&nbsp;<a href="https://kyzylorda-news.kz/">Kyzylorda-news.kz.</a>&nbsp; “Nur Otan” партиясынан мәслихат депутаттығына үміткерлер Жұмбеков Дәулет Егембергенұлы және Дәрібаева Гүлсім Әбілқасымқызы партияның сайлауалды бағдарламасын түсіндіру мақсатында Шиелі ауданындағы споршылармен кездесіп, партияға дауыс беру мақсатында алдағы сайлауға белсенді қатысуға шақырды.
Сайлауалды бағдарламада бұқаралық спортты дамытуға да айрықша көңіл бөлініп отыр.
Мәселен, партия алдағы бес жылға арналған өз жоспарында ұлт денсаулығын нығайтуға, халықты бұқаралық спортпен айналысуға бағыттайтын болады. Ол үшін: 2022 жылы Шиелі кентінде денешынықтыру және сауықтыру кешенің салуға, жасөспірімдер мен балалар спорт мектептерінің материалдық-техникалық базасын нығайтуға және ұлттық спортты дамытуға (Ұлттық спорт тұрлерінен, қазақша күрес, ауыр атлетика, тоғыз құмалақ, бокс, футбол, еркін күрес, дзюдо) ықпал ететін болады.
Нәтижесінде, «Nur Otan» партиясы 2025 жылы ауданда дене шынықтырумен және спортпен шұғылданатын азаматтарды қамту деңгейін36 пайызға жеткізуді көздейді.
«Nur Otan» партиясының Қызылорда облысы Шиелі ауданының сайлау қоры қаражатының есебінен төленді.
<img src="https://kyzylorda-news.kz/wp-content/uploads/2020/12/fb8adf67-f990-4c40-8610-bf82726549f0.jpg" alt="" />

Шиелі: Спорт майталмандарымен кездесу өтті

Kyzylorda-news.kz. Ақтау қаласында дзюдодан өткен Қазақстан Республикасының чемпионатында жерлестеріміз табысты өнер көрсетіп, алты медаль еншіледі.
Еліміздің барлық өңірінен 273 дзюдошы қатысқан байрақты бәсекеде Сыр дзюдошылары 1 алтын, 2 күміс, 3 қола медальдарды қоржынға салды.
Атап айтсақ, 60 келіде шеберлік байқасқан Мағжан Шамшадин Қазақстан чемпионы атанды. Ол жарыс барысында төрт кездесу өткізіп, барлық қарсыласын 10:0 есебімен айқын басымдықпен жеңді.
81 келіде Абылайхан Жұбаназар мен 100 келіде Айбек Серікбаев күміс, 52 келіде Құндыз Жылқыбай, 78 келіден жоғары салмақта Нұрғаным Тұршабек пен 100 келіден жоғары салмақта Еламан Ерғалиев қола жүлделерге қол жеткізді.
Жарыс нәтижесінде Құндыз Жылқыбай мен Абылайхан Жұбаназар ҚР спорт шебері нормативін орындады және Ұлттық құрама командасының құрамына енді.
Спортшылар алдағы уақытта республикалық және халықаралық жарыстарға дайындалады.
Жарыс жеңімпазы мен жүлдегерлерін жарысқа дзюдодан ҚР еңбек сіңірген жаттықтырушылар Жанарбек Сансызбаев, Қален Қалиұлы, Ришат Бурлов, жаттықтырушылар Рамазан Мұстафаев, Тұрар Баймаханов, Қайрат Баякенов, Мұхтар Күзентаев дайындады.
<img src="https://kyzylorda-news.kz/wp-content/uploads/2020/12/fb_img_1608640369274.jpg" alt="" />

