<a href="https://kyzylorda-news.kz/">Kyzylorda-news.kz</a>. Жапонияның Токио қаласында өтетін кезекті Паралимпиада ойындарына қатысатын Қазақстан құрамасының толық құрамы белгілі болды, деп хабарлайды ҚазАқпарат.
ҚР Ұлттық паралимпиада комитетінің баспасөз қызметі хабарлағандай, Паралимпиада ойындары 24 тамыз бен 5 қыркүйек аралығында өтеді.
Токио-2020 жазғы Паралимпиада ойындарына Қазақстаннан
25 паралимпиадашы спорттың 7 түрінен ел намысын қорғамақ.
Айта кетейік, Токио-2020 тәуелсіз Қазақстан спортшылары қатысатын алтыншы Паралимпиада ойыны.
Паралимпиада ойындарына қатысатын Қазақстан құрамасының құрамы төмендегідей:
Суға жүзу:
1. Нұрдәулет Жұмағали
2. Нұрәлі Советханов
3. Сиязбек Далиев
4. Ержан Сәлімгереев
5. Зульфия Ғабидулина
6. Роман Агалаков
7. Әлия Рахымбекова
Жеңіл атлетика:
1. Дастан Мұқашбеков
2. Салтанат Әбілқасымқызы
Дзюдо:
1. Жанбота Аманжол
2. Зарина Байбатина
3. Теміржан Дәулет
4. Даяна Федосова
5. Әнуар Сариев
6. Ғалымжан Смағұлұлы
Каноэ:
1. Бейбарыс Спатай
Тхэквондо:
1. Нұрлан Домбаев
2. Нышан Өмірәлі
3. Камила Досмолова
Пауэрлифтинг:
1. Давид Дегтярев
2. Раушан Қойшыбаева
3. Рахмеджан Хамаев
4. Гульбану Әбдіхалықова
5. Алина Солодухина
Оқ ату:
1. Айсұлу Жұмабаева

Токио-2020: Паралимпиада ойындарына қатысатын Қазақстан құрамасы белгілі болды

<h4 id="kyzylordanewskzhttpskyzylordanewskzolympickz"><a href="https://kyzylorda-news.kz/">Kyzylorda-news.kz</a> Токиодағы жазғы Олимпиада ойындары аясында алғашқы жарыс басталды. Софтболдан Жапония әйелдер командасы Австралияны айқын басымдықпен жеңді. Бұл туралы Olympic.kz хабарлады.</h4>
Кездесу 8:1 есебімен аяқталды. Софтбол бәсекелері 21-27 шілде аралығында өтеді. Алты әйелдер командасы бір жүлде жиынтығын сарапқа салады. Ал ерлер бейсболда бақ сынайды.
Сондай-ақ бүгін әйелдер командасы арасындағы футбол бәсекесі де басталады.
Токио Олимпиадасының ашылу салтанаты 23 шілдеге жоспарланған. Алайда, спорттық жарыстар ашылу салтанатынан бұрын басталып кетеді. Бұл&nbsp;әсіресе, командалық ойын түрлеріндегі спортшыларға тікелей қатысты.

Токио-2020: Олимпиаданың алғашқы ойындары басталды

<a href="https://kyzylorda-news.kz/">Kyzylorda-news.kz</a>. «Қазақстан» РТРК» АҚ Токиодағы жазғы Олимпиада ойындарының трансляциясына қатысты түсініктеме берді, деп хабарлайды телерадиокорпорацияның&nbsp;<a href="https://www.instagram.com/p/CRgxWMTIP5c/?utm_source=ig_web_copy_link">баспасөз</a>&nbsp;қызметіне.
«XXXII Жазғы Олимпиада ойындарының трансляциясына қатысты көрермендер мен әріптестерімізден келіп түсіп жатқан сауалдарға байланысты келесіні хабарлаймыз.
Токио Олимпиадасының тікелей трансляциялау құқығы «Dentsu Inc.» компаниясына тиесілі. «Қазақстан» телерадиокорпорациясы мен «Хабар» агенттігі» АҚ Qazaqstan, Qazsport, «Хабар» телеарналары арқылы Жазғы Олимпиаданы ел аумағында көрсету бойынша келіссөздерді 2019 жылы бастаған болатын. Тараптар әзірге ортақ келісімге келе алған жоқ. Екіжақты келісімнің ұзаққа созылу себебі, құқық иесінің лицензия бағасын 2016 және 2018 жылдардағы Олимпиада ойындарымен салыстырғанда 123 пайызға қымбатқа ұсынуы», делінген хабарламада. 
Телерадиокорпорацияның мәлімдеуінше, қазіргі кезде Qazaqstan, Qazsport, «Хабар» телеарналары қазақстандық спортшыларды қолдау және отандық көрермендерге Олимпиададан жедел ақпарат ұсыну бойынша жан-жақты әзірлік жұмысын жүргізіп жатыр.
«Телеарналардың Ұлттық Олимпиада комитеті мен шетелдік ірі ақпарат агенттіктерінен фото,-видеоматериалдар алу мүмкіндігі қарастырылған», делінген хабарламада.

