<a href="https://kyzylorda-news.kz/">Kyzylorda-news.kz.</a> Референдум өз уақытында қабылданды. Халық қуана қолдауда. Мемлекеттік тілге басты басымдылық беріліп, ұлттық қауіпсіздіктің қорғалуына назар аударылып, ел сенімінен шығатын Заң болады деп сенім артамыз. Мен Президент ұсынған референдумға өзгерістер енгізу туралы шешімін қолдаймын.
Естеріңізде болса, 1995 жылы қараша айында Қазақстанда “Республикалық референдум туралы” конституциялық заң қабылданған болатын. Содан бері елде конституциялық түзетулерге қатысты халықтық референдум ұйымдастырылған жоқ. Ал референдум демократияның маңызды институты болып табылатыны әу бастан-ақ белгілі. Себебі ондай шара кезінде, мемлекеттік маңызы бар мәселелерге қатысты тікелей бұқара халықтың пікірі міндетті түрде ескеріледі. Бұл дегеніміз, Президенттің Қазақстан халқына жолдауында айтылған “Халық үніне құлақ асатын Мемлекет” тұжырымдамасы аясының тынысын кеңейтпек. Яғни Халық пен билік ортасында тығыз қарым-қатынас қанатын кеңге жаяды деген сөз. Міне, осыған орай Мемлекет басшысы Қасым-Жомарт Кемелұлы Тоқаев алдағы конституциялық өзгерістер бойынша референдум өткізуді ұсынды.Бұл уақыт күттірмес мәселе.
ЖАҢА ҚАЗАҚСТАН Заңдарына да өзгерістер жаңаша толықтырылуы керек. 
Мен референдумды қолдаймын. Бәріңізді оған қатысуға шақырамын!
Гүлнар Жұмашева,
Облыстық ҚХА жанындағы Аналар кеңесінің мүшесі

Гүлнар Жұмашева: Ел сенімінен шығатын заң болады деп сенім артамыз

<a href="https://kyzylorda-news.kz/">Kyzylorda-news.kz.</a> Бүгін елордада «Мемлекеттіліктің рәміздері» атты халықаралық ғылыми конференцияның жұмысы басталды, деп хабарлайды ҚазАқпарат.
Жиын барысында ҚР Мәдениет және спорт вице-министрі Нұрғиса Дәуешев Қазақстан ҚР Мемлекеттік хатшысы Ерлан Қариннің құттықтау хатын оқып берді.
<blockquote>
 «Биыл мемлекетіміздің мәртебелі символы – мемлекеттік рәміздердің қабылданғанына 30 жыл. Отанды қастерлеу, туған елге деген шынайы құрмет мемлекеттік рәміздерді қадірлеуден басталады. Мемлекеттік рәміздер – елдіктің, егемендіктің басты нышаны, ұлттық рух пен қоғамдық келсімнің, сондай-ақ патриоттық тәрбиенің аса маңызды құралы. Көк байрағымыз көкте желбіреп, Елтаңбамыз ел төрінде нық тұрып, Әнұранымыз аспанда қалықтаса, ол мемлекет мерейі үстем, мәртебесі биік екенін, халқымыздың бірлік пен берекеде өмір сүріп жатқанын айғақтайды», – деген Е. Қарин құттықтау хатында.
</blockquote>
Осы орайда Мемлекеттік хатшының құттықтау хатында ғалымдар тарапынан мемлекеттік рәміздерді тиімді насихаттауға және патриоттық тәрбиенің тың тәсілдерін жетілдіруге қатысты іргелі зерттеулер ұсынылуы керек екені айтылған.
<blockquote>
 «Бүгін өтіп жатқан «Мемлекеттіліктің рәміздері» халықаралық ғылыми конференциясы осы іске елеулі үлес қосады деп сенеміз», – деді Ерлан Қарин.
</blockquote>
Осыдан тура 30 жыл бұрын, нақты айтқанда 1992 жылдың 4 маусымында ҚР Тұңғыш Президенті Нұрсұлтан Назарбаев «Қазақстан Республикасының Мемлекеттік туы туралы», «Қазақстан Республикасының Мемлекеттік елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» Заңдарға қол қойған еді.
Ал «Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі.

