<a href="https://kyzylorda-news.kz/">Kyzylorda-news.kz.</a> Елімізде Жалпыхалықтық референдум өтті. Республика бойынша Қызылорда облысы тұрғындарының дауыс беру белсенділігі 79,89 пайызды құрап, екінші орынға тұрақталды. Жалпы аймақта дауыс беру барысында заңбұзушылық деректер тіркелмеген. Бүгін Өңірлік коммуникациялар қызметінде өткен брифингте референдумға байланысты құрылған облыстық штабтың төрағасы Жандос Базартай саяси науқанның өту барысын баяндады.
<blockquote>
 «Республика бойынша референдумның қорытындысы жүргізіліп жатыр. Алдын ала нәтиже бойынша, облыс халқының дауыс беру қарқындылығы Түркістан облысынан кейінгі екінші орында. Аудан және елді мекендердің тұрғындары саяси науқанға белсенді түрде қатысты. Бұл халқымыздың алдағы өзгерістерге сеніммен қарайтынына дәлел. Айта кетейін, Мемлекет басшысының Жарлығынан кейін облыстық қоғамдық штабтың белсенді мүшелері елді мекендерде халықпен кездесулер және түсіндірме жұмыстарын жүргізген болатын. Соның арқасында облыс тұрғындарының жаңа өзгеріске деген оң көзқарасы қалыптасты», – деді Жандос Базартай.
</blockquote>
Айта кету керек, аймақ бойынша 345 ашық дауыс беру учаскесі таңғы сағат 07:00-ден кешкі сағат 20:00-ге дейін үздіксіз жұмыс істеді. Онда 3800-ге жуық қоғамдық ұйым өкілдерінің байқаушылары референдумға байланысты бақылау жүргізді.
<blockquote>
 «Біздің байқаушылар екі ауысымда жұмыс істеді. Әрбір 2 сағат сайын сайлау учаскелерінде талдау жұмыстарын жүргіздік. Жалпы өңір тұрғындарының референдумға қатысу белсенділігі өте жоғары деңгейде болды. Оны республика бойынша берілген мәліметтерден анғаруымызға болады. Сондай-ақ, облыста дауыс беру кезінде ешқандай заңбұзушылық деректері тіркелген жоқ», – деді «Партиялық емес байқау орталығы» республикалық қоғамдық бірлестіктің облыстық филиал төрағасы Жандос Тұсмағамбетов.
</blockquote>

Қызылорда: Саяси науқанға дауыс беру барысында заңбұзушылық әрекет тіркелмеді

<a href="https://kyzylorda-news.kz/">Kyzylorda-news.kz.</a> Көптен күткен республикалық референдум да өз мәресіне жетті. Жерлестеріміз референдумға белсенді қатысып, шынайы дауыстарын берді. Алайда Референдум жалпы халықтық сипат алғанда ғана өз нәтижелілігін көрсетеді. Алдын ала жариялған қорытынды мәліметке жүгінсек ел азаматтарының жалпы жаңашылдықты қолдайтындықтарын көріп отырмыз.
Бұл референдум халқымыз үшін қолайлы, тең мүмкіндікті пен қауіпсіз әрі жайлы қоғам қалыптастыру үшін жұмыс істейтін, өзгерістер әкелетін реформалардың жүзеге асуына жасалған мүмкіндік деп есептеймін.
Шынына келгенде еліміздегі Конституциялық реформалар саяси жүйені түбегейлі өзгерту үшін емес, саяси институттарды жаңғырту үшін де жүргізіліп отыр. Жүргізіліп жатқан реформалардың өзіндік ерекшелігін конституциялық – құқықтық өлшемде бағамдасақ, әлеуметтік мемлекеттің қағидаларымен ұштасып жатқаны байқалады.
Сонымен қатар, бұл реформа мемлекетіміздің егемендігі мен тәуелсіздігін қорғау және нығайту мақсатында да қажет.Халықымыздың Президенттің конституциялық және құқықтық бастамаларына қолдау білдіруі мемлекет дамуының стратегиялық мақсаттарын жүзеге асырудың шарты ретінде танылады.
Референдум Жаңа Қазақстанды қалыптастырудағы жаңа Конституциялық тәртіптің іргетасы болмақ. Мемлекет басшысы атап өткедей, Жаңа Қазақстанды құру елді дамыту парадигмаларын өзгертуге бағытталған. Біз ендігі жерде өзгерістерді өзімізден бастап, жаман әдеттерден бойымызы бен ойымызды алшақтатып, елдің түп тамырына балта шабатын сыбайлас жемқорлыққа табанды түрде қарсы тұрып, нақты өзгерістірге деген сенімді орнықтыруымыз керек деп есептеймін. 
Жаңа әділетті Қазақстанның болашағынан күтеріміз көп. Сондықтан оның шынайы жүзеге асуына осы елдің азаматы ретінде өз үлесімді қосатын боламыз.
Қажденбек БАЙМАХАНОВ, 
«Жаңару»Сыбайлас жемқорлыққа қарсы РҚБ-нің Қызылорда облысы бойынша филиалының басшысы

