<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев 7-ші шақырылған Парламенттің 1-ші сессиясын ашты, деп хабарлайды <a href="https://lenta.inform.kz/kz/prezident-vii-shakyrylgan-parlamenttin-1-shi-sessiyasyn-ashty_a3741320">ҚазАқпарат.</a>
Осыдан кейін Қазақстанның мемлекеттік әнұраны ойнады. Қазіргі уақытта Мемлекет басшысы үндеу жасауда.
«ҚР Конституциясының 59-бабына сәйкес, 7-шы шақырылымдағы Парламенттің 1-ші сессиясын ашық деп жариялаймын», – деді ҚР Президенті.
Отырысқа Сенаттың 49 депутатының 42-сі, Мәжілістің 107-і депутатының 99-ы қатысып отыр.
Айта кетейік, 7-ші шақырылған ҚР Парламенті Мәжілісіне еліміздегі 3 саяси партия және Қазақстан халқы Ассамблеясының кандидаттары депутат болды. Атап айтқанда, «Nur Otan» партиясы 76, «Ақ жол» Қазақстанның демократиялық партиясы 12, Қазақстанның халық партиясы 10 мандат иеленді. Сонымен қатар Қазақстан халқы Ассамблеясы атынан 9&nbsp;<a href="https://www.inform.kz/kz/mazhilistin-107-deputatyna-kualikter-men-belgiler-tapsyryldy_a3740929">депутат сайланды.</a>

Президент VII шақырылған Парламенттің 1-ші сессиясын ашты

&nbsp;<a href="https://kyzylorda-news.kz/">Kyzylorda-news.kz.</a>&nbsp; Елбасы Нұрсұлтан Назарбаев «Nur Otan» партиясы фракциясының отырысында Үкімет басшысының кандидатурасына қатысты пікір білдірді.
<blockquote>
 «Менің ойымша, сабақтастықты сақтау керек. Барлық қиындыққа қарамастан, Үкімет өз жұмысын жақсы атқарды. Басқа елдерге қарағанда біз жаман нәтиже көрсеткен жоқпыз. Егер Президент Асқар Ұзақбайұлы Маминді ұсынса, онда мен фракциядан оның кандидатурасын қолдауды сұраймын», – деді Нұрсұлтан Назарбаев.
</blockquote>
Сөз соңында Қазақстанның Тұңғыш Президенті депутаттарды тағы да өткен сайлаудағы сенімді жеңісімен құттықтап, фракция мүшелерінің жұмысына сәттілік тіледі.
<a href="https://lenta.inform.kz/kz/elbasy-prem-er-ministrdin-kandidaturasyna-katysty-pikir-bildirdi_a3741101">ҚазАқпарат</a>

