a> ресми сайты арқылы да көрсетіледі.

«Qazsport» Паралимпиада ойындарын тікелей эфирде көрсетеді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Токиода өтетін ХVI Паралимпиада ойындарына қатысатын қызылордалық парадзюдошы Даяна Федосовамен онлайн форматта кездесті.
Аймақ басшысы Даянаға алдағы спорт бәсекесіне сәттілік тілеп, Сыр елінің жанашыр жерлестері оған жанкүйер болатынын жеткізді.
<blockquote>
 «Сізді Токио ойындарына қатысуға құқық беретін лицензияны ұтып алуыңызбен шын жүректен құттықтаймын. Сіз Сыр өңірінің спорт тарихында тұңғыш Паралимпиадаға қатысушысыз, сондықтан мұның өзі зор жетістік деп білеміз. Токиода бар күш-жігеріңізді сарқа жұмсап, үздік болатыныңызға сенеміз», – деді облыс әкімі.
</blockquote>
Онлайн форматтағы жүздесуде облыс әкімі Сыр елі жұртшылығының атынан еліміздің абыройын қорғайтын спортшы қызға көрсетілетін сый-сияпат ретінде 500 мың теңгенің сертификатын ұсынды. Өз кезегінде, Даяна спорт бәсекесі алдында өзіне қолдау білдіріп, пікірлескен аймақ басшысына және барша спорт жанашырларына алғыс білдіріп, жерлестерінің үмітін ақтайтынын айтты.
Естеріңізге сала кетейік, коронавирус пандемиясына байланысты бір жылға шегерілген ХVI Паралимпиада ойындары биыл 24 тамыз бен 5 қыркүйек аралығында өтеді. Федосова Даяна Владимировна 2001 жылдың 13 шілдесінде Қызылорда қаласында дүниеге келген. Алматы қаласындағы дарынды балаларға арналған спорт интернатын, Қызылорда қаласындағы «Болашақ» колледжін аяқтаған.
Парадзюдомен 2019 жылдан бастап айналысады. Бапкері – дзюдодан ҚР еңбек сіңірген жаттықтырушысы Жанарбек Сансызбаев.Пара дзюдодан ҚР спорт шебері, ҚР чемпионатының жеңімпазы (2020 ж.), ҚР Кубогінің жеңімпазы (2021 ж.), Гран-при турнирінің қола жүлдегері, Уорик қаласы (Англия, 2021 ж.).
<img src="https://kyzylorda-news.kz/wp-content/uploads/2021/08/238608703_3627164567386586_5005639785439952551_n.jpg" alt="" />
<img src="https://kyzylorda-news.kz/wp-content/uploads/2021/08/234761557_3627164484053261_2250470612956358527_n.jpg" alt="" />

Аймақ басшысы Токио паралимпиадасына қатысатын спортшымен кездесті

<a href="https://kyzylorda-news.kz/">Kyzylorda-news.kz</a>. Токио Олимпиадасының қола жүлдегері, боксшы Қамшыбек Қоңқабаев мемлекет тарапынан берілген сыйақыны қайырымдылық қорына жұмсайды. Бұл туралы боксшы өзінің «Facebook» парақшасында хабарлады.
<blockquote>
 «Ассалаумағалейкум құрметті спорт сүйер қауым! Бүгін Алматы қаласында Қазақстан бокс федерациясының президенті Кеңес Хамитұлының қолдауымен Олимпиада ойындарына қатысқан спортшылар мен жаттықтырушыларды марапаттау рәсімі өтті. Команда капитан ретінде ұлттық құрама атынан қандай нәтиже болмасын бізге қолдау көрсетіп жатқан Кеңес Хамитұлына алғысымызды айтқымыз келеді. Осы орайда Мемлекет тарапынан берілген 75,000 $ сыйақыны қайырымдылық қорына жұмсауды жөн көрдім», – деп жазады боксшы.
</blockquote>

