<a href="https://kyzylorda-news.kz/">Kyzylorda-news.kz.</a>&nbsp; Қазақстан Президенті ТМД-ға мүше мемлекет басшылары кеңесінің отырысына қатысты, деп хабарлайды &nbsp;Ақорданың баспасөз қызметі.Қазақстан Президенті қонақжайлық көрсеткені және ТМД-ға төрағалық ету барысында Қырғызстанның табысты жұмыс атқарғаны үшін Садыр Жапаровқа алғыс айтты. Мемлекет басшысы ТМД жанындағы Серіктес және Бақылаушы мәртебесінің бекітілуін бүгінгі отырыстың айтулы оқиғасы ретінде атап өтіп, бұл шешім ұйымның кемеліне келгенін және оны дамытудың жаңа кезеңіне қадам басқанын көрсететініне назар аударды. Қазақстан Президенті геосаяси қайшылықтардың шиеленісе түскенін атап өтіп, әлем экономикасында тұрақсыздық күшейгенін айтты.<blockquote> «Қазақстан жаһандық сауда-саттық пен мемлекеттердің әл-ауқатына кері әсер ететін экономикалық санкцияларды қолдануға түбегейлі қарсы», – деді Мемлекет басшысы.</blockquote>

Президент ТМД-ға мүше елдер басшылары кеңесінің отырысына қатысты

<a href="https://kyzylorda-news.kz/">Kyzylorda-news.kz.</a> 2023 жылдың 5 қараша күні өтетін аудандар, облыстық маңызы бар қала әкімдерін сайлау Қызылорда өңіріндегі 7 аудан ішінен Сырдария және Шиелі аудандарында ұйымдастырылады.Сайлау Күнтізбесіне сәйкес 5 қыркүйек жергілікті уақыт 18.00-ден кейін кандидаттардың ұсыным құжаттарын қабылдау аяқталды. Ал, 10 қазан жергілікті уақыт 18.00-ге дейін кандидаттарды тіркеу аяқталады.Сайлау науқанына екі аудан бойынша барлығы 7 кандидат ұсынылды, оның ішінде 3-і - саяси партиялар, 4-і - өзін-өзі ұсыну тәртібімен.Орташа бәсекелестік 1 орынға 3,5 адамнан келді. Кандидаттардың ең көбі – 4 адам Шиелі ауданынан ұсынылды. Сырдария ауданында 3 кандидат құжат өткізді.Кандидаттардың орташа жасы 47 жас, ал ең жасы - 39 жаста, ең үлкені - 60 жаста. Үміткерлердің ішінде әйел азаматшалар жоқ.Кандидаттардың 4-уі мемлекеттік қызметкер, 2-уі қазіргі әкімдер және 1-уі бюджеттік сала қызметкері.Мамандығы бойынша 5-і - экономист, 1-і - заңгер және 1-і - құрылысшы.Ұсынылған 7 кандидаттың 6-ы тіркеліп, 1-уі өз өтініші негізінде кандидаттықтан алынып тасталды.10 қазан жергілікті уақыт 18-00-ден кейін кандидаттар үшін үгіт кезеңі басталады. Бұл ретте кандидаттардың өз сайлау қорлары болмайды. Олар арнайы белгіленген шығыстар шеңберінде жұмыс жасай алады.