Қажденбек Баймаханов: Әділетті Қазақстанның алғашқы қадамын аттадық

<a href="https://kyzylorda-news.kz/">Kyzylorda-news.kz.</a> Ел үшін маңызды күн референдумда Сыр халқы ауызбіршілік көрсетті. Мемлекеттік маңызы бар саяси науқанға қатысып, өз таңдауларын жасады.
Аймақ басшысы Нұрлыбек Нәлібаев аймақ тұрғындарының референдумға ерекше ықылас білдіріп, өзгерістер жолына қадам жасауда белсенділік танытқанын атап өтті.
<blockquote>
 «Наурыз айында Мемлекет басшысы Қасым-Жомарт Кемелұлы Тоқаев Қазақстан халқына Жолдауында оң өзгерістер жасауға 10 бағыт айқындап берген болатын. Сыр жұртшылығы бұл өзгерістерді әділдіктің нышаны ретінде қабылдап, бірауыздан қолдады. Мұның бәрі мызғымас бірлігіміздің, тату-тәтті тірлігіміздің, қазақы болмысымыз бен жарқын болашаққа деген халықтың зор сенімінің арқасы деп білемін. Бұл ретте дайындық жұмыстарын жоғары деңгейде ұйымдастырған мемлекеттік орган, сайлау комиссиясы, қоғамдық ұйым қызметкерлеріне, ардагерлер мен зиялы қауым өкілдеріне, құқық қорғау органдарына, сондай-ақ, алдын-ала түсіндірме жұмыстарына белсенді атсалысқан тұлғалар мен ақпараттық сүйемелдеуді қамтамасыз еткен БАҚ өкілдеріне ризашылығымды білдіремін», – деді облыс әкімі.
</blockquote>
Жиында облыстық мәслихат хатшысы Наурызбай Байқадамов пен аймақтық ардагерлер кеңесінің төрағасы Серік Дүйсенбаев әріптестеріне референдумға белсенді атсалысқаны үшін алғыс білдіріп, алдағы жұмыстарына сәттілік тіледі.
Айта кетейік, аумақтық референдум комиссияларынан келіп түскен мәліметке сәйкес, өңірде дауыс беруге 369909 адам қатысты. Бұл тізімге енгізілген дауыс берушілердін жалпы санының 79,89% құрады.