Қамшыбек Қоңқабаев мемлекеттік сыйақыны қайырымдылық қорына жұмсайды

Kyzylorda-news.kz. Лионель Месси “Барселонамен” қоштасу баспасөз мәслихатында көз жасын сүрткен беторамал Mercado Libre сайтында сатылымға шықты, деп хабарлайды Tengrinews.kz.
Лоттың бастапқы құны – 1 миллион аргентиналық песо (10 298 АҚШ доллары). Сатушы орамалда спортшының көз жасы бар дейді. Бұл, сатушының пікірінше, болашақта оны клондауға мүмкіндік береді.
<img src="https://kyzylorda-news.kz/wp-content/uploads/2021/08/46f5836dc74abebfc364a10e45acdf22.png" alt="" />
Бұған дейін “Пари Сен-Жермен” аргентиналық шабуылшы Лионель Месси клубқа ауысқаннан кейін өзінің ресми сайтында оның тегі жазылған футболкаларға сатылым ашты. Бір сағатта 250 мың футболка сатылды.
Лионель Месси “Барселонада” 2000 жылдан бері өнер көрсетті, 2003 жылы негізгі құрамда ойнай бастады. Оның қанжығасында Испания чемпионатында 10 жеңіс, Испания Кубогы мен Суперкубоғында 7-ден, Чемпиондар Лигасында 4, Еуропа Суперкубогында 3 және клубтық Әлем чемпионатында 3 жеңіс бар. Биыл тамызда аргентиналық шабуылшы Лионель Месси ресми түрде Францияның “Пари Сен-Жермен” футбол клубына ауысты.

Месси жасын сүрткен беторамал 10 мың долларға сатылмақ

Kyzylorda-news.kz. Спорт күні – Қазақстан Республикасының Тұңғыш Президенті Нұрсұлтан Назарбаевтың 2003 жылдың 15 қарашасындағы Жарлығына сәйкес тамыз айының үшінші жексенбісінде атап өтіледі.
Спорт саласы Қазақстанда кең қолдауға ие. Елде спорттың дамуына бұқаралық спорт қозғалысын кеңейтуге, спорттағы жетістіктерді ынталандыруға бағытталған саясат ықпал етуде.
Қазақстандық спортшылар соңғы онжылдықтарда халықаралық жарыстарда, Олимпиада ойындарында үздік нәтижелерді көрсетіп келеді. Мемлекеттің өзі беделді халықаралық жарыстарды өткізетін орынға айналуда.
Жақында ҚР Мемлекеттік хатшысы Қырымбек Көшербаев еліміздің спорт саласына кезек күттірмес реформаның қажеттігін алға тартты.
Былтыр елімізде Дене шынықтыру және бұқаралық спортты дамыту жөніндегі 2020-2025 жылға арналған кешенді жоспары әзірленді. Бұл жоспарда мүдделі мемлекеттік органдардың, жергілікті атқарушы органдардың ұсыныстары толық ескерілiп, ҚР Премьер-Министрімен бекітілді.
Кешенді жоспар 34 тармақ пен 5 негізгі бағыттан тұрады: нормативтік-құқықтық қамтамасыз ету, мектеп және студенттік спорт, спорт желілерін кеңейту, салауатты өмір салтын насихаттау және кеңінен тарату, спорттық-бұқаралық іс-шаралары.
Жақында Премьер-Министрдің орынбасары Е. Тоғжанов елімізде бұқаралық және балалар спортын дамытудың қазіргі проблемалары мен перспективалары жөнінде арнайы кеңес өткізді.
Биыл халықтың спортпен шұғылдануын кемінде 35% нәтижеге жеткізе отырып (бүгінгі күні – 31,6%), нысаналы көрсеткіштерді қайта қарау тапсырылды. Ол үшін әкімдіктерге мемлекеттік спорттық тапсырыс көлемін ұлғайту, қосымша балалар, жасөспірімдер клубтарын, балалар-жеткіншектер спорт клубтарын ашу, мектеп және студенттер спорт лигаларының жұмысын қайта бастау есебінен балаларға арналған тегін спорт секцияларын кеңейту жүктелді. Сондай-ақ Қостанай, Атырау және Маңғыстау облыстарында спорт мектеп-интернаттарының болмауына байланысты осы өңірлердің әкімдіктеріне олардың құрылысын бастау мәселесін шешу тапсырылды.
Спорт нысандарының толық жүктелуіне ерекше назар аудару мәселесіне екпін қойылды.
<a href="https://www.inform.kz/kz/bugin-kazakstanda-sport-kuni_a3824008">ҚазАқпарат</a>