Аудан әкімі болуға үмітті 6 кандидат тіркелді

<a href="https://kyzylorda-news.kz/">Kyzylorda-news.kz.</a>&nbsp; Бүгін «AMANAT» партиясы Қазалы аудандық филиалының кезектен тыс XLII конференциясы өтті.Іс-шараға арнайы партияның облыстық филиалының төрағасы, Наурызбай Байқадамов, сондай-ақ партия филиалының Саяси кеңесі мен Саяси кеңесі Бюросы мүшелері, партия ардагерлері мен белсенділері, фракция мүшелері, БПҰ және «Жастар Рухы» жастар қанатының өкілдері қатысты.Конференция жұмысын аудандық партия филиалының Атқарушы хатшысы Нұрғиса Жалғасбаев ашып, күн тәртібіндегі бірінші мәселе «AMANAT» партиясы Қазалы аудандық филиалының төрағасын сайлау бойынша осы уақытқа дейін партия филиалының төрағасы қызметін атқарған Бақытжан Дүзелбайұлына алғыс білдіріп, партия филиалының жаңа төрағасы лауазымына аудандық мәслихат төрағасы Әліш Ғазиз Әлмәмбетұлының кандидатурасын ұсынды. Делагаттар тарапынан ұсыныс ашық дауыс беру арқылы қолдау тауып, партия филиалының төрағасы болып Ғазиз Әлмәмбетұлы сайланды. Өз кезегінде сөз алған жаңа төраға аманаттықтардың өзіне артқан сенімдеріне зор ризашылығын білдіріп, бірлесе жұмыс жасауға шақырды.Сонымен бірге жиын барысында партия филиалының облыстық мәслихат депутаты Ибайдулла Тілеп партияластар атынан құттықтау сөз сөйлеп, филиал төрағасының алдағы жұмыстарына сәттілік тіледі.Конференция жұмысында қаралған екінші мәселе бойынша партия филиалы Саяси кеңесінің құрамы делегаттардың ашық дауыс беру нәтижесі бойынша жаңартылды. Сондай-ақ жиында 2023 жылдың 6 тамызында өтетін Шәкен ауылдық округі әкімінің сайлауына партия атынан үміткер ұсынылды.Мұнан соң жиын Саяси кеңестің кеңейтілген отырысымен жалғасып, Саяси кеңес пен Саяси кеңес Бюросы құрамына өзгерістер енгізілді.Жиын қорытындысы бойынша сөз алған облыстық партия филиалының төрағасы Наурызбай Сейітқалиұлы партия филиалы төрағасы қызметін атқарған Бақытжан Дүзелбайұлына облыстық партия филиалының «Алғыс хатын» табыстап, атқарған жұмыстары үшін ризашылығын білдірсе, жаңа сайланған төрға жұмысына сәттілік тіледі.<blockquote>«Біз партияға жүктеліп отырған жаңа талаптарды зор сенім әрі жауапкершілік деп қабылдап, артылған міндеттерді белсенді де, бірге жүзеге асыруымыз қажет. Ең бірінші кезектегі міндетіміз - партияның саяси Тұғырнамасы мен Сайлауалды бағдарламасында айқындалған еліміз бен аймағымыздың табысты дамуына бағытталған міндеттерді бірлесе де белсенді атқару. Халық аманаты мен сеніміне адал болып, Тәуелсіздігіміздің тұғырлы, елдігіміздің ғұмырлы болуы мен мемлекетіміз бен аймағымыздың қарқынды дамуы бағытындағы жұмыстарды белсенді жүргізу » - деген облыстық партия филиалының төрағасы аманаттықтарды бірлесе жұмыс жасауға шақырды.</blockquote><figure class="image"><img src="https://knadmin.beoblood.kz/uploads/347636317_666795458819427_6095970138917807845_n_fc2a211820.jpg" alt="347636317_666795458819427_6095970138917807845_n.jpg"></figure>&nbsp;

«AMANAT» партиясы Қазалы аудандық филиалының кезектен тыс XLII конференциясы өтті

<a href="https://kyzylorda-news.kz/">Kyzylorda-news.kz.</a>&nbsp; Өзбекстанның қазіргі президенті Шавкат Мирзиёев кезектен тыс президент сайлауында 87,5 пайыз дауыс жинап, жеңіске жетті, - деп хабарлайды Gazeta.uz.Орталық сайлау комиссиясының төрағасы Зайниддин Низамхожаев сайлаудың алдын ала нәтижелерін Ташкентте өткен брифингте мәлім етті. Ол 13 миллион 625 мың 55 адам дауыс берген Шавкат Мирзиеевтің президент болып сайланғанын жариялады."Адолат" (Әділет) социал-демократиялық партиясынан ұсынылған Робахон Махмудова 4,43 пайыз дауыс жинады - оған 693 634 адам дауыс берді.Халықтық демократиялық партияның кандидаты және оның жетекшісі Ұлықбек Иноятов 4,2 пайыз дауыс жинады - 629 мың 116 адам.Өзбекстанның Экологиялық партиясынан үміткер Абдушукур Хамзаев 3,74 пайыз дауыс жинады - 585 711 адам.<blockquote>"Сайлау халықаралық нормалар мен стандарттар мен ұлттық сайлау заңнамасы негізінде ашықтық, жариялылық, еркіндік пен әділдік сияқты демократиялық қағидаттарға толық сәйкес өтті", - деді ол.</blockquote>2016 жылы 4 желтоқсанда өткен сайлауда Шавкат Мирзиёев 87,73 пайыз, 2021 жылы 24 қазанда 80,12 пайыз дауыспен жеңіске жеткені атап өтілді.&nbsp;