Мемлекеттік хатшы: Туған елге деген құрмет рәміздерді қадірлеуден басталады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында жұмыс сапарымен жүрген «AMANAT»партиясы республикалық штабының мүшелері, ҚР Парламенті Мәжілісінің депутаттары Бақытбек Смағұл мен Геннадий Шиповских Жалағаш ауданындағы жетекші шаруашылықтардың бірі «Таң LTD» ЖШС-ның еңбек ұжымымен кездесті.
Алдымен шарушылық жұмысымен танысқан халық қалаулылары еңбек ұжымына референдумның маңыздылығы сондай-ақ, еліміздің Негізгі Заңына енгізілетін түзетулер мен толықтырулар туралы түсіндірді.
Өңірдің барлық аудандарында болып, түрлі сала өкілдерімен кездесіп келеміз. Олармен болған жүздесулерде көптеген мәселе көтеріліп жатыр. Соның ішінде әйел азаматтардың зейнет жасын қысқарту, жайылым жер тапшылығы, өнеркәсіп орындарын ашу, субсидия алу төңірегінде ұсыныстар айтылды. Президенттің референдум өткізудегі шешімі нағыз халық үніне құлақ асатын мемлекеттің басты ұстанымының көрінісі екенін білдіреді. Бұл референдум шын мәнінде әділетті Қазақстан құру жөніндегі саяси реформаларды жүзеге асырудың алғышарты, – деді республикалық штаб мүшесі Бақытбек Смағұл.
Өз кезегінде сөз алған Мәжіліс депутаты Геннадий Шиповских референдум маңыздылығын мен азаматтар құқықтарының қорғалуы бағытында енгізілетін өзгерістерге тоқталды.
Құқық қорғау саласында елеулі өзгерістер енгізілмек.Соның ішінде Конституциялық сот құрылады. Адам құқықтары жөніндегі уәкіл, яғни омбудсмен мәртебесі Ата Заңмен айқындалады. Мұның бәрі азаматтардың құқықтары мен бостандықтарын қорғау үшін жасалмақ, – деді депутат.
Сондай-ақ кездесуге қатысқан облыстық, аудандық штаб мүшелері референдум қоғамның жалпы көзқарасын, пікірін тануға, саяси біліктілігін арттыруға, қоғамның түйткілді мәселелерін қарастырып, оңтайлы шешім шығаруға арналған жүйе екенідігін атап өтті.
Кездесу барысында серіктестік қызметкерлері өздерін толғандырған сұрақтарын қойып, оларға тиісті түсініктемелер мен жауаптар берілді. Іс-шара соңында «Таң LTD» ЖШС ұжымы ұсынылған өзгерістерге қолдау білдіріп, референдумға қатысуға дайын екендіктерін айтты.
Мемлекет басшысы «2022 жылғы 5 маусымда республикалық референдум өткізу туралы» Жарлыққа қол қойған күннен бастап «AMANAT» партиясы жанынан Президенттің бастамасына қолдау білдіру, саяси шараның маңыздығын халыққа кеңінен түсіндіру мақсатында арнайы штабтар құрылған болатын. Бүгінгі күні өңірде барлық деңгейдегі штаб мүшелерінің қатысуымен 80 мыңнан астам азаматты қамтыған 500 –ден астам іс-шара өтті.
<img src="https://kyzylorda-news.kz/wp-content/uploads/2022/06/285481657_388097460022563_3484047128121749329_n.jpg" alt="" />

