<a href="https://kyzylorda-news.kz/">Kyzylorda-news.kz</a> Танымал әнші Төреғали Төреәлінің Астана мен Алматы және Шымкент пен Тараз қаласында жоспарланған концерті өтпейді. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Өнер иесінің әріптесі Мақпал Жүнісова хабарлады.&nbsp;<blockquote>“Төреғалидың концерті кейінге қалдырылыпты. Әншінің концерті денсаулығына байланысты шегерілген. Сатылған билеттер түгел қайтарылады”, – деп жазды әнші.&nbsp;</blockquote>Эстрада жұлдызының әкесі ақпан айында концертке шақырған еді. Алайда <a href="https://stan.kz/">Stan.kz</a> тілшісінің сұрағына жауап бермеді.&nbsp;<blockquote>“Ассалаумағалейкум, ағайын! Алланың қалауымен Ұлы дала баласы Төреғали Төреәлі ұлымыздың концертінде аман-есен, төрт көзіміз түгел, бас қосуды нәсіп етсін”, – деп жазған еді арт-менеджер.&nbsp;</blockquote>Фото: Stan.kz

"Билеттер қайтарылады": Төреғали Төреәлінің наурыз мерекесіне жоспарланған концерті өтпейтін болды

<a href="https://kyzylorda-news.kz/">Kyzylorda-news.kz</a> Айтыскер ақын Айнұр Тұрсынбаева «SAAD» отандық желілік маркетинг компаниясын ашты, деп хабарлайды&nbsp;<a href="https://sn.kz/sn-adebiet-zhane-oner/120399-khalykty-koraga-kirgizudi-bastady-ainur-tursynbaeva-zhelilik-marketing-kompaniiasyn-ashty-video">Skifnews.k</a><a href="http://skifnews.kz/">z</a>&nbsp;ақпарат порталы.Ақынның досы Балғынбек Имашовтың айтуынша, компанияның құрылтайшылары Тұрсынбаеваның бір туған бауырлары.<blockquote>«Тұңғыш Отандық желілік “SAAD” компаниясының құрылтайшылары — бір туған бауырлар Дархан, Ардақ, Айнұр! Бүгін үлкен оқиға: Алматыдағы Балуан Шолақ атындағы Спорт Сарайында жаңа компанияның тұсаукесері өтуде. Ата-анасын шығарып батасын алуы, Алатау Серілерінің рухты әнімен кештің басталуы сондай орынды әрі тағылымды болды. Тамара Асардың әндері осы кештің шырайы, сәні мен салтанаты болды. СААД компаниясы — мыңдаған адамдарға табыс көзі, жүзмыңдаған адамдарға сапалы өнім, миллиондарға денсаулық пен сұлулық сыйлайтын мүмкіндік деп сенеміз. Экономикамызға пайдалы, яғни, миллиардтаған долларлар шетке кетпейді, керісінше, сырттан үлкен қаржылардың құюлуына себеп болмақ.Қазақтың екі мықты қызы — Ардақ пен Айнұр бірігіп Дархан бауырын қолдаса, бұл үштіктің алмайтын асуы, қопармайтын тауы қалмайды деп сенем. Алла жар болсын, Айнұр досым! Мен сенің әр бастамаңа тілекші әрі қолдаушымын!», — деп жазды ол.&nbsp;</blockquote>Айнұр Тұрсынбаевның өзі оқырмандарын желілік маркетинг компаниясына тіркелуге шақырып жатыр.&nbsp;<blockquote>«Позор болып басқа елдің сетевойында жүрмейік…Тұңғыш қазақтың классикалық маркетингпен құрылған компанияға тіркелу басталды», – дейді&nbsp;ол.&nbsp;</blockquote>Дегенмен, желі қолданушылары бұл компанияның болашағына күдікпен қарауда.&nbsp;<blockquote>«Сетевой маркетинг қой, бірін бірі сүреу, кредитке тығу басталды», «Кезінде НЛ-мен біраз адамның ақшасын жеп еді, әлі тоймапты», «Алаяқтық қой, сенбеңдер», «Арты мәссәған, мен алдамдым болып кетпесін», «Аңқау елге арамза молда», «Кейін былық болып шығып, Балғынбек Айнұрды танымаймын деп тұрма», «Халықты тонауды қоймапты», «Зауыт ашты ма десем, тағы бір пирамида ашыпты ғой», «Айнұр тағы да халықты қораға кіргізуді бастады», — деп жазды олар.&nbsp;</blockquote>Ал, компанияның жарнамалық мәтіндерінде желілік маркетинг арқылы миллиондарды тауып, оңай баспаналы болатын жүйе бар екенін айтқан.&nbsp;Фото: коллаж Sn.kz