Сыр халқы  референдумда ауызбіршілік көрсетті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың референдум қорытындысы бойынша Қазақстан халқына жасаған үндеуі жарияланды.
Құрметті отандастар!
Кеше елімізде айрықша мәні бар тарихи оқиға болды. Мемлекетіміз дамудың жаңа кезеңіне қадам басты. Ата заңымызға ұсынылған өзгерістерді азаматтардың басым көпшілігі қолдады. Референдум жоғары деңгейде өтті. Мұны халықаралық және отандық байқаушылар да айтып жатыр. Конституциялық реформалар қоғамда қызу талқыланды. Дауыс беру барысы демократия талаптарына сай өтті. Ешқандай мәжбүрлік болған жоқ. Референдум нәтижесі саяси жаңғырудың анық символына айналды. Азаматтарымыз зор жауапкершілік танытты және отансүйгіштік қасиетін паш етті. Біз Жаңа, Әділетті Қазақстанды құру жолындағы бірлігіміз бекем екенін көрсеттік. Конституциялық түзетулер мемлекеттігіміздің тұғырнамасын түбегейлі өзгертеді. Бүкіл қоғамның дамуына тың серпін береді. Референдумға белсене қатысып, қолдау білдірген барша халқымызға зор ризашылығымды білдіремін. Сондай-ақ, конституциялық өзгерістердің мән-маңызын түсіндіруге атсалысқан азаматтарға, түрлі қоғамдық ұйымдарға алғыс айтамын.
<hr />
Референдум еліміздің тарихындағы маңызды белес болды. Ұлтымыздың шынайы өзгерістерге деген дайындығы мен ұйымшылдығын көрсетті. Дауыс беруге азаматтарымыздың белсенді қатысуы қоғамымыздың кемелдігі мен жауапкершілігін білдіреді. Сайлау учаскесіне келіп, елімізді жаңғырту бастамасын қолдағандардың бәріне алғыс айтамын.
Сіздер нағыз патриотизмнің үлгісін көрсетіп, Қазақстанның дәйекті дамуына зор үлес қостыңыздар. Еліміз үшін осы бетбұрысты сәтте заңды құқықтарын пайдаланып, өздерінің ұстанымдарын айтқан бүкіл азаматқа ризашылығымды білдіремін.
Ата заңға өзгерістер енгізу реформаларымыздың соңғы сатысын емес, енді басталғанын білдіреді. Біз елімізді жан-жақты жаңғыртуды жалғастырамыз. Жаңартылған Конституция негізінде биліктің барлық институты қызметінің мейлінше тиімді моделін қалыптастырамыз. Олардың арасындағы үйлесім мен тепе-теңдік механизмін нығайтамыз. Дәйекті саяси жаңғыру ұлттық экономиканы дамытуға, ұлттық кәсіпкерлікті нығайтуға ықпал етеді.
Енді біздің алдымызда ашық әрі әділетті экономика құрып, заңнамаға реформа жүргізу міндеті тұр. Қолдан жасалған монополияларды түбегейлі жойып, сыбайлас жемқорлыққа тосқауыл қою маңызды. Біз кәсіпкерлердің бастамаларына қолдау көрсетіп, жекеменшікті сақтап, бәсекелестікті күшейтуіміз керек.
Алдымызда экономиканы шынайы әртараптандыру бойынша ауқымды жұмыстар тұр. Жоғары өнімді ауыл шаруашылығы мен қуатты көлік-логистика жүйесін дамыту, барлық салада цифрлық экожүйе қалыптастыру үшін шаралар қабылдау қажет. Еліміздің орнықты дамуының негізгі қозғаушы күші еңбек, білім және азаматтық белсенділік болуға тиіс. Тек сонда ғана өзін-өзі қамтамасыз ететін орта тап пен тиімді экономика қалыптастыра аламыз. Бұндай экономика кірісті әділетті бөлуге, сапалы жұмыс орнын ашуға, тұрмыс сапасын тұрақты арттыруға және барлық азаматтардың толыққанды жетілуіне мүмкіндік береді.
Мемлекеттік аппаратты жаңғыртып, бюрократиядан барынша арылту үшін жүйелі жұмыс жалғасады. Біз қоғамның барлық өкілдерінің талап-тілектеріне жауап беретін озық мемлекет құруымыз керек. Басқару жүйесінің тиімділігі жұмыстың барысымен емес, түпкі нәтижемен өлшенетін болады. Мемлекеттік аппарат бизнеспен, үкіметтік емес ұйымдармен және азаматтармен тығыз жұмыс істеуге баса назар аударуға тиіс. Сол арқылы ел мүддесіне сай тиімді шешімдер қабылданып, халыққа көрсетілетін қызмет сапасы жақсара түседі. Мемлекеттік қызметкерлер барынша ашық жұмыс жүргізіп, халыққа шынайы есеп беруі керек.
Мемлекеттік қызмет дегеніміз – жеке бастың бақ-дәулетін арттыратын жер емес. Бұл – туған халқыңның алдында айрықша жауапкершілік арқалау деген сөз.
Конституциялық реформа бүкіл құқық саласын жаңғыртуға жол ашады. Парламент пен Үкімет Конституцияға енгізілген өзгерістерге сай Заңнамаға тиісті өзгертулер енгізуі қажет. Қазақстанда тиімді құқық қорғау және сот жүйесін құруға мүмкіндік беретін реформалар әзірленуге тиіс. Мұны әлемдік тәжірибені ескере отырып жүзеге асырған жөн.
Біз қоғамның және бизнес өкілдерінің өз құқықтары мен заңды мүдделерін қорғауға сұранысы арта түскенін көріп отырмыз. Елімізге азаматтар мен кәсіпкерлерді барынша қорғайтын құқық жүйесі қажет. Заңнамада мемлекетіміздің тұрақты дамуын тежейтін ешбір кедергі қалмауға тиіс. Заман талабына сай келмейтін және күмән туғызатын нормалардың бәрі күшін жоюға тиіс.
Еліміздің экономикалық ресурстарын шағын ғана топтың қолына шоғырландырып, оларға артықшылық берген заңнаманы қайта қарау қажет.
Елден жылыстатылған қаржыны және заңсыз жекешелендірілген активтерді мемлекеттің иелігіне қайтару жөнінде Мекемеаралық комиссия құрылды. Бұл үшін мен арнайы Жарлыққа қол қойдым.
Біз адам құқығы мен бостандығын қорғау жүйесін кешенді түрде күшейтуге негізделген бағдарымызды жалғастыра береміз. Құқықтық реформа аясында Конституциялық сот қайта құрылады. Оның қаулыларына жедел әрекет ету тетігін енгізу қажет. Сонда азаматтарымыз осы аса маңызды институт қызметінің пайдасын сезіне алады. Жаңа, Әділетті Қазақстанда полицейлердің озбырлығына, біліксіз прокурорлар мен біржақты судьяларға жол берілмейді. Қоғам құқық қорғау және сот жүйесінің шын мәнінде өзгергенін қалайды.
Мен елімізді дамытудың осы және басқа да мәселелері бойынша нақты шешімдерді қыркүйек айында өтетін Парламенттің кезекті сессиясының ашылуында айтамын.
Қастерлі Тәуелсіздігімізді, ел бірлігін және қоғамдық келісімді нығайту – біздің негізгі міндетіміз. Бұл реформалар құр атақ-абырой үшін қолға алынған жоқ. Мұның бәрін Жаңа, Әділетті Қазақстан құру үшін жасап жатырмыз. Халқымызда «Кеңесіп пішкен тон келте болмайды» деген сөз бар. Бабаларымыз маңызды мәселені алқалы жиында шешкен. Мен осы дәстүрді жаңғыртып, Ұлттық құрылтай құру туралы бастама көтердім. Оған қоғамның түрлі топ өкілдері, беделді әрі белсенді азаматтар шақырылады. Құрылтайдың алғашқы отырысы ұлт ұясы – Ұлытауда өткізіледі. Осылайша, азаматтардың мемлекет ісіне атсалысу мүмкіндігі арта түседі. Шын мәнінде, еліміздің тағдыры – әрқайсымыздың қолымызда.
Біз қоғамдық және жеке құндылықтар жүйесін түбірімен жаңғырта білуіміз керек. Сонда ғана барлық салада түбегейлі өзгеріс жасай аламыз. Жаңа Қазақстанның ең басты байлығы – халық. Ал, ең негізгі мақсаты – азаматтардың бақытты өмір сүруін қамтамасыз ету. Әрбір азаматымыз саяси өзгерістер мен экономикалық өсімнің жемісін көруі қажет. Құрғақ уәде мен бос сөз ешқайда апармайды. Мен үшін нақты іс пен шынайы өзгеріс бәрінен маңызды. Бұл мақсатқа қол жеткізу үшін бар күш-жігерімді саламын.
Референдум қорытындысы біздің мемлекеттігіміздің тарихында мүлде жаңа дәуір басталғанын көрсетеді. Халқымыз өз таңдауын білдіру арқылы түбегейлі бетбұрыс жасауға ұмтылысын көрсетті. Жасампаз ел болуға деген ықылас-ынтасын байқатты.
Елімізді дамыту үшін әлі де көп жұмыс атқаруымыз керек. Бүкіл ел болып жұмылсақ, көздеген мақсатымызға міндетті түрде жетеміз. Мен бұған кәміл сенемін. Бүгін тәуелсіз Қазақстанның даму тарихында жаңа дәуірге жол ашылды. Осы жолда бірлігіміз әрдайым бекем болсын!
Жаңа Қазақстанды бәріміз бірге өркендетейік, ағайын!