Қазақстанда Токио Олимпиадасын тікелей трансляциялау жүргізілмейтін болды

<a href="https://kyzylorda-news.kz/">Kyzylorda-news.kz</a>.&nbsp; Қызылорда қаласы жоғары спорт шеберлігі мектебінде Қазақстан Тәуелсіздігінің 30 жылдығы аясында қоян-қолтық ұрыстан жасөспірім ұлдар мен қыздар арасында Қазақстан чемпионаты өтті.
Ел чемпионатына Нұр-Сұлтан, Алматы, Шымкент қалаларынан және еліміздің 8 облысынан 11 команда 316 жасөспірім спортшы қатысты.
Жарыстың салтанатты ашылуында облыстық дене шынықтыру және спорт басқармасының басшысы Жақсылық Оспанов, облыстық жекпе-жек сайысы федерациясының президенті Әмірбек Шаймағамбетов және жарыстың бас төрешісі, халықаралық дәрежедегі төреші Марат Жұмаділов сөз сөйлеп, қатысушыларға сәттілік тіледі.
Жарыстың қорытындысы бойынша облыс құрама командасы медальдар саны жағынан көш бастап, бірінші орынды жеңіп алды. Жалпы қызылордалық жасөспірім спортшылар 25 медальді облыс қоржынына салды, оның 7-уі алтын, 5-уі күміс, 13-і қола медаль.
Екінші орынды Ақтөбе облысының спортшылары иеленсе, үшінші орынға Түркістан оьлысының командасы 
табан тіреді. 
Жекелей есеп бойынша: 
ҚАЗАҚСТАН ЖЕҢІМПАЗДАРЫ 
30 келі: Данияр Қалдыбай 
30 келі: Жанель Жарқынбек 
42 келі: Сағындық Тұрғанбай 
50 келі: Тахир Тұрсынов 
55 келі: Бақытжан Серікбай 
60 келі: Нұрасыл Қайырбек 
65 келі: Әлислам Әбдірахметов 
КҮМІС ЖҮЛДЕГЕРЛЕР 
24 келі: Темірлан Сұлтанбек 
30 келі Назерке Серікбаева 
30 келі: Елдос Ыдырысұлы 
33 келі: Мағжан Кеңес 
+60 келі: Құралхан Айтмағамбет 
ҚОЛА ЖҮЛДЕГЕРЛЕР 
24 келі: Нұрислам Садықбай 
27 келі: Азамат Садықбай 
27 келі: Әбілмансұр Қайратұлы 
30 келі: Бекзат Әлсейіт 
33 келі: Диас Ержанұлы 
33 келі: Берекет Жаңабекұлы 
36 келі: Дәулет Құрбанов 
39 келі: Сұлтанбек Исабаев 
42 келі: Дидар Дайрабай 
46 келі: Қаһарман Рүстем 
46 келі: Жансая Тұрар 
50 келі: Назарбай Құдайберген 
60 келі: Бағдаулет Қасқырбай
Сондай-ақ, ел чемпионаты аясында қоян-қолтық ұрыстан жасөспірімдер арасында республикалық турнир ұйымдастырылып, Сыр спортшылары 22 медальмен бірінші орынды иеленді. 
Спортшыларды жарысқа жаттықтырушылар Самат Қарымсақов, Әлжан Амангелді, Фараби Сауытбаев, Елдос Рысбаев, Бағлан Мығымбаев және жекпе-жектен облыстың аға жаттықтырушысы Дәуірбек Дәулетов дайындады.
<img src="https://kyzylorda-news.kz/wp-content/uploads/2021/07/218811276_6543412895684875_6834676605992950443_n.jpg" alt="" />
<img src="https://kyzylorda-news.kz/wp-content/uploads/2021/07/219625566_6543415019017996_3700684079544684646_n.jpg" alt="" />