Айнұр Тұрсынбаева желілік маркетинг компаниясын ашты

<a href="https://kyzylorda-news.kz/">Kyzylorda-news.kz</a>&nbsp;&nbsp; Әлемге танымал қазақстандық әнші Димаш Құдайберген өзінің әлеуметтік желідегі парақшасында жаңа туындысының жарық көретін уақытын жазды, деп хабарлайды&nbsp;<a href="https://egemen.kz/">Egemen.kz</a>.&nbsp;&nbsp;<blockquote>«Қымбаттыларым! Алдағы уақытта жаңа әннің тұсаукесері болатынын қуана хабарлаймын. 7 наурызда біз әлемге әйгілі композитор және продюсер Вальтер Афанасьев бастаған халықаралық ән жазушылар тобы дайындаған әнді шығарамыз. Ән «Love’s Not Over Yet» деп аталады. Сіздерге ұнайды деп үміттенемін!», деп жазды Димаш&nbsp;<a href="https://www.instagram.com/kudaibergenov.dimash/?utm_source=ig_embed&amp;ig_rid=8beedd56-b0b7-4498-aa2c-28ef41f5310c">Instagram&nbsp;</a>парақшасында.</blockquote>Фото: Инстаграм парақшасынан

Димаш Құдайберген қуанышты жаңалығын хабарлады

<a href="https://kyzylorda-news.kz/">Kyzylorda-news.kz</a>&nbsp; Блогер Елдос Кәдірханов туған күнінде оқырмандарын жақсы жаңалықпен қуантты, деп хабарлайды&nbsp;<a href="http://skifnews.kz/">Skifnews.kz</a>&nbsp;ақпарат порталы.Бұл туралы ол әлеуметтік желідегі&nbsp;<a href="https://www.instagram.com/p/DFKIcG3sqmY/">жазбасында</a>&nbsp;бөлісті.&nbsp;Блогер туған күнін Тараз қаласында атап өтті. Той үстінде қонақтармен жақсы жаңалығын бөлісті. Оның сөзінше, еліміздегі емдеу мекемесінің бірі 13 жыл бойы сәби күтіп жүрген жұпқа, ата-ана болу бақыты бұйыруы мүмкін екенін айтқан.&nbsp;<blockquote>«Басты жаңалығым – осы. Қанша жыл күттім осы жауапты. Аллаға сансыз шүкір! Енді тек дұғада болыңыздар. Алла қаласа тағы да сүйінші сұрасын деп тілеңіздер. Қаншама нәтижесіз операция өткіздім, қаншама дәрі іштім, масқара шығындалып, 13 жыл емделдім. Нәтиже болмады. Мен ұялмаймын осыны айтудан, себебі қаншама жігіттер бар дертіне ем таппай жүрген. Ұрпақ сүйсем ғой деп жүрген қаншама отбасылар бар. Баласы барлар бізді түсінбейді. Аллаға шүкір!», – деп бөлісті ол.&nbsp;</blockquote>Оқырмандар блогердің қуанышына ізгі тілектерін жаудырды.&nbsp;<blockquote>«Бұйырса, сәбилі болдық деп сүйіншіліңдер!», «Алла бақтарыңды ашсын!», «Егізді болыңдар!», «Тілеулеріңді берсін», – деп жазды көпшілік.&nbsp;</blockquote>Фото: instagram.com/eldos_kalabok