Елбасы Премьер-Министрдің кандидатурасына қатысты пікір білдірді

<a href="https://kyzylorda-news.kz/">Kyzylorda-news.kz</a>. «Nur Otan» партиясы Саяси кеңесі Бюросының шешімімен 76 кандидаттан тұратын тізім бекітілді, деп хабарлайды аталған партияның&nbsp;<a href="https://nurotan.kz/news/news-detail/279761?lang=kz">ресми сайты</a>.
«Қазақстан Республикасындағы сайлау туралы» Конституциялық заңның 97-1 бабының 5-тармағына сәйкес «Nur Otan» партиясы Саяси кеңесі Бюросының 12 қаңтардағы шешімімен 76 кандидаттан тұратын тізім бекітіліп, ҚР Парламенті Мәжілісінің VII шақырылымының депутаттары ретінде тіркеу үшін Орталық сайлау комиссиясына жолданды.
Елбасы, Партия Төрағасы Н.Ә. Назарбаев атап өткендей, «Nur Otan» партиясын қайта жаңғырту «Мықты көшбасшылар – Мықты партия» қағидатын толық көлемде іске асыруға мүмкіндік берді. Енді жаңа Фракция алдында «Өзгерістер жолы: Әр азаматқа лайықты өмір!» сайлауалды бағдарламасының орындалуын жүйелі түрде бақылау және жаңа реформаларды заңнамалық тұрғыдан қамтамасыз ету міндеттері тұр».
Жалпы, Мәжілістегі «Nur Otan» партиясы Фракциясының құрамы 70%-ке жаңарды. Орташа жасы – 49, яғни 4 жылға жасарды.
Қорытынды партиялық тізім теңдестірілген. Яғни тізімдегі 36 кандидат – праймериз жеңімпаздары, 40 кандидат Саяси кеңес Бюросының квотасы бойынша бекітілген. Бұл аймақтық өкілдікті сайлаушылар санына сәйкес пропорционалды түрде қамтамасыз етуге мүмкіндік берді.
Партия Төрағасының Парламент Мәжілісіндегі жастар мен әйелдердің үлесін арттыру жөніндегі тапсырмасы нақты іске асырылды. Яғни, «Nur Otan» Фракциясының жаңа құрамының 40%-ті әйелдер мен 35 жасқа дейінгі жастардан тұрады.
Негізінен Мәжілістегі «Nur Otan» депутаттық корпусына білім беру, денсаулық сақтау, ҮЕҰ, БАҚ, сарапшылар қауымдастығы, өнеркәсіп, ауыл шаруашылығы және т.б. салалардың өкілдері енді.
Депутаттыққа кандидаттардың 7-уі ғана бұрынғы мемлекеттік қызметкер, яғни Фракция құрамында олардың саны 10%-тен аспайды.
Кандидаттар тізімі
АБАҚАНОВ Елдос Нұрболұлы
АБАСОВ Қайнар Бегалыұлы
АДАМБАЕВ Сырым Жұматайұлы
АДАМБЕКОВ Тілектес Серікбайұлы
АҚЫШЕВ Самат Сағынбайұлы
АХМЕТОВ Мәди Абылайұлы
ӘБДІҒАЛИҰЛЫ Берік
ӘБСЕМЕТОВА Әлия Маратқызы
ӘЛІМБАЕВ Данияр Кеңғазыұлы
ӘМРЕЕВ Ғалым Махмұтбайлы
ӘШІМЖАНОВ Жанарбек Садықанұлы
БЕЙСЕНБАЕВ Елнұр Сабыржанұлы
БЕКЖАНОВ Берік Айдарбекұлы
БЕРДАЛИН Аманғали Бейсенбайұлы
БИЖАНОВА Гүлнәр Қадыржанқызы
БОЙЧИН Анатолий Васильевич
ЕЛЕУОВ Ғалымжан Алмасбекұлы
ЕЛУБАЕВ Мәди Сағынтайұлы
ЕРЖАН Құдайберген Төлепұлы
ЕРМАН Мұхтар Тілдәбекұлы
ЕРТАЕВ Сырым Махамбетұлы
ЖАМАЛОВ Аманжан Мәкәрімұлы
ЖАҢБЫРШИН Еділ Терекбайұлы
ЖУЛИН Юрий Викторович
ЗӘКИЕВА Динара Болатқызы
ИМАШЕВА Снежанна Валерьевна
КАЗАНЦЕВ Павел Олегович
КАМАСОВА Зарина Айдарханқызы
КЕСЕБАЕВА Балайым Туғанбайқызы
КИМ Вера Александровна
КОЛОДА Дмитрий Владимирович
КУЧИНСКАЯ Юлия Владимировна
ҚАРАТАЕВ Фахриддин Әбдінабиұлы
ҚОЖАХМЕТОВ Арман Төлешұлы
ҚҰЛШАР Мәлік Иманқұлұлы
ҚҰСАЙЫНОВ Марат Әпсеметұлы
ҚҰСПАН Айгүл Сайфоллақызы
МУСИН Қанат Сергейұлы
МҰСАБАЕВ Самат Базарбайұлы
МЫҢБАЙ Дархан Қамзабекұлы
НАЗАРБАЕВА Дариға Нұрсұлтанқызы
НАҚПАЕВ Сәлімжан Жұмашұлы
НҰРКИНА Айгүл Қабдешқызы
НҰРМАНБЕТОВА Жәмила Нүсіпжанқызы
НҰРОВ Қанат Ильяұлы
НҰРЫМОВА Гүлдара Алданышқызы
НЫҒМАТУЛИН Нұрлан Зайроллаұлы
ОМАРБЕКОВА Жанат Әнуарбекқызы
ОСПАНОВ Берік Серікұлы
ПАВЛОВЕЦ Лариса Павловна
ПАНЧЕНКО Игорь Иванович
ПЛАТОНОВ Артур Станиславович
РАЗЗАҚ Нәзиля Раззақбайқызы
РАҚЫМЖАНОВ Әмірхан Мұратбекұлы
РАМАЗАНОВА Ләззат Керімқұлқызы
РАУ Альберт Павлович
САЙЫРОВ Ерлан Бияхметұлы
САПАРОВА Әлия Сүйіндікқызы
САРТБАЕВ Бауыржан Мейрамбекұлы
САРЫМ Айдос Әміроллаұлы
СИМОНОВ Сергей Анатольевич
СМАҒҰЛ Бахытбек
СМЫШЛЯЕВА Екатерина Васильевна
СҮЛЕЙМЕНОВА Жұлдыз Досбергенқызы
СҮЛЕЙМЕНОВА Зүлфия Болатқызы
ТАЙЖАНОВ Ерлік Серікбайұлы
ТАШҚАРАЕВ Ғани Әбдіғаниұлы
ТӘЖМАҒАМБЕТОВА Мақпал Мазаққызы
ТЕЛПЕКБАЕВА Жанна Тілеубекқызы
ТОРҒАЕВ Бекқали Нұрғалиұлы
ТӨЛЕПБЕРГЕН Мейрамбек Мылтықбайұлы
ТҰРҒАНОВ Дүйсенбай Нұрбайұлы
ТІЛЕУХАН Бекболат Қанайұлы
УНЖАКОВА Ирина Сергеевна
ҮЙСІМБАЕВ Асқарбек Съезбекұлы
ШИПОВСКИХ Геннадий Геннадьевич