Қызылордада қоян-қолтық ұрыстан Қазақстан чемпионаты өтті

<a href="https://kyzylorda-news.kz/">Kyzylorda-news.kz</a>. 16 шілде күні Қазақстан олимпиадалық командасының негізгі бөлігі Жапонияға ұшып кетті. Алматыдан бірінші рейспен 128 адам ұшып Токионы бетке алды. Олардың қатарында спортшылар, бапкерлер, дәрігерлер, ғылыми-кешенді топ мүшелері, Олимпиададағы Қазақстан Миссиясының өкілдері бар, деп хабарлайды&nbsp;Olympic.kz.
Токиоға “Ақбұлақ” олимпиадалық базасынан каратэшілер, садақ атушылар, үстел теннисі мен семсерлесу командасы, ауыр атлеттер мен боксшылар аттанды. Өзге де жаттығу базаларынан жүзу спортының, су добы спортының өкілдері, жеңіл атлеттер, велошабандоздар, стенд ату мен нысана көздеуден құрама командалар, сондай-ақ&nbsp;дзюдошылар Токиоға жол тартты.&nbsp;
Атлеттер екі апталық карантинде болып, соңғы жаттығу жиындарын Алматы қаласы мен Алматы облысында өткізді. Ойын қарсаңындағы соңғы күндерді спортшылар оқшаулану режимінде өткізіп, сыртқы әлеммен байланысқа түскен жоқ.&nbsp;
“Біз Олимпиада ойындарына қатысушы спортшылардың қауіпсіздігіне бағытталған ХОК пен Токио-2020 ұйымдастыру комитетінің барлық талаптарын орындадық. Ұлттық олимпиадалық комитет пен ұлттық федерациялар спортшылардың сапалы әрі қауіпсіз дайындалуына бар жағдайды жасады.&nbsp;Біздің командадағы 96 спортшы ортақ еңбегіміздің&nbsp;жемісі. Спортшылар мен бапкерлерге, сондай-ақ, спорттық дәрігелерге бірлескен жұмысы үшін рахмет айтамыз”, – делінген Ұлттық олимпиадалық комитетінің жазбасында.&nbsp;
Делегацияның алғашқы бөлігі чартерлік рейспен Алматыдан Токиоға ұшып кетті. Осы орайда, барлық қауіпсіздік шаралары сақталған. Делегацияның аэропорт және әуекомпания қызметкерлерімен байланысқа мейілінше аз түсуі қадағалануда. Авиациялық қызметкерлердің барлығы да&nbsp; екі мәрте ПТР сынақтан өтті.&nbsp;
28 шілдеге&nbsp;жоспарланған екінші рейспен Жапонияға&nbsp;43 адам&nbsp;жол тартады. Олардың қатарында балуандар, көркем гимнастикадан Қазақстан командасы, әртістік жүзу, бессайыс және жеңіл атлеттердің бір бөлігі бар.&nbsp;
Жаттығу кезінде арнайы спорттық базаларды қажет еткен спортшылардың шамамен үштен бір бөлігі карантин мен дайындықтың ақырғы кезеңін шетелде өткізді. Олар тікелей Токионы бетке алады.&nbsp;
8 шілдеден бастап Жапонияда Олимпиада ойындарындағы&nbsp;Қазақстан Миссиясы&nbsp;жұмысын бастады. Қазақстан елшілігі мен СІМ қолдауы арқылы спортшылармен кездесуге қажетті заттар мен жаттығуға керекті қосымша құрылғылардың барлығы да дайындалды.&nbsp;
Олимпиада ауылындағы тіршілік те карантин талаптарына сай болмақ. Түрлі ел командаларының, әртүрлі спорт түрлеріндегі атлеттердің өзара байлансуына тыйым салынған. Олимпиадалық ауыл мен жаттығу және спорт залдарының арасындағы маршруттан ауытқуға болмайды, қоғамдық көлікті пайдалануға рұқсат жоқ. Коронавирусқа байланысты күн сайын тест тапсыру міндетті саналады. Сонымен қатар, спортшылардың жүрген орны мен денсаулық жағдайын бақылайтын бірнеше қосымшаларды ұялы телефонға орнату міндеттеледі.&nbsp;
Қазақстан олимпиадалық командасының сапында 97 лицензия жеңіп алған 96 спортшы бар.&nbsp;
Олимпиада ойындарының ашылу салтанаты 23 шілде күні Нұр-Сұлтан уақытымен 17:00-де Токио стадионында басталады.