«Енді тек дұғада болыңыздар»: Блогер Елдос «колобок» сүйінші жаңалығымен бөлісті

<a href="https://kyzylorda-news.kz/">Kyzylorda-news.kz</a> Танымал блогер Айжұлдыз Адайбекова мобилограф Сәкен Қағаровпен некесін қидырды. Бұл туралы <a href="https://stan.kz/ayzhyldiz-adaybekova-men-saken-kagarov-meshitte-neke-ki-412833/">Stan.kz</a> ақпарат агенттігі хабарлайды.Желі жұлдызы жеке парақшасында жақсы жаңалықты сүйіншіледі.<blockquote>“Әрекет пен дұға түбі – береке. Ерлі-зайыптымыз. Қасымда болғандарыңа рақмет”, – деп жазды Айжұлдыз.</blockquote>Айта кетейік, блогерге жігіті Исландиядағы сарқырамада тұрмысқа шығуға ұсыныс жасаған еді.Желі қолданушылары түрлі пікір білдіріп, екі жасқа бақыт тілеп жатыр.<blockquote>“Некелерің мәңгілік болсын!” Екеуі бір-бірі үшін жаралғандай”, “Екі дүниенің бақытын бұйыртсын!”, “Құрған отауларың берік болсын!”, – деп жазды көпшілік.</blockquote>Еске салайық, блогер мобилограф Қыран Талапбекпен шаңырақ көтеріп, кейін ажырасып кеткен еді. Назар есімді ортақ ұлдары бар.Фото:&nbsp;https://www.instagram.com/aizhuldyz_adaibekova/

Айжұлдыз Адайбекова мен Сәкен Қағаров мешітте неке қидырды

<a href="https://kyzylorda-news.kz/">Kyzylorda-news.kz</a> Танымал әнші Саят Медеуов әріптестеріне қатысты күтпеген ұсыныс жасады. Бұл туралы <a href="https://stan.kz/anshilerge-ayippyl-salu-kerek-sayat-medeuov-ariptesteri-412660/">Stan.kz</a> ақпарат агенттігі хабарлайды.Өнер иесі “1001 түн” бағдарламасында қонақ болып, бүгінгі эстраданы сөз етті.<blockquote>“Мәдениет пен өнер саласында&nbsp;мен күйіп кететін нәрсе көп. Қазір аузына келген сөзбен ән жаза беретін әншісымақтар қаптап кетті. Сапасыз әншілерден, сапасыз ән туады. Оларға ешқандай шектеу болып жатқан жоқ. Содан кейін ойына келгенді жазады. Әннің сөзі әуенмен бірге төгіліп, поэзия секілді құйылып тұруы керек. Біз композитор, ақын, әнші деген үш тағанды жоғалтып алдық. Баяғыда ән осы үш тағанның уысынан шығып, сәтті екенін дәлелдейтін. Қазір бәрі майдаланып барады", –&nbsp;деп ашуланды Саят Медеуов.</blockquote>Сондай-ақ&nbsp;өнер иесі сахнада мән-мағынасы жоқ ән айтатындарға айыппұл салу керегін айтты.<blockquote>"Болмайтын ән айтатын әнші&nbsp;көп. Бәрі демеймін. Арасында жақсы әншілер де бар. Бірақ сапасыз ән айтатындарға айыппұл салу керек. Заңмен шектеп, олардың еркін көсілуіне жол бермеуіміз керек. Ақыры бәріне айыппұл салып жатырмыз ғой. Көлікті 5 минуттан артық қыздырғанға да айыппұл салып жатырмыз ғой, одан да өнерді ластап, мәдениетті құртып жатқан әншісымақтарға айыппұл салғанымыз абзал", – деді әнші.</blockquote>Фото: Stan.kz