Бүгін Қазақстанда &#8211; спорт күні

Kyzylorda-news.kz. Токио олимпиадасында қола жүлдегер атанған қазақстандық спортшы Нұрислам Санаев жүлде үшін берілген қаржыны мұқтаждарға жұмсайтынын айтты.
<img src="https://kyzylorda-news.kz/wp-content/uploads/2021/08/17809203.jpg" alt="" />
Ол қолдау білдірген қазақстандықтарға ризашылығын білдірді.
<blockquote>
 “Мен ес білгелі қиыншылықты, жоқшылықты көріп өстім. Сол кездегі бала арман мені биік белестерге жетеледі. Ең алғаш спортқа қадам басқанда олимпиадада топ жарып, мұқтаж жандарға көмектесу арманым болатын. Бүгін де сол арманыма қол жеткізіп отырмын. Мемлекет тарапынан маған берілетін қомақты сыйақыны мен мұқтаж отбасылар мен науқас балалардың еміне жұмсамақпын. Елімізде бақытты отбасылардың саны көп болсын!” – деп жазды ол әлеуметтік желідегі парақшасында.
</blockquote>
Желіде жарияланған мәліметке сәйкес, мәдениет және спорт министрлігі Нұрислам Санаевқа қола жүлдесі үшін 31 миллион теңгенің сертификатын табыстаған.
<a href="https://m.sputnik.kz/sport/20210814/17861585/Olimpiada-chempiony-zhulde.html">Sputnik.kz</a>