Президенттің референдум қорытындысы бойынша Қазақстан халқына жасаған үндеуі

<a href="https://kyzylorda-news.kz/">Kyzylorda-news.kz.</a> Exit poll Қазақстандағы Конституциялық түзетулерге байланысты референдум нәтижесін шығарды.
“Социс-а”&nbsp;кешенді әлеуметтік зерттеулер институтының экзитполының нәтижелері бойынша:
“Иә” деп 76,7 пайызы;
“Жоқ” деп 23,3 пайызы дауыс берген.&nbsp;
“Қоғамдық пікір”&nbsp;зерттеу институты экзитполының мәліметтері бойынша қатысушылардың 74,8 пайызы “иә” деп дауыс берсе, 25,2 пайызы қарсы дауыс берген. Зерттеуге сәйкес, 70,1 пайыз адам келген.
“Демократия институты”&nbsp;жүргізген экзитпол нәтижелері бойынша 79,4 пайыз дауыс берді, қатысушылардың 20,6 пайызы қарсы дауыс берді. Дауыс беруілердің 66,3 пайызы келген.
Айта кетейік, Экзитпол – әлемдік әлеуметтанулық тәжірибеде пайдаланылатын, дауыс беруден кейін сайлау учаскелерінен шығу кезінде әлеуметтік қызметтер жүргізетін азаматтарға сауалнама жүргізу рәсімі.
Еске салайық, 5 маусымда таңғы 07.00 мен 20.00 аралығында Конституциялық түзетулерге байланысты референдум өтті.&nbsp;
Референдумда қазақстандықтар Конституциядағы түзетулердің болу не болмауына дауыс берді. Яғни бюллетенде тек бір сұрақ: “Қазақстан Республикасының Конституциясына өзгерістер мен толықтырулар енгізу туралы” заң жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?”. Сұраққа “иә” не “жоқ” деп жауап беруі керек болды.