"Әншілерге айыппұл салу керек": Саят Медеуов әріптестеріне қатысты ұсыныс жасады

<a href="https://kyzylorda-news.kz/">Kyzylorda-news.kz</a> Медицина ғылымдарының докторы, академик, белгілі онколог Диляра Қайдарова С.Д. Асфендияров атындағы ҚазҰМУ-дың бірінші проректоры болып тағайындалды. Бұл туралы білім ордасының баспасөз қызметіне сілтеме жасаған <a href="https://kaz.nur.kz/showbiz/2211803-baian-maqsatqyzynyng-qudagiy-qazumu-birinshi-prorektory-bolyp-tagaiyndaldy/">KAZ.NUR.KZ</a> хабарлайды.&nbsp;Диляра Радикқызы ҚазҰМУ-дың директорлар кеңесінің шешімімен университеттің бірінші проректоры болып тағайындалды. Бұл туралы басқарма басшысы, ҚазҰМУ ректоры Марат Шоранов кеңесшілерінің, проректорлардың және құрылымдық бөлімшелер жетекшілерінің қатысуымен өткен жиналыс барысында хабарлады. Диляра Қайдарова 2016 жылдан 2025 жылдың қаңтарына дейін онкология институтын басқарды. Ал 2006-2016 жылдар аралығында Алматыдағы онкология орталығында басшы қызметін атқарған. Қызметтік жолын 1992 жылы Алматы онкологиялық диспансерінің гинекологиялық бөлімшесінде дәрігер-онколог болып бастаған.&nbsp;Айта кетерлігі, Диляра Қайдарова белгілі продюсер Баян Мақсатқызының құдағиы, Айсәуле Бақытбектің енесі болып келеді.Фото: Диляра Қайдарова инстаграм парақшасынан/Малика Хадид/Nur.kz

Баян Мақсатқызының құдағиы ҚазҰМУ бірінші проректоры болып тағайындалды

<a href="https://kyzylorda-news.kz/">Kyzylorda-news.kz</a> Қазақстандық шоу-бизнестегі жарасымды жұлдызды жұптардың бірі Жанболат Ербатыров пен Жазира Байырбекова ерекше стильдегі образдарды паш етіп, елді таңғалдырды. Бұл туралы <a href="https://kaz.nur.kz/showbiz/2210928-zhastyq-shaqty-eske-aldyq-erekshe-obrazdagy-zhanbolat-pen-zhazira-eldi-tanggaldyrdy-video/">KAZ.NUR.KZ</a> жазады.&nbsp;Жазира Байырбекова жолдасымен түскен бейнежазбаны Instagram-дағы парақшасында жария етті. Видеода ерлі-зайыптының ретро стильде киініп, билеп жатқанын көруге болады. Желі қолданушылары жұлдызды жұптың образдарына тәнті болып, оларға жарыса пікір білдірді.&nbsp;"Нағыз ретро деген осындай болады", "Жастық шағымызды еске алып алдық қой", "Тамаша, біздің кезіміздегі киімдер ғой. Қолда магнитофон ұстап, осылай жүруші едік", "Біздің жас кездегі киімдерді қайдан тауып алдыңыздар", "Біздің кезде осы түстер хит болды", "Қандай керемет, жеңешем құлпырып тұр", "Керемет. Бәрі жараса кетеді", - деп жазуда көпшілік.Фото: Жазира Байырбекова инстаграм парақшасынан