Олимпиада жүлдегері сыйақысын мұқтаждарға жұмсайтынын мәлімдеді

Kyzylorda-news.kz. Қызылордада 4 пен 17 жас аралығындағы балаларға спорттық секциялардың барлық түрі қолжетімді.
Өңірлерде бұқаралық спортты дамыту және халықты белсенді түрде спортқа тарту мемлекеттің басты басымдығының бірі. Бұл ретте Президент Қасым-Жомарт Тоқаев «Бұқаралық және балалар спортын дамытуға ерекше назар аударып, осы негізде әлемдік аренада жүлделі табыстарға жетуге ұмтылу керек» деп атап өтіп, спорттық кешендердің халыққа қолжетімділігін арттыру қажет екенін айқындады. Бүгінде жасөспірімдер үшін Қызылорда қаласындағы барлық спорттық нысандардағы секцияларға тегін қатысуға мүмкіндік қарастырылған. Яғни 4-17 жас аралығындағы балалар спорттық секциялардың барлық түрі қолжетімді.
Бүгін облыс әкімі Гүлшара Әбдіқалықова Қызылорда қаласында орналасқан бірқатар спорттық нысандарды аралап, спорт секцияларында шыңдалып жүрген жасөспірімдермен кездесіп, жаттықтырушылармен пікірлесті.
Алдымен аймақ басшысы «Мұз айдыны» спорт кешенінде болып, секциялық жұмыстарды саралады. Бүгінгі күні кешенде 615 бала грек-рим күресі, көркем гимнастика, шайбалы хоккей, шорт-трек, мәнерлеп сырғанау, волейбол, баскетбол сынды спорттың 7 түріне тартылған.
Кездесуде облыс әкіміне греко-рим күресінен жатықтырушы Алмат Әуешов жастардың спортқа деген белсенділігінің жыл санап артып жатқанын тілге тиек етсе, көркем гимнастика спортына қатысушы жасөспірім Әсел Марат спортқа деген ынта-жігерінің жоғары екенін айтып, дайындық барысындағы ерекше сәттерімен бөлісті. 
Мұнан кейін аймақ басшысы «Тарлан» спорт кешенін аралады. 2016 жылы пайдалануға берілген нысанда 120 спортшыға арналған корпус, 24 орындық жатақхана салынған. Кешен ашылғалы 20 ҚР спорт шебері, 78 ҚР спорт шеберіне үміткер дайындалды. Спорт кешенінде облыс намысын республикалық жарыстарда қорғаған көптеген жоғары дәрежелі спортшылар дайындалды.
Балаларды баптау үшін 3 жаттығу залы қаралған. Мұнда бокс, таэквондо, пауэрлифтингтен 350 спортшы шұғылдануда.
Аралау барысында облыс әкіміне бокстан облыстың аға жаттықтырушысы Жамил Жүсіпов балалар арасындағы бокс спортының қарқыны жоғары екенін айтып, болашақ спорт шеберлерін даярлау ісінде нәтижелі көрсеткіштерге тоқталды. 
Аймақ басшысы «Нұрым» жеке спорт кешенінің жұмысымен де танысты. Кешен Президент тапсырмасына сәйкес жан басына қаржыландыру тәртібімен жүзеге асуда. Мұнда каратэ, қазақ күресі, дзюдо, таэквондо сынды спорт түрінен 260 бала шынығуда.
Спорт кешенінде облыс әкімі балаларын спорттық секцияға бейімдеген ата-аналармен кездесіп, пікірлесті.
Айта кету керек, биылдан бастап жеке спорттық нысандарға баратын балалар үшін төленетін қаржыны жан басына қаржыландыру тәртібімен реттеу тиімділігін танытты. Бұл үшін облыстық бюджеттен 212 миллион теңге қаржы бөлінген. Нәтижесінде 2156 бала спорттық секцияларға қамтуға мүмкіндік алды.
Барлық спорт секцияларында “Ашық” қосымшасы орнатылған. Санитариялық талаптар қатаң орындалып, әлеуметтік ара-қашықтық тәртібі сақталған.
Спорттық секциялардың жұмысын саралаған өңір басшысы Гүлшара Әбдіқалықова облыстық дене шынықтыру және спорт басқармасының басшысы Жақсылық Оспановқа балалар мен жасөпірімдерді спорттық секцияларға белсенді түрде тарту жұмыстарын әлі де жандандыруды тапсырды. Сондай-ақ, спорт шеберлері арқылы болашақ чемпиондарды шығару мәселесіне жете назар аудару қажеттігін қаперге салды.
Еске салайық, Қызылордада бүгінгі күнге artsport.edu.kz порталы арқылы спорт саласы бойынша 12 жеке кәсіпкер мен заңды тұлғалардың 38 өтінімдері қолдау тауып, 1832 бала спорттық секциялармен қамтылды.
Биыл өңірде «Нұрсәт» теннис орталығының 4 жабық теннис корты және байдарка, каноэде есу базасының құрылыстары аяқталды. Сонымен бірге «Ауыл – ел бесігі» бағдарламасы аясында 5 спорт кешенінің құрылысы басталмақ.
<img src="https://kyzylorda-news.kz/wp-content/uploads/2021/08/fb_img_1628869601601.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869604269.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869632548.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869609228.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869626516.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869645872.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869618685.jpg" alt="" />