Қызылордалық дзюдошылар ел чемпионатында 6 медаль иеленді

<a href="https://kyzylorda-news.kz/">Kyzylorda-news.kz.</a> “Мұз айдыны” спорт кешенінде эстетикалық топтық гимнастикадан Қызылорда облысының ашық чемпионаты өтті.
Жарысқа Алматы, Шымкент қалалары мен Түркістан, Жамбыл және Қызылорда облыстарынан 2002-2014 жылы туылған 100-дей гимнастшы “ZOOM” бағдарламасы бойынша онлайн жүйеде бақ сынасты.
Нәтижесінде Сыр гимнастшылары төрт жас ерекшелігі бойынша табысты өнер көрсетіп, алтын медальдарды жеңіп алды.
6-8 жас аралығында команда құрамында өнер көрсеткен гимнастшылар: Меруерт Балғабай, Томирис Жетес, Сымбат Бихожа, Інжу Абдулла, Ақнұр Маратқызы, Тиара Қадырбаева, Айым Мұхамедрасулла.8-10 жас аралығында: Айару Мұхтарқызы, Найля Нұғман, Ақтілек Серікбекқызы, Еркеназ Маратқызы, Інжу Асылбек, Ақерке Елеусінова.10-12 жас аралығында: Ақерке Шілдебаева, Аружан Насрединова, Әсел Машран, Зерде Салават, Кәусар Сейілбекқызы, Мерей Әбдікәрім, Медина Ибрагим, Сезім Қылышбекова.14-16 жас аралығында: Дана Садықова, Ақбота Өтеген, Раушан Аспандиярова, Әсел Марат, Надира Сыражадин, Динара Ерғалиева, Аянат Ерланқызы.
<a href="https://www.facebook.com/hashtag/1%D0%BE%D1%80%D0%BC%D0%B1%D0%B6%D0%BC?__eep__=6&__cft__[0]=AZUJ4FCXohsigzvGcXw7Vc7p80jSeUlhbs8gi76vcJDchPbBQoMdB1Lv8wj6eA3iudpQlJIRyzokqOaW8IgHz9TjtV5ACuiilcyJeJDSG_KMwhYId40ZWULGmId9Vbxn62n_A2qupROvXdTnKA86bL4QbU9Hq5CbVcenFHBjgGln1w&__tn__=*NK-R">#1ОРМБЖМ</a>– де тәлім алатын гимнастшыларды жарысқа көркем гимнастикадан облыстың аға жаттықтырушысы Гүлмира Абсұлтан, жаттықтырушы Айсұлу Мадиева және хореограф Гүлзат Расул дайындады.

Эстетикалық топтық гимнастикадан Қызылорда облысының ашық чемпионаты өтті

<a href="https://kyzylorda-news.kz/">Kyzylorda-news.kz.</a> Бүгін “Мұз айдыны” спорт кешенінде волейболдан ерлер арасында Қазақстан Республикасының 29-шы чемпионаты басталды.
Ел чемпионатының екінші айналымына Алматы, Шымкент қалалары мен Алматы, Ақтөбе, Батыс Қазақстан, Түркістан, Қостанай, Қарағанды және Қызылорда облыстарының командалары қатысуда.
Жоғарғы лига командалары арасындағы жарыстың бірінші айналымы қараша айында Орал қаласында өткізілген болатын. Қалған үш айналымы пандемияға байланысты қашан өтетіні белгісіз.
Ел чемпионаты жанкүйерлерсіз өтуде. Жарыс 27-желтоқсанға дейін жалғасады.
Бас төрешілік қызметті халықаралық дәрежедегі төреші Айдос Ахметов (Нұр-Сұлтан қ.) атқаруда.
<img src="https://kyzylorda-news.kz/wp-content/uploads/2020/12/131969951_2745152062412122_2738191506703230995_n.jpg" alt="" />
<img src="https://kyzylorda-news.kz/wp-content/uploads/2020/12/132231657_2745152229078772_3962205600408486848_n.jpg" alt="" />