«Nur Otan» партиясынан Мәжіліс депутаттарының тізімі жарияланды

<a href="https://kyzylorda-news.kz/">Kyzylorda-news.kz</a>. Бүгін «Ақ жол» Қазақстанның демократиялық партиясы Орталық кеңесінің пленумы өтіп, онда 7-ші шақырылған ҚР Парламенті Мәжілісі депутаттары сайлауының қорытындысы талқыланды. Сонымен қатар депутаттар мандаты бөлінді, деп хабарлайды <a href="https://lenta.inform.kz/kz/ak-zhol-partiyasynan-mazhilis-deputattary-belgili-boldy_a3740145">ҚазАқпарат</a>.
Сонымен аталған партия пленумының бірауызды шешімімен мына кандидаттар Мәжіліс депутаты мандатын иеленіп отыр:
1. Перуашев Азат Тұрлыбекұлы
2. Әбілдаев Азамат Рахатұлы
3. Барлыбаев Ерлан Хайланұлы
4. Дүйсембинов Берік Сәлімжанұлы
5. Ерубаев Серік Сәрсенұлы
6. Еспаева Дәния Мәдиқызы
7. Жұмабаева Айгүл Қызырқызы
8. Иса Қазыбек Жарылқасынұлы
9. Линник Андрей Григорьевич
10. Өмірғали Ерлік Хайдарұлы
11. Раманқұлов Мақсат Базаралыұлы
12. Сембинов Азат Талғатұлы
Естеріңізге сала кетсек, ОСК жариялаған сайлау қорытындысы бойынша Мәжілістегі депутаттық манданттар&nbsp;<a href="https://www.inform.kz/kz/saylau-2021-ush-partiya-mazhiliste-kansha-mandat-aldy_a3739983"></a>былай бөлінді:&nbsp;«Nur Otan» партиясы – 76 мандат, Қазақстанның «Ақ жол» демократиялық партиясы –12 мандат, Қазақстан Халық партиясына – 10 мандат.

«Ақ жол» партиясынан Мәжіліс депутаттары белгілі болды

<a href="https://kyzylorda-news.kz/">Kyzylorda-news.kz</a>.&nbsp;&nbsp; Орталық сайлау комиссиясы мәжіліске өткен Nur Otan, Ақ жол және Қазақстан халық партиясының қанша мандат алғанын жариялады, деп хабарлайды&nbsp;<a href="https://sputnik.kz/">Sputnik Қазақстан</a>.
Комиссия төрағасының орынбасары Констатин Петровтың айтуынша, мандаттарды тарату шаралары “Сайлау туралы” конституциялық заңның аясында атқарылады.
<blockquote>
 “Оған сәйкес, “Nur Otan” партиясы – 76 мандат, “Ақ жол” демократиялық партиясы – 12 мандат, ал Қазақстанның халық партиясы 10 мандат алады”, – деді Петров.&nbsp;
 “Демек, бүгіннен бастап партиялар мандаттарды тарату кезегін анықтауы тиіс. Егер белгіленген уақыттың ішінде мандаттарды тарату кезегі анықталмаса, Орталық сайлау комиссиясы тіркелген партиялық тізімдер бойынша мемлекеттік тілдегі алфавит тәртібімен мандаттарды таратады. Осыған орай, арнайы қаулы да қабылданады”, – деп атап көрсетті Петров.
</blockquote>
Заң бойынша мандаттардың тарату кезегін партияның басқарушы органы сайлауға ұсынған партиялық тізім бойынша анықтайды. Оған 10 күн беріледі.
Бүгін комиссия мүшелері мәжіліс сайлауының соңғы нәтижесін жариялады:
<ul>
<li>Nur Otan – 71,09%;</li>
<li>Ақ жол –10,95%;</li>
<li>Қазақстан халық партиясы – 9,1%;</li>
<li>Ауыл–5,29%;</li>
<li>Адал –3,57%.</li>
</ul>
Сонымен, парламенттің төменгі палатасына үш партия өтіп отыр. Қалған екеуі жеті проценттік шекті бағындыра алмады.

Мәжіліске өткен үш партия қанша мандат алғаны белгілі болды

<a href="https://kyzylorda-news.kz/">Kyzylorda-news.kz</a>. «Ауыл» партиясының төрағасы Әли Бектаев Парламентаралық Ассамблеясының бақылаушыларына партия бағдарламасын егжей тегжейлі түсіндірді.⠀
Онлайн режимінде өткен Парламентаралық Ассамблеясының бақылаушыларымен кездесуінде Партия төрағасы 10 қаңтарда өтетін ҚР Парламенті Мәжілісі мен мәслихаттар сайлауында «Ауыл» партиясынан тізім бойынша 625 кандидат ұсынылғанын айтты.⠀
<blockquote>
 «Оның ішінде ҚР Парламент Мәжілісіне 19 адам, облыстарға және Республикалық маңызы бар Нұр-Сұлтан, Алматы және Шымкент қалаларына – 98 адам, аудандық және облыстық маңызы бар қалалық мәслихаттарға – 508 адам. Қазір барлық 17 өңірлік және 177 аудандық штаб белсенді түрде үгіт-насихат жұмыстарына кірісті», деді ол.⠀
</blockquote>
Айта кетейік, Партия қазірдің өзінде бекітілген медиа-жоспарға сәйкес барлық өңірлерде халықпен, жұмыс ұжымдарымен кездесулер өткізіп жатыр.