Гүлшара Әбдіқалықова: Спорт секцияларына балаларды белсенді түрде тарту керек

Kyzylorda-news.kz. Қызылорда облысының 13 мыңнан астам тұрғыны спортпен тұрақты түрде шұғылданады.
Бұқаралық спортты дамытып, халықтың спорттық нысандарға қолжетімділігін арттыру мақсатында биыл тағы 5 спорт кешені «Ауыл – ел бесігі» бағдарламасы аясында бой көтермек. Бұл туралы Өңірлік коммуникациялар қызметінің ақпарат алаңында Облыстық дене шынықтыру және спорт басқармасының басшысы Жақсылық Оспанов мәлімдеді.
Сонымен қатар сала басшысы «Самрұқ» корпоративтік қорының демеушілігімен Қызылорда қаласына қарасты Ж.Махамбетов ауылдық округінен көпфункционалды спорт кешені салынатындығын жеткізді. Сондай-ақ, ағымдағы жылы «Нұрсәт» теннис орталығының 4 жабық теннис кортының және байдарка, каноэде есу базасының құрылыстары аяқталғандығын атап өтті.
Брифингте Жақсылық Әбдімәлікұлы аймақтағы бұқаралық спортты дамытумен қатар бәсекеге қабілетті, біліктілігі жоғары спортшыларды әзірлеу жұмыстарының барысын да баяндады.
Оның хабарлауынша, облыс бойынша балалар мен жасөспірімдердің 7604 спорттық секцияларына 100 893 бала қамтылған. Оның ішінде, балалар-жасөспірімдер спорт мектептеріндегі 1612 спорт секцияларда 17157 бала, спорт клубтарындағы 2276 спорт секцияларда 9241 бала, жалпы білім беру мекемелеріндегі 3716 спорт секцияларда 74495 бала 47 спорт түрімен тегін шұғылданады. Атқарылған жұмыстардың нәтижесінде, облыс спортшылары ҚР чемпионаттары мен кубоктарында 700 (211 – алтын, 208 – күміс, 281 – қола) медальды жеңіп алса, Әлем және Азия чемпионаттарында 47 (20 – алтын, 5 – күміс, 22 – қола) медальға қол жеткізген.

«Ауыл &#8211; ел бесігі»: Қызылордада 5 спорт кешені салынады

<a href="https://kyzylorda-news.kz/">Kyzylorda-news.kz</a>.&nbsp;Ақорданың ресми сайты Мемлекет басшысының Қазақстан Республикасының мемлекеттік наградаларымен наградтау туралы Жарлығын жариялады.
Мемлекет басшысының Қазақстан Республикасының мемлекеттік наградаларымен наградтау туралы Қаулысында Токио-2020 ХХХII Жазғы Олимпиада ойындарындағы жоғары спорттық жетістіктері үшін 8 спортшы наградталды.
ІІІ дәрежелі «Барыс» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Сметов Елдос Бақтыбайұлы наградталды.
ІІ дәрежелі «Достық» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Чиншанло Зульфия Салахаровна наградталды.
«Құрмет» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Асәділов Дархан Абсадықұлы, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Берульцева Софья Полихроновна, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Бибосынов Сәкен Исмадияр угли, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Қоңқабаев Қамшыбек Бисенбайұлы, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Санаев Нурислам Валентинович, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Сон Игорь Сергеевич наградталды.
Жарлық қол қойылған күнінен бастап қолданысқа енгізіледі.