Қызылордада волейболдан ел чемпионаты басталды

<a href="https://kyzylorda-news.kz/">Kyzylorda-news.kz</a>. Бүгін ҚР Мәдениет және спорт министрі Ақтоты Райымқұлова Қызылорда облысына жұмыс сапары аясында «Мұз айдыны» спорт ​ кешенінде болды.
Министр халықаралық жарыстарда табысты өнер көрсетіп жүрген​ облыстың жетекші спортшыларымен кездесті. Олардың арасында каратэ-додан Әлем чемпиондары Мөлдір Жаңбырбай, Нұржан Ақпанбет, ауыр атлетикадан бүкіләлемдік универсиаданың қола жүлдегері Рүстем Сыбай, пауэрлифтингтен Әлем чемпионатының күміс жүлдгері Елдос Ермаханов, отырып ойнау волейболынан Пара Азия чемпионатының қола жүлдегерлері Эрик Қасқабаев, Шыңғыс Медеуов, Алмат Манабаев, пара пауэрлифтингтен Әлем кубогының күміс жүлдегері Кабира Асқарова, пара жеңіл атлетикадан Азия ойындарының қола жүлдегері Ислам Салимов және тағы басқа танымал спортшылар болды.
Облыстық дене шынықтыру және спорт басқармасының басшысы Жақсылық Оспанов облыстағы спорттың даму көрсеткіштерімен таныстырса, «Мұз айдыны» спорт кешенінің директоры Илья Ильин спорт нысанның жай-күйін айтып өтті.
Кездесу барысында ауыр атлетикадан ҚР еңбек сіңірген жаттықтырушысы Велорик Пак пен тоғызқұмалақтан 3 дүркін Әлем чемпионы, ҚР еңбек сіңірген спорт шебері Хәкімжан Елеусінов елімізде спортқа деген көзқарастың жоғары екендігін айта келіп, алғысын білдірді.
Министр өз кезегінде алдағы уақытта Сыр спортшыларының дүбірлі додаларда еліміздің намысын қорғап, спорттық даңқын арттыратынына сенім білдірді.
Одан кейін министр мұз алаңындағы шайбалы хоккей, грек-рим, көркем гимнастика және ​ ойын залында волейболдан өтіп жатқан оқу-жаттығу процестерімен танысып, спортшылармен әңгімелесті. ​ ​ ​
<img src="https://kyzylorda-news.kz/wp-content/uploads/2020/12/131824595_5519258111433697_7209173038206703300_n.jpg" alt="" />
<img src="https://kyzylorda-news.kz/wp-content/uploads/2020/12/132033821_5519258854766956_2985193814680652453_n.jpg" alt="" />
<img src="https://kyzylorda-news.kz/wp-content/uploads/2020/12/132231657_5519257858100389_2035965309066183136_n.jpg" alt="" />
<img src="https://kyzylorda-news.kz/wp-content/uploads/2020/12/131983090_5519258311433677_9085417383048209804_n.jpg" alt="" />

Ақтоты Райымқұлова Сыр спортшыларымен кездесті

Kyzylorda-news.kz.&nbsp;Геннадий Головкин мен польшалық боксшы Камил Шереметаның жекпе-жегі өтті.&nbsp;
Жерлесіміздің басымдығы бірінші раундтан-ақ көрінді. Ол қарсыласын нокдаунға жіберді. Екінші, төртінші және жетінші раундта да Шеремета құлап, қайта-қайта тұрумен болды.
GGG жекпе-жекті кез келген раундта аяқтауға әзір болғандай, алайда бокс жанкүйерлері үшін шоу жасағандай көрінді. Бірақ жетінші раундта Шеремета техникалық нокаутқа түсті. Оның командасы сегізінші раундқа шығудан бас тартты.
Головкин осымен IBF және&nbsp;IBO тұжырымдамалары бойынша орта салмақтағы әлем чемпионы титулын 21-ші рет қорғады. Бұл рекорд болып отыр.
Жекпе-жектен соң жерлес спортшы қазақстандықтарды Тәуелсіздік күнімен құттықтады.

Головкин титулдарын қорғап, рекорд орнатты

Kyzylorda-news.kz. Қызылордалық боксшы Қамшыбек Қоңқабаев (1-0, 1 КО) кәсіпқой рингтегі екінші жекпе-жегін өткізді, деп хабарлайды Sports.kz.
Ол украиналық Сергей Радченкомен (7-6, 2 КО) қолғап түйістірді.
Супер ауыр салмақтағы айқас сегіз раунд деп белгіленген болатын. Бірақ ол төрт раундтан кейін тоқтады. Себебі, төртінші раундта Радченко нокдаунға түсіп қалды. Сондықтан жекпе-жекті әрмен қарай жалғастырудан бас тартты.
Осылайша Қамшыбек Қоңқабаев қарсыласын техникалық нокаутпен жеңіп кетті.
Бұл – Қамшыбектің кәсіпқой рингтегі екінші жеңісі. Екеуін де нокаутпен ұтқан.

Қамшыбек Қоңқабаев профи бокста екінші рет жеңіске жетті

Kyzylorda-news.kz. Proboxing-Fans.com&nbsp;журналисі Пол Мейсон қазақстандық боксшы Геннадий Головкиннің (40-1-1, 35 КО) поляк Камил Шереметамен (21-0, 5 КО) жекпе-жегіне болжам жасады, деп хабарлады <a href="https://m.sputnik.kz/sport/20201217/15761090/nokaut-Golovkin-zhekpe-zhek.html">Sputnik.kz.</a>
<blockquote>
 “Головкин өзінің жұлдызды карьерасының соңғы кезеңінде тұрса да, алдағы уақытта ірі жекпе-жектер өткізуге ниет білдіріп отыр және ол бұл жоспарларды Шереметаның бұзуына жол бермеуі керек. Головкинді әбігерге түсіруге немесе оның әдеттегідей қарқынмен жұдырықтасуына жол бермеуге поляктың күші жетпейді, сондықтан мен мұнда GGG-дің нокаутынан басқа ештеңе көріп тұрған жоқпын. Жекпе-жек төртінші раундқа қарай аяқталуы мүмкін, ал кездесудің ортасына қарай бітетіні анық”, – деп жазды автор.
</blockquote>
Айта кетейік, Геннадий Головкин мен Камил Шереметаның айқасы 19 желтоқсанда өтеді. Жекпе-жекті Qazsport және Qazaqstan телеарналарынан көруге болады. Трансляция Нұр-Сұлтан уақытымен 07:00-де басталады.