Әли Бектаев «Ауыл» партиясының бағдарламасын  түсіндірді⠀

2020: Қызылорда облысындағы елеулі оқиғалар

<a href="https://kyzylorda-news.kz/date/2020/10/21/">Kyzylorda-news.kz.</a> ҚР Президенті Қасым-Жомарт Тоқаев Парламенті Мәжілісі депутаттарының кезекті сайлауын тағайындау туралы Жарлыққа қол қойды, деп хабарлайды <a href="https://www.akorda.kz/kz/legal_acts/decrees/kazakstan-respublikasy-parlamenti-mazhilisi-deputattarynyn-kezekti-sailauyn-tagaiyndau-turaly">Ақорда.</a>
***
Қазақстан Республикасы Парламенті Мәжілісі депутаттарының кезекті сайлауын тағайындау туралы
Қазақстан Республикасы Конституциясының 44-бабының 2) тармақшасына, «Қазақстан Республикасындағы сайлау туралы» Қазақстан Республикасы Конституциялық заңының 85-бабына сәйкес ҚАУЛЫ ЕТЕМІН:
1. Партиялық тізімдер бойынша сайланатын Қазақстан Республикасы Парламенті Мәжілісі депутаттарының кезекті сайлауы 2021 жылғы 10 қаңтарға тағайындалсын.
2. Қазақстан халқы Ассамблеясы сайлайтын Қазақстан Республикасы Парламенті Мәжілісі депутаттарының кезекті сайлауы 2021 жылғы 11 қаңтарға тағайындалсын.
3. Қазақстан Республикасының Орталық сайлау комиссиясы Қазақстан Республикасы Парламенті Мәжілісі депутаттарының кезекті сайлауын дайындауды және өткізуді ұйымдастырсын.
4. Қазақстан Республикасының Үкіметі, Нұр-Сұлтан, Алматы, Шымкент қалаларының және облыстардың әкімдері Қазақстан Республикасы Парламенті Мәжілісі депутаттарының кезекті сайлауын ұйымдастырушылық, материалдық-техникалық және қаржылық қамтамасыз ету бойынша қажетті шараларды қабылдасын.
5. Осы Жарлық жарияланған күнінен бастап қолданысқа енгізіледі. Қазақстан Республикасының
Президенті Қ.Тоқаев
Нұр-Сұлтан, Ақорда, 2020 жылғы 21 қазан № 439

Мәжіліс депутаттарының кезекті сайлауы 2021 жылы 10 қаңтарда өтеді

<a href="https://kyzylorda-news.kz/date/2020/10/19/">Kyzylorda-news.kz.</a> Мемлекет басшысы Қасым-Жомарт Тоқаев Реформалар жөніндегі жоғары кеңестің алғашқы отырысы 21 қазанда өтетінін айтты, деп хабарлайды <a href="https://lenta.inform.kz/kz/reformalar-zhonindegi-zhogary-kenestin-algashky-otyrysy-kashan-otedi_a3707718">ҚазАқпарат</a>.
«Кеңесшім, Реформалар жөніндегі жоғары кеңес төрағасының орынбасары сэр Сума Чакрабартимен кездесу барысында биылғы 21 қазанда өтетін кеңестің алғашқы отырыcының күн тәртібін талқыладық. Негізгі реформалар айқындалды, оларды пысықтау жуық арада басталуы керек» деп жазды Қазақстан Президенті&nbsp;<a href="https://twitter.com/TokayevKZ/status/1317780860255543297">Twitter</a>&nbsp;парақшасында.
Еске сала кетейік, біз осыған дейін Президент жанынан реформалар жөніндегі жоғары кеңес&nbsp;<a href="https://www.inform.kz/kz/kr-prezidenti-zhanynan-reformalar-zhonindegi-zhogary-kenes-kuryldy_a3694536">құрылғанын</a>&nbsp;хабарлаған болатынбыз.
Бұл кеңес мемлекеттік органдардың бастамасымен реформалар жөніндегі аса маңызды ұсыныстарды қарау және бекітумен&nbsp;<a href="https://www.inform.kz/kz/kr-prezidenti-zhanyndagy-reformalar-zhonindegi-zhogary-kenes-nemen-aynalysady_a3694576">айналысады</a>. Оның жұмысының тиімділігін арттыру мақсатында кеңес құрамына Еуропалық қайта құру және даму банкінің экс-президенті Сума Чакрабарти енгізілген.

Реформалар жөніндегі жоғары кеңестің алғашқы отырысы қашан өтеді?