Мирзиёев үшінші мерзімге Өзбекстан президенті болып сайланды

<a href="https://kyzylorda-news.kz/">Kyzylorda-news.kz.</a>&nbsp; Президент Қасым-Жомарт Тоқаев ертең Түркістан қаласында Ұлттық құрылтайдың екінші отырысын өткізеді. Бұл туралы <a href="https://t.me/aqorda_resmi/9489">Ақорда</a> хабарлайды.Еске салайық, Ұлттық құрылтайдың алғашқы отырысы былтыр 16 маусымда Ұлытау облысында <a href="https://www.inform.kz/kz/prezident-kuryltay-belgili-bir-adamdar-gana-bas-kosatyn-zher-emes_a3945311">өткен болатын.</a>Құрылтай барлық облыстың, сан түрлі саланың, әр буынның өкілдерін қамтиды. Мұнда азаматтық ұстанымы бар орта буынның тәжірибесі, жаңаша ойлайтын жастардың тың идеялары ортаға салынады.Жиында сөз сөйлеген Мемлекет басшысы келесі басқосуды киелі Түркістанда өткізуді <a href="https://www.inform.kz/kz/kasym-zhomart-tokaevtyn-ulttyk-kuryltayda-soylegen-sozinin-tolyk-matini_a3945317">ұсынған еді. </a>«Құрылтайдың әр аймақта өтуі сол өңірдің дамуына серпін береді. Оның мүшелері әр жолы бір өңірдің тыныс-тіршілігімен танысады», - деді Қ.Тоқаев.