Референдум әділетті қазақстан құрудың алғышарты

<a href="https://kyzylorda-news.kz/">Kyzylorda-news.kz.</a> Референдумды қолдауға арналған «AMANAT» партиясы жанындағы республикалық штабтың мүшесі, ҚР Парламенті Мәжілісі төрағасының орынбасары Балайым Кесебаева Қазалы ауданында мәдениет саласының өкілдерімен кездесіп, Конституцияға өзгерістер енгізу жөніндегі алдағы референдумға түгел қатысуға шақырды.
«Қазір жаһан жұрты күрделі кезеңді бастан кешуде. Бүгінгі таңда біздің мемлекетімізде де ауқымды өзгерістер болып жатыр. Президент реформалары осы сын-қатерлерге берілген нақты жауап деп айтуға болады. Біз жаңа, әрі әділетті Қазақстан құруға бет бұрдық. Елімізде ашық саясаттың жаңа кезеңі басталмақ. Енді барлық саяси күштер сайлаушылардың нақты сұранысына басымдық береді. Сонымен бірге референдум мемлекеттің жаңа мақсаттарын жүзеге асыру болып саналады. Сондақтан маңызды сәтте баршаңыз белсенді болуларыңыз қажет»-деді Мәжіліс төрағасының орынбасары Балайым Кесебаева.
Сондай-ақ еңбек ұжымымен өткен кездесуге облыстық штабтың мүшесі Наурызбай Байқадамов пен аудандық штабтың мүшелері қатысты. 
Өз кезегінде мәдениет саласының өкілдері Мемлекет басшысының саясатын қолдайтындарын атап өтті.
<img src="https://kyzylorda-news.kz/wp-content/uploads/2022/05/285312637_387413136757662_6806255617744835749_n.jpg" alt="" />
<img src="https://kyzylorda-news.kz/wp-content/uploads/2022/05/285255378_387413173424325_1363136828180247118_n.jpg" alt="" />

Мәдениет саласының өкілдері маңызды бастаманы қолдайды

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев елордадағы «1932-1933 жылдардағы ашаршылық құрбандарына тағзым» монументіне гүл шоғын қою рәсіміне қатысты.
Шараға нәубет жылдары зардап шеккен отандастарымыздың жақындары мен туыстары қатысты.
<img src="https://kyzylorda-news.kz/wp-content/uploads/2022/05/284165869_568903914598494_5745221912605843000_n.jpg" alt="" />
<img src="https://kyzylorda-news.kz/wp-content/uploads/2022/05/281893292_568903904598495_2612636845387257529_n.jpg" alt="" />

Мемлекет басшысы Саяси қуғын-сүргін және ашаршылық құрбандарының рухына тағзым етті

**[Kyzylorda-news.kz.]ҚР Парламенті Мәжілісінің депутаттары, «AMANAT» партиясының республикалық штаб мүшелері Бақытбек Смағұл, Геннадий Шиповских және Балайым Кесебаева іссапармен Қазалы ауданына келді.** Негізгі мақсат – Мемлекет басшысы Қасым-Жомарт Тоқаевтың жасап жатқан реформаларын халыққа насихаттап, рефрендумға біркісідей қатысуға шақыру. Іссапар аясындадепутат Бақытбек Смағұл аудан жастарымен, ардагерлермен жәнеүкіметтік емес ұйым өкілдерімен кездесіп, Ата заңға енгізілетін түзетулер халықтың әл-ауқаты мен тұрмысынан бастап, елдің экономикасына дейінгі барлық салаға өзгеріс әкелетінін жеткізді. Сондай-ақ, аудандық электр торабы және «Арал-Сарбұлақ» топтық су құбыры мекемесінің қызметкерлерімен де жүздесті. Ал, депутат Геннадий Шиповских Ақтан батыр, Жанқожа батыр ауылының тұрғындарыменҚазалы пайдалану вагон депосы, Локомотив жөндеу зауыты,Қазалы көлік-техникалық колледжінің қызметкерлеріне референдумның маңыздылығын түсіндірді. ҚР Парламенті Мәжілісінің депутатыБалайым Кесебаева білім және мәдениет саласының қызметкерлерімен кездесті.Түсіндірме жұмыстарын жүргізу барысында бұл саяси науқанның маңыздылығы сөз болды. &gt; 5 маусымда өтетін республикалық референдум – соңғы 27 жыл ішінде тұңғыш рет өткізілетін, тарихи мәні зор, ел өміріндегі маңызды оқиға. Ел Президенті айтқан ашық, естуші жаңа Қазақстанды құру жұмысы біздің қолымызда. Сондықтан оны құруға әрқайсымыз өз үлесімізді қосуымыз керек, – деді Балайым Туғанбайқызы. Халықпен кездесулерде тұрғындар өз тарапынан Мәжіліс депутаттарына ерекше ықыластарын білдіріп, жалпыұлттық референдум өткізу бастамасын қолдайтынын және Жаңа Қазақстанды құру жолында мемлекетке үлкен сенім артатындықтарын жеткізді. Кездесулерге облыстық мәслихат хатшысы Наурызбай Байқадамов, аудандық мәслихат хатшысы, аудандық штаб мүшесі Бақытжан Жарылқап, облыстық мәслихат депутаттары Ібайдулла Тілеп, Мнажадин Өтеев, «AMANAT» партиясының атқарушы хатшысы Нұрғиса Жалғасбаев та қатысты.&nbsp;