<a href="https://kyzylorda-news.kz/">Kyzylorda-news.kz.</a> “Nur Otan”- партиясы алдағы сайлауда ұсынатын жаңа депутаттар корпусының құрамын қалыптастыруға бағытталған праймериз – партияішілік сайлауын өткізді. Осыған орай Қызылорда облысынан праймеризге қатысушылардың бірқатары өз пікірлерін білдірген болатын.
<img src="https://kyzylorda-news.kz/wp-content/uploads/2020/10/kuttykozhaev.jpg" alt="" />
Қызылорда облыстық мәслихаттағы «Nur Otan» партиясы депутаттық фракциясының жетекшісі Ибадулла Құттықожаев: Біз еліміздің болашағының жарқын болғанын қалаймыз
Бұл сайлауға қатысты түрлі пікірлер айтылуда. Әрине,біздің елімізде алғаш қолға алынған саяси шара болғандықтан оның жетістігімен қатар, кемшін тұстарының болуы да заңды. Биліктің немесе сыртқы &nbsp;күштердің ықпалын мейлінше азайтуды көздеген дауыс берудің электрондық жүйесі сыр беріп, ашылмай, дауыс бере алмай,әбігерге салған сәттер де болды. Дегенмен де, тәуекелге барып, дауыс берудің осындай формасын енгізу, бұл “Nur Otan” тарапынан жасалынған батыл қадам.
Партияның негізі – бастауыш партия ұйымдары екенін көбісі енді түсіне бастады. Білім, денсаулық, оқу орындары, ірі өндіріс т.б салалардағы бастауыш партия ұйым мүшелері осы саяси науқан барысында байқалған белсенділерді назардан тыс қалдырып, өз өкілдеріне басымдық берді. Бұл алдағы жұмыста мән беретін мәселе.
Дегенмен де біз праймериз барысында жаңашыл, белсенді азаматтардың жаңа буынның өкілдерін байқадық. Енді праймериз жеңімпаздары 12 ақпанға дейін өтетін партия коференцияларында аудан, қала, облыстық мәслихаттарға кандидат ретінде ұсынылатын болады. Алдағы сайлауға “Nur Otan”- партиясы біршама дайындықпен жылжуда. Бұл шаралардың басқа партиялардың сайлау науқанына жаңаша қарауына ықпалы болары анық.
Біз еліміздің болашағының жарқын болғанын қалаймыз. Бұл жолда жақсы бастамалар, идеялар көтерген азаматтар біздің құндылығымыз. Ал, ойы бұзық, керағар, тасадан тас ататын шолақ белсенділер қай қоғамда да болған. Оларға қуғын-сүргін заманында, алаштың арыстарын қор қылғандай, жол бермеу керек. Бүгінгі ары, жаны таза азаматтармен тонның ішкі бауындай ынтымақта болып, қолдайық ағайын!
<img src="https://kyzylorda-news.kz/wp-content/uploads/2020/10/120910891_135205648324199_6659509339502182486_o.jpg" alt="" />
Қармақшы ауданы және Қызылорда қаласының құрметті азаматы Шаһизада Әбдікәрімов: Ынтымақ ұйымынан
Биылғы жылдың оқшау оқиғасы – «NurOtan» партиясының алдағы саяси науқанға тас-түйін дайындалып, партияішілік праймериз өктізуі еді. Сонау 1842 жылы АҚШ-тағы президент сайлауы қарсаңында алғаш қолданылған үміткерлерді дауыс беру арқылы сұрыптау технологиясын Аргентина, Уругвай, Франция, Германия сияқты Латын Америкасы және Европа елдері қолдады. Ол – 2000 жылы посткеңестік республикалар аумағында Ресей Федерациясында жүзеге асырылды.
Қандай бір партияның демократиялық бағытын айшықтайтын, ішкі мәдениеті мен этикалық қалыптарын нығайтатын, біртұтас көзқарас тәртібін шегендейтін бұл тәсілдің азаматтық қоғам құрудағы мәні зор. «Болды да партия, ел іші жарылды» дейтін ұлы Абайдың ескертуін нақ түсінген «Nur Otan» бастамасы басқаларға да ой салса деймін. Себебі, праймериз кезеңінде партияластарымыздың болар іске белсенділігін, жауапкершілігі мен ұйымшылдығын байқадым. Облыстық, қалалық, аудандық филиалдар бекітілген кестеге сай жұмыс істеп, үміткерлер мен таңдаушылардың талап-тілектері деңгейінен көріне білді. Праймеризге қатысушыларға методикалық-техникалық көмек көрсету өз дәрежесінде жүргізілді. Бастауыш партия ұйымдарының мүшелерді қоғамдастыру іс-қимылында кінәрат байқалған жоқ. Соның нәтижесінде облыс бойынша өзім праймеризге барған Қармақшы ауданында сұрыптау сайысы мақсатты мәресіне жетіп отыр.
Мен облыстық мәслихаттың екі шақырылымының депутаты болып, аймағымыздың әлеуметтік-экономикалық үдерісіне қатысып келемін. Зәру мәселелер де назарымнан тыс қалған емес, оларды шешуге әріптестеріммен бірге араласып жүрмін. Өзімнің жылдар беделінде жинақтаған тәжірибем мен партияластарымның сеніміне сүйеніп, жаңашыл бастамаға қатысып отырмын. Нәтижесін уақыт көрсетер. Ең бастысы – маған сенім білдірген 2232 партия мүшелеріне және праймериз кезеңін ұйымдастырушыларға алғыс сезімімді білдеремін.
<img src="https://kyzylorda-news.kz/wp-content/uploads/2020/10/120132794_3257401284307735_5781957453736552687_o.jpg" alt="" />
«Q-MED» клиникасының директоры Раушан Базарбай: Праймериз 2020 – әйел және саясат
Адамзат тарихы әйел мен ер адам өмірінің әр саладағы қарым қатынасынан, өмір сүру қағидалары тарихынан құралған. Бұны гендерлік тұжырымдама деп сипаттаймыз.
Бүгінгі таңда қоғамның толыққанды дамуына ықпал ететін ерлер мен әйелдер арасындағы Гендерлік теңдік деген пікірді қамтитын көптеген қабылдаған құжаттар, гендерлік саясатты жүргізетін қоғамдық ұйымдар мен заңды құрылымдар бар болғанымен, гендерлік теңдікке толыққанды жетуге Қазақстанның шығыс елдерінің, діні ұстанымдардың әсері басымдырақ болды.