Қамшыбек Қоңқабаев «Құрмет» орденімен марапатталды

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова Токио Олимпиадасына қатысқан қызылордалық спортшылар Қамшыбек Қоңқабаев, Дәулет Ниязбеков және Мөлдір Жаңбырбаймен кездесті.
Аймақ басшысы Сыр жұртшылығы атынан Олимпиада ойындарында қола жүлдені жеңіп алған Қамшыбек Қоңқабаевты құттықтап, Дәулет Ниязбеков және Мөлдір Жаңбырбайға ел намысын қорғағандары үшін алғысын білдірді және спортшылардың жеңісі Тәуелсіз Қазақстанның жүлде тайқазанына сырбойылықтар атынан олжалы сый болғанын атап өтті.
<blockquote>
 «Екі апта бойы барша облыс халқы аламанға үкілеп шығарып салған үміттерінің тілеуін тілеп, жанкүйер болды. Алыс сапарға, жауапты жарысқа аттанған ұл-қыздарымыз сенімді ақтады! Ал Қамшыбектің алтынға бергісіз қола жүлдесі –&nbsp; талай бүлдіршіндердің қиялына қанат бітіріп, Сыр халқының көптен күткен асыл арманын жүзеге асырды. Ел Президентінен Мемлекеттік Туды алу қашанда үлкен мәртебе, зор сенім! Бұл міндетті жерлесіміз Қамшыбек Қоңқабаев абыроймен ақтап, байрағымызды Олимпиада төрінде желбіретті. Алдағы уақытта да Сыр спортшылары еліміздің Көк Туын халықаралық ареналарда желбірете берсін деген ізгі ниетімізді білдіреміз», – деді облыс әкімі.
</blockquote>
Биыл Сыр спортшылары толайым табыстарға қол жеткізуде. Жыл басынан жерлестеріміз ел біріншіліктерінде 700 медаль жеңіп алса, Әлем, Азия чемпионаттарында 46 медальға қол жеткізді.
Кездесуде облыс әкімі Гүлшара Әбдіқалықова ел намысын абыроймен қорғап шыққан Қамшыбек Қоңқабаевқа автокөлік кілтін, Олимпиада ойындарының қатысушылары Дәулет Ниязбеков пен Мөлдір Жаңбырбайға және Қамшыбек Қоңқабаевтың бапкері Сейітжан Төкеновке 1 млн. теңгенің сертификатын табыстады. Елдің рухы мен мәртебесін көтерген спортшыларға «Dalatex» ЖШС-нің басшысы Ділмұхамед Абизов, «Нұрлен» ЖШС-нің басшысы Қайрат Боранбаев, «Мелиоратор» ЖШС-нің басшысы Бердібек Мыханов және «Стандарт Ойл КЗО» ЖШС-нің басшысы Әділ Бижанов есімді Сыр бойылық меценат азаматтар демеушілік жасап, қолдау көрсетті.
Одан бөлек, шарада Спорт күні кәсіби мерекесіне орай №4 олимпиадалық резервтің мамандандырылған балалар мен жасөспірімдер мектебінің жеңіл атлетикадан жаттықтырушы Владимир Лептиков пен Қ.Мұңайтбасұлы атындағы спорт клубтың директоры Жамал Бозоваға ҚР Мәдениет және спорт министрінің төсбелгісі мен Құрмет грамотасы табысталды.
Олимпиаданың қола жүлдегері Қамшыбек Қоңқабаев пен жеке бапкері Сейітжан Төкенов спортшыларға көрсетілген қолдауға ризашылығын білдіріп, алдаға уақытта да жеңіс төрінен көріну үшін жұмыс жасайтынын айтты.
Сондай-ақ, жиында ауыр атлетикадан 4 дүркін әлем чемпионы, ҚР еңбек сіңірген спорт шебері Илья Ильин Қамшыбекті жеңісімен құттықтап, Мөлдір мен Дәулетке алдағы сайыстарда сәттілік тіледі және әріптестеріне кәсіби мерекелеріне орай ізгі тілегін арнады.
<img src="https://kyzylorda-news.kz/wp-content/uploads/2021/08/236139793_3610632772373099_8406544006720638601_n.jpg" alt="" />
<img src="https://kyzylorda-news.kz/wp-content/uploads/2021/08/236337354_3610632545706455_1666764452008788963_n.jpg" alt="" />
<img src="https://kyzylorda-news.kz/wp-content/uploads/2021/08/236015058_3610632762373100_4980774340527805955_n.jpg" alt="" />

Қызылорда облысының әкімі Қамшыбек Қоңқабаевқа автокөлік табыс етті

<a href="https://kyzylorda-news.kz/">Kyzylorda-news.kz</a>. Қызылорда қаласында облыстық VІІ «Ақ бидай» ауыл спорты ойындарынан спартакиада басталады.
13-тамызға дейін жалғасатын спартакиадада Қазалы ауданының намысын 80-нен астам спортшы қорғайды. Олар спорттың 9 түрінен сынға түседі.
Қазалы ауданының әкімі Мұхтар Оразбаев «Жалаңтөс батыр» атындағы орталық стадионда соңғы жаттығуларын өткізіп жатқан спортшылармен кездесіп, төрт жылда бір келетін дүбірлі додада жеңіске жетуге тілектестігін білдірді.
Ал, ардагер спортшы Әбдірейім Шүренов қазалылықтарға ақ батасын беріп, спортшыларға сәттілік тіледі.Айта кетейік, қазалылық спортшылар тоғызқұмалақ, асық ату, қазақ күресі, қол күресі, гір көтеру, жазғы президенттік көпсайыс, шағын футбол, волейбол және үстел теннисінен жарыс жолына шығады.
<img src="https://kyzylorda-news.kz/wp-content/uploads/2021/08/229142585_3125999934287599_72596393909591523_n.jpg" alt="" />