Мәжіліс депуттары Қазалы тұрғындарына  референдумның маңызын түсіндірді

<a href="https://kyzylorda-news.kz/">Kyzylorda-news.kz.</a> Мемлекет басшысы Хазірет Сұлтан мешітіне барып, қуғын-сүргін және ашаршылық құрбандарының рухына арнап құран оқытты, деп хабарлайды Ақорда.

Мемлекет басшысы қуғын-сүргін және ашаршылық құрбандарының рухына арнап құран оқытты

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісі төрағасының орынбасары, «AMANAT» партиясы жанындағы референдумды қолдауға арналған қоғамдық штабтың мүшесі Балайым Кесебаева Арал ауданына қарасты Қаратерең ауылдық округіндегі «Қуаныш» ЖШС балық зауытының еңбек ұжымымен кездесті.
Онда зауыт ұжымымен Конституцияның ел дамуындағы рөлін және жаңа Қазақстанды құрудағы конституциялық реформаның маңыздылығын талқылады.
<blockquote>
 «Бүкіл мына саяси жүйемізде, экономикалық жүйемізде, әлеуметтік өмірде жиналып қалған проблемаларды Ата заңымызды өзгертумен біз тепе-теңдік сақтауға, қайтаруға бағытталған үлкен реформаның алдында тұрмыз. Ашық талқылау өздеріңіз көріп отырсыздар. Осындай ұжымдармен кездесіп, әр топқа түсініктеме беріп, бұл референдумның маңыздылығы, өзгерістері туралы айтып жатырмыз. Конституциялық референдум өткізуге аз ғана уақыт қалды. Ел тарихындағы елеулі оқиғаға бей-жәй қарамай белсенді қатысу – әрбір азаматтың басты борышы. Себебі бұл – бүгінгі Қазақстанның ғана емес, келешек ұрпақтың тағдырына тікелей әсер ететін маңызды сәт.»- деді Мәжіліс төрағасының орынбасары Балайым Кесебаева.
</blockquote>
Зауытта өткен кездесуге облыстық штабтың мүшелері Наурызбай Байқадамов, Мейрамбек Жұмашев және аудандық штабтың мүшелері де қатысып, еңбек ұжымын өзгерістерге дауыс беруге шақырды. 
Кездесу барысында зауыт қызметкерлері референдумға қолдау білдіріп, заңға енгізілген толықтырулар мен түзетулердің дұрыс екенін айтты.
<img src="https://kyzylorda-news.kz/wp-content/uploads/2022/05/f4d104cf-dcd4-4c9b-b610-c1fcee72cc72.jpg" alt="" />

Балайым Кесебаева: Елеулі оқиғаға бей-жәй қарамай белсенді қатысу – әрбір азаматтың басты борышы