Шынтуайтында, гендерлік теңдік ерлер мен әйелдердің елдің ұлттық, саяси, экономикалық, әлеуметтік және мәдени дамуына үлес ретінде өз құқықтарын іске асыру үшін тең жағдайлары, сондай-ақ өз қызметінің нәтижелерінен пайда алудың тең мүмкіндіктері болуын болжайды.
Осы орайда, Президентіміз Қасым-Жомарт Тоқаевтың биліктің шешуші органдарының қатарына кемінде 30 % әйел адамдардың болуын талап ету, еліміздің демократиялық жолдағы өте жақсы көрсеткіші деуге болады.
Әйел адамы ең алдымен, ана, отбасының қамқоршысы. Дегенмен, қазіргі урбанизация, глобализация, демократизация заманында Әйелдер өздерінің саяси белсенді позицияларын айқын көрсетуде.
Біздің аймақта Қазақстан тарихындағы ең алғаш әйел әкім тағайындалды. сенаторлыққа қаншама тіке-тіреске қарамастан, бәйгеде аты оза шауып таза өз беделі мен елдің арасында жинаған абыройының арқасында сенатор болып Акмарал Альназарова халықтың қолдауымен сайланды. Ал осы праймериз іріктеуінде қанша «Менмін» деген ер азаматтар тұрсада, елдің таңдауы көпшілік дауыспен тағыда өзіміздің қатарымыздағы белсенді әйел Аида Ибрагимқызы Абибуллаева озып отыр. Сенатор болып сайланған Акмарал Шәріпбайқызы да, Аида Ибрагимқызы да жанұясымен жұмысын қатар алып жүрген әйелдер.Осы әйелдердің саяси аренада өз орындарын алғандағы жолы арқылы , әйелдер саясаткерлеріне “жыныстың әлсіздігіне” жеңілдік жасамайтынын білдік.
Тарих пен тәжірибе әйелдің ерікті қасиеттері оларға халықтарды басқаруға, тиранияға қарсы тұруға, өз елін өркендеу мен бостандыққа жетелеуге мүмкіндік береді дейді. Парламент пен Үкіметте әйелдердің 30% – дан азы бар мемлекеттер ана мен баланы қорғау, Бала құқықтары, әлеуметтік қорғау проблемаларымен нашар күреседі. Ал, әйелдер билік құрылымдарының кем дегенде үштен бірін құрайтын елде, қоғам тұрақты дамитынын , демократия мен ашық мемлекет болатынын уақыт пен Европа елдерімен айшықталған.
Азаматтық Қоғам саясаткер әйелдерге жоғары талаптар қояды, бұл әйелдердің саяси жетекшілерінің бірінің тапқыр ескертуін тудырды: әйелді саясаттағы көрнекті тұлға ретінде қарастыру үшін ол “ат сияқты жұмыс істеп қана қоймай, нәзіктілігін жоғалтпау керек». Біздің өңірден шыққан жоғарыда аты аталған халық қалаулылары осы талапқа сай келеді деп анық айта аламын.
Әйелдердің елдің саяси өміріндегі шынайы жағдайын праймериз 2020 көрсетті, төменгі, Жергілікті деңгейде әйелдердің белсенді болғанын және олардың жергілікті билік органдарындағы өкілдігі жоғары болғанын мойындамау мүмкін емес.Бұл жалпы әлемдік үрдіс.
Кейбір батыстық саяси сарапшылардың пікірінше, әйелдер Жергілікті қатысу деңгейін орталық билікке қарағанда идеологиялық және саяси тұрғыдан қолайлы деп санайды. Бұл жергілікті деңгейде өңір әйелдерінің өмірлік мүдделерімен байланысты нақты практикалық міндеттер шешілетіндігімен, сондай-ақ депутат жұмысының нәтижелері айқын көрінетіндігімен түсіндіріледі.
Әрине, Nur Otan партиясы әйелдердің өкілеттіктерін кеңейту тенденциясын атап өтпесем болмайды, бұл басқа партиялардан айырмашылығы, әйелдердің мемлекеттік басқару органдардағы жұмысына көптеп қатысуына, халықтың мұң-мұқтажын естуші мемлекет болып қалыптасу жолындағы белсенді іс –әрекеттерін айшықтады.
Билік және басқару органдарындағы әйелдердің өкілдігі көп болуы, ол елдің саяси- әлеуметтік дамуының белгісі болып саналады. ХХ ғасырда өркениетті әлемнің барлық дерлік елдері әртүрлі қарқынмен жүргізген құқықтық реформалар заң алдындағы гендерлік теңсіздікті алып тастады және әйелдер сайланған қызметтерде де , жалпы ақылы мансапқа да жол ашты. Бұл жаһандық эмансипацияның әділеттілігі , заң алдындағы гендерлік теңдік үшін күреске арналған алғашқы толқыны, әйел еңбегін қажет ететін урбанизация көрсеткіші.
Сонымен қатар, билік органдарындағы әйелдердің пайызын біртіндеп арттыру процесі өркениет прогресінің сөзсіз белгісі болып табылады.
Немен түсіндіріледі бұл қарама-қайшылық? Саяси жүйеде жеке адамдар емес, институттар — оқиғалар емес, енгізіліп жатқан процестер маңызды.
Саясатта таңдалып алынған кандидаттың жақсы , сүйкімді, тартымды болғаны маңызды емес, маңыздысы сайлау қаншалықты заңды жолмен өтті, қаншалықты барлық үміткерлерге тең мүмкіншіліктер берілді, қаншалықты әділ өтті.
Осы орайда біздің әйелдер бәрін өз маңдай терімен алды, ерлердің алдын орап алып, өз белсенділігі мен тапқырлығы, бар мүмкіншілкті пайланудағы озықтығы, халықтың сеніміне серпін берді деп ойлаймын.
Жалпы айтқанда, Қызылорда өңірінің қыздары озып тұр. Сонау ер мінезді жау жүрек Тұмар (Томирис) ханым мен ару қызымыз Жібектің текті ұрпағы екеніміз көрініп тұр. Талай ғұламаларды өмірге әкелеген қасиетті Сыр өңірі, осы жолы да жақсы сипатта ерекшеленді!
Іске сәт, ер жүректі азаматшалар!