Қазақстандағы референдум: exit poll нәтижесі шықты

Kyzylorda-news.kz. Елдің саяси үдерістегі батыл қадамы, мемлекеттің өз деңгейінде қарқынды дамуына әкелетіні сөзсіз. 30 жыл тарихи өлшеммен аз уақытты көрсеткенімен, біз секілді елдің даму тарихында бұл аз уақыт емес. Ел арасында республиканың әрі қарай дамуы кең көлемде түрлі пікірге ұласуы, азаматтарымыздың саяси мәдениеті мен сауатының тиісті деңгейде екені байқатады. Мемлекет басшысы осыны аңғара келе, елдің аз да болса, түрлі жаңалықтары мен оқиғаларға толы жылдарында халықтың толыққанды билікке араласуын қамтамасыз етуді көздеп отыр.
Бүкілхалықтық референдум көптеген азаматтарымызға түрлі ой салатыны рас. Алайда, еліміздің әріқарайғы саяси өзгерістері халықтың жоғары деңгейдегі сауаттануына және ойламды шешімдер жасауына ықпал болады. Ендігі кезекте дамыған, құқықтық мемлекеттер секілді Ата заңымызды жатқа білетін қоғам қалыптастырып, білім иммунитеті арқылы мемлекетіміздің Әлемдік деңгейдегі өміршеңдігін сақтайтынына кәміл сенемін. Оның дәлелі бүгінгі еліміздегі өтіп жатқан бүкілхалықтық референдум. Сайлау технологиясын жоғары меңгерген отандастарымыз, өз таңдауын жасап жатыр. Референдумға қатысқан жұртымыз белсенділігімен көзге түсіп, мемлекетіміздің жаңаша дамуына жаңа леп берген секілді. 
Халықтың референдум арқылы өз таңдауын жасауы, бұл заман талабы және елдің демократиялық үдерістегі жаңа қадамы. Мен алдағы оң өзгерістер болатынына сенім білдіре отырып, саяси жүйенің жаңғыруын қолдап, өз таңдауымды жасадым.
Сәулет Сахиев, 
Саяси ғылымдар кандидаты

Саяси жүйенің жаңғыруы-қоғамның саяси белсенділігін арттырады

Kyzylorda.news.kz. Бүгін еліміз үшін өте маңызды күн. Конституцияда мемлекеттік биліктің бірден бір бастауы – халық екендігі айқын көрсетілген. Өтіп жатқан референдум ата заңымыздың осы негізгі қағидасының жүзеге асырылуының айқын көрінісі.
Өз кезегінде ел тағдырын анықтайтын маңызды саяси шараны ақпараттандыру, оның мәні мен мазмұнын көпшілікке жеткізу бойынша «AMANAT» партиясы тарапынан жүйелі жұмыстар жүргізілді. Осы мақсатта партияның барлық құрылымдық бөлімшелері, Сенат депутаттары мен Мәжіліс пен жергілікті мәслихаттардағы барлық фракциялар мүшелері, партияның бастауыш ұйымдары мен жақтастары үгіт-насихат шараларына бір кісідей қатысты. Мұнан бөлек партия тарапынан өңірдегі барлық дауыс беру орындарында арнайы өкілдеріміз қатысып, халық таңдауының заң талаптарына сәйкес өткізілуіне қоғамдық байқау жасауда. Олардың мәлімдеуінше тұрғындардың референдумға қатысу белсенділігі жақсы деңгейде және дауыс беру процесінде заң бұзушылықтар орын алмаған. Бұл бір ай көлемінде ақпараттандыру жұмыстарын жүргізген әріптестеріміздің халық игілігі жолындағы жұмыстары нәтижесінің жоғары болғанын көрсетіп отыр. 
Жалпы Ата заңға өзгерістер енгізу бойынша Мемлекет басшысының бастамасымен қолға алынған жалпыхалықтық референдум біздің өңірдегі барлық 373 сайлау учаскелерінде заңнамалық талаптарға сәйкес жұмыс жасауда. 
Менде бүгін өз дауыс беру учаскеме барып, алғашқылардың бірі болып, өзгерістер үшін өз таңдауымды жасадым. Байқағаным, референдумға таңертеңнен келіп жатқан халықтың қарасы мол. Бұл Сыр жұртшылығының ел болашағын айқындайтын оң өзгерістерге бей-жай қарамайтынын көрсетеді. 
Осы мүмкіндікті пайдаланып, ел ертеңі үшін маңызды саяси шараны ұйымдастырушылар мен қатысушы жерлестеріміздің жұмысына сәттілік тілеймін!
Ләйла Төрешова, 
«AMANAT» партиясы 
облыстық филиалының Атқарушы хатшысы