Спартакиадаға Қазалы ауданынан 80 спортшы қатысады

<a href="https://kyzylorda-news.kz/">Kyzylorda-news.kz</a>. Токио Олимпиадасының қола жүлдегері атанған боксшы Қамшыбек Қоңқабаев елге оралды. Облыстық дене шынықтыру және спорт басқармасының басшысы Жақсылық Оспанов пен спорт саласының қызметкерлері мен бапкерлері Камшыбек Қоңқабаевты туған жерде күтіп алды.
Жерлестері спортшыны Алматы халықаралық әуежайында салтанатты түрде қарсы алып, жеңісімен құттықтады.
Айта кетейік, 12 тамыз күні Қамшыбек Қоңқабаев Қызылорда облысына ұшып келеді.
Еске сала кетейік, аса ауыр салмақтағы (+91кг) боксшы Қамшыбек Қоңқабаев – Токиода өткен Олимпиада-2020 ойындарында бокстан Қазақстан құрамасының жетекшісі, Қазақстан Республикасының Туын ұстаушылардың бірі.
Жарыста боксшы мысырлық Юсри Хафезді және ширек финалда Ресей Олимпиада комитетінің өкілі Иван Верясовты жеңген болатын. Жартылай финалда спортшы америкалық Ричард Торреспен жұдырықтасты.
Қамшыбек Қоңқабаев Әлем чемпионатының екі, Азия чемпионатының үш дүркін күміс жүлдегері.
<img src="https://kyzylorda-news.kz/wp-content/uploads/2021/08/234850521_3603507289752314_6296368719423290415_n.jpg" alt="" />
<img src="https://kyzylorda-news.kz/wp-content/uploads/2021/08/230605922_3603507483085628_416657958202319327_n.jpg" alt="" />

Қазақстан және Қызылорда облысының жаңалықтары: Спорт

«Qazsport» Паралимпиада ойындарын тікелей эфирде көрсетеді

Аймақ басшысы Токио паралимпиадасына қатысатын спортшымен кездесті

Қамшыбек Қоңқабаев мемлекеттік сыйақыны қайырымдылық қорына жұмсайды

Месси жасын сүрткен беторамал 10 мың долларға сатылмақ

Бүгін Қазақстанда – спорт күні

Олимпиада жүлдегері сыйақысын мұқтаждарға жұмсайтынын мәлімдеді

Гүлшара Әбдіқалықова: Спорт секцияларына балаларды белсенді түрде тарту керек

«Ауыл – ел бесігі»: Қызылордада 5 спорт кешені салынады

Қамшыбек Қоңқабаев «Құрмет» орденімен марапатталды

Қызылорда облысының әкімі Қамшыбек Қоңқабаевқа автокөлік табыс етті

Спартакиадаға Қазалы ауданынан 80 спортшы қатысады

Сырбойылықтар боксшы Қамшыбек Қоңқабаевты күтіп алды

Қазақстан және Қызылорда облысының жаңалықтары: Спорт

«Qazsport» Паралимпиада ойындарын тікелей эфирде көрсетеді

Аймақ басшысы Токио паралимпиадасына қатысатын спортшымен кездесті

Қамшыбек Қоңқабаев мемлекеттік сыйақыны қайырымдылық қорына жұмсайды

Месси жасын сүрткен беторамал 10 мың долларға сатылмақ

Бүгін Қазақстанда &#8211; спорт күні

Олимпиада жүлдегері сыйақысын мұқтаждарға жұмсайтынын мәлімдеді

Гүлшара Әбдіқалықова: Спорт секцияларына балаларды белсенді түрде тарту керек

«Ауыл &#8211; ел бесігі»: Қызылордада 5 спорт кешені салынады

Қамшыбек Қоңқабаев «Құрмет» орденімен марапатталды

Қызылорда облысының әкімі Қамшыбек Қоңқабаевқа автокөлік табыс етті

Спартакиадаға Қазалы ауданынан 80 спортшы қатысады

Сырбойылықтар боксшы Қамшыбек Қоңқабаевты күтіп алды

Бүгін Қазақстанда – спорт күні

«Ауыл – ел бесігі»: Қызылордада 5 спорт кешені салынады