GGG: Кім нокаутқа түседі?

Kyzylorda-news.kz. Тоғызұмалақ ойыны Адамзаттың материалдық емес мәдени мұраларының Репрезентативтік тізіміне енгізілді, деп хабарлайды ҚР сыртқы істер министрлігінің баспасөз қызметі.
Материалдық емес мәдени мұраны (МЕММ) қорғау жөніндегі үкіметаралық комитет тиісті ұсыныс үшін дауыс берді. Ол комитеттің 2020 жылдың 14-19 желтоқсаны аралығында онлайн режимде өтіп жатқан 15-сессиясы аясында өткізілді. Отандық делегация құрамында – Қазақстанның ЮНЕСКО жанындағы Тұрақты өкілдігінің қызметкерлері мен ЮНЕСКО және ИСЕСКО істері жөніндегі Ұлттық комиссия жанындағы МЕММ бойынша Ұлттық комитеттің сарапшылары. Айта кетейік, Қазақстан 2018-2021 жж. аралығында комитет жұмысына ЮНЕСКО-ның осы беделді органының мүшесі ретінде қатысып келеді.
Аталған сессияда Үкіметаралық комитет 42 номинацияны, оның ішінде Қазақстан, Қырғызстан және Түркия бірлесе енгізген «Тоғызұмалақ» ойынын қарастырды.
Тоғызұмалақ (қырғыздарда – Тогуз коргоол, түріктерде – мангала/гечюрме) – адамның ұтқырлық пен тапқырлық қасиетін ұштайтын, әрі математикалық ойлау мен төзімділікке баулитын ойын. Ол ежелгі түркілер қасиетті санаған 9 санына негізделген. Ойынды кейде «қойшылар алгебрасы» деп те атады. Өйткені, ойын кезінде барлық төрт негізгі математикалық амал қолданылады. Ойын жылдамдық пен әдіс-тәсіл санауға құрылған.
«Тоғызқұмалақтың» енуімен бірге МЕММ репрезентативтік тізіміндегі адамзаттың мәдени мұрасы санатындағы қазақстандық элементтер саны 11-ге жетіп отыр. Бұған дейін бұл тізімге домбыра күй өнері, киіз үй жасау дәстүрі, айтыс, қазақ күресі, Наурыз мейрамы, саятшылық, жіңішке нан – қатырма, асық ойыны, Қорқыт мұрасы және қазақ жылқышыларының дәстүрлі көктемгі мерекелік әдет-ғұрыптары (бие байлау, айғыр қосу, қымыз мұрындық) кірген болатын.

Тоғызұмалақ ойыны адамзатқа ортақ мәдени мұра деп танылды

<a href="https://kyzylorda-news.kz/">Kyzylorda-news.kz</a>.Бүгін өңірлік коммуникациялар қызметінде облыс әкімі Серік Ахмет қасқырлардың бас бапкерін таныстырды. Енді қызылордалық «Қайсар» футболшыларын жаңа маусымда жергілікті маман Сұлтан Әбілдаев жаттықтырады.
Сұлтан Әбілдаев 1970 жылы 21 наурызда Қызылорда қаласында дүниеге келген. Кәсіби футболшы. Алаңда жартылай қорғаушы қызметін атқарған. Мансабының басым бөлігін «Қайсар» футбол кубында өткізген. Тек 2002 жылы бір маусым «Атырау» командасында ойнаған. Сұлтан Әбілдаев «Қайсар» футбол клубының тарихында ең көп ойын өткізген футболшы. Қазақстан Ұлттық Құрамасының намысын қорғаған. 2005 жылы мансабын аяқтаған соң, бапкерлік қызметке ден қояды. Алдымен футбол орталығында шәкірт тәрбиелеумен айналысса, 2009 жылы «Қайсар» командасын жаттықтырады. 2010 жылы бас бапкердің көмекшісі қызметін абыроймен атқарды. 2016 жылға дейін клубта түрлі бағытта қызмет атқарып, 2016 жылы «Қайсар» футбол клубына бас бапкер қызметіне тағайындалып, команданы Бірінші лигадан Премьер-лигаға шығарады. Сол жылы Бірінші лига арасында ең үздік бапкер атағына ие болды. Бүгінде жергілікті жаттықтырушы өңір футболының дамуына үлес қосып келеді. Сонымен қатар үстіміздегі жылдан бастап осы уақытқа дейін «Байқоңыр» футбол клубының бас бапкердің кеңесшісі қызметін атқарып келді. 
Айта кетейік, Сұлтан Әбілдаевқа жергілікті жаттықтырушылар Қанат Шерімбетов пен Ерлан Шойтымов көмек көрсетеді.