<a href="https://kyzylorda-news.kz/">Kyzylorda-news.kz.</a> «AMANAT» партиясы республикалық штабының мүшесі, ҚР Парламенті Мәжілісінің депутаты Ғалым Әміреев және облыстық штаб мүшесі Нұрболат Ибраев «Сенім» медицина орталығына барды.
Штаб мүшелері еңбек ұжымымен жүздесіп, жалпыхалықтық референдум туралы, дауыс берудің ережелері мен шарттары жайлы айтып, қабылданатын әр өзгеріске жеке-жеке түсініктеме берді. Алдағы өзгерістердің маңыздылығына тоқталды.
<blockquote>
 «5 маусымда Қазақстанның болашағын айқындайтын жалпыхалықтық дауыс беру арқылы тарихи шешімдер қабылданады. Ел тағдырына бей-жай қарамайтын әрбір адам өз таңдауын жасап, осы науқанға атсалысуы керек», – деді Мәжіліс депутаты Ғалым Әміреев.
</blockquote>
Халық қалаулысы кездесу барысында Ата заңына енгізілетін нақты нормалар, солардың ішінде суперпрезиденттік модельден президенттік республикаға түпкілікті көшу, бірқатар билік өкілеттіктерін қайта бөлу, Парламенттің рөлі мен мәртебесін күшейтуді қамтамасыз ету, сайлау жүйесін реформалау мен жаңа саяси партиялардың құрылуы төңірегінде кеңінен ақпарат берді. 
Облыстық штаб мүшесі Нұрболат Ибраев референдум әр қазақстандыққа өз пікірін білдіруге, мемлекетті басқару процесіне араласуына мүмкіндік беретіндігін тілге тиек етіп, Конституцияның 3-тен бір бөлігіне өзгеріс енгізілетіндігін атап өтті.
Орталық дәрігерлері де алдағы референдум мен саяси реформалардан күтер үміті зор. Олар референдум Қазақстан халқына берілген үлкен мүмкіндік екенін сезініп отыр.
<img src="https://kyzylorda-news.kz/wp-content/uploads/2022/05/285294615_386925810139728_4269159063734090933_n.jpg" alt="" />

Депутаттар «Сенім» медицина орталығының ұжымымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының қызметкерлері аймақтағы кәсіпкерлік нысандарда Конституцияға енгізілетін өзгерістерді түсіндіріп жүр.
<blockquote>
 «5 маусымда өтетін референдум туралы ақпараттық материалдар жеткілікті. Дегенмен кей азаматтың танысып шығуға уақыты немесе мүмкіндіктері болмауы мүмкін. Кездесулерді сол үшін де жұмыс орындарында ұйымдастырып жатырмыз», – дейді Палата директоры Пірмұхаммед Сыздықов.
</blockquote>
Палатамамандары бүгінге дейін екі мыңнан астам адаммен кездесті. Бұл шаралар облысқа қарасты барлық аудан мен Кәсіпкерлерге қызмет көрсету орталықтарында да жүргізіліп жатыр.
<blockquote>
 «Кей кездесулерде «кімге дауыс беру керек» деген сұрақтар қойылды. Біздің мақсатымыз – азаматтарды референдумға келіп, өз таңдауларын жасауға шақыру. Сол үшін түсіндірмені жасаған дұрыс деп санаймын. Өңірлік кеңес мүшелігіндегі кәсіпкерлер де күн сайын аудандарда ауылдарды аралап жүр. Референдум Конституцияның баптарын халық болып таңдауға мүмкіндік береді. Ел үшін маңызды шарада үлес қосу – азаматтық міндетіміз», – деді Пірмұхаммед Сыздықов.
</blockquote>
Кездесулерде кәсіпкерлерге Конституцияға енгізілетін өзгерістер жазылған ақпараттық парақшалар таратылып жатыр. Сондай-ақ, аталған шараларда қолданыстағы салаға қатысты мемлекеттік бағдарламалар мен қолдау тетіктері жөнінде ақпараттар берілді.

Пірмұхаммед Сыздықов: Референдум Конституцияның баптарын халық болып таңдауға мүмкіндік береді