Ертең Президенттің қатысуымен Ұлттық құрылтай отырысы өтеді

<a href="https://kyzylorda-news.kz/">Kyzylorda-news.kz.</a>&nbsp; Сенатор Руслан Рүстемов Қызылорда облысының мұнай экспортының квотасын ұғайтуды ұсынған болатын. Бүгінде күрмеулі мәселенің түйіні қалай тарқатылып жатқаны туралы Руслан Рүстемов өзінің Facebook әлеуметтік парақшасында жариялады.&nbsp;<blockquote>&nbsp;Сенаттың осы жылғы 27 сәуірде өткен пленарлық отырысында Қызылорда облысына бөлінген мұнай экспорты квотасын 20%-тен 50%-ке ұлғайту мүмкіндігін қарау жөнінде Премьер-Министрдің атына депутаттық сауалымды жолдаған болатынмын (толық мәтіні жеке парақшамда жарияланған).&nbsp; Депутаттық сауалда Қызылорда облысында мұнай өндіру көлемінің төмендеу үрдісі байқалғанына және соңғы 8 жылда мұнай өндіру 60%–ке қысқарғанына сілтеме жасадым, – дейді Қазақстан Республикасының Мәжіліс депутаты Руслан Рүстемов.</blockquote>Сондай-ақ, Сырдағы мұнай өндіруші компаниялар мұнай өнімдерінің 80% ішкі нарыққа экспорттан 2 есе төмен бағаға, қалған 20% ғана экспортқа өткізетінін, «Кеңкияқ-Атырау» реверсі жобасы іске қосылғанымен Қызылорда облысының жер қойнауын пайдаланушыларының ішкі нарыққа мұнай жеткізу жүктемесін 80%-тен 50%-ке дейін төмендетуге мүмкіндік берілмей отырғанын, Энергетика министрлігі Қызылорда облысында мұнай көлемінің сарқылуына байланысты квотаны ұлғайтудың мүмкіндігі жоқ екендігін алға тартып отырғандығын көрсеткен едім. Осы ұстанымның салдарынан өңірдегі мұнай өндіруші компаниялар және олардағы сервистік мекемелердің тарифі соңғы 10 жылда индекстелмеген.<blockquote>&nbsp;Аталған депутаттық сауалымда көрсетілген түйткілді мәселе Үкімет тарапынан егжей-тегжейлі қаралып, менің атыма тиісті жауап жолданды, – дейді ол.</blockquote>Жауап мәтінінде 2021 жылы аяқталған «Кеңқияқ-Атырау» мұнай құбырының реверсі Атырау және Маңғыстау облыстарының кен орындарынан жеткізілімдерді ұлғайту есебінен Қызылорда және Ақтөбе облыстарының жер қойнауын пайдаланушыларынан ішкі нарыққа мұнай жеткізу үлесінің теңгерімсіздігін төмендетуге мүмкіндік беретіні айтылған.Нәтижесінде Қызылорда облысының жер қойнауын пайдаланушыларының ішкі нарыққа мұнай жеткізу көлемі бойынша жүктеме коэффициенті 2020 жылғы 84,7%-дан ағымдағы жылдың 1-тоқсанының қорытындысы бойынша 72%-ға дейін жоспарлы түрде төмендегені көрсетілген.Яғни, Энергетика министрлігі тарапынан «ҚазМұнайГаз» АҚ және «СНПС» АҚ-мен бірлесіп «Кеңқияқ-Атырау» мұнай құбырларының өткізу қабілетін 6 млн. тоннадан 12 млн. тоннаға дейін және «Кеңқияқ-Құмкөл» мұнай құбырларының өткізу қабілетін 10 млн. тоннадан 15 млн тоннаға дейін одан әрі кеңейту мәселелері пысықталуда екені, бұл болашақта жоғарыда аталған теңгерімсіздікті қысқартуға ықпал ететіні көрсетілген (осы жобаларды 2027-2028 жылдары іске асыру жоспарлануда).Үкімет тарапынан бұл ретте, мұнай өнімдерінің тапшылығына жол бермеу елдің энергетикалық қауіпсіздігін қамтамасыз ету жөніндегі стратегиялық міндет, ал мұнайды ішкі нарыққа жеткізу оны іске асырудың басым бағыты болып табылатыны нақты атап көрсетілген. Осыған орай, Үкімет қазіргі жағдайда Қызылорда облысының жер қойнауын пайдаланушылары үшін мұнай экспортының квотасын ұлғайту мәселесін қарауға әлі ерте деп пайымдайды.&nbsp;Сонымен қатар жауап хатта Үкімет ішкі нарыққа мұнай жеткізуді ынталандыру және жер қойнауын пайдалану саласындағы жаңа жобаларды іске асыру үшін жағдайлар жасау жөнінде шаралар қабылдайтыны айтылған. Өткен жылдың желтоқсан айында «мұнай өнімдерінің жекелеген түрлерінің өндірісі мен айналымын мемлекеттік реттеу туралы» заңға түзетулер қабылданғаны, бұл түзетулер мұнай өнімдерін өткізу кезінде өнімсіз делдалдарды жоққа шығаруды көздейтіні де көрсетілген. Енді мұнай өндіруші ұйымдар өңделетін мұнай өнімін мұнай өңдеу зауыттарына дербес жеткізе алады.Ағымдағы жылдың сәуір айыннан бастап бензин мен дизель отынының шекті бөлшек сауда бағасының ұлғаюы ішкі нарыққа мұнай жеткізудің экономикалық тартымдылығын арттырады делінген.Сондай-ақ, «Газ және газбен жабдықтау туралы» Заңға жер қойнауын пайдаланушылардан газ сатып алу бағасының жаңа формуласын енгізу бойынша түзетулер енгізілгені, оған сәйкес баға экспорттық (70%) және ішкі (30%) бағалар негізінде қалыптастырылатыны көрсетілген.Жауап хатта Сыр бойында жаңа мұнай қорын барлау мәселелеріне маңыз берілген. Атап айтқанда, Қызылорда облысының шикізат базасын молықтыру мақсатында «ҚазМұнайГаз» АҚ перспективалы Торғай палеозой учаскесінде іздеу ұңғымасын бұрғылауды жоспарлағаны, Ақсай Южный кен орнын өнеркәсіптік пайдалануға енгізу жүзеге асырылғаны, Шығыс және Орталық керуен жер қойнауы учаскелері бойынша аукцион арқылы жеңімпаздар анықталғаны көрсетілген.Демек, жоғарыда көрсетілген шаралар өңірдің мұнай-газ секторын дамытуға қосымша серпін әкелері, халықты жұмыспен қамтуға мүмкіндік берері анық.

Сыр мұнайы: Күрмеулі мәселенің түйіні қалай тарқатылады? 