Праймериз &#8211; жарқын болашаққа жасалған қадам

<a href="https://kyzylorda-news.kz/date/2020/09/09/">Kyzylorda-news.kz</a>. Мемлекет басшысы Қасым-Жомарт Тоқаевтың Жарлығымен Қазақстанда Стратегиялық жоспарлау және реформалар агенттігі, сондай-ақ Бәсекелестікті қорғау және дамыту агенттігі құрылды, деп хабарлайды &nbsp;<a href="https://www.akorda.kz/kz/legal_acts/decrees/kazakstan-respublikasynyn-memlekettik-baskaru-zhuiesin-odan-ari-zhetildiru-zhonindegi-sharalar-turaly-6">Ақорда</a>.
Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы
Қазақстан Республикасы Конституциясының 44-бабының 5) тармақшасына сәйкес мемлекеттік басқару жүйесін жаңғырту және оның тиімділігін арттыру мақсатында&nbsp;ҚАУЛЫ ЕТЕМІН:
1. Мыналар:
1) Қазақстан Республикасының Стратегиялық жоспарлау және реформалар агенттігі құрылсын, оған стратегиялық жоспарлау және мемлекеттік статистикалық қызмет салаларындағы Қазақстан Республикасы Ұлттық экономика министрлігінің функциялары мен өкілеттіктері беріле отырып, мынадай:
реформаларды жүзеге асыру тәсілдерін, реформаларды жүзеге асыруға қажетті, сондай-ақ олардың іске асырылу барысын мониторингтеу мен бағалау бойынша нормативтік құқықтық актілер жобаларын әзірлеу;
мемлекеттік жоспарлау жүйесінің құжаттарын дайындау кезінде, сондай-ақ оларды келісу, іске асыру барысын мониторингтеу мен бағалау бойынша мемлекеттік органдардың және квазимемлекеттік сектор субъектілерінің қызметін үйлестіру;
мемлекеттік органдардың мемлекеттік басқару жүйесін жетілдіруге бағытталған ұсыныстарын келісу;
елдің дамуы мен халықаралық ахуалды стратегиялық болжамдау мен талдау жүргізу;
ведомстволық статистика саласындағы жұмысты үйлестіру;
орталық мемлекеттік органдар және облыстардың, республикалық маңызы бар қалалардың, астананың жергілікті атқарушы органдары қызметінің тиімділігіне жыл сайынғы бағалау жүргізу бойынша жұмыстарды үйлестіру жөніндегі функциялар мен өкілеттіктер берілсін;
2) Қазақстан Республикасының Бәсекелестікті қорғау және дамыту агенттігі құрылсын, оған тиісті тауар нарықтарында бәсекелестікті қорғау және монополистік қызметті шектеу, мемлекеттік монополия саласына жатқызылған қызметті бақылау мен реттеу саласындағы Қазақстан Республикасы Ұлттық экономика министрлігінің функциялары мен өкілеттіктері берілсін.
2. Қазақстан Республикасының Үкіметі:
1) Қазақстан Республикасы Президентінің Әкімшілігімен келісу бойынша мемлекеттік органдар мен оларға ведомстволық бағынысты ұйымдардың штат санын қайта бөлуді;
2) Қазақстан Республикасы Ұлттық экономика министрлігінің Статистика комитетін тиісті штат санымен бірге Қазақстан Республикасының Стратегиялық жоспарлау және реформалар агенттігінің қарауына беріп, оны кейіннен Ұлттық статистика бюросы етіп қайта құруды;
3) осы Жарлықты іске асыру бойынша өзге де шараларды қабылдауды қамтамасыз етсін.
3. Қазақстан Республикасының Стратегиялық жоспарлау және реформалар агенттігі мен Қазақстан Республикасының Бәсекелестікті қорғау және дамыту агенттігі берілетін функциялар мен өкілеттіктер шегінде Қазақстан Республикасы Ұлттық экономика министрлігінің құқықтары мен міндеттемелерінің құқықтық мирасқорлары болып айқындалсын.
4. «Қазақстан Республикасы Президентінің Әкімшілігі туралы ережені бекіту туралы» Қазақстан Республикасы Президентінің 2008 жылғы 
11 наурыздағы № 552 Жарлығына (Қазақстан Республикасының ПҮАЖ-ы, 2008 ж., № 12-13, 116-құжат) мынадай толықтыру енгізілсін:
жоғарыда аталған Жарлықпен бекітілген Қазақстан Республикасының Президентіне тікелей бағынатын және есеп беретін мемлекеттік органдардың тізбесі:
мынадай мазмұндағы жолдармен толықтырылсын:
«Қазақстан Республикасының Стратегиялық жоспарлау және реформалар агенттігі»;
«Қазақстан Республикасының Бәсекелестікті қорғау және дамыту агенттігі».
5. Қазақстан Республикасы Президентінің Әкімшілігі бір ай мерзімде:
1) Қазақстан Республикасы Президентінің қарауына:
құрылған Қазақстан Республикасының Стратегиялық жоспарлау және реформалар мен Қазақстан Республикасының Бәсекелестікті қорғау және дамыту агенттіктерінің төрағаларымен бірлесіп, құрылған агенттіктер мен олардың құрылымдары туралы ережелердің жобаларын;
Қазақстан Республикасының Үкіметімен бірлесіп, қайта ұйымдастырылатын мемлекеттік органдардан штат санын құрылған агенттіктерге қайта бөлу, сондай-ақ олардың қызметкерлерінің еңбегіне ақы төлеу жүйесі жөнінде ұсыныстар енгізсін;
2) осы Жарлықты іске асыру бойынша өзге де шараларды қабылдасын.
6. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
7. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Қ.Тоқаев
Нұр-Сұлтан, Ақорда, 2020 жылғы 8 қыркүйек
№ 407