Сырбойылықтар өзгерістер үшін өз таңдауын белсенді жасады

Kyzylorda-news.kz. Жексенбі – 5 маусым күні Қазақстан азаматтары Ата заңымызға енгізілетін өзгертулер мен толықтыруларға қатысты тағдыршешті шешім қабылдайды. Ал дәл қазірден, сағат 00-00-ден бастап республикалық референдумға қатысты үгіт жұмыстарын жүргізуге тыйым салынады. Яғни, тыныштық күні басталды, деп хабарлайды ҚазАқпарат.
«Республикалық референдум туралы» Конституциялық Заңның 7-бабы 4-тармағына сәйкес референдум қарсаңындағы күн мен референдум өтетін күні кез келген үгіт жүргізуге тыйым салынады. Демек, 4 және 5 маусымда бұқаралық ақпарат құралдарында, оның ішінде интернетте референдум бойынша үгіт жүргізуге болмайды.
Ақпарат және қоғамдық даму министрлігінің түсіндіруінше, «үгіт» ұғымының мәнін және мазмұнын негізге ала отырып, референдумға шығарылған сұраққа сайлаушыларды «келісемін» немесе «қарсымын» деп дауыс беруге түрткі болатын материалдар үгіт материалдары ретінде қарастырылады.
Бұл ретте, аталған бұзушылыққа жол берген жеке тұлғалар да, заңды тұлғалар да, оның ішінде әлеуметтік желілерді пайдаланушылар да әкімшілік жауапкершілікке тартылуы мүмкін. Интернет-ресурстарда бұрын жарияланған үгіт материалдар бастапқы орындарында сақталуына жол беріледі, оларды сайттың басты бетінде шығаруға тыйым салынады.
Сондай-ақ, референдумды өткізу күні, шарттары, дауыс беру тәртібі, оның ішінде жарнамалық баннерлер, референдумға дейінгі күндерді кері санау және басқа да туралы түсіндірме сипаттағы бұрын жарияланған ақпараттық материалдар интернет-ресурстар мен телеарналарда олардың бастапқы орындарында сақталуына жол беріледі.
ҚР Бас прокурорының орынбасары Болат Дембаев айтуынша, үгітке тыйым салынған кезеңде бұл іс-шаралар жүргізілген жағдайда ҚР Әкімшілік құқық бұзушылық туралы кодексінің (ӘҚБтК) 102-бабы бойынша жауапкершілік ескерілген.
<blockquote>
 «Екі немесе одан да көп рет немесе басқа біреу үшін дауыс беру, сондай-ақ учаскелік референдум комиссиясы мүшесінің азаматтарға өзге адамдар үшін дауыс беруге мүмкіндік жасау мақсатында бюллетеньдерді беру әрекеті ӘҚБтК-нің 108 және 110-баптары бойынша жауаптылыққа әкеп соғатынына да назар аударамыз», – дейді Бас прокурордың орынбасары.
</blockquote>

Бүгін &#8211; референдум алдындағы тыныштық күні

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Мемлекеттік хатшы Ерлан Қарин Ата Заңымызға қандай өзгерістер енгізілетінін айтып, оның ел дамуындағы маңызын түсіндірді, деп хабарлайды &nbsp;<a href="https://t.me/referendum2022_kz">referendum2022.kz</a>.
<blockquote>
 «Конституциялық реформалардың ең басты маңызы – саяси институттар арасындағы қарым-қатынасқа оптималды баланс орнату. Мысалы, Парламенттің статусын арттыру, Есеп комитетінің Жоғарғы аудиторлық палата болып өзгертілуі. Палата төрағасы жылына 2 рет Парламент алдында есеп береді. Бұл бюджеттің игерілуін қадағалау функциясын күшейтуге бағытталған», – дейді Ерлан Қарин.
</blockquote>
Сондай-ақ, Мемлекеттік хатшы Конституциялық соттың атқаратын қызметін ерекше атап өтті. Оған кез келген азамат шағымдана алатынын айтты. Адам құқықтарына ие уәкілдің конституциялық статусы барына, ол қандай да бір мемлекеттік органға тәуелді болмайтынына назар аударды.
Сөз соңында Мемлекеттік хатшы қазақстандықтарды референдумға белсене қатысуға шақырды.