Қазақстанның Олимпиада құрамасы Токиоға аттанды

<a href="https://kyzylorda-news.kz/">Kyzylorda-news.kz</a>.&nbsp; Ресми Михаил Мищенко маусым соңына дейін қасқырлардың намысын қорғайды.
32 жастағы қорғаушы футболдық мансабының басым бөлігін Ресейде өткізген. Атап айтсақ, “Рубин”, “Терек”, “Алания”, “Торпедо”, “Тосно”, “Сибирь”, “Тамбов”, латвиялық “Венстлипс”, беларустік “Торпедо Белаз” секілді клубтарда доп тепкен. Михаил өткен маусымда “Тараздың” намысын қорғаған.
Қорғаушы алаңда 24 нөмірлі жейдемен өнер көрсетеді.

«Қайсар» жаңа ойыншымен толықты

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Токиода өтетін XXXII жазғы Олимпиада ойындарына қатысатын қызылордалық спортшылармен онлайн форматта кездесті.
Олимпиадаға Сыр елінің атынан Қызылорда облысынан 3 спортшы: бокстан ҚР еңбек сіңірген спорт шебері, Әлем чемпионатының күміс жүлдегері Қамшыбек Қоңқабаев, еркін күрестен ҚР еңбек сіңірген спорт шебері, Әлем чемпионатының күміс жүлдегері Дәулет Ниязбеков және каратэ-додан ҚР халықаралық дәрежедегі спорт шебері, 3 дүркін Әлем, 3 дүркін Азия чемпионы Мөлдір Жаңбырбай жолдама алды.
Аймақ басшысы Олимпиада ойындары – ең мықты спортшылар ғана бағындыра алатын биік шың әрі үлкен жауапкершілік екенін атап өтіп, спортшыларға сәттілік тілеп, ақ тілегін арнады.
<blockquote>
 «Жақында ғана ел Президенті Қасым-Жомарт Кемелұлы Тоқаев Олимпиадаға қатысатын спортшыларды қабылдап, оларға сәттілік тіледі. Спортшылармен кездесуінде Токио Олимпиадасында Қазақстан құрамасының Туын ұстау құрметіне Қамшыбек Қоңқабаевты лайық деп ұсынған болатын. 
 Қамшыбек, Токио – бұл сенің Олимпиадада алғашқы бақ сынауың. Өз күшіңе деген сенім, табандылық пен ерік-жігеріңнің арқасында жолдаманы алу үшін қаншама еңбек еттің, тер төгілді. Олимпиада медалі спорт мансабыңдағы ең үздік нәтижелердің бірі болсын!», – деді аймақ басшысы.
</blockquote>
Онлайн форматтағы жүздесуде облыс әкімі Олимпиада ойындарына екінші рет бақ сынамақ ниеттегі Дәулет Ниязбеков пен сайысқа тұңғыш рет түскелі тұрған Мөлдір Жаңбырбайға ақ жол тіледі. Сыр елі жұртшылығының атынан еліміздің абыройын қорғайтын 3 спортшыға көрсетілетін сый-сияпат ретінде 500 мың теңгенің сертификатын ұсынды.
Өз кезегінде, спортшылар аймақ басшысына алғыс білдіріп, жерлестерінің үмітін ақтайтынын айтты.
<blockquote>
 «Бізді қолдап, жанашырлық танытқаныңыз үшін үлкен рахмет. Өз тарапымыздан, сенімдеріңізді ақтап, барымызды салатынымызды жеткізгім келеді», – деді Қамшыбек Қоңқабаев.
</blockquote>
Естеріңізге сала кетейік, коронавирус пандемиясына байланысты бір жылға шегерілген Токиода өтетін XXXII жазғы Олимпиада ойындары биыл 23 шілде мен 8 тамыз аралығында өтеді.