<a href="https://kyzylorda-news.kz/">Kyzylorda-news.kz.</a>«AMANAT» партиясы Орталық аппаратының келісімімен партияның Қызылорда қалалық филиалының Атқарушы хатшысы лауазымына Мұсаева Гүлшат Исақызы тағайындалды.Гүлшат Исақызы 1967 жылы 29 қазанда Оңтүстік Қазақстан облысы, Сарыағаш ауданында дүниеге келген.&nbsp;Қазақтың Еңбек Қызыл Ту орденді ауылшаруашылық институты, Қорқыт Ата атындағы Қызылорда мемлекеттік университеті, Қазан мемлекеттік аграрлық университетінің түлегі. Экономика ғылымдарының магистрі.Еңбек жолын, 1984 жылы Жаңақорған ауданы, «Өзгент» күріш совхозы №3 бригадасында күрішші болып бастаған.&nbsp; 1989-1990 жылдары «Өзгент» күріш совхозы комсомол комитетінің хатшысы.1990-1994 жылдары Қызылорда облыстық өлкетану музейінің қараушысы, ғылыми қызметкері.1994 жылдан бүгінге дейін Қорқыт Ата атындағы Қызылорда университетінде оқытушысы, аға оқытушы қызметтерін атқарып келді. Таныстыру рәсіміне партияның облыстық филиалының Атқарушы хатшысының орынбасары Алтынбек Жарылқасынов, партияның қалалық филиалының төрағасы Ибадулла Құттықожаев, қалалық мәслихаттағы депутаттық фракция мүшелері, бастауыш партия ұйымдарының төрағалары, партия ардагерлері мен белсенділері қатысып, өз пікірлерін білдірді.&nbsp;Гүлшат Исақызы ұзақ жылдар бойы жоғары білім мен ғылым саласында жемісті еңбек етті. Партияның праймеризіне, облыстық деңгейдегі мәслихаттардың сайлауына қатысып, өзін жан-жақты көрсетті. Алдағы уақытта партия филиалының алдындағы міндеттерді жүзеге асыруға барлық білімі мен біліктілігін, өмірлік және қызметтік тәжірибесін көрсетеді деп сенім білдіреміз», - деді партияның облыстық филиалы Атқарушы хатшысының орынбасары Алтынбек Жарылқасынов.Өз кезегінде сөз алған партияның қалалық филиалының төрағасы Ибадулла Құттықожаев Гүлшат Исақызының қалалық мәслихаттың VII шақырылымында депутат болып сайланып, бірқатар өзекті сауалдарды көтеріп, өзі сайланған округтің мәселелерін шешуге атсалысқанын тілге тиек етіп, алдағы уақытта партияның қалалық филиалының жұмысын одан әрі жандандырып, абыройлы қызмет атқаратынына сенім білдірді.Жиында ардагерлер атынан Сайлаубай Әбішев пен Нысанбай Құрманғазиев партияның қалалық филиалының Атқарушы хатшысына сәттілік тілеп, қазақы дәстүр бойынша ақ батасын берді.

«AMANAT» партиясы Қызылорда қалалық филиалының жаңа атқарушы хатшысы тағайындалды

<a href="https://kyzylorda-news.kz/">Kyzylorda-news.kz.</a> 2023 жылғы 4 маусымда өткен Арал ауданының Жаңақұрылыс және Құланды ауылдық округтері әкімдерінің сайлауы заң талаптарына сай ұйымдастырылып, қорытындыланды.Құрылған сайлау округтері бойынша сайлаушылар тізіміне барлығы 675 адам енгізілген, оның ішінде Жаңақұрылыс сайлау округінде 408 адам, Құланды сайлау округінде 267 адам. Дауыс беруге қатысқан сайлаушылар саны 584 адам, оның ішінде Жаңақұрылыс сайлау округінде 324 адам, Құланды сайлау округінде 260 адам.Есептен шығару куәліктері бойынша дауыс бергендер жоқ, дауыс беру жайынан тыс жерде дауыс бергендер – 17 адам, оның ішінде Жаңақұрылыс сайлау округінде - 13, Құланды сайлау округінде – 4. Жарамсыз деп танылған бюллетень саны – 9, оның 9-ы Жаңақұрылыс сайлау округінде.Ауылдық округ әкімінің кандидаттығына 7 адам ұсынылып, 7-і сайлау бюллетеньдеріне енгізілді, оның ішінде Жаңақұрлыс сайлау округі бойынша – 4, Құланды сайлау округі бойынша – 3.Дауыс беру қорытындысымен Жаңақұрылыс ауылдық округінің әкімі болып Елшекенов Елнұр Бекназарұлы сайланды.1996 жылы туған, ұлты қазақ, «Қожағұл Ата» шаруа қожалығының төрағасы, Жаңақұрылыс ауылдық округінде тұрады. Өзі-өзін ұсынған.Құланды сайлау округінде дауыс беру қорытындысымен ауылдық округ әкімі болып Ғабиболатов Сұлтанбек Ғабиболатұлы сайланды.1984 жылы туған, ұлты қазақ, Арал аудандық қоғамдық даму бөлімінің бас маманы, Арал қаласында тұрады, «АMANAT» партиясының мүшесі, өзі-өзін ұсынған.Жоғарыда көрсетілген әкімдер сайлауының нәтижелері туралы ақпарат Арал аудандық сайлау комиссияларының интернет-парақшаларында орналастырылды және жергілікті бұқаралық ақпарат құралдарында жарияланады.