Қазақстанда жаңадан екі агенттік құрылды – Президент Жарлығы шықты

<a href="https://kyzylorda-news.kz/">Kyzylorda-news.kz.</a> Бұл туралы Мемлекет басшысы Қасым-Жомарт Тоқаев мәлімдеді.
<blockquote>
 «ІІМ құрылымын бейінді емес функциялардан босатып, қайта қарастыру қажет. Бұл осы маңызды ведомство жұмысының тиімділігін арттырады. Табиғи және техногендік апаттар дәуіріне енгенімізді ескере отырып, Төтенше жағдайлар министрлігін қайта құру қажет деп санаймын», – деді Президент.
</blockquote>

Қазақстан және Қызылорда облысының жаңалықтары: Саясат

Президент VII шақырылған Парламенттің 1-ші сессиясын ашты

Елбасы Премьер-Министрдің кандидатурасына қатысты пікір білдірді

«Nur Otan» партиясынан Мәжіліс депутаттарының тізімі жарияланды

«Ақ жол» партиясынан Мәжіліс депутаттары белгілі болды

Мәжіліске өткен үш партия қанша мандат алғаны белгілі болды

Әли Бектаев «Ауыл» партиясының бағдарламасын түсіндірді⠀

2020: Қызылорда облысындағы елеулі оқиғалар

Мәжіліс депутаттарының кезекті сайлауы 2021 жылы 10 қаңтарда өтеді

Реформалар жөніндегі жоғары кеңестің алғашқы отырысы қашан өтеді?

Праймериз – жарқын болашаққа жасалған қадам

Қазақстанда жаңадан екі агенттік құрылды – Президент Жарлығы шықты

Елімізде Төтенше жағдайлар министрлігі құрылады

Қазақстан және Қызылорда облысының жаңалықтары: Саясат

Президент VII шақырылған Парламенттің 1-ші сессиясын ашты

Елбасы Премьер-Министрдің кандидатурасына қатысты пікір білдірді

«Nur Otan» партиясынан Мәжіліс депутаттарының тізімі жарияланды

«Ақ жол» партиясынан Мәжіліс депутаттары белгілі болды

Мәжіліске өткен үш партия қанша мандат алғаны белгілі болды

Әли Бектаев «Ауыл» партиясының бағдарламасын түсіндірді⠀

2020: Қызылорда облысындағы елеулі оқиғалар

Мәжіліс депутаттарының кезекті сайлауы 2021 жылы 10 қаңтарда өтеді

Реформалар жөніндегі жоғары кеңестің алғашқы отырысы қашан өтеді?

Праймериз &#8211; жарқын болашаққа жасалған қадам

Қазақстанда жаңадан екі агенттік құрылды – Президент Жарлығы шықты

Елімізде Төтенше жағдайлар министрлігі құрылады

Праймериз – жарқын болашаққа жасалған қадам