Гүлшара Әбдіқалықова Токио Олимпиадасына қатысатын  спортшылармен онлайн форматта кездесті

<a href="https://kyzylorda-news.kz/">Kyzylorda-news.kz</a> Нұр-Сұлтан қаласында отырып ойнау волейболынан өткен Қазақстан Республикасының кубогында облыс құрамасы алтын медаль иеленді.
Олар ақтық ойында Атырау командасын 3:1 есебімен жеңіп, үшінші мәрте Қазақстан кубогының иегері атанды.
Екінші орынды Атырау, үшінші орынды Маңғыстау облысының командалары еншіледі.
Қызылорда облысының құрама командасында Шыңғыс Медеуов, МұхтарҚамысбаев, Бейбіт Кейкиев, Самат Әуезов, Алмат Манабаев, Сұлтан Алмасов, Омар Тұрманов, Ерасыл Әбдібек, Әділет Мұсахмет және Эрик Қасқабаевтар өнер көрсетті.
Облыс құрамасы енді 1-6 тамыз аралығында оқу-жаттығу жиынына қатысса, қараша айында Оңтүстік Кореяда өтетін Азия чемпионатына дайындалады.

Қазақстан Республикасының кубогында облыс құрамасы алтын медаль иеленді

<a href="https://kyzylorda-news.kz/">Kyzylorda-news.kz</a> “Уэмбли” стадионында өткен финалдық матчтан кейін Италия құрамасы Еуропа чемпионы атанған болатын.
Италия құрамасы еліне оралды. Еуро-2020 қаһармандарын Рим халқы қалай қарсы алғанын <a href="https://www.facebook.com/watch/live/?v=1458212337875383&ref=watch_permalink&t=7">видеодан</a> тамашалаңыз.
Чемпионаттағы ең жылдам голға қарамастан – Люк Шоу 117 секундта қарсыластар қақпасына гол соқты.
“Скуадра Адзурра” аталып кеткен итальяндық құраманың жеңіске деген талпынысын стадион иелері де әлсірете алмады.
Шиеленісті ойын жеңімпазды анықтай алмады. Бір сағаттың ішінде итальяндықтар есепті теңестірді.
Қосымша екі тайм да ешнәрсе шешпеді, алайда пенальти сериясында итальяндықтар үздік болды. Осылайша олар ең беделді Еуропа кубогын жеңіп алды.
<a href="https://sputnik.kz/video/20210713/17589517/Euro-2020-jenimpazdary-Italiya.html">Sputnik Қазақстан</a>

Еуро-2020 жеңімпаздары: Италия ұлттық құраманы қалай қарсы алды (видео)

<a href="https://kyzylorda-news.kz/">Kyzylorda-news.kz</a>. Еуро-2020-да жеңіліс тапқан Англия құрамасының&nbsp;жанкүйерлері Лондонда жаппай тәртіпсіздіктер ұйымдастыруда.
БАҚ мәліметінше, футбол көрсетілімі кезінде жанкүйерлер ән салып, отшашу атып, көңіл көтерген. Алайда Англия құрамасы үшін жеңіліс алып келген пенальти сериясынан кейін олар үйлеріне тарай бастаған. Жол-жөнекей&nbsp;шешуші ойынның нәтижесіне қапалы ағылшындар қаладағы қоқыстарды шаша бастаған. Бұған қоса, олар велосипедтер мен көліктерді сындырған.&nbsp;
Тәртіпсіздіктің алдын алу үшін қала полициясы күшейтілген режимде жұмыс істеген. Бұзақылық жасаған 45 адам ұсталып, кейбір көшелерде қозғалыс тоқтатылған.&nbsp;
<img src="https://stan.kz/download/uploads/news_full1626066091bc746ba02eff5cb9780fc8606c596444.jpg" alt="" />Айта кетсек, 11 шілдеде Еуро-2020 чемпионатының финалында Италия мен Англия Лондондағы “Уэмбли” стадионында бақ сынасты. Негізгі ойын 1:1 есебімен аяқталып, қосымша уақытта ешбір команда гол соға алмады. Ал пенальти сериясында италиялық футболшылар қарсыластарынан мықтырақ екенін көрсетіп, 3:2 есебімен жеңіске жетті.&nbsp;
<a href="https://stan.kz/">Stan.kz</a>