Жаңақұрылыс және Құланды ауылдық округтерінің әкімі сайланды

<a href="https://kyzylorda-news.kz/">Kyzylorda-news.kz.</a>&nbsp; Президент 31 мамыр – Саяси қуғын-сүргін және ашаршылық құрбандарын еске алу күніне орай <a href="https://twitter.com/tokayevkz">Twitter</a>-де арнайы жазба жариялады.<blockquote>«Біз бүгін саяси қуғын-сүргін және ашаршылық құрбандарын еске аламыз. Тоталитаризмнің бұл қырғыны халқымызға орасан зор қасірет әкелді. Тарихымыздың қайғылы кезеңдерін терең зерделеп, жазықсыз жапа шеккен боздақтарды ақтау ісін жалғастыру – өте маңызды мәселе», – деп жазды Қасым-Жомарт Тоқаев Twitter-де.</blockquote>Президенттің пікірінше, азалы күндерден сабақ алып, мұндай нәубеттің келешекте қайталануына жол бермеу – баршамызға ортақ парыз. Біз ауыр сынаққа төтеп берген, ұлт бірлігін сақтап қалған және асыл қасиеттерін жоғалтпаған ата-бабамыздың үмітін ақтауымыз қажет. &nbsp;

Президент: Біз ұлт бірлігін сақтап қалған ата-бабамыздың үмітін ақтауымыз қажет 

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Корея Республикасы Тэджон қаласының мэрі Ли Чан Ву мырзамен кездесуден кейін Тэджон ұлттық зиратына қайта жерленген генерал Хон Бом До мемориалына барып, тағзым етті. Бұл туралы облыс әкімінің баспасөз қызметі хабарлады.&nbsp;Хон Бом До – Кореяның азаттығы үшін күрескен бірегей тұлға. Генерал өмірінің соңғы жылдарын Қызылорда қаласында өткізгені белгілі. Туған жерінде батырдың ерлік даңқы ұмытылмаған. Ал Қызылорда қаласында Хон Бом Доның құрметіне мемориал тұрғызылған және қала көшелерінің бірі оның есімімен аталады.Қызылорда қаласында жерленген генерал Хон Бом До сүйегінің тарихи отанына қайтарылуы Қызылорда облысы мен Кореяның өңірлері арасындағы байланыстардың орнатылуына және дамуына зор серпін беруде.Облыс әкімі Нұрлыбек Нәлібаев және делегация мүшелері Тэджон қаласында орналасқан ұлттық зиратқа барып, «Отан үшін құрбан болған боздақтарға арналған мемориал» кешенінде болды. Генерал Хон Бом До зиратына Қызылорда халқының ыстық ықыласын білдіретін гүл шоқтарын қойды.Айта кетейік, Қызылорда облысының әкімі Нұрлыбек Нәлібаев бастаған делегация 23 мамыр күні Корея Республикасы Тэджон қаласының мэрі Ли Чан Ву мырзамен кездесті. Өзара байланыстарды одан әрі дамыту мақсатында тараптар келіссөз жүргізіп, екіжақты ынтымақтастықтың бағыттарын айқындады.Кездесу нәтижесінде Тэджон қаласының мэрі Ли Чан Ву мырза мен Қызылорда облысы әкімі Н.Нәлібаев өңірлер арасындағы байланысты өркендету үшін бауырластық қатынастар орнату туралы Меморандумға қол қойды.&nbsp;<figure class="image"><img src="https://knadmin.beoblood.kz/uploads/347408834_207885665469945_2623794832145049786_n_8c6b9ec908.jpg" alt="347408834_207885665469945_2623794832145049786_n.jpg"></figure>&nbsp;<figure class="image"><img src="https://knadmin.beoblood.kz/uploads/347226408_1720203748430573_3369852581451789421_n_ffb5f06e80.jpg" alt="347226408_1720203748430573_3369852581451789421_n.jpg"></figure>&nbsp;<figure class="image"><img src="https://knadmin.beoblood.kz/uploads/347233868_673015028169817_8694252392865109386_n_dc1513f2fb.jpg" alt="347233868_673015028169817_8694252392865109386_n.jpg"></figure>