<a href="https://kyzylorda-news.kz/">Kyzylorda-news.kz.</a>&nbsp; Референдум — мемлекеттік маңызы бар мәселені халықтық дауысқа салу. Мұндай демократиялық институт алғаш рет Швейцарияда қолданылды. Референдумға заң немесе халықаралық шарт жобасы, басқару сипатындағы мәселелер ұсынылады.
Тәуелсіз Қазақстан тарихындағы алғашқы Референдум 1995 жылы өткізіліп, халық бірауыздан Ата Заңды, яғни қазіргі қолданыстағы Конституцияны қабылдады. Кеше ғана өткен Қазақстан халқы Ассамблеясының «Ел бірлігі – жаңарған Қазақстанның тірегі » атты ХХХІ сессиясында Мемлекет басшысы Қасым-Жомарт Тоқаев Ата заңға өзгерістер мен толықтырулар енгізу жөнінде республикалық референдум өткізу жөнінде ұсынды.
«Конституцияны жалпыхалықтық дауыс беру арқылы өзгерту халық қалауының айқын көрінісі болады деп есептеймін. Референдум әрбір азаматқа ел тағдырын шешуге тікелей қатысуға мүмкіндік береді және жан-жақты демократияландыру мен Жаңа Қазақстанды құру жолындағы бағытымызды нығайтады» –деді ел президенті. Сондай-ақ Президент: «Жаңа Қазақстан дегеніміз – бұл Әділетті Қазақстан. Оны құруға әрқайсымыз өз үлесімізді қосуымыз керек». Біз Екінші Республиканы бірге құрамыз, Жаңа Қазақстанды бірге өркендетеміз! Әр азаматқа бірдей мүмкіндік беретін әділ әрі дамыған мемлекет боламыз! – деді. «Екінші Республика» – суперпрезиденттік республикадан мықты Президенттік-Парламенттік басқару жүйесіне көшуді көздейді деп ойлаймын. Ол қазіргі таңда заман талабы, уақыт талабынан туындап отыр. Тәуелсіздіктің алғашқы жылдарында бұл басқару жүйесі қажет болды да, бірақ қазіргі уақыт, қоғам басқа. Әділдік – адамзаттың басты құндылығы. Бүгінгі қоғам азаматтардың әділ болуын қалайды. Әділеттілік салтанат құрған жағдайда өркениетті даму болатындығы айдан-анық. Мемлекет және ел азаматтары заң, тәртіп мәселесінде ешқашан бей-жай болмау керек деп ойлаймын, өйткені тәртіп бар жерде — әділдік болады, әділдік бар жерде жеңістің жалауы желбірейтіні анық. Сондықтан: 
Көлдің суын жамандап – Еділ қайдан табарсың, 
Әкіміңді жамандап – әділ қайдан табарсың, 
Өз барыңды жамандап – асыл қайдан табарсың.- деп Асан Қайғы бабамыз жырлағандай саяси реформаларды жүзеге асыру үшін бізге қазіргі таңда бірлік пен ынтымақ, ауызбіршілік пен сенім басты тірегіміз болу қажет деп санаймын. Тек қана ел ішінде ғана емес, әлемде әділдікті, бейбітшілікті, ауызбіршілікті қолдаған елдің ертеңі жарқын болары сөзсіз. Лайым солай болғай.
Дәулет Омаров,
Облыстық ҚХА жанындағы ғылыми-сарапшылық тобының мүшесі