"Жастық шақты еске алдық": ерекше образдағы Жанболат пен Жазира елді таңғалдырды

<a href="https://kyzylorda-news.kz/">Kyzylorda-news.kz</a> Танымал жұлдызды жұп актер Рүстем Жаныаманов пен актриса Жанаргүл Жаныаманова Жанар Байсемізге берген&nbsp;<a href="https://www.youtube.com/watch?v=zrc1pTWvnxw">сұхбатынд</a>а ұлының сырқаты туралы айтып, бастан өткенін бөлісті, деп хабарлайды <a href="https://alash.kz/kz/article/ekpe-algannan-keiin-balam-jazylmaityn-auruga-tap-boldy-janargul-janyamanova.html">Alash.kz</a>.Жұлдызды жұп ұлының емханада екпе алған соң&nbsp;тромбоцитопения деген жазылмайтын дертке шалдыққанын айтты. Сөздерінше, дәрігерлер бала ұзақ өмір сүрмейді деп айтқан.<blockquote>“Театрға жаңадан кірген кезім еді. Мансап қудық, жұмысбасты болып кеттік. Қойылымдар көп болды. Ауруханадан мейіргер күнде хабарласып, балаға екпе жасатыңдар дейді. Сол кезде бала ауырып тұрған соң екпені кейінге қалдырып жүрдік. Бірде балам апасымен қалғанда домофоннан қоңырау түскен. Апасы “шақырып жатыр, не істеймін” деп маған хабарласты. Мен жұмыста жүріп, “салдыра салыңыз” дей салдым. Кешке келсем балам&nbsp;екпесі ісіп кеткен, аяғын баса алмай отыр екен. Дәрігерер баланы тексермеген екен.&nbsp;Бізге тромбоцитопения жазылмайтын ауру, бала ұзақ өмір сүрмейді&nbsp;деп айтты. Бірақ әлемде осындай дерті бар адамдардың 3%-ы ғана өмір сүріп кетеді екен. Олар үнемі гормон салып жүруге мәжбүр. Біздің баламыз да гормон алды. 3 жастағы баламыз толып кетті. Шөп дәрі ішті, емшілерге бардық. Кейін медицина да көмектесе алмайтынын көрдім. Сонда ішкі дауыс “Құдай ғана көмектесе алады” деді”, –&nbsp;деп ағынан жарылды актриса Жанаргүл Жаныаманова.</blockquote>Оның айтуынша, бұл дерт оларға ұстаз болды. Бұл жағдай болмаса, өздері&nbsp;көп нәрседен бейхабар болып қалатын едік дейді.<blockquote>“Көп кітап оқыдық, бір-бірімізді біле бастадық, ішкі жандүниемізді түсіндік. Рүстем қолымда баладағы ауруды тартып алатын&nbsp;магнит болса деп армандаса, мен&nbsp;жолдан барлық ауруды жазатын бір дәрі тауып&nbsp;алсам деп ойлайтынмын. Содан біраз дәрумендер іштік, емшілерге, қасиетті жерлерге бардық, өзімізді зерттедік, Құдаймен сырластық. Оның қайсысы көмектескенін білмеймін. Қазір баламыз аман-есен, ауруынан жазылды”, –&nbsp;дейді актриса.</blockquote>Жанаргүл Жаныаманованың айтуынша, баласының сырқатын ауыр қабылдағаны сонша тіпті никаб киіп кетемін бе деп ойлаған.<blockquote>“Сол кезде эмоциялық жағынан тұрақсыз болдым. Түрлі ойлар келді. Тіпті мүлдем сахнаға шықпауым керек шығар деген ой болды. Маған тиген көз балаға өтіп кетті ме деп ойлап, өзімді кінәладым. Хиджаб, никаб киіп кете жаздаған кездерім болды. Сонда Рүстем “барлығын істе, оқы, біл, бірақ олай істеме” деді. Сол сөзі үшін рахмет айтамын. Не істесем де Рүстем мені жан-жақты қолдады. Баламыз жазылғанда бәріне WhatsApp арқылы анализдерін жіберемін. Оны көріп анам: “Көз тиеді, тыныш отыр” деп тыйғаны бар”, – дейді ол.</blockquote>Сурет: instagram.com/zhanargul_zhanyamanova

Актриса Жанаргүл Жаныаманова: «Екпе алғаннан кейін балам жазылмайтын ауруға тап болды»

<a href="https://kyzylorda-news.kz/">Kyzylorda-news.kz</a> "Жігіттер" квартетінің әншісі Ердос Қанаев өнерден кетуге қатысты пікір білдірді. Шоу-бизнес жұлдызы 50 жасында өзін сахнада көрмейтінін айтты, деп жазады <a href="https://kaz.nur.kz/showbiz/2210400-qartaigansha-sahnada-zhurgim-kelmeidi-erdos-qanaev-onerden-ketuge-qatysty-oiyn-aitty/">KAZ.NUR.KZ.</a>Ердос Қанаев "1001 түн" бағдарламасында қонақта болып, өнердегі болашағына қатысты ойын айтты. Әнші қартайғанша сахнада жүрмейтінін кесіп айтты. Ол уақыт келгенде өнерден кетуге ниетті екенін жекізді. Өнер иесі кәсіпкерлікке бет бұрғысы келетінін де айтып қалды.&nbsp;<blockquote>"50 жасқа Алла жеткізсе, сақал-шашым ағарып, қартайғанша сахнада жүргім келмейді. Биыл 40 жасқа толдық, бір жағынан қарасам, Заттыбек, Сәкен ағаларымыз 50 жасқа толып жатыр, жап-жас. Сол кісілерге қарайсың да, әлі уақытымыз бар екен деп ойлап қоямыз. Бірақ 40 жас - ақыл тоқтататын жас, бұған дейін мен бірнәрсе сұрасам, өзім үшін сұрайтын едім. Мәселен, дүние берші, намазымды реттеші. Ал адам 40 жасқа келген соң, өзіңе емес, елге пайда тигізсем екен деп ойлайды екенсің. Шынымды айтсам, өзімді кәсіпкерлік жолда сынағым келеді. Бір жағынан, ағартушылық жолдан көріп, жастарға мұра қалдырғым келсе, екінші жағынан кәсіп иесі болып, сол арқылы халыққа пайдалы дүние шығарсам", - деді Ердос Қанаев.</blockquote>Фото: Малика Хадид/ Видеодан кадр: Youtube/Urpaq Podcast