Англия құрамасының жеңілісіне қапалы жанкүйерлер Лондонды астан-кестен етті

<a href="https://kyzylorda-news.kz/">Kyzylorda-news.kz</a>. Футболдан Еуропа чемпионаты мәресіне жетті. Екі құрама бұған дейін 27 мәрте кездесті. Оның 10-да Италия жеңіске жетіп, 8-де Англия басым түссе, қалғанында тең нәтиже тіркелді.
Соңғы үш ойында Англия аталған қарсыласының осал тұсын таба алмай келеді. Үш кездесудің екеуінде тең түссе, біреуінде қарсыласына есе жіберді.
Айта кетерлігі, өз тарихында Италия 1968 жылы чемпион атанса, Англия алғаш рет финалға шығып отыр. Сондықтан ағылшындық футболшылар алғашқы минуттан алға қарай ұмтылды.
Нәтижесінде ойынның 3-минутында есеп ашылды. Оны отандасы Киран Триппьердің пасынан кейін ағылшындық қорғаушы Люк Шоу өзінің еншісіне жазды.
Ойынның 67-минутында италиялық Леонардо Бонуччи таразы басын теңестірді. Негізгі кезең 1:1 есебімен тең аяқталып, ойын овертаймға ұласты. Овертаймда жеңімпаз анықталған жоқ. Пенальти тебуде Италияның жолы болды. Осылайша араға 53 жыл салып, чемпион атанды.
Еске салайық, бұл бәсеке он алтыншы мәрте өткізіліп отыр. 1960 жылдан бері тұрақты түрде ұйымдастырылып жүрген Еуропа біріншілігі биыл тұңғыш рет кәрі құрлықтың 10 мемлекетінде орналасқан 11 стадионда өтті. Бұл дүбірлі доданың 60 жылдық мерейтойына орай 24 құрама сынға түсті.
Ал 2024 жылы дүбірлі дода Германияда өткізіледі. Ол 14 ақпан мен 14 шілде аралығында болады.
<a href="https://lenta.inform.kz/kz/futboldan-europa-chempionaty-italiya-53-zhyldan-son-chempion-atandy_a3811001">ҚазАқпарат</a>

Футболдан Еуропа чемпионаты: Италия  чемпион атанды

<a href="https://kyzylorda-news.kz/">Kyzylorda-news.kz</a>. Бүгін, 11 шілдеде футболдан Еуропа чемпионатының финалы өтеді, деп хабарлайды <a href="https://lenta.inform.kz/kz/futboldan-europa-chempionaty-finaldy-kaydan-koruge-bolady_a3810836">ҚазАқпарат.</a>
Финал Англия астанасы Лондон қаласында «Уэмбли» стадионында 11 шілдеден 12 шілдеге қараған түні елорда уақытымен 00.50-де басталып, «Qazaqstan» және «Qazsport» телеарналарынан тікелей эфирде көрсетіледі.
Екі құрама бұған дейін 27 мәрте кездесті. Оның 10-да Италия жеңіске жетіп, 8-де Англия басым түссе, қалғанында тең нәтиже тіркелді.
Соңғы үш ойында Англия аталған қарсыласының осал тұсын таба алмай келеді. Үш кездесудің екеуінде тең түссе, біреуінде қарсыласына есе жіберді.
Айта кетерлігі, бұдан бұрын Италия төрт мәрте жартылай финалға шыққан. Нәтижесінде 1968 жылы чемпион атанса, 1988 жылы қолаға қол созды. Ал 2000, 2012 жылдары күміс жүлдегер атанды.
Ал ағылшындар 1968, 1996 жылдары құрлықтық доданың жартылай финалында ойын көрсетті. Екеуінде де қарсыластарына есе жіберіп, қола жүлдені қанағат тұтқан еді.
Еске салсақ, бұған дейін 10 құрама чемпиондық атаққа қол жеткізді. Олардың қатарында Германия мен Испания -3, Франция – 2, КСРО, Италия, Португалия, Чехословакия, Нидерланды, Дания мен Грекия бір-бірден жеңімпаз тұғырынан көрінді.
2024 жылы құрлықтық дода Германияда өткізіледі. Ол 14 ақпан мен 14 шілде аралығында болады.Еске салайық, бұл бәсеке он алтыншы мәрте өткізіліп отыр. Кәрі құрлықта 1960 жылы алғашқы Еуропа біріншілігі ұйымдастырылды. Ойындар тұңғыш рет Еуропаның 10 мемлекетінде орналасқан 11 стадионда өткізілуде. Бұл дүбірлі доданың 60 жылдық мерейтойына орай ұйымдастырылған. Биылғы біріншілікте барлығы 24 құрама сынға түсті.

Қазақстан және Қызылорда облысының жаңалықтары: Спорт