«Қайсар» футбол командасына жаңа бапкер тағайындалды

Kyzylorda-news.kz. Футболдан Қазақстан Премьер-лигасының ең қымбат футболшыларының рейтингі жаңарды, деп хабарлайды ҚазАқпарат Transfermarkt сайтына сілтеме жасап.
Спорт порталының дерегіне сүйенсек, Алматының «Қайрат» командасында ойнайтын польшалық Яцек Гуральски ел чемпионатының ең қымбат футболшысы атанды. Оның трансфердегі бағасы – 2,5 миллион еуро.
Екінші орында трансферлік құны 2,2 миллион еуро болатын «Қайраттың» тағы бір футболшысы Раде Дугалич тұр. Дугалич биыл чемпионаттың үздік ойыншылары қатарына енген болатын. Қымбат футболшылардың үштігін алматылықтардың тағы бір қорғаушысы Дино Миканович түйіндеді. Оның трансфердегі бағасы – 2 миллион еуро.
Қазақстандық футболшылардың арасында «Қайрат» пен «Тобыл» командаларында ойнайтын қорғаушылар Нұралы Әліп пен Темірлан Ерланов та құны қымбат спортшылардың қатарында. Сондай-ақ, Қазақстан құрамасының шабуылшысы Абат Айымбетовтің трансфердегі бағасы 1,5 млн еуроға дейін өсті.
<img src="https://kyzylorda-news.kz/wp-content/uploads/2020/12/201213092019970e.jpg" alt="" />

Қазақстан чемпионатының ең қымбат футболшылары кімдер?

<a href="https://kyzylorda-news.kz/">Kyzylorda-news.kz</a>. Қызылорда облыстық дене шынықтыру жəне спорт басқармасының ұйымдастыруымен “ZOOM” бағдарламасы бойынша онлайн жүйеде футбол фристайлынан Қызылорда облысының жекелей жарысы өтті.
Үшінші мəрте ұйымдастырылған тартысты жарысқа Қызылорда қаласы мен аудандардан 14-15, 16-17 жəне 18 жастан жоғары 30 спортшы қатысты.
Жарыс нəтижесінде 18 жастан жоғары спортшылар арасында қызылордалық Мейіржан Əбішбеков осымен екінші рет жарыстың жеңімпазы болды.
Шиелі ауданынан Мағжан Ізбасар екінші, Жаңақорғаннан Төребек Бəкір үшінші орындарды иеленді. 16-17 жас аралығында шиелілік Бақдаулет Молдақараев 1-орынды, жаңақорғандық Диас Қалкөз 2-орынды, жалағаштық Азиз Махмуд 3-орынды еншіледі. 14-15 жас аралығында сырдариялық Шаттық Меңлібаев чемпион атанса, жаңақорғандық Азат Жанабил – күміс, жалағаштық Диас Сағымбай – қола жүлделерге қол жеткізді.
Жеңімпаздар мен жүлдегерлерге диплом, медальдар берілді.
<img src="https://kyzylorda-news.kz/wp-content/uploads/2020/12/130283573_5468349773191198_2330701857272909986_n-1.jpg" alt="" />
<img src="https://kyzylorda-news.kz/wp-content/uploads/2020/12/130298091_5468350006524508_5875158672693493440_n.jpg" alt="" />
<img src="https://kyzylorda-news.kz/wp-content/uploads/2020/12/130456316_5468350263191149_5272579329999852242_n.jpg" alt="" />
<img src="https://kyzylorda-news.kz/wp-content/uploads/2020/12/130480210_5468350569857785_5236246951229220668_n.jpg" alt="" />

Қазақстан және Қызылорда облысының жаңалықтары: Спорт