"Қартайғанша сахнада жүргім келмейді": Ердос Қанаев өнерден кетуге қатысты ойын айтты

<a href="https://kyzylorda-news.kz/">Kyzylorda-news.kz</a> "Өнер қырандары" театрының актері Жанболат Найзабековтің отбасында қуанышты жағдай орын алды. Өнер иесінің бесінші перзенті дүниеге келді, деп жазады <a href="https://kaz.nur.kz/showbiz/2210301-suiinshi-akter-zhanbolat-naizabekovtyng-besinshi-perzenti-duniege-keldi-video/">KAZ.NUR.KZ.</a><blockquote>Сүйінші хабарды жұлдызды әкенің өзі Instagram-дағы парақшасында жария етті. Әзілкеш оқырмандары үшін видео жариялап, қуанышын бөліскен. 2025 жыл актердің отбасы үшін қуанышты жаңалықтан басталған. Жұлдызды жанұя ұл баламен толыққан. "2025 жылдың ең күшті жаңалығын айтайын ба? Менің бесінші перзентім дүниеге келді. Сүйінші! Аллаға сансыз шүкірлер мен мадақтар. Аллаға шүкір. Достар, ұлды болдым. Құттықтап қойсаңыздар болады", - деді Найзабеков.</blockquote>Айта кетейік, өнер иесінің дүние есігін енді ашқан сәбиінен бөлек тағы үш қызы мен бір ұлы бар.Фото: Малика Хадид/ Видеодан кадр: "Қызық Live" бағдарламасы&nbsp;

Танымал актер Жанболат Найзабековтің бесінші перзенті дүниеге келді

<a href="https://kyzylorda-news.kz/">Kyzylorda-news.kz</a> Белгілі актер Рүстем Жаныаманов Жанар Байсемізге берген сұхбатында өнерден кетіп, кәсіпке бет бұруды&nbsp;жоспарлап жүргенін ашық айтты.&nbsp;Бұл туралы<a href="https://stan.kz/koshtasuga-dayinmin-akter-rustem-zhaniamanov-onerden-ke-412216/">&nbsp;Stan.kz</a>&nbsp;ақпарат агенттігі хабарлайды<blockquote>“Жалықтым дегеннен Құдай сақтасын. Бірақ қазір Жанарға кәсіпке қарай бет бұрғым келеді деп көп айтып жүрмін. Өнерден кету ойда бар және ол солай болатын сияқты. Меніңше, өле-өлгенше өнерде жүрген дұрыс емес сияқты. Басқа саланы көру керек сияқты. Балалар өсіп&nbsp;келе жатыр. Оқыту керек, оңай емес. Өнерді сағынбаймын, қоштасуға дайынмын”, –&nbsp;дейді Рүстем Жаныаманов.</blockquote>Ол болашақта балаларының әкесі өмірін өнерге арнады деп айтып отырғанын қаламайды екен.<blockquote>“Жанарға кино бітсе, әлем аралауға кетейікші деп отырмын. Мұны да маған Жанар үйретті. Өзіміз бірнәрсе өндіріп шығарғымыз келеді. Мысалы, кітап, кино. Бірақ кадрдан тыс болғым келеді. Киноға түскім келмейді. Қазір кетпеймін, шамамен 40 жасыма дейін осы салада боламын. Өмірімде бір нәрсені өзгерткім келеді. Актерлердің проблемалары маған мәлім. Олардың ұйқысы дұрыс емес, сүйектері, белі ауырады”, –&nbsp;дейді актер.</blockquote>Фото: Рүстем Жаныаманов инстаграм парақшасынан

Қазақстан және Қызылорда облысының жаңалықтары: Шоу-бизнес