Нұрлыбек Нәлібаев Хон Бом До мемориалына гүл шоқтарын қойды

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы облыстық филиалының Атқарушы хатшысы БАҚ өкілдеріне баспасөз мәслихатын өткізді. Онда сайлаудан кейінгі кезеңде партия филиалымен атқарылған жұмыстар туралы кеңінен айтылды.Партия филиалының Атқарушысы хатшысы партия алдындағы міндеттердің бірі сайлауда берген уәделердің іске асырылуы екенін айтты.<blockquote>Жалпы «AMANAT» партиясының Қызылорда облысы бойынша Сайлауалды бағдарламасы облыстық филиалдың конференциясында 2 ақпанда бекітілген. Бағдарламада аймақтың негізгі проблемалары мен басқа да өзекті мәселелерінің шешілу жолдары белгіленіп, 5 бағытқа топтастырылған. Оны іс жүзінде тиімді іске асыру үшін арнайы Жол картасы әзірленіп, 121 іс-шарадан тұратын Жол картада Сайлауалды бағдарламада көзделген барлық іс-шаралар мен көрсеткіштер ескерілген және әр жылға бөлінген. Қызылорда қаласы мен барлық аудандарды қамтылған. Әрбір шараның іске асыру уақыты мен жауапты орындаушысы және мәслихаттағы жетекшілік ететін фракция мүшесі де белгіленген»,- деді Атқарушы хатшы.</blockquote>Сайлауалды үгіт жұмыстары кезінде партия филиалына тұрғындардан 1223 ұсыныс-тілек түскен. Олардың 91-і республикалық қоғамдық қабылдау бөлмесі арқылы ҚР Парламенті Мәжілісіне жолданған. 210 ұсыныс партияның жаңа Жол картасына енгізілген. 456 ұсыныс қайталанбалы. Ал қалған ұсыныстар қоғамдық қабылдау мамандарымен бақылауға алынып, қосымша жұмыстар жасалуда. Жалпы мұнан бөлек, партияның айнасы болып табылатын қоғамдық қабылдау бөлмелерінде есепті кезеңде аумақтық филиалдармен барлығы 148, атқарушы органдармен 38 және 29 тақырыптық қабылдаулар өтіп, тұрғындардан түскен өтініштердің 58,5% оң шешілген. Қосшыңырау ауылдық округінде көшпелі қоғамдық қабылдау, Жаңақорған ауданының Өзгент және Қыркеңсе ауылдарында Мобильді қабылдаулар ұйымдастырылып, тұрғындарға «Ауыл аманаты» партиялық жобасы бойынша және тұрғындарды алаңдатқан өзге де сауалдарға түрлі басқармалар мен бөлімдер және заңгерлер кеңестер берілген. Биылғы жылға 16 мобильді қабылдау мен 25 мамыр күні жас мамандарды жұмыспен қамту және жастарға мемлекет тарапынан беріліп жатқан мүмкіндіктер бойынша арнайы Ашық есік күнін өткізу жоспарланып отыр.Партиялық бақылау комиссия өкілдерімен аймақтағы азық-түлік, дәрі-дәрмек және жанар май бағаларының тұрақтылығын қамтамасыз ету мақсатында 274 сауда нысанына, 115 дәріханаға, 105 жанар май құю бекеттеріне талдау жұмыстары жүргізілген. Мұнан бөлек Партиялық бақылау бекеттері орнатылған нысандарға ай сайын мониторинг жұмыстары жүргізілуде. Өткен жылы 25 нысанға бақылау бекеттері орнатылған болса, қазіргі таңда олардың 18 жұмыс атқаруда. Қалған нысандар пайдалануға берілді.Партиялық жобалар да аясында да ауқымды жұмыстар жүргізілуде. Мәселен, «Ауыл аманаты » жобасын іске асыру бойынша облысқа 2023 жылға 3,0 млрд. теңге қаржы бөлінді. Аймақ басшысының бастамасымен «Ауыл аманаты» жобасы аясында жеңілдетілген несиелендірумен облыстың барлық ауылдарын қамту мақсатында қосымша қаражат қарастыру жөнінде ҚР Ауыл шаруашылығы министрлігіне 19,5 млрд. теңгеге қосымша бюджеттік өтінім жолданды.«Жер аманаты» жобасы бойынша былтыр облыста 150 мың гектар қайтару көзделген болса, жоспар артығымен орындалып, көлемі 157,1 мың га болатын 256 жер учаскелері мемлекет меншігіне қайтарылған. Биыл да жоба аясында облыста 200 мың гектар заңсыз немесе пайдаланусыз жатқан жерлерді мемлекет меншігіне қайтару жоспарланған. Бүгінгі күні жоспар 34,6% орындалып, 69,2 мың гектар жер учаскелері қайтарылған. Партияның «Ардагерлерді ардақтайық», «Кедергісіз келешек», «Еңбек адамы», «Ұлттық мұра» жобалары аясында және партия жанындағы қоғамдық кеңестермен атқарылған жұмыстар ауқымды. Партия филиалымен облыс көлеміндегі кездесулер мен жиындардан бөлек республикалық деңгейдегі іс-шаралар да кезең- кезеңімен өткізілуде.Жалпы партия сайлаудан кейінгі кезеңде өз жұмысын күшейтіп қана қоймай, Сайлауалды бағдарламасында және алға қойған басқа да міндеттерге сай еңбек етіп, жұмысында жаңа қадамдар жасауда. Бүгінгі аталып отырған шаралар партия филиалдарымен жасалған жұмыстардың бір бөлігі ғана.<figure class="image"><img src="https://knadmin.beoblood.kz/uploads/347381815_1011376276496578_8460169447735469971_n_eea814ebb3.jpg" alt="347381815_1011376276496578_8460169447735469971_n.jpg"></figure>