Ерлан Қарин: Реформалардың ең маңыздысы – саяси институттар арасында тепе-теңдік орнату

<a href="https://kyzylorda-news.kz/">Kyzylorda-news.kz.</a> Референдум өз уақытында қабылданды. Халық қуана қолдауда. Мемлекеттік тілге басты басымдылық беріліп, ұлттық қауіпсіздіктің қорғалуына назар аударылып, ел сенімінен шығатын Заң болады деп сенім артамыз. Мен Президент ұсынған референдумға өзгерістер енгізу туралы шешімін қолдаймын.
Естеріңізде болса, 1995 жылы қараша айында Қазақстанда “Республикалық референдум туралы” конституциялық заң қабылданған болатын. Содан бері елде конституциялық түзетулерге қатысты халықтық референдум ұйымдастырылған жоқ. Ал референдум демократияның маңызды институты болып табылатыны әу бастан-ақ белгілі. Себебі ондай шара кезінде, мемлекеттік маңызы бар мәселелерге қатысты тікелей бұқара халықтың пікірі міндетті түрде ескеріледі. Бұл дегеніміз, Президенттің Қазақстан халқына жолдауында айтылған “Халық үніне құлақ асатын Мемлекет” тұжырымдамасы аясының тынысын кеңейтпек. Яғни Халық пен билік ортасында тығыз қарым-қатынас қанатын кеңге жаяды деген сөз. Міне, осыған орай Мемлекет басшысы Қасым-Жомарт Кемелұлы Тоқаев алдағы конституциялық өзгерістер бойынша референдум өткізуді ұсынды.Бұл уақыт күттірмес мәселе.
ЖАҢА ҚАЗАҚСТАН Заңдарына да өзгерістер жаңаша толықтырылуы керек. 
Мен референдумды қолдаймын. Бәріңізді оған қатысуға шақырамын!
Гүлнар Жұмашева,
Облыстық ҚХА жанындағы Аналар кеңесінің мүшесі

Гүлнар Жұмашева: Ел сенімінен шығатын заң болады деп сенім артамыз

<a href="https://kyzylorda-news.kz/">Kyzylorda-news.kz.</a> Бүгін елордада «Мемлекеттіліктің рәміздері» атты халықаралық ғылыми конференцияның жұмысы басталды, деп хабарлайды ҚазАқпарат.
Жиын барысында ҚР Мәдениет және спорт вице-министрі Нұрғиса Дәуешев Қазақстан ҚР Мемлекеттік хатшысы Ерлан Қариннің құттықтау хатын оқып берді.
<blockquote>
 «Биыл мемлекетіміздің мәртебелі символы – мемлекеттік рәміздердің қабылданғанына 30 жыл. Отанды қастерлеу, туған елге деген шынайы құрмет мемлекеттік рәміздерді қадірлеуден басталады. Мемлекеттік рәміздер – елдіктің, егемендіктің басты нышаны, ұлттық рух пен қоғамдық келсімнің, сондай-ақ патриоттық тәрбиенің аса маңызды құралы. Көк байрағымыз көкте желбіреп, Елтаңбамыз ел төрінде нық тұрып, Әнұранымыз аспанда қалықтаса, ол мемлекет мерейі үстем, мәртебесі биік екенін, халқымыздың бірлік пен берекеде өмір сүріп жатқанын айғақтайды», – деген Е. Қарин құттықтау хатында.
</blockquote>
Осы орайда Мемлекеттік хатшының құттықтау хатында ғалымдар тарапынан мемлекеттік рәміздерді тиімді насихаттауға және патриоттық тәрбиенің тың тәсілдерін жетілдіруге қатысты іргелі зерттеулер ұсынылуы керек екені айтылған.
<blockquote>
 «Бүгін өтіп жатқан «Мемлекеттіліктің рәміздері» халықаралық ғылыми конференциясы осы іске елеулі үлес қосады деп сенеміз», – деді Ерлан Қарин.
</blockquote>
Осыдан тура 30 жыл бұрын, нақты айтқанда 1992 жылдың 4 маусымында ҚР Тұңғыш Президенті Нұрсұлтан Назарбаев «Қазақстан Республикасының Мемлекеттік туы туралы», «Қазақстан Республикасының Мемлекеттік елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» Заңдарға қол қойған еді.
Ал «Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі.