Референдум әрбір азаматқа ел тағдырын шешуге тікелей қатысуға мүмкіндік береді

<a href="https://kyzylorda-news.kz/">Kyzylorda-news.kz.</a> Нұрсұлтан Назарбаев белгілі саясаттанушы Данияр Әшімбаевқа сұхбат беріп, алдағы референдум жайында ойымен бөлісті.&nbsp;
Сұхбат барысында&nbsp;Әшімбаев түзетулер арасында Қазақстанның Тұңғыш Президентінің мәртебесіне қатысты өзгерістер де бар екенін атап өтті.&nbsp;
Назарбаев Конституцияға түзетулер енгізу бойынша өткізілетін бүкілхалықтық референдумға баратынын айтты.&nbsp;
<blockquote>
 “Иә, 5 маусымда Конституция берген құқығымды міндетті түрде қолданып, референдумда дауыс беруге қатысамын. Мен еліміздің Негізгі Заңы – қатып қалған құқықтық реликт емес, қазақстандық қоғамның өмірін, ондағы болып жатқан өзгерістерді көрсететін тірі тетік екенін үнемі айтып келемін. Өзгерістер бұрын да енгізілген.&nbsp;
 Бұл уақыт талабы болса және қоғамның ілгерілеуіне, демократиялық дамуына ықпал етсе, әр ұрпақтың негізгі заңға өзгерістер енгізуге құқығы бар деп санаймын. Мені, бәріңіз сияқты болып жатқан жағдайдың бәрі мемлекет пен біздің халқымыздың мүддесі үшін болғаны алаңдатады”, – деді Назарбаев.
</blockquote>
Қазақстанның Тұңғыш Президенті “артында халқы мен елі үшін” не қалдыратыны әрқашан бәрінен де маңызды екенін атап өтті.
<blockquote>
 “2019 жылы саналы қадам жасап, көпшіліктің қарсылығына қарамастан Мемлекет басшысы қызметінен кеттім. Халықтық қолдауымен кеттім. Мұны 2015 жылғы соңғы президенттік сайлау дәлелдейді, ол кезде мен 97,7 пайыз дауыс алдым. Иә, менде белгілі бір өкілеттіктер қалды. Бірақ бұл тегіс саяси транзит үшін және қоғам мен билік элитасында болуы мүмкін қайшылықтарды жеңілдету үшін жасалды.
 Конституцияға сәйкес президент ретіндегі өкілеттілігімді Сенат Төрағасы Қасым-Жомарт Кемелұлы Тоқаевқа тапсырдым. Кейінгі жалпыхалықтық сайлауда ол жеңіске жетті. Осы жылдар ішінде мен оның еліміздің реформалануы мен одан әрі дамуы жөніндегі іс-әрекеттерін жан-жақты қолдадым. Бұл жолы да қолдау&nbsp;көрсететініме күмәнданбасаңыздар болады”, – деді Назарбаев.
</blockquote>
Саясаттанушы Назарбаевтан заңсыз байыды деген күдікке ілінген туыстары туралы не ойлайтынын сұраған.
<blockquote>
 “Біз ұзақ жыл бойы Қазақстанда құқықтық мемлекет құрып келеміз. Оның негізгі қағидаты: заң – бәріне ортақ. Егер туыстарымның бірі заңды бұзу үшін менің атымды жамылса, онда олар тиісті жазаға тартылуы керек. Оның кінәсі сотта дәлелденуге тиіс. Әр азамат заңды түрде қорғануға құқылы екенін ұмытпаған жөн”, – деді Назарбаев сұхбатында.
</blockquote>
Сондай-ақ,&nbsp;президенттік&nbsp;жылдарында халқымыз үшін үлкен жұмыстар атқарылғанын, кейбіреулер мұны ұмытып кететінін жеткізді.&nbsp;
<blockquote>
 “Халықтың дана екеніне және бәрін есте сақтайтынына сенімдімін.&nbsp;Қазақстан саяси да, экономикалық та халықаралық процестердің толыққанды қатысушысына айналды. Тәуелсіздік жылдары елімізге 360 млрд. доллардан астам тікелей шетелдік инвестиция тартылды.&nbsp;Халықаралық валюта қорының (ХВҚ) деректері бойынша Қазақстанның ЖІӨ 1993 жылғы 5,15 млрд.доллардан 2020 жылы 164,79 млрд. долларға дейін 32 есе өсті. Жан басына шаққандағы ЖІӨ 1993 жылғы 304,85 доллардан 2020 жылы 8,7 мың долларға дейін 28 есе өсті”, –&nbsp;деді экс-президент.&nbsp;
</blockquote>
Бұнымен қоса Қазақстан экономикасының көлемі Орта Азияның барлық елдерінің экономикасынан 2 есе артық екенін еске салды.
<blockquote>
 “Біз 1991 жылы неден бастадық және бүгінге дейін не нәрсеге қол жеткіздік. Жер мен көктей. Тәуелсіздігімізді нығайттық. Барлық көршілерімізбен&nbsp;шекараны анықтадық және қазіргі уақытта бізге қатысты кез-келген аумақтық шағымдар толығымен алынып тасталды.&nbsp;Тәуелсіз болу үшін мемлекет әлем мойындаған шекараларға, өзінің соғысқа қабілетті армиясына, ұлттық валютасына, халықаралық мойындауға ие болуы керек. Мұның бәрі бізде болған жоқ. Бұған менің президент болған&nbsp;жылдарымда және менің басшылығыммен қол жеткізе алдық”, –&nbsp;дейді Назарбаев.
</blockquote>

Қазақстан және Қызылорда облысының жаңалықтары: Саясат