«Жер аманаты»: Былтыр аймақта 256 жер учаскесі мемлекет меншігіне қайтарылған

<a href="https://kyzylorda-news.kz/">Kyzylorda-news.kz.</a> Сырдария ауданында «AMANAT» партиясы облыстық филиалы жанындағы «Жер аманаты» комиссиясының көшпелі отырысы өтті.Жиынға партияның облыстық филиалының және партия жанындағы облыстық «Жер аманаты» комиссиясының төрағасы Наурызбай Байқадамов, партия филиалының Атқарушы хатшысы Ләйлә Төрешова және комиссия құрамындағы депутаттар, сала мамандары және құзырлы органдар мен прокуратура өкілдері қатысты.Жер мәселесі қай уақытта да ең маңызды мәселелердің бірі. Оның ішінде заңсыз берілген жерлерді қайтару, ауыл тұрғындарына жетіспейтін жайылым жерлері және басқа да жер қатынастарды ретке келтіру бойынша «AMANAT» партиясы еліміз бойынша «Жер аманаты» жобасын іске қосып, түйткүлді мәселелердің шешілуіне мұрындық болуда.<blockquote>«Өткен жылы жоба аясында еліміз бойынша 5 млн га заңсыз алынған немесе пайдаланылмай жатқан жерлер мемлекет меншігіне алынса, біздің өңірде көлемі 157 мың 113,1 гектарды құрайтын 256 жер учаскесі мемлекет меншігіне қайтарылды. Оның ішінде көлемі 50 мың 879 гектар болатын 5 жер учаскесі сот шешімімен мәжбүрлі түрде өндірілді. Биыл жыл соңына дейін облыс бойынша пайдаланылмай жатқан 200 мың гектар жерді қайтару жоспарланған болатын. Бүгінгі күні 69,2 мың га қайтарылды. Сондықтан бұл жұмыстар күшеймесе бәсеңдемейді»,- деді жиын басында комиссия төрағасы Наурызбай Байқадамов.</blockquote>Биыл комиссия ауылдар маңындағы жайылым жерлерді қайтаруға баса мән бермек. Осы ретте, аймақтық комиссияның көшпелі отырысында «Сырдария және Жалағаш аудандарында «Жер аманаты» жобасының іске асырылу барысы туралы» аудан әкімдерінің есептері тыңдалып, жұмысты тиімді ұйымдастырудың жолдары талқыланды.Жиын барысында комиссия төрағасы өткен жылы мемлекет меншігіне қайтарылған ауыл шаруашылығы мақсатындағы жерлерді жайылымдық жерлерге мұқтаж елді мекен тұрғындарына мақсатты бөліп беруге арналған мониторинг картасының жүзеге асуын пысықтап, жұмысты жетілдіру бағытында нақты ұсыныстарды ортаға салды.

Қазақстан және Қызылорда облысының жаңалықтары: Саясат