Мемлекеттік хатшы: Туған елге деген құрмет рәміздерді қадірлеуден басталады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында жұмыс сапарымен жүрген «AMANAT»партиясы республикалық штабының мүшелері, ҚР Парламенті Мәжілісінің депутаттары Бақытбек Смағұл мен Геннадий Шиповских Жалағаш ауданындағы жетекші шаруашылықтардың бірі «Таң LTD» ЖШС-ның еңбек ұжымымен кездесті.
Алдымен шарушылық жұмысымен танысқан халық қалаулылары еңбек ұжымына референдумның маңыздылығы сондай-ақ, еліміздің Негізгі Заңына енгізілетін түзетулер мен толықтырулар туралы түсіндірді.
Өңірдің барлық аудандарында болып, түрлі сала өкілдерімен кездесіп келеміз. Олармен болған жүздесулерде көптеген мәселе көтеріліп жатыр. Соның ішінде әйел азаматтардың зейнет жасын қысқарту, жайылым жер тапшылығы, өнеркәсіп орындарын ашу, субсидия алу төңірегінде ұсыныстар айтылды. Президенттің референдум өткізудегі шешімі нағыз халық үніне құлақ асатын мемлекеттің басты ұстанымының көрінісі екенін білдіреді. Бұл референдум шын мәнінде әділетті Қазақстан құру жөніндегі саяси реформаларды жүзеге асырудың алғышарты, – деді республикалық штаб мүшесі Бақытбек Смағұл.
Өз кезегінде сөз алған Мәжіліс депутаты Геннадий Шиповских референдум маңыздылығын мен азаматтар құқықтарының қорғалуы бағытында енгізілетін өзгерістерге тоқталды.
Құқық қорғау саласында елеулі өзгерістер енгізілмек.Соның ішінде Конституциялық сот құрылады. Адам құқықтары жөніндегі уәкіл, яғни омбудсмен мәртебесі Ата Заңмен айқындалады. Мұның бәрі азаматтардың құқықтары мен бостандықтарын қорғау үшін жасалмақ, – деді депутат.
Сондай-ақ кездесуге қатысқан облыстық, аудандық штаб мүшелері референдум қоғамның жалпы көзқарасын, пікірін тануға, саяси біліктілігін арттыруға, қоғамның түйткілді мәселелерін қарастырып, оңтайлы шешім шығаруға арналған жүйе екенідігін атап өтті.
Кездесу барысында серіктестік қызметкерлері өздерін толғандырған сұрақтарын қойып, оларға тиісті түсініктемелер мен жауаптар берілді. Іс-шара соңында «Таң LTD» ЖШС ұжымы ұсынылған өзгерістерге қолдау білдіріп, референдумға қатысуға дайын екендіктерін айтты.
Мемлекет басшысы «2022 жылғы 5 маусымда республикалық референдум өткізу туралы» Жарлыққа қол қойған күннен бастап «AMANAT» партиясы жанынан Президенттің бастамасына қолдау білдіру, саяси шараның маңыздығын халыққа кеңінен түсіндіру мақсатында арнайы штабтар құрылған болатын. Бүгінгі күні өңірде барлық деңгейдегі штаб мүшелерінің қатысуымен 80 мыңнан астам азаматты қамтыған 500 –ден астам іс-шара өтті.
<img src="https://kyzylorda-news.kz/wp-content/uploads/2022/06/285481657_388097460022563_3484047128121749329_n.jpg" alt="" />

Қазақстан және Қызылорда облысының жаңалықтары: Саясат

Қызылорда: Саяси науқанға дауыс беру барысында заңбұзушылық әрекет тіркелмеді

Қажденбек Баймаханов: Әділетті Қазақстанның алғашқы қадамын аттадық

Сыр халқы референдумда ауызбіршілік көрсетті

Президенттің референдум қорытындысы бойынша Қазақстан халқына жасаған үндеуі

Қазақстандағы референдум: exit poll нәтижесі шықты

Саяси жүйенің жаңғыруы-қоғамның саяси белсенділігін арттырады

Сырбойылықтар өзгерістер үшін өз таңдауын белсенді жасады

Бүгін – референдум алдындағы тыныштық күні

Ерлан Қарин: Реформалардың ең маңыздысы – саяси институттар арасында тепе-теңдік орнату

Гүлнар Жұмашева: Ел сенімінен шығатын заң болады деп сенім артамыз

Мемлекеттік хатшы: Туған елге деген құрмет рәміздерді қадірлеуден басталады

Референдум әділетті қазақстан құрудың алғышарты<strong></strong>

Қазақстан және Қызылорда облысының жаңалықтары: Саясат

Қызылорда: Саяси науқанға дауыс беру барысында заңбұзушылық әрекет тіркелмеді

Қажденбек Баймаханов: Әділетті Қазақстанның алғашқы қадамын аттадық

Сыр халқы референдумда ауызбіршілік көрсетті

Президенттің референдум қорытындысы бойынша Қазақстан халқына жасаған үндеуі

Қазақстандағы референдум: exit poll нәтижесі шықты

Саяси жүйенің жаңғыруы-қоғамның саяси белсенділігін арттырады

Сырбойылықтар өзгерістер үшін өз таңдауын белсенді жасады

Бүгін &#8211; референдум алдындағы тыныштық күні

Ерлан Қарин: Реформалардың ең маңыздысы – саяси институттар арасында тепе-теңдік орнату

Гүлнар Жұмашева: Ел сенімінен шығатын заң болады деп сенім артамыз

Мемлекеттік хатшы: Туған елге деген құрмет рәміздерді қадірлеуден басталады

Референдум әділетті қазақстан құрудың алғышарты<strong></strong>

Бүгін – референдум алдындағы тыныштық күні